مقامی کلیسیا دی ایذارسائی | Persecution of the Local Church

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ڈاکٹر جان گلDr. John Gill نے نشاندہی کیتی کہ الفاظ، ’’تے اُوس ویلے‘‘ دا ترجمہ ’’اُسی دِن‘‘ کیتا جا سکدا اے (ڈاکٹر جان گل، نئے عہد نامہ دی اِک تفسیرAn Exposition of the New Testament، دی بیپٹسٹ اسٹینڈرڈ بیئرر The Baptist Standard Bearer، 1989 دوبارہ اشاعت، جلد II، صفحہ 211)۔

ڈاکٹر گل ایویں کہندے نے کہ ظلم و ستم دا آغاز اُوسے دِن ہویا۔

… جیس تے استیفنس نوں سنگسار کیتا گیا سی۔ جییوں ای اُوہناں نے اُوہنوں موت دے گھاٹ اُتاریا، ایہہ خونخوار بدمعاش دوجیاں دے لہو دے بعد بوہتے لالچی ہو گئے سن۔ تے ہُن کثیر تعداد وِچ ہون دی وجہ توں، تے غصے تے حسد نال بھرے ہون دی وجہ توں، کلیسیا دے افراد تے نازل ہو گئے جیتھے وی او اُوہناں نال ملے، اُوہناں نوں قتل کر ڈالیا … کلیسیا دے سارے اراکین نوں نئیں … کیوں جے اُیہدے بعد اَسی ایہناں دیندار لوکاں دے بارے وِچ پڑھیا جیہڑے ستیفنس نوں اُوہدی قبر تیکر لے گئے۔ تے کلیسیا دے [بارے وِچ پڑھیا] جیس تے ساؤل نے تباہی مچا دِتی سی۔ تے مرداں تے عورتاں تے … اُوہدے ذریعے توں قید کیتے گئے؛ لیکن کلام دے سارے مبلغین، ماسوائے رسولاں دے۔ کیوں جے جیہڑے وِکھر گئے سن اُو کلام دی منادی کردے چلے گئے … اُو ستر شاگرد تے کلام دے دوجے مذہبی خادم معلوم ہوندے نے، جِنہاں تے پینتیکوست دے دِن روح القدس نازل ہویا … جِنہاں وِچ فلپ وی سی، جیہڑا سامریہ گیا سی۔ تے حننیاہ جیہڑا دمشق وِچ سی۔ تے دوجے جیہڑے کہ فینیس، قبرص تے انطاکیہ تیکر گئے سن: تے خاص طور تے کہیا جاندا اے کہ اُو یہودیہ تے سامریہ دے سارے علاقیاں وِچ منتشر ہو گئے۔ جیتھے ایہناں دی منادی نوں مسیح وِچ ایمان لیہیان دی تبدیلی دے لئی ایہنی برکت دِتی گئی کہ جیویں کہ ظاہر ہوندا ہووے ایہناں حصیاں وِچ چھیتی ای بہوتی ساری کلیسیاواں نے جنم لہیا تے تشکیل دِتی گئی [اعمال 9: 31] کہ ایہہ ظلم و ستم انجیل نوں اَگے ودھان دے لئی سی … تے ظلم و ستم دی وجہ توں ایہہ وکھرنا، ماسوائے رسولاں دے، سارے مبلغین دا سی۔ اُو بارہ رسول، جیہڑے کلیسیا دی دیکھ بھال دے لئی یروشلم وِچ [رئے]؛ ایہدے ارکان نوں مسیح تے اُوہدی انجیل دی خاطر خوش دلی نال تکالیف سہن دی ترغیب دین دی خاطر (گل، ibid.)

گذشتہ اِتوار دے دوویں واعظاں وِچ میں اُوسی محبت تے خوشی دی نشاندہی کیتی جیس دا تجربہ لوکاں نے یروشلم دی مقامی کلیسیا وِچ کیتا۔ لیکن سانوں کدی وی ایہہ نئیں سوچنا چائیدا اے کہ اَسی کدی وی ظلم و ستم دا سامان کیتے بغیر اِک خوشگوار، پُرمسرت کلیسیا پا سکنے آں۔ یروشلم دی مقامی کلیسیا نوں، ایہہ کہے بغیر کہ اُوہناں نے وی ظلم و ستم دا سامنا کیتا – خوشی تے مسرت دی عکاسی دے طور تے پیش کرنا اِک بہوتی وڈی غلطی ہووے گی۔

’’تے اُوسے دِن یروشلم وِچ کلیسیا تے ایذا رسانی دا اِک بہوتا وڈا سلسلہ شروع ہو گیا‘‘ (اعمال 8: 1)۔

I۔ پہلی گل، ایذا رسانی مقامی کلیسیا دے باہر توں آ سکدی اے۔

ایہو ای اے جیہڑا یروشلم دی کلیسیا دے نال رونم ہویا سی۔ اُوہناں [ایمانداراں] تے ایذا رسانی ایہناں لوکاں وَلوں آئی جیہڑے کلیسیا توں باہر سن جیہڑے ایہدے خلاف سن۔ یسوع نے اکثر ایہدی پیشین گوئی کیتی سی۔ اُوہنے کہیا،

’’آدمیاں توں خبردار رہنا کیوں جے اُو تہانوں پھڑ پھڑ کے عدالتاں وِچ پیش کرن گے تے اپنے عبادتخانیاں وِچ تہانوں کوڑے مارن گے۔ تے تُسی میری وجہ توں حاکماں تے بادشاہواں دے اَگے حاضر کیتے جاؤ گے …‘‘ (متی 10: 17۔18)۔

’’اُوس ویلے لوکی تہانوں پھڑ پھڑ کے ایذا دین گے تے قتل کرن گے تے ساری قوماں میرے ناں دی وجہ توں تہاڈے نال دشمنی رکھن گئیاں‘‘ (متی 24: 9)۔

’’دراصل، جیہنے لوکی مسیح یسوع وِچ حیاتی لنگہانا چاہندے نے اُو ستائے جان گے‘‘ (II تیمتھیس 3: 12)۔

اتیھے پولوس تیمتھیس نوں اِک بہوتی اہم شے دی یاد دلائی: چھیتی یا دیر نال مسیح دے ہر سچے پیروکار نوں ستایا جائے گا … مسیح دے زمانے توں لے کے اَج تیکر، سارے سچے مسیحیاں نے کسی نہ کسی قسم دی آزمائشاں تے مصائب دا سامنا کیتا اے (نئے عہدنامے تے لاگو اِطلاق دا تبصرہ The Applied New Testament Commentary، کنگزوے پبلیکیشنز Kingsway Publications، 1996، صفحہ 872)۔

’’میرے ناں دے وجہ توں سارے لوکی تہاڈے دشمن بن جان گے‘‘ (متی 10: 22)۔

’’جے دُنیا تہاڈے نال دشمنی رکھدی اے تے یاد رکھو کہ اُوہناں نے پہلاں میرے ناں وی دشمنی رکھی اے۔ جے تُسی دُنیا وانگوں ہوندے تے دُنیا تہانوں اپنیاں وانگوں عزیز رکھدی لیکن ہُن تُسی دُنیا دے نئیں ہو کیوں جے میں تہانوں چُن کے دُنیا توں الگ کر دِتا اے۔ ایہو ای وجہ اے کہ دُنیا تہاڈے نال دشمنی رکھدی اے‘‘ (یوحنا 15: 18۔19)۔

نئے مسیحی اکثر ایہہ جان کے حیران ہوندے نے کہ لوکی دراصل مسیحی ہون دی وجہ توں ایہناں نال نفرت کردے نے۔ میہنوں یاد اے کہ جدوں میں پہلی وری مسیحی بنا تے ایہہ میرے لئی بہوتی حیران کُن گل سی۔ لیکن میں حیران رہ گیا کیوں جے میں بائبل نوں چنگی طرح نال نئیں جانندا سی۔ یسوع نے ایہنوں انتہائی طور تے واضح کیتا۔

’’میرے ناں دے باعث سارے لوکی تہاڈے دشمن بن جان گے‘‘ (متی 10: 22)۔

سُرخ چین وِچ کمیونسٹ مسیحیاں نوں دسدے نے کہ اُوہناں دا ’’برین واش‘‘ کیتا گیا اے۔ اُو مسیحیاں نوں ’’دوبارہ تعلیم‘‘ کیمپاں وِچ پاندے نے تے اوہناں نوں مسیحیت ترک کران دی کوشش کردے نے۔ اَسی ایہدے بارے چہ سُن کے حیران نئیں ہوندے – لیکن اَسی حیران ہونے آں جدوں ایتھے امریکہ وِچ غیرمسیحی دوست تے رشتہ دار اِک ای گل کہندے نے – تے سانوں گرجا گھر توں دور کرن دی کوشش کردے نے۔ سانوں یاد رکھنا چائیدا اے کہ یسوع نے کی کہیا، ’’میرے ناں دی وجہ توں سارے لوکی تہاڈے دشمن بن جان گے‘‘ (متی 10: 22)۔ ایہہ صرف چین وِچ کیمونسٹ ای نئیں نے جیہڑے سانوں ستان گے۔ امریکہ وِچ چنگے مسیحیاں تے وی ظلم و ستم ہوندا اے۔

’’تے اُوسے دِن یروشلم وِچ کلیسیا تے ایذا رسانی دا اِک بہوتا وڈا سلسلہ شروع ہو گیا‘‘ (اعمال 8: 1)۔

II۔ دوجی گل، مقامی کلیسیا وِچ ایذا رسانی اندر توں آ سکدی اے۔

براہِ کرم اعمال 20: 29-30 وَل توجہ دیو۔ ایہہ پولوس رسول دے اُو الفاظ نے جیہڑے میلیتس وِچ مقامی کلیسیا دے رہنماواں دے لئی نے۔ آؤ کِھلو کے ایہناں دوواں آیتاں نوں اُوچی واج نال پڑھیے۔

’’میں جاننا آں کہ میرے ٹُر جان دے بعد پھاڑ کھان آلے بھیڑیے تہاڈے وِچکار آن گھسن گے تے گلّے نوں زندہ نئیں چھڈن گے۔ بلکہ تہاڈے وِچوں ای ایہو جئے لوکی اُٹھ کِھلون گے جیہڑے سچائی نوں توڑ مروڑ کے پیش کرن گے تاکہ شاگرداں نوں اپنی وَل کر لین‘‘ (اعمال 20: 29۔30)۔

نہ صرف بیرون ملک توں جھوٹے اِساتذہ نوں ایہناں وِچ داخل ہونا چائیدا اے، بلکہ کُجھ اپنی برادریاں وِچوں نکلن گے، جیویں کہ ایہناں دے ممبران وِچ داخل ہو چکے سن، تے جِنہاں توں اُو چنگی اُمید رکھدے سن … گرجا گھراں توں ارکان نوں دور کرن، تفرقہ پیدا کرن تے تقسیم کرن، پارٹیاں بنان دے لئی، اپنے آپ نوں اُوہناں دے سربراہ بنان گے (گل، ibid.، صفحہ 342)۔

اپنی کتاب گرجا گھر دی تقسیمChurch Split وِچ، ڈاکٹر رائے برانسن Dr. Roy Branson کہندے نے،

زیادہ تر معاملات وِچ کلیسیا تقسیم ہو جاندی اے کیوں جے کلیسیا وِچ اِک گروہ انجیلی بشارت دی مخالفت کردا اے … جدوں اِک کلیسیا دوجیاں تیکر پہنچنا تے ودھنا شروع کردی اے، تے ہر اصل رُکن نوں … تین شیواں وِچوں اِک کام کرنا چائیدا اے: کلیسیا دی انجیلی بشارت دی حمایت کرنا، فراموشی وِچ ڈوب جانا، یا مزاحمت کرن دے ذریعے توں بغاوت کرنا یا چھڈ کے جانا (ڈاکٹر رائے ایل برانسن جونیئرDr. Roy L. Branson, Jr.، کلیسیا دی تقسیمChurch Split، لینڈ مارک پبلی کیشنزLandmark Publications، 1990، صفحہ 169-170)۔

جی ہاں، اینج دی مصیبت مقامی کلیسیا دی اندر توں آ سکدی اے۔ جدوں کلیسیا دی تقسیم ہوندی اے تے ایہہ ساڈے دِلاں نوں توڑ دیہندی اے، لیکن اَسی ایہدی توقع کر سکنے آں۔ یسوع نے کہیا، ’’دُنیا وِچ تہاڈے تے مصیبت آئے گی‘‘ (یوحنا 16: 33)۔ مقامی کلیسیا اِک شاندار تھاں اے، لیکن ایہ کامل نئیں اے۔ واحد کامل تھاں جنت اے۔

’’تے اُوسے دِن یروشلم وِچ کلیسیا تے ایذا رسانی دا اِک بہوتا وڈا سلسلہ شروع ہو گیا‘‘ (اعمال 8: 1)۔

III۔ تیجی گل، ایذا رسانی مقامی کلیسیا دی بے انتہا قدر نوں ظاہر کردی اے۔

امریکہ وِچ بہتیرے جوڑے اَج شادی کیتے بغیر اِک دوجے دے نال رہندے نے۔ اُو، ایس ڈر توں کہ طلاق ہو جائے گی، خود نوں اِک دوجے دے حوالے کرن توں ڈردے نے۔ ایہہ بہوتا افسوسناک اے کیوں جے شادی خدا دا عطا کردہ اِک دستور و رواج اے۔

غور کرو کہ اُوہی نسل جیہڑی شادی دی پابند نئیں ہووے گی ایہنوں وی مقامی کلیسیا نال وابستگی کرن وِچ دشواری ہوندی اے! ایہدے نال سانوں حیران نئیں ہونا چائیدا اے، کیوں جے شادی تے کلیسیا دی رُکنیت دا بائبل وِچ اِک دوجے نال موازنہ کیتا گیا اے۔ افسیوں 5: 31۔33 آیتاں وَل رجوع کرو۔ آؤ کھڑے ہو جایے تے ایہہ تین آیتاں پڑھیے۔

’’اِسی سبب نال مرد اپنے ماں پیو نوں چھڈ کے اپنی ووہٹی دے نال رہوے گا تے اُو دوویں مل کے اِک تن ہون گے۔ ایہہ راز دی گل ہے تے بہوتی ڈونگی لیکن میں سمجھنا آں کہ ایہہ مسیح تے کلیسیا دے باہمی تعلق وَل اشارہ کردی اے۔ بہرحال تہاڈے وِچوں ہر شوہر نوں چائیدا اے کہ اُو اپنی ووہٹی نال اپنے وانگوں محبت رکھے تے ووہٹی نوں وی چائیدا اے کہ اُو اپنے شوہر نال ادب نال پیش آئے‘‘ (افسیوں 5: 31۔33)۔

افسیوں دے پنجویں باب دے دوجے نصف حصے وِچ میاں بیوی دا موازنہ مسیح تے کلیسیا نال کیتا گیا اے۔ فیر، باب دے آخیر وِچ ،ایہہ دوبارہ کیتا جاندا اے۔ مرد تے عورت دی شادی دا موازنہ مسیح تے مقامی کلیسیا نال کیتا جاندا اے۔

اِک غیر تبدیل شُدہ شخص [مسیح وِچ ایمان نہ لیہایا ہویا شخص] جیہڑا شادی نئیں کرنا چاہندا، یا شادی شُدہ رہنا چاہندا اے، اُو وی مقامی کلیسیا وِچ رُکنیت دے اِستحکام نال لطف اندوز ہون دے قابل نئیں ہووے گا۔ جِنہاں نوں مقامی کلیسیا دی رُکنیت مشکل لگدی اے اُو شادی تے بچیاں نوں وی مشکل محسوس کرن گے۔ میں بہتیرے لوکاں نوں اپنے اِک یا دو بچے پیدا کرن دے بعد اپنی مقامی کلیسیا نوں چھڈدے ویکھیا اے کہ ایہدے نال میرا دِل ٹُٹ جاندا اے۔ اُو صرف ایہنوں سنبھال نئیں سکدے سن – خاندان یا کلیسیا۔

لیکن ایہہ لوکی کیس خوشی توں محروم رہ جاندے نے! اُو جیہڑے شادی شُدہ نئیں رہ سکدے اُو بچیاں دی پرورش نئیں کر سکدے اُو حیاتی دی اِک وڈی خوشی توں محروم رہندے نے۔ اُو لوکی جیہڑے مقامی کلیسیا وِچ اِکٹھے نئیں ہو سکدے اُو حیاتی دی سب توں وڈی خوشیاں وِچوں اِک نوں گنوا دیہندے نے۔

مقامی کلیسیا دی رُکنیت دے خلاف آن آلے دوباؤ ایہہ ظاہر نئیں کردے کہ ایہہ غیر اہم اے۔ ایہہ بالکل ایہدے توں اُلٹ اے! مقامی کلیسیا وِچ رُکنیت دے خلاف آن آلے دباؤ تے اذیّتاں ظاہر کردیاں نے کہ کلیسیا دی رُکنیت واقعی کیہنی انتہائی اہم اے!

’’تے اُوسے دِن یروشلم وِچ کلیسیا تے ایذا رسانی دا اِک بہوتا وڈا سلسلہ شروع ہو گیا‘‘ (اعمال 8: 1)۔

اینج کیوں رونما ہویا؟ کیوں جے شیطان مقامی کلیسیا تے حملہ کردا اے! شیطان نئیں چاہندا کہ تُسی مقامی کلیسیا وِچ خوشی تلاش کرو تے دیرپا دوست بناؤ! شیطان چاہندا اے کہ تُہانوں ہوا وِچ پتے وانگوں اُڑا دِتا جاے۔

آؤ، پاویں کُجھ وی ہو جائے، اپنی جڑاں نوں [زمین وِچ] گاڑے رکھو، تے شادی وِچ اِک دوجے دے نال عہد بستہ رہیے – تے مقامی کلیسیا وِچ اِک دوجے دے لئی پابدن رہیے!

ایہو ای ساڈا موضوع اے۔ ’’تنہا کیوں رہیا جائے؟ گھر آؤ – کلیسیا وِچ! گمراہ کیوں رہیا جائے؟ گھر آؤ – خدا دے پُتر، یسوع مسیح دے کول!

گھر ٹُر آؤ، گھر ٹُر آؤ، تُسی جیہڑے تھکے ہوئے ہو، گھر ٹُر آؤ۔
خلوص نال، یسوع نرمی نال پکار رہیا اے، پکار رہیا اے، اے گنہگارو، گھر ٹُر آؤ۔
(’’خلوص تے نرمی نال یسوع پکار رہیا اےSoftly and Tenderly Jesus Is Calling ‘‘
شاعر وَل ایل تھامپسنWill L. Thompson، 1847-1909)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔