خداوند کیویِں عادل وی تے راستباز ٹھہران آلا وی ہو سکدا اے؟

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

حال ای وِچ کسی نے ایہہ سوال میہنوں پُچھیا سی:

خدا قوانیں بناندا اے۔ تے یسوع نوں فیر سولی تے کیوں مرنا پیہیا؟ میں جاننا آں کہ ایہدی پیشن گوئی کیتی گئی سی۔ لیکن خدا انسان نوں دوجا موقع دے سکدا سی، بجائے ایہدے کہ یسوع نوں اُوس دی قیمت ادا کرنی پیہندی۔

ایہہ ایہنا ڈونگا سوال اے کہ میں ایہدا جواب دین دے لئی کئی واعظ دین جا رہیا آں۔ ایہہ پہلا واعظ اے۔

ایس سوال دی جڑ خدا دے بارے وِچ بائبل دے نقطۂ نظر دے بجائے خدا دے بارے وِچ مابعد جدید دےنظریہ وِچ اے۔ مابعد جدید لوکی سوچدے نے کہ خدا نوں عادل دے بجائے منصفانہ ہونا چائیدا اے۔ ’’منصفانہ‘‘ دا مطلب اے سب دے نال اِکہو جیہا سلوک کرنا۔ ’’عادل‘‘ دا مطلب اے قوانین دے مطابق لوکاں دے نال سلوک کرنا۔ مابعد جدید دے لوکاں دے نال سب توں وڈی غلط گل ایہہ اے کہ اُو منصفانہ تے غیرمنصفانہ دے لحاظ نال سوچدے نے – بجائے ایس دے کہ اُو عادلانہ تے غیرعادلانہ دے لحاظ نال سوچو۔

انصاف دا تقاضا اے کہ خدا ہر اُوس شخص دے نال نرمی تے مہربانی نال پیش آئے جیہڑا دوجا موقع مانگے۔

دوجے پاسے، انصاف مطالبہ کردا اے کہ گناہ نوں ہمیشہ دے لئی سزا دِتی جائے، پاویں کوئی شخص دوجا موقع مانگے یا نہ مانگے۔

ایہہ اِک خوفناک گل اے کہ مابعد جدید دے ذہن وِچ عدل دی تھاں غیرجانبداری نے لے لئی اے۔ ایس گل نے اَج لوکاں دے لئی حقیقی تبدیلی لیہیانا انتہائی مشکل بنا دِتا اے۔ جے تُسی مسیح وِچ ایمان لیہیا کے تبدیل ہونا چاہندے اُو تے تہانوں خدا دے بارے وِچ مابعد جدید دی سوچ نوں ’’توڑ کے نکلنا‘‘ ہووے گا۔ ایتھے ایس سوال دا اِک مختصر جواب اے جیہڑا تہاڈی مدد کرے گا، جے تُسی ایس بارے وِچ سوچدے اُو۔

خدا قوانین بناندا اے۔ تے فیر یسوع نوں سولی تے کیوں مرنا پیہیا … خدا انسان نوں دوجا موقع دے سکدا سی، بجائے ایہدے کہ یسوع نوں ایہدی قیمت چُکانی پیہندی۔

ایہدا جواب ایہہ اے: خدا کسی وی دوجی طرح توں عادل تے راستباز ٹھہران آلا نئیں ہو سکدا سی۔ فیر توں رومیوں، تین باب، آیات 24 تا 26 کھولو،

یسوع مسیح: … خدا نے یسوع نوں مقرر کیتا کہ اپنا لہو وگائے تے انسان دے گناہ دا کفارہ بن جائے تے اُوہدے لہو تے ایمان لیہیان آلے فائدہ چُکن … کیوں جے اُو عادل وی تے ہر [اُوس] بندے نوں جیہڑا یسوع تے ایمان لیہیاندا اے راستباز ٹھہراندا اے‘‘ (رومیوں3: 24۔26)۔

یسوع دے سولی تے گناہ دی ادائیگی کیتے بغیر، خدا عادل وی نئیں ہو سکدا تے اِک ای ویلے وِچ راستباز ٹھہران آلا وی نئیں ہو سکدا۔

پندرہ سالہ چارلس سپرجیئن نوں سُنو۔ سوچو کہ اَج دے مابعد جدید انسان دے مقابلے وِچ ایہدا دماغ کیہنا مختلف کام کردا اے۔ مابعد جدید انسان کہندا اے، ’’یار، خدا میہنوں اِک ہُور موقع کیوں نئیں دے سکدا؟‘‘ لیکن نوجوان سپرجیئن نے کہیا،

     میں انصاف دی کُرسی تے بیٹھ گیا تے میں نے اپنے آپ نوں ہلاک کرن دی سزا سُنائی، کیوں جے میں اعتراف کیتا سی کہ، جے میں خدا ہوندا تے میں ایہو جئی مجرم مخلوق نوں پہجھن دے علاوہ ہُور کُج نئیں کر سکدا سی جیویں کہ میں پاتال دی گہرائیاں وِچ سی … میں محسوس کیتا کہ جے میہنوں نااِنصافی نال معاف کیتا جا سکدا اے تے ایہہ میرے ضمیر نوں مطمئن نئیں کرے گا۔ میں جیس گناہ دا اِرتکاب کیتا اے ایہدی سزا ضرور ملنی چائیدی اے … میں اپنے دِل کولوں پُچھیا، ’’اُو عادل تے فیر وی راستباز ٹھہران آلا کینج ہو سکدا اے؟‘‘ میں ایس سوال توں پریشان تے تھک گیا سی۔ نہ ایم میں ایہدا کوئی جواب ویکھ سکدا سی۔ یقیناً میں کدی وی ایہو جیہا جواب ایجاد نئیں کر سکدا سی جیہدے نال میرا ضمیر مطمئن ہووے۔
     کفارہ دا نظریہ میرے ذہن وِچ مقدس کتاب دے الہٰی الہام دے یقینی ثبوتاں وِچوں اِک اے۔ ظالم باغی دے لئی مرن آلے عادل حکمران دے بارے وِچ کون سوچ سکدا سی؟ ایہہ انسانی افسانیاں دی تعلیم یا شاعرانہ تخیل دا خواب نئیں اے۔ کفارہ دا ایہہ طریقہ صرف مَرداں دے وِچکار پہچانا جاندا اے کیوں جے ایہہ اِک حقیقت اے۔ افسانہ ایہنوں واضع نئیں کر سکدا سی۔ خدا نے خود ایہنوں مقرر کیتا۔ ایہہ کوئی ایہو جیہا معاملہ نئیں جیس دا تصور وی کیتا جا سکدا ہووے۔
     میں اپنی جوانی توں ای یسوع دی قربانی دے ذریعہ نجات دا منصوبہ سُنیا سی، لیکن میں اپنی باطنی روح وِچ ایہدے بارے چہ ایس توں زیادہ کُج نئیں جانندا سی جیہنا کہ جے میں اِک ہوٹن ٹوٹ Hottentot [جنوبی افریقہ دا مقامی خانہ بدوش پادری] پیدا ہویا ہوندا تے اُوہناں وگری پرورش ہوئی ہوندی۔ ایہہ میرے کول اِک نئے مکاشفہ دے طور تے آیا، اِسقدر تروتازہ جیویں کہ میں کدی صحیفیاں نوں پڑھیا ای نئیں سی، کہ یسوع نوں ’’ساڈے گناہواں دا کفارہ‘‘ قرار دِتا گیا سی (1 یوحنا 2: 2)، تاکہ خدا انصاف کرے۔
     جدوں میں اِک اِنصاف پسند خدا دے میہنوں معاف کرن دے امکان دے بارے وِچ فکرمند سی، تے میں ایمان نال سمجھیا تے ویکھیا کہ اُو جیہڑا خدا دا پُتر اے، انسان بن گیا تے، اپنی ای بابرکت ہستی وِچ، سولی تے اپنے ای بدن تے میرا گناہ چُک لیہیا۔ میں ویکھیا کہ میری سلامتی دا عذاب اُوہدے تے ڈالیا گیا، تے اُوہدے کوڑے کھان نال میہنوں شفا ملی (اشعیا 53: 5) – کی تُسی کدی اینج ویکھیا اے؟ کی تُسی کدی سمجھیا اے کہ خدا کینج مکمل طور تے منصف ہو سکدا اے، نہ سزا معاف کر سکدا اے تے نا ای تلوار دی دھار نوں کُند کر سکدا اے، تے فیر وی بے حد رحم کرن آلا ہو سکدا اے تے اُوہدے وَل رجوع کرن آلے بے دیناں نوں انصاف فراہم کر سکدا اے؟ ایہہ ایس لئی سی کہ خدا دے پُتر نے، اپنی بے مثال ہستی وِچ اعلیٰ شان نال، قانون نوں صحیح ثابت کرن دا بیڑہ چُکیا، میری سزا نوں برداشت کر کے، ایس لئی کہ خدا میرے گناہ نوں درگزر کرن دے قابل اے۔
     ’’یسوع نے ساڈے وَلوں سزائے موت برداشت کیتی اے!‘‘ کمال ویکھو! اُوتھے اُو سولی تے لٹکیا ہویا اے! ایہہ اُو سب توں وڈا نظارہ اے جیہڑا کدی ویکھو گے: خدا دا پُتر تے ابن آدم! اُوتھے اُو لٹکیا ہویا، ناقابلِ بیان درد برداشت کردا اے – ناراستاں دے لئی راستباز – تاکہ اُو سانوں خدا دے کول لے آئے۔ اوہ، ایس نظارے دی شان! اُو معصوم، اُو مصیبتاں! اُوس پاک تر نوں سزا ہوئی! ابدی بابرکت، لعنتی بنا دِتا گیا! اُو لامحدود جلالی، اِک شرمناک موت ماریا گیا!ً جیہنا بہوتا میں خدا دے پُتر دے دُکھاں نوں ویکھنا آں، ایہنا ای میہنوں یقین ہوندا اے کہ اُو میرے معالے تے ضرور پورا اُتردے نے۔ اُوہنے کیوں دُکھ چُکے، جے ساڈے کولوں سزا نوں دور نئیں کیتا جانا سی؟

ایس نوجوان دے سوال دا بنیادی قیاس غلط سی۔ یسوع دے سولی تے جائے بغیر خدا انسان نوں ’’موقع‘‘ نئیں دے سکدا سی۔ یسوع نون سولی تے پیہجھ کے، خود گناہ دی قیمت ادا کیتے بغیر خدا اِک منصفانہ خدا نئیں ہو سکدا سی۔

لیکن خدا انسان نوں دوجا موقع دے سکدا سی، بجائے ایس دے کہ یسوع نوں اُوہدی قیمت ادا کرنی پیہندی۔

کیس قدر احمقانہ! کیہو جیہا اِک جھوٹا عقیدہ! کینج دا گھماؤ پھیراؤ!

نئیں! خدا دے لئی عادل تے راستباز ٹھہرائے جان آلا ہون دا کوئی دوجا راستہ نئیں سی۔ مقدس تثلیث دی دوجی ہستی، خدا نوں، گنہگار آدمی دے لئی کفارہ ادا کرنا ضروری سی! خدا دے لئی کوئی دوجا راستہ نئیں سی کہ اُو عادل تے گنہگاراں نوں راستباز ٹھہران االا ہووے! اِک انسان نوں صرف خدا وَلوں ای راستباز ٹھہرایا جا سکدا اے جیہڑا [خدا یعنی یسوع] گناہ دا کفارہ ادا کر رہیا اے!

حیرت انگیز پیار! ایہہ کینج ہو سکدا اے،
کہ توں، میرے خداوند، میری خاطر قربان ہو گیا؟
(’’تے ایہہ کینج ہو سکدا اے؟ And Can It Be? ‘‘ شاعر چارلس ویزلی Charles Wesley، 1707۔1788).

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔