جدوں تیکر اُو اُوہنوں لبھ نئیں لیہندا – سی ایچ سپرجیئن توں اخذ کیتا گیا | Until He Find It

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ڈاکٹر ہائیمرز دی غور طلب گل: سی ایچ سپرجیئن دے درج ذیل واعظ تے اِک کتاب وِچ تنقید کیتی گئی سی جِنہوں میں حال ای وِچ پڑھیا سی۔ مصنف ’’آیت نوں سنبھالن توں مایوس‘‘ سی۔ ایہ مصنف چاہندا اے کہ اَسی آیت بہ آیت پیغامات پہچائیے، لیکن میرے خیال وِچ اُو غلط اے۔ میرا یقین اے کہ سپرجیئن دے کلام دے چند الفاظ دے متنی بیانات بالکل ایس ای قسم دے واعظ نے جیہڑے ایس نسل نوں سُنن دی لوڑ اے۔ ایس لئی میں، بغیر معافی دے، سپرجیئن دا واعظ پیش کرنا آں، ’’جدوں تیکر اُو ایہنوں لبھ نئیں لیہندا۔‘‘ ایہ جمعرات دی شام، 28 جون، 1877 وِچ میٹروپولیٹن دی عبادت گاہ دے واعظ گاہ توں مبر 2,821 اے، جلد 49 پاساڈینا، ٹیکساس: پلگرِم اشاعت خانے۔ میں واعظ نوں مختصر کر کے ایہنوں جدید لفظاں وِچ ڈھال دِتا اے، لیکن ہر خیال ’’مبلغین دے شہزادے‘‘ سی ایچ سپرجیئن توں لیا گیا اے۔

اُو کوئی ایرہ غیرہ نئیں سی جیہڑا کھوئی ہوئی پیہیڈھ دے پیچھے گیا سی۔ اُو اُوہی بندی سی جیہدی اُو گمشدہ پیہیڈھ سی۔ مسیح نے کہیا:

’’تہاڈے وِچوں ایہو جیہا کوئی وی نئیں اے جیہدے کول سو پیہیڈھاں ہون تے اُوہناں وِچوں اِک گواچ جائے تے اُو باقی ننانوے پیہیڈھاں نوں بیابان وِچ چھڈ کے اُوس گواچی ہوئی پیہیڈھ نوں تلاش نہ کردا پِھرے جدوں تیکر کہ اُو لبھ نہ جائے؟‘‘ (لوقا 15: 4)۔

اُو آدمی شکاری نئیں سی، جنگلی شکار دی تلاش وِچ سی جیہڑا اُوہدا نئیں سی، تاکہ اُوہنوں پھڑ کے اُوہنوں اپنا بنا لئے۔ نئیں، اُو پیہیڈھاں دا چرواہا سی، جیہڑا پیہیڈھاں دا مالک سی۔ اُو [اُوہدی] تلاش وِچ باہر نکلیا جیہڑا اُوہدا اپنا سی۔ ایہ اُوہناں عظیم رازاں وِچوں اِک اے جیہڑے اچھے چرواہے دی محبت بھری دیکھ بھال دی وضاحت کردا اے جدوں اُو گواچی ہوئی پیہیڈھاں نوں تلاش کردا اے۔ اُو اِک پیہیڈھ دی پرواہ کردا اے جیہڑی اُوہدی اے۔

’’اُو تیرے سن، توں اُوہناں نوں میہنوں دے چھڈیا‘‘ (یوحنا 17: 6)۔

ایس دُنیا دی تخلیق توں بہوتی پہلاں، ماضی دے ابدی زمانیاں وِچ وی، خدا نے اپنے پیارے پُتر نوں اِک ایہو جئی قوم دِتی سی جیہڑی اُوہدے پیو دے تحفے توں اُوہدے سن۔ وقت دی تکمیل وِچ اُوہنے اُوہناں نوں نجات دلائی، تے ایویں اُو اُوہدے دوگنے بن گئے۔ فیر وی اُو، ازل توں، منصوبے تے مقصد وِچ، اُوہدے سن۔ اُو اُوہدے ای سن جدوں اُو اُوہدے توں بھٹک گئے، تے جدوں اُو اُوہدے توں دور تے دور بھٹک گئے۔ اُو جیتھے وی گئے ہمیشہ اُوہدے ای سن۔ ایس سچائی دا اِظہار حمدوثنا دے ایس بھجن دے مصنف نے کیتا اے جیہڑا مسٹر گریفتھ نے ایس واعظ توں پہلاں گایا سی،

’’خداوندا، تیرے ایتھے ننانوے نے، کی اُو تیرے لئی کافی نئیں نے؟‘
لیکن چرواہے نے جواب دِتا، ’میرا ایہ میرے توں دور ہو گیا اے؛
تے اگرچہ راہ کچی تے ڈھلوان اے، میں اپنی پیہیڈھاں نوں لبھہن صحرا وِچ جانا آں۔‘
(’’اُو ننانوے The Ninety and Ninve‘‘ شاعر الزبتھ سی کلیفین Elizabeth C. Clephane؛ موسیقی از ایرا سانکیIra Sankey، 1840۔1908)۔

اُو آوارہ پیہیڈھ کسی ہُور دی نئیں بلکہ اُوس خاص چرواہے دی سی۔ جے کوئی ہُور بندہ اُوہنوں اپنی پیہیڈھاں دے اِیجڑ [ریوڑ] وِچ لے لیہندا تے اُوہنوں اینج کرن دا حق نئیں ہوندا۔ جے کوئی ہُور پیہیڈھ نوں پھڑ کے ماردا تے کھا جاندا تے اُو چور ہوندا کیوں جے ایہ اُوہدی پیہیڈھ نئیں سی۔ ایہ اُوس بندے دی سی جیہدے کول باقی ننانوے پیہیڈھاں سن۔ تے ایہ ایس لئی سی کہ اُو اُوہدی سی جیہڈے پِیچھے اُو ٹُر گیا۔ اُو دوجے بندے دی پیہیڈھاں دے پیچھے نئیں گیا۔ اُوہنے اُوس پیہیڈھ نوں تلاش کیتا کیوں جے اُو اُوہدی سی۔ اُو اُوہدا مالک سی۔

مسیح دے زمین تے آن دا بنیادی مقصد اُوہدے اپنیاں نوں لبھہنا تے نجات دلانا سی، جِنہوں اُوہدے باپ نے دِتا اے – تاں جے کوئی وی گمراہ یا گواچیا ہویا نہ ہووے۔

ہُن اَسی ایہناں چار لفظاں تے غور کراں گے، ’’جدوں تیکر اُو ایہنوں لبھ نئیں لیہندا۔‘‘ اَسی پہلاں ایس ’’جدوں تیکر‘‘ دے تاریک پہلو تے غور کراں گے تے فیر ایہدے روشن پہلو تے نیڑے تیکر پہنچاں گے۔

I۔ پہلی گل، ایس ’’جدوں تیکر‘‘ دے تاریک پہلو تے غور کریے۔

میں ایس سوال دا جواب دیاں گے کہ جدوں تیکر چرواہے نوں اُو لبھ نئیں جاندی پیہیڈھ کیتھے اے؟ تلاوت وِچ لفظ ’’اُو‘‘ تے غور کرو: ’’جدوں تیکر اُو اُوہنوں لبھ نئیں لیہندا۔‘‘ ایہ مسیح اے جیہڑا گواچی ہوئی پیہیڈھاں نوں لبھدا اے۔ حقیقی نجات مسیح دے تہانوں لبھہن نال حاصل ہوندی اے۔ گواچے ہوئے لوکی ساڈے چاروں پاسے نے۔ اَسی اُوہناں نوں خوشخبری سُنن دے لئی گرجا گھر وِچ لیہیا سکنے آں، لیکن ایہ اُوہناں دے لئی زیادہ بھلا نئیں کرے گی جدوں تیکر کہ مسیح اُوہناں نوں لبھ نہ لئے۔ اَسی ایہناں نوں لبھ سکنے آں۔ اَسی اُوہناں دے مگر [پیچے] جا سکنے آں تے اُوہناں نوں گرجا گھر لیہیا سکنے آں۔ لیکن جدوں تیکر مسیح ایہناں نوں لبھ نئیں لیہندا اُو نجات نئیں پان گے۔ سپرجیئن سانوں مسیح وِچ ایمان لیہیا کے تبدیل ہون آلے اِک چینی بندے دے بارے وِچ دسدا اے، جیہڑا کافی ویلے پہلاں، سان فرانسسکو وِچ، ’’بپتسمہ پان تے رُکنیت دے لئی درخواست دے رہیا سی … تے اُوہنوں پُچھیا گیا، ’تُسی یسوع نے کیویں لبھ لیہیا؟‘ [اُوہنے] جواب دِتا، ’میں یسوع نوں نیئں لبھہیا۔ اُوہنے میہنوں لبھ لیہیا اے۔‘‘ یہ شامل کرنا تقریباً غیر ضروری اے کہ ایہو جئی گواہی تے ایہنوں قبول کیتا گیا سی۔ [ڈاکٹر ہائیمرز دی غور طلب گل: ایہ ظاہر کردی اے کہ ساڈے گرجا گھراں وِچ بپتسمہ نوں ایہنا ہلکہ نئیں سمجھا جاندا سی جیہنا اَج کل ہوندا اے۔ لوکاں نوں بپتسمہ دے لئی درخواست دیہنا پیہندی سی تے ایہناں شہادتاں دی جانچ پڑتال کرنی پیہندی سی، ایس گل دا یقین کرن دے لئی کہ اُو مسیح وِچ ایمان لیہیا کے تبدیل ہوئے سن۔ 20ویں صدی توں پہلاں لوکاں نوں بپتسمہ لین آلے اُمیدواراں دے طور تے کیویں جانچیا جاندا سی ایہدا جائزہ لین دے لئی، بنیاد پرست بپتسمہ دین آلی عبادت گاہ وَلوں ڈاکٹر ہائیمرز تے ڈاکٹر کیگن دی تحریر کردہ کتاب مرن آلی قوم دے لئی تبلیغPreaching to a Dying Nation، 1999 ایڈیشن دا صفحہ 201-203 ویکھو۔ لوکاں نوں فوری طور تے بپتسمہ دین دا جدید طریقہ یعقوب توں پہلاں دُنیا دے کسی وی بپتسمہ دین آلے گرجا گھر وِچ ’’سامنے آن‘‘ دے بارے وِچ نئیں سُنیا گیا سی۔ فنی Finney دے پیروکار نیپ Knap نے پہلی وری 1830 دی دہائی وِچ بپتسمہ دین آلیاں دے لئی ایس عمل نون متعارف کرایا۔ سپرجیئن، تے سارے پرانے بپتسمہ دین آلے مبلغین نے، ہر فرد دی ذاتی گواہی نوں کلیسیا دے سامنے رُکنیت دے لئی ممکنہ اُمیدواراں دے طور تے پیش کرن توں پہلاں بغور جائزہ لیہیا]۔

جدوں تیکر مسیح اُوہناں نوں لبھ نئیں لیہندا تے اُوہناں نوں بچا نئیں لیہندا اُوس ویلے تیکر کیتھے نے اُو کھوئے ہوئے گنہگار؟ ٹھیک اے، سب توں پہلاں، اُو اِک لاپرواہ حالت وِچ نے۔ اُوہناں دا موازنہ پیہیڈھاں نال کیتا جاندا اے جزوی طور تے اُوہناں دی حماقت دی وجہ توں، تے کُجھ ایس لئی کہ اُو بھٹکن دے قابل نے۔

چرواہا اَکھاں کھول کے پیہیڈھ دی تلاش وِچ اے۔ لیکن لیکن پیہیڈھ لاپرواہی نال ایتھے اُوتھے گھا کھا رئی اے، صرف حال دے بارے چہ سوچ رئی اے، مستقبل دے بارے چہ سوچے بغیر اپنے آپ نوں ایہنا خوش کر رئی اے۔ زمین تے موجود لوکاں دی وڈی جماعت دا ایہو ای حال اے۔ جدوں تیکر مسیح اُوہناں نوں لبھ نئیں لیہندا، اُو بے فکر، لاپرواہ، ابدی شیواں دے بارے وِچ لاتعلق رہندے نے۔

اُو ابدی شیواں دے بارے وِچ سوچن توں انکار کردے نے۔ ’’اَسی کی کھائیے؟ اَسی کی پیئیے؟ اَسی کیہڑے کپڑے پائیے؟‘‘ ایہ صرف اُو ای شیواں نے جیہڑیاں اُوہناں دی دلچسپی رکھدیاں نے۔ اُوہناں دی بنیادی فکر ’’وقت نوں ضائع کرنا‘‘ ہوندی اے – حالانکہ اُوہناں دے کول کھون دے لئی ویلہ نئیں اے! جیویں اِک پیہیڈھ [وانگوں]، اِک بدنام زمانہ سُست سوچ رکھن آلا اے، اینج اِک غیرتبدیل شُدہ گنہگار وی اے۔ اِک بندہ اِک بیوقوف پیہیڈھ وانگوں چلدا رئے گا جدوں تیکر کہ نجات دہندہ تلاش نہ کرلئے۔

ایہدے توں ودھ کے، جدوں تیکر اِک پیہیڈھ اُوہدے مالک نوں لبھ نئیں جاندی، اُو دور دور بھٹکدی جائے گی – جیویں گنہگار اِک گناہ توں دوجے گناہ وَل جاندے نے، تے خدا توں دور دور بھٹکدے رہندے نے۔ گنہگار گناہ وِچ گہرا توں گہرا دھنسدے جاندے نے۔ آوارہ پیہیڈھاں دور توں دور بھٹکدی رہندیاں نے۔ ایہ خود توں پیہیڈھاں دے ریوڑ وِچ واپس نئیں آئے گی۔ ایہ اُودھوں تیکر بھٹکدی رئے گی جدوں تیکر کہ چرواہا ایہنوں لبھ کے گھر نئیں لے آندا۔

اِک آوارہ پیہیڈھ خوفناک حالت وِچ اے۔ اُو سوچدی اے کہ آوارہ گردی نال خوش ہو جائے گی، لیکن اینج نئیں اے۔ پیہیڈھ نوں اَنّے وائی پِھرن دے لئی نئیں بنایا گیا اے۔ ایہ اپنی دیکھ بھال کرن دے قابل نئیں اے، جیویں کہ جنگلی تے غیر گھریلو جانور کردے نے۔ بغیر نگرانی دے پھردی ہوئی پیہیڈھ خوش نئیں ہو سکدی – تے مسیح دے بغیر انسان وی واقعی خوش نئیں ہو سکدا۔ تہاڈا ذہن حیاتی دے بارے وِچ شکوک و شبہات توں بھریا ہویا اے۔ تُسی اکثر مستقبل توں ڈردے اُو۔ جدوں تہاڈی موت دا ویلہ آئے گا تے تہانوں کوئی اُمید نئیں ہووے گی جے تہاڈے کول مسیح نئیں اے۔

مسیح دے بغیر، کھو جانا، ہُنے تہاڈے لئی اہم نئیں لگدا۔ تُسی سوطچ سکدے اُو، ’’میں چرواہے نال تعلق نئیں رکھنا چاہندی۔ میں جاننا آں کہ مسیح میری پرواہ کردا اے، تے ایہ کہ اُو میہنوں لبھ رہیا اے، لیکن میہنوں پرواہ نئیں اے۔‘‘ لیکن جے تُسی سمجھدے اُو کہ مسیح کیویں محسوس کردا اے، جے تُسی واقعی جانندے اُو کہ اُو تہاڈی کیہنی پرواہ کردا اے، تے تُسی اپنی جان دی پرواہ کرنا شروع کر دیو گے۔ ایہ کیہن دے قابل ہونا کیہنا شاندار اے، ’’خداوند میرا چوپان اے میہنوں کُجھ کمی نئیں ہووے گی‘‘ (زبور 23: 1)۔ یسوع نال تعلق رکھنا کیہنی وڈی نعمت اے! ایہ کیہن دے قابل ہونا کیہنا شاندار اے، ’’میرا محبوب میرا اے، تے میں اُوہدا آں‘‘ (غزل و الغزلات 2: 16)۔ یسوع دا ہونا، اُوہدے ریوڑ دی پیہیڈھاں وِچوں اِک ہونا، ایہ جاننا کہ اُو تہاڈا چرواہا اے، تے اُوہدی پیروی کرنا، خود جنت دی خوشی دا آغاز اے! کا تُساں ساریوں نوں ایس خوشی دا علم ہوندا! فیر تہاڈے وِچوں کُجھ گواچ گئے نے۔ تُسی مسیح نوں نئیں جانندے۔ تے ایہ مسیح نوں بہوتا غمگین کردا اے۔ اُوہنے پیہیڈھاں گن لیئیاں نے، لیکن اِک گواچ گئی اے۔ اُو تُسی اُو۔

اِک ہُور افسوسناک گل اے۔ پیہیڈھ مسلسل خطرے وِچ سی۔ اُوہدی حفاظت دے لئی چرواہا نئیں سی۔ اُوہنوں بُھک، پیاس تے بیماری دا خطرہ سی۔ اُوہنوں جنگلی کتیاں تے بھیڑیاں توں مسلسل خطرہ سی۔ ایہ دیکھ بھال دی کمی نال مر سکدی اے۔ آخرکار ایہ واقعی مر جائے گی، تے ایہدے جسم نوں کھا جان آلی ناپاک مخلوق دے ذریعے پھاڑ دِتا جائے گا۔ اینج ای، اِک کھویا ہویا گنہگار ہمیشہ وڈے خطرے وِچ ہوندا اے: ایس توں وی بدتر گناہ دے خطرے وِچ، موت دے خطرے وِچ، ابلیس دے خطرے وِچ، ’’خداوند دی موجودی توں ہمیشہ دی تباہی‘‘ دے خطرے وِچ (II تسالونیکیوں 1: 9)۔ اوہ، ایس خوفناک خطرے دے بارے وِچ سوچو جیس وِچ تُسی اُو، کیوں جے تُسی کدی وی مسیح وِچ ایمان لیہیا کے تبدیل نئیں ہوئے! تہانوں جہنم وِچ جان دا خطرہ اے، ’’جیتھے ایہناں دا کیڑا نئیں مردا، تے اَگ نئیں بُجھدی اے‘‘ (مرقس 9: 44)۔ گواچی ہوئی پیہیڈھ دی حالت بہوتی افسوسناک اے۔ تے جے تُسی اِک غیر تبدیل شُدہ گنہگار اُو، تے سانوں وی تہاڈے تے رحم کرنا چائیدا اے جدوں تیکر کہ نجات دہندہ تہانوں تلاش نہ کر لئے۔ تُسی بہوتی ای افسوسناک حالت وِچ اُو – گواچی ہوئی پیہیڈھ وانگوں۔

تے ہُن میں اِک دوجے سوال وَچ متوجہ آں – جدوں تیکر اُو گواچی ہوئی پیہیڈھ نوں تلاش نہ کر لئے چرواہا کیتھے اے؟ بھائیو تے بہنو، تُسی جانندے اُو کہ اُو کیتھے اے! اُو اپنی گواچی ہوئی پیہیڈھ نوں تلاش کر رہیا اے – تے اُو اُوہنوں لبھدا رئے گا جدوں تیکر کہ اُو اُوہنوں لبھ نئیں لیہندا۔

غور کرو کہ کیویں مسیح، جیہڑا اچھا چرواہا اے، تلاش کردا رہندا اے، ’’جدوں تیکر کہ اُوہنوں [اُو] لبھ نہ جائے۔‘‘ اُو گواچی ہوئی پیہیڈھ دا پِیچھا کردا اے جدوں تیکر کہ اُو اُوہنوں لبھ نئیں لیہندا! اچھا چرواہا تہاڈے پیچھے جائے گا جدوں تیکر کہ اُو تہانوں لبھ نہ لئے۔ بار بار مسیح اپنے بندیاں نوں پیہجدا کہ تہانوں آن دی تے خوشخبری سُنن دی دعوت دیہن۔ مسیح وگرا ثابت قدم کوئی نئیں اے۔ اُو اپنی گواچی ہوئی پیہیڈھاں دی تلاش وِچ اُوس ویلے تیکر جاری رئے گا جدوں تیکر کہ اُو اُوہنوں لبھ نہ جائے۔ کُجھ نرمی تے مہربانی نال جیت جاندے نے، تے کجھ دہشت تے تکلیف نال۔ لیکن کسی نہ کسی طریقے نال، یسوع گواچی ہوئی پیہیڈھاں نوں تلاش کردا اے جدوں تیکر کہ اُو اُوہناں نوں تلاش نہ کر لئے – تے اُو اُوس ویلے تیکر تلاش کرنا نئیں چھڈے گا جدوں تیکر کہ اُوہدی آوارہ پیہیڈھاں وِچوں آخیرلی پیہیڈھ تیکر نوں وی [ریوڑ] وِچ واپس نئیں لے آندا۔

اچھا چرواہا کیتھے اے جدوں تیکر کہ اُوہنوں پیہیڈھاں نہ لبھ جان؟ کیوں، اُو بے اطمینانی دی حالت وِچ اے۔ اُوہدا دِل پریشان اے۔ تُسی کہہ سکدے اُو، ’’یسوع، توں اپنے آسمانی باپ دے گھر کیوں نئیں گیا، جدوں اُوہناں نے پہلی وری تیہنوں سنگسار کرن دی کوشش کیتی؟‘‘ اُو جواب دے گا کہ اُو ایس ویلے تیکر جنت دی شان وِچ واپس نئیں جا سکدا جدوں تیکر کہ اُو اپنی پیہیڈھاں نوں بچان دے لئی سولی تے نہ ٹر جائے۔ تے ہُن وی اُوہنوں گنہگاراں دی تلاش جاری رکھنی چائیدی اے جدوں تیکر کہ اُو اُوہناں نوں تلاش نہ کر لئے۔ سچے مسیحی، مسیح وانگوں خیالات رکھدے نے۔ اُو ویکھنا چاہندے نے کہ کی تُسی بچ جاندے اُو۔ ایہ حقیقت کہ تُسی ہُنے تیکر کھوئے ہوئے اُو اُوہناں نوں مایوسی نال بھر دیہندی اے، تے اِک گنہگار دی نجات ایہناں دے دِلاں نوں وڈی خوشی نال مسرور کردی اے۔

II۔ دوجی گل، میہنوں اُوس لفظ ’’جدوں تیکر‘‘ دے روشن پہلو وَل مُنہ موڑ لیہنا چائیدا اے۔

’’جدوں تیکر اُو اُوہنوں لبھ نئیں لیہندا۔‘‘ چرواہا کیتھے اے جدوں اُوہنوں اپنی پیہیڈھاں لبھدیاں نے؟ میہنوں چنگی طرح یاد اے کہ اُو کیتھے سی جدوں اُوہنے میہنوں لبھہیا۔ پہلی نظر جیہڑی میں اُوہدے تے پائی سی اُو بہوتی ای چمکیلی سی۔ فیر اُو کیتھے سی؟ اُو صرف اُوتھے سی جیتھے میں سی! مسیح اُوتھے سی جیتھے میہنوں اپنے گناہ دی وجہ توں ہونا چائیدا سی۔ اُو میرے لئی کیہو جیہا نظارہ سی – مسیح سولی تے دُکھ اُٹھا رہیا سی – میری تھاں! میں کئی وریاں توں اُوہدے بارے چہ منادی کیتی اے، فیر وی ایہ ہمیشہ میہنوں حیرت نال بھر دیہندا اے، بالکل اینج ای جدوں میں نجات پائی۔ جے تُسی مسیح تے اِک سچی نظر پانا چاہندے اُو، تے اُوہنوں دُکھ وِچ، مردے ہوئے، خدا وَلوں ترک کیتے جاندے ہوئے، تے اذیت نال بھرے ہوئے ویکھو کیوں جے تہاڈے گناہ اُوہدے تے، سولی تے لاد دِتے گئے نے!

ٹھیک اے میہنوں یاد اے جدوں میں یسوع نوں محبت وِچ میہنوں نیچے وَل کھڑے ویکھ کے ویکھیا سی۔ میں شاید ای یقین کر سکدا سی کہ اُو میہنوں بہوتا پیار کردا اے! ایہ میرے لئی تقریباً ناقابلِ یقین لگ رہیا سی۔ اُو میرے چہ کی ویکھ سکدا سی جیس دی وجہ توں اُو میرے نال ایہنا پیار کردا سی؟ میہنوں نئیں لگدا سی کہ میں ایہناں ساریاں پریشانیاں دے قابل آں جِنہاں توں اُو میہنوں لبھہن وِچ لنگہیا سی۔ فطرت تے عمل نال، اَسی گناہ نال بھرے ہوئے آں، فیر وی یسوع نے ساڈے نال محبت کیتی۔ تے جیویں اِک چرواہا گواچی ہوئی پیہیڈھ دے مِلن تے خوش ہوندا اے، اینج ای یسوع نے ساڈے تے خوشی منائی جدوں اُوہنے سانوں لبھ لیہیا!

آسمان دے پھاٹک توں پکار اُٹھی، ’خوش ہوو! میہنوں اپنی پیہیڈھ لبھ گئی اے!

تے فرشتے تخت دے اِردگرد گونچ رئے سن، ’خوشی مناؤ، کیوں جے خداوند اپنیاں نوں واپس لیہیاندا اے۔‘

جدوں مسیح تہانوں لبھ لیہندا اے، تے اُو تہانوں اپنے مُوڈھیاں تے چُک لیہندا اے – تہاڈے سارے گناہ، تے تہاڈے سارے دُکھ اُوہدے تے لاد دِتے جاندے نے۔ اَس بجا طور تے گانے آں،

لیکن میرا خیال اے سانوں ایہ وی گانا چائیدا اے،

جو کُجھ میں آں، تے جو کُجھ میرے کول اے، میں یسوع تے لادنا آں۔ تہاڈے ہیٹاں مسیح تہانوں چُکے رکھے گا – تہاڈے گناہ دا وزن، تہاڈے دُکھ دا وزن، تے تہاڈے شکوک و شبہات تے پریشانیاں – سب اُوہدے تے لدے نے – تے اُو تہانوں مکمل نجات تیکر لے جائے گا۔ خود نوں یسوع وِچ قائم رکھو، تے اُو تہانوں آسمان تیکر لے جائے گا۔

جدوں اُو تہانوں لبھ لیہندا اے، تے تُسی اُوہدی حفاظت تے دیکھ بھال وِچ اُو۔ جیہڑی پیہیڈھ لبھ لی جاندی اے اُو اچھے چرواہے دی گرفت وِچ بالکل محفوظ اے۔ ایہ چاہ کے وی دور نئیں رہ سکدی سی۔ جے ایہ آزاد ہون دے لئی جدوجہد کردی اے، تے اُو ایہنوں بہوتی مضبوطی نال پھر لئے گا۔ تے، پیارے، ایہ ساڈے وِچوں اُوہناں لوکاں دے نال اے جیہڑے بچ گئے نے۔ جدوں مسیح نے سانوں اپنے موڈھیاں تے چُکیا، اُوہنے سانوں مضبوطی نال تھام لیہیا، تے اُو سانوں جان نئیں دے گا! تے، تُسی ویکھدے اُو کہ ایہناں چار لفظاں وِچ بہوتا کُجھ اے، ’’جدوں تیکر اُو اُوہنوں لبھ نئیں لیہندا۔‘‘

تہاڈی حالت ہُن کی اے؟ کی تُسی ہُنے وی کھوئے ہوئے اُوْ اَسی کیہنے خوش آں کہ مسیح ہُنے تیکر تہانوں لبھ رہیا اے! اوہ، کہ تُسی، اَج راتی، اُوہدے فضل نال، اُوہدے چھیدے ہوئے ہتھاں وِچ پھڑے جاؤ، تے اُوہدے لازوال موڈھیاں وِچ لِٹا دِتے جاؤ، تے اینج ای آسمانی اجتماع وِچ لے جایا جائے! خداوند ایہنوں عطا فرمائے! ایہ اُوہی اے جیہدی تہانوں لوڑ اے، تے جیہڑا تہاڈے کول ہونا چائیدا اے، جے تُسی واقعی نجات حاصل کرنا چاہندے اُو۔ مسیح نے تہانوں بچانا اے! اکیلا مسیح ای تہانوں گڑھے وِچوں جان توں بچا سکدا اے۔ اُو چھیتی اے تہانوں تلاش کر لئے تے تہانوں بچا لئے، تے تہانوں اپنے موڈھیاں تے جنت وِچ گھر لے جائے!

میں اپنے دفتر وِچ تہاڈے نال گل کرنا چاہواں گا کہ مسیح تہانوں کینج نجات دِلا سکدا اے۔ جدوں اَسی گانے دے ورق توں آخیرلا گیت گا رئے ہون، بس اپنی تھاں چھڈو تے ایتھے آ کے منبر دے سامنے کِھلو جاؤ۔ تُسی آؤ، جدوں اَسی گانے آں۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔