اُو جیہڑے ایہنوں سُنن گے زندہ رہن گے

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایہہ آیت مستقبل وِچ قیامت دے بارے چہ گل نئیں کر رہئی اے۔ جیہدے بارے چہ 28 ویں تے 29 ویں آیت وِچ کہیا گیا اے۔ جی نئیں، ساڈی تلاوت نشاندہی کردی اے، اِک دوجے [طریقے نال] جی اُٹھن دے بارے وِچ، ایک ایہو جیہا عمل جیہڑا پہلاں توں ای ہو رہیا سی جدوں یسوع نے گل کیتی سی – نئے جنم دے خدا دی تحفے دے ذریعے توں گنہگاراں دا دوبارہ زندہ ہونا۔ ایس گل نوں ذہن وِچ رکھدے ہوئے، آؤ تلاوت دا انتہائی احتیاط دے نال معائنہ کریے:

’’میں تہانوں سچ سچ کہنا آں، اُو ویلہ آ رہیا اے بلکہ آ چُکیا اے جدوں مُردہ خداوند دے پُتر دی آواز سُنن گے تے اُوہنوں سُن کے زندہ رہن گے‘‘ (یوحنا5: 25)۔

I۔ پہلا طریقہ، ایس توں مُراد اُو گلاں نے جیہڑیاں پہلاں توں ای ہو رہیاں سن جدوں مسیح نے گل کیتی سی۔

اِسی عام طور تے ایس جملے دی عادت نال اپنے دماغ نوں ٹھیک کردے نے، ’’ویلہ آن آلا اے۔‘‘ ساڈا رُجحان اگلے چند لفظاں تے دمکن دا ہوندا اے، ’’تے ہُن اے۔‘‘ اینج کردے ہوئے اِسی لاشعوری طور تے پوری آیت نوں مستقبل وَل دھکیل دیہندے نے، ایہنوں مستقبل وِچ ہون آلی قیامت دی پیشن گوئی بنا دیہندے نے۔ لیکن ایہہ اُو نئیں ہو سکدا جیہدے بارے وِچ مسیح کہہ رہیا سی – کیوں جے اُوہنے کہیا ’’تے ہُن اے‘‘۔ اُو تین الفاظ سانوں وکھاندے نے کہ اُو کسی ایہو جئی گل دے بارے وِچ گل کر رہیا سی جیہڑی پہلاں ای توں ہو رہئی سی جیس ویلے اُو بول رہیا سی۔

نئے عہدنامے وِچ تین طریقے نے جِنہاں نے مسیح نے حیاتی دِتی۔ سب توں پہلاں، مسیح نے کُج لوکاں نوں جسمانی موت توں زندہ کیتا جدوں اُو زمین تے سی۔ اُوہنے لعزر نوں جسمانی موت توں زندہ کیتا۔ اُوہنے اِک نوجوان لڑکی تے اِک بیوہ دے پُتر نوں جسمانی موت توں زندہ کیتا۔ دوجا طریقہ، عالمگیر قیامت اے، جدوں مسیح سارے بنی نوع انسان نوں زندہ کرے گا۔ ایہدے ذکر 28ویں تے 29ویں آیت کیتا گیا اے۔ ’’حیاتی دے جی اُٹھن‘‘ توں مُراد ریپچر یعنی مسیح دی دوجی آمد تے ایمانداراں دا اُوہدے استقبال دے لئی مُردیاں وِچوں جی اُٹھنا تے آسمان تے بدلاں وِچ اُٹھایا جانا اے۔ ’’عذاب نازل کرن دی قیامت‘‘ توں مُراد آخری عدالت توں پہلاں کھوئے ہوئے لوکاں دا جی اُٹھنا اے۔ مسیح مستقبل وِچ ایہناں سارے لوکاں نوں زندہ کرے گا جیہڑے جسمانی طور تےمر چکے نے۔ ایہہ دوجا طریقہ اے کہ مسیح مُردیاں نوں، جسمانی طور تے، مستقبل وِچ زندہ کردا اے۔ لیکن ساڈی تلاوت اِک ہُور [طرح نال] مُردیاں وِچوں جی اُٹھن وَل اشارہ کردی اے، تے اُو اَج شام دا میرا موضوع اے۔

’’میں تہانوں سچ سچ کہنا آں، اُو ویلہ آ رہیا اے ’’بلکہ آ چُکیا اے‘‘ جدوں مُردہ خداوند دے پُتر دی آواز سُنن گے تے اُوہنوں سُن کے زندہ رہن گے‘‘
(یوحنا5: 25)۔

’’اُو ویلہ آ رہیا اے بلکہ آ چکیا اے۔‘‘ بالکل اُوسی ویلے یعنی اُوسی دور وِچ مسیح مُردیاں نوں زندہ کر رہیا سی۔ اُو اُوہناں نوں جیہڑے مُردہ سن روحانی حیاتی بخش رہیا سی۔

24 ویں آیت پر نظر پاؤ۔ غور کرو کہ حیاتی دا بخشا جانا فعل حال وِچ اے۔

’’میں تہانوں سچ سچ کہنا آں، جیہڑا کوئی میرا کلام سُن کے میرے پیہجھن آلے تے ایمان لیہیاندا اے ہمیشہ دی حیاتی اُوہدی اے تے اُوہدے تے سزا دا حکم نئیں ہوندا بلکہ اُو موت توں بچ کے حیاتی نال جا رلدا اے۔‘‘

اُو لمحہ جدوں اِک شخس مسیح دا کلام سُنندا اے تے اُوہدے تے پروہسا کردا اے، اُوہدے کول ہمیشہ دی حیاتی آ چکی ہوندی اے، تے ’’موت توں حیاتی وِچ منتقل ہو جاندا اے۔‘‘ پس آیت 24 وِچ واضح اے کہ مسیح ایہناں لوکاں نوں روحانی حیاتی دیہندا اے جیہڑے روحانی طور تے مر چکے نے۔

’’ویلہ آ رہیا اے، بلکہ آ چکیا اے۔‘‘ اُو ویلہ پینتیکوست دے موقع دے علاوہ اعمال دی ساری کتاب وِچ چھیتی ای حیات نو دی عظیم لہراں وِچ آئے گا جدوں مسیح اُوہناں لوکاں نوں روحانی حیاتی بخشے گا جیہڑے روحانی طور تے مر چکے سن۔ لیکن اُو پہلاں ای ایہناں لوکاں دی حیاتیاں وِچ اینج کر رہیا سی جیہڑے اُوہدے تے پروہسا کردے سن – ’’بلکہ ہُنے کر رہیا اے۔‘‘ اُو پہلاں ای ایہناں لوکاں نوں حیاتی دے رہیا سی جِنہاں نے اُوہدے آواز سُنی سی۔

II۔ دوجا طریقہ، ایس توں مُراد مُردیاں دا روحانی طور تے مسیح دی آواز نوں سُننا اے۔

’’… جدوں مُردہ خداوند دے پُتر دی آواز سُنن گے تے اُوہنوں سُن کے زندہ رہن گے‘‘ (یوحنا5: 25)۔

ڈاکٹر جان آر رائس Dr. John R. Rice نے کہیا کہ ایس توں ’’مُراد ویلے دے اُو سارے ادوار نے جیس ویلے توں یسوع نے [ایس گل نوں] کہیا اے، جدوں گنہگار مسیح دی آواز نوں سُنندے سن، اُوہدے تے پروہسا کردے تے ہمیشہ دی حیاتی پاندے سن‘‘ (جان آر رائس John R. Rice, D.D., Litt.D.,، یوحنا دے مطابق انجیل تے تبصرہ Commentary on the Gospel According to John، سورڈ آف دی لارڈSword of the Lord، 1976، صفحہ 122)۔ یوحنا 5: 25 اُوس ویلے دے مذہبی نظام دے دوران لوکاں دے لئی نجات پان دی راہ وَل نشاندہی کردی اے۔

لیکن غور کرو کہ ایہہ کہندی اے، ’’جدوں مُردہ خداوند دے پُتر دی آواز سُنن گے تے اُوہنوں سُن کے زندہ رہن گے۔‘‘

’’تے تُسی، اپنے گناہواں وِچ مُردہ ہو کے‘‘ (کُلسیوں 2: 13)۔

’’قصوراں تے گناہواں وِچ مُردہ‘‘ (افسیوں 2: 1)۔

’’قصوراں وِچ مُردہ‘‘ ہون دا کیا مطلب ہوندا اے؟ ساڈی تلاوت توں تعلق رکھدے ہوئے، بہت عظیم بپٹسٹ تبصرہ نگار ڈاکٹر جان گل Dr. John Gill نے کہیا،

مُردیاں توں مُراد ایہنج دے لوکی نے جیہڑے قصوراں تے گناہواں وِچ مُردہ نے؛ جیہڑے خدا توں جُدا ہو چکے نے، خدا دی حیاتی توں لاتعلقی کر چکے نے، تے جِنہاں وِچ خدا دی شبیہہ مسخ ہو گئی اے: جیہڑے اپنی روح دی ساری طاقتاں تے صلاحیتاں وِچ مر چکے نے، اُوہناں دے لئی جیہڑے روحانی طور تے چنگے نے؛ پر روحانی سانس، احساس، فہم تے حرکت دے بغیر نے (جان گل، ڈی ڈی، نئے عہد نامہ دی اِک تاویل و تفیسرAn Exposition of the New Testament، دی بیپٹسٹ اسٹینڈرڈ بیئررThe Baptist Standard Bearer، 1989 دوبارہ پرنٹ، جلد اول، صفحہ 303)۔

ڈاکٹر جان میک آرتھر Dr. John MacArthur بے شک دائمی لہو تےغلط نے، لیکن ایتھے دُرست نے جدوں اُو نشاندہی کردے نے کہ گمراہ ہوئے لوکی ’’اپنے گناہ توں بھرپور اعمال دی وجہ توں جیہڑے اُوہناں توں ہو چکے نے مُردہ نئیں نے بلکہ اپنی گناہ توں بھرپور فطرت دی وجہ توں مُردہ نے، حوالہ ویکھو متی12: 35؛ 15: 18، 19‘‘ (میک آرتھر مطالعۂ بائبل The MacArthur Study Bible، افسیوں2: 1 تےغور طلب گل)۔

ایہہ ای گمراہ ہوئے ہر شخص دی ہولناک حالت اے۔ تُسی گناہ وِچ مُردہ اُو۔ تُسی اپنی انتہائی فطرت وِچ قہر دے بچے اُو۔

میں کدی کسی نوں کہندے ہوئے سُنیا سی، ’’اُو یقین رکھدے نے کہ گمراہ ہوئے لوکی مُردہ ہوندے نے! حقیقت وِچ مُردہ – جیویں لعزر سی۔‘‘ اُو پنج نکاتی کیلوِنسٹاں دے بارے وِچ گل کر رہیا سی۔ اُو جانندا سی کہ میہنوں کیلوِنسٹ اِزم دے دوجے، تیجے تے چوتھے نکتے نال شدت دے نال اختلاف سی، لہٰذا، اُوہنے میرے وَل ویکھیا تے کہیا، ’’اُو یقین رکھدے نے کہ تُسی واقعی چہ مُردہ اُو – لعزر وانگوں۔‘‘ میں کُج نہیں کہیا، کیوں جے نامناسب لگدا۔ لیکن میہنوں ایہہ گل کہنی چائیدی اے کہ میں پہلے نکتے نال مکمل طور تے اتفاق کرنا آں کہ گمراہ ہوئے لوکی گناہ وِچ مکمل طور نال مر چکے نے تے فطرت چہ قہر دے بچے نے۔ ایہہ ای اُو گل اے جیس دی تعلیم بائبل واضح طور تے دیہندی اے۔

ساڈی تلاوت وِچوں منادی کردے ہوئے، سپرجئین نے نشاندہی کیتی کہ روحانی طور تے مُردہ لوکی پُھلاں دے باغاں وِچوں لنگ سکدے نے یا پہاڑ تے چڑھ سکدے نے تے فطرت دے شاندار عجائبات نوں ویکھ سکدے نے، پر خدا دے بارے وِچ نئیں سوچ سکدے۔ روحانی طور تے مُردہ لوکی گرجا گھر وِچ آ سکدے نے – وریاں تیکر – تے واعظاں دا ایہناں تے کوئی اثر ہوئے بغیر خوشخبری دی منادی سُن سکدے نے۔ سپرجئین نے کہیا،

ایہہ کینج ہو سکدا اے؟ کیوں، کیوں جے اُو شخص مُردہ اے … اُو شخص مُردہ اے، حضرات – مُردہ۔ ایس دے علاوہ، فطری انسان تے دائمی گلاں دے لئی مُردہ ہوندا اے۔ اُو زمانے دیاں گلاں دے بارے وِچ کیس قدر ہوشیار اے – ایہناں دی اقدار نوں سمجھن وِچ کیس قدر تیز اے تے جے اُو اُوہناں نوں گرفت وِچ کرن دی چھیتی وِچ اے تے کر سکدا اے! لیکن افسوس! صحائف وِچ خدا جیہڑے دائمی حقائق آشکارہ کر چکیا اے انسان نہ ای تے اُوہناں دے بارے وِچ سُنن دی پرواہ کردا اے تے نہ ای اُوہناں نوں سُنندا اے، کی اُو اُوہدی روح وِچ کوئی خواہش اُبھاردے نے… سانوں ایہہ گل تہانوں دسنی پیہندی اے کہ اِک ہولناک جہنم اے جیس وِچ بدکاراں تے مردے ہوئے پشیمان لوکاں نوں جھونکا جانا چائیدا اے؛ ایہہ کیویں ممکن ہو سکدا اے کہ لوکی سچائی نال ایس قدر بھرپور تے ایس قدر بھیانک موضوع دے ذریعے توں جھنجھوڑے نئیں گئے نے؟ کیوں جے اُو مُردہ نے۔ اُو ایس حد تیکر تے جاگے ہوئے سن کہ جے اُوہناں دے گھراں وِچ اَگ لگ جائے تے اُو ڈردے سن کہ کِدرے خود شاید اُوس فطری عنصر دے نال نہ جل جان؛ ایہدے باوجود اُو روحانی خطرہ، جِنہوں قدرے کِدرے بوہتا سمجھا گیا اے اُوہناں نوں بیدار نئیں کردا – کیوں جے اُو ایہدے لئی مُردہ نے۔ کئی دوجے موقعیاں تے جنت دے بارے وِچ گلاں کرنا، اپنی تمام تر جگمگاتی چمکاہٹ دے نال شہر دے جواہراتی پھاٹک دی عکاسی کرنا تے اُوہدے وِچ رہن آلے سارے بابرکت لوکاں دے بارے وِچ گلاں کرنا جیہڑے اُوس جلالی بادشاہ دے نور وِچ چلدے نے تے پُریقین نے کہ ایہہ کافی اے … سرد سنگِ مرمر نوں حدت نال گرما دین دے لئی۔ لیکن جی نئیں، کوئی گل لوکاں دی سمجھ وِچ نئیں آئی۔ زمین دی کوئی چھوٹی جیہئی خوشی اُوہناں دی بھوک نوں کِدرے چھیتی مٹا دے گی۔ صحائف وِچ آشکارہ کیتی گئی روحانی جنت دے لئی ایس ای وجہ توں ایہہ لوکی سرے توں ای مُردہ نے، تے ایس گل دی پرواہ وی نئیں کردے۔ ہائے! حضرات، ایہہ افسوس دی گل اے، ایہہ انتہائی افسوس دی گل اے کہ لمحہ بہ لمحہ ودھدے ہوئے سایوں دے لئی سانوں چاک و چوبند ہونا چائیدا اے، جبکہ ضرورت توں بوہتی وڈھی ہوئی ٹھوس جمالیاتی حقیقتاں دے لئی سانوں چین دی نیند سونا چائیدا اے؛ کہ بیچاری دو کوڑی دی شیواں تے بچیاں وگری ایس فانی حالت دی شیخیاں تے مسحور و مدہوش ہون دے اَسی پیچھے پیہئے ہوئے آں جدوں کہ دائمی دُنیا دی ٹھوس خوشیاں تے دائمی لذتاں دے لئی اَسی کوئی خواہش ظاہر نئیں کردے! ایہہ، فیر توں، روحانی موت دا نشان اے … اُو مُردہ نے؛ جی ہاں خود مسیح دے لئی اُو مُردہ نے جدوں کہ اُوہنوں منادی کیتی جا چکی اے – مسیح جیہڑا خدا دا بیٹا اے، کنواری دا بچہ اے، جیہڑا متکبرانہ نجات دہندہ اے، جیہڑا اُبھردا ہویا فاتح اے، جلالیت دا تاج پائے ہوئے اُو اعلیٰ تے ارفع بادشاہ – کیوں خدا دے لوکی اُوہدے بارے وِچ سُن کے خوش ہوندے نے۔ یسوع دے ناں دا لطف زخم تے مرہم لگان وگرا اے۔ جدوں کہ قدرتی انسان دے سامنے نجات دہندہ نوں ظاہر کرن نال اُو کُج وی حاصل نئیں کر پاندا۔ اُو کیویں پا سکدا اے؟ اُو مُردہ اے، قصوراں تے گناہواں وِچ مُردہ… اُو بہترین قدرتی انسان … اُوہدے وِچ پاویں جسی مرضی قسم دا نور ہووے، اُو نور جیہڑا خدا دے نال، روحانی دُنیا دے نال، جیہڑا آن آلی دُنیا نال نمٹدا اے اُوس وِچ نئیں ہوندا۔ اُو ایہناں ساریاں گلاں توں بے حس یا غافل ہوندا اے، ایہناں دے نال ایہدی کوئی رفاقت نئیں ہوندی۔ اُو مُردہ ہوندا اے تے بدکاری دے لئی اِک شکار ہوندا اے (سی ایچ سپرجئین C. H. Spurgeon، ’’بشر دا بیدار ہونا The Soul’s Awakening‘‘، میٹروپولیٹن عبادت گاہ دی واعظ گاہ توں The Metropolitan Tabernacle Pulpit، پِلگرِم اشاعت خانے Pilgrim Publications، دوبارہ اشاعت1979، جلد 60، صفحات 28۔29)۔

قصوراں تے گناہواں وِچ مُردہ۔ فطرت وِچ قہر دے بچے۔

’’کوئی سمجھدار نئیں، کوئی خدا دا طالب نئیں۔ سارے دے سارے گمراہ ہو گئے نے اُو کسی کام دے نئیں رئے۔ کوئی نئیں جیہڑا بھلائی کردا ہووے، نئیں، اِک وی نئیں‘‘ (رومیوں 3: 11۔12)۔

جیہڑا سانوں ساڈے آخیرلے نکتے تیکر لے آندا اے۔

III۔ تیجا طریقہ، ایس توں مُراد بیدار ہونا تے نیا جنم پانا اے۔

’’…جدوں مُردہ خداوند دے پُتر دی آواز سُنن گے تے اُوہنوں سُن کے زندہ رہن گے‘‘ (یوحنا5: 25)۔

جدوں اِک مُردہ بشر حیاتی وَل آندا اے تے اُو مبلغ دی آواز دے ذریعےنئیں آندا اے۔ مبلغ صرف اِک آلہ ہوندا اے۔ اُو حقیقی آواز جیہڑی مُردہ بشر نوں حیاتی وَل لیہیاندی اے یسوع مسیح دی آواز ہوندی اے۔

’’…جدوں مُردہ خداوند دے پُتر دی آواز سُنن گے تے اُوہنوں سُن کے زندہ رہن گے‘‘ (یوحنا5: 25)۔

ایہہ پاک روح دے ذریعے توں ہوندا اے کہ اِک مُردہ بشر دے لئی مسیح دی آواز گل کردی اے۔ میں سینکڑوں وریاں تیکر مُردہ گنہگاراں نوں تبلیغ کر سکنا آں تے میری آواز نوں سُنن دے ذریعے توں اُوہناں وِچوں اِک وی نجات نئیں پائے گا۔ تے فیر میں تبلیغ کیوں کرنا آں؟ کیوں جے میں مسیح دا اِک آلہ آں۔ لیکن اُوہنوں الفاظ لوں اپنانا چائیدا اے تے تہاڈی مُردہ روح وِچ متحرک کرنا ہوندا اے۔ یسوع مسیح دی اُو واحد آواز ہوندی اے جیہڑی تہانوں مُردیاں وِچوں حیاتی وَل لے آندی اے!

اِک شخص ہزارہا واعظاں نوں سُن سکدا اے تے فیر وی مُردہ ای رہندا اے۔ لیکن فیر اِک لمحہ آندا اے جدوں اِک دوجے واعظ دی منادی ہوندی اے، تے اِک دم توں خوشخبری دے الفاظ، جیہڑے پہلے کئی وری سُنے جا چکے ہوندے نے، اِک نئی حیاتی اپنا لیہندے نے۔ فیر، بیداری دے اُوس عجیب تے جلالی لمحے وِچ،

’’مُردہ خداوند دے پُتر دی آواز سُنن گے تے اُوہنوں سُن کےزندہ رہن گے‘‘ (یوحنا5: 25)۔

میں کئی واعظاں نوں سُن چکیا سی، تے ایتھوں تیکر کہ اِک لائسنس یافتہ مغربی بپٹسٹ مبلغ دی حیثیت نال خوشخبری دی تبلیغ کر چکیا سی۔ لیکن خوشخبری دے جِنہاں لفظاں دی تبلیغ میں کیتی سی صرف رٹے ہوئے الفاظ سن جدوں تیکر کہ 28 ستمبر، 1961 دی اِک سویرے مسیح نے میرے دِل نال گل کیتی۔ میں اُوس دِن نوں کدی وی بُھلا نئیں پاواں گا جدوں ڈاکٹر چارلس جے ووڈبریج Dr. Charles J. Woodbridge نے تبلیغ کیتی سی۔ لیکن ایہہ اُوہناں دی آواز نئیں سی جِنہے میہنوں بیدار کیتا سی تے میہنوں نجات دہندہ وَؒ مائل کیتا سی۔ اوہ، جی نئیں! اُوس سویرے ’’خداوند دے پُتر دی آواز‘‘ ’میرے وِچ] پھوٹ پیہئی، میری مُردہ روح اُس [یسوع دے کول چلی آئی تے میں مسیح وِچ زندہ رہیا۔

اینج ای سپرجئین دے نال ہویا سی۔ اُوہناں دے والد صاحب اِک مذہبی خادم سن جیہڑے نجات دی منادی کردے سن۔ اینج ای اُوہناں دے دادا سن، جِنہاں دے نال اُوہناں نے کُج عرصہ حیاتی بسر کیتی سی۔ لیکن اُوہناں دے منادی، حالانکہ میہنوں یقین اے کہ اُو چنگی تے مستند سی، کدی وی اپنے نال اُوہناں دی تاریک، مُردہ روح دے لئی ’’خداوند دے پُتر دی آواز‘‘ لے کے نئیں آئی۔ ایہہ اُوس ویلے تیکر نئیں ہویا سی جدوں تیکر کہ اُو اِک ابتدائی میتھوڈسٹ چھوٹے جئے گرجا گھر Primitive Methodist Chapel وِچ نئیں گئے تے اِک بیچارے آدمی نوں سُنیا جیہڑا مشکل نال ای تبلیغ کر سکدا سی [اُوہنے] خوشخبری وِچ ’’خداوند دے پُتر دی آواز‘‘ نوں اُجاگر کیتا جیہڑی بالاآخر اُوہناں وِچ سما گئی تے اُوہناں دے دِل نوں چھو لیہیا۔ فیر، اُوسی لمحے وِچ، اُو مسیح دے ہو گئے تے زندہ رہے۔ فیر، اُسی لمحے وِچ، اُوہناں نے نجات دہندہ وِچ یقین کیتا تے معافی تے ابدی حیاتی پائی۔ فیر اُوس ویلے اُو موت توں حیاتی وَل بڑھ گئے، تے نیا جنم لیہیا سی۔ ’’خداوند دے پُتر دی آواز‘‘ اُوہناں دے دِل تیکر پہنچی۔ اُوہناں نے مسیح نوں اُوہناں دے نال کلام کردے ہوئے سُنیا تے اُو زندہ رئے۔ لیکن سپرجئین نے کہیا،

تہانوں ایہہ تصور نئیں کرنا چائیدا اے کہ اِک آدمی ایس معاملے وِچ غیر فعال اے … ہمیشہ یاد رکھیں کہ ایہہ تُسی ای اُو جِنہوں توبہ تے یقین کرنا چائیدا اے۔ پاک [روح] تہاڈے لئی توبہ نئیں کرے گا … تے پاک [روح] تہاڈے لئی یقین نئیں کرے گا … مسیح آواز دیہندا اے، لیکن آدمی سُنندا اے … اُو آواز جیہڑی نجات دیہندی اے اُو مسیح دی آواز اے، لیکن ذاتی نجات دا عروج اُوس ویلے ہوندا اے جدوں آدمی حقیقت وِچ سچ سُنندا تے قبول کردا اے (سی ایچ سپرجئینC. H. Spurgeon، ibid.، صفحہ 32-33)۔

’’ٹھیک اے،‘‘ کوئی کہندا اے، ’’میرے کرن دے لئی تے کُج وی نئیں اے۔ میں صرف ایہنا ای کر سکنا آں کہ میہنوں حیاتی وَل بُلان دے لئی مسیح دی آواز دا انتظار کراں۔‘‘ جی نئیں، ایہہ نئیں اے جیہڑا سپرجئین نے کہیا سی۔ اُوہناں نے کہیا،

تہانوں ایہہ تصور نئیں کرنا چائیدا اے کہ اِک آدمی ایس معاملے وِچ غیر فعال اے… ہمیشہ یاد رکھو کہ ایہہ تُسی ای اُو جِنہوں یقین تے توبہ کرنی چائیدی اے۔ (ibid.)۔

’’اُو جیہڑے سُنن گے زندہ رہن گے‘‘ (یوحنا 5: 25)۔

ہمیشہ یاد رکھو کہ جدوں مسیح تہانوں پکاردا اے تے تہانوں ضرور سُننا چائیدا اے۔ جدوں اُو تہاڈے تاریک، مُردہ دِل نال گل کردا اے، تے اُٹھو تے اُوہدے کول آؤ! تہانوں نجات نئیں لبھے گی جدوں تیکر کہ تُسی اُوہنوں سُنو گے نئیں، تے اُوہدے کول نئیں آؤ گے۔

تُسی اِک لمبے عرصے تیکر خوشخبری دی منادی سُن سکدے اُو، لیکن جے تُسی کدی وی مسیح دی آواز نئیں سُنندے، تے اُوہدے کول نئیں آندے اُو، تے منادی تہانوں کوئی فائدہ نئیں دے گی۔ درحقیقت ایہہ تہانوں ہُور وی سخت کر سکدی اے۔ اپنے بارے وِچ کی خیال اے؟ کی تُسی بیدار ہو چکے اُو؟ کی تُسی مسیح دی تلاش کر رئے اُو؟ کی تُسی ایہدے کول آئے اُو؟ کی تُسی مسیح وِچ ایمان لیہیا کے تبدیل ہو گئے اُو؟ یا کی تُسی صرف میری گلاں سُن رئے اُو، سُن رئے اُو، سُن رئے اُو، بغیر ’’خداوند دے پُتر دی آواز‘‘ سُنے؟ کی تُسی

’’سیکھن دی کوشش تے کردے اُو لیکن کدی ایس قابل نئیں ہوندے کہ حقیقت نوں پہچان سکن‘‘ (2 تیمتھیس 3: 7)؟

مذید سُنندے رہن تے سیکھدے رہن دا ہان ختم کرو۔ اُوہدی آواز سُنو، جدوں اُو تہاڈی روح وِچ گہرائی نال بولدا اے۔ تہانوں ’’خداوند دے پُتر دی آواز‘‘ سُننی چائیدی اے تے اُوہدے کول آنا چائیدا اے۔ اُوہدے ذریعے اپنی موت توں بچو۔ اُوہدے وسیلہ توں دوبارہ جنم لو۔ اُوہدے لہو نال اپنے گناہواں توں پاک صاف ہو جاؤ۔ مسیح دے کول آؤ۔ اُوہدی آواز سُنو تے اُوہدے کول آؤ۔ کوئی نجات نئیں اے جدوں تیکر کہ تُسی اُوہدے کول نئیں آندے!

میری غلامی، دُکھاں تے انیرہیاں توں باہر، یسوع، میں آنا واں، یسوع میں آنا واں؛
تیرے نور شادمانی تے آزادہ وِِچ داخلے لئی، یسوع، میں تیرے کول آن لئی آنا واں؛
میری بیماری توں نکل کے، تیری تندرسی وِچ، میری چاہت توں نکل کے تے تیرے خزانیاں وِچ
میرے گناہ توں باہر تے خود تیری ذات وِچ یسوع، میں تیرے کول آن لئی آنا واں؛
(’’یسوع، میں آنا واں Jesus, I Come‘‘ شاعر ولیم ٹی۔ سلیپر William T. Sleeper، 1819۔1904)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔