لہو دا وگایا جانا – سی ایچ سپرجیئین توں اخذ کیتا گیا

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

آؤ مینوں پہلاں تہانوں لہو دے وگائے جان نوں ظاہر کر لین دیو ایس توں پہلاں کہ میں تلاوت تے تبلیغ کرنی شروع کراں۔ کی تُسی نئیں سوچدے کہ ایہہ آیت اِک مخصوص لہو دے وگائے جان دے بارے وچ گل کردی اے؟ جی ہاں، اِک قیمتی لہو نوں وگایا گیا سی جیہدے بارے وچ کُج ای دیر وچ میں گل کراں گا۔ میں تہانوں خونریزیاں تے قتل و غارت گریوں دے بارے وچ نئیں دساں گا، نا ای مینڈھیاں تے بکریاں دے لہو دے بارے وچ دساں گا۔ ایتھے اِک وری لہو وگایا گیا سی، جیہڑا کہ ہُن تیکر دے وگائے گئے لہو توں کِتھے زیادہ اے۔ اُو خدائے انسان دا سی جیہنے اپنا لہو وگایا سی۔ آؤ تے ایہنوں ویکھو۔ ایتھے اِک تاریک تے غمناک اے۔ ادھی رات دی سرد جما دین آلی ٹھنڈ دے نال زمین اکڑی ہوئی سی۔ اُوہناں سایہ دار زیتون دے درختاں دے وچکار اِک انسان نوں ویکھنا واں۔ میں اُوہنوں دعا وچ اپنی حیاتی لئی آہ و بکا کردے ہوئے سُنیا۔ سنو فرشتو! سنو لوکو! تے تعجب کرو۔ اُو نجات دہندہ اے جیہڑا اپنی جان لئی آہ و بکا کر رہیا اے! آؤ تے اُوہنوں ویکھو۔ اُوہدے سر تے نظر پاؤ! اُوہدے چہرے توں تے اُوہدے بدن توں لہو دے قطریاں دی دھاراں وگ رہیاں نے۔ ہر روواں کھُلیا پیا اے تے اُو پسینے وچ تربتر اے! لیکن پیسے دی خاطر کم کرن آلے لوکاں دا ایہہ پسینہ نئیں اے۔ ایہہ اُوس بندے دا خونی پسینہ اے جیہڑا خدا تے جنت لئی کم کر رہیا اے۔ اُو ’’لہو دے وڈے وڈے قطرے وگاندا اے۔‘‘ اُو اے لہو دا وگایا جانا جیہدے بغیر گناہواں دا بخشیا جانا نئیں ہو سکدا۔ اُوس بندے دی پیروی وچ تھوڑا ہور اگے تیکر جاؤو؛ اُوہناں نے اُوہنوں باغ وچ اُوہدی دعا آلی تھاں توں کھِچ کے باہر کڈیا اے۔ اُو اُوس عظیم رومی گورنر پینطُس پیلاطُوس دی عدالت وچ کھِچ لائے نے۔ اُو اُوہنوں اِک کرسی تے بٹھاندے نے تے اُوہدا تمسخر اُڈاندے تے اُوہدے تے فقرے کسدے نے۔ ٹھٹھے اُڈان لئی اُوہدے موڈیاں تے ارغوانی رنگ دا اِک لبادہ پا دِتا جاندا اے۔ اُوہدے تے نظر پاؤ۔ اُوہناں نے اُوہدے سر تے کنڈیاں دا اِک تاج رکھیا ہویا اے، تے اُوہدے رخساراں توں جمے ہوئے خونی لوتھڑے تھلے ڈِگ رئے نے! اُوہناں نے اُوس ارغوانی لبادے نوں کھِچ کے لہا سُٹیا جیہڑا اُوہدے موڈیاں تے چند لمحیاں لئی پایا گیا سی۔ اُوہدی پِٹھ مکمل طور تے لہولہان سی تے زخماں توں مسلسل لہو وگ رہیا سی۔ دسو مینوں، شیطانوں ایہہ کیہنے کیتا سی۔ اُو دُرّہ چُکدے نے تے اُوہدی کمر تے برساندے نے۔ اُو گوشت نوں چیر پھاڑ ڈالدا اے تے اُوہدے موڈیاں توں لہو دا اِک سیلابی دریا بن کے تھلے وگدا اے! ایہہ اے اُو لہو دا وگایا جانا جیہدے بغیر گناہواں دی کوئی معافی نئیں ہوندی – کوئی معافی نئیں ہوندی۔

ہَلے تیکر میری گل مُکّی نئیں اے۔ اُو اُوہنوں گھسیٹ کے سڑکاں تے لے آندے نے۔ اُو اُوہنوں زمین تے دھکے دیندے نے۔ اُو اُوہدے ہتھاں تے پیراں نوں لکڑی دی سولی تے کِیلّاں نال جڑ دیندے نے۔ اُو اُوہنوں ہوا چہ اُوچا کردے نے تے اُو اُوہنوں اُوس کھڈے وِچ گڈ دیندے نے جیہڑا اُوہنوں کھلارن لئی تیار کیتا گیا سی۔ اُو اُوتھے خدا دا مسیح لٹکیا ہوندا اے۔ اُوہدے سر وِچوں لہو، اُوہدے ہتھاں وِچوں لہو، اُوہدے پیراں وِچوں لہو! اُوس اذیت وِچ جیہڑی کسی وی ہُور انسان نے نئیں سہی ہووے گی اُو اپنی حیاتی نوں لہو وگاندے ہوئے ختم کر دیندا اے، جیہدے وِچ اُوہدی جان ہولناک طور تے نڈھال ہو چکی ہوندی اے۔ تے فیر تُسی لہو دے اُوس وگائے جان نوں ویکھو۔ لہو دا ایہہ وگایا جانا ناگوار اے، اُو لہو دا ہولناک طور تے اُمڈنا، جیہدے بغیر تُسی یا کوئی وی ہور دوجا بندہ گناہواں دی معافی نئیں پا سکدا – کوئی کفارہ نئیں – کوئی معافی نئیں۔

’’جدوں تیکر لہو نہ وگایا جائے گناہ وی نئیں بخشے جاندے‘‘ (عبرانیوں9:22).

اُودھوں فیر میں اُوس ویلے، اُمید کیتی، اپنی تلاوت نوں کھولیا تے ایس گل نوں واضح کیتا۔ ’’جدوں تیکر لہو نہ وگایا جائے گناہ وی نئیں بخشے جاندے۔‘‘ میں ہُن تلاوت وِچوں کُج نکات سامنے لہیاواں گا جِنہاں دے بارے وِچ میں چاہنا واں کہ اَج دی سویر تُسی سوچو۔

مسیح دی اذیت دے درد دے ایس واقعے تے لوکی کیوں نئیں روندے؟ تُسی کہندے اُو میں اُوہنوں چنگے طریقے نال نئیں دسیا۔ تُسی صحیح اُو۔ میں ایس گل دے لئی سارا اِلزام خود تے لینا آں۔ لیکن میرے سجنو، ایتھوں تیکر کہ جے ایہنوں ایسی قدر بُرے طور تے دسیا جاندا جِنہا کہ ممکن ہوندا تے جے تہاڈا دِل چنگا ہوندا جیویں کہ ایہنوں ہونا چائیدا اے تے اَسی غماں وِچ اپنے دِلاں نوں لہولہان کر دیندے۔ اوہ! اُو اِک ہولناک قتل سی! ایہہ خون ریزی دا اِک عمل سی؛ خدا دا قتل، پاک تثلیث دی دوجی ہستی! اُوہدا قتل کیتا جانا جیہڑا انسانی شکل وِچ اِک خدا سی – جیہڑا ساڈے گناہواں نوں دھون لئی آیا سی۔ اوہ! پاویں تہاڈا دِل ایہنا ای سخت ہوندا جنہا کہ لوہیا تے فیر وی تُسی روندے تے اتھرو وگا کے غم دا اِظہار کردے۔ جے تہاڈے دِل سنگ مرمر جنہے سخت ہوندے تے فیر وی تُسی دُکھ تے رنج دے بے شمار اتھرو وگاندے۔ لیکن تہاڈا دِل ایہنا ای سخت اے جنہا کہ پتھر ہوندا اے۔ تہانوں اُوہدے دُکھ تے درد تے ترس نئیں آندا۔ تُسی اُوس حقیقت دے بارے وِچ نئیں سوچدے کہ اُوہنے سانوں نجات دلان دے لئی تکلیفاں برداشت کیتیاں۔ بہرحال، حقیقت ایہو ای اے،

’’جدوں تیکر لہو نہ وگایا جائے گناہ وی نئیں بخشے جاندے‘‘ (عبرانیوں9:22).

ہُن تلاوت وِچ دو آئیڈیاز یا تصورات نے۔ پہلا، ایتھے اِک منفی بیان اے – گناہ دا بخشا نہ جانا (یا معافی) لہو دے وگائے بغیر۔ تے فیر ایتھے اِک مثبتاِطلاق اے – لہو دے وگائے جان نال گناہ بخشے جاندے نے۔

I۔ پہلا، ایتھے اِک منفی بیان اے: جدوں تیکر لہو نہ وگایا جائے گناہ وی نئیں بخشے (یا معاف) کیتے جاندے – یسوع مسیح دے لہو دے بغیر۔

خدا دا کلام ایہہ گل کہندا اے۔ جدوں میں کہنا واں، ’’جدوں تیکر لہو نہ وگایا جائے گناہ وی نئیں بخشے جاندے‘‘ تے میں ایہہ گل خدا دے اِختیار دے وسیلے توں کہنا واں۔ ایہہ کوئی ایہو جیہا موضوع نئیں اے جیس تے تُسی شک کرو۔ تہانوں ایس گل تے یقین کرنا چائیدا اے یا نئیں تُسی ایس گل دا چناؤ نئیں کر سکدے۔ تہانوں ایس گل وِچ یقین کرنا چائیدا اے ورنہ تُسی بائبل دا اِنکار کیتا اے تے خدا توں منکر ہو چکے اُو۔ ایہہ کوئی میرے الفاظ یا خیالات نئیں نے۔ ایہہ الفاظ خود خدا دے لباں توں نکلے نے – ’’گناہواں دے کوئی معافی نئیں۔‘‘

شاید تُسی ایہدے خلاف بغاوت کرو: لیکن یاد رکھو تُہاڈی بغاوت کوئی میرے خلاف نئیں اے، بلکہ خدا دے خلاف اے! تُسی شاید یقین کرو یا نا کرو بے شمار گلاں جیہڑیاں مبلغ کہندا اے – لیکن جے تُسی ایس گل تے یقین نئیں کردے تے تُسی اپنی جان گنوان دے خطرے وِچ اُو۔ ایہو ای اے جو خدا نے کہیا۔ کی تُسی خدا نے اُوہدے مُنہ تے کہوو گے کہ تُسی اُوہدے تے یقین نئیں رکھدے؟

’’جدوں تیکر لہو نہ وگایا جائے گناہ وی نئیں بخشے جاندے‘‘ (عبرانیوں9:22).

ایہہ اے جو خدا کہندا اے۔ اُوہدے وَلوں دِتی گئی اِک سنجیدہ تنبیہہ دی حیثیت توں ایس گل نوں قبول کرو۔

لیکن کُج لوکی کہین گے کہ لوکاں نوں نجات دلان دا ایہہ طریقہ، لہو وگان دے ذریعے توں سچا نئیں اے۔ میں تہاڈے نال بحث نئیں کراں گا۔ جے تُسی مباحثہ کرنا چاہندے اُو، تے تُسی اپنی لڑائیاں خدا دے نال لڑو جِنہے ایہہ بیان دِتا، ’’جدوں تیکر لہو نہ وگایا جائے گناہ وی نئیں بخشے جاندے۔‘‘

غور کرو ایہہ بیان کس قدر حتمی اے: ’’جدوں تیکر لہو نہ وگایا جائے [ایتھے] گناہ وی نئیں بخشے جاندے۔‘‘ لیکن، جناب، کی میں اپنے گناہواں نوں اتھرو وگان دے نال، التجاواں کرن دے نال تے دعاواں منگن دے نال معاف نئیں کروا سکدا۔ کی خدا مینوں میرے اتھروواں دی خاطر معاف نئیں کرے گا؟‘‘ ’’کوئی گناہواں دا بخشا جانا نئیں،‘‘ تلاوت کہندی اے، ’’لہو دے وگائے جان دے بغیر۔‘‘ لیکن، جناب، جے میں مسیح نوں اپنی حیاتی دا خداوند بنانا واں، تے اِک شاگرد ہون دی حیثیت توں اُوہدی جوش و خروش دے نال خدمت کرنا واں، تے کی خدا مینوں معاف نئیں کرے گا؟‘‘ ’’کوئی گناہواں دا بخشا جانا نئیں،‘‘ تلاوت کہندی اے، ’’لہو دے وگائے جان دے بغیر۔‘‘ لیکن، جناب، کی میں پرہوسا نئیں کر سکدا کہ خدا رحم توں بھرپور اے تے مینوں لہو دے بغیر ای معاف کر دے گا؟‘‘ ’’جی نئیں،‘‘ تلاوت کہندی اے، ’’ ’’جدوں تیکر لہو نہ وگایا جائے گناہ وی نئیں بخشے جاندے،‘‘ پاویں کوئی وی ہووے۔ ایہہ الفاظ ہر دوجی اُمید نوں تلف کر دیندے نے۔

اپنی اُمیداں نوں مسیح دے لہو نال منسلک کرو۔ تے جے تہاڈی نجات دی اُمیداں لہو دی بنیاداں تے نئیں نے تے لہو دے نال مُہر لگی ہوئی نئیں اے، تے اُو ایہنی ای بیکار اے جِنہے کہ ہوا وِچ محل ہوندے نے تے رات وِچ خواب ہوندے نے! ’’گناہواں دا بخشا جانا نئیں ہوندا،‘‘ تلاوت سادہ جئے لفظاں وِچ کہندی اے۔ تے ایہدے باوجود لوکی پچاسیوں دوجے طریقیاں نال معافی پان دی کوششاں کردے نے جدوں تیکر کہ اُوہناں دیاں گواہیاں ساڈے لئی وی ایہنی اے غصہ دلان آلیاں نئیں بن جاندیاں نے جنہیاں کہ اُو اُوہناں لئی فضول ہو جاندیاں نے۔ اُو کرو جیہڑا تہانوں پسند ہوندا اے تے اُو کہوو جیہڑا تُسی چاہندے اُو، لیکن تُسی گناہواں دے معاف کیتے جان توں ایہنے ای دور ہوندے اُو جدوں تُسی اپنی بہترین کوشش کر چکے ہوندے اُو جیویں کہ جدوں تُسی پہلی وری شروع کیتا، جدوں تیکر تُسی اپنا پرہوسا تے اعتماد نجات دہندہ دے لہو وِچ نئیں رکھدے کیوں جے ایہدے بغیر گناہواں دا بخشا جانا نئیں ہوندا۔

ایس گل تے وی غور کرو ایہہ کیس قدر عالمگیری اے۔ ’’کی میں لہو دے وگائے بغیر گناہ نئیں بخشوا سکدا؟‘‘ اُو مراعات یافتہ بچہ جِنہے بپٹسٹ گرجا گھر وِچ پرورش پائی سی کہندا اے۔ ’’کی میرا بائبل نوں پڑھنا تے اپنے ماں پیو دے نال وریاں تیکر تسلسل دے نال گرجا گھر آنا لہو دے وگائے جان دے بغیر میرے گناہ نوں نئیں مٹا سکدا؟‘‘ ’’جی نئیں،‘‘ ایہدا جواب بنندا اے۔ فیر بائبل دا طالب علم آندا اے، اُو اپنے یونانی فعلات دا تجزیہ کردا اے تے کاتِباں آلے علم دے ذریعے توں اپنی شاگردی نوں بڑھا چڑھا کے پیش کردا اے۔ ’’کی میں اپنی حاصل کردہ ساری تعلیم توں گناہ نوں بخشوا نئیں سکدا؟‘‘ ’’بالکل وی نئیں! بالکل وی نئیں! فیر اُو ایک بندہ آندا اے جِنہے اِک ’’فیصلہ‘‘ کیتا ہوندا اے۔ کی مینوں معافی نئیں مل سکدی کیوں جے میں اَگے ودھیا سی تے ’’گنہگاراں دی دعا‘‘ سُنائی سی؟‘‘ ’’نئیں! نئیں!‘‘ ’’جدوں تیکر لہو نہ وگایا جائے گناہ وی نئیں بخشے جاندے۔‘‘ ’’لیکن جناب، میں تے اپنے ہتھاں نوں چُکیا سی تے یسوع دے ناں نوں پکاریا سی تے میں اپنے بدن وِچ قوت نوں آندیاں ہویا محسوس کیتا سی تے میری زمینی حیاتی بدل گئی سی۔ کی اُو تجربہ میرے گناہواں نوں بخشوا نئیں سکدا؟‘‘ تے فیر، مینوں گرجنا چائیدا اے، ’’نئیں! نئیں! ہزار وری، نئیں!‘‘ ’’جدوں تیکر لہو نہ وگایا جاوے گناہ وی نئیں بخشے جاندے۔‘‘ ہر پینتیکوسٹل آلا ہوشیار ہو جاوے! بائبل دا مطالعہ کرن آلا ہر ایونجیلیکل ہوشیار ہو جاوے! ساڈے گرجا گھر وچ پروان چڑھیا ہر بچہ ہوشیار ہو جاوے! ’’جدوں تیکر لہو نہ وگایا جاوے گناہ وی نئیں بخشے جاندے۔‘‘ (ڈاکٹر ہائیمرز دی غور طلب گل: موجودہ صورتحال دے تقاضیاں نوں پورا کرن لئی ایس پیراگراف دے متن وچ جِدّت پیدا کیتی گئی اے، لیکن ایہدے وچ اونج ای روح اے تے اونج ای اِطلاق اے جیویں سپرجیئین دے اصلی پیراگراف وچ سی)۔

فیر غور کرو کیس قدر دوامی [تسلسل] میری ایس تلاوت وچ اے، کیس قدر دائمیت میری ایس تلاوت وچ اے۔ ایہہ کہندی اے، ’’گناہ دا بخشیا جانا نئیں اے۔‘‘ جدوں ہزار ورے لنگھ چُکے ہون گے، تے شاید کوئی مبلغ ایس انتہائی تھاں تے کھلوتا ہووے گا تے ایہی گل کہے گا۔ ایہہ کدی وی بالکل نئیں تبدیل ہووے گی۔ ایہہ ہمیشہ اینج دی ای رہوے گی، اگلی دُنیا وچ، تے اُوہدے نال نال ایس دُنیا وچ: جدوں تیکر لہو نہ وگایا جاوے گناہ وی نئیں بخشے جاندے۔ مسیح دے لہو دے بغیر کوئی وی حقیقی معافی نئیں ہوندی۔ بے شک تہاڈے پاک روح دے نال تعجب انگیز مشاہدات یا تجربات ہوئے ہون؛ بے شک تُسی یونانی یا انگریزی بائبل دا مطالعہ اُوس ویلے تیکر کیتا ہووے جدوں تیکر کہ تہاڈیاں اکھاں سرخ نہ ہو گئیاں تے تہاڈے ہتھ کپکپائے نئیں؛ بے شک تُسی ’’اگے ودھے‘‘ جدوں تیکر کہ تُسی گرجا گھر دے سامنے جان لئی رہنمائی کرن آلے قالین نوں گھسیٹ گھسیٹ کے پھاڑ نہ ڈالیا ہووے؛ بے شک تُسی ’’گنہگار دی دعا‘‘ منگی ہووے جدوں تیکر تہاڈی واج بیہ نہ گئی ہووے تے تُسی صرف اِک مینڈک وانگوں ٹرٹر وگریاں واجاں کڈ سکدے ہوو؛ بے شک تُسی ماتم کیتا ہووے تے روئے ہوو جدوں تیکر تہاڈے دِل دے تار ٹوٹ نہ گئے ہون؛ مسیح دے لہو دے وسیلے نال پائی جان آلی مخلصی دے مقابلے وچ کدی وی ایس دُنیا چہ، نا ای اُوہدے وچ جیہڑی آن آلی اے، گناہواں دی معافی کسی وی دوجی شرائط تے نئیں مل سکدی، تے کدی وی ضمیر پاک صاف نئیں ہو سکدا ماسوائے اُوس لہو وچ ایمان دے وسیلے نال۔ لہو دے وگائے بغیر کُج وی خدا دے انصاف نوں تسلی نئیں دے پائے گا۔ صرف مسیح دا لہو ای خدا دے قہر نوں روک سکدا اے، تے اُوس لہو دا اِطلاق کیتے بغیر کُج وی تہاڈے ضمیر دی تطہیر [پاکیزگی] نئیں کر سکدا۔

’’جدوں تیکر لہو نہ وگایا جائے گناہ وی نئیں بخشے جاندے‘‘ (عبرانیوں9:22).

II۔ دوجا، ایہہ منفی بیان اِطلاق کردا اے کہ مسیح دے لہو دے بغیر گناہ دا بخشیا جانا ہو ای نئیں سکدا۔

غور کرو کہ گناہ دا بخشیا جانا اِک موجودہ حقیقت اے۔ لہو تے پہلاں ای توں وگایا جا چُکیا اے۔ گناہ دے بخشے جان لئی جیہڑا کم اے اُو تے پہلاں ای توں ہو چُکیا اے۔

ایہہ تہانوں گتسمنی دے باغ وچ لے جاندا اے جیتھے اُوہدی مصلوبیت توں پہلاں اُوہدے بدن توں خونی پسینہ وگیا سی۔ ہُن میں تہانوں اِک دوجے باغ وچ لے جانا واں۔ ایس دوجے باغ وچ ساڈے کول گناہ دے بخشے جان دا، گناہواں دی معافی دا ثبوت مہیا ہوندا اے۔ ایس دوجے باغ وچ اِک قبر سی۔ ایہہ آریماتھیا دے یوسف دی نئی قبر سی، جیتھے اُوہنے سوچیا سی خود اُوہدی اپنی لاش دفنائی جاوے گی۔ لیکن ایہہ ایس ای نئی قبر وچ سی کہ اُوہناں نے یسوع صلیب تے مرن دے بعد اُوہدے مردہ بدن نوں رکھیا سی۔

مسیح نے اپنے لوکاں لئی مخلصی دی قیمت چُکا دِتی سی۔ خدا دی شریعت نے اُوہدے لہو دا تقاضا کیتا سی۔ اُو مریا سی، جدوں اُوہنے ساڈی خاطر اپنی جان گنوائی سی۔ اُودوں فیر کیوں مینوں ایس باغ وچ اِک کھلی ہوئی قبر وکھائی دیندی اے؟ میں تہانوں دساں گا۔ قرض اُتارا جا چُکیا اے، گناہواں نوں مٹایا جا چُکیا اے، معافی دِتی جا چکی اے، گناہ بخشے جا چُکے نے۔ ہمیشہ تیکر قائم رہن آلے عہد دے لہو دے وسیلے نال یسوع نوں فیر مُردیاں وچوں زندہ کیتا جا چُکیا اے، تے اُوسی وچ اُوہدے لہو دے ذریعے نال اسی مخلصی پا چُکے آں۔ ایتھے، میرے بیلی، گناہ دے بخشے جان دا ثبوت اے، معافی ملن دا ثبوت اے!

کی تُسی ہور ثبوت چاہندے اُو؟ میں تہانوں زیتون دے پہاڑ تے لے چلنا واں۔ اپنے لوکاں نوں برکت دین لئی اپنے اُٹھے ہوئے ہتھاں نال، اوتھے یسوع نوں ویکھو۔ تے جیس ویلے اُو اُوہناں نوں برکت دے رہیا ہوندا اے، اُو چُکیا جاندا اے، اُتے بدلاں وچ جیہڑے اُوہنوں خود چہ سما کے اُوہناں دیاں نظراں توں اوجھل کر دیندے نے۔ لیکن کیوں، تُسی پُچھدے اُو، اُو چُکیا گیا، تے اُو کیتھے جا چُکیا اے؟ توجہ دیو، اُو داخل ہوندا اے، یہودیاں دی ہیکل وچ پاک ترین مقام وچ نئیں، بلکہ اُو خود اپنے ای لہو دے نال خود ای جنت وچ داخل ہوندا اے (سپرجیئین دے بالکل ایہی لفظ)۔ اُو خود اپنے ای لہو نال خود ای جنت وچ داخل ہوندا اے، اوتھے خداوند دی حضوری وچ ساڈی خاطر ظاہر ہون لئی۔ ہُن، لہٰذا، ساڈے کول مسیح دے لہو دے وسیلے نال نزدیک کھِچے جان دی جرأت آ چکی اے۔ گناہ بخشیا جا چُکیا اے، تے ایہہ دوجا ثبوت اے۔ اوہ، تہاڈے لئی اوتھے سکون دا کینج دا چشمہ اے!

تے آؤ ہُن گناہ دے ایس بخشے جان دا اسی اِطلاق کرئیے، گناہواں دے ایس معاف کیتے جان دا، اُوہناں لوکاں لئی جیہڑے ہُنے تیکر ایمان نئیں لہیائے تے [مسیح وچ ایمان لہیا کے] تبدیل نئیں ہوئے۔ اِک اینج دے بندے نال ملو جیہڑا نیک ہون دے ذریعے نال نجات پان لئی کوششاں کر رہیا اے۔ اُو کہندا اے، ’’میں اُمید کرنا واں میرے گناہ معاف کیتے جان گے۔‘‘ اِک دہریے نوں ملو یا اِک ایگناسٹک [اُو بندہ جیہڑا دعویٰ کردا اے کہ اُو خدا دی وجودیت دے بارے وچ سچا شعور یا علم نئیں پا سکدے (لیکن انکار نئیں کردا کہ خدا شاید وجود رکھدا ہووے)]۔ اُو کدی وی نئیں جان پاندے کہ اُوہناں دے گناہ معاف کیتے جا چُکے نے۔ ایہدے توں ہٹ کے کوئی وی کدی وی ماڑی جئی وی اُمید نئیں پاندا اے: کہ مسیح نوں، تے کلیاں مسیح نوں ای، اپنے لہو دے وگان دے وسیلے نال سانوں بچانا چائیدا اے۔

آؤ مینوں تہانوں دَس لین دیو مسیح کیویں لوکاں دیاں جاناں نوں بچاندا اے۔ مسٹر وائٹ فیلڈ، جیہڑے اِک عظیم ایونجیلسٹ سن، اُوہناں دا اِک پرھا [بھائی] سی جیہنے گرجا گھر نوں چھڈ دِتا سی تے گناہ وچ ٹُر گیا سی۔ اِک دوپہری اُس اِک نکّے جئے گرجا گھر وِچ بیٹھیا ہویا سی۔ اُس توں اِک دِن پہلاں اُو اپنے پرھا نوں گرجا گھر وِچ تبلیغ کردے ہوئے سُن چکیا سی، تے اُوہدا گناہ توں بھرپور ضمیر انتہائی بُری طریقے توں چوٹ کھا چکیا سی۔ وائٹ فیلڈ دے پرھا نے کہیا، ’’میں اِک گمراہ شخص آں۔‘‘ تے اُوہنے ماتم کیتا سے رویا تے اُو کُج کھا سکیا نا ای پی سکیا۔ خاتون ھونٹینگٹن، جیہڑی اِک سچی مسیحی سی، اُوہدے توں پراں اِک دوجے کمرے چہ بیٹھی ہوئی سی۔ اُوہناں نے کہیا، ’’تُسی کی کہیا، مسٹر وائٹ فیلڈ؟‘‘ ’’میڈم،‘‘ اُوہناں نے کہیا، ’’میں کہیا اے کہ میں اِک گمراہ بندہ آں۔‘‘ خاتون نے کہیا، ’’مینوں ایہہ سُن کے خوشی ہوئی۔‘‘ ’’میں ایس بارے وِچ خوش آں۔ وائٹ فیلڈ دے پرھا نے کہیا، ’’اے میرے محترم خاتون، تُسی ایہہ گل کیویں کہہ سکدی اُو؟‘‘ تہاڈے لئی ایہہ کہنا کہ میں اِک گمراہ بندہ آں ظالمانہ گل اے۔‘‘ ’’محترم، میں فیر کہنی آں،‘‘ اُوہناں نے کہیا، ’’میں ایہہ گل سُن کے اِنتہائی خوش آں۔‘‘ اُوہناں نے اُوس خاتون وَل ویکھیا تے جو اُوہنے کہیا سی اُوہنوں سُن کے حیرت وِچ مبتلا سن۔ ’’میں اُوہدے بارے چہ خوش آں،‘‘ اُوس خاتون نے کہیا، ’’کیوں جے ایہہ لکھیا جا چکیا اے، ’ابنِ آدم گمشدہ کو لبھن تے بچان آیا اے۔‘‘‘ اپنے گلّاں توں وگدے اتھروواں دے دھاریاں دے نال، وائٹ فیلڈ دے پرھا نے کہیا، ’’کیہنا قیمتی کلام، تے ایہہ کیویں ہویا اے کہ ایہہ میرے تیکر ایس قدر قوت نال پہنچا اے؟ اُوہ، میڈم،‘‘ اُوہناں نے کہیا، ’’میڈم، میں ایس گل دے لئی خداوند دا احسان مند آں۔ فیر اُو مینوں بچا لئے گا! میں اپنی جان اُوہدے ہتھاں وِچ سونپنا آں۔ اُو مینوں معاف کر چکیا اے!‘‘ فیر اُو گھر توں باہر ٹر گیا، بیمار ہویا، زمین تے ڈِگیا تے مر گیا۔ ایتھے اَج دی سویرے گمشدہ لوکی موجود نے۔

کی مینوں اَج دی سویر ایتھے اِک گمشدہ بندہ یا خاتون، یا نوجوان ہستی لبھی؟ گمشدہ ہستی! کی تُسی محسوس کردے اُو کی تُسی گمشدہ اُو؟ میں بہوتا خوش آں جے تُسی اینج محسوس کردے اُو۔ کیوں جے گناہ دا بخشا جانا ہوندا اے، گناہواں دی معافی ہوندی اے – یسوع مسیح دے لہو دے وگان دے وسیلے نال۔ اُوہ، گنہگار، ویکھ! کی توں گتسمنی دے باغ وِچ یسوع مسیح نوں لہو دیاں بونداں پسینے وانگوں ونگاندے ہوئے ویکھنا اے؟ کی توں یسوع نوں سولی تے لٹکیا ہویا ویکھنا اے؟ اُو اُوتھے تیرے خاطر کِیلّاں نال جڑیا گیا سی۔ اوہ، جے مینوں اَج دی سویرے تہاڈے خاطر اِک سولی تے کِیلّاں نال جڑ دِتا جائے تے میں جاننا واں تُسی کی کرو گے: تُسی گوڈیاں تے ڈِگ کے تے میرے قدماں نوں چومو گے، تے ماتم کرو گے تے زور زور نال روؤ گے کہ میں تہاڈے لئی قربان ہو گیا۔ لیکن، گمشدہ گنہگار، یسوع تہاڈے لئی مریا سی – تہاڈی خاطر! تے جے اُوہنے تہاڈی خاطر لہو وگایا، تے تُسی گمشدہ نئیں رہ سکدے۔ مسیح کسی دے لئی وی بغیر کسی وجہ دے نئیں مریا سی۔ تے کی، فیر، کی تُسی گناہ دے بارے چہ قائل ہو چکے اُو کیوں جے تُسی مکمل طور تے مسیح تے یقین نئیں رکھدے؟ تہاڈے لئی تبلیغ کرن دا اِختیار میں رکھنا واں۔ یسوع وِچ یقین کرو تے تُسی گمشدہ نئیں رہ سکدے!

کی تُسی کہندے اُو کہ تُسی اِک گنہگار نئیں اُو؟ کی تُسی کہندے اُو کہ تہاڈے کول کوئی گناہ نئیں اے جِنہاں نوں معاف کیتے جان دے لُوڑ اے؟ تے فیر تہانوں تبلیغ دین دے لئی میرے کول کوئی مسیح نئیں اے۔ اُو نیک لوکاں نوں نجات دین دے لئی نئیں آیا سی؛ اُو بدکاراں نوں نجات دلان دے لئی آیا سی۔ کی تُسی بدکار اُو؟ کی تُسی اپنے گناہ دی بھرپوری نوں محسوس کردے اُو؟ کی تُسی گمشدہ اُو؟ کی تُسی ایس بارے چہ جانندے اُو؟ کی تُسی گناہ توں بھرپور اُو؟ کی تُسی ایس دا اِقرار کرو گے؟ گنہگار، میں تیرے خاطر قربان ہو گیا۔ کی تُسی یقین کرو گے؟‘‘ اُو ایتھے ذاتی طور تے موجود نئیں اے، لیکن اُوہنے ایہہ گل تہانوں دسن دے لئی مینوں پیجیا اے۔ کی تُسی ایس دا یقین کرو گے؟ ’’اوہ!‘‘ لیکن تُسی کہندے اُو، ’’میں اِک بُرا گنہگار آں!‘‘ ’’اوہ!‘‘ یسوع کہندا اے، ’’صرف ایہو ای وجہ اے جیس دے لئی میں تہاڈی خاطر قربان ہو گیا کیوں جے تُسی اِک گنہگار اُو۔‘‘ ’’لیکن،‘‘ تُسی کہندے اُو، ’’میں ایہو جئے کم کر چکیا واں تے ایہو جئے خیالات سوچیا چکیا واں جِنہاں دے بارے چہ میں شرمندہ آں۔‘‘ یسوع نے کہیا، ’’اُو سارے معاف کیتے گئے، اُو سب اُوس لہو دے وسیلے توں دُھل گیا جیہڑا میرے ہتھاں توں تے پیراں توں تے پسلی توں وگیا سی۔ صرف میرے تے یقین رکھ؛ میں صرف ایہنا ای منگنا واں۔ تے میں تے ایتھوں تیکر کہ ایمان لہیان وِچ تیری مدد وی کراں گا۔‘‘

لیکن کوئی کہندا اے، ’’مینوں اِک نجات دہندہ دی لوڑ نئیں اے۔‘‘ فیر میرے کول تہانوں کہن دے لئی کُج وی نئیں اے ماسوائے ایس دے کہ – ’’قہر آن آلا اے! قہر آن آلا اے!‘‘ سزا تہاڈے لئی آ رئی اے!

لیکن کی تُسی یقین رکھدے اُو کہ تُسی قصور وار اُو؟ کی تُسی اپنے گناہواں توں نفرت کردے اُو تے کی تُسی اُوہناں توں مُنہ موڑن دے لئی تیار اُو تے مسیح وَل مُڑن دے لئی تیار اُو؟ فیر میں تہانوں دسنا آں کہ مسیح تہاڈی خاطر قربان ہو گیا سی۔ مسیح وِچ یقین رکھو!

چند اِک ہفتے پہلاں اِک نوجوان بندے نے مینوں اِک خطر لکھیا جدوں میں اِک مخصوص قصبے وِچ منادی دے لئی جا رہیا سی۔ اُوہنے کہیا، ’’محترم، جدوں تُسی آؤ تے مہربانی نال ایہو جئے واعظ دی منادی کرو جیہڑا میرے معاملے تے پورا بیندا ہووے۔ میں سُن چکیا واں کہ سانوں اپنے بارے وِچ سوچنا چائیدا اے کہ اَسی زمین تے بدکار ترین لوکی آں، ورنہ اَسی نجات نئیں پاواں گے۔ میں سوچن دی کوشش کرنا واں کہ میں بدکار آں، لیکن میں سوچ نئیں پاندا۔ میں نجات پانا چاہنا واں، لیکن میں نئیں جانندا کیویں انتہائی کافی توبہ کیتی جائے۔‘‘ ہُن، جے مینوں اُوہنوں ملن دا موقع مل جائے تے جدوں میں اوتھے منادی کرن لئی جاواں، تے اُوہنوں کہواں گا، خدا نوں درکار نئیں اے کہ تُسی اپنے بارے وچ زمین تے بدکار ترین ہستی ہون دی حیثیت نال سوچو، کیوں جے یقینی طور تے تہاڈے توں وی بوہتی بدکار لوکی موجود نے۔ کُج لوکی ہوندے نے جیہڑے ایہنے گنہگار نئیں ہوندے جیہنے کہ دوجے ہوندے نے۔

خُدا نوں جو درکار اے اُو ایہہ اے: کہ اِک بندہ کہندا اے، ’’میں اپنے بارے وچ دوجیاں دے مقابلے وچ بوہتا جاننا واں۔ میں اُوہناں دے بارے وچ بوہتا نئیں جانندا۔ لیکن اپنے بارے وچ جو میں ویکھنا واں، خصوصی طور تے اپنے دِل دے بارے وچ، تے میں سوچ وی نئیں سکدا کہ بے شمار لوکی میرے توں وی بوہتے زیادہ بدترین ہو سکدے نے۔ اُو شاید جو میں کرنا واں اُوہدے توں بدتر ترین کردے ہون، لیکن میں بوہتے واعظاں نوں تے بوہتی نصیحتاں نوں سُن چُکیا واں تے ایس ای لئی میں اُوہناں دے مقابلے وچ بوہتا قصوروار آں۔‘‘ میں چاہنا واں تُسی مسیح بخود دے کول ٹُر آؤ، تے کہو، ’’اے پیو، میں گناہ کر چُکیا واں۔‘‘ تہاڈا کم آنا، تے صرف ایہناں کہنا اے، ’’خُداوند یسوع، مجھ اِک گنہگار تے رحم کر۔‘‘ بس ایہی سب کُج اے۔ کی تُسی خود نوں گواچیا ہویا محسوس کردے اُو؟ فیر میں دوبارہ کہناں واں، ’’یسوع دے کول آؤ۔ اُو اپنے قیمتی لہو وچ تہاڈے گناہواں نوں دھو ڈالے گا۔‘‘

’’جدوں تیکر لہو نہ وگایا جائے گناہ وی نئیں بخشے جاندے‘‘ (عبرانیوں9:22).

ایس واعظ دا اختتام کرن لئی میں ایہہ کہواں گا کہ ایس تھاں تے اِک وی گمراہ گنہگار اینج دا نئیں اے جیہڑا ایہہ گل جانندا ہووے کہ اُو گواچیا ہویا اے، جیہڑا اپنے گناہواں نوں معاف نئیں کروا سکدا تے ’’اُمید تے خداوند دے جلال وچ خوشی‘‘ نئیں منا سکدا۔ حالانکہ تُسی گناہ وچ ایہنے ای کالے اُو جیہنی کہ جہنم ہوندی اے، تُسی بالکل ایسے ای ویلے وچ ایہنے ای چِٹے ہو سکدے اُو جیہنی کہ جنت ہوندی اے۔ اُوس انتہائی لمحے وچ جدوں اِک گنہگار یسوع تے ایمان لہیاندا اے اُو یسوع دے لہو دے وسیلے نال نجات پا جاندا اے۔ آؤ ایس شعر نوں اپنے دِل تے حیاتی وچ سچا بن جان دیو:

اِک قصوروار، کمزور تے بے بس کیڑا،
میں مسیح دے مہربان بازوؤاں وچ ڈِگیا؛
اُو ای میری قوت تے راستبازی اے،
میرا یسوع تے میرا سب کُج۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔