مسیح دے وسیلے توں نسلِ انسانی دی تقسیم

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایہناں آیتاں تے ڈاکٹر مارٹن لائیڈ جونز دے واعظ دے ابتدائی جملے ایہناں [آیتاں] دی روح رواں نوں گرفت وِچ لیہندے نے:

’’اُو پوری بنی نوع انسان دا خلاصہ کردے نے، تے صرف دو ممکنہ تقسیماں یا گروہواں دی نشاندہی کردے نے جِنہاں وِچ بنی نوع انسان نوں تقسیم کیتا جا سکدا اے۔ اَسی سارے، آخر کار، ایہناں دو گروہواں وِچوں اِک یا دوجے نال تعلق رکھنے آں۔ اَسی یا تے مسیح توں چھٹکارا پانا چاہنے آں یا فیر اُوہدے نال رہنا چاہنے آں تے اپنے آپ نوں مکمل طور تے اُوہدے حوالے کر دیہنے آں۔ حقیقت وِچ ایہدے علاوہ کوئی امکان نئیں اے۔ اَسی یا تے [مسیح] دے حق وِچ آں یا خلاف آں‘‘ (مارٹن لائیڈ جونز، ایم ڈی، Martyn Lloyd-Jones, M.D.، انجیلی بشارت تے واعظ Evangelistic Sermons، بینر آف ٹروتھBanner of Truth ، 1983، صفحہ 103)۔

’’ایہدے تے لوکی یسوع دی منت کرن لگے کہ ساڈے علاقے توں باہر ٹُر جا‘‘اِس پر لوگ یسوع کی منت کرنے لگے کہ ہمارے علاقے سے باہر چلا جا‘‘ (مرقس 5: 17)۔

’’… تے اُو بندہ جیہڑا پہلاں بدروحواں دے قبضے وِچ سی، یسوع دی منت کرن لگا کہ میہنوں وی اپنے نال لے چل‘‘ (مرقس5: 18)۔

تے میں چاہنا آں کہ تُسی اَج دی سویرے ایہناں دوواں حالتاں دے بارے وِچ بہوتی احتیاط نال سوچو – کیوں جے اَج ایتھے گرجا گھر وِچ ہر اِک فرد ایہناں دوواں گروہواں وِچوں اِک وِچے اے۔ تُسی یا تے چاہندے اُو کہ مسیح تہاڈے توں جدا ہو جائے، یا تُسی اُوہدے نال رہنا چاہندے اُو۔

I۔ پہلی گل، کی تُسی اُوہناں لوکاں وِچوں اِک اُو جیہڑے چہاندے نے کہ مسیح تہاڈے توں دور ٹُر جائے؟

اُوس شہر دے لوکی ’’ایہہ ویکھن دے لئی باہر نکلے کہ ایہہ کی ہویا‘‘ (مرقس 5: 14)۔ اِک بدروح زدہ بندے نوں مسیح دے ذریعے شیطان دی طاقت توں نجات لبھی سی۔ بدروحواں خنزیراں دے اِک غول وِچ ’’وڑ گئیاں‘‘ سن جیہڑا فیر ’’اِک اوچی تھاں توں ہیٹاں سمندر وِچ نٹھیا (اُو تقریباً دو ہزار سن) تے سمندر وِچ دم گُھٹن نال مر گئے‘‘ (مرقس 5: 13)۔ جِنہاں نے سؤراں دے ایس وڈے ریوڑ دی ویکھ بھال کیتی اُو ’’نٹھ گئے، تے شہر تے مُلک وِچ ایہہ [واقعہ] دسیا‘‘ (مرقس 5: 14)۔ فیر لوکی وڈی تعداد وِچ جمع ہوئے جِیتھے یسوع سی ’’ایہہ ویکھن دے لئی کہ ایہہ کی ہویا‘‘ (مرقس 5: 14)۔ بجائے ایہدے کہ اُو خوش ہوندے کہ ایس بدروح زدہ بندے توں نجات مل گئی تے ہُن اُو پاگل نئیں رہیا، اُو پریشان ہو گئے سن۔ اینج لگدا اے کہ اُو دو شیواں توں پریشان نے: سؤراں دے اُوس وڈے ریوڑ دا نقصان، تے مسیح دی طاقت توں۔

ایہہ اُوہی دو شیواں نے جیہڑیاں اَج لوکاں نوں پریشان کردیاں نے جدوں مسیح دی صحیح تبلیغ کیتی جاندی اے۔ غور کرو کہ میں کہیا سی کہ جدوں مسیح دی ’’صحیح تبلیغ‘‘ کیتی جاندی اے تے لوکی پریشان ہوندے نے۔ میں ایس بورنگ چھوٹے واعظ دے بارے وِچ گل نئیں کر رہیا آں جیہڑے تُسی اِک کیتھولک پادری نوں دیہندے ہوئے سُنیا اے۔ میں اَج کل جیہڑی تُسی ٹیلی ویژن تے منادی سُنندے اُو اُوہدے بارے وِچ گل نئیں کر رہیا آں۔ نئیں، میں ایہہ کہہ رہیا آں کہ مسیح دی منادی اَج لوکاں نوں پریشان کردی اے، جیویں کہ ساڈی تلاوت وِچ ہویا، جدوں مسیح دی صحیح طور تے منادی کیتی جاندی اے۔ جدوں اَسی نئے عہدنامے دے حقیقی مسیح نوں پیش کرنے آں، تے اُو لوکاں نوں پریشان کردا اے، بالکل ایس ای وجہ توں کہ اُوہنے ایہناں لوکاں نوں گلیل دے کنارے پریشان کیتا۔ جدوں اَسی بائبل دے مطابق مسیح دی تبلیغ کرنے آن، جیہڑا اُوہدی منادی کرن دا واحد صحیح طریقہ اے، تے لوکی ناراض ہوندے نے۔ ایہہ اَج وی ایہنا ای سچ اے جِنہا اُوس ویلے سی۔

سانوں دسیا گیا اے کہ مسیح نئے عہد نامے وِچ لوکاں نوں بار بار تقسیم کردا اے۔ صرف یوحنا دی انجیل وِچ تین وری سانوں دسیا گیا اے:

’’پس لوکاں وِچ یسوع دے بارے چہ اختلاف پیدا ہو گیا‘‘ (یوحنا 7: 43)۔

’’فریسیاں وِچوں بعض کہن لگے، ایہہ بندہ خدا وَلوں نئیں اے کیوں جے ایہہ سب دے دِن دا احترام نئیں کردا۔ بعض کہن لگے، کوئی گنہگار بندہ اینج دے معجزے کینج وکھا سکدا اے؟ تے اُوہناں وِچ اختلاف پیدا ہو گیا‘‘ (یوحنا 9: 16)۔

تے جدوں یسوع نے اچھے چرواہے تے اپنا واعظ پیش کیتا سی،

’’ایہہ گلاں سُن کے یہودیاں وِچ فیر توں اِختلاف پیدا ہو گیا‘‘ (یوحنا 10: 19)۔

لہٰذا، سانوں ایس گل توں حیران نئیں ہونا چائیدا اے کہ یسوع نے ایتھے مرقس، باب پنج وِچ لوکاں وِچ اِختلاف پیدا کیتا، جدوں اُوہنے بدروحواں نوں سؤراں وِچ واڑیا تے اُو غرق ہو گئے، تے بدروح زدہ بندے نوں نجات دِتی۔

’’یسوع دی منت کرن لگا کہ ساڈے علاقے توں باہر ٹُر جا‘‘ (مرقس 5: 17)۔

اُوہناں دو ہزار سؤراں دے مارے جان نال اُوہناں دی حیاتی اجیرن ہو گئی۔ اُوہناں نے اپنی حیاتی نوں اینج دا بنایا، حالانکہ سؤراں نوں پالنا وی اُوہناں دے مذہب دے خلاف سی، اُوہناں نوں بیچن دی تے گل ای نہ کرو، جیویں کہ ڈاکٹر گِل نے نشاندہی کیتی کہ اُوہناں نے کیتا – رومیاں دے نال، ’’اُو ہُنے جِنہاں دے حکومت وِچ سن، تے جِنہاں دے لئی سؤراں دا گوشت بہوتا قابلِ قدر سی‘‘ (جان گل، ڈی ڈیJohn Gill, D.D.، نئے عہد نامہ دی تفسیرExposition of the New Testament، دی بیپٹسٹ اسٹینڈرڈ بیئررThe Baptist Standard Bearer، 1989 دوبارہ پرنٹ، جلد 7، صفحہ 86)۔

اُو صرف ایہہ نئیں چاہندے سن کہ یسوع دے ذریعہ اُوہناں دی حیاتی دا طریقہ بدل جائے۔ لاس اینجلز وِچ بُہتیرے لوکی اینج دے ای نے۔ درحقیقت، لاس اینجلز دے تقریباً سارے لوکی اُوہناں وگرے نے۔ تہاڈے ماں پیو وِچوں کُج ایہو جئے نے۔ اُو نئیں چاہندے کہ تُسی ایس گرجا گھر وِچ شامل ہوو، تے اُو تہانوں ایتھے آن توں روکن دی کوشش کردے نے – کیوں جے اُو سمجھدے نے کہ اَسی زبردستی مسیح دی منادی کر رئے آں، تے ایہہ کہ تُہاڈی حیاتی بدل جائے گی – تے اُو نئیں چاہندے کہ تہاڈی حیاتی تبدیل کیتی جائے۔ اُو نئیں چاہندے کہ تُسی مسیح نوں سنجیدگی نال لؤو تے ہر اِتوار نوں گرجا گھر وِچ ہؤو۔ ایہہ سوچ کے اُو خوفزدہ ہو جاندے نے کہ تُسی اِک سنجیدہ مسیحی بن سکدے اُو۔ اُو یسوع دے زمانے وِچ اُوہناں لوکاں وانگوں نے۔

فیر، تہاڈے وِچوں بُہتیرے ایہو جئے لوکی نے۔ تُسی اپنی حیاتی نوں مسیح توں روکدے اُو کیوں جے تُسی ڈردے اُو کہ اُو کوئی ایہو جیہا گناہ لے جائے گا جیہدے نال تُسی محبت کردے اُو۔ تُسی مسیح دے مقابلے وِچ اپنے گناہ نوں پسند کرو گے۔ تے اینج ای، تہاڈے دِل وِچ، تُسی وی ’’اُوس [یسوع] دے ٹُر جان دے لئی دعا کرو گے‘‘ (مرقس 5: 17)، جیویں کہ ڈاکٹر گِل نے کہیا، ’’[تُسی] اُوہدا شکار، یا ہارے ہوئے ہون توں ڈردے اُو۔ [تُسی] اُوہدے لئی [اپنی] شہوت انگیز خواہشات توں الگ ہون دی پرواہ نئیں کردے: ایہہ [تُسی] اِک نجات دہندہ نوں ترجیح دیہندے نے، تے دُنیا تے اُوہدی شیواں نوں اُوہدے توں بہوتا پسند کردے اُو، تے ایس لئی [تُسی] اُوہدے لائق نئیں اُو‘‘ (ڈاکٹر جان گلDr. John Gill، مرقس5: 17 تے تبصرہ)۔

کی ایہہ تہاڈے نال اینج نئیں اے؟ کی تہانوں ڈر نئیں اے کہ جے تُسی یسوع تے پروہسا کردے اُو تے اُو [مسیح] تہاڈے کولوں کوئی ’’چنگی‘‘ شے چھین لئے گا؟ کی واقعی ایہو ای وجہ نئیں اے کہ تُسی اپنے آپ نوں مسیح دے حوالے کرن توں انکار کردے اُو – تے دُنیا تے اُوہدیاں گناہ توں بھرپور خوشیاں نوں چھڈ دیہندے اُو؟ تے اینج، گناہ دے سؤر دے لئی تہاڈی محبت تہانوں یسوع مسیح دی خواہش کرن توں روکدی اے۔ تُسی ’’[اُوہدے] کول نئیں آؤ گے تاکہ [تُسی] حیاتی حاصل کرو‘‘ (یوحنا 5: 40) کیوں جے تُسی اپنے دِل وِچ سؤر نال پیار کردے اُو۔ کی اینج نئیں اے؟ کیہڑی گل ٹھیک نئیں اے جدوں اُو کہندے نے کہ تُسی ’’اُوس [یسوع] دے لئی [اپنی] شہوت انگیز خواہشات توں الگ نئیں ہونا چاہندے اُو‘‘؟

تہاڈے وِچوں کُج سوچدے نے، ’’کیوں، جے میں مسیح دے کول آیا، تے میہنوں اپنے اِتوار نوں ترک کرنا پیہئے گا۔ میں اپنے اِتوار نوں اپنے لئی رکھنا چاہنا آں۔ میں ہر اِتوار نوں گرجا گھر وِچ نئیں رہنا چاہندا!‘‘ کی اے اُو ’’سؤر‘‘ نئیں اے جِںہوں تُسی مسیح توں بوہتا چاہندے اُو؟ کی ایہہ تہاڈی ’’شہوت انگیز خواہش‘‘ نئیں اے؟ یا تہاڈے دِل وِچ اِک ہُور خفیہ ’’سؤر ہو سکدا اے جِںہوں تُسی مسیح توں بہوتا چاہندے اُو۔ کی اینج نئیں اے؟ کی کوئی خفیہ گناہ اے جیہڑا تُسی مسیح توں بوہتا چاہندے اُو؟ میں کہنا آں، سؤر نوں مار دیو! سؤر دے ہان توں دور ہو جاؤ! سؤر تہاڈی مدد نئیں کرے گا! سؤر تہانوں نئیں بچائے گا، یا تہانوں واقعی خوش نئیں کرے گا! سؤر نوں مار ڈالو – تے مسیح دے کول آؤ – تے اینج ہُنے ای کرو!

’’جیہڑا ایمان لیہیائے تے بپتسمہ لئے اُو نجات پائے گا لیکن جیہڑا ایمان نہ لیہیائے اُو مجرم قرار دِتا جائے گا‘‘ (مرقس16: 16)۔

اپنی جان مت کھؤو کیوں جے تُسی سؤر توں محبت کردے اُو! تنہا کیوں رہیے؟ گھر آؤ – گرجا گھر! گمراہ کیوں ہوئیے؟ گھر آؤ – مسیح دے کول! اپنے دِل وِچوں سؤر نوں مار ڈالو تے پوری طرح نال یسوع مسیح دے کول آؤ – تے ہُنے ای آؤ!

پاک کلام دے ایس حوالے نوں بدروحواں تے ابلیس دے بارے وِچ کُج کہنا اے۔ مسیح دے بچائے جان توں پہلاں، آسیب زدہ گدرینی بدروحواں نال بھریا ہویا سی۔ کی اَج واقعی ایہو جئی بدروحواں موجود نے؟ عظیم برطانوی مبصر ڈاکٹر جے سی رائلی Dr. J. C. Ryle نے کہیا کہ جی ہاں اُو موجود نے – تے میں اُوہناں نال متفق آں۔ ڈاکٹر رائیلی نے کہیا،

جدوں توں ساڈا رب زمین تے سی انسانی فطرت نئیں بدلی سی۔ شیطان ہُنے تیکر پابند نئیں اے۔ ایس لئی شیطانی قبضہ نہ تے ناممکن اے تے نہ ای خلاف قیاس اے … (مرقس تے تاویلی تصورات Expository Thoughts on Mark، بینر آف ٹروتھBanner of Truth ، 1985 کی دوبارہ اشاعت 1857 ایڈیشن، صفحہ 93)۔

جی ہاں، بائبل تعلیم دیہندی اے کہ بدروحوا اَج وی ہُنے تیکر موجود نے، تے اُو تہانوں تباہ کرنا چاہندیاں نے،

’’کیوں جے سانوں خون تے گوشت یعنی انسان نال نئیں بلکہ تاریکی دی دُنیا دے حاکماں … دے خلاٖ لڑنا اے‘‘ (افسیوں 6: 12)۔

آسیب زدہ بندے دے بچائے جان توں پہلاں، بدروحواں دے اثرات نہ صرف پاگل وِچ کام کر رئے سن بلکہ ایہہ بدروحواں شہر دے لوکاں دے ذہناں وِچ وی واضح طور تے سرگرم سن۔

’’تے لوکی یسوع دی منت کرن لگے کہ ساڈے علاقے توں باہر ٹُر جا‘‘ (مرقس 5: 17)۔

نوجوان شخص، ابلیس تے اُوہدی بدروحاں نئیں چاہندیاں کہ تسی مسیح چہ ایمان لیہیا کے تبدیل ہو جاؤ۔ شیاطین تہانوں اِک حقیقی مسیحی بنن توں روکن دے لئی ہر ممکن کوشش کرن گے۔ اُو تہانوں ایس گرجا گھر دا تبدیل شُدہ رُک بنن توں روکن دے لئی ہر اُو چال چلن گے جیہڑی اُو چل سکدے نے۔ لیکن بائبل کہندی اے،

’’ابلیس دا مقابلہ کرو تے اُو تہاڈے کولوں نٹھ جائے گا‘‘ (یعقوب4: 7)۔

خدا تہانوں اینج کرن وِچ مدد کرے گا جے تُسی دعا وِچ اُوہدے کولوں منگو گے۔ خدا دے لئی ہُںے ای دعا کرنا شروع کرو تاکہ تہانوں شیطانی آزمائشاں توں بچائے – تے مسیح دے کول لیہیائے۔ اُو اپنے لہو نال تہاڈے گناہواں نوں دھو ڈالے گا تے تہانوں نجات دلائے گا، تے تہانوں شیطان توں محفوظ رکھے گا! لیکن یاد رکھو، صرف مسیح ای تہانوں شیطان تے اُوہدے پھندیاں توں بچا سکدا اے۔ ایس لئی تہانوں انتظار نئیں کرنا چائیدا اے! ہُنے ای مسیح دے کول آؤ – ایس توں پہلاں کہ شیطان تہاڈے دِل نوں سخت کر دیوے تے تہاڈی روح نوں برباد کر دیوے، تے تہاڈے نجات پان دے لئی بہوتی دیر ہو چکی ہووے۔ تہانوں بوہتا سنجیدہ ہو جانا چائیدا اے – تے مسیح وِچ داخل ہون دی کوشش کرنی چائیدی اے – تے ایہنوں ہُنے ای کرو – ایس توں پہلاں کہ بہوتی دیر ہو جائے، تے تہانوں خدا وَلّوں چھڈ دِتا جائے۔

تے، پہلاں، میں تہانوں پُچھنا آں، کی تُسی اُوہناں وِچوں اُو جیہڑے چاہندے نے کہ مسیح تہاڈے توں جدا ہو جائے؟ میں اُمید کرنا آں تے دعا کرنا آں کہ تُسی نہ ای ہؤو۔

II۔ دوجی گل، کی تُسی اُوہناں لوکاں وِچوں اِک اُو جیہڑے مسیح دے نال رہن دی خواہش کردے نے؟

جیویں کہ میں کہیا، سارے بنی نوع انسان نوں دو گروہواں وِچ تقسیم کیتا گیا اے: اِک پاسے اُو لوکی نے جیہڑے مسیح نوں نئیں چاہندے نے، تے دوجے پاسے اُو جیہڑے مسیح نوں چاہندے نے۔

’’تے ایہدے تے لوکی یسوع دی منت کرن لگے کہ ساڈے علاقے توں باہر ٹُر جا۔ جدوں یسوع کشتی وِچ سوار ہون لگا تے اُو بندہ جیہڑا پہلاں بدروحاں دے قبضے وِچ سی، یسوع دی منت کرن لگا کہ میہنوں وی اپنے نال لے چل‘‘ (مرقس 5: 17۔18)۔

’’دعا‘‘ تے ’’دعا کیتی گئی‘‘ دا ترجمہ یونانی لفظ ’’پراکالیو parakalĕō‘‘ توں کتیا گیا اے، جیس دا مطلب اے ’’منت مانگنا،‘‘ ’’بھیک مانگنا،‘‘ ’’دل نال درخواست کرنا۔‘‘ گدارہ دے لوکاں نے اُوہنوں ’’پُرزور درخواست کیتی‘‘ کہ اُو اُوہناں دے ساحلاں توں ٹُر جائے – اُو علاقہ جیتھے اُو رہندے سن۔ اُوہناں نے اُوہنوں منت کیتی کہ اُو ٹُر جائے! ’’براہ کرم جا، تے سانوں اکیلا چھڈ دے!‘‘ دوجے پاسے بدروحاں توں نجات پائے ہوئے بندے نے یسوع نوں التجا کیتی کہ اُو اُوہنوں اپنے لاگے رہن دے، تے اُوہنوں اپنے نال ٹُرن دے۔

تُسی یا تے مسیح دے لئی اُو، یا تُسی اُوہدے خلاف اُو۔ یسوع نے آپئے سارے بنی نوع انسان نوں ایہناں دو قسماں وِچ تقسیم کیتا۔ مسیح نے کہیا،

’’اُو جیہڑا میرے نال نئیں اے میرے خلاف اے‘‘ (متی 12: 30)۔

تُسی یا تے [اُوس] آسیب زدہ بندے وانگوں مسیح دے ’’نال‘‘ اُو، یا تُسی اُوہناں درینی لوکاں وانگوں مسیح دے ’’خلاف‘‘ اُو۔

تہاڈا دِل ’’ہر شے توں ودھ کے دھوکہ باز‘‘ اے (یرمیاہ 17: 9)۔ تے دھوکہ دہی تے خود فریبی وَل ایس باطنی جھکاؤ دی وجہ توں، تُسی ایہہ تسلیم کرن توں گریز کرن دی کوشش کردے اُو کہ تُسی گدرینیاں دے نال اُو – مسیح دے خلاف اُو۔ تُسی اپنے آپ نوں قائل کرن دی کوشش کردے اُو کہ لوکاں دی کوئی تیجی قسم اے – تے ایہو ای اُو قسم اے جیتھے تُسی موزوں اُو۔ لیکن بائبل کِدرے وی تیجے گروہ دی گل نئیں کردی۔

’’تے اُو پیہھڈاں نوں اپنے سجّے پاسے تے بکریاں نوں اپنے کھبّے پاسے کھڑا کرے گا‘‘ (متی 25: 33)۔

کوئی تیجا گروہ نئیں اے۔ تُسی یا تے شیطان دی بکریاں وِچوں اِک اُو، یا مسیح دی پیہڈھاں وِچ اِک۔ کوئی تیجی قسم نئیں اے۔

بائبل بچائے گئے تے لعنتی لوکاں دے بارے وِچ دسدی اے۔ کوئی تیجی قسم نئیں اے۔ تُسی یا تے نجات پائے ہوئے اُو یا ملعون اُو۔

’’جیہڑا ایمان لیہیائے تے بپتسمہ لئے اُو نجات پائے گالیکن جیہڑا ایمان نہ لیہیائے اُو مجرم قرار دِتا جائے گا‘‘ (مرقس16: 16)۔

تُسی کیس گروپ وِچ اُو؟ کی تُسی لعنتی اُو – یا تُسی نجات پائے ہوئے اُو؟ کی تپسی گدرہ دے ملعون لوکاں دے نال اُو یا تُسی نجات پائے ہوئے آسیب زدہ بندے دے نال اُو؟ کی تُسی گدرہ دی بکریاں دے نال اُو یا تُسی آسیب زدہ بندے وانگوں پیہڈھاں دے نال اُو؟ [تُسی] یا تے ایس پاسے اُو یا دوجے پاسے۔ کوئی تیجی قسم نئیں اے۔ اَج سویرے تُسی کیس [گروہ] وِچ اُو؟

یا، فیر توں، بائبل ساری انسانیت نوں دو حصیاں وِچ تقسیم کردی اے – نجات پائے ہوئے تے کھوئے یا گمراہ ہوئے۔ یسوع نے کہیا،

’’کیوں جے اِبنِ آدم کھوئے ہوئے لوکاں نوں لبھن تے نجات دین آیا اے‘‘ (متی 18: 11)۔

تے تُسی کیس تقسیم وِچ اُو؟ کی تُسی نجات پان آلیاں وِچوں اُو، بچائے گے آسیب زدہ بندے وانگوں؟ کی تُسی مسیح دے ذریعہ بچائے گئے اُو؟ کی مسیح نے تہانوں گناہ دی طاقت تے سزا توں نجات دلائی اے؟ کی تہاڈے گناہ مسیح دے لہو نال دُھل گئے نے؟ کی تُسی نجات پا گئے اُو؟

یا، کی تُسی کھو گئے اُو – کی تُسی حال ای وِچ کھوئے اُو، اپنے گناہواں نال خدا توں کٹ گئے اُو؟ کی تُسی ہمیشہ دے لئی کھو گئے اُو – صرف اُوس دِن دا انتظار کر رئے اُو جدوں تُسی ہمیشہ دے لئی سزا دے شعلیاں وِچ غرق ہو جاؤ گے؟ کی تُسی ہُنے کھو چکے اُو – جہنم دے شعلیاں دا انتظار کر رئے اُو؟ کی تہاڈے مرن دے بعد کہیا جائے گا؟ کہ

’’اینج دے لوکاں دے عذاب دا دھواں ابد تیکر اُٹھدا رہوے گا تے اُوہناں نوں دِن رات چین نئیں لبھے گا‘‘؟ (مکاشفہ 14: 11)۔

تُسی یا تے نجات پا چکے اُو، یا تُسی کھو گئے اُو۔ تُسی یا تے نجات پائے ہوئے آسیب زدہ بندے دے نال جنت وِچ جا رئے اُو، یا تُسی گمشدہ گیدرینیاں دے نال جہنم وِچ جا رئے اُو،

’’اُوس اَگ وِچ جھونکیا جائے گا جیہڑی کدی وی نئیں بُجھدی‘‘ (مرقس 9: 43)۔

کی تُسی نجات پا چکے اُو یا تُسی کھو گئے اُوْ ایس دُنیا وِچ صرف دو گروہ نے، صرف دو تقسیماں نے، صرف دو گروہ نے۔ تُسی کیہدے رُکن اُو؟ تہاڈا تعلق کیہدے نال اے؟

تُسی کیویں دس سکدے اُو کہ تُس کیس گروہ وِچ اُو؟ کیوں، ایہہ کافی سہوکھا اے۔ کی تُسی ہر اِتوار نوں گرجا گھر وِچ ہوندے اُو؟ جے تُسی ہر اِتوار نوں گرجا گھر وِچ نئیں ہوندے اُو، تے ایہہ بالکل واضح اے کہ تُسی کھوئے ہوئے گدرینیاں دے نال اُو، نہ کہ نجات پائے ہوئے آسیب زدہ بندے دے نال اُو، جِنہے ’’اُوس [یسوع] دی مِنت کیتی کہ اُو اُوہدے نال رہوے‘‘ (مرقس 5: 18)۔ جے کوئی دوجی تھاں اے جیتھے تُسی اِتوار نوں رہنا چاہندے اُو، بجائے ایہدے کہ تُسی مسیح دے نال ایس گرجا گھر وِچ ہوو، تے تُسی واضح طور تے آسیب زدہ بندے وانگوں محفوظ نئیں ہوئے اُو۔ تُسی ہُنے تیکر گدرینیاں دے گروہ وِچ اُو۔

آہ، لیکن ایتھے تجزیہ کرن دے اِک دقت اے۔ جے تہاڈی پرورش گرجا گھر وِچ ہوئی اے، یا تُسی اِک لمبے عرصے توں ایتھے اُو موجود اُو، تے ہو سکدا اے تُسی عادتاً اینج کر رئے ہوو، تے بالکل وی مسیح دے نال نہ ہوو۔ یاد رہوے کہ ایہہ گدرینی مذہبی لوکی سن۔ اُو خدا تے یقین رکھدے سن۔ ایتھوں تیکر کہ اُو اِک لحاظ نال بیدار وِی سن، کیوں جے آیت پندرہ سانوں دسدی اے، ’’اُو خوفزدہ سن۔‘‘ اُو اُوہناں بُہتیرے لوکاں دی نسبت نجات دہندہ دے بوہتے قریب سن جیہڑے ساڈے گرجا گھر وِچ اِک لمبے عرصے توں ائے ہوئے نے، لیکن اُوہناں وِچ کسی قسم دے خوف دا احساس نئیں اے۔ تے فیر وی اُو غیر تبدیل شُدہ رئے۔ کیوں؟ کیوں جے اُو جانندے سن کہ جے اُو مسیح دے تابع ہو جان تے اُو اُوہناں دے پوری حیاتی بدل دیوے گا۔ اُو ایہہ نئیں چاہندے سن۔

تہاڈے وِچوں کُج بالکل اُوہناں وگرے نے۔ تُسی اِتوار دے بعد ہر اِتوار نوں گرجا گھر وِچ بیٹھدے نے، لیکن تہاڈا دِل مسیح دے خلاف ممنوع اے۔ تُسی ایہنے ایماندار نئیں اُو کہ بُلند واج وِچ کہہ سکو، ’’میہنوں مسیح نئیں چاہیے۔‘‘ تُسی اپنے آپ نوں ایہہ سوچ کے دھوکہ دِتا اے کہ تُسی اُوہدے کول آنا چاہندے اُو، لیکن حقیقت ایہدے بالکل برعکس اے۔ تُسی واقعی ایہنوں بالکل نئیں چاہندے۔ جے تُسی واقعی مسیح نوں چاہندے اُو، تے اُوہدے کول کیوں نئیں آندے؟ تہانوں اُوہدے کول آن توں کی روکدا اے؟ تُسی اُوہدے کول کیوں نئیں آندے؟

’’تے روح تے دلہن کہندی اے کہ، تے اُو وی جیہڑا سُنندا اے کہوے کہ، آ۔ جیہڑا پیاسا ہووے اُو آئے تے آبِ حیات مفت حاصل کر لئے‘‘ (مکاشفہ 22: 17)۔

آسیب زدہ نوں گناہ توں بخشیا گیا سی۔ اُو مسیح دے ذریعہ نجات پا گیا سی۔ لیکن اُوہنے ایہہ سوچ کے غلطی کیتی کہ محفوظ رہن دے لئی اُوہنوں جسمانی طور تے مسیح دے نال رہنا چائیدا اے۔ ہُن مسیح اُوس بندے نوں اُوہدے جانن آلیاں کول گواہی دین دے لئی واپس پیہجدا اے۔

’’تے اُو گیا تے دکپُلس وِچ ایس گل دا چرچا کرن لگا کہ یسوع نے اُوہدے لئی کیہو جئے وڈے وڈے کام کیتے تے سارے لوکی تعجب کرن لگے‘‘(مرقس 5: 20)۔

اُو کافی محفوظ سی کیوں جے یسوع اُوہنوں بچائے رکھے گا۔ تے تُسی وی محفوظ رہوو گے۔ جدوں مسیح تہانوں نجات بخشدا اے، تے اُو تہانوں بچائے رکھے گا۔ مسیح نے کہیا،

’’میری پیہڈھاں میری واج سُنندیاں نے تے میں اُوہناں نوں جاننا آں تے اُو میرے پچھے پچھے ٹُردیاں نے۔ میں اُوہناں نوں ہمیشہ دی حیاتی دیہنا آں۔ اُو کدی ہلاک نہ ہون گئیاں، تے کوئی اُوہناں نوں میرے ہتھ توں کھو نئیں سکدا۔ میرا پیو جِنہے اُوہناں نوں میرے سپرد کیتا اے سب توں وڈا اے۔ کوئی اُوہناں نوں میرے پیو دے ہتھ توں کھو نئیں سکدا‘‘ (یوحنا 10: 27۔29)۔

جدوں تُسی نجات پا جاندے اُو، تے تُسی گناہ توں بھرپور دُنیا وِچ واپس جا سکدے اُو، تے اُو تہانوں روکن یا تہانوں یسوع نوں ترک کرن تے مجبور نئیں کر سکن گے۔ مسیح بیٹا، تے خدا باپ، تہانوں تہاڈی حیاتی دے آخر تیکر محفوظ رکھے گا – ’’تے اُو کدی ہلاک نئیں ہون گے، نہ کوئی اُوہناں نوں میرے ہتھ توں کھو لئے گا‘‘ (یوحنا 10: 28)۔

کیوں نہ گدرینیاں نوں چھڈ کے مسیح دے کول آئیے؟ اَج سویرے اُوہدے کول کیوں نئیں آندے؟ اُو تہاڈے گناہواں دا کفارہ ادا کرن دے لئی سولی تے مریا۔ اُو اپنے لہو نال تہاڈے گناہواں نوں دھو دیوے گا۔ اُو تہانوں بچائے گا۔ اُو تہانوں ہمیشہ دے لئی محفوظ رکھے گا! اُو جسمانی طور تے مُردیاں وِچوں جی اُٹھیا اے۔ اُو خدا دے داہنے ہتھ تے، آسمان تے زندہ اے۔ اُو تہانوں بچائے گا، تے اُو تہانوں بچائے گا، کیوں جے

’’اُو اُوہناں دی شفاعت کرن دے لئی ہمیشہ زندہ اے‘‘ (عبرانیوں7: 25)۔

ساڈے کول اِک زندہ نجات دہندہ اے، جیہڑا تہاڈے لئی دعا کرے گا تے تہانوں بچائے گا، تے تہانوں ہمیشہ دے لئی، تے ہمیشہ دے لئی محفوظ رکھے گا۔

تلاوت وِچ اِک ہُور گل وی اے جیہدے تے تہانوں توجہ دینی چائیدی اے،

’’تے ایہدے تے لوکی یسوع دی منت کرن لگے… باہر ٹُر جا … تے اُو بندہ جیہڑا پہلاں بدروحاں دے قبضہ وِچ سی، یسوع دی منت کرن لگے کہ میہنوں وی اپنے نال لے چل‘‘ (مرقس 5: 17۔18)۔

’’اُو‘‘ کھو گئے سن! ’’اُو‘‘ نجات پا گیا سی! اُو الفاظ سانوں وکھاندے نے کہ زیادہ تر لوکی کدی وی نئیں نجات پان گے۔ اکثریت ہمیشہ دے لئی کھو جائے گی۔

واقعی چہ گدرہ دے سینکڑوں لوکاں نے مسیح نوں مسترد کر دِتا تے جہنم وِچ ٹر گئے۔ صرف ایہہ آسیب زدہ بندہ بچ گیا سی۔ اِک شخص نوں بچا لیہیا گیا۔ سینکڑاں دی تعداد وِچ کھوئے ہوئے – ہُن جہنم وِچ نے۔ یسوع نے کہیا،

’’اُو بوہا تنگ تے اُو راستہ سُکڑا ہویا اے جیہڑا حیاتی وَل لے جاندا اے تے اُوہدے پان آلے تھوڑے نے‘‘ (متی 7: 14)۔

ایہہ ٹھیک اے – یسوع نے سانوں دسیا کہ صرف چند لوکی ای مسیح وِچ ایمان لیہیا کے تبدیل ہون گے، تے جنت وِچ جان گے۔ بائبل دے مطابق، دُنیا وِچ لوکاں دی اکثریت جہنم وِچ جائے گی، کیوں جے اُو مسیح نوں رد کردے نے، جیویں کہ گدرہ دے لوکاں نے کیتا سی۔ ایس لئی مسیح نے کہیا،

’’بُلائے ہوئے تے بُہتیرے نے لیکن چُنیدہ گھٹ نے‘‘ (متی 22: 14)۔

سارے گدرینیاں نوں بُلایا گیا سی، لیکن صرف آسیب زدہ بندے نے اُوہدے تے یقین کتیا تے نجات پائی۔

اپنے بارے چہ کی خیال اے؟ بہتیرے نوجوان ایتھے چند وری گرجا گھر آندے نے تے فیر مسیح نوں مسترد کردے نے۔ کی تسی وی اینج کرو گے؟ یا کی تُسی چند چُنیدہ لوکاں وِچوں اِک ہوو گے؟ کی تُسی مسیح دے کول آؤ گے تے اُوہدے ذریعے نجات پاؤ گے؟

میں تہاڈے نال اپنے دفتر وِچ – نجات پا لین دے بارے وِچ چند منٹاں دے لئی گل کرنا چاہنا آں۔ جدوں کہ ساڈے وِچوں باقی لوکی گیت گان گے، میں چاہنا آں کہ تُسی اپنی نشست توں اُٹھو – تےایتھے ایس منبر دے سامنے کھڑے ہو جاؤ۔ جدوں تُسی آ جاؤ گے تے اَسی اپنے دفتر جاواں گے تے تُہاڈی نجات دی گل بات کراں گے۔ تُسی اپنے نشست توں اُٹھ کے آؤ تے جدوں کہ اَسی گیت گاواں گے۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔