ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یسوع یروشلم دی ہیکل وِچ لوکاں نوں تعلیم دے رہیا سی۔ مذہبی اُستاد پرانے عہدنامے دے صحیفیاں دے بارے چہ اُوہدے علم تے حیران رہ گئے، کیوں جے اُو ربّیاں دے اسکول نئیں گیا سی تے فیر وی اُو اُوہناں توں بہوتا جانندا سی۔ یسوع نے کہیا کہ اُوہدی تعلیمات اُوہدے کول براہ راست خدا وَلوں آئی نے۔ فیر مسیح نے اُوہناں نوں اِک اِمتحان دِتا: جے تُسی اُو کرن دے لئی تیار اُو جیہڑا خدا چاہندا اے، تے تُسی جان لوؤ گے کہ آیا میری تعلیمات خدا وَلوں آندیاں نے۔

’’جے کوئی خدا دی مرضی تے ٹرنا چاہوے تے اُوہنوں معلوم ہو جائے گا کہ ایہ تعلیم خدا وَلوں اے یا میرے وَلوں‘‘ (یوحنا 7: 17)۔

کی تُسی مذہب دی حقیقت جاننا چاہندے اُو؟ دُنیا وِچ بہتیرے مذاہب نے۔ کی تُسی جاننا چاہندے اُو کہ حقیقت کی اے؟ سچائی نوں سمجھن دی کُلید خدا دی فرمانبرداری دے لئی آمادگی اے۔ یسوع دا ایہو ای مطلب سی۔

بہتیرے لوکی ایہ سِکھنا چاہندے نے کہ بائبل کی کہندی اے – تے فیر اُو فیصلہ کرن گے کہ آیا اُوہنوں ملنا اے یا نئیں۔ لیکن ایہ تہانوں وی بالکل وی فائدہ نئیں پہنچائے گا۔ اَسی اکثر لوکاں نوں بائبل یا مسیحیت دے بارے وِچ ایہ کہندے ہوئے سُننے آں، ’’میں مزید جاننا چاہنا آں۔‘‘ لیکن میں ہُںے تیکر ایہو جئے اِک وی بندے نبوں حقیقی مسیحی بنندے ہوئے نئیں ویکھیا۔ کیوں نئیں؟ کیوں جے اُو ایس گل نوں اُلٹا سمجھ لیہندے نے۔ اُو سوچدے نے، پہلاں میں سیکھاں گا کہ بائبل کی کہندی اے، تے فیر میں فیصلہ کراں گا کہ حقیقی مسیحی بننا اے یا نئیں۔ ’’ اُو کدی کِدرے نئیں پہنچدے۔ اُو

’’ہمیشہ سِکھدے رہندے نے، تے کدی وی سچائی دے علم تیکر پہنچن دے قابل نئیں ہوندے‘‘ (II۔ تیمتھیس 3: 7)۔

تُسی صرف ایہنا کرو گے کہ حقائق دا اِک مجموعہ، کُجھ الہٰی تعلیم، تے کُجھ بائبلی آیات سِکھ لین۔ لیکن تُسی ایویں کدی وی ’’سچائی دے علم نوں سمجھ نئیں پاؤ گے‘‘!

سب توں پہلی شے جیہڑی تہانوں کرنی چائیدی اے اُو ایہ اے کہ تُسی خدا دی فرمانبرداری دے لئی راضی ہوو۔ مسیح کہہ رہیا اے، ’’پہلاں خدا دی فرمانبردار کرن تے راضی ہو جاوو تے میرے تے ایمان رکھو، فیر تُسی جانو گے کہ میری تعلیمات سچی نے تے خدا وَلوں آندیاں نے۔ ڈاکٹر جے سی رائیل Dr. J. C. Ryle کہندے نے، ’’خدا [لوکاں دے] خلوص نوں اُوس عمل دا حصہ بنا کے جانچدا اے جیس دے ذریعے مذہبی علم حاصل کیتا جاندا اے‘‘ (یوحنا دی انجیل تے تفسیراتی خیالات Expository Thoughts on the Gospel of John، 1869 دے ایڈیشن دی دوبارہ اشاعت، جلد 2، صفحہ 23)۔ ’’جے تُسی واقعی خدا دی مرضی نوں پورا کرن دی خواہش رکھدے اُو … تہانوں [اُوہدے وَلوں] سِکھایا جائے گا، تہانوں حقیقت دا پتہ چل جائے گا۔ ہو سکدا اے کہ میری [تعلیم] عقلمنداں تے ہوشیاراں توں پوشیدہ ہووے، لیکن ایہ بچّیاں تے ظاہر ہوندی اے‘‘ (گذشتہ گل دے تسلسل وِچ ibid.)۔

جے تُسی اُو کرن دا انتخاب کردے اُو جیہڑا خدا چاہندا اے، تے تُسی اپنے دِل وِچ جان لوؤ گے کہ آیا یسوع دی تعلیمات خدا وَلوں آندیاں نے۔ آؤ تین انتہائی اہم گلّاں دی فہرست بنائیے جیہڑیاں یسوع نے سِکھائیاں سن۔ ہر معاملے وِچ، تُسی کدی وی نئیں جان پاؤ گے کہ آیا یسوع صحیح سی یا نئیں جدوں تیکر کہ تُسی خدا دی فرمانبرداری کرن نوں تیار نہ ہوو۔

’’جے کوئی خدا دی مرضی تے ٹرنا چاہوے تے اُوہنوں معلوم ہو جائے گا کہ ایہ تعلیم خدا وَلوں اے یا میرے وَلوں‘‘ (یوحنا 7: 17)۔

I۔ پہلی گل، یسوع نے اپنے کول آن دے بارے وِچ کی کہیا۔

یسوع نے کہیا،

’’جیہڑا کوئی میرے کول آئے گا میں اُوہنوں اپنے توں جُدا نہ ہون دیاں گا‘‘ (یوحنا 6: 37)۔

جیہڑا کوئی وی میرے کول آئے گا، میں اُوہنوں [خود توں] دور نئیں کراں گا۔‘‘ ہُن ایہ مسیح دی اِک واضح تعلیم اے۔ تُسی کیویں جانندے اُو کہ ایہ سچ اے یا نئیں؟

تُسی کہندے اُو، ’’ٹھیک اے، پہلاں میہنوں ایہ جاننا ہووے گا کہ آیا ایہ سچ اے، تے فیر میں فیصلہ کراں گا کہ اینج کرنا اے یا نئیں۔‘‘ تُسی سچ نوں کدی وی اینج تلاش نئیں کر پاؤ گے! تُسی یسوع دے کول آن دے بارے چہ کئی گلاں سِکھ سکدے اُو۔ تُسی ایس موضوع دے بارے چہ بہوتا کُجھ سِکھ سکدے اُو۔ تہاڈے وِچوں کُجھ لوکی پہلاں ای ایہدے بارے چہ بہوتا کُجھ سِکھ چکے اُو۔ لیکن تُسی ایہ کدی وی نئیں جان پاؤ گے کہ آیا ایہ سچ اے یا نئیں جدوں تیکر کہ تُسی ’’اُوہدی مرضی پوری کرن دے لئی‘‘ تیار نہ ہوو۔ رضامندی پہلاں آندی اے۔ علم دوجے نمبر تے آندا اے۔

میں تہانوں کہنا آں، ’’کی تُسی مسیح دے کول آؤ گے؟‘‘تُسی کہندے اے، ’’ہُںے نئیں۔‘‘ تہانوں اینج کدی وی سچائی نئیں لبھے گی! تُسی ہوو گے اُو جیہڑے

’’ہمیشہ سِکھدے رہندے نے، تے کدی وی سچائی دے علم تیکر پہنچن دے قابل نئیں ہوندے‘‘ (II تیمتھیس 3: 7)۔

تُسی ’’ٹامک ٹوئیاں ماردے پھرو‘‘ گے، لیکن تُسی سچائی نوں تلاش نئیں کر پاؤ گے۔ تہانوں معلوم نئیں ہووے گا کہ آیا یسوع صحیح سی یا نئیں۔ فرمانبرداری پہلاں آندی اے – تے فیر علم۔

ویکھیا تُسی، خدا تہاڈا دِل چاہندا اے نہ کہ سر۔

’’کیوں جے انسان دل نال راستبازی تے ایمان لیہاندا اے‘‘ (رومیوں 10: 10)۔

’’میہنوں اپنا دِل دے دیو، عالم بالا توں باپ کہندا اے،
ساڈے پیار توں بہوتا قیمتی اُوہدے لئی کوئی تحفہ نئیں اے؛
ہولی ہولی اُو سرگوشی کردا اے جیتھے کدرے وی تُسی اُو،
شکریے دے نال میرے تے پرہوسا کرو، تے میہنوں اپنا دِل دے دیو۔‘‘
’’میہنوں اپنا دِل دے دیو، میہنوں اپنا دِل دے دیو،‘‘
ہولی جئی سرگوشی نوں سُنو، جیتھے کدرے وی تُسی اُو:
ایس انہیری دُںیا توں اُو تہانوں چُک لے جائے گا؛
ایس قدر نرمی نال اُو بولدا اے، ’’میہنوں اپنا دِل دے دیو۔‘‘
     (’’میہنوں اپنا دِل دے دیو Give Me Thy Heart‘‘ شاعر علیزہ ای۔ حیویٹ Eliza E. Hewitt، 1851۔1920)۔

پہلاں تُسی اپنا دِل دیو۔ فیر تہانوں سمجھ وِچ آئے گا کہ یسوع صحیح سی۔

’’جیہڑا کوئی میرے کول آئے گا میں اُوہنوں اپنے توں جدا نہ ہون دیاں گا‘‘ (یوحنا 6: 37)۔

تہاڈے وِچوں کُجھ پیچھے ہٹ رئے نے۔ تُسی ثبوت چاہندے اے! تُسی اِک ’’احساس‘‘ یا ’’تبدیلی‘‘ چاہندے اُو۔ تُسی اینج کدی وی نجات نئیں پاؤ گے!

’’جے کوئی خدا دی مرضی تے ٹرنا چاہوے تے اُوہنوں معلوم ہو جائے گا کہ ایہ تعلیم خدا وَلوں اے یا میرے وَلوں‘‘ (یوحنا 7: 17)۔

ہُور کسی نوں وی نئیں لبھدی! پہلاں تُسی یسوع دے کول آؤ، تے فیر ای تہانوں معلوم ہوندا اے کہ تُسی آئے اُو! ’’پرہوسے‘‘ دا ایہو ای مطلب ہوندا اے!

اُو ہولی جئی سرگوشی کردا اے تُسی جِیتھے وی ہو،
’’شکر دے نال میرے تے پروہسا کرو، تے میہنوں اپنا دِل دیو۔‘‘

II۔ دوجی گل، یسوع نے اُوہناں لوکاں دے بارے وِچ کی کہیا جیہڑے اُوہدے کول آن توں انکار کردے نے۔

یسوع نے اشعیا نبی دا حوالہ دِتا،

’’کیوں جے ایس قوم دے دِل تے چربی چھا گئی اے، تے اُوہناں دے کان سُنن توں محروم نے، تے اُوہناں دیاں اَکھاں بند نے۔ اینج نہ ہووے کہ اُو کسی ویلے اپنی اَکھاں نال ویکھن، تے اپنے کناں نال سُنن، تے اپنے دِل نال سمجھن، تے تبدیل ہو جان۔ تے میں اُوہناں نوں شفا بخشاں‘‘ (متی 13: 15)۔

ایہ مسیح دی اِک ہُور سادہ جئی تعلیم اے۔ اُوہنے کہیا کہ تُسی خوشخبری سُن سکدے اُو تے مبہم تے تلخ ہو سکدے اُو – تے خدا تہانوں چھڈ دے گا – جے تُسی اُوہنوں ٹھکراندے رہوو گے۔ تُسی کیویں جانندے اُو کہ ایہ سچ اے یا نئیں؟ تُسی کیویں جانندے اُو کہ خدا تہانوں چھڈے گا یا نئیں؟ جے تُسی ایہہ ویکھن دے لئی انتظار کردے اُو کہ آیا ایہ سچ اے یا نئیں، تے تُسی ’’سُںن توں محروم‘‘ ہو جاؤ گے تے آپئے ای خدا کولوں دستبردار ہو جاؤ گے!

تُسی نجات پان دے لئی بہوتے زیادہ انتظار کرنے دی خطرے دے بارے وِچ بہتیری گلاں سِکھ سکدے اُو۔ لیکن جے تُسی صرف بہوتا زیادہ انتظار کرن دے خطرے دے بارے چہ جان لیہندے اُو، تے تُسی چھیتی ای ایہنے سُست ہو جاؤ گے کہ تہاڈے لئی بہوتی دیر ہو جائے گی! ایہ جانن دے لئی کہ انتظار نہ کریے کہ آیا ایہ سچ اے! ہُنے ای مسیح دے کول آؤ، اِک فرمانبردار دِل دے نال، تے فیر تُسی جان لوؤ کہ ایہ سچ اے!

’’جے کوئی خدا دی مرضی تے ٹرنا چاہوے تے اُوہنوں معلوم ہو جائے گا کہ ایہ تعلیم خدا وَلوں اے …‘‘ (یوحنا 7: 17)۔

بیوقوف کنواریاں انتظار کردی رہئیاں۔ اُوہناں نے خدا دے نال کھیڈ کھیڈے سن۔ اُو غیر نجات یافتہ رئیاں۔ فیر ’’بوہا بند کر دِتا گیا‘‘ (متی 25: 10)۔ جدوں خدا بوہا بند کر دیہندا اے، تے فیر بہوتی دیر ہو چکی ہوندی اے، حالانکہ تُسی ہُنے تیکر زندہ ہوندے اُو۔

’’اُوہدے بعد دوجیاں کنواریاں وی آئیاں، تے کیہن لگیاں، اے خداوند، اے خداوند ساڈے لئجی کھول۔ لیکن اُوہنے جواب دِتا تے کہیا، میں تہانوں سچ کہنا آں کہ میں تہانوں نئیں جانندا‘‘ (متی 25: 11-12)۔

کیہنی بُری گل اے جے تہادے نال اینج ہوندا – کیوں جے تُسی انتظار کیتا! کی ہووے گا جے بوہا ہمیشہ دے لئی بند ہو جائے تے تُسی نجات نہ پا سکو؟ جے

’’خدا نے [تہانوں] چھڈ دِتا‘‘ (رومیوں 1: 24)؟

ڈاکٹر جان آر رائس نے کہیا،

فیر کیس قدر دُکھی فیصلے دا سامنا تہانوں بغیر رحم دے نال یاد کرنا ہووے گا
کہ تُسی سُستی وکھائی تے فضول چہ ویلہ لنگہایا جدوں تیکر کہ روح نہ ٹُر گیا؛
کیہو جئی الزام تراشی تے ماتم، جے موت ای تہانوں بے اُمید پاندی اے،
تُسی فضول چہ ویلہ لنگہا دِتا تے سُستی وکھائی تے بہوتا انتظار کیتا!
     (’’جے تُسی بہوتی دیر سُستی وکھائی If You Linger Too Long‘‘ شاعر ڈاکٹر جان آر۔ رائس Dr. John R. Rice، 1895۔1985)۔

میں اِک وری جارج ڈبلیو ٹروئٹ George W. Truettدا ڈاکٹر ڈبلیو اے کرسویل Dr. W. A. Criswell نال ذکر کیتا سی، جیہڑے ٹروئٹ دی تھاں ڈیلاس، ٹیکساس دے بپتسمہ دین آلے پہلے گرجا گھر دے پادردی دے طور تے آئے سن۔ ٹروئٹ پہلے پادری سن۔ کرسویل دوجے پادری سن۔ جدوں میں ڈاکٹر ٹروئٹ دا ذکر کیتا تے ڈاکٹر کرسویل نے مسکر کے کہیا، ’’کی تہانوں اُو یاد نے؟‘‘ میں کہیا، ’’نئیں۔‘‘ ڈاکٹر ٹروئٹ دا انتقال اُوس ویلے ہویا جدوں میں صرف تین وریاں دا سی، تقریباً سٹھ وریاں پہلاں۔ ڈاکٹر کرسویل نے ہیٹاں ویکھیا تے کہیا، ’’ایہو جئے بہتیرے لوکی باقی نئیں نے جیہڑے اُوہناں نوں یاد کر سکن۔‘‘ اُو امریکہ دے سب توں وڈے مبلغاں وِچوں اِک سن، لیکن شاید ای کوئی جیوندا ہووے جِنہے اُوہناں نوں تبلیغ کردے سُںیا ہووے۔ اُوہناں دے واعظ کسی نوں یاد نئیں۔ لیکن عجیب طور تے اُوہناں نوں یاد اے کہ اُوہناں نے ناقابلِ معافی گناہ تے منادی کیتی سی۔ ڈیلاس وِچ پادری دے طور تے چالی وریاں وِچ، اُوہناں نے 5,000 توں زیادہ واعظاں دی تبلیغ کیتی ہووے گی۔ لیکن اُوہناں نوں کوئی یاد نئیں کردا۔ اُو اِک اصول دے طور تے اُوہناں دیاں صرف دو گلاں نوں یاد رکھدے نے۔ اُوہناں نوں یاد اے کہ اُوہناں نے شکار دے اِک حادثے وِچ اپنے قریبی بیلی نوں گولی مار کے ہلاک کر دِتا سی۔ ایس سانحہ نے اُوہناں نوں توڑ دِتا، تے اُوہناں نے اپنی ووہٹی نوں کہیا کہ اُو دوبارہ کدی تبلیغ نئیں کر سکدے۔ لیکن ہفتہ دی راتی دیر گئے ٹروئٹ نے اِک خواب ویکھیا جیہڑا تین وری دہرایا گیا – ہر وری جدوں اُو فیر توں سو گئے۔ خواب چہ، یسوع نے اُوہناں تے ظاہر کیتا تے کہیا، ’’کوئی خوف نہ کر توں ہُن میرا بندہ اے۔‘‘ لوکاں نے ویکھیا کہ اُوہناں نے فیر کدی وی اُونج تبلیغ نئیں کیتی۔ اُوہناں دی تبلیغ وِچ اِک بہوتی سنجیدگی سی، جیہڑی اُوہناں دے وسیع سامعین تے ہمیشہ خاموشی طاری کر دیہندی سی۔ اُو سارے جِنہاں نے اُوہناں نوں منادی کردے ہوئے سُنیا اُو روح القدس دے یقین دے تحت سرگوشی کردے ہوئے، ’’ٹروئٹ یقیناً خدا دے بندے نے‘‘ چلے گئے۔ ایہ پہلی گل اے جیہڑی لوکی عام طور تے جارج ڈبلیو ٹروئٹ دے بارے چہ یاد کردے نے۔ ایس حادثے دے بعد اُو بہوتے سنجیدہ آدمی سن۔ اُو شاذ و نادر ای مسکراندے سن۔ اُوہناں دی چیر دین آلی سرمئی اَکھاں بالکل تہاڈے آر پار ویکھدی ہوئی لگدیاں سن۔ اُوہناں نے کدی لطیفہ نئیں سُںیا۔ اُوہناں نے بہت سنجیدہ واعظ دِتا۔

دوجی گل جیہڑی لوکاں نوں یاد اے اُو ایہ اے کہ ٹروئٹ نے ناقابلِ معافی گناہ تے وقتاً فوقتاً اِک بہوتے ای طاقتور واعظ دی تبلیغ کیتی۔ اُوہناں نے ایس واعظ دی تبلیغ پوری امریکہ وِچ عظیم انجیلی بشارت دے اِجلاساں وِچ کیتی، جیہدے چہ ہزارہا لوکاں نے شرکت کیتی۔ میں اُوہنوں دوجی راتی پڑھیا، تے میں ویکھ سکنا آں کہ ایہ واعظ، ٹروئٹ دی ہزارہا منادی کیتے گئے واعظاں وِچوں، لوکاں نوں یاد کیوں اے۔ اُوہناں نے میرے بازوؤاں دے رؤنٹے کھڑے کر دِتے جدوں میں ناقابلِ معافی گناہ تے اُوہناں دا عظیم واعظ پڑھیا، ’’مذہبی مواقع دا گزرنا‘‘:

     میں کُجھ مہینے پہلاں اِک دور دراز دے علاقے دی آبادی وِچ تبلیغ کر رہیا سی، ہزارہا لوکاں دے ہجوم نوں … تے اِک آدمی نوں بہوتی دلچسپی لیہندا ہویا ویکھیا گیا، تے اُوہدے قریب کِھلوتا اِک مخلص مسیحی اُوہدے کول گیا، تے اُوہدے نال سرگوشی کرن دا حوصلہ کیتا، جدوں کہ اَخیرلی گانا گایا جا رہیا سی۔ مرد تے عورتاں تے بچے [بُلائے جان تے] نشستاں دے وِچکارلی راہ توں ٹُر کے آئے۔ اُوس مسیحی بندے نے دلچسپی رکھن آلے شخس نوں کہیا، ’’تُسی ہُن دلچسپی رکھدے اُو تے سنجیدہ اُو۔ تہانوں ساری دیری ختم کرنی چائیدی اے، تے … مسیح دے حوالے کر دیہنا چائیدا اے۔‘‘ [کھوئے ہوئے آدمی] نے کہیا، ’’نئیں، میں ایس [مبلغ] نوں کل ویکھاں گا۔ میں کل اُوہدے نال گل کراں گا۔ میں اَج دی راتی ایہدا تصفیہ نئیں کراں گا۔‘‘
     لیکن جدوں صبح ہوئی تے اِک ای تیز جھٹکے وِچ، اِک عجیب موڑ دے نال جیہڑا اکثر انسانی حیاتی وِچ آندا اے، اُو بے ہوشی چہ ڈوب گیا، تےدوپہر توں پہلاں ای ابدیت چہ سو گیا۔
     اُوہ، ذی شعور، ذمہ دار انسان، میں تہانوں طلب کرنا آں، میں تہانوں تاکید کرنا آں، میں تہاڈے لئی دعا کرنا آں، پہلاں سب توں پہلے معاملات طے کرو، اِک اعلیٰ گل، [جدوں کہ تُسی صحت مند اُو]، اپنے بارے چہ اپنی عقل دے نال، ، سکون دے نال، خاموشی دے نال، سوچ سمجھ کے، بڑی شان دے نال جدوں تیکر تُسی [کر سکدے اُو] ایس اعلیٰ ترین معاملے نوں حل کرو۔
     اُو مرد جیہڑے خدا دی دعوت تے نصیحت دی مخالفت کردے نے، گستاخی نال گناہ کردے نے۔ جدوں اُوہناں نال مسیح دے بارے چہ گل کیتی جاندی اے، تے اُو جواب دیہندے نے، ’’میں ایہدا خطرہ مول لواں گا۔ میں انتظار کراں گا۔ میں تاخیر کراں گا۔‘‘ تے اُو اُوس ویلے تیکر دوڑدے رہندے نے جدوں تیکر کہ [موزوں ویلے دی] چھوتی کشتی تیز رفتاریاں تے خوفناک چھال نئیں لگا لیہندی، تے موقع ہمیشہ دے لئی [کھو دِتا جاندا اے]۔
      [فیر توں]، جدوں لوکی اینج نور دے خلاف گناہ کردے نے، تے اُو اپنی مرضی نال گناہ کردے نے … اُو تاخیر کردے نے۔ اُو مرضی دے خلاف گناہ کردے نے … لوکی مسیح دی پکار نوں سُنندے نے،تے اُوہناں دے فیصلے تے ضمیر تے اخلاقی فطرتاں ہاں کہندیاں نے۔ لیکن اُو ایویں ای حیاتی لنگہاندے رہندے نے تے کہندے نے، ’’ہُنے نئیں۔ میں مسیح نوں میرے تے ہُںے وی حکومت نئیں کرن دیاں گا‘‘ … تے ایویں نور تاریک ہو جاندا اے، تے یقین دھندلا جاندا اے، تے مذہبی موقع لنگ جاندا اے۔
      (میں ہُنے وی ڈاکٹر ٹروئٹ دا حوالہ دے رہیا آں)۔ فیر وی، جدوں لوکی توبہ تے ایمان دے لئی خدا دی واضح بُلاہٹ دے خلاف گناہ کردے نے، تے اُو خدا دی روح دے خلاف گناہ کردے نے … روح القدس پکاردا اے تے نصحیت کردا اے، تے اُو ایہنوں محسوس کردے نے تے جانندے نے، کہ خدا اُوہناں دے نال جدوجہد کر رہیا اے۔ جے [تُسی] روح القدس نوں دور کردے اُو … بس سارے خطرات دا خطرہ اے۔ اوہ، انسانی جان دے [خطرے] وگرا کوئی [خطرہ] نئیں اے جیہڑا کہوے، ’’میہنوں مسیح دے کول [آنا] چائیدا سی، لیکن میں ہُنے نئیں آواں گا!‘‘ ایس وگرا کوئی [خطرہ] سنگین نئیں اے۔
     وریاں پہلاں میں ایس سنجیدہ تلاوت تے منادی کر رہیا سی، ’’تُسی ہمیشہ روح القدس دے خلاف مزاحمت کردے اُو،‘‘ تے میں ایس گل وَل اشارہ کر رہیا سی کہ اِک آدمی خدا وَلوں نور تے ہدایت دا ایہنا مقابلہ کر سکدا اے، کہ … عقیدہ کمزور تے لاغر ہو جاندا اے، تے آخر کار اینج لگدا اے کہ اُوہنوں بالکل وی یقین نئیں اے۔ [اِک آدمی میرے کول آیا تے کہیا] ’’مبلغ صاحب تُسی میرا معاملہ بیان کر رئے اُو … میہنوں اکثر مشورہ دِتا گیا سی … لیکن میں معاملہ ٹال دِتا سی۔ میں کہندا رہیا کہ ’کل‘ تے گھٹ توں گھٹ اِک طاقتور [واعظ]، تے میرے ذہن تے ضمیر تے دِل تے اِرادے نوں لفظاں توں باہر کر دِتا گیا، تے میں محسوس کیتا، ’ایہ سب توں وڈا بحران اے … اپنے [آپ] نوں کہیا ’میں [مسیح دے کول] نئیں آواں گا جدوں تیکر کہ ایہ میرے لئی مناسب نہ ہووے۔ ایہ ہُنے میہنوں بالکل وی مناسب نئیں لگدا اے، تے میں ایہنوں ختم کر دیاں گا۔‘‘ تے فیر وی اُوہنے اِک یا دو لمحیاں دے لئی میرے وَل اُداسی نال ویکھیا تے کہیا، ’’مبلغ صاحب، اُوس دِن میں حد پار کر گیا سی۔ اُوس دِن میں فضل آلا دِن گزاریا۔ اُوس دِل میری جان مر گئی۔‘‘
     میں اُوہنوں لبھہیا، تے دو طویل گھنٹیاں تیکر میں [اُہنوں] گنہگار لوکاں نوں یسوع دی شاندار بُلاہٹاں دَسیاں … اُوہنے میرے کولوں ایہ سب کُجھ سُنیا، تے کہیا، ’’جناب، میں حد عبور کر لئی اے، تے میں جاننا آں کہ میں ایہنوں عبور کر لیہیا اے۔‘‘
     میں ایس معاملے دی فلسفہ، نفسیات، گہرے معنی تے بحث نئیں کر سکدا۔ میں ایہنوں نئیں جانندا (جارج ڈبلیو. ٹروئٹ George W. Truett، ’’مذہبی موزوں وقت دا گزرنا The Passing of Religious Opportunity،‘‘ جون 24، 1917، روح دے لئی اِک تلاش A Quest for Souls وِچ، شمول پبلشرز Schmul Publishers، 1981، صفحہ 366-370)۔

تے فیر ڈاکٹر ٹروئٹ نے کہیا،

اِک لکیر اے، جیہڑی لوکاں نوں نظر نئیں آندی، لیکن جدوں تُسی ایہنوں عبور کر چکے اُو تے تُسی ایہنی موٹی رکاوٹ کھڑی کر لئی اے کہ تُسی یسوع نوں کدی اندر نئیں آن دیو گے (پال لی ٹین، ٹی ایچ۔ ڈی۔ Paul Lee Tan, Th.D.، 7,700 مِثالاں دا انسائیکلوپیڈیا Encyclopedia of 7,700 Illustrations، ایشورنس پبلیشرز Assurance Publishers، 1979 ، صفحہ 267)۔

تُسی ناقابلِ معافی گناہ کر چکے ہوو گے! تُسی لائن پار کر چکے ہوو گے تے بہوتی دیر ہو چکی ہووے گی!

ایتھے اِک لکیر اے جیہڑی ساڈے خُداوند نوں مُسترد کرن تے کھِچی گئی اے،
جیتھے اُوہدی روح دی واج کھو جاندی اے،
تے تُسی دیوانے ہجوم دے نال چھیتی کرو –
کی تُسی اندازہ لگایا، کی تُسی قیمت دا اندازہ لگایا؟
کی تُسی قیمت دا اندازہ لگایا جے تہاڈی روح کھو جاندی اے،
حالانکہ تُسی اپنے لئی پوری دُنیا حاصل کر لوؤ گے؟
ہو سکدا اے کہ ہُن وی تُسی اُوہی لکیر پار کر چُکے ہوو،
کی تُسی اندازہ لگایا، کی تُسی قیمت دا اندازہ لگایا؟
     (‘‘کی تُسی قیمت دا اندازہ لگایا؟Have You Counted the Cost? ‘‘ شاعر اے. جے. ہاجA. J. Hodge، 1923).

اَج راتی ایتھے کوئی اے جیہڑا یسوع نوں ’’نئیں‘‘ کہہ رہیا اے۔ کی ایہ اُو دِن ہووے گا جدوں تُسی غیر مرئی لکیر نوں عبور کرو گے، تے اِک مقدس خدا وَلوں ہمیشہ دے لئی چھڈ دِتا جائے گا؟ کی ایہ اَخیرلا دِن اے کہ خدا کدی تہاڈے دِل نوں کِھیچ لئے گا؟ کی ایہ اَخیرلا دِن اے جدوں خدا تہانوں یسوع دے کول آن دےلئی بلائے گا؟ ایہ ہو سکدا اے! ایہ ہو سکدا اے! ایہنوں ہولا نہ سمجھو! تُسی بہوتے خطرے وِچ اُو! جدوں خدا تہانوں چھڈ دے گا تے تُسی سڑکاں تے اِک زومبی وانگوں پِھرو گے – اِک زندہ مرُدہ شخص وانگوں۔ میں نوجواناں دے نال بار بار اینج ہوندیاں ویکھیا اے۔ ایہ اپنے نال نہ ہون دیو! اُودھہوں تیکر تہاڈے لئی نجات پان وِچ بہوتی دیر ہو جائے گی۔

’’جے کوئی خدا دی مرضی تے ٹرنا چاہوے تے اُوہنوں معلوم ہو جائے گا کہ ایہ تعلیم خدا وَلوں اے یا میرے وَلوں‘‘ (یوحنا 7: 17)۔

ایہ ویکھن دا انتظا نہ کرو کہ کی ناقابلِ معافی گناہ تہانوں تباہ کر دیوے گا! فیر بہوتی دیر ہو جائے گی! آؤ تے پہلاں یسوع تے ایمان لیہیاؤ، فیر تہانوں معلوم ہو جائے گا کہ ایہ خوفناک نظریہ درحقیقت خدا دا عقیدہ اے، تے مسیح سانوں اُوہدے بارے وِچ متنبہ کرن دے حق وِچ سی۔

III۔ تیجی گل، یسوع نے جہنم دے بارے چہ کی کہیا۔

جہنم اِک ناخوشگوار موضوع اے۔ لیکن ایہ کینسر وانگوں اے – ایہ اک حقیقی موضوع اے۔ کینسر وانگوں، ایہ حقیقی اے۔ تہانوں واقعی کینسر ہو سکدا اے۔ تے تُسی واقعی جہنم وِچ جا سکدے اُو۔ بائبل وِچ جہنم دے بارے چہ کیہن دے لئی بہوتا کُجھ اے۔ دو وری ایہ کہندی اے، ’’آن آلے قہر توں نٹھو‘‘ – ایہدے توں نٹھو، جیویں کہ تُسی اِک سَپ کولوں نٹھدے اُو۔ ایہدے کولوں نٹھو، جیویں کہ تُسی کسی ظالم جنگلی کُتے کولوں نٹھو گے۔ ایہ اُوہی اے جیہڑا بائبل کرن نوں کہندی اے – دو وری کلام پاک دے صفحیاں تے۔ متی 3: 7 وِچ، بائبل کہندی اے، ’’آں آلے قہر توں نٹھو۔‘‘ لوقا 3: 7 وِچ بائبل فیر کہندی اے، ’’آن آلے قہر توں نٹھو۔‘‘ جدوں تُسی جہنم وِچ ابدی غضب دی سزا دے تحت اُو تے تُسی کیس قسم دے احمق اُو جیہڑے گرجا گھر وِچ ویلہ لنگہا رئے اُو؟

یسوع نے اکثر جہنم تے گل کیتی۔ اُوہنے ایہناں ہولناکیاں نوں بیان کرن دے لئی تصوراتی زبان دا استعمال کیتا جیہدے نال لعنتی روحواں اَگ دے ایس کھڈے وِچ گزرن گئیاں۔ یسوع نے کہیا،

’’اینج ای دُنیا دے اَخیر وِچ ہووے گا۔ ابنِ آدم اپنے فرشتیاں نوں پیہجھے گا تے اُو اُوہدی بادشاہی وِوں گناہ دا باعث بنن آلی ساری شیواں تے بدکاراں نوں جمع کر لین گے تے اُوہناں نوں اَگ دی بھٹی وِچ سُٹ دین گے جیتھے اُو لوکی روندے تے دند پیسدے رہن گے‘‘ (متی 13: 40۔42)۔

یسوع نے اِک آدمی دے بارے وِچ دسیا جیہڑا جہنم وِچ گیا سی۔ اُو اپنے پھیپھڑیاں دا زور لگا کے چیخیا، ’’میں ایس اَگ وِچ تڑپ رہیا آں‘‘ (لوقا 16: 24)۔

کی یسوع صحیح سی؟ کی اُوہنے جہنم دے بارے چہ سچ کہیا؟ تُسی کیویں جان سکدے اُو؟ ایویں ای تُسی کُجھ ہور وی جان سکدے اُو یسوع نے کہیا،

’’جے کوئی خدا دی مرضی تے ٹرنا چاہوے تے اُوہنوں معلوم ہو جائے گا کہ ایہ تعلیم خدا وَلوں اے یا میرے وَلوں‘‘ (یوحنا 7: 17)۔

جے تُسی اُو کرن دے لئی تیار اُو جیہڑا خدا تہاڈے کولوں کرانا چاہندا اے، تے خدا تہانوں وکھائے گا کہ یسوع تہانوں اُوس تھاں دے بارے چہ خبردار کرن دے لئی صحیح سی جیتھے ’’اَگ بُجھدی نئیں‘‘ (مرقس 9: 44)، جیتھے ’’اَگ اے جیہڑی کدی نئیں بُجھے گی‘‘ (مرقس 9: 43)۔ جے تُسی اپنا دِل خدا دے حوالے کر دیہندے اُو، تے اُوہدی فرمانبرداری دے لئی تیار اُو، تے خدا تہانوں وکھائے گا کہ یسوع جہنم دی ابدی عذاب دے بارے وِچ صحیح سی۔ ایہ بہوتا حقیقی اے – تے بہوتا خطرناک!

گذشتہ اِتوار نوں اِک نوجوان نے میہنوں دَسیا، ’’جِنہا ہُن آں اُوہدی نسبت جہنم توں بہوتا ڈردا سی۔‘‘ ہُن اُو ڈر کیوں گھٹ اے؟ کیوں جے اُوہنے خدا دی مخالفت کیتی اے۔ اُوہنے اپنے دِل وِچ خدا دے خلاف بغاوت کیتی اے۔ اُوہدا دِل بیزار ہو گیا اے۔ روح القدس ایہنوں چھڈن لگا اے، تے سمسون وانگوں، ایہنوں اینج دا احساس تیکر نئیں اے۔ چھیتی ای اُوہنوں خدا وَلوں تنہا چھڈ دِتا جائے گا، جیویں کہ سمسون سی۔ چھیتی ای اُو جہنم دے خیالات توں بالکل وی پریشان نئیں ہووے گا۔ جے تُسی اُوہدے وانگوں اُو، تے میں تہانوں اِلتجا کرنا آں، ’’آن آلے قہر توں نٹھو،‘‘ ایس توں پہلاں کہ توح القدس تہاڈے دِل توں خوف دی آخیرلی نشانیاں کد دے۔ مسیح دے کول آؤ جدوں کہ تہاڈے اندر جہنم دا ماڑا جیہا خوف وی باقی اے، ایس توں پہلاں کہ اَگ مکمل طور تے بُجھ جائے تے تہاڈی جان مرن دے لئی چھڈ دِتی جائے۔

جہنم دے نظریے دے بارے وِچ مت سِکھو تے فیر فیصلہ کرو کہ آیا تُسی مسیح دی ایس گل تے یقین کرو گے یا نئیں۔ اوہ، نئیں! ہُن خداوند دی مرضی پوری کرن دے لئی تیار ہو جاؤ۔ ہُںے ای اپنا دِل خدا دے حوالے کرو، تے فیر اُو تہانوں وکھائے گا کہ یسوع تہانوں شعلیاں، تاریکی، تے خوفناک عذاب دی ایس تھاں تے لعنتی روحواں دی آہواں تے چیخاں دے بارے وِچ خبردار کرن دے لئی صحیح سی۔

جہنم اُو تھاں اے جیتھے مُڑدے اپنے گناہواں دی وجہ توں جاندے نے۔ جے تہاڈے گناہواں دا کفارہ مسیح دی موت توں نئیں ہوندا، تے تہاڈے گناہ تہانوں اُوتھے پیہجھ دین گے۔ جے تہاڈے گناہ مسیح دے لہو وِچ نئیں دُھلدے نے، تے تہاڈے گناہ تہانوں اُوتھے پیہجھ دین گے۔ تہانوں اپنے گناہواں دے بارے وِچ کُجھ کرنا چائیدا اے!

ڈاکٹر لائیڈ جونز نے کہیا:

کی تُسی اپنے گناہواں توں نمٹ سکدے اُو؟ تُسی کہندے اُو کہ ایہ تھوڑے نے تے ایہ کہ [چھوٹے] تے غیر اہم نے۔ بہت خوب! کی تُسی ایہناں توں جان چُھڈا سکدے اُو؟ کی تُسی ایہناں نوں ہٹا سکدے اُو؟ کی اُو تہانوں کلیاں چھڈ دیہندے نے؟ کی تُسی واقعی محسوس کردے اُو کہ [تہاڈا] ریکارڈ صاف اے؟ کی تُسی کافی خوش اُو؟ کی تُسی ایہناں نوں مٹا سکدے اُو؟ کی شرم دا احساس مُک گیا اے، کی مذمت دا احساس تہانوں چھڈ گیا اے؟ کی تُسی ایمانداری نال اینج محسوس کردے اُو جیویں تُسی کدی گناہ کیتا ای نہ ہووے؟ آؤ، سمجھدار بنو تے ایہنوں تسلیم کرو… تُسی اپنا ریکارڈ صاف نئیں کر سکدے۔ تُسی خدا نوں راضی نئیں کر سکدے۔ تہاڈے سارے اعمال تے تہاڈے بہترین کام کدی وی ایس چوٹ دا کفارہ ادا نئیں کر سکدے جیہڑی تُسی [خدا] نوں ایک وی گناہ نال پہنچائی اے … جیہڑا وی تُسی اپنے لئی کہوو گے تُسی منصف دے لئی سزاوار ای ہوو گے … سمجھو کہ ایہ [تہاڈے وگرے مجرم گنہگار دے لئی ایہ پاگل پن اے کہ خدا نوں موردِ الزام ٹھہران] رحم دے لئی اپنے آپ نوں [مسیح دے حوالے کر دیو تے [جیہڑا کُجھ اُو تہانوں کہووے] قبول کرو۔ اُو جیہڑے اُوہدے ذریعے [بچائے گئے] نے اُو ہمیشہ اُو ہوندے نے جیہڑے اپنی ناکامی تے اپنی ضرورت دے احساس دے گہرے شعور دے نال اُوہدے کول آندے نے (مارٹن لائیڈ جونز، ایم ڈی Martyn Lloyd-Jones, M.D.، ایبراوون وِچ بشارتی واعظ Evangelistic Sermons at Aberavon، بینر آف ٹروتھ، 1990 دوبارہ اشاعت ، صفحہ 218)۔

اپنے وجود دی گہرائی وِچ، اپنے [گناہ]، اپنے خوف تے اپنی خفیہ شرمندگی وِچ [اَج راتی] سامنا کرو۔ [یسوع] نوں سنو جیویں کہ اُو تہانوں دسدا اے کہ اُو تہاڈے لئی قربان ہو گیا اے، کہ اُوہنے تہانوں خدا نال ملایا اے، تاکہ تہاڈے پچھلے [گناہواں] نوں [اُوہدے لہو نال] مٹا دِتا جائے۔

تُسی جیہڑے وی گناہ کیتے نے، مسیح تہانوں معاف کرے گا، تہانوں پاک کرے گا، تے تہانوں بچائے گا۔ یسوع نوں فیر توں ’’نئیں‘‘ نہ کہوو۔ اُوہدے کول آؤ۔ اپنے آپ نوں اُوہدے حوالے کرو، تے گناہ توں بچ جاؤ۔

’’کیوں جے خدا نے اپنے پُتر نوں دُنیا وِچ سزا دین دے لئی نئیں پیہجھیا؛ لیکن ایس لئی کہ دُنیا اُوہدے وسیلے توں بچ جائے‘‘ (یوحنا 3: 17)۔

میں اَج شامی اپنے دفتر وِچ تہاڈے نال ایس بارے چہ گل کرنا چاہنا آں۔ میں چاہنا آں کہ تُسی اپنی نشست چھڈ دیو، تے ایتھے آ کر ایس منبر دے سامنے کِھلو جاؤ جدوں کہ ساڈے وِچوں باقی اِک کورس گانے آں۔ تہاڈے آن دے بعد، اَسی میرے دفتر جاواں گے تے یسوع دے لئی تہاڈی لوڑ تے گل کراں گے۔ تُسی آؤ، جدوں کہ اَسی گانے آں۔

ہُنے ای کیوں نئیں؟ ہُنے ای کیوں نئیں؟
ہُنے ای کیوں نئیں؟ ہُنے ای کیوں نئیں؟
ہُنے ای کیوں نئیں؟ ہُنے ای کیوں نئیں؟
ہُںے ای کیوں نئیں یسوع دے کول آندے؟
     (’’ہُنے ای کیوں نئیں؟ Why Not Now? ‘‘ شاعر ڈانیئل ڈبلیو۔ وھٹل Daniel W. Whittle، 1840۔1901)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔