نجات – خدا دا عمل! | Salvation

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یسوع نے پنچ ہزار بندیاں نوں معجزانہ طور تے پنج جو دی روٹیاں تے دو چھوٹی مچھلیاں نوں ودھا کے کِھلایا۔ اگلے دِن لوکاں دا ایہ ہجوم یسوع نوں لبھدا ہویا آیا۔ لیکن یسوع نے اُوہناں نوں ڈانٹیا کیوں جے اُو صرف ہُور کھان دی تلاش وِچ سن۔ اُوہنے اُوہناں نوں کہیا کہ اُوہناں نوں ’’اُو گوشت جیہڑا ہمیشہ دی حیاتی تیکر قائم رہوے گا‘‘ تلاش کرنا چائیدا سی (یوحنا 6: 27)۔

فیر لوکاں نے یسوع کولوں پُچھیا کہ ایہہ روحانی خوراک حاصل کرن دے لئی اُوہناں نوں کیہڑا ’’کام‘‘ کرنا چائیدا اے۔ اُوہنے اُوہناں نوں دسیا کہ صرف یقین کرن دا ’’کام‘‘ کرنا ضروری اے۔ فیر اُو اِک نشان چاہندے سن۔ اُوہناں نے کہیا کہ موسیٰ نے اُوہناں نوں ’’آسمان توں روٹی‘‘ دِتی۔ مسیح نے اُوہناں نوں دسیا کہ روٹی اُو [یسوع] اے۔ اُوہنے کہیا،

’’میں حیاتی دی روٹی آں: جیہڑا میرے کول آئے گا اُو کدی وی بھُکا نئیں رہوے گا۔ تے جیہڑا میرے تے ایمان لیہیاندا اے اُو کدی وی پیاسی نئیں ہووے گا‘‘ (یوحنا 6: 35)۔

ایہ ظاہر کردا اے کہ یسوع دے کول آنا اُوہی شے اے جیہڑی اُوہدے تے ایمان لیہیانا اے۔

اُوہناں لوکاں نے یسوع نوں ویکھیا سی، تے اُوہدے معجزات ویکھے سن، تے فیر وی اُو اُوہدے تے ایمان نئیں لیہیائے سن۔ اُو یسوع دے کول صرف کھان تے مادی نعمتاں دے لئی آئے س۔ جدوں اُوہناں نوں ایہہ پتا چلیا کہ یسوع خود ’’حیاتی دی روٹی‘‘ اے، تے اُو دلچسپی نئیں رکھدے سن۔

لوکی بُڑبُڑائے۔ اُو ’’اُوہدے تے بُڑبُڑاندے سن، کیوں جے اُوہنے کہیا، میں اُو روٹی آں جیہڑی آسمان توں اُتری اے‘‘ (یوحنا 6: 41)۔ اُوہناں دا خیال سی کہ اُو آسمان توں اُتر نئیں سکدا سی، کیوں جے اُو یوسف دا پُتر سی۔ یسوع نے اُوہناں نوں دسیا کہ کوئی وی اُوہدے کول خود توں نئیں آ سکدا۔ اُوہناں نوں خدا وَلوں اُوہدے وَل کھینچا جانا چائیدا اے۔ اُوہنے کہیا،

’’میرے کول کوئی نئیں آندا اے جدوں تیکر کہ پیو جِنہے میہنوں پیہجھیا اے اُوہنوں کِھیچ نہ لیہیائے تے میں اُوہنوں آخیرلے دِن فیر توں زندہ کر دیاں گا‘‘ (یوحںا 6: 44)۔

فیر یسوع نے اشعیا 54: 13 آیت د حوالہ دِتا، جیس نے کہیا کہ اُوس [یسوع] دے کول آن دے لئی اُوہناں نوں خود خدا وَلوں سِکھایا جانا چائیدا اے (یوحنا 6: 45)۔ صرف خُدا ای تہانوں یسوع دے کول آنا سِکھاندا اے۔ صرف خدا ای تہانوں یسوع وَل کھِیچ سکدا اے۔

’’میرے کول کوئی نئیں آندا اے جدوں تیکر کہ پیو جِنہے میہنوں پیہجھیا اے اُوہنوں کِھیچ نہ لیہیائے…‘‘ (یوحںا 6: 44)۔

ایس اآیت توں اَسی چار عظیم سچائیاں دے بارے چہ سِکھنے آں۔

I۔ پہلی سچائی، ایہ آیت مسیح دے کول آن دے لئی فطری انسان دی مکمل نااہلی نوں ظاہر کردی اے۔

مہربانی نال I کرنتھیوں 2: 14 آیت کھولیں۔ آؤ کھڑے ہوئیے تے ایس آیت نوں اُوچی واج نال پڑھیے۔

’’لیکن [فطری آدمی] جیس وِچ خدا دا پاک روح نئیں اُو خدا دی گلاں قبول نئیں کردا کیوں جے اُو اُوہدے نیڑے بیوقوفی دی گلاں نے تے نہ ای اُوہناں نوں سمجھ سکدا اے کیوں جے اُو صرف پاک روح دے ذریعے ای سمجھی جا سکدیاں نے‘‘ (I کرنتھیوں 2: 14)۔

’’فطری انسان‘‘ توں مُراد انسان اپنی فطری انسانی حالت وِچ نے۔ غیر تبدیل شُدہ [مسیح وِچ ایمان نہ لیہیائے ہوئے] لوکی دُنیاوی ذہن دے لوکی ہوندے نے۔ اُو خود خدا دی گلاں نوں نئیں سمجھ سکدے۔ اُو مسیح نوں سمجھن توں قاصر نے تے نجات دے لئی اُوہدے کول آن توں قاصر نے۔ پروٹسٹنٹ تے بپتسمہ دین آلیاں نے ہمیشہ کلاسیکلی [اعلیٰ درجے دے طور تے] ایہ سکھایا اے کہ خدا دے ایہناں نوں کِھیچے بغیر، انساناں دے کول اپنے طور تے مسیح دے کول آن وِچ مکمل طور تے نااہلی اے۔ جان ویزلی نے کہیا،

کوئی وی آدمی مسیح وِچ یقین نئیں کر سکدا، جدوں تیکر کہ خدا اُوہنوں طاقت نہ دیوے (جان ویزلیJohn Wesley، نئے عہد نامے تے تفسیراتی غور طلب گل Explanatory Notes Upon the New Testament، بیکرکُتب گھر Baker Book House، 1983 دوبارہ اشاعت، جلد اوّل، یوحنا 6: 44 تے غور طلب گل)۔

… گناہواں تے قصوراں وِچ مُردہ نے، تے ہر اُوس شے دے لئی بیکار جیہڑی روحانی اے، تے جدوں کہ لوکی بے نیازی، انّے پن تے تاریکی دی حالت وِچ نے، اُو مسیح دے کول آن دی کوئی لوڑ نئیں ویکھدے نے … اُو اُوہدے خلاف تعصب دا شکار نے، تے اُوہناں دے دِل دوجی گلاں تے مردے نے … (جان گِل ڈی۔ ڈی۔John Gill D. D.، نئے عہد نامہ دی اِک تاویلAn Exposition of the New Testament، دی بیپٹسٹ اسٹینڈرڈ بیئررThe Baptist Standard Bearer، 1989 دوبارہ اشاعت، جلد اول، صفحہ 819)۔

لوکی اپنی فطری حالت وِچ کُجھ شیواں نوں ویکھ سکدے نے جیہڑیاں سچ نے۔ لیکن اُو مسیح دے کول خود نئیں آ سکدے۔ تُسی ویکھ سکدے اُو کہ گرجا گھر جانا چنگا اے۔ تُسی ویکھ سکدے اُو کہ تہانوں مسیحی بیلیاں دی لوڑ اے۔ لیکن ایہہ یوحنا 6 باب وِچ اُوہناں لوکاں توں بوہتی روحانی نئیں اے، جِنہاں نے ویکھیا کہ اُوہناں نوں خوراک دی لوڑ اے!

خدا دی شفیق تصویر دے بغیر، تُسی مسیح دے کول آن دی کوئی لوڑ نئیں ویکھو گے۔ تُسی مسیح دے بارے وِچ گلاں سِکھ سکدے اُو، لیکن تُسی مسیح دے کول نئیں آؤ گے۔ تُسی بائبل دیاں آیتاں سِکھ سکدے اُو، تے صحیح عقیدہ سِکھ سکدے اُو، لیکن تُسی ’’مسیح دے کول آن دی کوئی لوڑ نئیں ویکھو گے‘‘ (ڈاکٹر گِل)۔ تہاڈا دِل ’’دوجی شیواں تے لگ جائے گا‘‘ (ڈاکٹر گِل)۔ تہاڈی اولیں ترجیح تہاڈے اسکول دے کام، یا تہاڈی نوکری یا تہاڈے بیلی ہون گے – ایہہ مسیح نئیں ہووے گا۔

’’میرے کول کوئی نئیں آندا جدوں تیکر کہ پیو جِنہے میہنوں پیہجھیا اے اُوہنوں کِھیچ نہ لیہیائے…‘‘ (یوحںا 6: 44)۔

II۔ دوجی سچائی، ایہ آیت اُوس ’’کھیچے جان‘‘ دی گل کردی اے جیس دے ذریعے خدا اِک شخص نوں مسیح وَل لے جاندا اے۔

جدوں خدا کسی بندے نوں مسیح وَل کھیچدا اے، تے اُو انتہائی نرمی نال اینج کردا اے۔ خدا تہانوں وکھاندا اے کہ تہانوں بیلیاں دی لوڑ اے۔ تُسی گرجا گھر آندے اُو تے ویکھدے اُو کہ تہاڈی دوستی دی لوڑ نوں [اُو] پورا کردا اے۔ ایہہ اکثر پہلی وری اے جِنہوں خدا تہانوں کھیچن دے لئی استعمال کردا اے۔

اُودھوں خدا عام طور تے لوکاں نوں ابدی گلاں دے بارے وِچ سوچن وَل راغب کردا اے۔ تھوڑی دیر دے لئی تہاڈے آن دے بعد، خدا تہانوں تہاڈی روح تے ابدیت دے بارے وِچ سوچن تے مجبور کردا اے۔ ایہہ [مسیح وَل] کھیچے جان دا معمول دا طریقہ اے، حالانکہ ایہہ، بعض صورتاں وِچ، بہوتی زیادہ اچانک ہو سکدا اے۔ میں بہتیرے لوکاں نوں جاننا آں جیہڑے خوشخبری سُنن دے فوراً بعد ’’موقع تے‘‘ ای [مسیح وِچ ایمان لیہیا کے] تبدیل ہو گئے سن۔ لیکن طویل تجربے نے میہنوں وکھایا اے کہ ایہہ غیرمعمولی ہوندا اے، تے ایہہ کہ زیادہ تر معاملات وِچ لوکی حقیقی طور تے [مسیح وِچ ایمان لیہیا کے] تبدیل ہون توں پہلاں [مسیح وَل] ’’کھیچے جان‘‘ دے طویل عمل توں لنگہدے نے۔

جدوں اِک بندہ ابدیت دے بارے وِچ سوچنا شروع کردا اے، تے اُو عام طور تے اپنے آپ نوں خدا دی نظر وِچ درست بنان دے لئی مختلف طریقے آزماندا اے۔ ایہہ یوحنا دے چھٹے باب وِچ ایہناں لوکاں دے خیالات توں بہوتا ملدا جُلدا اے۔

بہوتی زیادہ انسانی کوشش دے بعد، اُو شخص آخرکار سزایابی دے تحت آندا اے۔ گناہ دی سزایابی اِک اہم نقطہ اے جیس وَل اِک شخص نوں خدا وَلوں کِھیچیا جانا چائیدا اے۔ تُسی ایہ ویکھنا شروع کر دیو گے کہ تُسی اپنے دِل وِچ نا اُمیدی نال گنہگار اُو۔ تُسی ایہہ ویکھنا شروع کردیو گے کہ تُسی اپنے آپ نوں بچان دے لئی کُجھ نئیں کر سکدے۔ تُسی ایہہ ویکھنا شروع کر دیو گے کہ خدا دے ریکارڈ وِچ تہاڈے گناہ تہاڈی مذمت کردے نے۔ تُسی خدا دی نظر وِچ گناہ دے لئی بہوتی زیادہ مجرم محسوس کرن لگو گے۔ گناہ دا ایہو جیہا یقین تہاڈی اپنی فطرت توں نئیں آندا – ایہہ خدا وَلوں آندا اے۔ خدا خود تہانوں گناہ دا قائل کر رہیا اے تے تہانوں مجرم تے بے بس محسوس کروا رہیا اے۔ ایہہ تہاڈے دِل وِچ روح القدس دا کام اے۔ براہِ کرم یوحنا 16: 8ویں آیت نوں کھولو۔ ایہہ آیت سانوں دسدی اے کہ گناہ دی سزایابی انسانی دِل وِچ روح القدس دا پہلا کام اے۔ آؤ کھڑے ہو کے یوحنا 16: 8 نوں اُوچی واج نال پڑھیے۔

’’تے جدوں اُو آ جائے گا تے جیتھوں تیکر گناہ، راستبازی تے انصاف دا تعلق اے تے اُو دُنیا نوں مجرم قرار دے گا‘‘ (یوحنا 16: 8)۔

ایہہ ’’کِھیچیا جانا‘‘ تہانوں اُوس تھاں تے لے جاندا اے جیتھے تُسی خود نوں مجرم محسوس کردے اُو تے اپنے اندر کھو جاندے یا گمراہ ہو جاندے اُو۔ ایہہ کوئی بُری گل نئیں اے۔ مجرم تے گمراہ ہوئے محسوس کرنا چنگی گل اے۔ تہاڈا کھیچدے رہنا – ایہہ خدا دی روح دا کام اے۔ مجرم تے گنہگار تے کھوئے ہوئے یا گمراہ ہوئے محسوس کیتے بغیر، مسیح تہاڈے لئی اہم نئیں لگے گا۔ تہانوں کدی وی مسیح دی کوئی حقیقی لوڑ نظر نئیں آئے گی جدوں تیکر کہ تُسی گناہ دے قائل نہ ہوو۔ تہاڈا دِل دوجیاں شیواں تے لگا رہوے گا جدوں تیکر کہ تہانوں خدا دی روح نال مجرم تے گنہگار محسوس نہ کروا دِتا جائے۔

III۔ تیجی سچائی، ایہہ آیتھ جی اُٹھے مسیح دے نال اِک حقیقی تصادم دی گل کردی اے۔

میں سَت اعلیٰ درجے دی تبدیلیاں دے بارے وِچ سوچ رہیا آں – پولوس رسول دی تبدیلی، آگسٹین دی تبدیلی، لوتھر دی تبدیلی، جان بنیعن دی تبدیلی، جارج وائٹ فیلڈ دی تبدیلی، جان ویزلی دی تبدیلی، تے سی ایچ سپرجیئن دی تبدیلی۔ ایہناں ساریاں ستاں تبدیلیاں وِچ، جیہڑیاں سینکڑاں وریاں دے وقفے نال ہوئیاں، جنہاں بندیاں دا میں ناں لیہیا اے ایہناں نے کسی نہ کسی طریقے نال خود نوں بچان دی کوشش کیتی۔ فیر اُو مایوسی تے وڈے جرم دی حالت وِچ گِھر گئے۔ آخر کار اُو مسیح دے کول آئے، تے آخیر چی مسیح دے ذریعے اپنے گناہواں دی معافی محسوس کیتی۔

جی ہاں، تہانوں معلوم ہو سکدا اے کہ مسیح تہاڈے گناہواں دی ادائیگی دے لئی سولی تے قربان ہو گیا، تے اُو مُردیاں وِچوں جی اُٹھیا تے واپس آسمان تے ٹُر گیا۔ لیکن ایہناں حقائق نوں جاننا تہاڈی مدد نئیں کرے گے جدوں تیکر کہ تُسی مسیح دے کول نئیں آندے، جدوں تیکر کہ تُسی اُوہدے نال رابطے وِچ نئیں آندے، جدوں تیکر کہ تُسی خود مسیح دا سامنا نئیں کردے۔

خدا تہانوں کِھیچدا اے۔ خدا تہانوں مجرم محسوس کراندا اے۔ خدا تہانوں اپنے لہو وِچ گناہ توں پاک صاف کرن دے لئی مسیح دے کول لیہیاندا اے۔ یسوع نے کہیا،

’’میرے کول کوئی نئیں آندا جدوں تیکر کہ پیو جِنہے میہنوں پیہجھیا اے اُوہنوں کِھیچ نہ لیہیائے تے میں اُوہنوں آخیرلے دِن فیر توں زندہ کر دیاں گا‘‘ (یوحںا 6: 44)۔

IV۔ چوتھی سچائی، ایہ آیت مسیح وِچ ایمان لیہیان دی تبدیل دے مستقل ہون دی گل کردی اے۔

حقیقی تبدیلی ہمیشہ دائمی ہوندی اے – کیوں جے خدا ایہدا مصنف تے ختم کرن آلا اے۔ اُوس شخص دے بارے وِچ جیہڑا اُوہدے کول آندا اے، یسوع دلیری نال کہہ سکدا سی، ’’میں اُوہنوں آخیرلے دہاڑے زندہ کراں گا۔‘‘ مسیح ایس گل دا ایہنا یقین کیویں کر سکدا اے؟ صرف ایس لئی کہ اِک وری جدوں تُسی مسیح وِچ ایمان لیہیا کے تبدیل ہو جاؤ تے تُسی غیر تبدیل شُدہ نئیں ہو سکدے۔ حقیقی طور تے تبدیل ہون آلا شخص ہمیشہ دے لئی محفوظ اے کیوں جے یسوع ’’ابدی نجات‘‘ دا مصنف اے (عبرانیوں 5: 9)۔ یسوع نے کہیا،

’’میں ایہناں نوں ہمیشہ دی حیاتی دیہنا آں۔ تے اُو کدی وی فنا نئیں ہون گے …‘‘ (یوحنا 10: 28)۔

مہربانی نال اپنے گیتاں دے ورق توں حمد نمبر 6 نوں کھولو۔ ہُن اُتے ویکھو۔ جیس لمحے تُسی یسوع دے کول آندے اُو، اُو تہانوں ابدی حیاتی دا تحفہ دیہندا اے۔ یسوع نے کہیا،

’’جیہڑا پُتر دے ایمان لیہیاندا اے اُوہدے کول ہمیشہ دی حیاتی ہوندی اے‘‘ (یوحنا 3: 36)۔

جیس لمحے تُسی یسوع دے کول آندے اُو تہانوں ہمیشہ دی حیاتی لبھدی اے۔ ایہہ تہاڈے کولوں کدی وی نئیں چھینی جا سکدی تے نہ ای [ایہنوں] گواچیا جا سکدا اے۔ ایس لئی یسوع نے وڈے اعتماد دے نال کہیا،

’’میرے کول کوئی نئیں آندا جدوں تیکر کہ پیو جِنہے میہنوں پیہجھیا اے اُوہنوں کِھیچ نہ لیہیائے تے میں اُوہنوں آخیرلے دِن فیر توں زندہ کر دیاں گا‘‘ (یوحںا 6: 44)۔

ایس لئی میں تہانوں کہنا آں کہ یسوع مسیح دے کول آؤ۔ اُوہدا لہو تہاڈے گناہواں نوں دھو دیوے گا۔ اُو تہانوں اپنی جی اُٹھی ہوئی حیاتی نال بچائے گا۔ مسیح دے کول آؤ! مسیح دے کول آؤ تے ہمیشہ زندہ رہوو! آمین! آؤ، اُوچی واج تے مضبوطی دے نال کِھلو کے گانے آں!

میرے لئی بے داغ برّہ پیش کیتا گیا،
     اُوہدے پیو دا غضب برداشت کرن دے لئی؛
میں اُوہدے خونی زخم ویکھنا آں تے جاننا آں
     ا میرا ناں وی اُوتھے ای لکھیا اے۔

خداوند وَلّوں اُوہدا پُرجوش لہو،
     ا جامنی دھاریاں وِچ وگیا؛
تے ہر زخم نے چیخ کے اعلان کیتا
     ا انسان دے لئی اُوہدا حیرت انگیز پیار لئی۔

میرے لئی، نجات دہندہ دا لہو معاون اے،
     ا کفارے دے لئی قادر ترین؛
وِنّن آلے کِیلاں نوں جیہڑے ہتھ اُوہنے پیش کیتے
     ا میری اُوہدے تخت تیکر رہنمائی کرن گے۔
(’’کفارہ Propitation‘‘ شاعر اگستس ٹاپ لیڈیAugustus Toplady ، 1740۔1778، پہلے بند دی ترمیم ڈاکٹر ہائیمرز نے کیتی)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔