مسیح وِچ ایمان لیہیان دی تبدیلی دے بارے چہ ’’سارے تفصیلی نکات تے حقائق‘‘

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایہدے چہ کوئی شک نئیں کہ تُسی ایہ کمرشل گانا سُنیا ہووے گا، ’’اندر تے باہر، اندر تے باہر، ایہو ای اِک ہیمبرگر دے بارے چہ اے۔‘‘ اصطلاح ’’اندر تے باہر‘‘ توں مُراد ہیمبرگر لین دے لئی ’’اندر‘‘ جانا، تے فیر اُوہدے نال ’’باہر‘‘ آنا اے۔ اینج ای کُجھ روحانی طور تے ہوندا اے جدوں تُسی مسیح چہ ایمان لیہیا کے تبدیل ہوندے اُو۔ تُسی گہرے اندرونی انتشار دے دور (لمبے یا مختصر) وِچ ’’اندر‘‘ جاندے اُو، تے تُسی یسوع مسیح دے کول ’’باہر‘‘ آندے اُو۔

’’اندر‘‘ – اِک گہری پریشان تے خوف زدہ حالت وِچ۔ ’’باہر‘‘ – یسوع مسیح دے کول۔ ایہہ مسیح چہ ایمان لیہیان دی حقیقی تبدیلی دا ’’اندر تے باہر‘‘ (تفصیلی نکتہ تے حقیقت) اے۔ تُسی ایہنوں ساڈی تلاوت وِچ واضح طور تے بیان ہوندا ہویا ویکھ سکدے اُو:

’’موت دی رسیاں نے میہنوں جکڑ لیہیا تے پاتال دی اذیت میرے تے آن پیہئی؛ میں دُکھ تے غم وِچ مبتلا ہو گیا‘‘

’’فیر میں خداوند خدا توں دعا منگی؛ اے خداوند، میں تیہنوں اِلتجا کرنا آں، میہنوں بچا لے‘‘

اَج بہوتی ساری جھوٹی تبدیلیاں دی بنیادی وجہ ایہ اے کہ لوکی مسیح دے کول ’’باہر‘‘ آن دی کوشش کردے نے ایس توں پہلاں کہ اُو بیداری، ٹُٹ پہجھ تے اندرونی انتشار دی حالت وِچ ’’اندر‘‘ ٹُر جان۔ پیوریٹن مبلغ تھامس ہوکرThomas Hooker (1586۔1647) دی اِک چنگی خوراک ایس بیماری دا علاج کرے گی (حوالہ ویکھو، تھامس ہوکر، مسیح دے لئی روح دی تیاری The Soul’s Preparation for Christ، تے روح دی تذلیل The Soul’s Humiliation، انٹرنیشنل آؤٹ ریچ، )آرڈر کرن دے لئی فون نمبر 515)292-9594)۔

ہُن، تُسی پُچھ سکدے اُو کہ مسیح دے کول ’’باہر‘‘ آں توں پہلاں ٹُٹ پہجھ تے اندرونی انتشار چہ ’’اندر‘‘ جانا کیوں ضروری اے۔ ایہہ اِک چنگا سوال اے، تے میں اَج راتی ایہدا جواب دیاں گا۔ ایتھے دو جوابات نے۔

I۔ پہلی گل، تہاڈی روح فطری طور تے بھرپور گناہ دی حفاظت چہ آباد اے۔

تہاڈی روح گناہ دے اِک نمونے چہ آباد اے۔ حیاتی دی عاداتاں تہاڈے چہ ایس قدر پیوست نے کہ تُسی بھرپور گناہ دی حفاظت وِچ سوندے اُو۔

’’کیوں جے اُو اپنی روِشاں کدی نئیں بدلدے [کدی وی نئیں بدلدے] ایس لئی اُو خدا دا خوف نئیں رکھدے‘‘ (زبور 55: 19)۔

اُو ’’اپنی راہواں وِچ بہوتی زیادہ قائم تے خدا وَلوں توجہ دین دے لئی بہوتے محفوظ سن‘‘ (میک آرتھر سٹڈی بائبل MacArthur Study Bible، زبور 55: 19 تے غور طلب بات)۔

موآب نوں انسانی نفس یا روح دی تصویر دے طور تے پیش کیتا گیا اے – گناہ دے اِک نمونے وِچ گہرائی نال آباد:

’’موآب اپنے بچپن توں ای چین نال رہیا اے جیویں شراب اپنی تلچھٹ تے ٹھہر گئی ہووے‘‘ (یرمیاہ 48: 11)۔

’’لیزlees‘‘ شراب دے بیرل دے ہٹیلے حصے وِچ باقیات دی موٹی تلچھٹ یا تہہ ہوندی اے۔ ایہہ لوکی اپنی گنہگار فطرت دی موٹائی وِچ بس گئے سن۔ ایہہ اِک انسان دی تصویر اے۔ تہاڈی روح گناہ دے اِک نمونے وِچ آباد اے۔ تُسی بیرل دے ہیٹلے حصے وِچ گوبر چہ پھنس گئے اُو۔ تُسی چوس لین آلی موٹی ریت چہ پھنس گئے اُو۔ تُسی بچ نئیں پاؤ گے، کیوں جے تُسی اِک گناہ دی حفاظت چہ آباد اُو۔

تُسی اُوس مینڈک وانگوں اُو جِنہوں ٹھنڈے پانی دی کیتلی وِچ رکھیا جاندا اے۔ ایہدے بعد کیتلی نوں چولہے تے شعلیاں تے رکھیا جاندا اے۔ پانی بہوتی آہستگی نال گرم ہوندا اے، تے مینڈک نوں محسوس وی نئیں ہوندا، کیوں جے سرد لہو آلے ایم فی بیئعین [خشکی تے پانی دوواں تھاواں تے رہن آلا جانور] ہون دی وجہ توں ایہدا لہو پانی دے نال گرم ہوندا اے۔ ایہہ دھیرے دھیرے گرم تے گرم ہوندا جاندا اے – جدوں تیکر کہ ایہنوں زندہ اُبال نئیں دِتا جاندا! تہاڈے نال اینج ای ہووے گا – جدوں تیکر کہ خدا تہانوں بیدار نہ کر دے تے تہانوں قطعی درست طور تے تے واضح طور تے ایہہ نہ وکھا دیوے کہ تُسی وڈے خطرے وِچ اُو۔

تُسی ’’قدرتی طور تے‘‘ ایس خطرے دے احساس دے بغیر ہوندے اُو۔ انسانی فطرت ’’مردہ‘‘ ہوندی اے (افسیوں 2: 1، 5)۔ تُسی اینج ای پیدا ہوئے اُو، تے ہُن وہ اینج ای اُو – ’’گناہواں وِچ مُردہ‘‘ (افسیوں 2: 5)۔

ایہ اُودھوں ای ہوندا اے جدوں خدا تہانوں بیدار کرے گا کہ تُسی اپنے خطرے نوں ویکھو گے۔ جدوں خدا تہاڈے اندر کام کرنا شروع کرے گا فیر ای تُسی ویکھو گے کہ تُسی جھوٹی سلامتی دی حالت وِچ آباد ہو گئے اُو۔ ایہہ اودھوں ای اے جدوں خدا تہانوں روشنی دیہندا اے کہ تُسی ویکھو گے کہ تُسی انہیرے وِچ اُو۔ جدوں خدا تہاڈے دِل وِچ وڑ جائے گا تے تُسی عجیب و غریب خیالات سوچو گے تے اُو گلاں جیہڑیاں تُسی واعظاں وِچ کئی وری سُنیاں نے فیر تہانوں حیاتی وِچ پہلی وری پریشان کرنا شروع کر دین گے۔

جوناتھن ایڈورڈز اپنی جماعت وِچ اِک بزرگ عورت دے بارے چہ دسدا نے جِنہے بہوتے واعظ سُنے سن، لیکن اُو وریاں تیکر [گرجا گھر وِچ] آندی رئی تے ایہناں واعظاں دا ایہدے تے کوئی اثر نئیں ہویا۔ فیر اُوہدے دِل وِچ خدا کام کرن لگے گا۔

نئے عہد نامہ وِچ گنہگاراں دے لئی مسیح دے دُکھ دے بارے چہ پڑھدے ہوئے، اُو ایس گل تے حیران ہوئی جیہڑی اُوہنے پڑھی، جیہڑی کہ حقیقی تے بہوتی شاندار سی، لیکن اُوہدے لئی بالکل نئی سی۔ پہلے تے … اُو اپنے آپ وِچ حیران سی، کہ اُوہنے پہلاں کدی ایہدے بارے چہ نئیں سُنیا سی۔ لیکن فیر فوراً ای [یاد آیا] ایہنے اکثر ایس بارے وِچ سُنیا سی، تے اٰیہنوں پڑھیا سی، لیکن اَج تیکر ایہنوں کدی حقیقی نئیں ویکھیا (جوناتھن ایڈورڈز، جوناتھن ایڈورڈز: اِک نئی سوانح عمری Johathan Edwards: A New Biography مصنف آئعین ایچ میورے، بینر آف ٹروتھ، 1992، صفحہ 116)۔

ایہہ عورت ایہنی شدید متاثر ہوئی کہ اُوہدے دوستاں نے ’’سوچیا کہ اُو مر رئی اے‘‘ (ibid.) ایہہ پہلی عظیم بیداری دے دوران بیداریاں دی خصوصیت یعنی خاصہ سی۔ تے ایہ ایس قسم دی شے اے جیہڑی تہاڈے نال ہونی چائیدی اے۔ جے تہاڈے نال اینج نئیں ہوندا اے، تے تُسی ایویں ای رہوو گے جیویں تُسی اُو، جھوٹی حفاظت دی حالت وِچ – جدوں تیکر تُسی مر جئیں جاندے، تے آخر کار بیدار ہو جاندے اُو – جہنم دے شعلیاں وِچ۔

II۔ دوجی گل، ایس توں پہلاں کہ تُسی مسیح دی قدر و قیمت نوں ویکھ پاؤ تہاڈی روح نوں معلوم ہونا چائیدا اے کہ اُو خطرے وِچ اے۔

خدا عام طور تے کھوئے ہوئے لوکاں نوں ایہ ویکھان دا باعث بنندا اے کہ اُوہناں دے تبدیل ہون توں پہلاں اُوہناں دے کول جھوٹی حفاظت اے۔ خدا عام طور تے لوکاں نوں مسیح دے کول معافی دے لئی آن توں پہلاں اُوہناں دے خالی پن تے معافی دی لوڑ نوں ویکھدا اے۔ ایہو جئے مجرمانہ خیالات تہانوں معافی دا اہل نئیں بناندے۔ ارے نئیں! ایہدے بجائے، ایہو جئے خیالات تہانوں آگاہ کردے نے کہ تُہانوں مسیح دی لوڑ اے۔

ایہہ سانوں گواچے ہوئے پُتر دے واقعہ وِچ وکھایا گیا اے:

تے اُوہنے کہیا، اِک بندے دے دو پُتر سن: تے اُوہناں وِچوں نِکّے پُتر نے اپنے پیو نوں کہیا، اَے باپ، جائیداد وِچ جیہڑا میرا حصہ اے میہنوں دے دے۔ تے اُوہنے اپنی جائیداد اُوہناں وِچ ونڈ دِتی۔ تے کُجھ ای دِناں دے بعد نِکّے پُتر نے سب کُجھ اِکھٹا کیا تے دور دراز مُلک دا سفر کر کے اُوتھے اپنے مال نوں عیش و عشرت آلی حیاتی وِچ برباد کیتا۔ تے جدوں اُو سب کُجھ خرچ کر چکیا تے اُوس مُلک وِچ زبردست کال پیہیا۔ تے اُو محتاج ہو گیا۔ تے فیر اُو اُوس مُلک دے اِک باشندے دے کول کام لبھن پہنچیا۔ تے اُوہنے اُوہنوں اپنے کھیتاں وِچ سؤراں نوں چران دے لئی پیہجھیا۔ اُوتھے اُو اُوہناں پھلیاں نال جیہڑیاں سؤر کھاندے سن اپنا ٹیہڈھ بھرنا چاہندا سی لیکن کوئی اُوہنوں پھلیاں وی کھان نوں نئیں دیہندا سی۔ تے فیر اُو اپنے ہوش وِچ آیا تے کہن لگا کہ میرے پیو دے کیہنے ای مزدوراں نوں لوڑ توں وی بہوتا کھان نوں لبھدا اے تے میں ایتھے بُھکا مر رہیا آں۔ میں اُٹھ کے اپنے پیو دے کول جاواں گا تے اُوہنوں کہواں گا، اے باپ، میں خدا دی نظر چہ تے تیری نظر چہ گنہگار آں، تے ہُن تیرا پُتر کہلان دے لائق نئیں، میہنوں اپنے ملازماں وِچوں اِک بنا لے۔ تے اُو اُٹھیا تے اپنے پیو دے کول آیا۔ لیکن جدوں اُو ہُنے دور ای سی کہ اُوہدے پیو نے اُوہنوں ویکھیا تے ترس آیا، تے دوڑ کے اُوہدے گلے لگ کے اُوہنوں چومیا۔ تے پُتر نے اُوہنوں کہیا، اے باپ میں خدا دی نظر وِچ تے تیری نظر وِچ گناہ کیتا اے تے ہُن تیرا پُتر کہلان دے لائق نئیں آں۔ لیکن پیو نے اپنے نوکراں نوں کہیا کہ بہترین لباس لیہیاؤ تے ایہنوں پہناؤ۔ تے اُوہدے ہتھ وِچ انگوٹھی تے اُوہدے پیر وِچ جوتے پہناؤ۔ تے موٹا تازہ وَچھڑا ایتھے لیہیاؤ تے اُوہنوں ذبح کرو تاکہ اَسی کھائیے تے خوشی منائیے کیوں جے ایہہ میرا پُتر مر گیا سی، تے فیر زندہ ہو گیا اے۔ اُو گواچ گیا سی تے لبھ گیا اے۔ تے اُو خوشی منان لگے‘‘

ایہہ شاندار واقعہ سانوں آگاہ ہون دے بارے چہ بہوتا کُجھ دسدا اے کہ تُسی اپنے خطرے وِچ اُو، ایس توں پہلاں کہ تُسی مسیح دے کول ایمان لیہیان دی تبدیلی دے لئی آں دی قدر نوں ویکھو۔

چھوٹا لڑکا باغی سی۔ اُو اپنی وراثت ہُنے ای چاہندا سی – تاکہ اُو اپنی حیاتی اُونج ای لنگہا سکے جیویں اُو اُوہنوں لنگہانا چاہندا سی۔ ایہہ اِک نوجوان دی تصویر اے جیہڑا خدا تے گرجا گھر نوں چھڈنا چاہندا اے کیوں جے اُو خود اِک گناہ بھری حیاتی لنگہانا چاہندا سی۔ اُوہنے ہُن اپنے پیو کولوں میراث منگی۔ پیو نے اُوہنوں دے دِتی تے اُو گھر چھڈ کے بہوتی دور ٹر گیا۔ اُوہدے وڈے بھائی نے کہیا کہ اُوہنے سارا پیسہ ’’کسبیاں یعنی طوائفاں دے نال رہن‘‘ وِچ اِستعمال کیتا (لوقا 15: 30)۔ اُوہنے جنگلی حیاتی لنگہا کے ساری دولت برباد کر دِتی۔

ہُن اُوہدے کول پیسے مُک گئے سن، تے اُوہدے نام نہاد دوست اُوہنوں چھڈ گئے سن۔ اُوہدے کول واپسی دی کوئی راہ نئیں سی، ایس لئی اُو ’’اُوس ملک دے شہری‘‘ دے لئی کام کرن ٹر گیا۔ بہتیرے مبصرین دا ایہہ کہنا اے کہ اُوہدا نیا مالک شیطان دی تصویر سی۔ شیطان نے اُوہنوں ہر شے دین دا وعدہ کیتا سی، لیکن جدوں اُو مالی تے روحانی طور تے تباہ ہو گیا تے شیطان نے اُوہنوں سؤراں نوں پالن دا بہوتا ای گھٹیا کام دِتا۔ ایہہ اُو سارا گھٹیا کام سی جِنہوں کرن دا اِک آرتھوڈوکس یہودی مُنڈا تصور ای کر سکدا سی، کیوں جے یہودیاں نوں شرعی غذا کی وجہ سے خنزیر رکھن، یا اُوہناں نوں کھان دی اجازت نئیں سی۔ لیکن شیطان نے اُوہنوں ایس توں وی بہوتی بدتر حالت وِچ پا دِتا۔ اُو بُھک نال مر رہیا سی، ایس لئی اُو سؤراں دا باہر ڈِگیا ہویا بچیا کُچیا کھانا کھان دے لئی تیار سی۔ ہُن اُوہدا کوئی ’دوست‘‘ نئیں سی، تے کوئی وی اُوہدی مدد نئیں کرے گا۔

ایہہ ایس گل دی تصویر اے کہ تہاڈے نال کی ہووے گا جے تُسی خدا نوں چھڈ کے اپنے طور تے ٹردے رہوو۔ شیطان تہاڈے نال چنگے ویلے دا وعدہ کردا اے، لیکن اُو تہانوں تباہ شُدہ حیاتی دیہندا اے۔

لیکن فیر بائبل کہندی اے، اُو اپنے ہوش چہ آیا‘‘ (لوقا 15: 17)۔ اُوہنے اِک روحانی بیداری دا تجربہ کیتا۔ اُوہنے پہلی وری ویکھیا کہ اُو گنہگار اے، تے کہیا، ’’میں ہلاک ہو جاندا‘‘ (لوقا 15: 17)۔ ایہہ بیداری دی تصویر اے۔ تُسی قدرتی طور تے گناہ دی حفاظت وِچ آباد سی۔ لیکن خدا تہانوں اِک ایہو جئی تھاں تے رکھدا اے جِتھے تُسی اپنی خطری ویکھدے اُو، جدوں تُسی گناہ نوں ویکھدے اُو، جدوں تُسی ویکھدے اُو کہ جہنم دا عذاب تہانوں تباہ کرن آلا آے۔ ایہ اُودھوں ای اے جدوں تُسی مسیح دی قدر کرو گے – اپنی حیاتی وِچ پہلی وری۔ صرف عاجز تے ذلیل ہو کے، تے وڈے غم تے درد نال – فیر ای تُسی مسیح وَل واپس آؤ گے۔ روح نوں آگاہ کرنا چائیدا اے ایہدے سنگین خطرے تے ہولناک حالت توں، ایس توں پہلاں کہ تُسی ویکھو کہ مسیح کیہنا قیمتی اے۔ میں بائبل میں ایہدی واضح مثال دے بارے وِچ سوچ وی نئیں سکدا۔ تُسی اپنی گناہ دی بیداری دے لئی ’’اندر‘‘ جاندے اُو، تُسی یسوع مسیح دے کول ’’باہر‘‘ آندے اُو۔ ایہہ مسیح وِچ ایمان لیہیان دی تبدیلی دا ’’اندر‘‘ تے ’’باہر‘‘ یعنی تفصیلی نکات تے حقائق نے۔

ایہہ سانوں اپنی اصل تلاوت وَل لے جاندا اے۔ براہ کرم زبور 116: 3۔4 وِچ ایہدے وَل رجوع کرو،

’’موت دی رسیاں نے میہنوں جکڑ لیہیا تے پاتال دی اذیت میرے تے آن پیہئی؛ میں دُکھ تے غم وِچ مبتلا ہو گیا۔ فیر میں خداوند خدا توں دعا منگی؛ اے خداوند، میں تیہنوں اِلتجا کرنا آں، میہنوں بچا لے‘‘ (زبور 116: 3۔4)۔

لہٰذا، میں فیر کہنا آں، خدا نوں تہانوں ایہ ویکھانا چائیدا اے کہ تُسی مسیح چہ نجات دی عظمت نوں محسوس کرن توں پہلاں تہاڈی حیثیت کیہنی بدنصیب، خوفناک تے خطرناک اے۔

خدا تہانوں تے تہاڈی روح نوں اذیت دی تھاں ’’وِچ‘‘ رکھدا اے، تاکہ تُسی کسی وی شے توں بوہتی زیادہ مسیح دی خواہش کرو۔ جدوں تہاڈی روح تہانوں کافی اذیت دیہندی اے، تے تُسی مسیح نوں ’’شدت دے نال‘‘ لبھہو گے، جیویں کہ گواچے ہوئے پُتر نے اپنے پیو دے کول واپس جان دی کوشش کیتی۔

جدوں تہانوں اپنے گناہ دی حفاظت توں جھٹکا دِتا جاندا اے تے تہانوں گناہ دی اپنی خوفناک تے خطرناک حالت نوں ویکھن دے لئی مجبور کیتا جاندا اے، فیر ای تُسی یسوع نوں تلاش کرن تے آسمان دی بادشاہی چہ داخل ہون دی شدت دے نال کوشش کرو گے:

’’یوحنا بپتسمہ دین آلے دے دِناں توں اُوس ویلے تیکر خدا دی بادشاہی دی شدت نال مخالفت ہوندی رئی اے تے زور آور اُوہدے تے قابض ہوندے رئے نے‘‘ (متی 11: 12)۔

’’توریت تے نبیاں دی گلاں یوحنا تیکر قائم رہیاں تے فیر خدا دی بادشاہی دی خوشخبری سُنائی جان لگے تے ہر کوئی اُوہدے چہ داخل ہون دی زبردست کوشش کر رہیا ے‘‘ (لوقا 16: 16)۔

جدوں تُسی سو رئے ہوندے اُو، تہاڈی جھوٹی طور تے محفوظ روح اپنے خطرے توں بیدار ہوندی اے تے فیر تُسی اُٹھ کے بادشاہی چہ داخل ہون دے لئی لڑو گے۔ فیر ای تُسی تنگ بوہے – وِچ داخل ہون دے لئی اُوہنوں دباؤ گے، تے دھکیلو گے تے یسوع مسیح تیکر پہنچن دے لئی اپنا راستہ بناؤ گے۔

جہنم، اپنا مُنہ کھولن تے تہانوں لازوال شعلیاں وِچ لین دے لئی تہاڈے ہیٹاں تیار اے۔ لیکن تُسی سو رئے اُو۔ تُسی اپنے آپ نوں اپنے خطرے توں بیدار کرن دے لئی کی کر سکدے اُو؟ جے تُسی ایویں ای گرجا گھر دی عبادتاں وِچ بیٹھ کے انتظار کردے رہووے گے تے تُسی ایس سزا توں کدی نئیں بچ پاؤ گے جیہدے تُسی مستحق اُو۔ تُسی اپنے آپ نوں بیدار کرن دے لئی کی کر سکدے اُو تاکہ تُسی شدت دے نال مسیح دی تلاش وَچ رہوو جدوں تیکر کہ تُسی اُوہنوں پا نہ لوؤ؟

1. جدوں تُسی گھر جاندے اُو تے تُسی واعظاں دے بارے وِچ سوچ سکدے اُو۔ تُسی ایس طرح دے واعظاں نوں انٹر نیٹ تے ویکھ سکدے اُو، یا ٹیپ، یا پرنٹ شُدہ کاپی خرید سکدے اُو، تے واعظاں نوں اُوس ویلے تیکر ویکھ سکدے اُو جدوں تیکر کہ اُو تہاڈے دِل دی گہرائیاں وِچ رچ بس نہ جاؤ تے تہانوں وڈے تے خوفناک طریقے نال متاثر کرن۔ حیاتی وَل لے جان آلے راستے وَل۔

2. تُسی اپنے لئی دعا کر سکدے اُو، کہ خدا تہانوں ایس نیندر دی حالت توں بیدار کر دے جیس وِچ تُسی ہنے وی اُو۔

3. تُسی پادری صاحب تے مُناد صاحبان نوں سُن سکدے اُو جدوں اُو تہاڈے نال تہاڈی روح دے بارے وِچ گل کردے نے – تے بالکل اُوہی کرو جیہڑا اُو کہندے نے – تے بعد وچ ایہدے بارے چہ سوچو۔

4. تُسی واعظآں دی تبلیغ دے دوران بہوتی غور نال سُن سکدے اُو – تے لفظاں نوں ایویں لے سکدے اُو جیویں اُو اکیلے صرف تہانوں ای دتے گئے ہون۔ تہاڈی حیاتی دا دارومدار واعظ سُنن تے اے۔

5. تُسی اپنا جائزہ لے سکدے اُو تے ویکھ سکدے اُو کہ تہاڈے وِچ کیہڑیاں بدکار راہواں یا طریقے نے۔ تے تُسی اپنے گناہواں دے بارے وِچ شدت تے طوالت دے نال سوچ سکدے اُو۔

گھر چہ اَگ لگی اے، تے تُسی سو رئے اُو! تہانوں چھیتی نال بیدار ہونا چائیدا اے تے جلدے ہوئے گھر توں باہر نکلنا چائیدا اے! باہر نکل جاؤ! باہر نکل جاؤ! چھت ڈِگن آلی اے! اپنی حیاتی دے لئی دوڑو! اپنے پیچھے مُڑ کے نہ ویکھو! مسیح نوں تلاش کرو۔ صرف اُوہی تہانوں شعلیاں توں بچا سکدا اے!

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔