ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

والٹ ڈزنی دی موت دے ویلے اُوہناں دا جسم جم گیا سی۔ اُوہناں دی لاش نوں ایس اُمید تے فریج چہ رکھیا گیا اے کہ سائنس کسی دِ اُوہنوں فیر توں زندہ کرن چہ کامیاب ہو جائے گی۔ ڈزنی نے اپنی اُمید سائنس تے ٹیکنالوجی وِچ رکھی۔ اُوہناں وانگوں، اُوہناں دے ماں پیو تے دادا دادی نوں خدا توں بوہتا سائنس تے یقین سی۔ اُوہناں وِچ اکثر

’’خالق دی بہ نسبت مخلوقات دی پرستش و عبادت وِچ بوہتے مشغول ہو گئے‘‘ (رومیوں 1: 25)۔

پرانی نسل نوں یقین سی کہ سائنس دے کول انسان دے سارے مسائل دا جواب اے۔

لیکن میں دریافت کیا اے کہ بہتیرے نوجوان ایس خیال نوں ترک کر رئے نے۔ بہتیرے نوجوان ایہناں قدراں تے سوال چُک رئے نے۔ بیسویں صدی دی مادیت تے تکنیکی ترقی نے سانوں اِک بہتر دُنیا نئیں دِتی۔ ایہدے بجائے، تہانوں اِک سمندر دِتا گیا سی جیتھے مچھلی تیزی نال تباہ ہو رئی اے۔ گذشتہ چند ہفتیاں وِچ ٹائم میگزین تے دیگر خبراں دے مقامت تے بہوتی خبراں آیاں نے۔ یو ایس نیوز اینڈ ورلڈ رپورٹ دے سرورق وِچ کہیا گیا اے، ’’خالی سمندر – کیوں دُنیا دی سمندری غذا دی فراہمی غائب ہو رئی اے‘‘ (9 جون، 2003)۔ ایہدے بارے چہ سوچو – مچحلی دے بغیر اک سمندر!

اسی مسافر کبوتر نوں تباہ کر دتا۔ اسی اُوہناں بھینساں نوں تباہ کر دِتا جیہڑیاں کدی دیو ہیکل ریوڑ وِچ میدانی علاقیاں چہ چردیاں سن۔ تے ہُن اَسی مچھلیاں دیاں ایہناں بے شمار اقسام نوں تباہ کر رئے آں جیہڑیاں کدی سمندر وِچ پروان چڑھدیاں سن۔ ہیمنگوے پلٹزر Hemingway’s Pulitzerدا انعام یافتہ ناول، دی اولڈ مین اینڈ دی سیThe Old Man and the Sea، آن آلی نسل دے لئی عملی طور تے ناقابلِ فہم ہووے گا – جدوں عظیم مچھلیاں ختم ہو جان گئیاں۔

ایہو ای نئیں، اَسی اوزون دی تہہ نوں وی تہس نہس کر رئے آں، جِنہے کدی زمین نوں الٹرا وائلٹ شعاواں توں محفوظ رکھیا سی۔ ایہ اِک عام وجہ اے کہ کینسر اَج کل بوہتا پھیل رہیا اے۔ کسی وی ویلے دُھپ چہ نکلنا خطراک اے، کیوں جے ایس حفاظتی تہہ نوں انسان جدید ٹیکنالوجی دے ذریعے تباہ کر رہیا اے۔

سائنس نے تہانوں کی دِتا اے؟ اَج کل بہوتے نوجوان ایہہ سمجھن لگے نے کہ حیاتی وِچ ویڈیو گیمز تے کمپیوٹر دے علاوہ ہُور وی بہوتا کُجھ اے۔ ایس ساری ٹیکنالوجی نے تہاڈی نسل نوں اِک خالی احساس دے نال چھڈ دِتا اے، ’’کی ایتھے ایہو ای سب کُجھ اے؟‘‘ تُسی تہنا محسوس کردے اُو کیوں جے زیادہ تر خاندان لفظی طور تے غیر فعال نے۔ لوکی ہر ویلے حرکت کردے نے۔ تُسی اپنے بیلیاں نوں گنوا دیہندے اُو۔ تہانوں تنہائی محسوس ہوندی اے۔ تُسی جاننا چاہندے اُو کہ کی حیاتی دا کوئی مطلب تے مقصد اے؟ سائنس خالی حیاتی تے بے معنی موت دے خلا نوں پُر نئیں کر سکی۔

تے ایس نوجوان نے اینج ای محسوس کیتا۔ مرقس دی خوشخبری سانوں دسدی اے کہ اُو یسوع دے کول دوڑدا ہویا آیا سی۔ اُوہنے گوڈے ٹیک کے یسوع کولوں سوال کیتا،

’’پیارے آقا، میں کی کراں کہ ہمیشہ دی حیاتی دا وارث بن سکا؟‘‘ (لوقا 18: 18)۔

اُو ابدیت دے بارے چہ سوچ رہیا سی۔ کی تُسی کدی اُوہدے بارے وِچ سوچیا اے؟ ابدیت – لامتناہی، لازوال، دائمی، کدی نہ مُکن آلا ویلہ۔ ایہہ نوجوان ابدیت دی بارے چہ سوچ رہیا سی۔ تے میں چاہنا آں کہ تُسی ایس بارے چہ وی کُجھ سوچن دے لئی چند لمحات کڈو۔

I۔ پہلی گل، کُجھ ایہو جئی شیواں دے بارے چہ سوچو جیہڑیاں دائمی نئیں ہوندیاں نے۔

پہلی گل، تہاڈی حیاتی ابدی نئیں ہوندی اے۔ تُسی مر جاؤ گے۔ بائبل وِچ سانوں بے شمار وری موت دے بارے وِچ یاد دلایا گیا اے۔ ایہہ کہندی اے،

’’کسی بندے نوں اِختیار نئیں اے کہ اپنی روح نوں روک لئے یعنی اُوہنوں جسم توں جدا نہ ہون دے؛ لہٰذا اپنی موت دے دِن تے کسی آدمی نوں اِختیار نئیں اے‘‘ (واعظ 8: 8)۔

دُنیا دا امیر ترین بندہ موت توں نئیں بچ سکدا۔ والٹ ڈزنی اپنے جسم نوں منجمد کر سکدا سی، لیکن اُو موت توں بچ نئیں سکتا سی۔

کُجھ عرصہ پہلاں مٰں ہاورڈ ہیوز دی سوانح عمری پڑھی۔ اُو زمین دے امیر ترین آدمیاں وِچوں اِک سی۔ اُو ہیوز ایئر کرافٹ تے اِک موشن پکچر کمپنی دا مالک سی۔ اُو ارب پتی سی۔ اُو جو چاہے خرید سکدا سی۔ اُوہدی طاقت تے دولت بہوتی زیادہ سی۔ اُوہنے لاتعداد خواتین دے نال جنسی تعلقات قائم کیتے – جِنہاں وِچوں بے شمار مشہور فلمی اداکارائیں سن۔ اُوہدے کُول کشتیاں تے ہوائی جہاز تے کوٹھیاں سن۔ اُوہدے کول ایہہ سب کُجھ سی! تے فیر وی اُو پاگل ہو گیا تے مر گیا، اِک منشیات دا عادی جیہدی لمبی داڑھی تے ناخن سن جِنہاں دی لمبائی کئی اِنچ سی۔ جدوں ہاورڈ ہیوز دی موت ہوئی تے میں کلام پاک دی اِک آیت دے بارے چہ سوچیا،

’’بنی آدم دی دِل بدی نال تے اُوہناں دے سینے عمر بھر دیواگی نال بھرے رہندے نے تے اُوہدے بعد اُو مُردیاں وِچ جا رلدے نے‘‘ (واعظ 9: 3)۔

دوجی گل، پیسہ ابدی نئیں اے۔ بائبل ’’سونا جیہڑا فنا ہو جاندا اے‘‘ دی گل کردی اے (1 پطرس 1: 7)۔ بائبل ’’فانی شیواں دی گل کردی اے، جیویں چاندی تے سونا‘‘ (1 پطرس 1: 18)۔ پیسہ بہوتی ساری شیواں خرید سکدا اے، لیکن ایہہ تہانوں خوشی خرید کے نئیں دے سکدا، تے ایہہ تہانوں ابدی حیاتی خرید کے نئیں دے سکدا۔ تہاڈے وِچوں بے شمار نوجوان دے ماں پیو دِن رات محنت کر رئے نے تاکہ زیادہ توں زیادہ پیسہ کمایا جا سکے۔ لیکن تُسی جانندے اُو کہ ایہہ اُوہناں نوں خوش نئیں کردا اے۔ اُو جِنہا زیادہ پیسہ کماندے نے اُو ہُور زیادہ ناخوش ہوندے نے۔

تُسی کالج وِچ بہترین گریڈ حاصل کر سکدے اُو تے فیر اِک چنگی نوکری حاصل کر سکدے اُو تے بہوتے سارے پیسے کما سکدے اُو۔ لیکن جدوں تہاڈی موت دا دِن آئے گا تے ایس رقم نال تہانوں کوئی فائدہ نئیں ہووے گا۔ بائبل کہندی اے،

’’اُو امیر آدمی وی فوت ہو گیا تے دفنایا گیا؛ جدوں اُوہنے عالمِ ارواح وِچ عذاب چہ مبتلا ہو کے اَکھیاں تاں چُکیاں‘‘ (لوقا 16: 22۔23)۔

تہانوں ایہدے نال کی فائدہ ہووے گا کہ تُسی بہوتا زیادہ پیسہ کماؤ، تے فیر مر جاؤ تے ہمیشہ دے لئی جہنم وِچ گزارو؟ ایس لئی یسوع نے کہیا،

’’اپنے لئی زمین تے مال جمع نہ کر … بلکہ اپنے لئی آسمان تے خزاہ جمع کرو … کیوں جے جیتھے تیرا مال اے اُوتھے ای تیرا دِل وی ہووے گا‘‘ (متی 6: 19: 21)۔

میں اِک وری اِک بہوتے امیر بندے دے جنازے چہ تبلیغ کیتی۔ لیکن اُوہنے اِک اُداس تے تنہا حیاتی لنگہائی۔ پیسے نے اُوہدی مدد نئیں کیتی۔ اُوہناں نے اُوہنوں اپنے تکیے دے ہیٹاں پستول دے نال اِک خوابگاہ وِچ بند پایا۔ اُو کئی دِناں توں اُوتھے سی، فالج نال ادھا مر گیا سی۔ جدوں میں اُوہنوں ہسپتال وِچ ویکھن گیا تے اُو گل نئیں کر سکیا۔ اُوہنے بس میرے وَل ویکھیا تے پھوٹ پھوٹ کے رون لگا۔ میں اُوہنوں تسلی دین دے لئی کُجھ نئیں کہہ سکدا سی۔ اُوہنوں اُوتھے ہسپتال دے بستر تے پڑے روندے ہوئے تے خوفناک آنتاں دی آوازاں کڈدے ہوئے ویکھنا خوفناک سی۔ میں جدوں تیکر زندہ آں اُو خوفناک آواز، یا اُوہدے پریشان، نااُمید چہرے دی نظر نوں کدی نئیں بُھلاں گا۔

’’بنی آدم کے دِل بدی سے اور اُن کے سینے عمر بھر دیوانگی سے بھرے رہتے ہیں اور اُس کے بعد وہ مُردوں میں جا ملتے ہیں‘‘ (واعظ 9: 3)۔

پیسہ ابدی نئیں اے۔

ہُنے ای خدا دے لئی ویلہ کڈو، جدوں کہ تُسی جوان اُو! ہر اِتوار نوں گرجا گھر وِچ ہون دے لئی ویلہ کڈو، پاویں کُجھ وی ہووے۔ گرجا گھر وِچ دوست بناؤ۔ اُو تہانوں تنہا رہن توں بچان گے۔ یقینی بنائیں کہ تُسی بچ گئے اُو، اِک حقیقی مسیحی۔ ہاورڈ ہیوز یا اُس بندے وانگوں اکیلے کیوں مریں جیہدا میں رونا نئیں روک سکدا سی؟ ایہہ نہ کرو! ایہو ای وجہ اے کہ اَسی کہنے آں، ’’تنہا کیوں رہیا جائے؟ گھر آؤ – گرجا گھر وِچ! گمراہ کیوں رہا جائے؟ گھر آؤ – یسوع مسیح دے کول تے نجات پاؤ!‘‘ جیویں کہ حمدوثنا دی اِک پرانا گیت کہندا اے،

گھر آ رہیا آں، گھر آ رہیا آں، کدی مذید ہُور بھٹکن دے لئی نئیں۔
تیرے پیار بھرے بازو کھلے ہوئے نے، اے خداوند، میں گھر آ رہیا آں۔
(’’اے خُداوند، میں گھر آ رہیا آں Lord, I’m Coming Home ‘‘ شاعر ولیم جے۔ کِرک پیٹرک William J. Kirkpatrick، 1838۔1821)۔

تیجی گل، لذت ابدی نئیں اے۔ بادشاہ سلیمان نے لذت پان دی کوشش کیتی، تے ایہہ ایہنوں حقیقی خوشی پان یا اُوہنوں ابدیت دے لئی تیار کرن وِچ ناکام رئی۔ اُوہنے کہیا،

’’میں گان آلے مرد تے گان آلی عورتاں تے لونڈیاں فراہم کیتیاں جیہڑیاں آدمی دے لئی اسباب عیش نے … تے میں اپنے آپ نوں کسی وی شے نال جیس دی میری اَکھاں نے تمنا کیتی، باز نہ رکھیا تے میں اپنے دِل نوں کسی وی خوشی توں باز نہ رکھیا … فیر میں اپنے دِل وِچ سوچیا کہ جیہڑا حشر احمق دا ہوندا اے اُوہی میرا وی ہووے گا … سو میں اپنے دِل وِچ کہیا کہ ایہہ وی بے معنی اے‘‘ (واعظ 2: 8، 10، 15)۔

اُوہدے کول شراب، عورتاں تے گانا سی – لیکن ایہہ سب زعم باطل یعنی غرور سی، آخر وِچ، ایہہ سب بے معنی سی۔ تے اینج ای ایہہ تہاڈے لئی ہووے گا۔ گناہ دی لذت تہانوں دیرپا خوشی نئیں دے گی۔ بائبل سانوں دسدی اے کہ گناہ دی لذت صرف اِک موسم تیکر رہندی اے (عبرانیوں 11: 25)۔ گناہ دی لذتاں ابدی نئیں ہوندیاں۔ جے تُسی اکیلے لذت دی حیاتی لنگہاندے اُو تے خدا دا کلام کہندا اے کہ تُسی

’’اپنے اوپر آنے والی مصیبتوں پر روئیں اور ماتم کریں… [کیونکہ] آپ نے زمین پر عیش و عشرت کی زندگی گزاری اور خوب مزے اُڑائے‘‘ (یعقوب 5: 1، 5)۔

گناہ دی لذتاں چھیتی مُک جان گئیاں – تے فیر خدا دا فیصلہ آئے گا۔ گناہ دی لذتاں ابدی نئیں ہوندیاں۔

II۔ دوجی گل، اُوہناں کُجھ شیواں دے بارے چہ سوچو جیہڑیاں دائمی ہوندیاں نے۔

خدا دائمی اے۔ بائبل ’’دائمی خدا‘‘ دے بارے چہ دسدی اے (اِستثنا 33: 27)۔ بائبل کہندی اے،

’’ایس توں پہلاں کہ پہاڑ پیدا ہوئے یا توں زمین تے دُنیا نوں وجود وِچ لیہایا، ازل توں ابد تیکر توں ای خدا اے‘‘ (زبور 90: 2)۔

بائبل فیر کہندی اے،

’’اے خداوند، تیرا ناں ابد تیکر دے لئی اے؛ تے تیری شہرت، اے خداوند، پشت در پشت قائم رہندی اے‘‘ (زبور 135: 13)۔

اِک لمحہ پہلا اَسی آئزک واٹز دے حمدوثنا دے عظیم گیتاں وِچوں اِک گیت گایا سی،

اے خدا، ماضی وِچ ساڈی مدد، آن آلے وریاں دی ساڈی اُمید،
جدوں تیکر حیاتی باقی رئے گی، تے ساڈا ابدی گھر، توں ای ساڈا رہنما بن جائے۔
(’’اے خُدا، لنگہدے زمانیا وِچ ساڈی مدد O God, Our Help in Ages Past‘‘ شاعر ڈاکٹر آئزک واٹز Dr. Isaac Watts، 1674۔1748)۔

میں تے میری اہلیہ لندن وِچ بن ہل فیلڈز قبرستان وِچ ڈاکٹر واٹز دے مقبرے دے کول کِھلوتے سن۔ تے اُوہناں دی عظیم حمد دے الفاظ میرے ذہن وِچوں لنگہدے چلے گئے،

تیری نظراں وِچ اِک ہزار ورے، اِک شام دے لنگہان وانگوں نے؛
لمحہ وانگوں مختصر نے جیہڑا رات دا خاتمہ کردا اے، سورج دے طلوع ہون توں پہلاں۔

اے خدا، ماضی وِچ ساڈی مدد، آن آلے وریاں دی ساڈی اُمید،
طوفانی دھماکے توں ساڈی پناہ گاہ، تے ساڈا ابدی گھر۔
(آئزک واٹز Isaac Watts، ibid.)۔

خدا دائمی اے۔

دوجی گل، بائبل دائمی اے۔ اشعیا نبی نے کہیا،

’’گھاس سوکھ جاندی اے، پھول مرجھا جاندا اے، لیکن ساڈے خدا دا کلام ابد تیکر قائم رہوے گا‘‘ (اشعیا 40: 8)۔

خدا دا کلام ہزارہاں وریاں توں غیر تبدیل شُدہ اے۔ سٹالن، ہٹلر، ماؤ تسے تنگ، تے ہو چی مِینھ اگرے آمروں نے بائبل نوں للکاریا اے تے اُوہدی توہین کیتی اے – لیکن اُن اُو مر چکے نے – تے بائبل زندہ اے – ہمیشہ دے لئی، تے ہمیشہ دے لئی! تہاڈے کالج دا پروفیسر بائبل تے حملہ کر سکدا اے – لیکن اُوہدی ہڈیاں دے خاک وِچ بدل جان دے بعد وی بائبل پوری دُنیا وِچ پڑھی جائے گی تے اُوہدی عزت کیتی جائے گی!

میں تین وریاں تیکر اِک آزاد خیال مدرسے وِچ شرکت کیتی پروفیسرز ساڈی کلاساں وِچ روزانہ دی بنیاد تے بائبل نوں بدنام تے تنقید دا نشانہ بناندے سن۔ لیکن ہُن اُو سارے ختم ہو چکے نے۔ ایہناں دی تھاں قدامت پسند پروفیسراں نے لے لئی اے۔ بائبل تے حملہ کرن آلے ختم ہو چکے نے۔ آخری آلا اِک ورے پہلے مر گیا سی – تے اپنے انجام نوں پہنچ گیا۔ بائبل تے حملہ کرن آلے آزاد خیال ختم ہو چکے نے۔ لیکن بائبل بذات خود اٹل، بے داغ تے بے ضرر اے۔ یسوع نے کہیا،

’’آسمان تے زمین ٹل جان گے لیکن میری گلاں کدی نہ ٹلّن گئیاں‘‘ (متی 24: 35)۔

یورپ تے امریکہ دے فرقیاں نے بائبل توں مُنہ موڑ لیہیا۔ مغربی تہذیب ٹوٹ گئی۔ مغرب اِچ اِ دور چہ یہودیاں دے قتل عام وِچ اسقاط حمل چہ 150 ملین توں زیادہ بچے مارے گئے۔ سفید فام قوماں زوال پذیر تے فیر فراموشی تے فیر فراموشی وِچ پیہہ گئیاں۔ سفید فام آدمیاں دے گرجا گھر عمر رسیدہ ہوندے گئے اُو پرانے ہوندے گئے تے فیر بوسیدہ ہو گئے۔ اُو عجائب گھر بن گئے۔ ایتھوں تیکر کہ اپنے آپ نوں ’’قدامت پسند‘‘ کہن آلیاں نے اِتوار دی رات اپنے بوہے بند کر دِتے۔ اَگے بجھ گئی تے گرجا گھر مر گئے۔

لیکن خدا نے نئے لوکاں نوں سب توں بوہتا غیر متوقع تھاواں توں پروان چڑھایا۔ ویت نام دے جنگلاں وِچ حیاتِ نو پھوٹ پیہئی۔ شدید ظلم و ستم دی وجہ توں پورے جنوب مشرقی ایشیا وِچ ہزارہا افراد مسیحی بن گئے۔ عوامی جمہوریہ چین وِچ لکھاں لوکی مسیح دے کول آئے، تے اپنے ایمان دے لئی مرن دے لئی تیار سن۔ افریقہ وِچ، سوڈان وِچ، انڈونیشیا وِچ، سخت ظلم و ستم دی زد وِچ ،مسیحیت پھٹ پڑی! بائبل ایہناں قوماں وِچ پہلے توں کِدرے زیادہ مقبول اے جیہڑی مغربی ثقافت نوں بدلن دے لئی پیدا ہو رئی اے!

’’اے خداوند، تیرا کلام ابدی اے، اُو آسمان تے مستقل طور تے قائم رہندا اے‘‘ (زبور 119: 89)۔

’’خدا دا کلام جیہڑا ابد تیکر زندہ تے قائم اے‘‘ (1 پطرس 1: 23)۔

’’آسمان تے زمین ٹل جان گے لیکن میری گلاں کدی نہ ٹلّن گئیاں‘‘ (متی 24: 35)۔

تیجی گل، تہاڈی جان تے روح ابدی اے۔ ایوب بائبل دی سب توں قدیم کتاب اے۔ ایوب نے کہیا،

’’کیوں جے میں جاننا آں کہ میرا نجات دہندہ زندہ اے، تے آخیرلے ویلے او زمین تے کِھلوتا ہووے گا۔ حالانکہ [جسم نوں چٹ جان آلے کیڑے ایس بدن نوں برباد کر دین گے] میرا جسم فنا ہو جائے گا میں اپنے جسم سمیت ای خدا نوں ویکھاں گا۔ میں ای خود اُوہنوں ویکھاں گا، تے خود اپنی اَکھاں نال میں اُوہدے تے نگاہ کراں گا، کوئی ہُور نئیں۔ (اُوس لمحے دے لئی) میرا دِل اندر ای اندر توں کیس قدر بے قرار ہو رہیا اے‘‘ (ایوب 19: 25۔27)۔

اشعیاہ نبی نے کہیا،

’’تہاڈے مُردے زندہ ہون گے، اُو میری لاش دے نال جی اُٹھن گے۔ اے خاک چہ رہن آلیو جاگو تے گاؤ کیوں جے تہاڈی اوس جڑی بوٹیاں دی شبنم وانگوں اے تے زمین مُردیاں نوں نکال دیوے گی‘‘ (اشعیاہ 26: 19)۔

تہاڈی جان تے روح ہمیشہ زندہ رہوے گی۔ تہاڈے کول ہڈیاں تے گوشت دے نال اِک جسم اے۔ لیکن تہاڈی شخصیت، تہاڈی ذہانت، تہاڈا شعور تے تہاڈی یاداشت ہمیشہ زندہ رہوے گی۔ ایہ تہاڈی انسانی جان تے روح اے، تے بائبل دے مطابق، ایہہ کدی نئیں مرے گی۔ تے کسی دِن تہاڈی روح تہاڈے جی اُٹھے جسم دے نال مل جائے گی۔ بائبل سِکھاندی اے کہ تہاڈی روح ابدی اے۔

چوتھی گل، بائبل سِکھاندی اے کہ جہنم ابدی اے۔ بائبل ایہدے بارے چہ گل کردی اے۔

’’دائمی اَگ دا انتقام‘‘ (یہوداہ 7)۔

جدوں تُسی مر جاندے اُو، تے تہاڈی روح براہ راست جنت یا جہنم چہ جاندی اے – قیامت تے آخیرلی سزا دا انتظار کرن دے لئی۔ تے جہنم دے بارے چہ ساری بائبل وِچ گل کیتی گئی اے۔ اشیعاہ نبی نے کہیا،

’’صیون وِچ گنہگار ڈردے نے تے بے دیناں نوں کپکپی نے آ پھڑیا اے۔ ساڈے وِچوں کیہڑا اُوس بھسم کر دین آلی اَگ دے نال رہ سکدا اے؟ ساڈے وِچوں کیہڑا اُوہناں ابدی شعلیاں دے وِچکار بس سکدا اے؟‘‘ (اشعیاہ 33: 14)۔

بائبل اُوہناں لوکاں دے بارے چہ دسدی اے جیہڑے خود نوں ویکھ کے حیران رہ جان گے

’’شرم تے ابدی تحقیر‘‘ (دانی ایل 12: 2)۔

’’فیر وی تہانوں جہنم وِچ، گڑھے دے کناریاں تیکر پہنچایا جائے گا [یعنی قبر وِچ اُتاریا گیا بالکل پاتال دی تہہ وِچ]‘‘ (اشعیاہ 14:15)۔

’’جہنم دے دُکھاں نے میہنوں گھیر لیہیا۔ موت دے پھندیاں نے میہنوں روکیا‘‘ (II سیموئیل 22: 6)۔

موت دی رسیاں نے میہنوں جکڑ لیہیا تے پاتال دی اذیت میرے تے آ پیہئی؛ میں دُکھ تے غم وِچ مبتلا ہو گیا‘‘ (زبور 116: 3)۔

تے یسوع نے ایس بارے چہ دسیا

’’ابدی سزا دا خطرہ‘‘ (مرقس 3: 29)۔

تُسی اپنے آپ نوں ختم نئیں کر سکدے۔ حقیقی معنیاں وِچ، تُسی واقعی اپنے آپ نوں نئیں مار سکدے۔ تہاڈی باشعور روح زندہ رہوے گی – جہنم وِچ! تے ایس ای وجہ توں تہانوں ہُنے مسیح نوں قبول کرن دی لوڑ اے، جدوں کہ تُسی ہُن وی ایہہ کر سکدے اُو۔ تہاڈے مرن دے بعد نجات پان دے لئی بہوتی دیر ہو چکی اے – بائبل دے مطابق۔ حیاتی آخیرلے امتحان دی تیاری وانگوں اے۔ جدوں آخیرلا امتحان آندا اے، تے تسی مذید تیاری نئیں کر سکدے۔ بہوتی دیر ہو چکی ہوندی اے۔ موت آخیرلے امتحان وانگوں اے۔ تُسی تے تیار اُو، یا تُسی تیار نئیں اُو۔ دو ہزار سات سو وریاں پہلاں عاموس نبی نے کہیا،

’’اپنے خدا نال ملن دے لئی تیار رہ‘‘ (عاموس 4: 12)۔

کی تُسی تیار اُو؟ کی تُسی حیاتی دے اَخیرلے اِمتحان دے لئی تیار اُو؟ کی تُسی مردے ویلے خدا نال ملن دے لئی تیار اُو؟ جے تُسی مسیح دے لہو نال پاک نئیں ہوئے اُو تے تہانوں ابدی سزا چہ پیہجھ دِتا جائے گا۔ جی ہاں، بائبل سِکھاندی ے کہ جہنم ابدی اے۔

لیکن پنجویں گل، پاک صحائف سانوں دسدے نے کہ نجات ابدی اے۔ بائبل کہندی اے کہ مسیح ای اے

’’دائمی نجات دا مصنف‘‘ (عبرانیوں 5: 9)۔

مسیح نے سولی تے تہاڈی ابدی مخلصی خریدی۔ فلپ پی بلس نے کہیا،

میں اپنے نجات دہندہ دا گیت گاواں گا، تے اُوہدی حیرت انگیز محبت میرے نال،
ظالمانہ سولی تے جیہدا اُوہنے سامنا کیتا، میہنوں اُوس لعنت توں آزاد کران دے لئی۔
سولی تے اُوہنے میری معافی تے مہر لگائی، قرض ادا کیتا تے میہنوں آزاد کیتا۔
(’’میہنوں مخلصی دلان آلا My Redeemer‘‘ شاعر فلپ پی. بلسPhilip P. Bliss ، 1838-1876)۔

مسیح نے سولی تے تہاڈے گناہ دی ادائیگی کیتی تاکہ تُہانوں جہنم چہ اپنے گناہ دی ادائیگی نہ کرنی پیہئے۔ جے تُسی مسیح دے کول آندے اُو، تے سولی تے اُوہدی موت ہر اُوس گناہ دی مکمل ادائیگی اے جیہڑا تُسی کدی کیتا اے۔ تے جدوں تُسی مسیح دے کول آندے اُو تے اُوہدا لہو تہاڈے سارے گناہ، ماضی، حال تے مستقبل نوں دھو دیہندا اے – جیس لمحے تُسی مسیح دے کول آندے اُو۔ جدوں تُسی ایمان دے نال اُوہدے کول آندے اُو تے اُوہدا لہو تہاڈے گناہ نوں صاف کردا اے۔

’’اُو بکریاں تے بچھڑیاں دا نئیں بالکہ اپنا لہو لے کے اِک ای وری پاک ترین مکان وِچ داخل ہویا تے سانوں ایہو جئی مخلصی دلائی جیہڑی ابدی اے‘‘ (عبرانیوں 9: 12)۔

’’ابدی نجات‘‘ (عبرانیوں 5: 9)۔ ’’ابدی مخلصی‘‘ (عبرانیوں 9: 12)۔ مسیح تہانوں ہمیشہ دے لئی بچائے گا جے تُسی اُوہدے کول ایمان دے اِک قطعی عمل وِچ آؤ گے۔

ایہہ سنوں اُوس نوجوان دے کول واپس لے جاندا اے جیہڑا یسوع دے کول نٹھیا، تےاُوہدے قدماں چہ ڈِگیا تے اُوہنوں پُچھیا،

’’میں کی کراں کہ ہمیشہ دی حیاتی دا وارث بن سکاں؟‘‘ (لوقا 18: 18)۔

یسوع نے اُوہنوں براہ راست جواب نئیں دِتا، لیکن اُوہدے خلوص نوں جانچن دے لئی کئی سوالات پُچھے۔ میں اِک ای کام کرن جا رہیا آں، لیکن اِک مختلف تربیت وِچ۔ سوال ایہہ اے کہ

’’میں کی کراں کہ ہمیشہ دی حیاتی دا وارث بن سکاں؟‘‘ (لوقا 18: 18)۔

ایہ اے مسیح دا جواب:

اُو جیہڑا میرے تے ایمان لیہیائے گا ہمیشہ دی حیاتی پائے گا‘‘ (یوحنا 6: 47)۔

ایہو ای جواب اے! کی تُسی سچے دِل نال ابدی حیاتی چاہندے اُو؟ جے تُسی اینج کردے اُو، تے اپنی گناہ توں بھرپور طرزِ حیاتی توں منہ موڑ لوؤ، تے یسوع تے یقین کرو! اپنے آپ نوں خدا دے پتر دے حوالے کر دیو!

ہُن تہاڈے اخلاص دے اِمتحان دے لئی۔ کی تُسی اگلے اِتوار نوں گرجا گھر واپس آؤ گے؟ ایہدے لئی اِک یقینی موڑ دی لوڑ اے جِنہوں بائبل ’’توبہ‘‘کہندی اے۔ میں تہانوں اینج کرن دی ترغیب دیہنا آں۔ مسیح تہانوں اِک فاتح بنائے گا – گھر آؤ – گرجا گھر وِچ! گمراہ کیوں رہیا جائے؟ گھر آؤ – یسوع مسیح دے کول!‘‘

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔