ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
توبہ تے تاکیدی ذہن نشینی دے کاتھولک اصولی
|
لوتھر دے زمانے وِچ، جیویں کہ ہُن اے، کیتھولک کلیسیا نے سیکھایا کہ گناہواں نوں عام طور تے توبہ دے ساکرامنٹ دے استعمال نال معاف کیتا جاندا اے۔ توبہ دے ساکرامنٹ دے لئی تین اعمال درکار نے:
1۔ سب توں پہلاں، پشیمانی دا عمل – گناہ دے لئی حقیقی غم۔
2۔ دوجا، گناہ دا اعتراف زبانی طور تے کرنا چائیدا اے۔
3۔ تیجا، گناہ دی کُج ادائیگی دی نشاندہی کرن دے لئی اطمینان دا عمل انجام دِتا جانا چائیدا اے۔
لوتھر نوں سمجھن دے لئی، سانوں ایہہ سمجھنا چائیدا اے کہ اُو توبہ دے ’’ساکرامنٹ‘‘ دے ذریعے خدا دے نال کوئی سکون نئیں پا سکدا سی۔
لوتھر دی کہانی واقعی اِک بجلی دے طوفان توں شروع ہوندی اے۔ آسمانی بجلی ایہدے چاروں پاسے ٹکرا رئی سی۔ وڈے خوف وِچ، اُوہنے پکاریا، ’’مقدسہ این، میں راہب بن جاواں گا۔‘‘ اُوہنے ایس لگن نوں اطمینان دا عمل قرار دِتا۔ اُو اِک راہب بن گیا کیوں جے کیتھولک کلیسیا نے سکھایا کہ راہب دی حیاتی نجات حاصل کرنا سہوکھا بناندی اے۔
بعد دی حیاتی وِچ، لوتھر نے کہیا: اگرچہ میں ملامت دے بغیر اِک راہب دے طور تے حیاتی گزاری، لیکن میں محسوس کیتا کہ میں خدا دے سامنے اِک انتہائی پریشان ضمیر دے نال گنہگار آں۔ میں یقین نئیں کر سکدا سی کہ اُو میرے اطمینان [توبہ دے ساکرامنٹ توں لنگہدے ہوئے: تعزیت، اعتراف، تے اطمینان دے اعمال] توں راضی [مفاہمت یا مطمئن] ہویا سی۔ میں پیار نئیں کیتا، ہاں، میں نیک خدا نال نفرت کیتی جیہڑا گنہگاراں نوں سزا دیہندا اے … میں خدا نال ناراض سی، تے کہیا، ’’گویا، واقعی، ایہہ کافی نئیں اے، کہ دُکھی گنہگار، ہمیشہ دے لئی اصلی گناہ دے ذریعے گمراہ ہوئے، کُچلے جاندے نے … شریعت نال … بغیر خدا دے دُکھ نوں درد وِچ شامل کیتے [نیا عہدنامہ] سانوں اُوہدی راستبازی تے غضب نوں ڈراندا اے! اینج میں اِک شدید تے پریشان ضمیر دے نال غضب کیتا (مارٹن لوتھرMartin Luther: مارٹن لوتھر: اُوہناں دی تحریروں توں انتخابMartin Luther: Selections From His Writings، اینکر، 1961، صفحہ 11)۔
لوتھر نے غصہ کیتا تے خدا دے نال باطنی طور تے لڑیا۔ اُوہدا ضمیر مسلسل پریشان سی۔ توبہ دے ’’ساکرامنٹ‘‘ نے اُوہدی کوئی مدد نئیں کیتی۔ اُوہنے مسلسل پشیمانی دی حرکتاں کیتیاں، اپنے گناہواں دا اعتراف کیتا، تے اطمینان دے اعمال انجام دِتے – لیکن توبہ دے ذریعے اُوہنوں خدا دے نال کوئی سکون نئیں لبھیا!
لوتھر دے دِل وِچ ہنگامہ آرائی نے اُوہنوں بائبل وَل راغب کیتا، تے آخر کار اُوہنوں ایمان دے کیتھولک تصور تے راستبازی پیدا کرن آلے کماں دے نال مکمل ناچاقی وَل لے گیا۔ اُو سمجھ گیا کہ پولوس رسول دا کیا مطلب سی جدوں اُوہنے کہیا،
’’چنانچہ اَسی ایس نتیجہ تے پہنچنے آں کہ انسان شریعت تے عمل کرن نال نئیں بلکہ ایمان لیہیان دے باعث خدا دے حضور وِچ راستباز ٹھہراندا اے‘‘ (رومیوں 3: 28)۔
تے فیر، آیت 26 تے نظر پاؤ،
’’میں ایس ویلے اُوہدی راستبازی دا اعلان کرن دے لئی کہنا آں: کیوں جے اُو عادل وی اے تے ہر شخص نوں جیہڑا یسوع تے ایمان لیہیاندا اے راستباز ٹھہراندا اے‘‘ (رومیوں 3: 26)۔
لوتھر نے محسوس کرنا شروع کیتا کہ جدوں خدا راستبازی دی گل کردا اے تے اُو ساڈی راستبازی دی گل نئیں کر رہیا اے۔ خدا مسیح دی راستبازی دی گل کر رہیا اے، جیہڑا خدا اپنے فضل نال سانوں دیہندا اے جدوں اَسی نجات دے لئی اکیلے یسوع تے پروہسا کرنے آں۔ جدوں لوتھر نے بائبل وِچ ایس سچائی نوں دریافت کیتا تے اُوہنے کہیا، ’’میں محسوس کیتا کہ میں بالکل نئے سرے سے پیدا ہویا آں تے کُھلے بوہیاں توں جنت وِچ داخل ہویا آں۔‘‘
’’چنانچہ اَسی ایس نتیجہ تے پہنچنے آں کہ انسان شریعت تے عمل کرن نال نئیں بلکہ ایمان لیہیان دے باعث خدا دے حضور وِچ راستباز ٹھہراندا اے‘‘ (رومیوں 3: 28)۔
’’میں ایس ویلے اُوہدی راستبازی دا اعلان کرن دے لئی کہنا آں: کیوں جے اُو عادل وی اے تے ہر شخص نوں جیہڑا یسوع تے ایمان لیہیاندا اے راستباز ٹھہراندا اے‘‘ (رومیوں 3: 26)۔
اَج لوتھر توں اَسی دو عظیم سچائیاں نوں جان سکنے آں۔
I۔ پہلی گل، اَسی کسی وی ہیّت وِچ ’’توبہ‘‘ دے وسیلے توں نجات نیں پانے آں۔
میں اکثر ایس گل تے حیران ہونا آں کہ کینج موجودہ زمانے وِچ انجلی بشارت دا پرچار کرن آلے بہتیرے لوکی ’’توبہ‘‘ دے ذریعے نجات دے کیتھولک تصور وَل واپس آئے نے۔ توبہ دے کیتھولک تصور دے تین حصے نے، تے انجیلی بشارت دا پرچار کرن آلے بہتیرے لوکی ایہناں تیناں نال منسوب نے۔
1. سب توں پہلاں، پشیمانی دا عمل – گناہ دے لئی حقیقی غم۔ ’’لیکن،‘‘ تُسی کہندے اُو، ’’کی سانوں اپنے گناہواں دا غم نئیں ہونا چائیدا اے؟‘‘ پشیمانی دے عمل‘‘ دے طور تے نئیں۔ گناہ تے غم کرن نال ضروری نئیں کہ نجات وَل رہنمائی ہوندی اے۔ ہر گمشدہ شخص گناہ تے دُکھ محسوس کردا اے۔ لیکن ایہہ تہانوں نجات نئیں دلائے گا۔ روح القدس گناہ دی ’’ملامت‘‘ یا ’’قائل‘‘ کرن دے لئی آندا اے (یوحنا 16: 8-9)، ’’گناہ دے بارے وِچ، کیوں جے اُو میرے تے یقین نئیں رکھدے۔‘‘ گناہ دے لئی دُکھ جیہڑا کسی شخص نوں مسیح وَل نئیں لے جاندا کوئی چنگا کام نئیں کرے گا۔
2. دوجا، گناہ دا اعتراف زبانی طور تے کرنا چائیدا اے۔ ایہہ توبہ دا دوجا عمل اے۔ انجیلی بشارت دا پرچار کرن آلے بہتیرے لوکی، جیہڑے کسی پادری دے سامنے اقرار نئیں کراں گے، ہُن وی سوچنے آں کہ نجات پان دے لئی اُوہناں نوں خدا دے لئی اِک اِک کر کے اپنے گناہواں دا اعتراف کرنا چائیدا اے۔ لیکن بائبل دی کوئی آیت سانوں اینج کرن دے لئی نئیں کہندی۔ 1 یوحنا 1: 9 سانوں اِک اِک کر کے اپنے گناہواں دا اعتراف کرن نوں نئیں کہندا۔ لفظ ’’اعتراف‘‘ یونانی وِچ ’’ہومولوجیوhomologeo‘‘ اے۔ ایہدا سیدھا مطلب اے ’’تسلیم کرنا‘‘ یا ’’رضامند ہونا‘‘ (سٹرانگ Strong)۔ ایہہ آیت سانوں اپنے گناہواں نوں تسلیم کرن دے لئی کہندی اے۔ ایہہ سانوں ایہ نئیں دسدی کہ سانوں خدا یا – کسی ہُور دے سامنے ہر اِک گناہ دا اعتراف کرنا چائیدا اے۔ نجات گناہ دے اقرار توں نئیں بلکہ یسوع مسیح تے پروہسا کرن نال لبھدی اے!
3. تیجا، گناہ دی کُج ادائیگی دی نشاندہی کرن دے لئی اطمینان دا عمل انجام دِتا جانا چائیدا اے۔ ایہہ توبہ دا تیجا عمل اے۔ لوتھر نے کہیا، ’’میں یقین نئیں کر سکدا سی کہ [خدا] نوں میرے اطمینان [گناہ دی ادائیگی دی نشاندہی کرن دے لئی اطمینان دا عمل] نال راضی [مفاہمت یا مطمئن] کیتا گیا سی‘‘۔ لوتھر بالکل سچا سی، کیوں جے گناہ دے لئ مکمل اطمینان سولی تے یسوع مسیح دے ذریعے پورا کیتا گیا سی! ’’اپنی جان دا دُکھ چُک کے اُو حیاتی دا نور ویکھے گا تے مطمئن ہوئے گا، اپنے ای عرفان دے باعث میرا صادق خادم بہتیریاں نوں راستباز ٹھہرائے گا‘‘ (اشعیا 53: 11)۔ جے تُسی مسیح تے پروہسا کردے اُو تے ’’اطمینان‘‘ دے کسی انسانی عمل دی لوڑ نئیں اے، کیوں جے مسیح نے خود تہاڈے گناہواں دے لئی خدا دی نظر وِچ مکمل اطمینان کر دِتا اے۔
ایوینجلیکلز [انجیلی بشارت دا پرچار کرن آلے] اکثر ’’الطار دی پکار‘‘ تے ’’گنہگار دی دعا‘‘ نوں اِک ایہو جئے عمل وِچ ڈھالدے نے جیہـڑے خطرناک حد تیکر توبہ دے رومن کیتھولک ’’ساکرامنٹ‘‘ دے قریب اے۔ مثال دے طور تے، جدوں لوکی بلی گراہم دی تحریکاں وِچ اَگے آندے نے، تے اُو اُوہناں توں مندرجہ ذیل دعا بُلند آواز وِچ ، یک جہتی نال کرن دے لئی کہندا اے:
اے خدا میں گنہگار آں۔ میں اپنے گناہواں تے نادم آں۔ میں اپنے گناہ توں باز آن نوں تیار آں۔ میں یسوع مسیح نوں اپنے نجات دہندہ دے طور تے قبول کرنا آں۔ میں اُوہنوں اپنے خداوند دے طور تے تسلیم کرنا آں۔ ہُن توں، میں اُوہدی کلیسیا دی رفاقت وِچ اُوہدی پیروی کرنا چاہنا آں۔ یسوع دے ناں تے۔ آمین۔ (فیصلہ Decision، جون، 2003، صفحہ 5)۔
کئی وریاں پہلاں میں ایہناں لوکاں دے نال اینج دی دعا دا استعمال کرنا چھڈ دِتا سی جِنہاں نے میری تبلیغ دا جواب دِتا۔ میں ’’گنہگار دی دعا‘‘ دی ایس ہیّت نوں استعمال کرنا چھڈ دِتا کیوں جے میں پایا کہ ایہدے وِچ بہوتے زیادہ مختلف خیالات نے۔ میں پایا کہ اِک کھویا ہویا گنگہار ایہناں سارے خیالات نوں برقرار نئیں رکھ سکدا۔ ہُن، جے میرے کول لوکی کوئی وی دعا منگدے نے، تے اُو صرف ایہہ اے، ’’یسوع، میں تیرے کول آیا آں۔ اپنے لہو نال میرے گناہواں نوں دھو ڈال۔‘‘
لیکن حال ای وِچ میہنوں یقین ہو گیا اے کہ بلی گراہم دی ’’گنہگار دی دعا‘‘ دی شکل درحقیقت رومن کیتھولک تعلیم دا توبہ دے ’’ساکرامنٹ‘‘ نال بندوبست کردی اے۔ ایہدے وِچ کیتھولک توبہ دی اِک عمل دے سارے عناصر نے۔
1. سب توں پہلاں، پشیمانی دا عمل، ’’میں اپنے گناہواں دے لئی معافی منگنا آں۔‘‘
2. دوجا، اعتراف دا عمل، ’’اے خدا، میں گنہگار آں۔‘‘
3. تیجا، اطمینان دا عمل، ’’میں ایہدی پیروی کرنا چاہنا آں۔‘‘
ایس دعا وِچ مسیح دا لہو کیتھے اے؟ ایہدے وِچ ’’سولہٰفیڈےSola Fide‘‘ یعنی تنہا مسیح وِچ ایمان نال نجات کیتھے اے؟ بلی گراہم دی گنہگار دی دعا وِچ لوتھر کیتھے اے؟ ایہدے وِچ اصلاح کیتھے اے؟ میرے خیال وِچ ایس ’’گنہگار دی دعا‘‘ نوں زبانی طور تے کہن دے لئی ’’اَگے آن‘‘ دا پورا خیال توبہ دے کیتھولک ’’ساکرامنٹ دے قبل ازیں اصلاح وَل واپسی توں گھٹ نئیں اے! نجات صرف فضل نال ای اے، صرف مسیح وِچ ایمان دے ذریعے! سانوں لوتھر دی خالص انجیل دیو! رومن کیتھولک دعاواں، تے پیشیمانی دے اعمال، تے زبانی اعترافات، تے اطمینان دے اعمال توں باہر نکلو! توبہ دے ’’ساکرامنٹ‘‘ توں باہر نکلو! بلی گراہم دی ’’گنہگار دی دعا‘‘ توں باہر نکلو! جے بلی گراہم ’’توبہ‘‘ دے ذریعے نجات دے خلاف تبلیغ کردے جیویں کہ لوتھر نے کیتا، تے اُوہنوں کیتھولک لوکاں توں الگ نئیں ہونا پیہئے گا! اُو ایہدے توں الگ ہو جان گے، جیویں کہ اُوہناں نے لوتھر دے نال کیتا سی!
II۔ دوجی گل، اَسی فضل دی ’’تاکیدی ذہن نشینی‘‘ دے وسیلے توں نجات نئیں پانے آں۔
رومن کیتھولک کلیسیا سِکھاندی اے کہ ’’اَسی ایہو جئے کماں دے لئی جائز آں … جیہڑے دِل وِچ اِلہٰی حیاتی دے اصول نال تاکیدی ذہن نشین ہوندے نے‘‘ (چارلس ہوجCharles Hodge، درجہ بہ درجہ علمِ الہٰیات Systematic Theology، عیئرڈمینز، 1970، صفحہ 136)۔
دوجے پاسے، لوتھر تے اصلاح کاراں نے کہیا کہ راستبازی اُودھوں آندی اے جدوں گنہگار نوں خدا وَلوں مسیح تے ایمان دے ذریعے، اُوہدی راستبازی دے اِلزام لگان نال [مواخذہ نال] قرار دِتا جاندا اے (حوالہ دیکھو ہوجHodge، ibid.، صفحہ 133)۔
کیہڑا صحیح اے، تاکیدی ذہن نشینی دے ذریعے نال نجات یا مواخذہ نال نجات؟ کیتھولک کہندے نے کہ مسیح دی راستبازی تہانوں ذہن نشین کرائی جاندی اے، جیہڑی تہانوں راستبازی نال حیاتی لنگہان تے مجبور کردی اے، تے ایہہ گل تہانوں نجات دلاندی اے۔ لوتھر تے اصلاح کاراں نے کہیا کہ مسیح دی راستبازی تہاڈے ریکارڈ وِچ منسوب ہو جاندی اے، جدوں تُسی یسوع تے پروہسا کردے اُو، تے تہانوں خدا دی نظر وِچ راستباز بناندی اے۔
میہنوں ایس گل نوں ہر ممکن حدا تیکر آسان بنان دیو۔ کیتھولک کلیسیا سِکھاندی اے کہ تُسی فضل دے منسوب کیتے جان دے ذریعے، ساکرامنٹاں دے دِتے جان دے ذریعے، بپتسمہ وِچ منسوب ہون آلی طاقت دے ذریعے، توبہ دے اعمال، عبادت وغیرہ دے ذریعے راستباز بنائے جاندے اُو۔ لیکن لوتھر تے اصلاح کاراں نے کہیا کہ تُسی خدا دی حضوری وِچ قانونی طور تے راستباز شمار کیتے جاندے اُو جدوں تسی یسوع مسیح تے پروہسا کردے اُو۔ اُوہدی راستبازی تہاڈے ریکارڈ وِچ منسوب ہو جاندی اے۔
ایہہ کیہڑی آلی اے؟ کی ایہہ طاقت حاصل کرن نال نجات اے، یا ایہہ خدا وَلّوں نجات اے جیہڑی تہانوں سولی تے مسیح دے عمل دے ذریعے راستباز قرار دیہندی اے؟ کی ایہہ منسوب کیتی گئی طاقت دے حاصل کرن نال نجات اے، یا ایہہ خدا وَلّوں نجات اے جیہڑا تہانوں راستباز قرار دے رہیا اے کیوں جے مسیح تہاڈے لئیل مر گیا تے جی اُٹھیا؟
آؤ اُوہنوں ہُور وی سہوکھا بنائیے۔ اپنی بائبل نوں اعمال 8: 19 نوں کھولو۔ شمعون جادوگر دے الفاظ ایہہ نے،
’’میہنوں وی ایہہ اِختیار دیو‘‘ (اعمال 8: 19)۔
تاکہ میں شاندار کام کر سکاں۔ ایہہ منسوبیت دے رومن کیتھولک تصور وانگوں اے۔
ہُن رومیوں 4: 5۔7 آیت کھولو،
’’مگر جیہڑا شخص اپنے کام تے نئیں بلکہ بے دیناں نوں راستباز ٹھہران آلے خدا تے اییمان رکھدا اے، اُوہدا ایمان اُوہدے لئی راستبازی گِنیا جاندا اے۔ پس جیس شخص نوں خدا اُوہدے کماں دا لحاظ کیتے بغیر راستباز ٹھہراندا اے، داؤد وی اُوہدی نیک بختی دا ذکر اینج کردا اے: مبارک نے اُو جِنہاں دی خطاواں بخشیاں گئیاں تے جِنہاں دے گناہواں تے پردہ ڈالیا گیا‘‘ (رومیوں 4: 5۔7)۔
تہاڈے لئی ایہہ کیہڑی آلی ہووے گی؟ کی ایہہ منسوبیت ہووے گی۔
’’میہنوں وی ایہہ اِختیار دیو‘‘ (اعمال 8: 19)۔
تاں جے میں شاندار کام کر سکاں؟ یا، کی ایہہ ہووے گا،
’’مگر جیہڑا شخص اپنے کام تے نئیں بلکہ بے دیناں نوں راستباز ٹھہران آلے خدا تے ایمان رکھدا اے … خدا اُوہدے کماں دا لحاظ کیتے بغیر راستباز ٹھہراندا اے‘‘ (رومیوں 4: 5۔6)۔
کی میں کیتھولکس دے نال بوہتی سختی نال پیش آہنا آں، اُوہناں دے منسوبیت [تاکید ذہن نشینی] تے یقین دا موازنہ جادوگر دی سوچ نال کرنا آں؟ میہنوں اینج نئیں لگدا۔ کیتھولک مذہب وِچ ’’جادو‘‘ دا اِک بہوتا وڈا معاملہ اے۔ بپتسمہ دا ’’جادو‘‘ گناہواں نوں دھون دی اِک مثال اے۔ پاک شراکت دی ٹکیہ دا ’’جادو‘‘ درحقیقت مسیح دے جسم وِچ تبدیل ہون دی اِک مثال اے۔ چنگے کام کرن دے لئی طاقت دی ’منسوبیت‘‘، جیہڑی کُجھ الفاظ کہہ کے تے ’’تبدیل شُدہ‘‘ پاک شراکت [دی سفید ٹکیہ] کھا کے راستبازی پیدا کردی اے، کیتھولک ’’جادو‘‘ دی صرف اِک ہُور شکل اے!
لیکن اَسی جادو نال نئیں بچائے جاندے۔ اَسی یسوع مسیح وِچ ایمان دے ذریعے بچائے گئے آں۔ اُو ساڈے گناہواں دا کفارہ ادا کرن دے لئی سولی تے مریا۔ اُوہدا لہو وگایا گیا تاکہ تُہاڈے گناہواں نوں پاک کیتا جا سکے۔ اُو جسمانی طور تے مُردیاں وِچوں جی اُٹھیا تاکہ تُسی ہمیشہ دی حیاتی پا سکو۔ اُو خدا دے داہنے ہتھ تے آسمان تے زندہ اے۔ ’’خداوند یسوع مسیح تے یقین رکھ تے تُوں نجات پائیں گا‘‘ (اعمال 16: 31)۔
تہانوں طاقت دی ’’منسوبیت‘‘ توں نجات نئیں دلائی گئی اے۔ تہانوں صرف مسیح دے لہو نال ای نجات مل سکدی اے جیہڑی تہاڈے گناہواں نوں خدا دے ریکارڈ توں پاک کردی اے۔ راستبازی ایہو جئی شے نئیں اے جیہڑی تہاڈے باطن وِچ رونما ہوندی اے! راستبازی اُوتے آسمان وِچ ہوندی اے – جدوں مسیح دا لہو تہاڈے گناہواں نوں خدا دی کتاباں توں پاک کردا اے (مکاشفہ 20: 12)۔
ڈاکٹر جان ایچ آرمسٹرانگ نے کہیا،
انجیلی بشارت دا پرچار کرن آلے دورِحاضرہ دے لوکی، طاقت، سلامتی تے امن دی تاکیدی ذہن نشینی تے اپنے اصرار دے نال ایس موضوع تے روم دے ایہدے توں کِدرے بوہتا قریب نے جِنہا کہ ایہناں وِچوں اکثر تصور کر سکدے نے … انجیلی بشارت دا پرچار کرن آلے دورِ حاضرہ دے بہتیرے لوکاں دی اصطلاحات دے برعکس ’’یسوع نوں اپنے دِل وِچ دعوت دینا‘‘ خوشخبری دی بُلاہٹ نئیں اے۔ اکثریت نال استعمال ہون آلا ایہہ جملہ، جیہڑا غلطی نال یوحنا 1: 12، مکاشفہ 3: 20، وغیرہ تے مبنی اے، اُو نئیں اے جیہڑا کلام پاک گنہگار نوں کرن نوں کہندا اے۔ خوشخبری سزایافتہ آدمی نوں دسدی اے کہ اُوہنوں اپنے متبادل دے طور تے ’’مسیح نوں ایمان دے نال ویکھنا‘‘ چائیدا اے … جدوں تیکر اُو ایمان نوں اِک صوفیانہ لین دین دے طور تے سوچن تے قائم رہووے گا جیس وِچ مسیح اِک تھاں توں ، میرے ظاہر توں، کسی دوسری تھاں وِچ ، میرے باطن وِچ آندا اے، اَسی رومن کیتھولک ذہنی اُلجھاؤ وِچ شامل کُجھ ایہو جئی غلطیاں وِچ پیہن دا رجحان رکھدے ہون گے۔
انجیل اُوہدی خوشخبری اے جیہڑی خدا میہنوں اصلی شخص دے ظاہر وِچ تے یسوع مسیح دے تاریخی کام نوں کر چکیا اے۔ انجیل تاریخی، معروضی حقیقت دا پیغام اے۔ ایہہ کوئی تجربہ نئیں اے، کم از کم میرا تجربہ نئیں۔ ایہہ مسیح دے تجربے دی خوشخبری اے – اُوہنے دُکھ اُٹھایا، اُو مر گیا، اُو اُٹھایا گیا، تے اُو [خدا دے] دائیں ہتھ تے عالم بالا وِچ چلا گیا۔ ایہہ اُو پیغام اے جیس دی تبلیغ رسولاں نے کیتی سی۔
اکیلے مسیح دے ذریعے راستبازی دا پیغام، جیہڑا میرے تے صرف ایمان دے وسیلہ نال لگایا گیا اے، اِک ایہو جیہا پیغام اے جیس دی بنیاد بالکل خارجی اے۔ میں ’’خدا دے نال اُوہدے پُتر دی موت نال صلح کر رہیا آں‘‘ (رومیوں 5: 10)، اپنے مذہبی تجربے توں نئیں (جان ایچ آرمسٹرانگ، ڈاکٹر آف منسٹری John H. Armstrong, D.Min.، تنہا ایمان دے وسیلے توں راستبازی Justification by Faith Alone، سولی دیو گلوریا پبلیکیشنز Soli Deo Gloria Publications، 1995، صفحات 159، 153-154)۔
اپنے جذبات تے احساسات نوں اِک پاسے رکھو، تے یسوع مسیح تے پروہسا کرو۔
ایہدے تے مہم جوئی کرو، پوری طرح نال مہم جوئی کرو، کسی دوجے تے اعتماد نوں مداخلت نہ کرن دیو۔
مسیح دے سِوا کوئی نئیں، مسیح دے سِوا کوئی نئیں، بے بس گنہگاراں دا بھلا کر سکدے اُو
(’’آؤ، اے گنہگاروںCome, Ye Sinners ‘‘ شاعر جوزف ہارٹ Joseph Hart ، 1712۔1768).
لوتھر دے نال آؤ، تے اپنے آپ نوں مسیح دے حوالے کر دیو۔ اکیلا مسیح تہانوں نجات دلا سکدا اے۔ اکیلا مسیح ای تہاڈے گناہواں نوں دھو سکدا اے – اپنے لہو نال۔ مسیح دے کول آؤ۔ مسیح تے پروہسا کرو۔ ’’خداوند یسوع مسیح تے ایمان لیہیا تے توں نجات پائیں گا‘‘ (اعمال 16: 31)۔
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔
|
لُبِ لُباب توبہ تے تاکیدی ذہن نشینی دے کاتھولک اصولی WHY LUTHER REJECTED THE CATHOLIC ڈاکٹر آر ایل ہائیمرز جونیئر وَلّوں ’’چنانچہ اَسی ایس نتیجہ تے پہنچنے آں کہ انسان شریعت تے عمل کرن نال نئیں بلکہ ایمان لیہیان دے باعث خدا دے حضور وِچ راستباز ٹھہراندا اے‘‘ (رومیوں 3: 28)۔ I۔ پہلی گل، اَسی کسی وی ہیّت وِچ ’’توبہ‘‘ دے وسیلے توں نجات نئیں پانے آں، یوحنا 16: 8۔9؛ I یوحنا 1: 9؛ اشعیا 53: 11 . II۔ دوجی گل، اَسی فضل دی ’’تاکیدی ذہن نشینی‘‘ دے ذریعے نال نجات نئیں پانے آں، اعمال 8: 19؛ رومیوں 4: 5۔7؛ اعمال 16: 31؛ مکاشفہ 20: 12؛ رومیوں 5: 10 . |