ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

میں بائبل دی اِک جدید تفسیر توں اِک توسیعی پیراگراف پڑھن جا رہیا واں، فیر میں ایہدی اِک اِک گل دا جواب پیش کراں گا۔

فلپسس نے ایہہ نئیں کہیا: ’’ایس توں پہلاں کہ میں تہانوں بپتسمہ دے سکاں، مینوں ثبوت چائیدا اے کہ تہاڈا ایمان سچا اے۔ نئیں، فلپسس نے ایہہ گلاں نئیں کیتیاں۔ بلکہ، جیویں ای فلپسس نے انجیل دی وضاحت مکمل کیتی تے خواجہ سرا ایمان لے آیا، فلپسس نے اُوہنوں بپتسمہ دِتا۔ نئے عہد نامے وِچ کِدرے وی ایہہ نئیں کہیا گیا کہ اِک بندے نوں بپتسمہ لین توں پہلاں کافی بوہتا انتظار کرنا چائیدا اے تے وسیع تعلیم حاصل کرنی چائیدی اے۔ کِدرے وی نئیں لکھیا کہ بپتسمہ لین توں پہلاں اِک بندے نوں ایہہ ثابت کرنا چائیدا اے کہ ایہدا ایمان حقیقی اے۔ ایہہ خیالات نئے عہدنامے توں نئیں آندے۔ جے کوئی بندہ، انجیل نوں سنن دے بعد، یسوع مسیح تے ایمان لہیاندا اے، تے بپتسمہ دے لئی کہندا اے، تے اُوہنوں پہلے مناسب موقع تے بپتسمہ لینا چائیدا اے تے ایس دا انتظار نئیں کیتا جانا چائیدا اے۔ صرف خداوند ای جانندا اے کہا انسان واقعی اپنے دِل نال ایمان لہایا اے یا نئیں۔ اَسی لوکی یقینی طور تے نئیں جان سکدے۔ لہٰذا، اینج اَسی کسی وی بندے دے ایمان دے بارے وِچ قطعی طور تے یقین نئیں کر سکدے، جے اُو بپتسمہ لینا چاہئے تے سانوں ایس توں انکار نئیں کرنا چائیدا اے؛ ورنہ اَسی نئے عہدنامے دی نافرمانی کر رئے ہوواں گے۔ ہاں، ایہہ ممکن اے کہ چند لوکی بپتسمہ لین جیہڑے سچا ایمان نئیں رکھدے۔ لیکن ایہناں دا فیصلہ کرنا خدا دا کم اے، ساڈا نئیں۔ (نئے عہد نامے دے تبصرے دا اِطلاق The Applied New Testament Commentary، کنگس وے پبلیکیشنزKingsway Publications، 1997، صفحات 484۔485)۔

میں حیران نئیں آں کہ جِنہاں لوکاں نے ایہہ بیان لکھیا اُو وی ’’نجات دی راہ‘‘ تے ’’حیاتِ نو‘‘ دے بارے وِچ بوہتے مبہم نے۔ اُو نجات وِچ ’’فیصلہ سازیت‘‘ دی حمایت کردے نے، تے مسیحی ’’فیر توں وقف ہون‘‘ حیاتِ نو دی اولین شرط منندے نے۔ دوجیاں لفظاں وِچ، اُو جدید غلطیاں دی حمایت کردے نے جیہڑیاں سب توں پہلاں سی جی فینی C. G. Finney نے مقبول کیتاں سن، تے جیکب نیپJacob Knapp دے ذریعہ بپتسمہ دینے آلے [افراد] گرجا گھراں وِچ لہیائے سن۔ ایہناں غلطیاں نے انجیلی بشارت نوں برباد کر دِتا اے، تے خدا نوں 144 وریاں لئی قومی حیاتِ نو بھیجن توں روک دِتا اے!

چونکہ ایس بیان وِچ دِتی گئی ٖغلطیاں بوہتیاں سنگین نے، مینوں لگدا اے کہ سانوں اَج راتی ایہناں دا جواب دین دے لئی بوہتا ویلہ کڈنا چائیدا اے۔ ایہہ اُو غلطیاں نے جِنہاں نے ساڈے گرجا گھراں نوں لکھاں دی تعداد وِچ غیرنجات یافتہ [یا بے اعتقادے] لوکاں نال بھر دِتا اے، تے خدا نوں 1859 دے بعد توں گرجا گھراں نوں قومی حیاتِ نو بھیجن توں روک دِتا اے۔ میں ایہناں غلطیاں نوں سطر بہ سطر ترتیب دیاں گا، تے بائبل وِچوں ایہناں دا جواب دیاں گا۔

1. جدید تفسیر کہندی اے، ’’فلپس نے ایہہ نئیں کہیا: ’ایس توں پہلاں کہ میں تہانوں بپتسمہ دے سکاں، مینوں ایس گل دا ثبوت چائیدا اے کہ تہاڈا ایمان سچا اے‘‘… جیویں ای فلپس نے انجیل دی وضاحت مکمل کیتی تے خواجہ سرا ایمان لے آیا، فلپس نے ایہنوں بپتسمہ دے دِتا۔‘‘

جواب: اُو بیان غلط اے۔ ’’جیویں ای فلپس نے انجیل دی وضاحت مکمل کیتی‘‘ اُوہنے اُوس بندے نوں فوری بپتسمہ نئیں دِتا سی۔ ارے نئیں! فلپس نے پہلاں بندے کولوں سوال پُچھیا۔ آیت 37 پڑھو

’’تے فلپس نے کہیا، جے توں دِل و جان نال ایمان لہیائے تے بپتسمہ لے سکدا اے۔ تے اُوہنے جواب دِتا تے کہیا، میں ایمان لہیانا واں کہ یسوع مسیح خدا دا پُتر اے‘‘ (اعمال8: 37)

اعمال دی کتاب دی تشریح کردے ایلے سانوں ہمیشہ یاد رکھنا چائیدا اے کہ سانوں ہر اُو لفظ نئیں دِتا گیا جیہڑا بولیا گیا۔ مثال دے طور تے آیت 35 نوں ویکھو، سانوں دسیا گیا اے،

’’فیر فلپس نے کتابِ مقدس [اشعیا53] دے اُوسی حصے توں شروع کر کے اُوہنوں یسوع دے بارے وِچ خوشخبری سُنائی‘‘ (اعمال8: 35)۔

سانوں اُو سب کُج نئیں دسیا گیا جیہڑا اُوہنے اشعیا53 دے بارے چہ کہیا۔ سانوں ایہہ وی نئیں دسیا گیا کہ اُوہنے اُوس بندے نوں کیویں مسیح تیکر پہنچایا۔ لہٰذا، اعمال دی کتاب اِک خاکہ پیش کردی اے، نہ کہ جو کُج ہویا ایس دی لفظ بہ لفظ وضاحت۔ ایہہ گل یقینی اے، فلپس نے خواجہ سرا نوں بپتسمہ دین توں پہلاں سوال ضرور پُچھیا سی۔ سانوں آیت 37 وِچ بنیادی سوال دِتا گیا اے۔

لہٰذا، جدید تفسیر غلط اے جدیوں ایہہ کہندی اے کہ فلپس نے خواجہ سرا نوں ’’فوری طور تے‘‘ بپتمسہ دِتا جیویں کہ ایہنے انجیل دی وضاحت کیتی سی۔ آیت 37 توں پتا چلدا اے کہ ایہہ بیان غلط اے۔

2. جدید تفسیر کہندی اے، ’’نئے عہدنامے وِچ کِدرے وی ایہہ نئیں کہیا گیا کہ اِک بندے نوں بپتسمہ لین توں پہلاں طویل انتظار کرنا چائیدا اے تے وسیل تعلیم حاصل کرنی چائیدی اے۔ کِدرے وی ایہہ نئیں لکھیا اے کہ بپتسمہ لین توں پہلاں اِک بندے ناں اپنے ایمان نوں سچا ثابت کرنا چائیدا اے۔‘‘

;جواب: ایہہ ’’فیصلہ سازیت‘‘ آلی گفتگو اے، جیہڑی میلی انجیلی بشارت تے انسانی جاناں دی دیکھ بھال دی کمی نوں جواز فراہم کرن دے لئی استعمال ہوندی اے۔ تفسیر اِک مخصوص ’’بھوسے دے بندے straw man‘‘ دی دلیل دا، غلط منطق دی اِک چال دا استعمال کردی اے۔ ’’بھوسے دے بندے straw man‘‘ دی دلیل وِچ، مخالف دا نظریہ وگاڑ دِتا جاندا اے ایس لئی ایس تے بوہتی آسانی نال حملہ کیتا جا سکدا اے (حوالہ ویکھو پیٹرک جے ھرلے Patrick J. Hurley، منطق دے لئی مختصر تے جامع تعارف A Concise Introduction to Logic، ویڈسورتھ پبلیشنگ Wadsworth Publishing، 1997، pp. 129-130)۔

غور کرو کہ کینج بپتسمہ دین آلے پرانے نظریے نوں ایس جدید تفسر نال مسخ کیتا گیااے: ’’نئے عہدنامے وِچ کِدرے وی ایہہ نئیں کہیا گیا کہ اِک بندے نوں طویل انتظار کرنا چائیدا اے تے وسیع تعلیم حاصل کرنی چائیدی اے۔‘‘ ایس گل دا اِطلاق کرنا سراسر تحریف اے کہ ایہہ اُوہی اے جیہڑا یعنی کہ پرانے بپتسمہ دین آلے طریقے تے ایمان رکھن آلے، یقین کرنے آں۔ اَسی نئیں مانندے کہ لوکوں نوں ’’طویل انتظار کرنا تے وسیع تعلیم حاصل کرنی پیہئے گی۔‘‘ نئیں، اَسی ایہدے تے یقین نئیں کردے! لیکن اِسی یقین رکھنے آں کہ ’’تہانوں فیر توں جنم لینا چائیدا اے‘‘ (یوحنا3: 7)۔ تے مینوں کوئی پرواہ نئیں جے مینوں 20 ورے انتظار کرنا پیہئے، میں تہانوں بپتسمہ نئیں دیاں گا جدوں تیکرکہ تُسی فیر توں جنم نئیں لے لیندے! گواچے ہوئے [غیرنجات یافتہ] لوکاں نوں جان بُجھ کے بپتسمہ دینا اِک گناہ اے! ایس لئی فلپس نے آیت 37 وِچ ایس بندے کولوں سوال پُچھیا!

3. جدید تفسیر کہندی اے، ’’کِدرے وی ایہہ نئیں لکھیا کہ بپتسمہ لین توں پہلاں اِک بندے نوں اپنے ایمان نوں سچا ثابت کرنا چائیدا اے۔‘‘

جواب: جیویں کہ میں کہیا، ایس دا جواب اعمال8: 37 وِچ لبھدا اے۔ نیز، ایس بیان وِچ منطق دی اِک ہُور ’’بھوسے دے بندےstraw man‘‘ آلی غلط فہمی اے۔ ایہہ حملہ کرن وِچ آسانی پیدا کرن دے لئی مخالف دے نقطہ نظر نوں موڑ دیندا اے۔ اَسی ایہہ نئیں کہندے کہ اِک بندے نوں ’’پہلاں اپنا ایمان سچا ثابت کرنا چائیدا اے۔‘‘ ہم صرف ایہہ کہنے آں کہ اِک بندے نوں گواہی دین دے قابل ہونا چائیدا اے۔ ایہدے چہ غلط کی اے؟ میں ایہناں لوکاں کولوں خوبصورت گواہیاں سُنیاں نے جیہڑے مسیح وِچ ایمان لہیان دی تبدیلی توں پہلاں صرف اِک یا دو وری گرجا گھر وِچ آئے نے۔ میری اپنی بیوی نے پہلی وار انجیل سُنندے ای نجات پائی۔ لیکن کہ سانوں ایہناں لوکاں نوں بپتسمہ دینا چائیدا اے جیہڑے سادہ گواہی نئیں دے سکدے؟ نئیں، سانوں نئیں کرنا چائیدا اے! اَسی گواچے ہوئے یا گمراہ لوکاں نوں بپتسمہ دین دے قابل نفرت عمل نال گرجا گھراں نوں بھر دِتا اے، جیویں فنیFinny دا اِک شاگرد جیکب نیپ بپتسمہ دین آلے گرجا گھراں وِچ لہیا سی۔ یسوع نے کہیا،

’’میں تہانوں دسنا واں کہ جیہڑا کوئی بندیاں دے اَگے میرا اقرار کردا اے ابنِ آدم وی فرشتیاں دے روبرہ اُوہدا اقرار کرے گا‘‘ (لوقا12: 8)۔

اِک بندے نوں بپتسمہ لین توں پہلاں مسیح دا ’’اعتراف‘‘ کرن دے قابل ہونا چائیدا اے، جیویں کہ خواجہ سرا نے فلپس توں پہلاں کیتا سی (اعمال8: 37)۔ مزید برآں، بائبل کہندی اے کہ کلیسیا دے قائدین ’’اپنی جاناں دی حفاظت [اپنی جاناں تے نظر رکھن] جیویں کہ حساب دینا اے‘‘ (عبرانیوں13: 17)۔ لہذا، پادریاں تے ڈیکنز نوں تہاڈی گواہی سُننی چائیدی اے۔ تہانوں بپتسمہ لین توں پہلاں، ایہناں دے اَگے تے کلیسیا دے اَگے مسیح دا اقرار کرن دے قابل ہونا چائیدا اے۔ جیس بندے دے کول گواہی نہ ہووے اُوہنوں بپتسمہ نئیں لینا چائیدا۔

4. جدید تفسیر کہندی اے، ’’جے کوئی بندہ انجیل نوں سُنن دے بعد، یسوع مسیح تے ایمان لہیاندا اے، تے بپتسمہ لین دے لئی کہندا اے، تے ایہنوں پہلاں مناسب موقع تے بپتسمہ لینا چائیدا اے تے انتظار نئیں کرنا چائیدا اے۔‘‘

جواب: میری پینتالیس وریاں دی منادی وِچ میں کدی وی کسی کولوں ’’بپتسمہ دین دے لئی نئیں پُچھیا۔‘‘ کُج لوکی اینج شاید کر چکے ہون، لیکن میں کدی نئیں کیتا۔ مذید برآں، تفسیر کہندی اے، ’’جے کوئی بندہ... یسوع مسیح وِچ یقین رکھدا اے، تے بپتسمہ منگدا اے‘‘ تے اُوہنوں فوراً بپتسمہ لینا چائیدا اے۔ لیکن پادری نوں کینج پتہ چلے گا کہ اُو یسوع تے ایمان لے آیا اے جے اُو چند سُہکھے سوال نئیں پُچھدا، جیویں کہ: ’’یسوع مسیح نے تہاڈے لئی کی کیتا اے؟‘‘ کسی نوں بپتسمہ دینا غلط اے جیہڑا ایس طرح دے چند سُہکھے سوالاں دے جواب نئیں دے سکدا۔
     ایس مقام تے مینوں ایہہ کہنا چائیدا اے کہ کسی اینج دی شے تے عمل دی بنیاد رکھنا غلط اے جیہڑی صرف اعمال دی کتاب وِچ پڑھائی گئی اے۔ اعمال دی کتاب گرجا گھراں وِچ جو کُج ہویا اُوہدی اِک تاریخ اے۔ ایہہ نظریے دا دستور العمل نئیں اے۔ جے تُسی اعمال دی کتاب نوں اصول دی کتاب دے طور تے لیہندے اُو تے تُسی گرجا گھر دے افسران نوں منتخب کرن دے لئی ’’قرعہ‘‘ ڈالو گے (اعمال 1: 26)، بیماراں نوں شفا دین دے لئی ’’رومال یا تہبند‘‘ پیجو گے (اعمال 19: 12)، تے مقامی گرجا گھر وِچ کیمیونزم دی اِک قسم تے عمل کرو گے (اعمال 2: 44)۔ اُو تیناں شیواں ابتدائی کلیسیا وِچ کیتاں گئیاں سن – لیکن اُو اَج ساڈے تے پابند نئیں نے، کیوں جے اُوہناں نوں خطوط وِچ نئیں سیکھایا جاندا، صرف ایس تاریخ وِچ دِتا گیا اے جیہڑی اعمال دی کتاب وِچ مسیحیت دے ابتدائی دِناں وِچ ہوئی۔ اُو اَج کلیسیاواں تے پابند قواعد دے طور تے نئیں دِتے گئے نے۔ لہٰذا، جیس طرح نال اُوہناں نے اعمال دی کتاب وِچ بپتسمہ دِتا اُو اَج ساڈے تے پابند نئیں اے۔
     ’’فوری بپتسمہ‘‘ وِچ جیکب نیپ، فنی دے بپتسمہ دین آلے شاگرد دی پیروی کرن دا اصل مقصد اِک استعمال شُدہ گڈی دے سیلزمین وانگوں اے، جیہڑا چاہندا اے کہ تُسی گھر جا کے ایس دے بارے وِچ سوچن توں پہلاں ’’موقع تے‘‘ ای گڈی نوں خرید لو، ایس توں پہلاں کہ تہانوں ’’خریدار آلا پچھتاوا‘‘ ہووے۔ لیکن جدوں توں جیکب نیپ نے انیسویں صدی وِچ ایہہ طریقہ کار متعارف کرایا سی ’’موقع تے ای‘‘ ہر کسی نوں جدوں اُو ’’اَگے وددھدے نے‘‘ بپتسمہ دینا تباہ کُن رہیا اے۔ لکھاں لوکاں نے مسیح نوں جانے بغیر بپتسمہ لہیا اے۔ میری اپنی امی نے اِک نو سالہ کُڑی دی حیثیت نال فنی\ نیپ وگرے بپتسمہ دین آلے مبلغ دے ذریعہ توں بپتسمہ لہیا، اُوہناں کولوں کسی نے وی اُو سہکھے سوال نئیں پُچھے کہ آیا یسوع مسیح نے اُوہناں دے لئی کُج کیتا اے۔ اُو مذید ستر وریاں تیکر غیرنجات یافتہ رہیں۔ خدا دا شکر اے کہ آخرکار اُو اَسی وریاں دی عمر وِچ نجات یافتہ ہو پائیں! میں اُوہناں نوں جھوٹا بپتسمہ لین دے ستر وریاں بعد ’’ایمان دا بپتسمہ‘‘ دِتا، کیوں جے کسی نے ایہہ ویکھن دے لئی چند منٹ نئیں لائے کہ آیا ایہنے یسوع تے پروہسا کیتا اے۔ چند آسان سوالاں نال پتا چلدا اے کہ اُو اِک لڑکی دی حیثیت نال بپتسمہ لین دے لئی نااہل سن، [مثال دے طور تے] اینج جئے سوالات، ’’یسوع مسیح نے تہاڈے لئی کی کیتا اے؟‘‘ یا ’’جے تُسی اَج دی راتی مر جاندے اُو تے خدا دے اَگے کھلوندے اُو، تے خدا نے تہانوں کہیا، ’میں تینوں اپنی جنت وِچ کیوں جان دیاں؟‘ تُسی کی کہوو گے؟‘‘ جیہڑے لوکی اینج دے سادہ جئے سوالاں دے جواب نئیں دے سکدے اُو نجات یافتہ لوکی نئیں نے۔ تُسی گرجا گھراں نوں برباد کیتے بغیر کافراں نوں ’’ایمان دا بپتسمہ‘‘ نئیں دے سکدے۔

5. جدید تفسیر کہندی اے، ’’صرف خدا ای جانندا اے کہ کوئی شخس واقعی دِل نال ایمان لہیا اے یا نئیں۔ اَسی لوکی یقینی طور تے نئیں جان سکدے۔ لہٰذا، جیویں اَسی کسی بندے دے ایمان دے بارے وِچ قطعی طور تے یقین نئیں کر سکدے، سانوں بپتسمہ منگن آلے نوں اِنکار نئیں کرنا چائیدا اے۔ ورنہ اَسی نئے عہدنامے دے نافرمان ہو جاواں گے۔‘‘

جواب: ایہہ گل چنگی لگدی اے، لیکن حقیقت وِچ ایہہ بالکل غلط اے۔ جے ’’اَسی لوکی‘‘ ایہہ نئیں جان سکدے کہ کوئی شخص مومن یعنی ایماندار اے، تے سانوں ایہہ کینج حکم دِتا گیا اے؟

’’کی تیہنوں بے اعتقاداں دے نال غیرمساوی طور تے اِکٹھیاں نئیں جوت ڈالا گیا‘‘ (2کرنتھیوں6:14)

جے ’’صرف خدا ای جانندا اے‘‘ تے اَسی کیویں دس سکنے آں کہ کیہڑا کافر اے؟ ایہہ اِک سنجیدہ سوال اے، جیس دا میں کدی وی ’’فوری بپتسمہ‘‘ دین آلے وکیل کولوں مناسب جواب نئیں سُنیا۔
     جدوں اِک نوجوان جوڑا شادی دے بارے وِچ سوچ رہیا ہوندا اے، تے کی پادری ایہہ جانن دی کوشش نئیں کردا کہ کی [اُو جوڑا] نجات پا چکیا اے؟ یا کی اُو اپنے گرجا گھر وِچ بغیر کسی سوال دے اِک کُڑی دے کسی ایہو جئے مُنڈے دے درمیان جِنہوں اُو نئیں جانندا، شادی کروا سکدا اے؟ تے جے اُو شادی کرن توں پہلاں مُندے کولوں سوال کردا اے، تے کی اُوہنوں بپتسمہ لین تے گرجا گھر دی رُکنیت اپنان دے لئی [اُوسی مُنڈے] اُمیدوار کولوں سوال نئیں کرنا چائیدا اے؟ میرے خیال وِچ جواب واضح اے۔
      جے میں جدید تفسیر دے اقتباس وِچ لفظ ’’بپتسمہ‘‘ دی تھاں تے لفظ ’’شادی‘‘ رکھاں تے کی ہووے گا؟ تے ایہنوں فیر اینج کہیا جائے گا، ’’صرف خدا ای جانندا اے کہ آیا کوئی بندہ واقعی ایمان لہایا اے یا نئیں – ایس لئی سانوں ایس توں انکار نئیں کرنا چائیدا جیہڑا شادی دا مطالبہ کرے۔‘‘ ایس قسم دا مشورہ ساڈے گرجا گھراں وِچ نوجواناں دے لئی تباہ کُن ہووے گا۔ تے میں کہنا واں کہ گرجا گھر دی رُکنیت دے لئی ایہہ تباہ کُن رہیا اے، جدوں توں جیکب نیپ نے انیسویں صدی وِچ ساڈے بپتسمہ دین آلے گرجا گھراں وِچ ’’فوری بپتسمہ‘‘ متعارف کرایا سی۔

کیپ کورل Cape Coral، فلوریڈا میں گریس بپٹسٹ چرچ Grace Baptist Church دے پادری ڈاکٹر تھامس کے ایسکول Dr. Thomas K. Ascol کہندے نے،

1830 دی دہائی وِچ جیکب نیپ نے ریاستہائے متحدہ وِچ بپتسمہ دین آلے گرجا گھراں وِچ فوری بپتسمہ تے رُکنیت دا رواج متعارف کرایا۔ ایس توں پہلاں ایہہ گل عام سی کہ مذہب تبدیل کرن آلیاں نوں بپتسمہ لین تے رُکنیت وِچ داخل کرن توں پہلاں گرجا گھر دے افسران یا گرجا گھ دی کمیٹی دے ذریعے جانچ پڑتال کی جاندی سی (تھامس کے ایسکول، پی ایچ ڈی Thomas K. Ascol, Ph.D.، دی فاؤنڈرز جرنل ویب سائٹ The Founders Journal website، شمارہ 22، 1995)۔

میرے خیال وِچ ہُن ویلہ آ گیا اے کہ اَسی پرانیاں راہواں تے واپس جائیے!

سی ایچ سپرجیئنC. H. Spurgeon بلاشبہ سب توں مشہور بپٹسٹ پادری نے جیہڑے ہُن تیکر زندہ رئے نے۔ ایہناں دا اپنی جماعت وِچ ارکان نوں شامل کرن دا طریقہ ایہہ اے۔ تُسی ویکھو گے کہ ممبرز نوں شامل کرن دا ایہناں دا طریقہ جیکب نیپ توں متاثر نئیں ہویا۔

گرجا گھر دی رُکنیت دے اُمیدواراں دا اِک بزرگ دے نال انٹرویو ہوندا اے، جِنہاں وِچ وں کُج ہر بدھ دی شامی ایس مقصد دے لئی عبادت خانے وِچ حاضر ہوندے نے۔ ایک ریکارڈ بنایا جاندا اے… ایس انٹرویو دے نتیجے دا جیس نوں تفتیشی کتاب Inquirer’s Book کہیا جاندا اے۔ جے اُمیدوار توں مطمئن ہو جائے تے اُو اِک کارڈ دیندا اے، جیہڑا مسٹر سپرجیئن دے نال براہ راست تعلق لئی اہل ہوندا اے، جیہڑا ایس ویلے دا اِک مقررہ حصہ اپنے دفتر لئی وقف کردا اے۔ جے مسٹر سپرجیئن ایس فرد دے حق وچ سوچدے نے تے، نام دا اعلان گرجا گھر دے اجلاس وچ کیتا جاندا اے، تے ملاقاتاں نوں درخواست توں منسلک سارے حالات دے بارے وچ انتہائی محتاط پُچھ گِچھ کرن لئی مقرر کیتا جاندا اے [بپتسمہ تے رکنیت لئی]۔ جے ایہہ تفتیش تسلی بخش اے، تے امیدوار گرجا گھر دی میٹنگ وچ ظاہر ہوندا اے جیتھے پادری وَلّوں ایہدی جانچ پڑتال کیتی جاندی اے، جیہدے بعد اُو ریٹائر ہو جاندا اے، تے ملاقاتی کیس تے اپنی رپورٹ دیندا اے۔ ایہدے بعد ایہنوں گود لئی گرجا گھر نوں تجویز کیتا جاندا اے، تے جے منظور ہو جاندا اے، تے پادری رفاقت دا سجا ہتھ پیش کردا اے۔ ایہدے بعد جیویں ای آسان ہووے، امیدوار نوں بپتسمہ دِتا جاندا اے… (’’میٹرو پولیٹن ٹیبرنیکل دی شماریات،‘‘ دی سورڈ اینڈ دی ٹرول، جلد اول: سال 1865، 1866، 1867 The Sword and the Trowel, Volume One: Years 1865, 1866, 1867، پیلگرم پبلی کیشنز، 1975، سال 1865، صفحہ 19)۔

سپرجیئن دا طریقہ اوہی سی جیہڑا ماضی وچ بپتسمہ دین آلیاں نے کیتا سی۔ یا تے سپرجیئن غلط سی یا جدید ’’فوری بپتسمہ‘‘ دین آلے گرجا گھر غلط نے۔ میں مزید تبصرہ کیتے بغیر ایس پیغام نوں بند کرنا واں۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔