ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
درد تے مصیبتاں دے ذریعے
|
جدوں پولوس رسول لُستریہ، اکونیئم تے نطاکیہ دے شہراں توں لنگہیا تے اُوہنے اُوہناں لوکاں نوں تنلیغ کیتی جیہڑے کلیسیا وِچ آئے سن۔ اُوہنے لوکاں نوں کہیا کہ ’’ایمان تے قائم رہوو‘‘ تے فیر کہیا،
’’خداوند دی بادشاہی وِچ داخل ہون دے لئی ساڈا بہوتی ساری مصیبتاں دا سامنا کرنا لازم اے‘‘ (اعمال 14: 22)۔
ایہ پولوس دی منادی دا اِک عمومی موضوع سی۔ اُوہنے توبہ تے تبدیلی دا لازمی حصہ جھیلن دی آمادگی نوں بنایا۔ II تیمتھیس 2: 12 وِچ، پولوس نے لکھیا،
’’جے اَسی دُکھ سہواں گے تے اَسی وی اُوہدے نال حکومت کراں گے: جے اَسی اُوہدا انکار کراں گے تے اُو وی ساڈا انکار کرے گا‘‘ (II۔ تیمتھیس 2: 12)۔
پولوس نے ایس موضوع دی مسلسل اُوہناں ساریاں لوکاں نوں تبلیغ کیتی جِنہاں نے اُوہنوں سُنیا۔
’’خداوند دی بادشاہی وِچ داخل ہون دے لئی ساڈا بہوتی ساری مصیبتاں دا سامنا کرنا لازم اے‘‘ (اعمال 14: 22)۔
غور کرو کہ اُوہنے کہیا ’’اَسی‘‘۔ ایس لئی ایہ ساریاں تے لوگو ہوندا اے۔ فیر اُوہنے کہیا، ’’سانوں چائیدا اے‘‘۔ ایہنوں گھما پھرا کے پیش کرن دے لئی کوئی راہ نئیں اے۔ یونانی لفظ دا مطلب اے ’’مجبورcompelled۔‘‘ اَسی مجبور آں، ضرورت دے وجہ توں، مصیبت توں لنگہن دے لئی۔ ایہ ہر اِک دے لئی سچ اے جیہڑا اِک مسیحی بننا چاہندا اے – تے تُسی ایہدے توں بچ کے نئیں جا سکدے! فیر اُو کہندا اے، ’’سانوں بہتیری مصیبتاں توں لنگہنا پیہئے گا…‘‘ ایہ لفظی طور تے اے، ’’بہتیری مصیبتاں، پریشانیاں، اذیتاں‘‘ (سٹرانگStrong)۔ شروع توں اَخیر تیکر مسیحی حیاتی بہوتی زیادہ مصیبتاں تے پریشانیاں نال بھری ہوئی اے۔ ایہناں ساریاں توں کیوں لنگہیے؟ ایہدا جواب تلاوت دے اَخیر وِچ دِتا گیا اے، ’’سانوں بہوتی زیادہ مصیبتاں توں لنگھ کے خدا دی بادشاہی وِچ داخل ہونا چائیدا اے۔‘‘
پولوس ایہناں شاگرداں دی ایمان وِچ ’’تصدیق‘‘ یا ’’ثابت‘‘ کر رہیا سی (جیمیسنJamieson، فاسیٹFausset اور براؤنBrown)۔ ایہناں نوں ’’شاگرد‘‘ کہیا جاندا اے، جیس دا سیدھا مطلب اے کہ اُو ’’عالم یا متعلم‘‘ (بارنسBarnes) سن۔ میہنوں اینج لگدا اے کہ ایہناں وِچوں کُجھ حال ای وِچ مسیح چہ ایمان لیہیا کے تبدیل ہوئے سن تے دیگر دوجے مسیح چہ ایمان لیہیان دی تبدیلی دے کنڈے تے سن۔ کسی وی صورت وِچ، اُو مسیحی عقیدے دے لئی بالکل نئے سن۔ ’’اُو دشمناں وِچ گھرے ہوئے سن، تے آزمائشاں تے خطرات نال دوچار سن (بارنسBarnes)۔ ’’ایہناں نوں ہُنے تیکر خوشخبری دی سچائیاں نال تھوڑی بہوتی واقفیت حاصل سی … ایس لئی ایہ ضروری سی کہ اُوہناں نوں سچائی دی مذید ہدایت دِتی جائے، تے خوشخبری دے ایمان وِچ قائم رہن‘‘ (البرٹ بارنسAlbert Barnes، نئے عہد نامہ تے غور طلب گلNotes on the New Testament، بیکر کُتب گھر Baker Book House، 1983 دوبارہ اشاعت، اعمال 14: 22 تے غور طلب گل)۔
پولوس رسول نے اُوہناں نوں کہیا،
’’خداوند دی بادشاہی وِچ داخل ہون دے لئی ساڈا بہوتی ساری مصیبتاں [پریشانیاں تے آفتاں] دا سامنا کرنا لازم اے‘‘ (اعمال 14: 22)۔
سانوں اپنی تلاوت وِچ کہیا گیا اے کہ جدوں اَسی مسیحی بن جائیے تے پریشانیاں تے مصیبتاں دی توقع رکھیے۔ بارنس Barnes دا کہنا اے کہ ایہ چار اہم وجوہات دی وجہ توں ضروری اے (توضیح)۔
1. کیوں جے حقیقی مسیحیت دی دُنیا وَلوں بہوتی زیادہ مخالفت اے۔
2. کیوں جے سانوں ایہ جانن دی لوڑ اے کہ جدوں مصیبتاں آن تے سانوں بھٹکن توں بچان۔
3. کیوں جے سانوں اپنے دماغاں نوں دُنیا توں دور کرن دے لئی ایہ جانن دی لوڑ اے … گنگہاراں دی مخالفت سانوں ایس دُنیا دے خواہش تے مجبور کردی اے جیتھے ’’شریر پریشانی توں باز آ جائے‘‘ تے جیتھے ہمیشہ دی دوستی تے امن ہووے۔
4. کیوں جے سانوں یاد رکھن دی لوڑ اے کہ جدوں مصیبت تے اذیت آندی اے، کہ ایہ شروع توں ای مسیحیاں دے نال ہوندا آیا اے۔ اَسی اُوس راہ تے ٹرنے آں جِنہوں اَتھروواں دے نال سیراب کیتا گیا اے، تے [اُوہناں دے] لہو دے وگائے جان دی وجہ توں مقدس بنایا گیا اے۔ نجات دہندہ ایس راہ تے ٹر پیہیا۔ تے ایہو ای کافی اے کہ ’’شاگرد اپنے آقا وانگوں ہون تے خادم اپنے رب وانگوں‘‘ (متی 10: 24، 25)۔
’’خداوند دی بادشاہی وِچ داخل ہون دے لئی ساڈا بہوتی ساری مصیبتاں دا سامنا کرنا لازم اے‘‘ (اعمال 14: 22)۔
’’خدا دی بادشاہی وِچ داخل ہون جان [دا مطلب] نجات پا لیہنا ہوندا اے۔ جنت وِچ داخل ہو جاؤ‘‘ (بارنسBarnes، ibid.)۔
اینج دا اِک ’’مشکل‘‘ موضوع امریکہ یا دوجے مغریب گرجا گھراں وِچ شاذ و ںادر ای پیش کیتا جاندا اے۔ کوئی تعجب دی گل نئیں کہ ساڈے کول مسیح چہ ایمان لیہیا کے حقیقی تبدیل ہون آلے بہوتے گھٹ نے! اَسی ’’خوشحالی دی اِلہٰیاتی تعلیم‘‘ سُننے آں، جیہڑی سانوں دسدی اے کہ جے مسیحی بن گئے تے اَسی امیر ہو جاواں گے۔ اَسی ’’اِمکانی سوچ‘‘ سُننے آں جیہڑی سانوں دسدی اے کہ مسیحی حیاتی ہر ویلے آسان تے کامیاب اے۔ امریکی تے یورپی منبراں وِچ ایہ ’’سہوکھے‘‘ موضوعات، ایس گل تے توجہ نئیں دیہندے کہ جیہڑا پولوس رسول نے سوچیا اُو لوکاں دے لئی سُننا اشد ضروری سی،
’’خداوند دی بادشاہی وِچ داخل ہون دے لئی ساڈا بہوتی ساری مصیبتاں دا سامنا کرنا لازم اے‘‘ (اعمال 14: 22)۔
امریکی منبراں وِچ کاثر پیش کیتے جان االے ’’سہوکھے‘‘ واعظ اُوہی نئیں نے جنہاں تے پولوس نے ساڈی تلاوت وِچ زور دِتا اے۔
رسول نے اُوہناں نوں مسیحی دی حیثیت نال سہوکھی حیاتی دی پیشکش نئیں کیتی۔ اُوہنے اُوہناں نوں شروع وِچ ای دس دِتا سی کہ اُو کیس شے دا سامنا کر رئے سن۔ امریکہ تے مغرب وِچ اَسی سیہناں سخت سچائیاں دی تعلیم دین توں باز رہنے آں۔ پولوس باز نئیں رہیا سی! اُو مسیحی حیاتی دی مشکلاتاں نوں فوراً پیس کردا اے – اُوہناں لوکاں دے سامنے جِنہاں نے مسیحی عقیدے وِچ بہوتی گھٹ تعلیم حاصل کیتی اے۔ افریقہ، کیوبا، جنوب مشرقی ایشیا تےچین وِچ مبلغاں دا ایہو ای طریقہ اے۔ اُوہناں نوں ایہ دسن دے بجائے کہ ہمہ ویلے کینج لاپرواہ تے خوش رہنا اے، جیویں ک امریکہ وِچ معروف ٹی وی مبلغین کردے نے، اُو تیجی دُنیا دے مبلغاں، چین تے دوجی مشکل ترین تھاواں تے، رسولی سچائی دے مرکز تیکر جاندے نے۔ اُو اپنے لوکاں نوں دسدے نے کہ جے اُو خدا دی بادشاہی وِچ داخل ہونا چاہندے نے تے اُوہناں نوں نقصاں چُکنا پیہئے گا۔ کوئی تعجب دی گل نئیں کہ اُو جنوب مشرقی ایشیا، چین تے فریقہ وِچ عظیم حیاتِ نو دا تجربہ کر رئے نے، جدوں کہ زیادہ تر امریکی گرجا گھر اَدھے مُردہ نے، خودغرض، روحانی طور تے مُردہ اجتماعات دے نال سیموئل لیمب نے وی ورے ریڈ چین وِچ کیمونسٹ جیل وِچ لنگہائے۔ لیمب اَج وی ماندی کر رئے نے۔ ’’اُو اکثر ترقی دی بیجاں نوں ظلم و سِتم نال منسوب کردے نے،‘‘ دوجی صدی دے مبلغ ٹرٹولین دی بازگشت اے، جِنہاں نے کہیا، ’’شہیداں دا لہو کلیسیا دا بیج اے۔‘‘ سیموئیل لیمب اکثر کہندے نے، ’’جِنہاں بوہتا ظلم ہووے گا، اُوہنا ای کلیسیا وِچ اضافہ ہووے گا‘‘ (بیجنگ وِچ یسوع Jesus in Beijing توں حوالہ پیش کیتا گیا، ڈیوڈ ایکمینDavid Aikman، ریگنری پبلشنگRegnery Publishing، 2003، صفحہ 64)۔
امریکی مبلغین اپنے پیغامات نوں نرم تے ’’پرجوش‘‘ تے ’’مثبت‘‘ بنان دی کوشش کردے نے۔ لیکن چین، جنوب مشرقی ایشیا تے دنیا دے دوجیاں حصیاں وِچ عظیم مبلغین اینج دی تبلیغ بالکل وی نئیں کردے۔ ایہدے بجائے، اُو ایہناں لوکاں نوں دسدے نے جیہڑے نجات دی تلاش وِچ نے،
’’خداوند دی بادشاہی وِچ داخل ہون دے لئی ساڈا بہوتی ساری مصیبتاں دا سامنا کرنا لازم اے‘‘ (اعمال 14: 22)۔
کوئی تعجب دی گل نئیں کہ چووی گھنٹیاں دے ہر گھنٹے وِچ، تقریباً 1,200 مسیحی مذہب چہ تبدیل ہو رئے نے، اِک ورے وِچ تقریباً 10 ملین لوکی – جدوں کہ ساڈے امریکہ تے مغربی گرجا گھر ساڈی اَکھاں دے سامنے ٹوٹ رئے نے تے وکھر رئے نے۔ سانوں مغرب وِچ سیموئیل لیمب تے پولوس رسول وگری تبلیغ وَل واپس مُڑنا چائیدا اے۔ سانوں اپنے گھراں وِچ آن آلے نئے لوکاں نوں ایہ دسنا چائیدا اے۔
’’خداوند دی بادشاہی وِچ داخل ہون دے لئی ساڈا بہوتی ساری مصیبتاں دا سامنا کرنا لازم اے‘‘ (اعمال 14: 22)۔
جدوں تیکر کہ مذید ہُور امریکی مبلغین اینج کرن دے لئی واپس نئیں پلٹدے نے، کوئی حیاتِ نو نئیں ہووے گا، تے انجیلی بشارت بہوتی گھٹ کامیاب ہووے گی۔
ہُن، اُو کیہڑیاں مصیبتاں، پریشانیاں تے مشکلات نے جِنہاں نال ہر اِک نوں خدا دی بادشاہی وِچ داخل ہون دے لئی لنگہنا پیہندا اے؟ میں دو اہم شیواں دے بارے چہ سوچ سکنا آں۔
I۔ پہلی گل، تہانوں دُنیا دے ذریعے توں نفرت کرن دے درد تے تکلیف توں لنگہنا چائیدا اے۔
دی کرسچن نیوزThe Christian News (5/31/054، صفحہ 21) کہندی اے۔
ریڈ چائنا دے پبلک سیکیورٹی بیورو نے غیر رجسٹرڈ گرجا گھراں دے خلاف اِک نیا کریک ڈاؤن شروع کیتا اے، لیکن نئی ویڈیو دے اجراء دے بعد کئی سرکردہ رہنماواں نوں گرفتار کیتا اے [’’دی کراس: جیسس ان چائناThe Cross: Jesus in China،‘‘ وائس آف دی مارٹیرزVoice of the Martyrs، (800)747-0085 توں دستیاب اے[ تے کتاب [’’جیسس ان بیجنگ،" VOM توں دستیاب اے، (800)747-0085] جیہڑی کہ سرکاری طور تے اجازت یافتہ مسیحیاں وِچ بہوتی زیادہ ترقی دی دستاویز کردی اے۔ [کمیونسٹ] چرچ (4/4 کرسچینیٹی ٹوڈے Christianity Today)۔ چین دا آئین مذہبی عقیدے دی آزادی دی ضمانت دیہندا اے، لیکن ساریاں مذہبی تنظیماں نوں حکومت دے نال رجسٹر کرن دی لوڑ اے۔ ایہ اُوہناں گروہواں نوں برانڈ کردا اے جیہڑے غیرقانون یا فرقیاں دے طور تے رجسٹرد نئیں ہوندے نے۔
VOM نے دسیا کہ ژاؤ وینکوان نوں 9 مئی نوں ہیگو ٹاؤن، مینگ چینگ کاؤنٹی، انہوئی صوبے توں گرفتار کیتا گیا سی۔ ژاؤ، جیہدی عمر 60 وریاں توں بہوتی اے … 30 وریاں توں زیادہ عرصے توں چین دے غیر رجسٹرد گرجا گھراں وِچ کام کر رہیا اے …. مبینہ طور تے ژاؤ تے ’’سماجی نظم نوں خراب کرن‘‘ دا اِلزام عائد کیتا گیا اے… اُوہنوں بغیر کسی مقدمے دے تین وریا ںدے سزا سنائی جا سکدی اے۔ جِنہوں ’’محنت دے ذریعے دوبارہ تعلیم‘‘ کہیا جاندا اے۔
اَسی دُنیا بھر دے مسیحیاں دی حوصلہ افزائی کرنے آں کہ اُو چینی حکومت نوں برادر ژاؤ وینکوان دی گرفتاری دے خلاف احتجاج دے شائشتہ خطوط پیہجھن۔ خطوط نوں ایس ناں تے ایس ایڈریس تے پیہجھیا جا سکدا اے:
سفیر یانگ جیچی
عوامی جمہوریہ چین دا سفارت خانہ
2300 کنیکٹیکٹ ایونیو NW
واشنگٹن ڈی سی 20008
ٹیلی فون (202)328-2500
فیکس (202)588-0032۔
ڈائریکٹر مذہبی امور: (202)328-2512۔
تجزہ کاراں دا کہنا اے کہ سرگرم مسیحیاں تے مسلسل ظلم و ستم دی اطلاعات دے باوجود چین دُنیا وِچ گرجا گھراں دی سب توں وڈی ترقی دا سامنا کر رہیا اے (دی کرسچن نیوزThe Christian News، مئی 31، 2004، صفحہ 19)۔
ایہنوں ریاستہائے متحدہ یا دیگر مغربی ممالک وِچ کیوں مختلف ہونا چائیدا اے؟ ایہ واقعی قسم وِچ مختلف نئیں اے – صرف شدت وِچ اے۔ یسوع نے کہیا،
’’جے تُسی دُنیا دے ہوندے تے دُنیا تہانوں اپنایاں وانگوں عزیز رکھدی: لیکن ہُن تُسی دُنیا دے نئیں اُو کیوں جے میں تہانوں چُن کے دُنیا توں الگ کر دِتا اے، ایہو ای وجہ اے کہ دُنیا تہاڈے نال دشمنی رکھدی اے‘‘ (یوحنا 15: 19)۔
دُںیا نوں مسیحیاں نال اِک خاص نفرت اے، جیس دی عقلی طور تے پوری طرح وضاحت نئیں کیتی جا سکدی۔
ہالی ووڈ دے یسوع نال نفرت کرن االی فلم موگُلزmoguls نے چند ہفتے پہلاں مسیحیت تے حملہ کرن آلی اِک سستی فلم پیش کیتی۔ میرا اندازہ اے کہ ہالی ووڈ دے یسوع توں نفرت کرن آلے اینہاں لوکاں دا خیال سی کہ اُو مسیحیت تے حملہ کر کے میل گبسن دی فلم نوں منسوخ کر سکدے نے۔ فلم دا ناں اے ’’بچایا گیا!Saved!‘‘ لاس اینجلس ڈیلی نیوز نے کہیا،
’’بچایا گیا!Saved!‘‘ دے بنان آلے چاہندے نے کہ تُسی جان لوؤ کے دوجیاں دے نال رواداری دی مشق کرنا ضروری اے – جدوں تیکر کہ، بِلاشُبہ، اُو دوجے مسیحی نہ ہون۔ فیر دقیانوسی تصورات دا مذاق اُڑانا، اُوہناں دی تضحیک کرنا تے اُوہناں نوں گھٹیا ٹھہرانا ٹھیک اے، بیشک، اُو ایہدے مستحق نے۔ فلم دی تخفیف آمیز سوچ دا نفرت توں بھریا برانڈ ظاہر کردا اے ایمانداراں دے لئی کافی جارحانہ ہووے گا۔ دوجیاں دے لئی، ’’بچایا گیا!Saved!‘‘ معمول دے افسردہ کرن آلے طریقیاں نال محض تہادی ذہانت دی توہین کرے گا۔ ایہ ہائی سکول دی اِک بُری فلم اے جیہدے وِچ کسی اہم شے دے بارے چہ سوچن دے بجائے محض اِک ہُور اوسط یا معیار یا نایابیت وِچ غیرشاندار، غیر مضحکہ خیز، وسیع نوعمر کامیڈی ہون دی خوشی فہمیاں نے۔ [13 وریاں توں گھٹ عمر بچیاں نوں ویکھنا منع اے] PG-13: نوعمراں توں متعلق موضوعاتی مسائل – حمل، جنسی مواد، تمباکو نوشی تے گندی زبان (لاس اینجلس ڈیلی نیوز، جون 4، 2004، یو سیکشن، صفحہ 11)۔
یسوع نے کہیا،
’’جے دُنیا تہاڈے نال دشمنی رکھدی اے تے یاد رکھو کہ اُوہنے پہلاں میرے نال وی دشمنی رکھی‘‘ (یوحنا 15: 18)۔
کالج دے طالب علم نوں ایہ سمجھن وِچ بوہتی دیر نئی لگدی کہ ساریاں ثقافتاں تے سارے مذہباں دے نال احترام دے نال سلوک کتیا جاندا اے – سوائے مسیحیت دے۔ سارے سیکولر کالجاں تے یونیورسٹیاں وِچ روزانہ دی بنیاد تے مسیح تے بائبل دا مذاق اُڑایا جاندا اے تے اُوہناں تے حملہ کیتا جاندا اے۔
تے ہر اُو شخص جیہڑا حقیقی مسیحی بنندا اے اُو مسیح نوں مسترد کرن آلی دُنیا وَلوں تنقید، تضحیک تے نفرت تے درد تے تکلیف دا تجربہ کرے گا۔
’’خداوند دی بادشاہی وِچ داخل ہون دے لئی ساڈا بہوتی ساری مصیبتاں دا سامنا کرنا لازم اے‘‘ (اعمال 14: 22)۔
II۔ دوجی گل، تہانوں مسیح وِچ ایمان لیہیان دی تبدیلی دے درد تے تکلیف وِچوں لنگہنا چائیدا اے۔
’’خداوند دی بادشاہی وِچ داخل ہون دے لئی ساڈا بہوتی ساری مصیبتاں دا سامنا کرنا لازم اے‘‘ (اعمال 14: 22)۔
جے تُسی مسیحی بنن وِچ دلچسپی رکھدے اُو تے تہاڈا مقابلہ شیطان نال ہووے گا۔ شیطان تہاڈے دِل توں کلام کڈن آندا اے۔ یسوع نے کہیا،
’’فیر شیطان آندا اے تے اُوہناں دے دِلاں توں کلام کڈ لے جاندا اے، اینج نہ ہووے کہ اُو یمان لیہیان تے نجات پا جان‘‘ (لوقا 8: 12)۔
ہر اُو شخص نوں جیہڑا اِک مسیحی بنندا اے، کسی نہ کسی لحاظ نال، شیطان دے اُوہدے دماغ وِچ بے ایمان خیالات ڈالن دے تجربے توں لنگہنا پیہندا اے۔ ایہ خاص طور تے سچ اے جدوں تُسی مسیح دے قریب آندے اُو۔ یسوع نے کہیا،
’’اپنے پُتر نوں ایتھے لے آ۔ تے ہُنے اُو آ ای رہیا سی کہ بدروح نے اُوہنوں مروڑ کے زمین تے دے پٹکیا‘‘ (لوقا 9: 41۔42)۔
ایس آیت توں تعلق رکھدے ہوئیاں سی ایچ سپرجیئن نے کہیا،
آن آلے گنہگار، جدوں اُو نجات دہندہ دے کول پہنچدے نے، تے اکثر شیطان وَلوں ڈیک دِتے جاندے نے تے پھاڑ دِتا جاندا اے، تاکہ اُو اپنے ذہناں وِچ بہوتی زیادہ تکلیفاں اُٹھان، تے مایوسی وِچ ہار منن دے لئی بالکل تیار ہون (سی ایچ سپرجیئن، ’’شیطان دے نال نومسیحی دی کشمکش،‘‘ دی نیو پارک سٹریٹ دی منبرگاہ، پیلگرم پبلی کیشنز، 1981 دوبارہ پرنٹ، جلد II، صفحہ 369)۔
سپرجیئن دسدے نے کہ شیطان روح نوں تباہ کرن دی کوشش کر کے خدا دی سچائی نوں وگاڑدا اے۔ سپرجیئن کہند ےنے کہ شیطان تاہنوں دسے گا کہ تہاڈے وگرا کوئی ہُور گنہگار نئیں اے۔ اُو تہانوں دسے گا کہ دوجیاں نوں بچایا گیا اے، لیکن تُسی اُوہناں وِچوں نئیں ہوو گے۔
فیر سپرجیئن کہندے نے کہ شیطان تہانوں خوفناک جھوٹی گلاں دس کے تہانوں چیر ڈالے گا۔ اُو کہندے نے،
کئی وری جدوں بشر مسیح دے کول آ رہیا ہوندا اے، شیطان انتہائی شدید طریقے نال کفر دے خیالات داخل کردا اے… بس جدوں میں مسیح نوں چاہیا تے اُوہدا پیچھا کیتا، کہ اچانک میرے ذہن وِچ ایہ خیال آیا … کہ کوئی خدا نئیں، مسیح نئیں، کوئی آسمان نئیں اے۔ کوئی جہنم نئیں کہ میری ساریاں دعاواں محض اِک فسانہ سن (سپرجیئن، ibid.، صفحہ 372)۔
اُو گستاخانہ خیالات نوں انجیکشن لگان دی وی محنت کردا اے، تے فیر سانوں دسدا اے کہ اُو ساڈے نے۔ کی اُوہنے کدی کدی سادے دِلاں وِچ توہینِ رسالت تے شیطانی تخیلّات دے شدید طوفان نئیں پائے جِنہاں نوں اَسی نادانی نال سمجھدے سی کہ ایہ ساڈا اپنا ہونا چائیدا اے؟ فیر وی ایہناں وِچوں اِک وی شاید ساڈا نئیں سی۔ میہنوں یاد اے کہ میں [اپنی سوچاں وِچ مسیح چہ ایمان لیہیان دی تبدیلی توں پہلاں] اِک وری خدا دے بارے چہ [سوچ رہیا سی] اکیلا سی، جدوں اچانک اینج لگیا جیویں جہنم دے سیلاب دے بوہے کُھل گئے ہون۔ میرا سر بہوتا ای ہنگامہ خیز ہو گیا۔ اینج لگدا سی کہ دس ہزار پیہڑھیاں روحواں میرے دماغ وِچ کارنیول دا اِنعقاد کر رئیاں نے۔ تے میں اپنا مُنہ پھڑ رکھیا سی کہ کِدرے میں اُوہناں گلاں دی جیہڑیاں میرے کناں وِچ اُنڈیل دِتیاں گئیاں سن گُستاخیاں نہ کراں۔ اُو شیواں جیہڑیاں میں پہلاں کدی نئیں سُنیاں سن تے نہ ای اُوہناں دے بارے چہ سوچیا سی اُو تیزی نال میرے ذہن چہ آ گئیاں، تے میں اُوہناں دے اثر نوں گھٹ ای برداشت کر سکدا سی۔ ایہ شیطان سی جیہڑا میہنوں ہیٹاں سُٹ رہیا سی تے میہنوں چیر رہیا سی … لیکن [ایتھوں تیکر کہ] جے تہانوں ڈر اے کہ ایہ خیالات تہاڈے اپنے نے، تے تُسی کہہ سکدے اُو، ’’میں مسیح دے کول جاواں گا، تے ایتھوں تیکر کہ جے ایہ گستاخیاں میریاں نے تے میں اُوہناں دا اقرار کراں گا [یسوع]، کیوں جے میں جاننا آں کہ اِنساناں د ے لئی ہر طرح دے گناہ تے توہین نوں معاف کر دِتا جائے گا‘‘ (سپرجیئن Spurgeon، ibid.، صفحات 372۔373)۔
کی درد تے تکلیف توں بچن دا کوئی طریقہ اے جیہڑا اکثر مسیح چہ ایمان لیہیان دی تبدیلی دے نال ہوندا اے؟ جی نئیں۔
’’خداوند دی بادشاہی وِچ داخل ہون دے لئی ساڈا بہوتی ساری مصیبتاں دا سامنا کرنا لازم اے‘‘ (اعمال 14: 22)۔
لیکن جدوں تُسی یسوع دے کول آؤ گے، تے اُو تہانوں تہاڈے اندرونی عذاب توں شفا دیوے گا۔
’’ہُںے اُو آ ای رہیا سی کہ بدروح نے اُوہنوں مروڑ کے زمین تے دے پٹکیا۔ تے یسوع نے بدروح نوں جِھڑکیا تے لڑکے نوں شفا بخشی…‘‘ (لوقا 9: 42)۔
مسیح دے کول آؤ، تے اُو تہاڈی اذیت زدہ روح نوں شفا دے گا۔ مسیح شیطان توں وڈا اے۔ اُو مُردیاں وِچوں جی اُٹھیا اے، تے آسمان وِچ خدا دے سجّے ہتھ تے بیٹھا اے۔ مسیح دے کول آؤ۔ اپنے آپ نوں اُوہدے حوالے کر دیو۔
’’اُوہدے پُتر یسوع دا لہو سانوں ہر گناہ توں پاک کردا اے‘‘ (I یوحنا 1: 7)۔
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔
|
لُبِ لُباب درد تے مصیبتاں دے ذریعے ENTERING THE KINGDOM ڈاکٹر آر ایل ہائیمرز جونیئر وَلّوں ’’خداوند دی بادشاہی وِچ داخل ہون دے لئی ساڈا بہوتی ساری مصیبتاں دا سامنا کرنا لازم اے‘‘ (اعمال 14: 22)۔ (متی 10: 24۔25) I. پہلی گل، تہانوں دُنیا دے ذریعے توں نفرت کرن دے درد تے تکلیف توں لنگہنا چائیدا اے، یوحنا 15: 19، 18۔ II۔ دوجی گل، تہانوں مسیح وِچ ایمان لیہیان دی تبدیلی دے درد تے تکلیف توں لنگہنا چائیدا اے، لوقا 8: 12؛ 9: 41-42؛ 1 یوحنا 1: 7۔ |