ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مسیح گنہگاراں نوں انیہرے دیاں قوتاں وِچوں چُھٹکارہ دلاندا اے۔ اُو اُوہناں نوں اپنی بادشاہی چہ چُک لہیاندا اے۔ مسیح اُوہناں نوں اپنے لہو دے وسیلے توں نجات دلاندا اے۔ مسیح اِک اندیکھے خُدا دی تصویر اے۔ اُو ساری تخلیق دا پہلا پالہنار (جان گِل John Gill) اے جیہڑی زمین تے آسمان چہ دیکھی تے اندیکھی اے۔ مسیح ساریاں شیواں توں پہلاں اے، کیوں جے اُوہنے اُوہناں تمام نوں تخلیق کیتا اے، تے اپنی فطرت، ناواں، عہدیاں تے اعمال چہ تمام لوکاں تے فرشتیاں توں افضل اے۔ مسیح یوحنا بپتسمہ دین آلے توں پہلاں وجود رکھدا سی، جیہڑا اُوہدی راہ تیار کرن آلا سی، ابراہام توں پہلاں، جنہے اُوہدے دِن نوں ایمان دے وسیلے نال ویکھیا سی، پہلے انسان توں پہلاں، فرشتیاں دی تخلیق کیتے جان توں پہلاں، کائنات دی تخلیق توں پہلاں وجود رکھدا سی۔ مسیح ابدلاآباد توں اے، ’’تے اُوسی وِچ ساریاں شیواں قائم نے‘‘ (کُلسیوں1:17)۔ ’’فطرت دا سارے دا سارا ڈھانچا ٹُٹ کے تے وِکھر کے پھٹ جاندا جے اے اُوہدے وسیلے ناں اکٹھا قائم نہ کیتا گیا ہوندا‘‘ (جان گِل) مسیح اُو ’’گوند‘‘ اے جنہے ایٹماں تے نیوٹراناں تے پروٹاناں نوں قائم کیتا ہویا اے۔ اُو سیاراں نوں اپنی راہ تے متعین رکھن آلا مقناطیس اے۔ اُو سورج نوں اُوہدی قوت بخشتا اے۔ آدم دے گمراہ بچیاں نوں دوبارہ نوی حیاتی دیندا اے، تے آخیرلے بِگل دے وجن تے مُردیاں نوں زندہ کردا اے۔ کائنات دے سارے معاملے، ایٹماں توں لے کے سارے عالم تیکر، یسوع مسیح خُدا دے پُتر دے وسیلے نال بنائے جاندے، متعیّن کیتے جاندے، نپٹائے جاندے تے اکٹھے قائم کیتے جاندے نے۔

’’کلیسیا اُوہدا بدن اے تے اُو ایس بدن دا سر اے۔ اُوہی مبداء اے تے مُردیاں وِچوں جی اُٹھن آلیاں وِچوں پہلوٹھا تاں جے ساریاں گلاں وِچ پہلا درجہ اُسی دا ہووے‘‘ (کُلسیوں1:18)۔

اُو کلیسیا دے جسم دا سر اے – جیدے بارے چہ کُلسیوں دے مسیحی جان چکے سن کہ اُو اُوہناں دی اپنی ای مقامی کلیسیا سی۔ مسیح ہر مقامی کلیسیا دا سرپنج ہوندا اے۔ جِم جینٹ Jim Gent نے کہیا،

ابتدائی مسیحیاں لئی، زمین تے مقامی کلیسیا الوہی طور تے متعیّن کیتی گئی زمین تے جماعت سی جیدے ذریعے نال خُداوند نے کم کرنا چُنیا سی تے ایہہ ای واحد ایہو جئی جماعت سی (جِم جینٹ، مقامی کلیسیا: سیارہ زمین دے لئی خُداوند دا منصوبہ The Local Church: God’s Plan for Planet Earth، سِمرنہ اشاعت خانے Smyrna Publications، 1994، صفحات 83۔84)۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

مسیح ہر نئی مقامی کلیسیا دا سرپنج اے۔

’’جیہڑا آغاز اے۔‘‘ مسیح ابدلاآباد توں اے۔ اُو تمام تخلیق کیتے گئے لوکاں دا سبب اے۔ جیویں آدم توں حوّا آئی، ایویں ای مسیح توں کلیسیائیں وجود وِچ آئیاں نے۔

’’مُردیاں وِچوں پہلوٹھا۔‘‘ مسیح دائمی طور تے مُردیاں وِچوں زندہ ہو جان آلا سب توں پہلا سی۔ حالانکہ اُوہدے توں پہلاں دوجے مُردیاں وِچوں زندہ کیتے گئے سن۔ مسیح نوں فیر دوبارہ کدی وی نہ مرن لئی مُردیاں وِچوں زندہ کیتا گیا سی، اِک جی اُٹھے جسم وِچ۔

’’تاکہ ساریاں گلاں وِچ پہلا درجہ اُسی دا ہووے۔‘‘ اُو یونانی لفظ جیدے توں ’’فضیلتpreeminence‘‘ دا ترجمہ کیتا گیا ’’پرووٹیؤ prōteuō‘‘ اے۔ ایدا مطلب ’’سب توں پہلاں‘‘ ہوندا اے (Vine)۔ ایس عظیم مسیحاتی حوالے چہ، پولوس رسول ہر اِک گل چہ مسیح دے سب توں پہلاں ہون دا، سب توں برتر ہون دا، پہلی تھاں تے ہون دا اِعلان کردا اے۔‘‘

آؤ ہُن ساڈی تلاوت دا اِطلاق مسیح تے ایمان لہیا کے تبدیل ہون لئی لاگو کریے۔

I۔ پہلی گل، مسیح تے ایمان لہیان دی تبدیلی توں پہلاں ای مسیح افضل تے برتر اے۔

گمراہ نسلِ انسانی ایہہ گل نئیں جانندی، تاہم، اُوہناں دا رُجحان مسیح دے بارے چہ اِک عظیم نبی یا اُستاد دی حیثیت نال سوچن دا ہوندا اے۔ اُو مسیح نوں لاؤ ژی Lao Tze یا کُنگ فُو ژی Kung Fu Tze یا موسیٰ دے درجے تے رکھن دا رُجحان رکھدے نے۔ اُوہناں نوں احساس نئیں ہوندا کہ اُو اِک خُدا اے، تثلیث دی دوجی ہستی۔ اُو اُوہنوں جیہڑا کہ اُو ہے اُوس توں کم تر دی حیثیت دیندے نے۔ یسوع نے کہیا،

’’میں تے باپ اِک نے۔ فیر یہودیاں نے دوبارہ اُوہنوں سنگسار کرن لئی پتھر چُکے۔ لیکن یسوع نے اُوہناں نوں کہیا میں تہانوں اپنے پِیو وَلّوں وڈے وڈے معجزات وکھائے نے۔ اُوہناں وِچوں کِس معجزے دی وجہ توں مینوں سنگسار کرنا چاہندے اُو؟ یہودیاں نے جواب دِتا، اَسی تینوں کسی معجزے لئی نئیں بلکہ اُوس کفر لئی سنگسار کرنا چاہنے آں کہ محض اِک بندہ ہوندیاں ہویاں توں اپنے آپ نوں خُدا بناندا فیردا ایں‘‘ (یوحنا10:30۔33)۔

بالکل ایہو ای رُجحان اَج کل بے شمار لوکاں دا مسیح وَل ہوندا اے۔ اِک طرفوں یا دوجے پاسیوں، سارے گمراہ لوکی مسیح دی فضیلت نوں ٹھکرا دیندے نے۔ اُو شاید مسیح دی بُلّاں وِچ عبادت کردے نے، لیکن اُوہناں دے دِل اُوہدی فضیلت نوں رد کردے نے۔

’’اُو دُنیا وِچ سی تے دُنیا نے اُوہنوں نہ پہچانیا حالانکہ دُنیا اُوہدے وسیلے نال پیدا ہوئی‘‘ (یوحنا 1:10).

’’لوکاں نے اُوہنوں حقیر منیا تے ٹُھکرایا… اُو اُس بندے وانگوں سی جنہوں ویکھ کے لوکی مُنہ وَٹ لیندے نے، اُو حقیر سمجھا گیا، تے اَساں اُوہدی کُج قدر نہ کیتی‘‘ (اشعیا 53:3).

مسیح افضل اے، ہر اِک شے توں برتر، لیکن اِک گمراہ بندے نوں ایہہ گل وکھائی نئیں دیندی۔ مسیح اعلیٰ تر اے، اُوہدا کوئی مقابلہ نئیں، تے دُنیا چہ کسی وی ہُور شے دے مقابلے چہ سب توں زیادہ بہترین اے۔ لیکن اِک گمراہ بندہ اُوہدے توں اپنے چہرے نوں پھیر لیندا اے تے اُوہنوں اہمیت نئیں دیندا اے۔

گمراہ لوکی مسیح وَل ویکھن دی بجائے خود اپنے احساسات وَل ویکھدے نے۔ گمراہ لوکی مسیح وَل ویکھن دی بجائے خُود اپنے خیالات وَل ویکھدے نے۔ گمراہ لوکی مسیح وَل ویکھن دی بجائے خود اپنے اعمال وَل ویکھدے نے۔ اِک گمراہ حالت وِچ سارے ای لوکی کہندے نے، ’’اَسی اُوہدی کُج قدر نہ کیتی‘‘ (اشعیا53:3)۔ ایہو ای وجہ اے کہ گمراہ لوکی نجات کیویں پان ’’جانن لئی‘‘ کوششاں کردے نے۔ اُو انسانی دانشمندی نوں لبھ رئے ہوندے نے کیوں جے اُو مسیح بخود دی قدر نئیں کردے۔

بائبل کہندی اے،

’’یونانی حکمت دی تلاش وِچ نے: مگر اَسی اُوس مسیح مصلوب دی منادی کرنے آں‘‘ (1۔ کرنتھیوں 1:22۔23).

ہُن ایہہ گل تہاڈے بارے چہ سچی اے، تہاڈی غیر تبدیل شُدہ حالت وِچ، کی ایویں نئیں اے؟ تُسی کہنا جاری رکھدے اُو، ’’میں جاننا چاہنا واں نجات کیویں پائی جاندی اے۔ میں جاننا چاہنا واں مسیح دے کول کیویں آیا جائے۔ اُوہناں یونانیاں وانگوں تُسی ’’حکمت نوں لبھدے پھردے‘‘ اُو۔ لیکن اَسی تہناوں اُو نئیں دیندے جیہڑا تُسی چاہندے اُو۔ ایدے بجائے، اَسی مسیح مصلوب دے بارے چہ منادی کردے رہنے آں۔

’’تاں جے ساریاں گلاں چہ پہلا درجہ اُوسی دا ہووے‘‘ (کلسیوں 1:18).

دوجے ’’محفوظ محسوس‘‘ کرنا چاہندے نے یا کسی جذبے دا تجربہ کرنا چاہندے نے۔ کدی کدی اُو نجات یافتہ محسوس کردے نے۔ باقی ویلیاں چہ اُو گمراہ محسوس کردے نے۔ اُو مسیح وَل ویکھن دی بجائے اِک جذباتی ’’علامت‘‘ نوں لبھ رئے ہوندے نے۔ اُو اُوہناں یونانیاں وانگوں ہوندے نے جنہاں دے بارے چہ پولوس رسول نے کہیا،

’’یہودی معجزیاں دے طالب نے… مگر اَسی اُوس مسیح مصلوب دی منادی کرنے آں‘‘ (1۔ کرنتھیوں 1:22۔23).

تُسی ثبوت دے بارے چہ کسی اندرونی احساس نوں تلاش کردے رہنا جاری رکھدے اُو، اپنی نجات نوں جائز ثابت کرن لئی کسی نہ کسی جذبے دی تلاش کردے رہنا جاری رکھدے اُو۔ لیکن اَسی مسیح مصلوب تے منادی کردے رہنا جاری رکھنے آں۔

’’تاں جے ساریاں گلاں چہ پہلا درجہ اُوسی دا ہووے‘‘ (کلسیوں 1:18).

مسیح افضل اے، ہر اِک شے توں برتر، لیکن اِک گمراہ بندے نوں ایہہ گل وَکھائی نئیں دیندی۔ مسیح اعلیٰ تر اے، اُوہدا کوئی مقابلہ نئیں اے، تے دُنیا چہ کسی وی شے دے مقابلے چہ سب توں بہترین اے۔ لیکن اِک گمراہ بندہ اُوس توں اپنے مُنہ نوں وَٹ لیندا اے تے اُوہنوں اہمیت نئیں دیندا اے۔ ذہنی طور تے، مسیح افضل اے۔ لیکن داخلی طور تے اُو تہاڈے لئی افضل نئیں ہوندا اے۔ تہاڈے خود اپنے خیالات تے احساسات افضل ہوندے نے۔ تُسی ’’اُوہدی قدر نئیں‘‘ کردے (اشعیا53:3)۔

II۔ دوسری گل، مسیح تبدیلی لہیان چہ وی افضل اے۔

پاک روح دا پہلا کم تہاڈے تے تہاڈا گناہ ظاہر کرنا ہوندا اے۔

’’تے جدوں اُو مددگار آ جائے گا تے جیتھوں تیکر گناہ، راستبازی تے اِنصاف دا تعلق اے، اُو دُنیا نوں مجرب قرار دیوے گا… گناہ دے بارے چہ، ایس لئی کہ لوکی میرے تے ایمان نئیں لہیاندے‘‘ (یوحنا 16:8۔9).

گمراہ گنہگار تیز ہوا چہ منڈلاندا پھردا اے۔ اُو نجات پان لئی اِک یا دوجی راہ نوں اپنان دیاں کوششاں کردا رہندا اے۔ اُو دُرست لفظاں نوں سیکھن دیاں کوششاں کردا اے۔ اُو صحیح کم کرن دیاں کوششاں کردا اے۔ اُو چنگا محسوس کرن دیاں کوششاں کردا اے۔ لیکن کُج وی ’’کم نئیں آندا۔‘‘ اُو ہوا چہ گھومن پھرن یا چکراندے رہن لئی چھڈ دِتا جاندا اے۔ ایہہ گل گنگہار نوں انتہائی پریشان کردی اے۔ ایہہ اِک چنگی گل ہوندی اے۔ ایہہ ظاہر کردی اے کہ پاک روح اُوہدی جھوٹیاں اُمیداں دیاں دھجیاں اُڑا رہیا اے۔

میں اُمید کرنا واں کہ اَج دی سویر تُسی تیز ہوا چہ چکراندے پھرن توں تھک چُکے اُو۔ تاہم، جدوں تیکر تُسی پاک روح دے نال متفق نئیں ہوجاندے کہ تُسی اِک بے بس گنہگار اُو، تُسی چکراندے رہنا جاری رکھو گے۔ صرف فیر ای تُسی اپنے لئی مسیح دی لوڑ نوں ویکھ پاؤ گے۔ مارٹن لوتھر Martin Luther نے کہیا،

ایہہ ضروری اے، جے تُسی مسیح وِچ ایمان لہیا کے تبدیل ہو جاندے اُو کہ تُسی دھشت زدہ ہو جاؤ، یعنی کہ ، ہُن تہاڈے کول اِک چوکنا ضمیر ہوندا اے۔ فیر، ایس حالت دے تخلیق ہو چکن دے بعد، تہانوں اُس تسلی نوں گرفت چہ لے لینا چائیدا اے جیہڑی اُوہدے پُتر یسوع مسیح [وَلّوں] آندی اے [جیہڑا] ایس دُنیا چہ دھشت زدہ گنہگاراں لئی خُدا دے رحم دا اِعلان کرن لئی آیا۔ ایہہ طریقہ اے جیدے نال مسیح وِچ ایمان لہیان دی تبدیلی لائی جاندی اے؛ دوجیاں راہواں غلط نے (مارٹن لوتھر، زبور51:13 پر واعظ، 1532)۔

ایسے لئی، اَسی تہانوں انجیل دے منطقی اظہار دے ذریعے نال مسیح وِچ ایمان دلا کے تبدیل نئیں کر سکدے۔ اَسی تہانوں نجات کیویں پانی اے دی ’’تعلیم‘‘ نئیں دے سکدے۔ تہانوں پاک روح دی اندرونی عاجزی دا تجربہ کرنا چائیدا اے ورنہ تُسی مسیح نوں کم درجے تے رکھنا جاری رکھو گے۔ صرف جدوں تُسی گِھریا ہویا محسوس کردے اُو، تے گناہ دے جرم توں نٹھن لئی نااہل محسوس کردے اُو، فیر ای تُسی مسیح وَل رُخ کرو گے۔

’’تاں جے ساریاں گلاں چہ پہلا درجہ اُوسی دا ہووے‘‘ (کلسیوں 1:18).

جدوں دوجیاں تمام گزرگاہواں ختم ہو جاندیاں نے، جدوں دوجے سارے تہانوں خُدا دے نال امن دلان چہ ناکام ہو جاندے نے، جدوں تُسی اپنے گناہ نال تے خود نال تے اپنے احساسات نال کراہت زدہ ہو جاندے اُو، فیر شاید تُسی مسیح وَل رُخ کر سکدے اُو، تے، جے تُسی اینج کردے اُو تے اُو تہاڈے دِل تے دماغ وِچ فضیلت بھر دے گا! فیر تُسی مسیح نوں اُوہدے تمام جلال تے اچھائیاں نوں، اُوہدی شاہانت تے قوت نوں، اُوہدے رحم تے متکبرانہ محبت ںوں، صلیب تے گناہ لئی اُوہدی قربانی، اُوہدے لہو دے وگن، پاٹے ہوئے گوشت، تے اُوہدے جلالی طور تے جی اُٹھن نوں ویکھ پاؤ گے، اُوہدی طاقت توں بھرپور شفارش، تہاڈے وگرے گناہ توں بھرپور بندے تے پاک خدا دے وِچکار اُس یسوع دے مصالحانہ کم نوں ویکھ پاؤ گے۔

’’تاں جے ساریاں گلاں چہ پہلا درجہ اُوسی دا ہووے‘‘ (کلسیوں 1:18).

تُسی مسیح دے بارے چہ اُس ویلے تیکر گل نئیں کر سکدے جدوں تیکر تُسی اُوہنوں جان نئیں لیندے۔ تُسی اُوہنوں اُودوں تیکر جان نئیں سکدے جدوں تیکر تُسی اُوہدے کول آ نئیں جاندے۔ تُسی اُوہدے کول اُس ویلے تیکر نئیں آ سکدے جدوں تیکر تُسی ویکھ نئیں لیہندے کہ تُہانوں اُوہدی لوڑ اے۔ ایہو ای وجہ اے کہ پاک روح دا پہلا کم تہانوں گناہ دے بارے چہ قائل کرنا ہوندا اے۔ ناصرف اُوہناں گناہواں دے بارے چہ جیہڑے تہاڈے کولوں ہو چکے ہوندے نے، بلکہ پیدائشی گناہ دے بارے چہ، تہاڈے دِل چہ اُس غلیظ عفریت دے بارے چہ، جیہڑا بغض تے شہوت، تکبر تے بغاوت توں بھرپور ہوندا اے۔

’’بنی آدم دے دِل بدی نال پرہے رہندے نے‘‘ (واعظ 9:3).

ایہہ تہاڈے تے اُس ویلے تیکر لئی مہر کر دِتا جاندا اے جدوں تیکرکہ تُسی ٹُٹ نئیں جاندے تے عاجز نئیں بن جاندے، جدوں تُسی پولوس دے نال مل کر نہیں کہندے،

’’میں جاننا واں کہ میرے چہ (یعنی، میرے جسم چہ) کوئی نیکی بسی ہوئی نئیں اے‘‘ (رومیوں 7:18).

’’اِس موت دے بدن توں مینوں کون چھڈائے گا؟‘‘ (رومیوں 7:24).

جدوں خُود تہاڈے اپنے دِل دی بدکاری توں پردہ چُکیا جاندا اے، تے تُسی ایہہ ویکھن دے قابل ہو جاؤ گے کہ تہاڈے چہ کوئی وی چنگی گل نئیں ہوندی۔ خُود تُسی اپنی کسی وی سوچ تے پرہوسا نئیں کر سکدے۔ کوئی احساس جیہڑا تُسی پا سکدے اُو تُسی اُوہدے تے انحصار نئیں کر سکدے۔

’’سارے لوکی گھا وانگوں نے، تے اُوہناں دی ساری رونق میدان دے پُھلاں وانگوں اے۔ گھا مُرجھا جاندی اے تے پُھل کملا جاندے نے، کیوں جے خُداوند دی ہوا اُوہناں تے چلدی اے: یقیناً لوکی گھا نے۔ گھا مُرجھا جاندی اے تے پُھل جھڑ جاندے نے‘‘ (اشعیا 40:6۔8).

پاک روح اُس تتّی، خُشک ہوا وانگوں ٹُردا اے جیہڑی پُھلاں تے گھا نوں ساڑ دیندی اے۔ پُھل تہاڈی اُمیداں دی نمائندگی کردے نے۔ گھا تہاڈی ساری حیاتی دی نمائندگی کردی اے۔ تہاڈی اُمیداں نوں مُرجھا جانا چائیدا اے، پاک روح دی اگست دی ہوا وِچ جل کے براؤن ہو جانا چائیدا اے۔ تہاڈی حیاتی نوں مُرجھایا ہویا تے بے بس، دُھندلا تے سوختہ ظاہر ہونا چائیدا اے۔

’’گھا مُرجھا جاندی اے تے پُھل کُملا جاندے نے: کیوں جے خُدا دی ہوا اُوہناں تے چلدی اے‘‘ (اشعیا 40:7).

پاک روح دا مُرجھا ڈالن آلا کم تہانوں ایہہ ویکھن تے مجبور کر دیندا اے کہ حیاتی بے بس ہوندی اے تے ابدیت لامحدود ہوندی اے۔ پاک روح دا مُرجھا ڈالن آلا کم خُود تہاڈے اپنے دِل تے پرہوسا نہ کرن تے خود تہاڈے اپنے احساسات تے پرہوسا نہ کرن تے مجبور کر دیندا اے۔

فیر شاید تُسی مسیح وَل ویکھدے اُو۔ تُسی اُوہنوں گتسمنی دے باغ وِچ ویکھ پاؤ گے، اُوہدے کپڑیاں وِچوں خونی پسینے نوں وگدے ہویاں ویکھ پاؤ گے۔ اشعیا63:2۔3 نوں سُنو۔

’’تُو کیوں آپئے اپنے ای لباس چہ رَتا [سُرخ] ایں تے تیرا لباس حُوض چہ انگور کُچلن آلے وانگوں کیوں اے؟ میں کلیاں ای حُوض چہ انگور کُچلے نے؛ تے قوماں تے لوکاں وِچوں کسی نے میرا ہان نہ کیتا…‘‘ (اشعیا 63:2۔3).

اشعیا نبی پُچھدا اے کیوں اُوہدا سارے دا سارے لباس رَتا [سُرخ] اے۔

’’تُو کیوں آپئے اپنے ای لباس چہ رَتا [سُرخ] ایں تے تیرا لباس حُوض چہ انگور کُچلن آلے وانگوں کیوں اے؟ (اشعیا 63:2).

مسیح جواب دیندا اے،

میں کلیاں ای حُوض چہ انگور کُچلے نے؛ تے قوماں تے لوکاں وِچوں کسی نے میرا ہان نہ کیتا…‘‘ (اشعیا 63:3).

ایہہ گل سانوں گتسمنی دے باغ وِچ لے جاندی اے، جیتھے ساڈا خُداوند ’’کلیاں ای حوض وچ انگوراں نوں کُچلدا‘‘ اے؛ تے قوماں دے لوکاں وِچوں کسی نے اُوہدا ہان نہ کیتا۔‘‘

ڈاکٹر میگی Dr. McGee کہندے نے کہ ’’ابتدائی کلیسیا دے آباؤاِجداد ایناں … آئیتاں نوں مسیح دی پہلی آمد دے نال جوڑدے نے۔ اُوہناں نے حوض وِچ انگور کُچلن نوں مسیح دے دُکھاں دی حیثیت نال غلط لہیا اے‘‘(جے۔ ورنن میگی، بائبل وِچوں Thru the Bible، تھامس نیلسن، 1982، جلد سوئم، صفحہ 340)۔ لیکن میں یقین کرنا واں کہ ایہہ ابتدائی مسیح مضنفین سچے سن۔ جیویں کہ اکثر ایہہ معاملہ انبیاء دی تحریراں وِچ ہوندا اے، پیشنگوئی اَگے تے پِچھے ہوندی رہندی اے، مسیح دی پہلی آمد توں، مسیح دی دوجی آمد تیکر، تیجی آیت دا پہلا اَدھا حصہ مسیح دے دُکھاں دے بارے چہ حوالہ دیندا اے،

’’تُو کیوں آپئے اپنے ای لباس چہ رَتا [سُرخ] ایں تے تیرا لباس حُوض چہ انگور کُچلن آلے وانگوں کیوں اے؟ میں کلیاں ای حُوض چہ انگور کُچلے نے؛ تے قوماں تے لوکاں وِچوں کسی نے میرا ہان نہ کیتا…‘‘ (اشعیا 63:2۔3).

آیات دا دوجا نصف حصہ مسیح دی دوجی آمد وَل حوالہ دیندا اے،

’’ایس لئی میں غصے چہ اُوہناں نوں لتاڑیا تے اپنے غضب چہ اُوہناں نوں پیراں تھلے کُچلیا؛ تے اُوہناں دے لہو دے چیٹھے میرے کپڑیاں تے پہئے، تے میرا سارا لباس آلودہ ہو گیا۔‘‘

ایس وِچ اِک بہت وڈا سبق موجود اے، جنہوں نظر انداز نئیں کیتا جا سکدا، مسیح ساڈے گناہواں لئی اپنی اذیت چہ جیہڑا گتسمنی چہ شروع ہوئی سی تے صلیب تے مُکّی سی، ’’اکلیاں ای حوض وِچ انگوراں نوں کُچل‘‘ چکیا سی۔ لیکن اُوہناں لئی جیہڑے اُوہدے کفارے نوں ٹھکراندے نے اُو کہندا اے، ’’میں غصے چہ اُوہناں نوں لتاڑیا تے اپنے غضب چہ اُوہناں نوں پیراں تھلے کُچلیا؛ تے اُوہناں دے لہو دے چیٹھے میرے کپڑیاں تے پہئے…‘‘

یقینی طور تے ابتدائی مسیح دُرست سن کہ ایس آیت دا پہلا حصہ مسیح دے غصے دی اذیت دا اظہار کردا اے،

میں کلیاں ای حُوض چہ انگور کُچلے نے؛ تے قوماں تے لوکاں وِچوں کسی نے میرا ہان نہ کیتا…‘‘ (اشعیا 63:3).

شاگرد سو گئے سن جدوں یسوع دعا کرن لئی گتسمنی دے باغ چہ اندر تیکر ٹُر گیا سی۔ اُو سو گئے سن، تے اُوہناں نے اُوہنوں اکلیاں ای چھڈ دِتا سی۔

’’تے فیر اُو سخت درد تے کرب چہ مبتلا ہو کے ہُور وی دلسوزی نال دعا منگن لگا: تے اُوہدا پسینہ لہو دیاں بونداں وانگر زمین تے ٹپکن لگا‘‘ (لوقا22:44).

سپرجیئن Spurgeon ایہہ رائے پیش کردے نے،

جے تُسی غور کرو، ایہہ صرف خونی پسینہ ای نئیں سی، بلکہ ایہہ بہت وڈے وڈے قطرے سن؛ اُو لہو جیہڑا جم چکیا سی، تے وڈے وڈے لوتھڑے بن چکیا سی… تے اُوہدے لباس چہ جذب ہو چکیا سی جدوں تیکر کہ اُو سُرخ بچھڑے وانگر نئیں ہو گیا جنہوں بالکل اُسی تھاں تے ذبح کر دِتا گیا سی… ایہہ ثابت کردا اے کہ گناہ دا بوجھ کِنّا شدید رہیا ہوئے گا جدوں ایہہ نجات دہندہ نوں کُچلن دے قابل ہویا سی کہ اُوہدے توں لہو دے قطرے ٹپکن لگے سن! ایہہ ثابت کردا اے، میرے پراہوو، اُوہدی محبت دی شدید قوت (سی۔ ایچ۔ سپرجیئن، ’’گتسمنی،‘‘ میٹروپولیٹن عبادت گاہ دی واعظ گاہ وِچ، پِلگرم Pilgrim، دوبارہ اشاعت1979)، جلد نہم، صفحہ 80)۔

ویکھو مسیح نوں، ’’لہو چہ تر لباس دے نال ملبوس‘‘ (مکاشفہ19:13)۔ اُوہنوں ویکھو، جدوں اُو اُوہنوں گرفتار کرن لئی آندے نے، خونی لبادے چہ تنہا کھڑا ہویا۔ اُو پہلاں ای توں اپنے پِنڈے تے تہاڈے گناہواں نوں چُکے کِھلوتا سی۔

اُوہدے لہو نوں کمر توں اُوہدے زخماں وِچوں ہُور زیادہ اُبل کے نکلدا ہویا ویکھو جدوں اُو اُوہدے تے کوڑے برسان ڈئے سن۔ ایس لہو نے اُوہدے لباس نوں ہُور وی آلودہ کر چھڈیا سی۔

’’فیر پیلاطُس نے یسوع نوں لے جا کے کوڑے لوائے تے فوج دے سپاہیاں نے کنڈیاں دا تاج بنایا تے اُوہدے سر تے دھریا تے اُوہنوں رَتے [سُرخ] رنگ دا چوغہ پہنایا۔ اُو واری واری اُوہدے اَگے جاندے تے کہندے سن کہ اے یہودیاں دے بادشاہ! تینوں آداب تے اُوہدے مُنہ تے چپیڑاں ماردے سن۔ پیلاطُس اِک وری فیر باہر آیا تے یہودیاں نوں کہن لگا، ویکھو میں اُوہنوں تہاڈے کول باہر لہیا رئیا آں۔ تہانوں پتا چلنا چائیدا اے کہ میں کسی وی وجہ توں اُوہدے تے فردِ جرم عائد نئیں کر سکدا۔ جدوں یسوع کنڈیاں دا تاج سر تے دھریاں ہویاں تے رَتا [سُرخ] چوغہ پہنے ہویاں باہر آیا تے پیلاطُس نے یہودیاں نوں کہیا: ایہہ رہیا اُو بندہ!‘‘ (یوحنا 19:1۔5).

ایہہ ویکھو اُو بندہ، اِہدا لباس خود ایدے اپنے ای لہو وِچ تر اے!

’’ایہہ کون اے جیہڑا ادوم تے بصرہ توں آ رہیا اے، جنہے قرمزی چوغہ پایا ہویا اے؟ ایہہ کون اے جیدی پوشاک درخشاں اے، تے شان و توانائی دے نال ٹُردا چلا آ رہیا اے؟ میں جیہڑا راستبازی چہ دس رہیا واں، بچان لئی بہوتی طاقتور۔ تیرے لباس حوض چہ انگور کُچلن آلے وانگر کیوں اے؟ میں اکلیاں ای حوض وِچ انگوراں نوں کُچلیا اے؛ تے قوماں دے لوکاں وِچوں کسی نے میرا ہان نہ کِیتا‘‘ (اشعیا63:1۔3)۔

اُوہنوں باغ چہ مُنہ دے بل لیٹیا ویکھو؛ زمین تے تہاڈا مالک لیٹیا ہویا اے!
فیر کلوری دی صلیب تے اُوہنوں ویکھو، اُوہنوں چیخدا ہویا سُنو، اُوہدے مرن توں پہلاں،
’’ایہہ تمام ہویا!‘‘ ’’ایہہ تمام ہویا!‘‘ کی تُسی ویکھ نئیں سکدے اُوہنے قیمت چکا دِتی؟
’’ایہہ تمام ہویا!‘‘ ’’ایہہ تمام ہویا!‘‘ کی تُسی ویکھ نئیں سکدے اُوہنے قیمت چکا دِتی؟
     (’’آؤ، اے گنہگاروںCome, Ye Sinners ‘‘ شاعر جوزف ہارٹ Joseph Hart ، 1712۔1768؛ ڈاکٹر ہائیمرز وَلّوں ترمیم کیتی گئی)۔

مہربانی نال کلسیوں، پہلا باب کھولو تے کِھلو جاؤ۔ ، آیت چودہ نوں اُوچی واج نال پڑھو۔

’’اُوہدے ای لہو دے ذریعہ سانوں مخلصی یعنی گناہواں دی معافی ملی اے‘‘ (کلسیوں 1:14).

اُوہدا لہو تہاڈے گناہ لئی کفارہ ادا کرے گا۔ خُود نوں اُوہدے رحم دے حوالے کر دو۔ اُو تنہا ای تہانوں تہاڈے گناہ توں اپنے لہو دے وسیلے نال مخلصی دلا سکدا اے۔

’’تاں جے ساریاں گلاں چہ پہلا درجہ اُوسی دا ہووے‘‘ (کلسیوں 1:18).

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلامِ پاک وِچوں تلاوت پڑھی: کُلسیوں 1:12۔19 .
واعظ توں پہلاں اکلیاں گیت گایا:
’’ہائے مقدس سربراہ، اب زخمی ہے O Sacred Head, Now Wounded،‘‘
(شاعر برنارڈ آف کلئیرواکس Bernard of Clairvaux، 1091۔1153)۔