ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
مسیح دے دُکھ تے
|
پولوس رسول دی تربیت یہودی شریعت دے عظیم عالم گملی ایلGamaliel دے ربّیاں دے سکول وِچ ہوئی سی۔ لیکن جدوں اُوہنے مسیح دی سولی تے تبلیغ کیتی، تے اُوہنے ایس گل تے انحصار نہئیں کیتا کہ اُوہنے سکول وِچ کی سیکھیا سی۔ اُوہنے خوشخبری دی منادی ’’انسانی حکمت دے کلام توں نہئیں کیتی کہ کِدرے مسیح دی صلیب بے تاثیر نہ ہو جائے‘‘ (1 کرنتھیوں 1: 17)۔
پولوس یونانیاں دے فلسفے تے تقریر توں وی بخوبی واقف سی۔ لیکن جدوں اُوہنے تبلیغ کیتی تے اُو بیان بازی دی خوبصورتی یا فلسفیانہ گہرائی تے منحصر نہئیں سی۔ اُوہنے صرف ایہنا کہیا، ’’اَسی مصلوب مسیح دی منادی کرنے آں‘‘ (1 کرنتھیوں1: 23)۔
دورِ حاضرہ وِچ کفارہ تے بہوتی گھٹ تبلیغ ہوندی اے۔ جے کوئی تزکرہ کیتا وی گیا اے تے، مضمون نوں صرف اِک یا دو جملیاں وِچ بیان کر دِتا جاندا اے۔ سولی تے پورے پورے واعظ نایاب نے۔ ایہہ نسل مسیح دی مصلوبیت دی تبلیغ تے ایس قدر بھوکی اے، کہ لوکی تعجب دے نال ایس تے حیرت زدہ نے۔ میرے خیال وِچ ایہہ اِک وجہ اے کہ میل گبسن دی [فلم] ’’مسیح دا دُکھPassion of Christ‘‘ نے ایس قدر بہوتے ہجوم نوں اپنی وَل کھیچیا اے۔ اُو لکھاں دی تعداد وِچ ایس فلم نوں ویکھن دے لئی قطار وِچ کِھلوتے ہوندے نے جیس وِچ سزایابی دی ایس قدر وضاحت دے نال منظر کشی اُوہناں وِچوں بیشتر نے پہلاں کدی وی نہئیں سُنی اے۔ اُو ایس فلم وِچ دُکھ چکدے ہوئے، کوڑے کھاندے تے لہو وگاندے ہوئے، کنڈیاں دا تاج پہنے ہوئے، کُچلے ہوئے تے مصلوب کیتے ہوئے نجات دہندہ نوں مُنہ کھول کے حیرانی نال ٹکٹکی باندھ کے ویکھدے نے۔ تجسس نے اُوہناں نوں اپنے وَل متوجہ کیتا ہوندا اے تے اُو اِشتیاق دے نال، خوفزدہ حیرت یا عقیدت دے احساس توں متاثر ہو کے لہو نال بھرے ہوئے تے سولی تے لٹکے ہوئے نجات دہندہ نوں ویکھ کے کِھلوتے ہوندے نے۔
لیکن دُکھاں دا کوئی وی ڈرامہ، اُوہدی دلچسپی تے شدت توں قطع نظر، انجیل دی تبلیغ دی تھاں نہئیں لے سکدا، کیوں جے ایہ ’’سولی دی تبلیغ‘‘ اے جیہڑی خدا دے پُتر نوں گلے لگان دے لئی اِک گمراہ بشر نوں – اُوہدے گناہ دی ادائیگی، اُوہدے متبادل تے اُوہدے نجات دہندہ دی حیثیت توں لہیاندی اے۔
آؤ اَج دی راتی تھوڑی دیر دے لئی ایس عظیم عمل تے غور کریے جیہڑا مسیح نے سولی تے کیتا سی۔ انسانی روحاں ایس موضوع تے واضح تبلیغ دی کمی دی وجہ توں اُمید دے بغیر مر رئیاں نے۔ اَج دی راتی ایتے ایہو جئے لوکی موجود نے جِنہاں نوں ایس دے بارے وِچ کوئی واضح تفہیم نہئیں اے۔ غور نال سُنو تے ایس دے بعد، نجات دا پیغام سِکھو۔ فیر اُوہدے قیمتی لہو وِچ پاک صاف ہو کے دُھل جان دی خاطر مسیح دے کول آؤ!
’’ہلاک ہون آلیاں دے لئی تے سولی دا پیغام بیوقوفی اے لیکن اَسی نجات پان آلیاں دے لئی خدا دی قدرت اے‘‘(1 کرنتھیوں1: 18)۔
I۔ پہلی گل، سولی توں بھٹکن دے اعمال۔
بہتیریاں واعظ گاہواں وِچ، مسیح دی سولی دا شاید ای ٹکر کیتا گیا اے۔ دوجی تھاواں تے ایہدی غلط تشریح کیتی جاندی اے۔ کیتھولکس اکثر سولی دا تزکرہ کردے نے، لیکن اُو ایہہ کہن دی وجہ توں کہ عبادت دے دوران اُوہدی قربانی نوں دہرایا جانا چائیدا اے مسیح نے سولی تے جو کیتا اُوہنوں غلط انداز وِچ پیش کردے نے۔ اُوہناں دا کہنا اے کہ ہر وری جدوں عبادت ادا کیتی جاندی اے تے مسیح نوں ہر وری پیش کیتا جاندا اے۔ ایہہ گل مسیح دی قربانی نوں غلط بنا دیہندی اے۔ جدوں یسوع سولی تے قربان ہویا تے اُو پکاریا،
’’ایہہ پورا ہویا، تے سر جُھکا کےجان دے دِتی‘‘ (یوحنا19: 30)۔
کی مسیح درست سی جدوں اُوہنے کیہیا ’’ایہہ پورا ہویا‘‘؟ کیتھولک کہندے نے، ’’نہئیں، ایہنوں عبادت وِچ بار بار دہرایا جانا چائیدا اے۔‘‘ اینج اُو بائبل دی واضح تعلیم دے خلاف جاندے نے،
’’اُو اپنا ای لہو لے کے اِک ای وری پاک ترین مکان وِچ داخل ہویا تے سانوں ایہو جئی نجات دلائی جیہڑی ابدی اے‘‘
مسیح اِک ای وری جنت وِچ داخل ہویا، ’’مسیح نے سانوں ابفدی نجات دلائی (فعل ماضی)! بار بار دہرایا جانا کوئی ضروری نہئیں اے!
پطرس رسول نے ایس گل نوں کامل طور تے واضح کر دِتا جدوں اُوہنے کہیا،
’’مسیح نے وی یعنی راستباز نے ناراستاں دے گناہواں دا بدلہ چہ اِک ای وری دُکھ چُکیا تاکہ اُو تہانوں خدا تیکر پہنچائے‘‘ (1 پطرس3: 18)۔
مسیح نے ’’اِک ای وری‘‘ دُکھ چکیا۔ ایہہ پورا ہویا! بار بار دہرایا جانا کوئی ضروری نہئیں اے!
’’ایہہ شخص [مسیح] گناہواں دی اِک قربانی گزران کے خدا دے دائین پاسے جا بیٹھیا‘‘ (عبرانیوں10: 12)۔
سوسینیئینزSocinians (یا وحدت پسند Unitarians) کہندے نے کہ مسیح محض شہید دے طور تے مریا۔ اُو کہندے نے کہ مسیح دی موت صرف اِک مثال دے طور تے کام کردی اے۔ اُو سانوں دسدے نے کہ مصلوبیت سانوں مسیح دی مثال تے عمل کردے ہوئے بہتر انسان بنن دی تعلیم دین دے لئی پیش کیتی گئی اے۔ ایہہ، اُوہناں دے لئی، سولی دا واحد مطلب اے۔ لیکن اُو بائبل نوں رد کردے نے جدوں ایہہ کہندی اے،
’’مسیح نے جیہڑا ساڈے لئی لعنتی بنیا، سانوں مول کے شریعت دی لعنت توں چُھڑا لیہیا کیوں جے لکھیا اے کہ جیہڑا کوئی لکڑی تے لٹکایا گیا لعنتی اے‘‘ (گلِتیوں3: 13)۔
پروٹسٹنٹاں دی تعداد، تے ایتھوں تیکر کہ بہتیرے بپتسمہ دین آلیاں نے، ’’اِخلاقی اثر دا نظریہ‘‘ اپنایا اے، جیہڑا کہ واضح طور تے سوسینیئن Socinian دے نظریہ توں واقعی تھوڑا مختلف اے۔ اُو محسوس کردے نے کہ مسیح صرف ساڈے جذبات نوں بھڑکان تے سانوں توبہ وَل لے جان دے لئی قربان ہویا (حوالہ ویکھو ہنری سی تھائیسن، درجہ بہ درجہ علمِ اِلہٰیات تے لیکچرز Lectures in Systematic Theology، عئیرڈمینز Eerdmans، 1949، صفحہ 317)۔ لیکن ڈاکٹر تھائیسن درست سن جدوں اُوہناں نے کہیا، ’’سانوں کفارے نوں دُکھاں دے اِک ڈرامے تیکر محفوظ نہئیں کرنا چائیدا اے، جیس وِچ اداکار… محض اپنے سامعین دے جذبات تے اداکاری کر رہیا اے‘‘ (ibid.)۔ ایس ’’اخلاقی اثر دے نظریہ‘‘ دے تحت مسیح دی موت دے بارے وِچ خدا دے غضب دی معافی دا کوئی خیال نہئیں اے۔ لیکن ایہہ نظریہ گلِتیوں3: 13 دے ذریعے توں وی درست کیتا گیا اے،
’’مسیح نے جیہڑا ساڈے لئی لعنتی بنیا… سانوں مول لے کے شریعت دے لعنت توں چُھڑا لیہیا‘‘ (گلِتیوں3: 13)۔
اُو کیہڑا سی جِنہے سولی تے ساڈے لئی اُوہنوں ’’لعنتی بنایا‘‘؟
’’ایہہ خدا دی مرضی سی کہ اُوہنوں کُچلے، اُوہنوں غمگین بنا دے: خداوند اُوہناں دی جان نوں گناہ دی قربانی قرار دیندا اے…‘‘ (اشعیا53: 10)۔
’’ھولناک نظریہ!‘‘ کُج لوکی کہندے نے، ہاں، تے اینج ای جہنم دا عقیدہ اے – لیکن ایہہ بائبل وِچ اے۔ جے اَسی بائبل وِچوں ہر اُو تعلیم کڈ دینے آں جیہڑے ساڈے جذبات دے لئی ’’ھولناک‘‘ معلوم ہوندی اے، تے ساڈے کول ماسوائے چند اخلاقی اسباق دے کُج وی باقی نہئیں بچے گا!
’’مسیح ساڈے گناہواں دی خاطر قربان ہو گیا‘‘ (1 کرنتھیوں15: 3)۔
’’اُو اِک ھولناک نظریہ اے – لیکن ایہہ اِک سچا نظریہ اے۔
’’ہلاک ہون آلیاں دے لئی تے سولی دا پیغام بیوقوفی اے لیکن اَسی نجات پان آلیاں دے لئی خدا دی قدرت اے‘‘(1 کرنتھیوں1: 18)۔
فیر ایتھے [ایس دے بعد] ’’حکومتی نظریہ‘‘ اے، جِںہوں ہیوگو گروٹیئس Hugo Grotius نے تیار کیتا تے چارلس فنی نے اعلان کیتا۔ ایہدے چہ کہیا گیا اے کہ ’’انتقام لین آلے خدا نوں راضی کرن دے لئی کوئی سوچ نہئیں اے، بلکہ اُوہدے مقدس قانون دے مطابق درست کرنا تے اُوہدے لئی راستی نال رحم کرنا ممکن بنانا اے۔‘‘
ڈاکٹر تھائیسن نے جواب دِتا کہ ایہہ نظریہ ’’مسیح دی دُکھاں دی شدت دی وضاحت نہئیں کردا… تے پچھلے نظریات وانگوں ایہہ کفارے دے بنیادی پہلو دی تردید کردا اے، یعنی کہ خدا دی پاکیزگی نوں مطمئن کرنا‘‘ (ibid.، صفحہ 318)۔
’’خداوند نے اُوہدے تے اَساں ساریاں دی بدکاری لد دِتی‘‘ (اشعیا53: 6)۔
’’توں [خداوند] اُوہدی جان نوں گناہ دی قربانی قرار دیہندا اے‘‘ (اشعیا53: 10)۔
فیر، اُو لوکی نے جیہڑے ’’ایمان دی الہٰیات‘‘ رکھدے نے۔ اُو سولی تے کفارے نوں مکمل طور تے ٹھکرا دیندے نے۔ اُو کہندے نے کہ مسیح نے تین دِن جہنم وِچ جل کے ساڈے گناہواں دی ادائیگی کیتی۔ ایہناں دی اِک کتاب وِچ، فریڈرک کے سی پرائس Frederick K. C. Price نے کہیا،
کی تُسی سمجھدے اُو کہ ساڈے گناہ دی سزا سولی تے مرنا سی؟ جے اینج ہوندا تے دوویں چور تہاڈی قیمت چکا سکدے سن۔ نہئیں، سزا خود جہنم وِچ جانا سی تے جہنم وِچ ویلہ گزارنا سی… شیطان تے جہنم دے سارے شیاطین … اپنی سزا پوری کرن دے لئی ایہنوں خود جہنم دے کھڈے وِچ گھسیٹ کر لے گئے (فریڈرک کے سی پرائس Frederick K. C. Price، بُحران وِچ مسیحیتChristianity in Criseis، ہارویسٹ ہاؤسHarvest House، 1993، صفحہ 163)۔
دو چور میری قیمت ادا کردے نے؟ کی اُو خدا دی پُتر تے قصوروار مجرم وِچ فرق نہئیں جانندا؟ سزا جہنم وِچ جان دی سی؟ بائبل وِچ ایہو جئی کوئی آیت نہئیں اے جیہڑی ایس طرح دی تعلیم دیہندی ہووے!
جوائس میئر دا کتابچہ، صلیب توں لے کے تخت تیکر From th Cross to the Throne، وی ایہو ای غلط نظریہ پیش کردی اے۔
یسوع نے کہیا، ’’ایہہ پورا ہو گیا اے۔‘‘ تے ایہدا مطلب پرانا عہد سی۔ اُوہنوں جیہڑا کام کرنا سی اُو ہُنے شروع ہو رہیا سی۔ اُوہنے واقعی اُو کام کیتا جِنہاں تین دِناں تے راتاں وِچ اُو جہنم چہ سی۔ ایتھدروں ای کام ہو گیا۔ ایہنوں سولی تے مجرم قرار دِتا گیا لیکن اُوہنے جہنم وِچ قیمت ادا کیتی (کرسچن نیوزChristian News، 24 نومبر 2003، صفحہ 13 وِچ حوالہ دِتا گیا)۔
لیکن بائبل نے کدی وی نہئیں کہیا کہ یسوع ’’نے جہنم وِچ قیمت چکائی۔‘‘ بائبل کہندی اے،
’’اُو آپئے اپنے ای بدن تے ساڈے گناہواں دا بوجھ چُکے ہوئے سولی تے قربان ہو گیا‘‘ (1 پطرس2: 24)۔
پائبل کہندی اے،
’’اُوہدی سولی تے لہو دے وسیلے توں صلح کر لے‘‘ (کُلسیوں1: 20)۔
پولوس رسول نے کہیا اُوہنوں پیہجیا گیا سی
’’خوشخبری سُنان دے لئی پیہجیا: اُو وہ انسانی حکمت دے کلام نال نہئیں، تاکہ مسیح دی سولی بے تاثیر نہ ہووے۔ کیوں جے ہلاک ہون آلیاں دے لئی تے سولی دا پیغام بیوقوفی اے لیکن اَسی نجات پان آلیاں دے لئی خدا دی قدرت اے‘‘ (1 کرنتھیوں1: 17۔ 18)۔
’’اَسی مسیح مصلوب دی مناید کرنے آں‘‘ (1 کرنتھیون1: 23)۔
جہنم وِچ گناہواں دی ادائیگی دے لئی – بلکہ سولی تے!
مصلویبت دیاں ایہ ساریاں غلط بیانیاں کم و بیش ایس خیال تے مبنی نے کہ مسیح دیاں ہولناک مصیبتاں دے بارے وِچ سوچ کے گنہگاراں نوں اپنی حیاتیاں نوں بدلن وِچ حیران ہونا چائیدا اے۔ لیکن ایہہ نطریات مسیح دے ساڈے گناہ چُکن آلے دے طور تے متبدلیاتی کفارے دی گل نہئیں کردے، یا خدا دے غضب دے کفارے دی، جیہڑا سولی تے اُوہدے ذریعے توں پورا کیتا گیا۔ سانوں ’’حیاتی دی تبدیلی‘‘ وِچ ’’حیرت زدہ‘‘ نہئیں ہونا اے، بلکہ ایہہ ویکھنا اے کہ ساڈے گناہ کیہنے خوفناک نے کہ اُو ایہناں دی ادائیگی دے لئی مر گیا، تے ایہہ کہ صرف اُو ای سانوں ایہناں توں چُھڑا سکدا اے۔
میں پہلے نکتے تے بہوتا لمبا ویلہ لنگہا دِتا اے، لیکن اَج مصلوبیت دے حوالے توں ایہنی غلطیاں نے کہ میں اینج کرنا جائز سمجھنا آں۔ ایہہ سولی دی خرابیاں نے۔
’’ہلاک ہون آلیاں دے لئی تے سولی دا پیغام بیوقوفی اے لیکن اَسی نجات پان آلیاں دے لئی خدا دی قدرت اے‘‘(1 کرنتھیوں1: 18)۔
II۔ دوجی گل، سولی دی منادی۔
جدوں بائبل سولی دے بارے وِچ گل کردی اے، تے اُو اُوس صلیب دے بارے وِچ گل کر رئی اے جیس تے یسوع دی موتی ہوئی سی۔ ’’سولی دی منادی‘ یسوع مسیح دی مصلوبیت تے مرکوز تبلیغ اے۔ ایہہ پہلے کرنتھیوں دی تئیسویں آیت وِچ واضح کیتا گیا اے، پہلا باب، جیتھے رسول نے کہیا،
’’اَسی مسیح مصلوب دی ماندی کرنے آں‘‘ (1 کرنتھیون1: 23)۔
اگلے باب وِچ، دوجی آیت وِچ، رسول نے کہیا،
’’کیوں جے میں فیصلہ کیتا ہویا سی کہ جدوں تیکر تہاڈے وِچکار رہواں گا مسیح یعنی مسیح مصلوب دی منادی دے سول کسی ہُور گل تے زور نہ دیاں گا‘‘ (1کرنتھیوں2: 2)۔
سولی تے مسیح دے مصلوب ہون دی تبلیغ دو اہم وجوہات دی وجہ توں بائبل دی مسیحیت وِچ مرکزی حیثیت رکھدی اے۔ سب توں پہلاں، کیوں جے ساڈے گناہواں دی ادائیگی مسیح دی سولی تے موت نال ہوئی۔
’’پاک صحائف دے مطابق مسیح ساڈے گناہواں دی خاطر قربان ہو گیا‘‘ (1 کرنتھیوں15: 3)۔
مہربانی نال رومیوں5: 8۔9 آیات کھولو، تے آؤ کِھلو جاؤ تے ایہناں دوواں آیتاں نوں اُوچی واج نال پڑھو۔
’’لیکن خدا ساڈے لئی اپنی محبت ایویں ظاہر کردا اے کہ جدوں اَسی گنہگار ای سی تے مسیح نے ساڈی خاطر اپنی جان قربان کر دِتی۔ پس، جدوں اَسی مسیح دے لہو وگان دی وجہ توں راستباز ٹھہرائے جان دی توفیق پائی تے سانوں ہُور وی بوہتا یقین اے کہ اَسی اُوہدے وسیلے توں غضب الہٰی توں ضرور بچاں گے‘‘ (رومیوں5: 8۔9)۔
تُسی تشریف رکھ سکدے اُو۔ یسوع دے سولی تے مرن دی پہلی بنیادی وجہ ساڈے گناہواں دا کفارہ ادا کرنا سی۔
یسوع دے سولی تے مرن دی دوجی بنیادی وجہ گناہ دے خلاف خدا دے غضب دی تشفی کرنا سی۔ سولی تے مسیح دی موت خدا دے اِنصاف نوں مطمئن کردی اے۔ خدا کسی گنہگار نوں اُوس ویلے تیکر معاف نہئیں کر سکدا جدوں تیکر کہ انصاف دے تقاضے پورے نہ ہون۔ جے تُسی ٹریفک دی خلاف ورزی کردے اُو تے تہانوں جرمانہ ادا کرنا ہووے گا۔ تُسی گناہ کردے اُو، تے تہانوں جہنم وِچ ایہدی قیمت ادا کرنی ہووے گی۔ لیکن یسوع سولی تے تہاڈے لئی جرمانہ ادا کردا اے! انصاف مطمئن کیتا گیا اے!
’’اُو [خدا] اپنی ذات دا دُکھ اُٹھا کے اُو حیاتی دا نور ویکھے گا تے مطمئن ہووے گا: اپنے ای عرفان دے باعث میرا صادق خادم بہتیریاں نوں راستباز ٹھہرائے گا‘‘ (اشعیا53: 11)۔
سولی تے مسیح دی موت خدا دی شریعت نوں وی مطمئن کردی اے، کیوں جے ایہہ لکھا اے،
’’جیہڑا کوئی وی شریعت دی کتاب دی ساری گلاں تے عمل نہئیں کردا اُو لعنتی اے‘‘ (گلِتیوں3: 10)۔
پس، ہر گنہگار شریعت دی لعنت دے تحت اے۔ لیکن مسیح شریعت دے تقاصیاں دی تشفی دے لئی سولی تے قربان ہو گیا۔
’’مسیح نے جیہڑا ساڈے لئی لعنتی بنیا، سانوں مول لے کے شریعت دی لعنت توں چُھڑا لیہیا کیوں جے لکھیا اے کہ جیہڑا کوئی لکڑی تے لٹکایا گیا لعنتی اے‘‘ (گلِتیوں3: 13)۔
عظیم سپرجیئن نے کہیا،
سانوں کفارے دے عظیم بشراں نوں بچان آلے نظریے تے سب توں بوہتا واضح ہونا چائیدا اے؛ سانوں اِک مستند حقیقی متبادل قربانی دی تبلیغ کرنی چائیدی اے، تے ایس دے نتیجے وِچ معافی دا اعلان کرنا چائیدا اے۔ خون دا کفارہ دین دے بارے وِچ ابر آلود خیالات آخری حد تیکر شرارتی نے … سانوں متبادل دی تبلیغ براہ راست تے بِلاوجہ کرنا چائیدا اے، کیوں جے کوئی نظریہ پاک کلام وِچ واضح طور تے سِکھایا جاندا اے تے اُو ایہہ اے – ’’ساڈی سلامتی دا عذاب اُوہدے تے سی، تے اَسی اُوہدے کوڑے کھان نال شفا پانے آں۔‘‘ ’’اُو آپئے اپنے ای بدن تے ساڈے گناہواں دا بوجھ چُکے ہوئے سولی تے قربان ہو گیا۔‘‘ ایس سچائی نوں ایہہ ظٓاہر کردے ہوئے ضمیر نوں مطمئن ہو جانا چائیدا اے کہ خدا کیس طرح منصف ہو سکدا اے، تے ایس دا حمایت کرن آلا [وکیل] جیہڑا یقین رکھدا اے (سی ایچ سپرجینC. H. Spurgeon، ’’مسیح وِچ ایمان لیہیان دی تبدیلی تے ساڈے ہدف دی حیثیت نال On Conversion As Our Aim،‘‘ میرے طالب علماں نوں لیکچرLectures to My Students، پِلگرِم Pilgrim، 1990 دوبارہ اشاعت، جلد II، صفحہ 183 )۔
کیوں جے تیرے فضل دے لئی دعویٰ کرن دے لئی میرے کول کُج چنگا نہئیں –
میں اپنے لبادے نوں کلوری دے برّے دے لہو چہ دھو کے سفید کر لہواں گا۔
یسوع نے ایس تمام دی قیمت چکائی، اُوسی دا میں مکمل مقروض آں،
گناہ نے اِک سُرخ مائل دھبہ چھڈیا سی، اُوہنے اُوہنوں برف وانگوں سفید کر دِتا اے۔
(’’یسوع نے اِس تمام دی قیمت چکائی Jesus Paid It All‘‘ شاعرہ ایلوینہ ایم۔ ھال Elvina M. Hall، 1820۔1889)۔
کی تُسی سولی تے مسیح دی متبدلیاتی عمل توں نجات پانا چاہندے اُو؟ فیر تہاڈے کول اُوہدے تے سادہ ایمان دے نال یقین کرن دے سوا کُج نہئیں بچیا۔ اُوہدے کول آؤ۔ اُوہدے تے یقین رکھو۔ اُو تہانوں بچائے گا۔ اُوتہانوں ہُنے ای بچائے گا!
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔
|
لُبِ لُباب مسیح دے دُکھ تے THE PASSION OF CHRIST AND ڈاکٹر آر ۔ایل۔ ہائیمرز وَلّوں ’’ہلاک ہون آلیاں دے لئی تے سولی دا پیغام بیوقوفی اے لیکن اَسی نجات پان آلیاں دے لئی خدا دی قدرت اے‘‘(1 کرنتھیوں1: 18)۔ (1 کرنتھیوں1: 17، 23) I۔ سولی توں بھٹکن دے اعمال، یوحنا19: 30؛ عبرانیوں9: 12؛ II۔ سولی دی مُنادی، 1 کرنتھیوں 1: 23؛ 2: 2؛ 15: 3؛ |