ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اَج دی شامی میں تہانوں سی۔ ایچ۔ سپرجئین C. H. Spurgeon دے واعظ دا اِک سہوکھا تے مختصر ماڑی جیہئی تبدیل شُدہ نقل پیش کر رہیا آں، ’’اِکھاں کُھول دِتیاں،‘‘ جیہڑا عظیم مبلغ نے 18 مارچ 1866 نوں ویسٹبورن گروو چیپل، بائیس واٹر، انگلینڈ وِچ دِتا سی (میٹروپولیٹن دی عبادت گاہ دی واعظ گاہ توں The Metropolitan Tabernacle Pulpit، نمبر 681، پِیلگرِم اشاعت خانے Pilgrim Publications، 1980 دوبارہ پرنٹ، جلد XII، صفحہ 157-168)۔

پِیلگرِم اشاعت خانے دے میرے بیلی، ڈاکٹر باب راس نے تجویز کیتا کہ میں پچھلے ہفتے سپرجیئں دا ایہہ واعظ پڑھیا سی۔ میں واقعی چہ ایہنوں پڑھیا سی، تے میں فیصلہ کیتا کہ اَج راتی تہانوں ایہدا روحِ رواں اِک متخصر ماڑی جیہئی تبدیل شُدہ نقل وِچ پیش کراں۔ تلاوت ایہہ اے:

’’تے خدا نے اُوہدیاں اَکھاں کھول دِتیاں تے اُوہنے پانی دا اِک کھو ویکھیا‘‘ (پیدائش21: 19)۔

باغِ عدن وِچ انسان دا زوال تہاڈے پورے وجود دے لئی تباہ کُن سی۔ ’’جیس دِن توں ایہنوں کھائے گا یقیناً مر جائے گا‘‘(پیدائش 2: 17) کوئی بے بُنیاد خطرہ نئیں سی۔ آدم اُسی لمحے چہ مر گیا سی جدوں اُوہنے خدا دے حکم دے خلاف گناہ کیتا سی۔ اُو بہوتی وڈی روحانی موت مر گیا سی جِہنے اُوہنوں تے اُوہدی ساری اولاد نوں خدا دی گلاں یا کمّاں دے لئی مُردہ بنا دِتا۔ گمراہی دی ذریعے انسان دا روحانی مزاج بدچلن ہو گیا، ایس لئی اُو جہنم دا زہر چُنندا اے تے جنت دی روٹی توں نفرت کردا اے۔ اُو سَپ دی خاک چٹدا اے تے فرشتیاں دے کھانے نوں رد کردا اے۔ روحانی سماعت مُردہ ہو گئی، تے ہُن انسان قدرتی طور تے خدا دا کلام نئیں سُن سکدا، لیکن خدا دی واج تے کان بند کر لیہندا اے۔ ایہدے نال کوئی فرق نئیں پیہندا اے کہ اِک پادری کیہنی چنگی تبلیغ کردا اے، فیر وی مسیح تے ایمان نہ لیہیا ہویا بندہ مبلغ دی واج نئیں سُنندا اے۔ روحانی احساس خوفناک طور تے ساڈے اِخلاقی زوال دے وجہ توں ختم ہو گیا اے۔ اُو شیواں جیہڑیاں لوکاں نوں خطرے تے دہشت نال بھر دیندیاں سن ہُن بہوتے جذبات پیدا نئیں کردیاں۔ انسان مر جاندا اے جدوں اُو سُنندا اے کہ اُوہنے خدا دے قانون نوں توڑیا اے تے جہنم دے خطرے وِچ اے۔ انسان دی توجہ گھٹ اے، تے جدوں اُو مسیح دی خوشخبری سُنندا اے تے اُو بہوتی گھٹ پرواہ کردا اے۔ شریعت دی دھمکیاں تے مسیح دی انجیل دی خوشخبری دوویں مُردہ کناں وِچ پیہندیاں نے۔ اُو فہم جیہڑی روح دی اَکھ اے، جہالت دی ترازو نال ڈھکی ہوئی اے۔

ایس لئی تہاڈی حالت انتہائی خوفناک اے، لیکن نال ای ایہہ تہانوں نجات دلان دے لئی خدا دے فضل دی درخشانیاں دے لئی تھاں پیش کردی اے۔ پیارے دوست، تُسی ایہنے برباد ہو گئے اُو، ایہنے مکمل طور تے برباد ہو گئے اُو کہ جے تہانوں نجات دلانی اے تے سارا کام خدا نوں کرنا اے۔ تہاڈی اَکھاں روحانی موت دی وجہ توں ایس قدر انّہیاں ہو گئیاں نے کہ خدا نوں ایہناں نوں ضرور کھولنا چائیدا اے، جیویں کہ اُوہنے ہاجرہ دے معاملے چہ کیتا سی۔

’’تے خدا نے اُوہدیاں اَکھاں کھول دِتیاں تے اُوہنے پانی دا اِک کھو ویکھیا‘‘ (پیدائش21: 19)۔

شاگرداں دے معاملے وِچ وی ایہہ گل سچی سی، کیوں جے لوقا 24: 31 کہندی اے،

’’تے اُوہناں دیاں اَکھاں کُھل گئیاں تے اُوہناں نے اُوہنوں پہچان لیہیا‘‘ (لوقا 24: 31).

ساڈی اَکھاں کُھل جانی چائیدیاں نے، ورنہ اَسی ہاجرہ وگری پیاس نال مر جاواں گے، حیاتی دا چشمہ قریب ای ہووے گا، لیکن سانوں نظر نئیں آئے گا۔ شاگرد ہُن وی اُداسی نال بھرے ہون گے، اپنے نجات دہندہ دی تلاش وِچ جدوں اُو اُوتھے ای اُوہناں دے بالکل نال ای ہووے گا۔ ’’نجات دہندہ نوں ویکھن دے لئی حیاتی اے،‘‘ لیکن اُوہدے وَل ویکھن دے لئی انتہائی صلاحیت سانوں خدا وَلوں دِتی جانی چائیدی اے، ورنہ سولی تے ساڈے لئی مسیح دی موت نال کوئی نجات نئیں ہووے گی۔

ہاجرہ دے معاملے نوں لیہندے ہوئے، میں کُج غیر تبدیل شُدہ [مسیح وِچ ایمان نہ لیہیائے ہوئے] لوکاں نال گل کراں گا جیہڑے اُمید دی حالت وِچ نے۔

I۔ پہلی گل، ہاجرہ رحمت دے لئی تیار کیتی گئی سی۔

اَسی ہاجرہ دے معاملے وِچ ویکھنے آں کہ تہاڈے وِچوں کُج لوکی، اُوہدے وانگوں، رحمت دے لئی تیار نے۔ بہتیرے طریقیاں نال اُو خدا دی رحمت دے لئی تیار سی۔ اُوہدی بوتل وِچ پانی مُک چکیا سی۔ اُو بیہوش ہون نوں تیار سی۔ اُوہدا بچہ مرن دے لئی تیار سی۔ اُوہدی لوڑ دے احساس نے اُوہنوں شدید خواہشات نا بھر دِتا۔

اِک گنہگار نوں مسیح دے لئی چاہت کروانا بہوتا مشکل اے۔ ایہہ ایہنا ای مشکل اے کہ جے اِک گمراہ یا کھویا ہویا گنہگار واقعی یسوع دے لئی ترسدا تے پیاسا اے، تے خدا دی روح پہلاں یا توں اُوہدی جان وِچ خفیہ طور تے کام کر رئی ہووے گی، جیہڑی مسیح دے لئی اُوہدی خواہش نوں پورا کر رئی اے۔ لہٰذا، جے تُسی واقعی مسیح نوں چاہندے اُو، تے یہ خواہش تہاڈے معاملے نوں بہوتا پُراُمید بناندی اے۔ تُسی پہلاں ای سمجھ چکے سی کہ مسیح دے لہو دے علاوہ کوئی وی شے تہاڈے گناہواں نوں دھو نئیں سکدی، لیکن ہُن تُسی دھونا چاہندے اُو۔

خداوند تہانوں ایس حالت وِچ لیہیا اے۔ ایہہ اُمید افزا اے، لیکن میں تہانوں یاد دلانا آں کہ ایہ اکیلی [حالت ای] تہانوں نجات نئیں دلائے گی۔ ایہہ جاننا چنگا اے کہ تُسی بیمار اُو، لیکن بیماری وِچ مبتلا رہن نال تہاڈا علاج نئیں ہووے گا۔ مسیح دی خواہش کرنا اِک بہوتی چنگی علامت اے، لیکن محض خواہشات تہانوں نئیں بچان گئیاں۔ جے خواہشات تہانوں بچا سکدیاں تے بہوتے گھٹ لوکی گمراہ ہوندے۔ ہو سکدا اے کہ تُسی مسیح دے بعد بھوکے تے پیاسے ہوو، لیکن بھوک تے پیاس تہانوں نجات نئیں دلائے گی۔ تہاڈے کول مسیح دا ہونا ضروری اے – کیوں جے تہاڈی نجات بھوک تے پیاس نال نئیں آندی، نہ کہ عاجزی نال، یا دعاواں نال۔ نجات مسیح وِچ اے جیہڑا سولی تے مر گیا، تہاڈے چہ نئیں اے۔ فیر وی ایہہ اُمید افزا نشانیاں نے، تے ایہہ کسی وی حد تیکر جا سکدیاں نے، میں تہاڈے وِچ ایہناں دے لئی شکرگزار آں۔

تہاڈے معاملے چہ تہاڈا غرور ختم ہو گیا اے۔ ہاجری وانگوں تُسی عاجز اُو، تے خود مایوسی وِچ مبتلا اُو۔ اِک ویلہ سی جدوں تُسی نجات دہندہ دی اپنی لوڑ نوں تسلیم نئیں کیتا سی، تہانوں اپنی دعاواں، توبہ تے احساسات نال سکون لبھدا سی۔ لیکن ہُن تہاڈی بوتل توں پانی مُک چکیا اے، تے تُسی ہاجرہ دے نال بیٹھے ہوئے مایوسی نال پکار رئے اُو – مبارک، خدا دی بھیجی ہوئی اِک مایوسی۔ خدا تہانوں ایہہ ایس توں بہوتی دے! خود مایوسی مسیح وِچ اعتماد دا اگلا بووہا اے۔

تہانوں یقین ہو سکدا اے کہ جدوں تیکر تُسی خالی نئیں ہوو گے، یسوع تہانوں کدی نئیں بھرے گا۔ جدوں تیکر تہانوں محروم نئیں کیتا جائے گا، اُو تہانوں کدی مہیا نئیں کرے گا۔ جدوں تیکر خود مر نہ جاوے مسیح تہاڈے چہ زندہ نئیں رہوے گا۔ خدا تہانوں زیادہ توں زیادہ نااُمیدی تے مایوسی دا احساس دلائے۔ میں بہوتا پُر اُمید آں کہ تہاڈی مایوسی تہانوں مسیح دے کول لے آئے گی۔ لیکن مذید، کِدرے بہوتے دی لوڑ اے۔

ہاجرہ دے معاملے وِچ ایہہ گل بالکل یقینی اے کہ اُو پانی تلاش کرن دے لئی تیار سی۔ جے تُسی اُوہنوں کیہیا، ’’جے پانی ہوندا تے کی توں پِین دے لئی تیار اے؟‘‘ – اُو کہے گی، ’’چاہنی آں؟ میرے سوکھے ہونٹاں نوں ویکھو، میری فریاد سُنو، میرے غریب مردے ہوئے بچے نوں ویکھو! تُسی میہنوں کیویں پُچھ سکدے اُو کہ کی میں پانی پینا چاہنی آں جدوں کہ میرا بچہ پیاس نال مر رہیا اے؟‘‘

تے اینج ای تہاڈے نال اے۔ جے میں تہانوں پُچھاں، ’’کی تُسی نجات پان دے لئی تیار اُو؟‘‘ – تُسی میرے وَل ویکھ کے کہہ سکدے اُو، ’’تیار آں! اوہ، جناب، میں ایس مرحلے توں بہوتا پہلاں لنگ چکیا آں۔ میں ہانپ رہیا آں، کراہ رہیا آں، پیاسا آں، مسیح نوں لبھن دے لئی مر رہیا آں۔ جے اُو اَج شامی میرے کول آئے تے میں اُوہنوں خوشی نال قبول کر لواں گا۔ ایہہ سب اُمید افزا اے، لیکن میں تہانوں اِک وری فیر یاد دلانا چاہنا آں کہ بندے دی امیر بنن دی خواہش اُوہنوں امیر نئیں بناندی۔ تے نجات پان دی خواہش خود تہانوں نئیں بچا سکدی۔ صحت دی خواہش بیمار بندے نوں شفا نئیں دیہندی، حالانکہ ایہہ ایہنوں اپنی دوا لین تے مجبور کر سکدی اے۔ تے تہاڈی نجات دی خواہش تہانوں نئیں بچا سکدی۔ تہانوں ایس توں اَگے ودھ کے عظیم طبیب، مسیح بخود دے کول آنا چائیدا اے!

ویکھو، پانی ہاجرہ دے قدماں وِچ سی، اُوہدے بالکل لاگے سی۔ اُو اُوہدی پیاسی اے، اُو اُوہنوں حاصل کرن دے لئی تیار اے، اُو جانندی اے کہ اُو اُوہدے بغیر نئیں رہ سکدی۔ تے فیر وی اُو پانی دی کمی دی وجہ توں مر جائے گی جدوں تیکر کہ کوئی ہُور کام نہ کیتا جائے، جیہڑا پہلاں نئیں کیتا گیا سی۔

’’تے خدا نے اُوہدیاں اَکھاں کھول دِتیاں تے اُوہنے پانی دا اِک کھو ویکھیا‘‘ (پیدائش21: 19)۔

II۔ دوجی گل، ہاجرہ دے لی رحمت تیار کیتی گئی سی۔

اَسی ویکھنے آں کہ ہاجرہ دے لئی رحمت تیار کیتی گئی سی، تے ایہہ اُوہناں لوکاں دے لئی تیار کیتی گئی اے جیہرے اُوہدی ونگوں نے۔ اُوتھے پانی سی۔ اُوہنے سوچیا کہ ایس ویرانے وِچ پانی دا اِک قطرہ وی نئیں اے، لیکن پانی اُوتھے سی۔ جے تہاڈا ضمیر تہاڈے گناہ تے پریشان اے، تے مسیح وِچ معافی اے۔ رحمت تہاڈے لئی ہُنے ای اے، جے تُسی یسوع تے پروہسا کردے اُو۔ ہاجرہ دی پیاس بُجھان دے لئی پانی نوں کوئی نئی شے نئیں بنایا گیا سی۔ ایہہ اُوتھے پہلاں توں موجود سی۔ تے اُو اُوہنوں ویکھ لیہندی تے شاید اُو اُوہنوں پہلاں ای لبھ جاندا، لیکن اُو اُوہنوں نئیں ویکھ سکی۔ رحمت اے، تہاڈے لئی رحمت اے۔ جیہڑی کمی اے اُو ایہہ اے کہ تُسی ایہنوں ویکھو۔ جے تُسی ایہنوں ویکھیا ہوندا تے تُسی ایہنی دیر تیکر مایوسی، شک تے خوف وِچ مبتلا نہ ہوندے۔ مسیح چہ معافی اے، تے تُسی ایہنوں ضرور حاصل کرو گے۔ میہنوں اُمید اے کہ تُسی ایہنوں حاصل کر لوؤ گے!

پانی ہاجرہ دے قریب ای سی۔ تے اینج ای مسیح اَج دی راتی تہاڈے قریب اے۔ ایہہ مت سوچو کہ آسمان وِچ مسیح تہاڈی پہنچ تو باہر اے، تے اُوہنے اپنے پیچھے کوئی رحمت نئیں چھڈی اے! اُو تہاڈے قریب اے۔ روح القدس ایہنوں قریب لیہیاندا اے۔ اُو ہُن روح وِچ ایہنا ای قریب اے جِنہا اُو شاگرداں نال سی جیویں کہ اُوہنے اماؤس وِچ اُوہناں نال گل کیتی سی۔ لیکن اُو اُوہنوں نئیں جانندے سی جدوں تیکر کہ خدا وَلوں اُوہناں دی اَکھاں نہ کُھلیاں۔

’’اور اُن کی آنکھیں کُھل گئیں اور اُنہوں نے اُسے پہچان لیا‘‘ (لوقا 24: 31)۔

بالکل اینج ای، کھو دا پانی وی ہاجرہ دے بالکل ای قریب سی، لیکن اُو اُوہنوں اُوس ویلے تیکر نہ ویکھ سی جدوں تیکر کہ اُوہدی اَکھاں کھول نہ دِتی گئیاں۔

’’تے خدا نے اُوہدیاں اَکھاں کھول دِتیاں تے اُوہنے پانی دا اِک کھو ویکھیا‘‘ (پیدائش21: 19)۔

خدا دی روح دے وسیلے توں، یسوع قریب ای اے۔ نجات دہندہ پہلاں ای ایتھے اے، تے تہاڈی نجات ختم ہو چکی اے۔ لیکن تہانوں مسیح نوں ایمان دے نال ویکھنا چائیدا اے تے فیر تہانوں خوشی تے سکون لبھے گا۔

ہاجرہ دے معاملے وِچ پانی نہ صرف قریب سی بلکہ اُوہنوں حاصل کرنا وی سہوکھا سی۔ لیکن اُوہنے بس بوتل پھڑی تے اُوہنوں بھریا، تے اپنے بچے نوں پین دے لئی دِتا۔ جے تُسی گنہگار اُو تے رحمت تہاڈی دسترس وِچ اے۔ مسیح تے بھروسہ کرنا انسانی دِل دے آسان ترین کاماں وِچوں اِک اے۔ یسوع تے بھروسہ کرنا روح دے نلا اُوہدے وَل جھکنا ہوندا اے، جیویں میں ایس منبر توں اپنے جسم نوں جھکا رہیا آں۔ ایہنوں نہ سِکھن دی لوڑ اے، نہ پچھلی تعلیم دی، نہ کسی تناؤ یا ذہنی کوشش دی لوڑ اے۔ خداوند یسوع دا ایہہ سادہ بھروسہ یسوع مسیح دی طاقت دے ذریعے نجات دلاندا اے۔ کوئی وی گل ایہو جئی نئیں جیہڑی ایمان توں پہلے ٹر جائے تے ایمان حاصل کر چکن دے بعد مِلن آلی کوئی وی شے تہانوں نجات نئیں دلائے گی۔ صرف ایمان ای بچان آلی فضل اے۔ جیس لمحے مردے ہوئے چور نے مصلوب نجات دہندہ وَل ویکھیا تے کیہیا، ’’خداوند، میہنوں یا رکھیں،‘‘ اُوہنے اینج ای نجات پا لئی سی جیویں پولوس نے پائی سی۔ تُسی اُسی لمحے نجات پا جاندے اُو جدوں تُسی یسوع مسیح تے پروہسا کردے اُو۔

جدوں میں نجات پا گیا تے میں سوچیا، ’’میں کیہو جیہا احمق سی کہ پہلاں مسیح تے پروہسا نئیں کردا سی!‘‘ میں سینکڑوں وری خوشخبری سُنی ہووے گی، لیکن میہنوں سمجھ نئیں آئی۔ میں اَکھاں بند کیتے ہاجرہ وانگوں سی۔ میہنوں ہر اِتوار نوں تہانوں دسنا ضروری اے کہ یسوع تے پروہسا کرنا ای نجات پان دا راستہ اے۔ لیکن جدوں تُسی ایہہ سینکڑوں وری سُن چکے اُو کہ تُسی سمجھ نئیں پاؤ گے کہ ساڈا کی مطلب اے، یا اینج کرو، جدوں تیکر خدا دی روح ایس راز نوں ظاہر نہ کرے۔ لیکن جدوں تُسی یسوع تے پروہسا کردے اُو، تے تُسی اپنے آپ نوں کہوو گے، ’’ایہہ کیویں ہو سکدا اے؟ میرے قدماں وِچ پانی دی لہراں نال میہنوں پیاس لگ رئی سی۔ میں بھوک نال مر رہیا سی، تے کھان میرے سامنے میز تے پیہیا سی۔ میں بچائے جان دی فکر کر رہیا سی، لیکن یسوع میرے سامنے اپنی بانہواں پھیلائے کِھلوتا سی۔‘‘ جے خدا دا روح اَج دی راتی تہانوں ایہہ سمجھن دے قابل بناندا اے کہ مسیح تے پروہسا کرنا کی اے، تے میں دعا کرنا آں کہ تُسی اُوہدی اطاعت کرو گے، یسوع تے پروہسا کرو گے تے اُوہدے لہو نال دُھل کے پاک صاف ہو جاؤ گے۔ خود دا پروہسا یسوع تے رکھو تے اُو تہانوں نجات دلائے گا۔ اُوہنے کدی کسی قابل اعتماد بندے توں انکار نئیں کیتا۔ میں کہنا آں، ’’مسیح تے پروسا رکھو، تے اُو تہانوں بچا لئے گا۔‘‘ میں ایہنوں ہُور وی واضح کر دیاں گا: ’’مسیح تے پروہسا کرو، تُسی نجات پا گئے اُو۔‘‘ جیس لمحے تُسی خدا دے پُتر تے پروہسا کردے اُو، خدا دی کتاب وِچ تہاڈے خلاف کوئی گناہ باقی نئیں رہندا۔

’’تے خدا نے اُوہدیاں اَکھاں کھول دِتیاں تے اُوہنے پانی دا اِک کھو ویکھیا‘‘ (پیدائش21: 19)۔

III۔ تیجی گل، راہ وِچ اِک رکاوٹ سی کیوں جے اُو پانی نہ ویکھ پائی سی۔

ہاجرہ دی اَکھاں بالکل چنگیاں سن، لیکن اُو پانی نئیں ویکھ سکدی سی۔ ہو سکدا اے تُہاڈا دماغ بہوتا چنگا ہووے تے فیر وی ایس سادہ جئی گل نوں نہ سمجھو – خداوند یسوع مسیح تے ایمان۔ تُسی اِک قسم دے کہرے دا شکار اُو جیہڑا تہاڈی بصارت تے بادل ڈالدا اے تے تہانوں صحیح تھاں تے ویکھن توں روکدا اے۔

[ڈاکٹر ہائیمرز دی غور طلب گل: میں ہر روز بیس منٹ یا یس توں زیادہ تیراکی کرنا آں۔ کلورین نوں اپنی اَکھاں توں دور رکھن دے لئی میں پرانے چشمیاں دا اِک جوڑٓ پہننا آں۔ میں اپنے جِم وِچ اولمپک سائز دے پول وِچ تیراکی کرنا آں۔ ہر تنگ راستے نوں نشان زدہ کرن دے لئی پول دے ہیٹاں اِک سیاہ لکیر اے۔ تہانوں ایس کلای لکیر نوں ویکھ دے قابل ہونا پیہئے گا۔ میرے چشمے ایہنے پرانے ہو گئے سن کہ میں مذید لائن نئیں ویکھ سکدا سی۔ اِک دوست نے میہنوں صابن نال دھون نوں کیہیا۔ میں نے ایہناں نوں صابن نال دھویا، تے ہُن میں دوبارہ لائن ویکھ سکنا آں۔ جدوں خدا تہاڈی اَکھاں کھولے گا تے تُسی خدواند یسوع مسیح نوں ایمان نال ویکھو گے۔]

یسوع تے سادہ اعتماد وِچ ایہہ مشکل اے – کہ ایہہ مشکل نئیں اے۔ لہٰذا انسانی ذہن ایہہ مانن توں انکاری اے کہ ایہنوں ایہنے سہوکھے طریقے نال بچایا جا سکدا اے۔ ایہہ کیہو جیہا اَنّا پن اے! کیس قدر بے وقوفانہ تے ایہنا مُہلک!

تہاڈے وِچوں اکثر دے نجات نہ پان دی بنیادی وجہ ایہہ اے کہ تُسی اُوس توں زیادہ دی تلاش وِچ اُو جیہڑا تہانوں لبھے گا۔ اینج، تہاڈی اَکھاں تصورات نال چمک رئی نے۔ میہنوں لگدا اے کہ تہاڈے وِچوں کُج توقع کردے نے کہ تہانوں بجلی دا جھٹکا لگے گا، یا اول درجے دا خوفناک انسانی دیوانہ پن۔ تہانوں اِک خیال اے کہ فیر توں پیدا ہونا تھرتھری پیدا کر دین آلی شے اے، یا ہڈیاں دا کپکپانا اے – اِک ناقابلِ بیان احساس۔ لیکن نئے سے توں پیدا ہونے وِچ توہم پرستی دا خاتمہ تے جذبات نا جینا شامل اے، تے تہانوں سادہ تے واضح سچائی دی دُنیا وِچ لے آن اے۔

’’جو اُس [بیٹے] پر ایمان لاتا ہے اُس پر سزا کا حکم نہیں ہوتا‘‘ (یوحنا 3: 18)۔

اِک وری فیر، میہنوں ڈر اے کہ کُج لوکی، اپنے پیراں وِچ پیہئے پانی دے نال، مبلغین وَلوں دِتی جان آلی غلط ہدایات دی وجہ توں ایہنوں پی ای نہ لین۔ [ساڈے زمانے وِچ] جدوں اِک پادری اپنا واعظ بند کردا اے، تے اُو اکثر کہندا اے، ’’جے تُسی نجات پانا چاہندے اُو تے اَگے آؤ تے دعا کرو۔‘‘ ایہہ بُری نصیحت اے۔ [سپرجیئن دے زمانے وِچ، اُوہناں نے کیہیا، ’’گھر جاؤ تے دعا کرو‘‘۔ ساڈے زمانے وِچ، اُو کہندے نے، ’’اَگے ودھو تے دعا کرو۔‘‘] دعا کرنا چنگا اے، لیکن دعا تہانوں نجات نئیں دلائے گی۔ [رومیوں 10: 13 اَج کل عام طور تے غلط استعمال کیتی جاندی اے۔ ایس غلطی دی وجہ توں لکھاں لوکی جہنم وِچ ہون گے۔ جیہڑا بندہ خداوند دا ناں پکاردا اے اُوہنوں پہلاں ای یسوع تے ایمان لیہیا کے نجات ملنی چائیدی اے، ایس توں پہلاں کہ اُو دعا کرے، رومیوں 10: 14؛ ایہناں آیتاں تے ڈاکٹر جان آر رائس دے تبصرے اُوہناں دے کتابچے ’’میہنوں نجات پان دے لئی کی کرنا چائیدا اے؟‘‘ وِچ ویکھو]۔ دعا نے خود ای کدی کسی نوں نجات نئیں دلائی۔ لاکھاں لوکی جہنم وِچ ہون گے کیوں جے اُوہناں نے ایس حقیقت تے پروہسا کیتا تے انحصار کیتا کہ اُوہناں نے گنگہار دی دعا منگی، یا ’’خداوند دے ناں نوں پکاریا‘‘۔ کیہو جیہا اِک فریب! تہانوں ایہہ نئیں کہا جانا چائیدا اے کہ تُسی اَگے ودھو تے دعا کرو۔ تہانوں یسوع تے پروہسا کرن دے لئی کیہیا جانا چائیدا اے!

ایہہ دعا نئیں اے، بلکہ یسوع تے ایمان لیہیانا اے، جیہڑا بندے نوں نجات دلاندا اے! ایہہ صرف خداوند یسوع مسیح تے انحصار اے جیہڑا حقیقی اہم عمل اے جیس دے ذریعے روح نوں ابدی حیاتی دے لئی زندہ کیتا جاندا اے۔

ہُن، میں تہانوں ایہہ نئیں کہندا، ’’جدوں تیکر تُسی گھرنہ پہنچ جاؤ ٹھہر جاؤ‘‘ – ہو سکدا اے کہ تُسی زندہ کدی گھر نہ پہنچ جاؤ۔ میں تہانوں ایہہ کہن دی ہمت نئیں کردا، ’’انتظار کرو جدوں تیکر کہ تُسی توہ کرن آلے دِل نوں محسوس نہ کرو‘‘ – تُسی مر وی سکدے اُو، ایس توں پہلاں کہ تہاڈا دِل توبہ دی حالت وِچ پہہنچے۔ لیکن میں تہانوں کہنا آں کہ جے ہُںے، ہاجرہ وانگوں تُسی بھوکے تے پیاسے اُو تے نجات تہاڈی پہنچ وِچ اے۔ یسوع مسیح تے پروہسا کرو، تے اُوہدا لہو تے راستبازی تہاڈی اے۔

جے تُسی مسیح تے پروہسا کردے اُو تے امن تے معافی نئیں پاندے اُو، تے میں جیس خوشخبری دی تبلیغ کرنا آں اُو جھوٹ اے، تے میں ایہنوں ترک کر دیاں گا۔ لیکن فیر بائبل وی جھوٹی ہووے گی، کیوں جے ایس کتاب توں میرا پیغام آندا اے۔ ایہہ اُو خوشخبری اے جیہڑی اَسی حاصل کیتی اے، تے جیس دی تبلیغ دے لئی مسیح نے سانوں پیہجیا اے – کہ جیہڑا کوئی اُوہدے تے ایمان لیہیاندا اے اُوہدی سزا دا حکم نئیں ہوندا۔

’’تے خدا نے اُوہدیاں اَکھاں کھول دِتیاں تے اُوہنے پانی دا اِک کھو ویکھیا‘‘ (پیدائش21: 19)۔

IV۔ چوتھی گل، اِلہٰی طور تے رکاوٹ دا ہٹایا جانا۔

ہاجرہ دا اَنّا پن خدا نے دور کر دِتا سی۔ کوئی ہُور ایہنوں ہٹا نئیں سکدا سی۔ خدا نوں اِک بندے دی اَکھاں کھولنی چائیدیاں کہ مسیح چہ واقعی اعتقاد کیتا ہوندا اے۔ اُو سادہ سچائی – یسوع مسیح تے پروہسا کرن نال نجات – ہُن وی اُوس ویلے تیکر ویکھنا بہوتا مشکل اے جدوں تیکر کہ خدا دی طاقت نوں دِل وِچ آن تے مجبور نئیں کیتا جاندا۔

’’تے خدا نے اُوہدیاں اَکھاں کھول دِتیاں تے اُوہنے پانی دا اِک کھو ویکھیا‘‘ (پیدائش21: 19)۔

’’تے اُوہناں دی اَکھاں کُھل گئیاں تے اُوہناں نے اُوہنوں پہچان لیہیا‘‘ (لوقا 24: 31)۔

بہوتے لوکی فضل دے ثبوت نوں ویکھن دے لئی اپنے اندر تلاش کر رئے ہوندے نے جدوں کہ اُوہناں دی پریشانی نوں ای کافی ثبوت ہونا چائیدا اے۔ میں اُمید کرنا آں کہ تہاڈے وِچوں بہوتے لوکی ایہو جئے نے جیہڑے جان بغیر نجات دے کنارے تے نے۔ تہاڈا دِل مہینیاں توں، تے شاید وریاں توں اِک اِلہٰی خواہش نال چمک رہیا اے، تے فیر آخر کار اِک لمحے وِچ حتمی حرکت ہو جاندی اے، تے تُسی مسیح وَل ویکھدے اُو تے اُوہدے تے پروہسا کر کے نجات پاندے اُو۔ اَج دی راتی اینج ای ہو جائے۔ تہاڈے وِچ بہوتا زیادہ تیاری دا کام کیتا گیا اے، کیوں جے تہانوں نجات دہندہ دی چاہت دے لئی لیہیا گیا اے۔ تُسی اُوہدے ذریعے نجات پان دی خواہش رکھدے اُو۔ اُو اُوتھے اے – اُوہنوں اپنا لو! اپنا بنا لو اُوہنوں! پانی دا کھو تہاڈے سامنے اے۔ ایہنوں پی لو! پہلاں اپنے مُنہ نوں دھون یا کپڑے تبدیل کرن دی لوڑ نئیں اے۔ ایہنوں اِک دم پی لو۔ یسوع دے کول آؤ جیس وی حالت وِچ تُسی اَج دی شامی اُو!

جے تُسی ایس بارے چہ میرے نال گل کرنا چاہندے اُو، تے براہ کرم کمرے دے پچھلے حصے وَل ودھو جدوں کہ اَسی گان دے ورق توں آخری گانا گانے آں۔ ساڈے گیت دا پہلا بند گان دے بعد کمرے دے پچھلے حصے وَل قدم ودھاؤ۔ آؤ کِھلو کے ایہنوں گاؤ۔

آؤ، اے گنہگاروں، غریب تے خستہ حال،
   کمزور تے زخمی، بیمار تے دُکھی؛
یسوع تہانوں بچان دے لئی تیار کِھلوتا اے،
   ہمدردی، محبت تے قوت توں بھرپور؛
اُو لائق اے، اُو لائق اے، اُو تیار اے،
   مذید ہُور شک نہ کرو۔
اُو لائق اے، اُو لائق اے، اُو تیار اے،
   مذید ہُور شک نہ کرو۔
(’’آؤ، اے گنہگاروںCome, Ye Sinners ‘‘ شاعر جوزف ہارٹ Joseph Hart ، 1712۔1768).

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔