فضول خرچ دا دِل | The Prodigal's Heart

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یونانی لفظ جیس دا ترجمہ ’’پریستھpresseth‘‘ کیتا گیا اے اُو اے ’’بیاسیٹائیbiasetai‘‘ – جیہدا مطلب اے ’’دھکیلنا، دبانا، زبردستی کرنا۔‘‘ مسیح اُوہناں نوں کہہ رہیا سی کہ تہانوں خدا دی بادشاہی وچ اپنے راستے نوں دھکیلنا تے زبردستی داخل ہونا چاہیے۔ اَس آیت 14 وِچ ویکھنے آں کہ ایہ رائے مسیح نے فریسیاں نوں دِتی سی، جیہڑے ہمیشہ وانگوں اُوہدا مذاق اُڑا رئے سن، اُوہدے تے طنز کر رئے سن۔

’’بہتیرے محصول لین آلے تے گنہگار لوکی اُوہدے کول جمع ہو کے اُوہدی گلاں سُن رئے سن۔ فریسی تے شریعت دے عالم شکایت کردے تے کہندے سن کہ ایہ بندہ گنہگاراں نال میل جول رکھدا اے تے اُوہناں دے نال کھاندا پیندا وی اے‘‘ (لوقا 15: 1۔2)۔

لہٰذا مسیح دے سامعین محصول لین آلیاں (ٹیکس لین آلے جیہڑے یہودیاں نوں اُوہناں دے بےایمان اعمال دی وجہ توں نفرت کردے سن) تے گنہگاراں دے علاوہ فریسی (انتہائی مذہبی لوکی) تے فقیہ (مذہبی اُساتذہ) تے مشتمل سی۔ نفرت کرن آلے محصول لین آلے تے گندے گنہگار اِک پاسے سن تے انتہائی مذہبی فریسی تے فقیہہ دوجے پاسے۔

ایہ لوکی اُوہناں نال کافی مِلدے جُلدے سن جیہڑے اَج دی سویرے ساڈے گرجا گھر وِچ سن۔ دو گروہ سن: اِک گروہ وِچ فقیہہ تے فریسی سن تے دوجے گروہ وِچ محصول لین آلے تے گنہگار ایتھے اَج دی سویرے، ساڈے کول مذہبی لیکن (جیہڑے کاتباں تے فریسیاں وانگوں نے) گمراہ ’’گرجا گھر وِچ پروان چڑھے بچے‘‘ نے، تے غیر تبدیل شُدہ ’’نئے لوکی‘‘ نے، جیہڑے محصول لین آلیاں تے گنہگاراں وانگوں نے۔ تے بالکل اینج ای جیویں ایہ مسیح دے زمانے وِچ سی، بہتیرے ’’نئے لوکی‘‘ بیدار تے مسیح وِچ ایمان لیہیا کے تبدیل ہو رئے نے – جدوں کہ گرجا گھر وِچ پروان چڑھے گمراہ بچے مسیح تے اُوہدے پیغام تے طنز کردے نے۔

چنانچہ یسوع نے ایہناں ای دوویں گروہواں نال گل کیتی سی، گنہگار تے مذہبی لیکن گمراہ۔ اُوہنے ایہناں نوں گواچی ہوئی پھیہڈ دی تمثیل سُنائی۔ اُوہنے اُوہناں نوں گواچے ہوئے سکّے دی تمثیل سُنائی۔ اُوہنے اُوہناں نوں فضول خرچ [گواچے ہوئے مصرف] پُتر دے بارے وِچ دسیا، تے بے ایمان مُنشی دے بارے چہ دسیا۔ تے فیر یسوع نے کہیا:

’’شریعت تے انبیاء دی گلاں تے یوحنا تیکر قائم رہیاں تے فیر خدا دی بادشاہی دی خوشخبری سُنائی جان لگی تے ہر کوئی اُوہدے وِچ داخل ہون دی زبردست کوشش کر رہیا اے‘‘ (لوقا 16: 16)۔

اُوہنے اُوہناں نوں دسیا کہ اُوہناں نوں زور لگا کے، زبردستی، ایتھوں تیکر کہ دھکم مُشتی وِچ خدا دی بادشاہی چہ راہ بنا کے داخل ہونا چائیدا اے۔

مسیح نے ایس کہانی وِچ چار تمثیلاں دِتیاں۔ ایہناں وِچوں تین خدا وَلوں بادشاہی وِچ زبردست کوشش کردے ہوئے نظر آندے نے۔ اُوہناں وِچوں اِک، فضول خرچ [گواچے ہوئے مصرف] پُتر دے بارے وِچ اے جیہڑا انساناں وَلّوں خدا دی بادشاہی چہ زبردست کوشش کردے ہوئے داخل ہوندا اے۔

باب 15، آیت 4، وِچ گواچی ہوئی پھیہڈ تے غور کرو،

’’تہاڈے وِچوں ایہو جیہا وی کوئی اے جیہدے کول سو پھیہڈھاں ہون تے اُوہناں وِچوں اِک گواچ جائے تے او باقی ننانوے پھیہڈھاں نوں بیابان وِچ چھڈ کے اُوہدے گواچی ہوئی پھیہڈ دی تلاش نہ کردا رہووے جدوں تیکر کہ اُو لبھ نہ جائے؟‘‘ (لوقا 15: 4)۔

فریسی بڑبڑا رئے سن ’’ایہ بندہ گنہگاراں نال میل جول رکھدا اے‘‘ (لوقا 15: 2)۔ یسوع کہہ رہیا اے، ’’ایہد چہ کی حرج اے؟ جے تُسی اِک پھیہڈ گنوا دیو تے تُسی اُوہنوں لبھہن جاؤ گے۔ تُسی اُوہنوں تلاش کرو گے۔ ایس لئی میں ایہناں گمراہ گنہگاراں نوں لبھنا آں۔‘‘

فیر، اُو گواچے ہوئے سکّے دی مثال دیہندا اے۔ آیت نمبر 8 تے غور کرو،

’’کی ایہو جئی وی کوئی عورت ہووے گی جیہدے کول چاندی دے دس سکے ہون تے اِک گواچ جائے تے اُو چراغ جلا کے گھر وچ جھاڑو نہ دیہندی رہووے تے جدوں تیکر لبھ نہ جائے اُوہنوں لبھدی رئے؟‘‘ (لوقا 15: 8)۔

تے، اُو کہہ رہیا اے، ’’گنہگاراں نوں قبول کرن وِچ میہنوں کی حرج اے؟ جے تہاڈے وِچوں کسی عورت دا چاندی دا سکہ گواچ جائے تے تُسی اُوہدی تلاش کرو گے۔ لہٰذا، میں ایہناں گواچے ہوئے گنہگاراں نوں لبھنا آں، تے اُوہناں نوں قبول کرنا آں۔

یسوع اُوہناں نوں دس رہیا سی کہ اُو کینج گمراہ ہوئے لوکاں نوں لبھدا اے۔ لیکن اُو ایس بارے چہ تفصیل وِچ نئیں جاندا کہ اینج کیویں کردا اے جدوں تیکر کہ اُو فضول خرچ [گواچے ہوئے مصرف] پُتر دے واقعے نوں نئیں سُناندا۔ فضول خرچ [گواچیا ہویا مصرف] پُتر واضح طور تے گمراہ ہو جاندا اے، تے فیر واپس لبھ جاندا اے۔ چوبیسویں آیت ملاحظہ فرماؤ:

’’کیوں جے میرا پُتر جیہڑا مر چکیا سی زندہ ہو گیا اے، گواچ گیا سی ہُن لبھ گیا اے‘‘ (لوقا 15: 24)۔

لہٰذا، ایس واقعے وِچ ، مسیح سانوں تفصیل نال دسدا اے کہ اِک گمراہ ہویا بندہ کیویں نجات پاندا اے۔ فیر اُوہنے اُوہناں نوں ایہ دس کے خلاصہ کیتا کہ ایہ سارے محصول لین آلے تے گنہگار اینج ای نجات پا رئے سن، ’’تے ہر اِک اُوہدے وِچ زبردست کوشش نال داخل ہوندا اے‘‘ (لوقا 16: 16)۔

فضول خرچ [گمراہ ہوئے مصرف] پُتر دی کہانی سانوں دسدی اے کہ کینج اِک گمراہ ہویا بندہ ’’خدا دی بادشاہی وِچ زبردست کوشش نال داخل ہوندا اے۔ ایہ اِک بھرپور وضاحت اے کہ ایہ کینج ہوندا اے، تے میں چاہنا آں کہ تُسی ایہدے بارے وِچ تین گلاں تے غور کرو۔

I۔ پہلی گل، فضول خرچ [گمراہ ہوئے پُتر] دے دِل دے بارے چہ سوچو۔

باپ نے میراث دا اُو حصہ اپنے پُتر نوں دِتا۔ فیر آیت تیرہ تے غور کرو:

’’تھوڑے دِناں بعد چھوٹے پُتر نے اپنا سارا مال و متاع جمع کیتا تے دور کسی دوجے مُلک نوں روانہ ہو گیا تے اُوتھے اپنی ساری دولت عیش و عشرت وِچ اُڑا دِتی‘‘ (لوقا 15: 13)۔

ایہ آیت ساڈے تے خدا دی مخالفت چہ انسانی دِل دی ضِد نوں ظاہر کردی اے۔ انسانی دِل خدا توں بیگانہ اے، اُوہنوں جانن توں محروم اے۔ بائبل کہندی اے:

’’اُوہناں دی عقل تاریک ہو گئی اے، تے اُو اپنی سخت دِلی دی وجہ توں جہالت وِچ گرفتار نے تے خدا دی دِتی ہوئی حیاتی وِچ اُوہناں دا کوئی حصہ نئیں اے (افسیوں 4: 18)۔

مسیح چہ ایمان نہ لیہایا ہویا غیر تبدیل شُدہ دِل نہ صرف خدا توں بیگانہ اے بلکہ ایہ خدا دے خلاف وی اے۔ بائبل کہندی اے:

’’جسمانی نیت خدا دی مخالفت کردی اے‘‘ – خدا توں باغی ہوندی اے (رومیوں 8: 7)۔

ایہناں دوواں نوں اِک نال رکھو تے تہاڈے کول فضول خرچ [گمراہ ہوئے مصرف] پُتر دے دِل دی تصویر اے – خدا دیاں گلاں توں انّہا تے خدا توں باغی دشمن۔ مسیح وِچ ایمان لیہیان دی تبدیلی توں پہلاں تہاڈا دِل اینج ای اے۔

ہُن، کی ایہ تہاڈی تصویر نئیں اے؟ کی ایہ سچ نئیں اے کہ خدا تہاڈے توں دور تے غیر حقیقی اے؟ کی ایہ سچ نئیں اے کہ تہانوں کدی کدی خدا تے بہوتا غصہ آندا اے؟ بالکل اینج ای اے جیویں فضول خرچ یا گمراہ ہوئے مصرف پُتر نے محسوس کیتا۔ چھوٹا پُتر سب کُجھ لے کے بہوتی دور ٹُر گیا۔ اُوہنے اپنے باپ دے خلاف بغاوت دی حیاتی لنگہانی شروع کیتی۔ ’’اُوہنے اپنا مال عیش و عشرت دی حیاتی وِچ ضائع کیتا‘‘ (لوقا 15: 13)۔ اُو اپنے باپ تے خدا توں بہوتا دور سی۔

تے ایویں ای تُسی اُو۔ تہاڈا دِل خدا توں دور اے۔ تُسی شاذ و نادر ای خدا دے بارے وِچ سوچدے اُو۔ تہاڈا ذہن مادی شیواں، اسکول، تفریح، جنسی، فلماں، کھیڈاں، تے شاید منشیات تے [مرکوز] اے۔ تُسی صرف حیاتی توں لطف اندوز ہون تے پیسہ کمان دے بارے وِچ سوچ رئے آں۔ تہاڈے ذہن وِچ خدا دا کوئی سنجیدہ خیال نئیں اے۔ تُسی خدا دی حیاتی توں اُوس جہالت دی وجہ توں جیہڑی تہاڈے اندر اے ’’بیگانہ‘‘ [منقطع، خارج] اُو‘‘ (افسیوں 4: 18)۔

تُسی صرف اُوس ویلے خدا دے بارے وِچ سنجیدگی نال سوچدے اُو جدوں کُجھ غلط ہو جاندا اے۔ اِک قریبی دوست مر جاندا اے، اِک سانحہ ہوندا اے، تے تُسی کہندے اُو، ’’خدا نے میرے نال اینج کیوں ہون دِتا؟‘‘ خدا دے بارے وِچ زیادہ تر لوکاں دے صرف حقیقی خیالات اینج دے خیالات نے۔ اُو خدا دے بارے وِچ غصے چہ، مخالف انداز وِچ سوچدے نے۔ اُو اپنی حیاتی دے ہر مسئلے دا ذمہ دار خدا نوں ٹھہراندے نے۔ کی تُسی کدی کدی اینج محسوس نئیں کیتا؟ کی تہانوں کدی کدی غصہ نئیں آندا کہ خدا جنگ، تکلیف تے درد دی اِجازت دیہندا اے؟ کی تُسی خدا نال دشمنی محسوس نئیں کیتی جدوں کوئی قریبی دوست یا رشتہ دار مر جاندا اے؟ ایہ اِک بہوتا عام انسانی تجربہ اے۔

’’جسمانی نیت خدا دی مخالفت [بغاوت] کردی اے‘‘ (رومیوں 8: 7)۔

جے تُسی نجات پانا چاہندے اُو تے تہانوں ایس حقیقت نوں تسلیم کرنا ہووے گا کہ تہاڈے کول اِک فضول خرچ دا دِل اے۔ تہانوں اپنے آپ دے نال ایماندار ہونا چائیدا اے تے ایہ تسلیم کرنا ہووے گا کہ تہاڈا دِل خدا توں بہوتا دور چلا گیا اے، تے ایہ کہ تُسی واقعی خدا توں متفق نئیں اُو، تے ایہ کہ تُسی گھٹ توں گھٹ کی کدی، کھلم کُھلا اُوہدے مخالف اُو۔

میہنوں ہمیشہ توں اِک پرانا انجیلی گان پسند اے، ’’خداوندا، میں گھر آ رہیا آں۔‘‘ ایہ فضول خرچ [گمراہ ہوئے مصرف] پُتر دی دِل دی تصویر پیش کردا اے۔ میہنوں یقین اے کہ ایہ تہاڈے دِل دی تصویر اے۔ ’’میں خدا توں بہوتا دور جا چکیا آں۔‘‘ گناہ دیاں راہواں بہوتی لمبیاں نے جیہڑیاں میں چلیاں نے۔‘‘ ’’میں کئی قیمتی ورے ضائع کِیتے نے۔‘‘ تہاڈے وِچوں اکثر نے کدی کدی اینج ای محسوس کیتا اے۔ میہنوں یقین اے، جے تُسی اپنے نال ایماندار اُو، تے تُسی ایس گل توں اِتفاق کرو گے کہ تُسی خدا توں بہوتی دور بھٹک گئے اُو – کہ تُسی گناہ دے راستیاں نوں روند دِتا اے – کہ تُسی خدا دے بجائے شیطان دی خدمت کر کے کئی ورے ضائع کیتے نے۔ بہتیرے نوجوان میہنوں دسدے نے کہ اُو خدا توں کٹے ہوئے، بے چینی نال بھرئے ہوئے تے تنہا، خدا دے بغیر، تے اُمید دے بغیر محسوس کردے اُو۔ کی تُسی کدی کدی اینج محسوس نئیں کیتا؟ ہو سکدا اے کہ تُسی لوکاں دے اِک وڈے ہجوم وِچ ہوو، ناچ گانے دی کسی تقریب وِچ، یا کسی کھیڈاں دی تقریب وِچ یا کسی رقص دی تقریب وِچ – تے اچانک ایہ تہاڈے تے حملہ آور ہو جائے – میں واقعی چہ ایہناں لوکاں وِچوں کسی نوں نئیں جانندا۔ میں واقعی بالکل اکیلا آں۔ کوئی وی واقعی میری پرواہ نئیں کردا۔ کی تُسی کدی کدی اینج محسوس نئیں کیتا؟

کیوں جے، تُسی ویکھیا، فضول خرچ [گمراہ مصرف] پُتر دے دِل نے اُوہنوں تنہائی وَل دھکیل دِتا۔ اوہ، جدوں تیکر اُو اپنے پیو دے پیسے خرچ کر رہیا سی، اُوہدے بُہتیرے ’’بیلی‘‘ سن۔ اُو اُوہدے اِردگرد جمع ہو گئے، بہتیرے لڑکے تے لڑکیاں۔ لیکن جدوں مشکل ویلہ آیا، تے پیسہ گھٹ ہویا، تے اُو ٹر گئے۔ تہاڈے کول اینج دے ای نام نہاد ’’بیلی‘‘ نے، کی تُسی اُو؟ جدوں مصیبت آندی اے تے اُو دور ہو جاندے نے۔ اُو پہلاں کدی حقیقی بیلی نئیں سن۔ ایس لئی تہانوں ایس گرجا گھر وِچ واپس آن دی لوڑ اے! تُسی ایتھے سچے بیلی بناؤ گے – جیہڑے تہاڈے نال رہن گے پاویں کُجھ وی ہووے! ایہو ای وجہ اے کہ اَسی کہنے آں، ’’اکلیاں کیوں رہیے؟ گھر آؤ – گرجا گھر وِچ‘‘ – گھر آؤ، مسیح دے کول تے نجات پاؤ!

II۔ تے فیر، دوجی گل، فضول خرچ [گمراہ ہوئے مصرف] پُتر دی بیداری دے بارے چہ سوچو۔

دِل بدلن تے بیدار ہون توں پہلاں اُو کافی پست حالی وِچ ٹر گیا۔ بہتیرے لوکی جاگے بغیر ایہنے پست، ای ایس توں وی ہیٹاں ٹر جاندے نے۔ ہر روز نوجوان منشیات دے استعمال نال، خودکشی نال، شراب نوشی نال، جنسی طور تے منتقل ہون آلیاں بیماریاں نال مردے نے۔ ہر روز کئی نوجوان خودکشی کردے نے۔ کی تُسی جانندے اُو کہ 18 توں 25 وریاں دی عمر دے نوجواناں وِچ موت دی تیجی وڈی وجہ خودکشی اے؟ ایہدے بارے چہ سوچو – موت دی تیجی وڈی وجہ! ایہدا مطلب ایہہ اے کہ تہاڈی عمر دے بہتیرے بچے جذباتی تے نفسیاتی طور تے اُوس فضول خرچ [گمراہ ہوئے مصرف] پُتر توں وی پست حال ہو چکے نے۔ تُسی بہوتی پستی وِچ جا سکدے اُو، تُس مر وی سکدے اُو، بغیر جاگے، تے ایس صوتحال توں بغیر باہر نکلے۔

ایہ جنوب مشرقی ا یشیا دے اِک چھوٹے منڈے وانگوں اے، جیہڑا کیمونسٹاں توں چھپن دے لئی اِک لاش دے کول، تابوت دے اندر رینگ جاندا اے۔ اُو سو جاندا اے، تے جدوں اُو بیدار ہویا تے اُوہنوں زندہ دفن کر دِتا گیا سی۔ خوفناک – اینج جاگنا – اِک تابوت دے اندر پھنس جانا – زمین دے چھ فٹ ہیٹاں دفن!

لیکن ایہ صرف اِک کمزور تصویر اے کہ جے تُسی ہنے نئیں بیدار ہوئے تے تہاڈے نال کی ہووے گا، جدوں کہ ہُنے وی ویلہ اے۔ تُسی جہنم دے تاریک تہہ خانے وِچ جاگو گے!

روح القدس تہانوں متاثر کرے، تے تُہانوں بیدار کرے۔ ایہ روح دا بنیادی کام اے،

’’تے جدوں اُو آئے گا تے دُنیا نوں گناہ دا مجرم قرار دیوے گا‘‘ (یوحنا 16: 8)۔

تُسی اُودھوں ای بیدار ہوو گے جدوں خدا دی روح تہانوں پریشان کرنا شروع کر دے تے تہانوں تہاڈے گناہ تے آن آلی سزا دے لئی بیدار کرے۔

جدوں روح القدس تہانوں بیدار کرن دے لئی آندا اے، تے اُو تہانوں تہاڈے گناہواں دے بارے وِچ گہرائی نال سوچن تے مجبور کردا اے۔ اُو نوجوان جیہدے بارے وِچ یسوع نے کہیا سی ایس بارے چہ سوچن لگا۔ اُوہنے اپنی حیاتی برباد کر دِتی سی۔ سب کُجھ ختم ہو چکیا سی۔ اُو اکیلا سی۔ کسی نوں اُوہدی پرواہ نئیں سی۔ ہُن آیت سترہ نوں ویکھو:

’’تے جدوں اُو ہوش وِچ آیا [جدوں حواس بیدار ہوئے]، اُوہنے کہیا، میرے باپ دے مزدوراں نوں ضرورت توں وی بہوتا کھانا نوں لبھدا اے تے میں ایتھے قحط دی وجہ توں بھوکا مر رہیا آں!‘‘ (لوقا 15: 17)۔

اُوہنے محسوس کیتا کہ اُو اِک خوفناک صورتِ حال وِچ سی، جیہڑا اپنے باپ تے اپنے خدا دے خلاف اُوہدی گنہگار بغاوت دی وجہ توں لیہیائی گئی سی۔ داؤد ذہن دی ایس حالت وِچ سی جدوں اُوہنے کہیا:

’’موت دے دُکھاں نے میہنوں گھیر لیہیا، تے بے دین لوکاں دے سیلاب نے میہنوں خوفزدہ کر دِتا۔ جہنم دے دُکھاں نے میہنوں گھیر لیہیا: [میرے سامنے] موت دے پھندیاں نے میہنوں روکیا۔ اپنی مصیبت وِچ، میں خداوند اپنے خدا نوں پکاریا‘‘ (زبور 18: 5-6)۔

داؤد موت، تے ’’جہنم دے دُکھ‘‘ دے بارے وِچ سوچن لگا۔ اُو ایہناں خیالات نوں اپنے دماغ توں نئیں کڈ سکدا سی۔ اُو روح القدس دے ذریعے گناہ تے سزا دا قائل سی۔ فیر، اپنی پریشانی وِچ، اُو خداوند وَل متوجہ ہویا۔ اُو اُوس فضول خرچ [گمراہ ہوئے مصرف] پُتر وانگوں سی، جیہڑا آخیر کار اپنے ہوش وِچ آیا! فضول خرچ [گمراہ ہوئے مصرف] پُتر نے کہیا، ’’میں ہلاک ہو گیا آں‘‘ – میں مر رہیا آں۔ میہنوں کوئی اُمید نئیں اے۔ جدوں تُسی اینج سوچنا شروع کردے اُو کہ تُسی خدا دی روح نال بیدار ہو رئے اُو۔ ایہناں خیالاں نوں اپنے دماغ وِچ مت کڈو! ایہناں دے بارے چہ ہُور وی گہرائی نال سوچو۔ تہاڈے دِل وِچ اِک ماڑی جیہئی واج اے جیہڑی تہانوں دس رئی اے کہ تُسی مسیح دے بغیر گواچ گئے اُو۔ اُو خدا دی واج اے۔ اُوہدی گل سنو۔ ایتھے فیر توں گرجا گھر آؤ۔ بائبل نوں سمجھو۔ گرجا گھر وِچ شمولیت کرو۔ اپنی آن آلی موت دے بارے چہ سوچو۔ اپنے گناہواں دے بارے چہ سوچو۔ بہانے نہ بناؤ۔

III۔ تیجی گل، فضول خرچ [گمراہ ہوئے مصرف] پُتر دی مسیح وِچ ایمان لیہیان دی تبدیلی دے بارے وِچ سوچو۔

آیت سترہ دے اَخیر تے نظر پاؤ۔ اُوس نوجوان شخص نے کہیا،

’’میں بھوک نال مر رہیا آں! میں اُٹھ کے اپنے باپ دے کول جاواں گا تے اُوہنوں کہواں گا، اے باپ، میں آسمان دے خلاف تے تیرے سامنے گناہ کیتا اے، تے ہُن تیرا پُتر کہلان دے لائق نئیں آں، میہنوں اپنے ملازماں وِچوں اِک بنا لے۔ تے اُو اُٹھ کے اپنے باپ دے کول آیا۔ لیکن جدوں ہُنے اُو بہوتی دور ای سی کہ اُوہدے باپ نے اُوہنوں ویکھیا، تے ترس آیا، تے دوڑ کے اُوہدے گلے گلے لگ گیا، تے اُوہنوں چومیا‘‘ (لوقا 15: 17-20)۔

ایہ ایہدی اِک مثال اے جیس دے بارے وِچ یسوع ساڈی ابتدائی تلاوت وِچ گل کر رہیا سی:

’’خدا دی بادشاہی دی خوشخبری سُنائی جان لگی تے ہر کوئی اُوہدے وِچ داخل ہون دی زبردست کوشش کر رہیا اے‘‘ (لوقا 16: 16)۔

بیٹے نوں احساس ہویا کہ اُو اپنے گناہ دی وجہ توں مر رہیا اے۔ اُو اُٹھیا تے اپنے باپ دے گھر آیا۔ ہُن اُوہنوں کوئی نئیں روک سکدا سی! اُو بادشاہی وِچ داخل ہون دی زبردست کوشش کر رہیا سی۔ اُو گھر آ رہیا سی۔ اُوہدے باپ نے اُوہنوں دور سڑک توں آنہدے ہوئیاں ویکھیا۔ اُو اپنے پُتر نوں ملن نٹھیا۔ اُوہنے پُتر نوں اپنی بانہواں وِچ پھڑیا تے چومیا! اُوہنے کہیا،

’’ایس لئی کہ میرا پُتر مر گیا سی، تے فیر زندہ ہو گیا اے۔ اُو گواچ گیا سی، تے لبھ گیا اے۔ تے اُو خوشی منان لگے‘‘ (لوقا 15: 24)۔

جدوں ت ُسی خدا دے گھر آں دا فیصلہ کرن گے، مسیح تہانوں ملے گا۔ مسیح تہانوں اپنی بانہواں وِچ لے گا تے تہانوں گلے لگائے گا۔ تُسی نجات پا جاؤ گے!

بہتیرے نوجوان کہندے نے، ’’میں مسیح دے کول کیویں آواں؟‘‘ ایہ واقعی اِک احمقانہ سوال اے! مسیح تہاڈے کول آئے گا! جدوں تُسی اُوہدے ول پہلے چند قدم چُکدے اُو، تے اُو تہانوں ملن دے لئی چھیتی کرے گا، تے تہانوں معاف کرے گا، تے تہانوں بچا لئے گا – کیوں جے اُو تہاڈے نال محبت کردا اے!

اپنے خود دے کول آؤ! اپنے ہوش وِچ آؤ! اپنے گناہ توں زبردستی باہر کڈن دی کوشش کرو۔ اپنے اندر کہوو، ’’میں مسیح نوں لبھہن جا رہیا آں – ایہدے نال کوئی فرق نئیں پیہندا کہ اُوہنوں کُجھ وی کرنا پیہئے! میں اپنے گناہواں دی معافی چاہنا آں!‘‘ جدوں تُسی اینج کرو گے، مسیح تہاڈے کول آئے گا تے تہانوں بچائے گا! اُو ای کرو جیہڑا ایہ گانا کہندا اے،

میں خدا توں بہوتی دور بھٹکدا رہیا آں، ہُن میں گھر آ رہیا آں؛
میں بہوتی عرصہ گناہ دی راہواں تے ٹُر چکیا آں، اے خداوندا، میں گھر آ رہیا آں۔

میں بہتیرے قیمتی ورے گنوا دِتے نے، ہُن میں گھر آ رہیا آں؛
میں ہُن شدید اَتھروواں نال توبہ کرنا آں، اے خداوندا، میں گھر آ رہیا آں۔

خداوندا، میں گناہ تے بھٹکن توں تھک گیا آں، ہُن میں گھر آ رہیا آں۔
میں تیرے پیار تے پروہسا کرنا آں، تیرے کلام تے یقین کراں گا، اے خداوندا، میں گھر آ رہیا آں۔

گھر آ رہیا آں، گھر آ رہیا آں، کدی مذید ہُور بھٹکن دے لئی نئیں۔
تیرے پیار بھرے بازو کُھلے ہوئے نے، اے خداوندا، میں گھر آ رہیا آں۔
(’’اے خُداوندا، میں گھر آ رہیا آں Lord, I’m Coming Home ‘‘ شاعر ولیم جے۔ کِرک پیٹرک William J. Kirkpatrick، 1838۔1821)۔

اپنے گانیاں دے ورق تے حمدوثنا دا گیت نمبر دو کھولو۔ آؤ اِک نال کِھلو جاؤ۔ جدوں اَسی گا رئے ہوئیے تے میں چاہنا آں کہ تُسی اپنی نشست توں اُٹھ جاؤ، تے ایتھے آ کے ایس منبر دے سامنے کِھلو جاؤ۔ تہاڈے آن دے بعد، اَسی اپنے دفتر جاواں گے تے یسوع مسیح دی گھر آن دے بارے وِچ گل کراں گے۔ جدوں اَسی گانا گانے آں، تُسی تشریف لیہیاؤ۔ بس اپنی نشست چھوڑو تے ہُنے آؤ!

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔