ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اَٹھ دِن پہلاں خلائی شٹل کولمبیا ریاست ٹیکساس دے اُوتے زمین دی فضا وِچ دوبارہ داخلے دے دوران پھٹ گئی۔ جہاز تے سوار 7 خلاباز جہاز دے لینڈ کرن توں صرف 16 منٹ پہلاں اَگ لگن توں ہلاک ہو گئے۔ گذشتہ منگل نوں صدر بُش نے جانسن اسپیس سینٹر وِچ اُوہناں دے لئی اِک یادگاری تقریب وِچ شرکت کیتی۔ اُو سات خلاباز سارے دے سارے بہوتی جوان سن۔ ڈیوڈ ایم براؤن، رک ڈی ہزبینڈ، لارل کلارک، کلپنا چاولہ، مائیکل پی اینڈرسن، ولیم سی میک کول، تے ایلان ریمن۔ اُوہناں دی موت تے دُنیا بھر وِچ ہزارہا لوکی غمزدہ نے۔ اِک وزیر نے کہیا، ’’حیاتی کیہنی نازک اے – اَسی سارے کیہنی بے قدری دی نظراں نال ویکھنے آں۔‘‘

بادشاہ ساؤل نے تین وری داؤد نوں مارن دی کوشش کیتی۔ ایہدے فوراً بعد داؤد ساؤل دے پُتر نال مِلیا جیہڑا اُوہدا بیلی سی۔ داؤد جانندا سی کہ بادشاہ ساؤل اُوہنوں فیر توں مارن دی کوشش کرے گا۔ اُوہنے جوناتھن نوں کیہیا، ’’میرے تے موت دے وِچکار صرف اِک قدم دا فاصلہ اے‘‘ (I سیموئیل 20: 3)۔ داؤد نوں معلوم ہو گیا سی کہ موت کِسی وی ویلے اُوہدے تے آ سکدی اے کہ ’’میرے تے موت دے وِچکار صرف اِک قدم دا فاصلہ اے۔‘‘

نوجوان، ایہہ تہاڈے بارے وِچ وی سچ اے۔ تُسی ہر ویلے موت توں صرف اِک قدم دے فاصلے تے اُو۔ ایہہ اِک سچائی اے جِنہوں اَسی سارے جاننے آں، لیکن اَسی ایہنوں اپنے ذہناں توں کڈ دیہنے آں۔ جیویں کہ اُوس وزیر نے کیہیا سی کہ جدوں خلابازاں دی موت ہوئی سی، ’’حیاتی کیہنی نازک اے – اَسی سارے دے سارے کیہنی بے قدری دی نظراں نال ویکھنے آں۔‘‘

جے ایس واعظ توں اَج گھر جاندے ہوئیاں صرف اِک سوچ اے جیہڑی تہانوں یاد رہوے تے میہنوں اُمید اے اُو ایہہ ہووے گی – تہاڈی حیاتی بہوتی نازک اے۔ ایہنوں بے قدری دی نظراں نال مت ویکھو۔ تہاڈے تے موت دے وِچکار صرف اِک قدم دا فاصلہ اے۔ تے ایس لئی تہانوں تیار رہن دی لوڑ اے۔ عاموس نبی نے کہیا، ’’اپنے خدا نوں مِلن دے لئی تیار ہو جاؤ‘‘ (عاموس 4: 12)۔ تے میں اَج سویرے اُوہدے بارے چہ گل کرن جا رہیا آں – موت دی تیاری کیویں کیتی جائے، جدوں تُسی مر جاؤ گے تے خدا نال روبرو ملاقات دی تیاری کیویں کریے۔ تُسی موت دی تیاری کیویں کردے اُو؟

I۔ پہلی گل، تہانوں بیدار رہنا چائیدا اے۔

بائبل کہندی اے:

’’اے سون آلے جاگ، مُردیاں وِچوں اُٹھ، تے مسیح دا نور تیرے تے چمکے گا‘‘ (افسیوں 5: 14)۔

’’اے سون آلے جاگ۔‘‘ ہُن تُسی روحانی طور تے سو رئے اُو۔ ایہہ ہر انسان دی فطری کیفیت اے۔ تُسی اُوہناں دس کنواریاں وانگوں اُو جِنہاں دے بارے وِچ یسوع نے متی دے 25 ویں بات وِچ دسیا سی – اُو ساری دی ساریاں اُونگھدے اُونگھدے سو گئیاں‘‘ (متی 25: 5)۔ تُسی اُوہناں نوجواناں وانگوں روحانی طور تے سو رئے اُو۔ تُسی کدی نئیں سوچدے کہ تہاڈے مرن دے بعد تہاڈے نال کی ہووے گا۔ تے جے کوئی تہاڈے نال ایہدے تزکرہ کردا اے، تے تُسی کہندے اُو، ’’میں ایہدے بارے چہ نئیں سوچنا چاہندا۔ موت بہوتی دور اے۔ میہنوں ہُنے ایہدے بارے وِچ سوچن دی لوڑ نئیں اے۔‘‘

میہنوں یقین اے کہ اُوہناں سات خلابازاں وِچوں ہر اِخ نے اینج محسوس کیتا۔ اُو چھیتی ای گھر پہنچ جان گے۔ اُوہناں دے زمین تے واپس آن وِچ صرف سولہ منٹ باقی ہون گے۔ ہُن اُو ہمیشہ دے لئی ٹر گئے نے۔ ’’میرے تے موت دے وِچکار صرف اِک قدم دا فاصلہ اے‘‘ (I سیموئیل 20: 3)۔ لیکن اُو تے موت دے بارے وِچ وی نئیں سوچ رئے سن۔

بائبل کہندی اے، ’’اے سون آلے جاگ۔‘‘ جے تُسی نجات پان دی اُمید رکھدے اُو تے ابدیت دے لئی تیار رہنا چاہندے اُو تے تہانوں نیند توں بیدار ہونا چائیدا اے۔

تے فیر ایہہ کہندی اے، ’’اے سون آلے جات، مُردیاں وِچوں اُٹھ۔‘‘ بائبل سانوں دسدی اے کہ پوری انسانیت سوئی ہوئی اے، موت دی نیندر سو رئی اے۔ ایس لئی تُسی خدا دے بارے وِچ نئیں سوچدے۔ ایس لئی تُسی نماز نئیں پڑھدے۔ ایس لئی تُہانوں لگدا اے کہ تہاڈی حیاتی اَگے ودھ رئی اے۔ تُسی سو رئے اُو۔ تُسی ابدیت دے بارے وِچ نئیں سوچ رئے اُو۔ تُسی ایہہ نئیں سوچدے کہ مرن دے بعد تہاڈا کی بنے گا۔

تے اِک سوتے ہوئے بندے وانگوں، تُسی سونا چاہندے اُو۔ تُسی نئیں چاہندے کہ کوئی تہانوں پریشان کرے یا تہانوں جگائے۔ تُسی جانندے اُو کہ الارم گھڑی بجن تے کینج محسوس ہوندا اے، لیکن تُسی سونا چاہندے اُو۔ تُسی اُوہدے تیکر ہتھ پہنچاندے اُو تے الارم گھڑی نوں پھڑدے اُو تے رِنگر نوں بند کر دیہندے اُو – تے واپس سو جاندے اُو۔ اِک مبلغ دے نال تُہاڈا ایہو ای سلوک ہوندا اے۔ مبلغ تہاڈے کناں وِچ الارم کلاک وجا رہیا اے، کہہ رہیا اے، ’’جاگو! اُٹھو!‘‘ لیکن تُسی اُوہنوں اپنے ذہن توں کڈ دیہندے اُو تے فیر توں سو جاندے اُو۔

لیکن جدوں خدا دی روح تہاڈے دِل وِچ کام کرن لگے گی، تے تُسی مختلف سوچو گے۔ جدوں خدا تہانوں بیدار کرنا شروع کر دیوے گا، فیر تُسی سوچو گے، ’’مبلغ ٹھیک کہہ رہیا اے۔ میں مرن آلا آں تے میں کسی وی ویلے کسی حادثے یا ناگہانی بیماری نال مر سکنا آں – حتّیٰ کہ اَج ای [مر سکنا آں]! میرے تے موت دے وِچکار صرف اِک قدم دا فاصلہ اے!‘‘

میں ہر عمر دے لوکاں دے لئی جنازے دی خدمات انجام دِتی اے۔ میں اِک چھوٹے مُنڈے دا جنازہ ادا کیتا، جیہدی عمر صرف 12 وریاں دی سی۔ اُو نٹھ رہیا سی تے کھیڈ رہیا سی – دُنیا دی پرواہ کیتے بغیر۔ اچانک اُوہناں نوں پتا چلیا کہ اُوہنوں لوکیمیا اے۔ میں اُوہنوں کئی وری ہسپتال وِچ ویکھن گیا۔ میں اُوہنوں نجات دا راستہ سمجھان دی پوری کوشش کیتی – لیکن میہنوں یقین نئیں اے کہ اُو ایہنوں گرفت وِچ لیہن تے ایہنوں سمجھن دے قابل سی – اُو بہوتی زیادہ دوائیاں کھا رہیا سی۔ اُوہدے ماں پیو اُوہنوں گرجا گھر نئیں لے کے گئے۔ اُوہناں نوں لے جانا چاہیے سی، لیکن اُوہناں دا خیال سی کہ اُو کئی وریاں تیکر جیوندا رہوے گا۔ اچانک اُو ٹر گیا، اُوہناں نوجوان خلابازاں وانگوں۔ ’’میرے تے موت دے وِچکار صرف اِک قدم دا فاصلہ اے۔‘‘

اِک عورت جیہنوں میں جاننا آں تے اُوہدی اِک دیھی سی جِنہوں نجات نئیں دلائی گئی سی۔ خاتون نے اپنی دیھی نوں گرجا گھر پونہچان دی پوری کوشش کیتی۔ اُوہنے اُوہنوں شکرگزاری دی ضیافت وِچ آن دے لئی کیہیا۔ اُوہنے اِک وری میہنوں خوشخبری سُناندے ہوئے سُنیا۔ میرے خیال چہ اُوہدی حیاتی وِچ شاید ایہہ واحد موقع سی جدوں اُوہنے کدی کسی مبلغ نوں ایہہ گل کردے ہوئے سُنیا کہ کیویں نجات پائی جائے۔ اچانک اُو بہوتی بیمار پئے گئی۔ فیر اُو مر گئی۔ میں ساڈے مُناد ڈٓاکٹر چیعن نوں ہسپتال وِچ تین وری خوشخبری سُنان دے لئی پیہجیا سی۔ میہنوں اُمید اے کہ اُوہنے سُنی ہووے گی۔ میہنوں اُمید اے کہ اُوہنے نجات پا لئی اے۔ لیکن اَسی یقین نئیں کر سکدے۔ اُو ایہنی دیر انتظار کردی رئی۔ ورے تیزی نال لنگھ گئے۔ اُو تکلیف وِچ سی۔ اَسی یقین نال نئیں کہہ سکدے کہ اُو مسیح وِچ ایمان لیہیا کے تبدیل ہو گئی سی۔ اُو بہوتی چھوٹی سی۔ ہُن اُو ٹر گئی اے۔ ’’میرے تے موت دے وِچکار اِک قدم دا فاصلہ اے۔‘‘

نوجوان، ججے تُسی اپنی نجات نوں روکدے اُو تے تُسی بیوقوف اُو۔ تُسی احمق اُو جے تُسی سوچدے اُو کہ تہاڈے کول مسیح دے کول آن تے نجات پان دے لئی کافی ویلہ اے۔ بائبل کہندی اے:

’’ جیہڑا بندہ بار بار متبنہ کیتے جان تے وی سرکشی کردا اے، اُو ناگہاں تباہ کیتا جائے گا تے اُوہدا کوئی چارہ نہ ہووے گا‘‘ (اِمثال 29: 1)۔

جے تُسی اپنے دِل نوں مسیح دے خلاف سخت کردے اُو، تے تُسی یسوع مسیح دے ذریعے نجات پائے بغیر ای حیاتی توں جدا کیتے جا سکدے اُو۔

تہانوں لگدا اے کہ تہاڈے کول کافی ویلہ اے، لیکن بائبل تہانوں خبردار کردی اے:

’’آن آلے کل تے گھمنڈ نہ کر، کیوں جے توں نئیں جانندا اُوس دِن کی ہووے گا‘‘ (اِمثال 27: 1)۔

ایس آیت وِچ اِک تنبیہ اے۔ جیوندے رہن لئی لمبے ویلے دے بارے چہ گھمنڈ نہ کرو۔ ایہہ کہندی اے کہ تُہانوں ایس گل تے فخر وی نئیں کرنا چائیدا اے کہ کل تُسی جیوندے رہوو گے، ’’آن آلے کل تے گھمنڈ نہ کرو، کیوں جے توں نئیں جانندا اُوس دِن کی ہووے گا۔‘‘

اِک نوجوان نے میہنوں تبلیغ کردے ہوئے سُنیا۔ اُوہنے اُیہنوں ٹھکرا دِتا۔ دو دِن بعد اُو مر گیا۔ میں اُوہدے چہرے تے غصے دے تاثر نوں کدی وی نئیں بُھل سکدا جدوں اُوہنے میرا واعظ سُنیا سی۔ اُوہنوں اندازہ ای نئیں سی کہ اُوہدے کول جین دے لئی صرف دو دِن باقی نے! اُوہنے ایہناں لفظاں دے بارے چہ بہوتا گھٹ سوچیا سی، ’’میرے تے موت دے وِچکار صرف اِک قدم دا فاصلہ اے۔‘‘ اُوہنے سوچیا کہ اُوہدے اَگے حیاتی دے کئی ورے باقی نے – لیکن اُوہدے کول صرف دو دِن باقی سن! جدوں اُوہناں نے میہنوں دِسیا کہ اُوہدے موت کیویں ہوئی تے میں غم نال بھر گیا۔ کلام پاک دے اُو الفاظ میرے ذہن وِچ اُبھردے رئے:

’’آن آلے کل تے گھمنڈ نہ کر، کیوں جے توں نئیں جانندا اُوس دِن کی ہووے گا‘‘ (اِمثال 27: 1)۔

اُوس نوجوان نے اپنی حیاتی وِچ نجات دی خوشخبری صرف اِک وری سُنی – جدوں میں اِک شامی منادی کیتی۔ ایہہ اُوہدے بچائے جان دا اِک تے واحد موقع سی۔ لیکن اُوہنے غصے وِچ عبادت چھڈ دِتی – تے بِلاشبہ موت دے لئی بغیر تیاری دے خدا نوں مِلن ٹر گیا۔ اُوہنے میری تحریر دی اہمیت نوں محسوس ای نئیں کیتا، ’’میرے تے موت دے وِچکار صرف اِک قدم دا فاصلہ اے۔‘‘

جے تُسی نجات پان دی اُمید رکھدے اُو تے تہانوں خدا وَلوں بیدار ہونا چائیدا اے۔ تے تہانوں چھیتی ای بیدار ہو جانا چائیدا اے۔

ہُن جدوں خدا دے روح تہانوں بیدار کرنا شروع کر دیہندی اے، فیر تُسی مسیح وِچ اپنی نجات نوں یقینی بنان دے لئی تیاری دی زبردست اہمیت نوں ویکھو گے۔ زیادہ تر لوکی ایہہ نئیں سوچدے کہ تہاڈے وگرے نوجوان نوں موت دے بارے وِچ اُداس خیالات رکھنے چائیدے نے۔ اُو تہانوں کہہ سکدے نے کہ ایتھے گرجا گھر وِچ واپس نہ آؤ۔ اُو کہہ سکدے نے، ’’ایس مبلغ نوں تہانوں خوفزدہ نہ کرن دیو۔ ’’لیکن تہانوں ایہہ جان لینا چائیدا اے کہ جیہڑے لوکی ایہو جئی گلاں کردے نے اُو تہاڈی جان دے دشمن نے۔ تہانوں اُوہناں دے گل نہ سُنن دا فیصلہ کرنا چائیدا اے۔ تہانوں اپنی موت دے خیالات نوں اُوس ویلے تیکر برقرار رکھن دا فیصلہ کرنا چائیدا اے جدوں تیکر کہ اُو تہاڈے دِل وِچ ڈُب نہ جان تے تہانوں پریشان نہ کرن۔

زبور نویس نے کہیا:

’’موت دی رسیاں نے میہنوں جکڑ لیہیا [میہنوں اُلجھا لیہیا]، تے پاتال دی اذیت میرے تے آ پیہئی، میں دُکھ تے غم وِچ مبتلا ہو گیا۔ فیرمیں خداوند خدا کولوں دعا مانگی …‘‘ (زبور 116: 3۔4) .

ایہو ای خیالات زبور 18: 4۔6 آیت وِچ درج نے:

’’موت دے پھندیاں نے میہنوں جکڑ لیہیا … پاتال دی رسیاں میرے چوگرد لپٹ گئیاں؛ تے موت دے پھندے میرے تے آن پیہئے [یا میہنوں سامنا کرنا پیہیا]۔ اپنی مصیبت وِچ میں خداوند نوں پکاریا، تے میں اپنے خدا اَگے فریاد کیتی …‘‘ (زبور 18: 4۔6) .

اُو دو آیات ظاہر کردیاں نے کہ مسیح وِچ ایمان لیہیان دے تبدیلی دے شروع وِچ جدوں تُسی بیدار ہوندے اُو تے کی ہوندا اے۔ ایہدے بعد تُسی موت دے دُکھ تے دہشت دے بارے وِچ تے ’’جہنم دے درد‘‘ دے بارے وِچ سوچو گے، (زبور 116: 3)۔ ایہہ بیداری اے، مسیح وِچ ایمان لیہیان دی تبدیلی دا آغاز۔ جدوں تُسی ’’مصیبت تے غم‘‘ نال بھرے ہوندے اُو، تے ایس حقیقت نال وڈی ’’تکلیف‘‘ وِچ ہوندے اُو کہ تُسی مرن دے لئی تیار نئیں اُو، فیر، تے اُدھوں، تُسی ’’خداوند نوں‘‘ فریاد کرو گے۔

جے تُسی اِک ایہو جئے شخص اُو جیہدے تے خدا دی مہربانی اے، تے خدا تہانوں تہاڈی موت دے خیالات، تہاڈے گناہ دے خیالات تے دیگر انتہائی تکلیف دہ خیالات نال بہوتا بے چین کر دے گا۔ ایہہ بُرا نئیں اے۔ ایہہ بالکل برعکس اے! ایہہ چنگا اے! موت تے جہنم، تے گناہ تے سزا دے بارے وِچ سوچن چہ ایماندار تے عقلمند ہونا تہاڈے لئی چنگا اے۔ تہاڈا ایہناں خوفناک خیالات دے بارے وِچ سوچنا ضروری اے تے جے تُسی نجات پان دے اُمید رکھدے اُو تے اپنے دِل وِچ ایہناں نال شدید پریشان رہوو۔

II۔ دوجی گل، مکمل نجات تے گناہ دی معافی دے لئی تہانوں یسوع مسیح دے کول آنا چائیدا اے۔

کوئی وی اینج نئیں کرے گا، تاہم، جدوں تیکر کہ خدا نے اُوس بندے نوں اُوہدی موت دے خیال نال سخت خوفزدہ تے اُوہدے گناہ نال سخت پریشان نہ کر دِتا ہووے۔ کوئی وی بندہ پورے دِل نال یسوع مسیح دے کول گناہ توں نجات دے لئی نئیں آئے گا جدوں تیکر کہ اُوہدا دِل خوف، کپکپی تے غم نال بھریا ہویا نہ ہووے۔

ایہو ای اے جیہدی تہانوں تلاش کرنی چائیدی اے۔ تہانوں موت تے تہاڈے گناہواں دی ملن آلی سزا توں خوفزدہ کرن دے لئی خدا نوں تلاش کرنا تے دعا کرنا چائیدا اے۔

جان نیوٹن نے اپنی عالمی شہرت یافتہ حمدوثنا دے گیت ’’حیرت انگیز فضل‘‘ وِچ لکھیا، ’’ایہہ فضل ای سی جِنہے میرے دِل نوں ڈرنا سیکھایا۔‘‘ تہانوں ایہہ ویکھن تے محسوس کرن دے لئی خدا دے فصل تے روح القدس دے کام دی لوڑ ہوندی اے کہ میرے تے موت وِچکار صرف ایک قدم دا فاصلہ اے‘‘ (ٰI سموئیل 20: 3)۔

جدوں بیداری دے ایس کام نے تہاڈے دِل نوں تیار کر لیہیا اے – تے ایہہ چند منٹاں وِچ ہو سکدا اے – یا ایہدے چہ بوہتی زیادہ ویلہ لگ سکدا اے – لیکن جدوں تہاڈا دِل مکمل طور تے پریشان تے خوفزدہ ہوندا اے تے اُودھو تے صرف اُودھوں ای کی تُسی اپنا دِل یسوع مسیح دے حوالے کرن دے لئی تیار اُو؟ کیلی لوئی کولوں پوچھو۔ دارا سیم کولوں پوچھو۔ ہارون یانسی نوں پوچھو۔ ڈاکٹر چیعن، یا مسٹر گریفتھ یا ڈاکٹر کیگن نوں پوچھو۔ اُو ذاتی تجربے نال جانندے نے کہ جو کُج میں تُسی نوجواناں نوں دس رہیا آں اُو بائبل دے مطابق اے۔

تہانوں اپنے دِل نوں مشتعل کرن دے لئی ہر ممکن کوشش کرنی چائیدی اے، تے ایہنوں خوفزدہ تے غمگین بنانا چائیدا اے، تے نجات دہندہ مسیح دے سامنے ہتھیار ڈالن دے لئی تیار رہنا چائیدا اے۔

تُسی کہہ سکدے اُو، ’’میرا دِل بوہتا سخت اے۔‘‘ لیکن میہنوں شک اے کہ تُسی صحیح اُو۔ میہنوں شک اے کہ تہاڈا دِل کمبوڈیا دے خوف زدہ خمر روگKhmer Rouge of Cambodia دے تین سابق کمیونسٹ جرنیلاں دے دِل وگرا سخت اے۔ ایہہ لوکی لفظی طور تے کمبوڈیا دے ’’قتل دے میداناں‘‘ وِچ لکھاں بے گناہ لوکاں دی موت دے ذمہ دار سن۔ ایہہ لوکی سرد مہر قاتل سن۔ فیر وی خدا اُوہناں نوں مت توں ڈران دے قابل سی۔ خدا اُوہناں نوں اُوہناں دے ہولناک گناہواں، بشمول اجتماعی قتل کرن تے بہوتا زیادہ پریشان کرن دے قابل سی۔ خمر رُوگ دے ایہناں تیناں جرنیلاں وِچ جنرل ٹِتھ ووئم Tith Voeum، جیہڑے کدی پول پوٹ Pol Pot دی فوج وِچ اعلیٰ فوجی مشیر رہ چکے سن، جنرل اینگ ایم Ang Em، تے جنرل چیا ویزسوتھ Chea Visoth شامل نے۔ ایہہ لوکی اُن کمبوڈیا وِچ مسیح دی انجیل دی منادی کر رئے نے۔ اُو مرد جیہڑے کدی قاتل ڈکٹیٹر پول پوٹ دی خدمت کردے سن ہُن پادری دے طور تے یسوع مسیح دی خدمت کر رئے نے!

نئیں، تہاڈا دِل بہوتا سخت نئیں اے۔ ایہہ اُوہناں کیمونسٹاں وانگوں سخت نئیں اے جِنہاں نے کمبوڈیا وِچ لکھاں لوکاں نوں قتل کیتا۔ اُو بیدار ہو گئے۔ اُو آپس وِچ کیہن لگے کہ میرے تے موت وِچکار صرف اِک قدم دا فاصلہ اے۔ اُوہناں نوں اپنے گناہ دا احاس ہویا۔ اُو یسوع مسیح وَل متوجہ ہوئے۔

سب توں پہلاں، خدا تہانوں وکھاندا اے کہ تُسی مرن آلے اُو۔ اُو تہانوں وکھاندا اے کہ تُسی اِک مجرم گہنگار اُو – کہ جہنم دے مستحق اُو۔

دوجا، خدا تہانوں یسوع مسیح وَل کھیچدا اے۔ تے جدوں تُسی یسوع تے مکمل پروہسا کردے اُو تے تہاڈی یسوع وِچ ایمان لیہیان دی تبدیلی مکمل ہو جاندی اے۔ یسوع نے کہیا:

’’قیامت تے حیاتی میں آں جیہڑا میرے چہ ایمان رکھدا اے اُو مرن دے بعد وی جیوندا رہوے گا، تے جیہڑا کوئی زندہ اے تے میرے تے ایمان لیہاندا اے کدی نہ مرے گا‘‘ (یوحنا11: 25۔26)۔

جدوں تُسی اپنے گناہ تے مصائب دے لئی بیدار ہوندے اُو، تہانوں ابدی حیاتی دِتی جاندی اے – تُسی موت دی حالت توں حیاتی دے حالت وِچ تبدیل ہو جاندے اُو! یسوع مسیح، خدا دا پُتر، تہانوں ہمیشہ دی حیاتی دیہندا اے۔ بائبل کہندی اے:

’’جیہڑا کوئی بیٹے تے ایمان لیہیاندا اے ہمیشہ دی حیاتی پاندا اے‘‘ (یوحنا3: 36)۔

’’میرے تے موت وِچکار صرف اِک قدم دا فاصلہ اے۔‘‘ جے تہانوں اچانک مر جانا پیہہ جائے تے تہاڈے ریکارڈ وِچ بہوتے گناہ ہوندے نے۔ تُسی خدا نوں ملن دے لئی تیار نئیں اُو۔ جدوں تُسی مر جاؤ گے تے تہانوں تہاڈے گناہواں دے لئی سزا دِتی جائے گی تے جہنم چہ پیہج دِتا جائے گا۔ خدا تہانوں تہاڈی حالت دے خطرے توں بیدار کرے۔ تہانوں مسیح وَل متوجہ ہونا چائیدا اے۔ تہانوں مسیح وِچ ایمان لیہیا کے تبدیل ہونا چائیدا اے۔ فیر تہانوں اِک ہُور جہت وِچ ہمیشہ دی حیاتی لبھے گی، ایس تھاں تے جِنہوں بائبل جنت کہندی اے۔ جے تُسی مسیح نوں جانندے اُو، تے موت ختم ہو جائے گی! بائبل کہندی اے:

’’یسوع مسیح … جِنہے موت دا زور توڑ دِتا، تے خوشخبری دے ذڑیعے نال حیات تے بقا نوں روشن کر دِتا‘‘ (II تیمتھیس 1: 10)۔

یونانی لفظ جیس دا ترجمہ ’’ختم شدہ‘‘ کیتا گیا اے اُو اے ’’ katargēsāntos‘‘، اِک aorist اُوریسٹ [کُج زباناں (کلاسیکی یونانی تے سنسکرت) وِچ فعل وِچ اِک تناؤ ایہدی تکمیل یا تسلسل دی نشاندہی کیتے بغیر (خاص طور تے ماضی دی کاروائی یا) عمل دا اِظہار کرنا ہوندا اے، فعل دا صفتی عمل، جیہدا مطلب ہوندا اے ’’ناکارہ بنانا، غیر فعال کرنا، ختم کرنا یا منسوخ کرنا‘‘ (حوالہ ویکھو والٹر لاکWalter Lock، ،بین الاقوامی تنقیدی تبصرہInternational Critical Commentary، ٹی اور ٹی کلارکT. and T. Clark، 1966۔ II تیمتھیس 1: 10 تے غور طلب گل)۔

جدوں تُسی مسیح وِچ ایمان لیہیا کے تبدیل ہوندے اُو، مسیح موت نوں ناکارہ بنا دیہندا اے۔ اُو موت نوں غیر فعال بنا دیہندا اے۔ اُو مت نوں منسوغ کردا اے تے اُوہنوں ختم کر دیہندا اے۔

’’یسوع مسیح نے … موت دا زور توڑ دِتا … خوشخبری دے ذریعے نال‘‘ (II تیمتھیس 1: 10) .

مسیح تہاڈے گناہواں دا کفارہ ادا کرن دے لئی سولی تے مریا۔ مسیح جسمانی طور تے تیجے دِن مُردیاں وِچوں جی اُٹھیا۔ اُو تیجے آسمان تے چڑھ گیا۔ اُو ہُنے وی جیوندا اے، خدا دے تخت تے کول بیٹھا اے۔ تے جدوں تُسی اپنے گناہ تے مصائب دے لئی بیدار ہووے گے، تُسی مسیح دے کول آن دی شدید خواہش کرو گے۔ تہاڈے گناہ اُوہدے لہو نال دُھل جان گے۔ تہانوں ہمیشہ دی حیاتی لبھے گی!

ایس لئی اَسی کہنے آں، ’’تنہا کیوں رہیا جائے؟ گھر آؤ – ہر اِتوار نوں گرجا گھر دے لئی!‘‘ گرجا گھر وِچ آؤ! گھر آؤ – مسیح دے کول۔ اُوہدے لہو دے ذریعے توں اپنے گناہواں توں پاک صاف ہو جاؤ!

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔