ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

کُجھ عرصہ پہلاں کسی نے میہنوں ایہہ سوال پُچھیا سی:

خدا قوانین بناندا اے۔ تے یسوع نوں سولی تے کیوں مرنا پیہیا؟ میں جاننا آں کہ اُوہدی پیشنگوئی کیتی گئی سی۔ لیکن خدا یسوع نوں اُوہدی قیمت ادا کرن دے بجائے انسان نوں دوجا موقع دے سکدا سی۔

ایہہ ایہنا اہم سوال اے کہ میں کرسمس دی شام دے موقع تے ایہدے تے اِک واعظ دی تبلیغ کیتی۔ میں ایس واعظ وِچ نشاندہی کیتی سی کہ یسوع نوں سولی تے مرن دے لئی بھیجنا ای اُو واحد راستہ سی جیہڑا خدا اِک ای ویلے وِچ ’’منصفانہ، تے راستباز‘‘ ہو سکدا اے (حوالہ ویکھو رومیوں 3: 24-26)۔ راستبازی توں تعلق رکھدے ہوئے ایہہ پروٹسٹنٹ تے بپتسمہ دین آلے الہیات دے علم دے عقیدے توں متعلق اے۔

ہُن، اَج سویرے میں ایس موضوع وِچ مذید گہرائی چہ جاواں گا۔ سوال وِچ بنیادی خیالات اِک وری فیر توں ایہہ نے:

یسوع نوں سولی تے کیوں مرنا پیہیا؟ خدا یسوع نوں اُوہدی قیمت ادا کرن دے بجائے انسان نوں دوجا موقع دے سکدا سی۔

میں ایس سوال دے نال اپنے ای دو سوال پُچھن تے اُوہناں دے جواب دین دے ذریعے توں نمٹاں گا۔

1. یسوع کون اے؟

2. سولی تے اُوہنے کیس شے دی ادائیگی کیتی سی؟

I۔ پہلا سوال، یسوع کون اے؟

اَسی واقعی ایس سوال نال نمٹ نئیں سکدے کہ یسوع نوں سولی تے کیوں مرنا پیہیا جدوں تیکر کہ اَسی پہلاں ایہہ نہ جان لہیے کہ یسوع کون اے۔ میرے نال اپنی بائبل وِچ یوحنا دی [انجیل]، پہلا باب، پہلی آیت کھولو:

’’ابتدا وِچ کلام سی تے کلام خدا دے نال سی تے کلام ای خدا سی‘‘ (یوحنا 1: 1)۔

اُو آیت ایس گل نوں واضح کر دیہندی اے، ’’کلام ای خدا سی۔‘‘

ہُن چودھویں آیت تے نظر پاؤ:

’’تے کلام مجّسم ہویا، تے ساڈے وِچکار خیمہ زن ہویا … ‘‘ (یوحنا 1: 14)۔

اُو دوویں آیتاں ایس گل نوں بالکل واضح کر دیہندیاں نے۔ ’’کلام خدا سی‘‘ تے ’’کلام مجّسم ہویا۔‘‘ ایہدا مطلب صرف ایہہ ہو سکدا اے کہ خدا بیت اللحم وِچ چرنی وِچ انسان بن گیا۔

ہُن لوقا، باب اول، آیت پینتیس نوں کھولو:

’’تے فرشتہ نے جواب دِتا تے اُوہنے کہیا، پاک روح تجھ تے نازل ہووے گا تے خدا تعالیٰ دی قدرت تیرے تے سایہ پائے گی۔ ایس لئی اُو مُقدّس جیہڑا پیدا ہووے گا خدا دا بیٹا کہلائے گا‘‘ (لوقا 1: 35)۔

ایہہ آیت سانوں وکھاندی اے کہ خدا تثلیث اے۔ ایہہ خدا باپ دے بارے وِچ ’’سب توں اعلیٰ ترین‘‘ دے طور تے گل کردی اے۔ ایہ کِنگ جیمز دے ترجمہ وِچ پاک روح، ’’روح القدس‘‘ دی گل کردا اے۔ آیت یسوع دے بارے وِچ وی گل کردی اے، یسوع نوں ’’اُو مقدس شے‘‘ تے ’’خدا دا پُتر‘‘ کہندی اے۔

ہُن، ایہدا مطلب ایہہ نئیں اے کہ یسوع خدا توں گھٹ اے۔ جدید، مغربی سوچ وِچ بیٹا اپنے باپ توں گھٹ یا اپنے باپ توں مختلف ہوندا اے۔ لیکن مسیح دے زمانے وِچ یہودی جدید مغربی نئیں سن۔ اُو جانندے سے کہ ’’خدا دا پُتر‘‘ دی اصطلاح دا مطلب اے کہ یسوع خدا دے برابر سی۔ براہِ کرم یوحنا، باب پنج، آیت اٹھارہ وَل رجوع کرو:

’’ایس وجہ توں یہودی اُوہنوں قتل کرن دی کوشش وِچ پہلاں توں وی بوہتی سرگرم ہو گئے کیوں جے اُوہناں دے نیہڑے یسوع نہ صرف سبت دے حکم دی خلاف ورزی کردا سی بلکہ خدا نوں اپنا باپ کہہ کے پکاردا سی گویا اُو خدا دے برابر سی‘‘ (یوحنا 5: 18)۔

مسیح دے زمان وِچ مشرقی ذہن دے لئی، ایہہ کہنا کہ خدا اُوہدا باپ سی، نے یسوع نوں خدا دے برابر کر دِتا۔

ہُن یوحنا، باب پنج، آیت چھبیس تے نظر پاؤ:

’’کیوں جے جیویں باپ اپنے آپ وِچ حیاتی رکھدا اے اُونج ای اُوہنے اپنے پُترے نوں وی اپنے وِچ حیاتی رکھن دا شرف بخشا اے‘‘ (یوحنا 5: 26)۔

ایہ آیت ظاہر کردی اے کہ یسوع دی اپنی ذات وِچ اُوہی حیاتی اے جیہڑا خدا باپ وِچ اے۔ ایہناں دوواں وِچ اِک ای حیاتی اے۔ ماہرینِ اِلہیات ایہنوں ای اِک وگرا ’’جوہر‘‘ کہندے نے۔ باپ دی حیاتی یا ’’جوہر‘‘ بیٹے وِچ اے۔ یسوع نے ’’ایہ وی کہیا کہ خدا اُوہدا باپ اے، جیہڑا اپنے آپ نوں خدا دے برابر بناندا اے‘‘ (یوحنا 5: 18)۔

ایہ بنیادی مسیحیت اے۔ 2,000 وریاں پہلاں بیت اللحم وِچ چرنی چہ پیدا ہون آلا بچہ یسوع خود خدا اے، تثلیث دی دوجی ہستی، سچا خدا تے سچا انسان اے۔ ایہہ یسوع ابالاباد توں باپ دے نال برابر دے طور تے موجود سی۔ یسوع مقدس تثلیث دی دوجی ہستی اے، ہر لحاظ توں باپ دے برابر اے۔ مریم دے حمل وِچ یسوع دے مجّسم ہون دے بعد وی، اُو سچا خدا سی، تے ہُن وی اے، تے ہمیشہ رہووے گا۔ یسوع خدا اے۔

مسیحیاں دا عقیدہ اے کہ صرف اِک ای خدا اے۔ بعض دا دعویٰ اے کہ مسیحی تین خداواں تے یقین رکھدے نے۔ لیکن اَسی اینج نئیں کردے۔ اَسی صرف اِک خدا تے یقین رکھنے آں:

’’اے اسرائیل، سُن! خداوند ساڈا خدا اِک ای خداوند اے‘‘ (اِستثنا 6: 4)۔

لیکن مسیحی نیا عہدنامہ سکھاندا اے کہ ایہ اِک خدا تین ہستیاں وِچ، خدائی، تثلیث وِچ موجود اے۔ تین خدا نئیں بلکہ تین ہستیاں وِچ اِک خدا اے۔ یسوع نے کہیا:

’’ایس لئی تُسی جاؤ تے ساری قوماں نوں شاگرد بناؤ تے اُوہناں نوں باپ، بیٹے تے پاک روح دے ناں توں بپتسمہ دو‘‘ (متی 28: 19)۔

’’خداوند یسوع مسیح دا فضل، خدا دی محبت تے پاک روح دی رفاقت تُساں سارے دے نال ہووے۔ آمین‘‘ (II کرنتھیوں 13: 14)۔

سچ تے ایہ اے کہ بنی نوع انسان تثلیث نوں پوری طرح نال نئیں سمجھ سکدا۔ اَسی خدا نوں مکمل طور تے کینج سمجھ سکنے آں؟ یاد رکھو کہ خدا نے فرمایا:

’’کیوں جے میرے خیالات تہاڈے خیالات نئیں تے نہ تہاڈی راہواں میری راہواں نے۔ کیوں جے جیویں آسمان زمین توں اُوچے نے، اُونج ای میری راہواں تہاڈی راہواں توں تے میرے خیالات تہاڈے خیالات توں بُلند تر نے‘‘ (اشعیا 55: 8۔9)۔

ایتھوں تیکر کہ نئے سرے توں جنم لین آلا اِک مسیحی وی پوری طرح توں خدا نوں نئیں سمجھدا۔ خدا ساڈے توں بُلند تر اے تے ساڈی سمجھ توں بالا تر اے، ’’ایس ویلے تے آئینے وِچ سانوں دُھندلہ جیہا وکھائی دیہندا اے‘‘ (I کرنتھیوں 13: 12)۔ کوئی تعجب نئیں کہ ساڈے کول تثلیث دے بارے وِچ ہُنے وی سوالات نے! کسی دِن، جنت وِچ ، اَسی ہُن دی نسبت بوہتی سمجھاں گے:

’’ایس ویلے تے آئینے وِچ سانوں دُھندلا جیہا وکھائی دیہندا اے لیکن اُوس ویلے روبرو ویکھاں گے۔ ایس ویلے میرا علم ناقص اے مگر اُوس ویلے میں پورے طور تے پہچان لیہواں گا، جیویں میں پہچانا گیا آں‘‘ (I کرنتھیوں 13: 12)۔

فیر، یسوع کون اے؟ اُو خدا دا بیٹا، تثلیث دی دوجی ہستی، مکمل طور تے خدا تے مکمل انسان اے۔ یسوع خدائی ہستی اے۔ یسوع خدا اے۔

لیکن یسوع سارے دا سارا خدا نئیں اے۔ نیا عہدنامہ سِکھاندا اے کہ باپ وی خدا اے۔ روح القدس وی خدا اے۔ تین معبود نئیں، بلکہ اِک خدا، تین ہستیاں وِچ۔ جیویں کہ اَسی اکثر مسیحی عبادت وِچ حمدوثنا یا آیت وِچ جیہڑی خدا دی جلالیت دی لئی ہوندی اے گانے آں:

خداوند دی ستائش ہووے جِیس توں ساری برکات نکلدیاں نے؛
ایتھے زمین تے ساری مخلوقات اُوہدی ستائش کرو؛
اے آسمانی میزبان، عالمِ بالا وِچ اُوہدی ستائش ہووے؛
باپ بیٹے تے پاک روح دی ستائش ہووے! آمین۔
(شاعر تھامس کین Thomas Ken، 1637۔1711)۔

ایس سب دے علاوہ، سانوں ایہہ وی سمجھنا چائیدا اے کہ تثلیث وِچ ہر فرد اِک کام اے۔ براہ کرم اپنی بائبل وِچوں I تیمتھیس، دوجا باب تے پانجویں آیت نوں کھولو:

’’کیوں جے خدا اِک اے، تے خدا تے انسان دے وِچکار صُلح کران آلا وی موجود اے، یعنی مسیح یسوع جیہڑا انسان اے‘‘ (I تیمتھیس 2: 25)۔

I تیمتھیس 2: 5 آیت سانوں وکھاندی اے کہ خدا بیٹا ثالثی کردا اے، یا اِک ’’بیچ دا فرد‘‘ اے انسان تے خدا باپ دے وِچکار۔ یسوع سولی تے ساڈا ثالث بن گیا۔

یسوع کون اے؟ یسوع جسم [انسان حالت] وِچ خدا اے۔ جیویں کہ چارلس ویزلی نے ایہنو اپنے کرسمس دے مشہور گیت وِچ تحریر کیتا اے:

مسیح، جیس دی عالم بالا تے تمجید ہوندی اے؛ مسیح، اُو دائم و قائم خداوند!
وقت چہ اُوہنوں آندا ہویا ویکھو، کنواری دے رحم دی اُو تجسیم اے:
انسانی جسم دے پردے چہ اُو قادرِ مطلق ویکھدا اے؛ اُوس متجسم خدائی دی ستائش ہووے،
لوکاں وِچ رہن دے لئی انسان بن کے خوش ہویا، یسوع، ساڈا عمانوایل۔
توجہ نال سنو، قاصد فرشتے گاندے نے، ’’نئے پیدا ہوئے بادشاہ نوں جلال ہووے۔‘‘
     (’’توجہ نال سُنو، قاصد فرشتے گاندے نے Hark, the Herald Angels Sing‘‘ شاعر چارلس ویزلی Charles Wesley، 1707۔1788)۔

’’انسانی جسم دے پردے وِچ اُو قادرِ مطلق ویکھدا اے؛ اُوس متجسم خدائی دی ستائش ہووے۔‘‘ ایہو ای ایہدا خلاصہ بنندا اے – یسوع انسانی جسم وِچ خدا اے۔ ایہو ای اے جیہڑا یسوع اے۔

II۔ دوجا سوال، یسوع نے کیس گل دی ادائیگی کیتی سی؟

یسوع نے سولی تے مردے ویلے کیس شے دی قیمت ادا کیتی؟ اُو سوال یاد رکھو جیہڑا ایس شخص نے میہنوں پُچھیا سی:

لہٰذا یسوع نوں سولی تے کیوں مرنا پیہیا؟ خدا یسوع نوں اُوہدی قیمت ادا کرن دے بجائے انسان نوں دوجا موقع دے سکدا سی۔

یسوع نے جیہڑی کُجھ ادائیگی کیتی ایہدا واحد ذکر ’’ایہو ای اے۔‘‘ میں ایس سوال نوں بہوتا غور نال ویکھیا تے میں پایا کہ لفظ ’’گناہ‘‘ دا کدی ذکر نئیں کیتا گیا اے، تے ایہنوں صرف اِک وری بطور ’’ایہو ای اے‘‘ کیہیا جاندا اے۔ خدا یسوع نوں ایہدی قیمت ادا کرن دے بجائے انسان نوں دوجا موقع دے سکدا سی۔‘‘ جے تُسی گناہ دے بارے وِچ چکنے چُپڑے، سرسری لفظاں وِچ سوچدے نے، تے کوئی تعجب دی گل نئیں کہ تُسی یسوع دی قیمت ادا کرن دے بارے وِچ بہوتا گھٹ سوچدے نے۔ آخرکار، تہاڈے نیہڑے، گناہ صرف ’’ایہو ای اے‘‘ – کوئی ماڑی جیہئی شے جِنہوں خدا آسانی نال نظر انداز کر سکدا اے – تہاڈی نظر وِچ۔ لیکن گناہ کوئی ماڑی شے نئیں اے، اِک حقیر جیہا ’’ایہو ای اے۔‘‘ گناہ نے دُنیا نوں برباد کر دِتا اے تے گناہ نے اربوں انسانی روحواں نوں جہنم دی اَگ دے لازوال عذاباں دے لئی برباد کر دِتا اے! نئیں گناہ صرف اِک چھوٹا جیہا ’’ایہو ای اے‘‘ نئیں اے۔

خدا نے اصل چہ انسان نوں اپنی صورت تے، اُوہدے علم وِچ، راستبازی تے پاکیزگی وِچ پیدا کیتا۔ جدوں خدا نے انسان نوں تخلیق کیتا تے اُوہنے اُوہدے نال حیاتی دا عہد کیتا۔ عہد دی شرائط سادہ سن: (1) انسان نوں چنگے تے بُرے دی پہچان دے درخت دا پھل کھان توں منع کیتا گیا سی (پیدائش 2: 17)؛ تے حیاتی دے درخت دا پھل کھاؤ تے ہمیشہ زندہ رہوو (حوالہ ویکھو پیدائش 3: 22)۔ انسان نوں موت دی تکلیف تے چنگے تے بُرے دے علم دے درخت دا پھل کھان توں منع کیتا گیا سی۔

ساڈے پہلے ماں پیو نوں اُوہناں دی مرضی دی آزادی تے چھڈ دِتا گیا سی۔ اُوہناں نے ممنوعہ پھل کھا کے خدا دے خلاف گناہ کیتا، تے ایویں اُوس حالت توں ڈِگ گئے جیہدے چہ اُو اصل وِچ پیدا کیتے گئے سن۔ راستباز تے مقدس ہون دے بجائے، اُو تباہ شُدہ گنہگار بن گے، ’’کیوں جے گناہ شریعت دی خلاف ورزی اے‘‘ (I یوحنا 3: 4)۔

سارے بنی نوع آدم دی سرکشی وِچ گمراہ ہوئے۔ سارے بنی نوع انسان ایس [آدم] توں عام نسل توں نکلے، تے اینج سارے بنی نوع انسان نے ایس [آدم] وِچ گناہ کیتا، تے اُوہدے نال اُوہدی پہلی سرکشی وِچ ڈِگے۔ کیوں جے ’’آدم وِچ سب مردے نے‘‘ (1 کرنتھیوں 15: 22)۔ تے ’’اِک آدمی توں گناہ دُنیا وِچ داخل ہویا، تے گناہ نال موت‘‘ (رومیوں 5: 12)۔ برگشتگی و گمراہی بنی نوع انسان نوں گناہ تے مصائب دی حالت وِچ لیہیائی، کیوں جے ’’اِک ای سزا دے جرم توں سارے بندیاں تے سزا آئی‘‘ (رومیوں 5: 18)۔ انسان مکمل طور تے اِخلاقی زوال وِچ گیا۔ انسان نے اصل راستبازی کھو دِتی۔ انسان مکمل طور تے گِریا ہویا، گناہ وِچ مُردہ ہو گیا۔ انسان دی پوری فطرت خراب، روحانی طور تے مُردہ، تے خدا دی مخالف ہو گئی، جِنہوں عام طور تے موروثی گناہ کہیا جاندا اے۔

نتیجے دے طور تے، اِج انسان روحانی طور تے مر چکیا اے، خدا توں مکمل طور تے کٹیا ہویا اے، تے باطنی طور تے اپنے دِلاں وِچ – خدا دے خلاف اے۔ ایس لئی بائبل کہندی اے:

’’کوئی سمجھدار نئیں، کوئی خدا دا طالب نئیں‘‘ (رومیوں 3: 11)۔

غور کریں کہ میں ہُنے تیکر ذاتی گناہواں توں نئیں نمٹیا آں۔ میں صرف موروثی گناہ نوں بیان کیتا اے، جیہڑا ساڈے وِچوں ہر اِک نوں اپنے پہلے ماں پیو توں وراثت وِچ ملیا اے۔ ایس گل دی روشنی وِچ فیر توں سوال تے غور کریے،

یسوع نوں سولی تے کیوں مرنا پیہیا؟ خدا یسوع نوں اُوہدی قیمت ادا کرن دے بجائے انسان نوں دوجا موقع دے سکدا سی۔

ایہہ سوال کرن آلے نے ہُنے تیکر اپنی بدحالی دی حقیقت نوں محسوس نئیں کیتا۔ اُوہنے خدا دے تئیں اپنے مُردہ پن، مسیح دے تئیں اُوہدی اندرونی عداوت، تیہرے [تین وری] مقدس خدا نال اُوہدی بیگانگی دا احساس نئیں کیتا اے! اُو ایمانداری نال نیوٹن دے نال گانا نئیں گا سکدا،

حیرت انگیز فضل! کیس قدر میٹھی اُو آواز،
جِنہے میرے وگرے تباہ حال نوں بچایا!
     (’’حیرت انگیز فضلAmazing Grace ‘‘ شاعر جان نیوٹن John Newton ، 1725۔1807).

اُو اپنے آپ نوں اِک تباہ شُدہ، روحانی طور تے مُردہ، بدبخت نئیں ویکھدا!

خدا اِک مُردہ بندے نوں دوجا موقع کینج دے سکدا اے؟ اِک وری آدمی مر گیا، اُو مر گیا! اینج دا کوئی طریقہ نئیں اے کہ اِک مُردہ اپنی موت نوں پلٹا سکے۔ جہنم وِچ امیر آدمی دعا کر سکدا اے، ’’توبہ‘‘ کر سکدا اے، دوجے مواقع دی درخواست کر سکدا اے، لیکن ایہناں وِچوں کوئی [گل] وی ایہدی مدد نئیں کرے گی – کیوں جے اُو مر چکیا اے۔ تے تُسی اُوسی ویلے مر چکے اُو – ’’قصوروں تے گناہواں وِچ مُردہ‘‘ (افسیوں 2: 1)۔ ایہہ خدا دے لئی کوئی چنگا نئیں کرے گا کہ اُو مسیح دے علاوہ انسان نوں دوجا موقع دے – صرف ایس لئی کہ انسان مر چکیا اے۔ دوجا موقع مُردہ لوکاں دی مدد نئیں کردا!

یسوع مسیح موروثی گناہ دا کفارہ ادا کرن دے لئی سولی تے مر گیا۔ یسوع مسیح مُردیاں وِچوں جی اُٹھیا تاکہ انسان نوں اُوہدی موت تے بدنصیبی دی حالت توں آزاد کر سکے! یسوع موروثی گناہ دی ادائیگی دے لئی مر گیا! یسوع سانوں موروثی موت توں آزاد کران دے لئی مُردیاں وِچوں جی اُٹھیا! ایہہ خوشخبری دا دِل اے!

لیکن، فیر، اپنے ذاتی گناہواں دے بارے وِچ سوچو۔ میہنوں سوال کرن آلے نے کہیا:

یسوع نوں سولی تے کیوں مرنا پیہیا؟ خدا یسوع نوں اُوہدی قیمت ادا کرن دے بجائے انسان نوں دوجا موقع دے سکدا سی۔

واقعی؟ ایہناں گناہواں دے بارے وِچ کی خیال اے جیہڑے تُسی پہلاں ای کر چکے اُو، جیہڑے عالمِ بالا [آسمان] وِچ کتاباں وِچ درج نے؟ براہ کرم اپنی بائبل وِچ مکاشفہ، بیس باب، آیت بارہ نوں کھولو:

’’تے میں نے چھوٹے وڈے سارے مُردیاں نوں خدا [دے تخت] دے سامنے کِھلوتا ویکھیا۔ فیر کتاباں کھولی گئیاں تے اِک کتاب جِیہدا ناں کتابِ حیات اے اُو وی کھولی گئی تے سارے مُردیاں دا اِنصاف اُوہناں دے اعمال دے مطابق کیتا گیا جیہڑا اُوہناں دی کتاباں وِچ درج نے۔ (مکاشفہ 20: 12)۔

ایہہ غیر محفوظ شُدہ مُردیاں دی آخیرلی عدالت اے۔ ہر غیرمحفوظ شُدہ شخص خدا دے تخت دے سامنے کِھلوتا ہووے گا جدوں کہ ہر اِک گناہ جیہڑا اُوہنے اپنی حیاتی وِچ کیتا اے، اِک اِک کر کے، خدا دے ریکارڈ توں باہر پڑھیا جائے گا۔ تہاڈا ہر اِک گناہ ریکارڈ کیتا جاندا اے۔ ایہہ خدا دے کمپیوٹر وانگوں اے۔ فیر کمپیوٹر چلایا جائے گا، تے ہر اُو گناہ پڑھیا جائے گا جیہڑا تُسی کدی کیتا اے۔ فیر تہانوں ’’اَگ دی جھیل وِچ جھونک دِتا جائے گا‘‘ (مکاشفہ 20: 15)۔

ہُن تُسی دَسّو کہ خداوند ایہناں گناہواں نوں کتاباں وِچ کیجن منسوخ کر سکدا اے جدوں تیکر کہ کوئی ایہناں دا جرمانہ ادا نہ کرے؟ اِک عادل خدا مجرم آدمی نوں کینج اِنصاف دے سکدا اے؟ کسی نوں ایہناں جان لیوا گناہواں دی ادائیگی دے لئی مرنا پیہیا۔ یا تے تُسی ادائیگی کردے اُو – یا یسوع ادائیگی کردا اے۔ ایہہ ایہنا ای سہوکھا اے۔

لیکن اِک گل یقینی اے: کامل انصاف دا خدا ایہناں گناہواں نوں ایویں ای نظر انداز نئیں کر سکدا۔ جیس بندے نے میہنوں سوال پُچھیا اے اُو سوچدا اے کہ جے خدا چاہوے تے ایہناں گناہواں نوں نظرانداز کر سکدا اے۔ لیکن ایہہ سچ نئیں اے۔ چونکہ خدا بالکل عادل اے، اُو تہاڈے گناہواں نوں ایویں ای نظرانداز یا بُھل نئیں سکدا۔ کسی نوں جرمانہ ادا کرنا پیہئے گا۔ ایس لئی خدا خود ہیٹاں آیا، اِک انسان بن گیا، تے خود تہاڈے گناہواں دی ادائیگی دے لئی مریا۔ کیہنا شاندار تحفہ اے! کیہو جئی فیاضی! کیہو جیہا پیار!

حیرت انگیز پیار! ایہہ کیویں ہو سکدا اے،
کہ توں، میرے خداوند، میری خاطر قربان ہو گیا؟
     (’’تے ایہہ کیویں ہو سکدا اے؟ And Can It Be? ‘‘ شاعر چارلس ویزلی Charles Wesley، 1707۔1788).

یسوع نوں سولی تے کیوں مرنا پیہیا؟ کیوں جے موروثی گناہ تے بنی نوع انسان تے ایہدی لعنت توں چھٹکارہ پان دا کوئی دوجا راستہ نئیں سی۔ کیوں جے اِک عادل خدا دے لئی تہاڈے ذاتی گناہواں دا کفارہ ادا کرن دا کوئی دوجا راستہ نئیں سی۔

فیر ایس شخص نے میہنوں اپنے سوال وِچ کیہیا:

خدا یسوع نوں اُوہدی قیمت ادا کرن دے بجائے انسان نوں دوجا موقع دے سکدا سی۔

ٹھیک اے، ایہہ غلط اے کیوں جے اُو شخص جیہڑا واقعی چہ منگ رہیا اے اُو تیجا موقع اے۔ میں اینج کیوں کہواں؟ کیوں، محض ایس لئی کیوں جے یسوع دوجا موقع اے!

یسوع خدا اے۔ خدا پُتر نے سولی تے گناہ دا کفارہ ادا کیتا۔ ’’پاک صحائف دے مطابق مسیح ساڈے گناہواں دی خاطر قربان ہو گیا‘‘ (1 کرنتھیوں 15: 3)۔

ایہہ سادہ تصورات لوکاں دے لئی سمجھنا کیوں مشکل نے؟ بنیادی طور تے ایس لئی کہ اُو اپنے گناہواں تے اپنی خراب فطرت دے بارے چہ سنجیدگی نال سوچن توں انکار کردے نے۔ تہانوں سوچنا چائیدا اے کہ تُسی خدا توں کیہنی گھٹ دعا کردے نے، تے کینج تُسی واقعی اُوہدے نال محبت نئیں کردے۔ تہانوں سوچنا چائیدا اے کہ تُسی واقعی خدا دے خلاف باطنی بغاوت وِچ کیہو جئے اُو۔ تے فیر تہانوں اپنے گناہواں تے اِک طویل، شدید نظر پانی چائیدی اے۔ فیر ای ایہہ الفاظ تہاڈے لئی اہم ہو جاندے نے:

’’پاک صحائف دے مطابق مسیح ساڈے گناہواں دی خاطر قربان ہو گیا‘‘ (I کرنتھیوں 15: 3)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔