ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

لوکی یسوع مسیح تے ایمان لیہیا کے نجات پاندے نے۔ ایہہ بائبل وِچ دِتی گئی واحد لوڑ اے۔ پولوس رسول نے ایس سوال دا جواب ایہہ کہہ کے دِتا، ’’میہنوں نجات پان دے لئی کی کرنا چائیدا اے؟‘‘

’’خداوند یسوع مسیح تے ایمان لیہیا تے توں نجات پائے گا‘‘ (اعمال 16: 31)۔

لیکن گنہگاراں نوں نجات پان دے لئی خوشخبری سُننی چائیدی اے۔ مقامی نئے عہدنامے دی کلیسیا نوں خوشخبری دا اعلان کرن دے لئی بُلایا جاندا اے، تے گنہگاراں نوں جدوں گرجا گھر لیہیا جاندا اے تے اُوہناں نوں منادی کیتی گئی خوشخبری سُنن دی لوڑ ہوندی اے۔ فیر اُوہناں نوں پادری صاحب وَلوں مشاورت کرن دے لوڑ اے تاکہ اُو یسوع تے یقین کرن، بجائے ایس دے کہ اُو یسوع تے یقین کرن دے علاوہ کُج ہُور کرن۔ فیر اُوہناں نوں مقامی گرجا گھر وِچ بپتسمہ دینا اے تے وفاداری نال اُوہدی حمایت کرنا سکھایا جاندا اے۔ گرجا گھر دی حاضری نے کدی کسی نوں نئیں بچایا۔ میں ایہنوں بار بار کہنا آں، کیوں جے میں ایہدے تے یقین رکھنا آں۔ یسوع اکیلا ایہناں لوکاں نوں بچاندا اے جیہڑے اُوہدے تے ایمان رکھدے نے۔ جدوں اُو یسوع تے ایمان لیہیاندے نے تو اُو فوراً نجات پا جاندے نے۔

لیکن گنہگار یسوع تے یقین نئیں کرن گے بغیر ایس یقین دے کہ اُو کھو چکے نے۔ روح القدس نوں اُوہناں نوں گناہ دا مجرم ٹھہرانا چائیدا اے ورنہ اُو توبہ نئیں کرن گے تے یسوع وَل رجوع نئیں کرن گے۔ یقین دا اندرونی ہنگامہ گنہگار نوں اُوتھے لے جاندا اے جیتھے اُو یسوع وِچ پورے دِل نال یقین کرے گا۔ سزایابی ضروری نئیں کہ اِک طویل، تیار شُدہ عمل ہووے۔ کدی کدی اینج ہوندا اے، لیکن کئی وری اینج نئیں ہوندا اے۔ ایہہ اِک تیز تے فوری سزایابی ہو سکدی اے۔ اُو چور جیہڑا یسوع دے نال سولی تے بچایا گیا سی سزا دے بہوتے گھٹ ویلے توں لنگہیا سی۔ اُوہنے دوجے چور نوں کہیا۔

’’کی تیہنوں خدا دا خوف نئیں اے حالانکہ توں خود وی اُوہی سزا پا رہیا اے؟ اَسی تے اپنے جرماں دی سزا پا رئے آں تے ساڈا قتل کیتا جانا واجب اے لیکن ایہنے کوئی غلط کام نئیں کیتا اے‘‘ (لوقا 23: 40۔41)۔

صحیفے دا ایہہ حوالہ ظاہر کردا اے کہ اُوہنوں سزایابی ہو چکی سی، لیکن ایہہ صرف چند لمحیاں تیکر جاری رہیا ایس توں پہلاں کہ اُو یسوع تے ایمان لیہیائے تے نجات پائے۔ اُوہنے کیہیا،

’’خداوند، جدوں توں اپنی بادشاہی وِچ آئے تے میہنوں وی یاد رکھیں‘‘ (لوقا 23: 42)۔

یسوع نے اُونوں کیہیا،

’’تُوں اَج ای میرے نال فردوس وِچ ہووے گا‘‘ (لوقا 23: 43)۔

لہٰذا، ایس آدمی نوں چند لمحیاں دی سزایابی ہوئی سی تے فیر اُو فوراً ای یسوع تے ایمان لیہایا، تے ایہنوں اینج کیہیا، ’’خداوند‘‘۔ اُو اپنے دِل وِچ یسوع تے ایمان لیہایا، تے فیر ایویں کہیا، ’’کیوں جے انسان دِل نال ایمان لیہیا کے راستباز ٹھہرایا جاندا اے تے زبان نال اِقرار کر کے نجات پاندا اے۔ چنانچہ پاک کلام ایہہ کہندا اے کہ جیہڑا کوئی اُوہدے تے ایمان لیہیائے گا اُو کدی وی شرمندہ نئیں ہووے گا‘‘ (رومیوں 10: 10-11)۔

ایویں، بُہتیرے لوکی سزایابی دے بہوتے ای گھٹ ویلے توں لنگہدے نے تے فیر اپنے دِلاں وِچ یسوع تے ایمان لیہیاندے نے۔ اُو بغیر کسی طویل عمل دے فوری طور تے نجات پا جاندے نے۔ میری بیوی نوں بچایا گیا جدوں اُوہنے پہلی وری خوشخبری سُنی۔ اُوہنوں اِک دوست دے ذریعے گرجا گھر لیہیا گیا سی۔ اُوہنے میہنوں یوحنا 3: 16 تے اِک سادہ واعظ دی تبلیغ کردے ہوئے سُنیا۔ اُو یسوع تے یقین رکھدی سی تے موقع تے ای نجات پا گئی سی، جدوں اُوہنے پہلی وری خوشخبری سُنی سی۔ میری بیوی واقعی چہ اِک شاندار مسیحی عورت اے۔ اُوہدی تبدیلی ایس گل دی وضاحت کردی اے جیہڑی میں دھویں وِچ آسیبDemons in the Smoke، دے صفحہ 50 تے کہی سی (1) اُو گرجا گھر آئی تے خوشخبری سُنی (2) اُوہنوں گناہ دی سزا ملی (3) اُوہنے رحم دے لئی اپنے آپ نوں یسوع دے حوالے کر دِتا۔ ’’ایہہ سب کُج ویلے دی چند لمحیاں وِچ ہو سکدا اے‘‘ (ibid. ، صفحہ 51)۔

ساڈے اِک مناد پہلی وری خوشخبری سُنندے ای نجات پا گئے سن۔ ساڈے اِک ہُور منادی نے نجات پائی جدوں اُوہناں نے پہلی وری خوشخبری سُنی۔ ساڈے مُناد، ڈٓاکٹر کیگن، صرف اِک یا دو وری خوشخبری سُنن دے بعد دہریت توں نجات پا گئے سن۔ جی ہاں، میں فوری تبدیلی تے یقین رکھنا آں، جیویں کہ چور دی [مسیح تے ایمان لیہیان دی]، فلپی دے نگران، میری بیوی، تے ساڈے تینوں مناداں دی [مسیح تے ایمان لیہیان دی] تبدیلی۔

لیکن دیگر تبدیلیاں وِچ بہوتا ویلہ لگدا اے۔ میں آپئے یسوع تے ایمان لیہیان توں پہلاں ست وریاں تیکر انجیل دی منادی کرن آلے گرجا گھر وِچ شرکت کیتی۔ میں سزایابی دے اِک طویل دور توں لنگہیا، جیویں کہ جان بنیعان، جان ویزلی، تے چارلس سپرجین نے کیتا سی۔ بعض اوقات گنہگاراں نوں درحقیقت اندرونی انتشار دے دور توں لنگہنا پیہندا اے، جیہڑا دوجیاں دے مقابلے وِچ بہوتی دیر تیکر رہندا اے، ایس توں پہلاں کہ اُو واقعی یسوع مسیح دی لوڑ نوں اپنے بچاؤ دے لئی ویکھن۔

نبوکدنضر تے مناسے Manasseh سزایابی دے طویل تجربے توں لنگہے سن۔ نیکدیمس نے اک راتی کئی گھنٹیاں تیکر سزایابی دے تحت جدوجہد کیتی، جدوں اُو یسوع دے نال گل کر رہیا سی۔ یوحنا دے کُج شاگرداں نے طویل عرصے تیکر روح القدس حاصل کیتے بغیر جدوجہد کیتی۔ ساڈے گرجا گھر وِچ اِک عورت سترہ وریاں دے شک و شبہات توں لنگہی ایس توں پہلاں کہ اُو آخر کار یسوع تے سادہ، بچیاں وگرے ایمان دے نال ایمان لیہیائی۔

ساڈی کتاب ورلڈ ٹریڈ سنٹر دے دھویں وِچ آسیب Demons in the Smoke of the World Trade Center، دے صفحہ 51 تے میں کہیا:

جدوں تُسی اپنے ایمان دا پورا وزن یسوع مسیح، خدا دے پُتر تے سُٹ دیہندے اُو، تے اُو تہاڈے گناہواں نوں معاف کر دیوے گا تے تسی [یسوع مسیح وِچ ایمان لیہیا کے] تبدیل ہو جاؤ گے – اُوہدے ذریعے توں۔ ایہہ سب کُج ویلے دے چند منٹاں وِچ ہو سکدا اے جے تُسی اپنے آپ نوں خدا دے پُتر دے حوالے کر دیہندے اُو! (ورلڈ ٹریڈ سنٹر دے دھویں وِچ آسیب Demons in the Smoke of the World Trade Center، ہرتھ اسٹونHearthstone، 2003، صفحہ 51)۔

ایس کتاب دے صفحہ 50 تے میں ایس نکتے دی تائید دے لئی جوزف ہارٹ دے حمدوثنا دے مشہور گیت دا حوالہ دیہنا آں:

جیس لمحے اِک گنہگار یقین کردا اے،
   تے اپنے مصلوب خدا وِچ پروہسا کردا اے،
اُوہدی معافی اِک دم اُو قبول کردا اے،
   اُوہدے لہو وِچ نجات مکمل ہوندی اے!
(’’جیس لمحے اِک گنہگار یقین کردا اےThe Moment a Sinner Believes‘‘ شاعر جوزف ہارٹ Joseph Hart، 1712۔1768)۔

’’خداوند یسوع مسیح تے ایمان لیہیا تے توں نجات پائے گا‘‘ (اعمال 16: 31)۔

ہارٹ نے بس ایہو ای گل اپنے حمدوثنا دے گیت دے لفظاں وِچ لکھی،

جیس لمحے اِک گنہگار یقین کردا اے،
   تے اپنے مصلوب خدا وِچ پروہسا کردا اے،
اُوہدی معافی اِک دم اُو قبول کردا اے،
   اُوہدے لہو وِچ نجات مکمل ہوندی اے!

کی ایہہ بہتر کہیا جا سکدا سی۔ یا واضح؟ میہنوں ایہدے تے شک اے۔

میں اِک پرانے زمانے دے بپتسمہ دین آلے دے لئی کافی آں کہ مقامی نئے عہدنامے دے گرجا گھر دی اولیت تے یقین کر سکاں۔ دورِ حاضرہ دے کُج بپتسمہ دین آلے چرچ نوں گھٹ عزت دیہندے نے تے کہندے نے کہ ایہہ غیر اہم اے۔ اُو اپنے چرچ دے نشانات تے ’’بپتشمہ دین آلا‘‘ دا ناں وی نئیں چاہندے نے۔ میں اِختلاف کرنا آں۔ میں سمجھنا آں کہ سانوں ’’شاہراہواں تے باڑاں وِچ جان دی لوڑ اے، تے اُوہناں نوں اندر آن تے مجبور کرنا چائیدا اے، تاکہ میرا گھر بھر جائے‘‘ (لوقا 14: 23)۔ میرے خیال وِچ ایہناں لوکاں نوں نجات دلان دے لئی ساڈے اپنے گرجا گھراں وِچ پرانے زمانے دے خوشخبری دے واعظاں دی تبلیغ کرن دی لوڑ اے۔ پولوس نے کرنتھیوں دی کلیسیا نوں کیہیا،

’’کیوں جے میں فیصلہ کیتا ہویا سی کہ جدوں تیکر تہاڈے وِچکار رہواں گا مسیح یعنی مسیح مصلوب دی منادی دے سوا کسی ہُور گل تے زور نہ دیاں گا‘‘ (1 کرنتھیوں 2: 2)۔

’’ہلاک ہون آلیاں دے لئی سولی دا پیغام تے بیوقوفی اے لیکن اَسی نجات پان آلیاں دے لئی خدا دی قدرت اے‘‘ (1 کرنتھیوں 1: 18)۔

اَسی کئی وریاں توں صبح تے شام دوویں عبادتاں وِچ مصلوب مسیح دی تبلیغ کر کے لاس اینجلز دے بدکار، بے دین شہر دے دِل وِچ اِک شاندار گرجا گھر بنایا اے۔ کی میہنوں بہوتی زیادہ خوشخبری دی تبلیغ کرن دے لئی قصور وار ٹھہرایا جائے گا؟ کی میہنوں ایس گل نوں یقینی بنان دے لئی مجرم قرار دِتا جائے گا کہ لوکی سمجھدے نے کہ نجات صرف گناہ توں یسوع وَل مُنہ موڑن نال آندی اے؟ کی میں کرنتھیوں دی کلیسیا وِچ پولوس دی منادی نوں اپنا نمونہ سمجھدا آں تے غلط آں؟ کی میں لوکاں نوں ہر موقع تے گرجا گھر وِچ رہن دے لئی کہنا آں جدوں اپو خوشخبری سُنن گے؟ میں جاننا آں کہ لوکی گرجا گھر دے باہر خوشخبری سُن کے نجات پا سکدے نے، لیکن اُوہناں نوں فیر وی مقامی گرجا گھر دی رفاقت وِچ جان دی لوڑ اے۔

کی میں گنہگاراں نوں ایہہ دسن وِچ غلط آں کہ روح القدس نوں اُوہناں نوں گناہ دی سزا دینی چائیدی اے، جیویں کہ یسوع نے یوحنا 16: 8 وِچ کیہیا؟

’’تے جدوں اُو مددگار آ جائے گا تے جیتھوں تیکر گناہ، راستبازی تے انصاف دا تعلق اے اُو دُںیا نوں مجرم قرار دے گا‘‘ (یوحنا 16: 8)۔

کی میں سزایابی تے توبہ، تے یسوع وِچ ایمان تے زور دین وِچ غلط آں – جیویں کہ خود نجات دہندہ نے اکثر کیتا؟

کی میں گنہگاراں نوں دسن وِچ غلط آں، ’’تہانوں رحم دے لئی اپنے آپ نوں یسوع دے حوالے کر دینا چائیدا اے۔ اُو مُردیاں وِچوں جی اُٹھیا اے، جیویں کہ میں دھویں وِچ آسیب Demons in the Smoke دے صفحہ 51 تے کیتا سی؟

میرا اِصرار کیس گل تے اے؟ ایہہ صرف پرانے زمانے دی بپتسمہ دین آلی مشق اے کہ گنہگاراں نوں گرجا گھر وِچ لیہایا جائے، اُوہناں نوں خوشخبری سُنائی جائے، اُوہناں نوں بچایا جائے تے بپتسمہ دِتا جائے، تے مقامی گرجا گھر وِچ شاگرد بنایا جائے۔ اُوہناں دے لئی دعا کرن وِچ کی حرج اے ایہہ ویکھدے ہوئے کہ اُو کھو چکے نے، تے اُوہناں نوں اپنے گناہ توں نفرت کرن تے توبہ کرن نوں کہن وِچ کی حرج اے؟ اُوہناں نال ایہہ کہن وِچ کی حرج اے کہ اُو خود نوں یسوع دے حوالے کر دین؟

’’خداوند یسوع مسیح تے ایمان لیہیا تے توں نجات پائے گا‘‘ (اعمال 16: 31)۔

جے ساڈا اِصرار غلط اے، تے براہِ کرم سانوں وکھاؤ کہ ایہہ کلام پاک توں کیویں غلط اے، تے اِسی دعا دے نال تبدیلیاں تے غور کراں گے۔

جیویں کہ ورلڈ ٹریڈ سنٹر دے دھویں وِچ آسیب Demons in the Smoke of the World Trade Center، دے صفحہ 51 تے میں کہیا، ’’ایہہ سب کُج ویلے دے چند لمحیاں وِچ ہو سکدا اے۔‘‘

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔