ویکھو اُو آدمی!

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یسوع مسیح ’’اندیکھے خدا دی صورت‘‘ aے (کلسیوں 1: 15)۔ یسوع ابدی خدا جِنہے کائنات نوں تخلیق کیتا۔ ’’ساریاں شیواں اُوہدے ای وسیلے توں پیدا کیتی گئیاں تے کوئی وی شے ایہو جئی نئیں جیہڑی اُوہدے بغیر وجود وِچ آئی ہووے‘‘ (یوحنا 1: 3)۔

انیسویں صدی دے اَخیر وِچ آزاد خیال لوکی، جِنہاں نے بائبل دی بے قاعدگی توں انکار کیتا، گرجا گھراں وِچ بہوتے مضبوط ہو گئے۔ ایہناں آزادی پسنداں نے مسیح دی الوہیت دا انکار کیتا۔ اُوہناں نے سیکھایا تے تبلیغ کیتی کہ یسوع صرف اِک عظیم آدمی، اِک عظیم اُستاد سی۔

ابتدائی بنیاد پرستاں نے سختی نال مسیح دی الوہیت دا دعویٰ کردے ہوئے ردعمل ظاہر کیتا۔ بنیادی مسیحی نظریے تے بارہ چھوٹی کتاباں دا اِک سلسلہ وڈے پیمانے تے تیار کیتا گیا تے دُنیا ہر پادری، مبشر، مشنری تے مذہبی پروفیسر نوں پیہجھیا گیا۔ ایہہ بارہ جلداں 1909 تے 1912 دے وِچکا دو امیر مسیحی عام بندیاں، لیمنLyman تے ملٹن سٹیورٹ نے پیہجھیاں سن۔ ایہناں کتاباں نوں صرف بُنیاد پرستو The Fundamentals (ٹیسٹی منی اشاعتی کمپنی، بِنا تاریخ، 808 لاسال ایونیو، شیکاگو، ایلی نوئیس Testimony Publishing Company, n.d., 808 LaSalle Ave., Chicago, Illinois) کہیا جاندا سی۔ ایہناں دے دور رس اثرات سن۔

بُنیاد پرستوThe Fundamentals دی پہلی جلد وِچ پہلے تین آرٹیکلز ایہہ آلے سن:

1. ڈاکٹر جیمز اُرّDr. James Orr وَلّوں ’’مسیح دی کنواری توں پیدائش‘‘۔

2. ’’مسیح دی خُدائی‘‘ تحیر ڈاکٹر بی بی وارفیلڈDr. B. B. Warfield۔

3. ڈاکٹر جی کیمبل مورگنDr. G. Campbell Morgan دا تحریر کردہ ’’متجسم ہون دا مقصد‘‘۔

پہلی کتاب دے ایہناں عنوانات توں تُسی فوراً ویکھ سکدے اُو کہ ابتدائی بنیاد پرست کسی وی دوجے نظریے توں زیادہ مسیح دی الوہیت توں متعلق سن۔

ایہہ اصرار یا شدت ہُن تقریبا 100 وریاں توں جاری اے۔ بائبل تے یقین رکھن آلا ہر پادری مسیح دی الوہیت دی شدت تے انتہائی سختی دے نال تبلیغ تے تعلیم دیہندا اے۔ مسیح دی انسانیت دا شاید ای تذکرہ کتیا گیا اے – صرف کدی کدی تبصرہ۔

پادریاں نوں ایہہ احساس نئیں اے کہ ایہہ مسیح دی انسانیت اے جیہڑا اَج 100 وریاں بعد حملہ آور اے۔ کیوں جے پادریاں دی صرف اِک بہوتی ای قلیل تعداد گمشدہ لوکاں نوں مشورہ دیہندی اے، توسیعی اجلاساں وِچ، اپنے دفاتر وِچ، پادری کھوئے ہوئے یا گمراہ ہوئے لوکاں توں الگ تھلگ ہو گئے نے! اُو نئیں جانندے کہ کھوئے ہوئے لوکی کی سوچدے نے! جے پادریاں نوں معلوم ہوندا کہ کھوئے ہوئے لوکی کی سوچدے نے، تے اُو مسیح دی خدائی نوں ٹھونسنا بند کر دین گے تے مسیح دی انسانیت تے سختی نال زور دین گے!

پچھلے 100 وریاں وِچ ساری صورتحال بدل گئی اے۔ اَج تقریباً ہر گمشدہ یا گمراہ شخص یسوع نوں خدا سمجھدا اے۔ جے تہانوں میرے تے یقین نئیں اے تے مرکزی سڑک تے آؤ تے 50 لوکاں توں پوچھو کہ کی اُو سمجھدے نے کہ یسوع صرف اِک آدمی سی یا اُو صرف خدا اے۔ پچاس وِچوں پینتالیس تہانوں دسن گے کہ اُو صرف خدا اے۔ لہٰذا، صورتحال ایہدے بالکل اُلٹ اے جیہڑی سو وریاں پہلاں سی۔ درحقیقت اُو سمجھدے نے کہ اُو سارے دے سارا خدا دا اے! اُو تثلیث نوں نئیں مانندے۔ خدا باپ یسوع اے۔ جے کُجھ ہے تے اُو سارے دا سارے خدا اے۔ مذید برآں، یسوع دا اَج گوشت تے ہڈی آلا جسم نئیں اے۔ یسوع صرف اِک روح اے، اِک بھوت وگری روح اے۔ اُو سوچدے نے کہ اُو اِک عظیم روح اے، تے ایہہ کہ جے کُجھ اے تے اُو سارے دا سارا خدا اے۔ مذید برآں، یسوع دا اَج گوشت تے ہڈی آلا جسم نئیں اے۔ یسوع صرف اِک روح اے، اِک بھوت وگری روح اے۔ اُو سوچدے نے کہ اُو اِک عظیم روح اے، تے ایہہ کہ اگر کُجھ اے تے اُو سارے دا سارے خدا اے۔ اُو تثیلث دے افراد نوں اُلجھاندے نے۔ اُو یسوع نوں خدا باپ سمجھدے نے۔ ایس لئی اُو ایہہ نئیں سوچدے کہ اَج یسوع دا اصلی گوشت تے ہڈی آلا جسم اے۔ سوئے ہوئے شاگرداں وانگوں، اُو سوچدے نے ’’کہ اُوہناں نے اِک روح نوں ویکھیا سی‘‘ جدوں اُو ایمان لیہیائے (حوالہ دیکھیں لوقا 24: 37)۔ لیکن جی اُٹھیا یسوع اُوہناں نوں کہندا اے:

’’میرے ہتھ تے پاؤں ویکھو، میں ای آں۔ میہنوں چھو کے ویکھو کیوں جے روح دی ہڈیاں ای ہوندیاں نے تے نہ ای گوشت جیویں کہ تُسی میرے چہ ویکھ رئے اُو‘‘ (لوقا 24: 39)۔

آسمان وِچ خدا دے داہنے ہتھ تے جی اُٹھے مسیح دا ایس ویلے ہڈیاں تے گوشت دا جسم اے۔ جی اُٹھیا مسیح اِک روح نئیں اے!

I۔ لہٰذا میں کہنا آں، سب توں پہلاں کہ تُہانوں اُوس بندے یسوع مسیح تے نظر پانی چائیدی اے ورنہ تُسی نجات نئیں پاؤ گے!

یسوع تے شیطان دا پہلا حملہ لوکاں نوں شک وِچ پاندا سی کہ اُو انسان اے – گوشت تے ہڈی۔ ایہہ ڈوسیٹزDocetists دی گنوسٹک بدعت سی۔ ڈوسٹیکس دا گنوسٹک مسیح صرف اِک روح سی۔ ڈاکٹر جے اولیور بسویل Dr. J. Oliver Buswell کہندے نے، ’’جسم وِچ تاریخی یسوع دے انکار کرن دا رجحان … ’مسیح‘ تے ایمان دی تصدیق کردے ہوئے، کلیسیا وِچ ابتدائی زمانیاں وِث ظاہر ہویا‘‘ (جے. اولیور بوسویل، پی ایچ ڈی J. Oliver Boswell, Ph. D.، اِک منظم مسیحی مذہب دی تھیولوجی A Systematic Theology of the Christian Religion، ژونڈروان Zondervan، 1971، جلد 2، صفحہ 47)۔

میں دعویٰ کرنا آں کہ اَسی دورِ حاضرہ دے اپنے بپتسمہ دین آلے تے انجیلی بشارت دے گرجا گھراں وِچ ڈوسٹیزم Docetism دی قدیم گنوسٹک بدعت وَل لوٹ چکے نے۔ لکھاں کروڑہاں، اَن گنت لکھاں، بپتسمہ دین آلے تے انجیلی بشارت دے مانن آلیاں نے اِک مسیح تے یقین کیتا جیہڑا اِک روح اے۔ ایہو ای اُو مسیح سی جیس تے اُوہناں نے یقین کیتا سی جدوں اُو گمان کر رئے سن کہ ’’مسیح وِچ ایمان لیہیا کے تبدیل‘‘ ہوئے سن۔ ہُن، جے اُو صحیح عقیدہ سیکھ وی لین، فیر وی اُو کھوئے ہوئے رہندے نے، کیوں جے کوئی وی بندہ صحیح عقیدے توں نجات نئیں پاندا۔ اُوہناں نوں واپس جانا پیہئے گا، ایہہ تسلیم کرنا پیہئے گا کہ اُوہناں دی مسیح وِچ ایمان لیہیان دی تبدیلی ’’گواہی‘‘ جھوٹی سی، تے صحیح معنیاں وِچ پاک کلام دے گوشت تے ہڈی دے مسیح وِث ایمان لیہیا کے تبدیل ہونا ہووے گا، او مسیح جیہڑا خدا باپ نئیں اے، بلکہ، ایہدے بجائے، تثلیث دا دوجا فرد اے۔ مسیح یسوع جیہڑا انسان اے [اُوس] وِچ حقیقی تبدیلی دے بغیر، ہزارہاں لکھاں بے شمار بپتسمہ لین آلے سزا دے ابدی دائرے وِچ جان گے جدوں اُو مر جان گے!

II۔ دوجی گل، تہانوں اُوس آدمی یسوع مسیح تے نظر پانی چائیدی اے ورنہ تہاڈے کول کوئی ثالثی نئیں ہووے گا۔

مہربانی نال اپنی بائبل I تیمتھیس، دوجا باب، پانچویں آیت دے لئی کھولو:

’’کیوں جے خدا اِک اے تے خدا تے انساناں دے وِچکار اِک صلح کران آلا وی موجود اے یعنی یسوع مسیح جیہڑا انسان اے‘‘ (I تیمتھیس 2: 5)۔

غور کرو، پہلاں، کہ بائبل اُوہنوں ’’مسیح یسوع جیہڑا انسان اے‘‘ کہندی اے۔ ایس لئی میں پیلاطس دے حوالے توں معذرت نئیں کردا، جدوں اُوہنے کہیا،

تہانوں وی ’’اُوس انسان نوں ویکھنا چائیدا اے!‘‘ یونانی لفظ ’’ایدحی ideh‘‘ اے۔ ایہدا مطلب اے ’’ویکھو‘‘ یا ’’توجہ دیو‘‘ (Strong's Concordance, #2396)۔ تہانوں مسیح یسوع جیہڑا انسان اے [اُوہنوں] ’’ویکھنا‘‘ چائیدا اے! تہانوں ’’اُوس انسان یسوع مسیح نوں ’’ویکھنا‘‘ چائیدا اے! تہانوں ’’اُوس انسان تے توجہ دیہنی‘‘ چائیدی اے! جان بپتسمہ دین آلے نے ایہہ گل دو وری کہی:

ویکھو خدا دا برّہ! اُو یسوع نوں ’’خدا دا برّہ‘‘ پکاردا اے۔ تے اُو ایہہ وی کہندا اے:

’’ویکھو خدا دا برّہ، جیہڑا دُنیا دے گناہ اُٹھا لے جاندا اے‘‘ (یوحنا 1: 29)۔

ایہہ یونانی دا اُوہی لفظ ’’ایدحیideh‘‘ اے۔ تہانوں اُوس [یسوع] تے ’’توجہ دیہنی‘‘ چائیدی اے۔ تہانوں اُوس [یسوع] نوں ایمان دے وسیلے نال ویکھنا چائیدا اے۔ تہانوں اُوس [یسوع] نوں ویکھنا چائیدا اے!

فیر، تہانوں یسوع مسیح جیہڑا انسان اے اُوہنوں ویکھنا چائیدا اے کیوں جے،

’’خدا اِک اے تے خدا تے انساناں دے وِچکار اِک صلح کران آلا وی موجود اے یعنی یسوع مسیح جیہڑا انسان اے‘‘ (I تیمتھیس 2: 5)۔

یونانی وِچ لفظ ’’ثالث‘‘ میسائیٹسmesites‘‘ اے۔ ایہدا مطلب اے ’’شفاعت کرن آلا،‘‘ ’’صلح کران آلا‘‘ (Strong's Concordance #3316)، ’’اِک درمیانی ہستی جیہڑی صلح کرائے‘‘ (ibid., #3319)۔ یسوع ’’اِک درمیانی ہستی اے جیہڑا صلح کرانے والا‘‘ اے! اُو تہاڈے تے خدا دے وِچکار آندا اے، جیہڑا تہاڈے گناہواں دی وجہ توں تہاڈے نال ناراض اے۔ تے یسوع تہاڈے نال ناراض خدا دی ’’مفاہمت‘‘ کراندا اے۔ تہاڈا صرف اِک آدمی دے ذریعے خدا دے نال میل ملاپ ہو سکدا اے – اِک آدمی مسیح یسوع!

’’خدا اِک اے تے خدا تے انساناں دے وِچکار اِک صلح کران آلا وی موجود اے یعنی یسوع مسیح جیہڑا انسان اے‘‘ (I تیمتھیس 2: 5)۔

’’ویکھو خدا دا برّہ جیہڑا دُنیا دے گناہ اُٹھا لے جاندا اے‘‘ (یوحنا 1: 29)۔

تہانوں یسوع مسیح جیہڑا انسان اے اُوہدے وَل ویکھنا چائیدا اے، کیوں جے کوئی ہُور دوجا نئیں اے جیہڑا تہانوں، اِک گنہگار دے نال ناراض خدا دی صلح کرا سکے۔

III۔ تیجی گل، تہانوں اُوس آدمی یسوع مسیح دی اذیت تے لہو تے نظر پانی چائیدی اے۔

جدوں پیلاطس نے کہیا، ’’ویکھو اُو آدمی!‘‘ (یوحنا 19: 5)، یسوع پہلاں ای سخت اذیت تے تکلیف وِچ سی۔ رات توں پہلاں، گتسمنی دے باغ دی تاریکی وِچ، یسوع نے تہاڈے گناہواں نوں قبول کیتا۔ تہاڈے گناہ اُوہدے جسم وِچ رَچ بس گئے سن، ’’اُو خود اپنے ای بدن تے ساڈے گناہواں دا بوجھ لئے ہوئے سولی تے چڑھ گیا‘‘ (1۔ پطرس 2: 24)۔ میہنوں یقین اے کہ تہاڈے گناہ دے جسم وِچ اِک رات پہلاں، باغ وِچ رکھے گئے سن۔ اُو فسح [پاشکا] دا برّہ بن گیا۔ تہاڈے گناہواں دا اُوہدے تے ایہنا وزن سی کہ اُوہدی لہو دی نالیاں تصور توں باہر تنی ہوئیاں سن، تے اُوہدا لہو پسینے دا وڈے وڈے قطریاں وانگوں وگ رہیا سی۔

اُو لہو وگاندے ہوئے مسیح نوں گرفتار کردے نے۔ اُو اُوہنوں اُودھوں تیکر کوڑے ماردے نے جدوں تیکر کہ اوہدے پیٹھ تے گہرے گھاؤ نمودار نئیں ہوئے، تے سرخی مائل لہو اُوہدی ٹنگاں تیکر وگ جاندا اے۔ اُوہناں نے اُوہدے مُنہ تے مُکے مارے۔ اُو اُوہنوں کنڈیاں دا تاج پہناندے نے۔ تے پیلاطس، گورنر، اُوہنوں چیخدے ہوئے ہجوم دے سامنے باہر لے آیا، تے کہندا اے،

آہ، لیکن ایس توں وی اَگے ویکھو۔ اُو اُوہنوں پیلاطس دے دربار توں لے جاندے نے، تے اُوہدی اُدھیڑی ہوئی لہو وگاندی ہوئی کمر تے اِک سولی رکھ دیہندے نے۔ اُو ٹھوکر کھاندا اے تے بار بار سولی دے وزن ہیٹاں دب کے ڈِگدا اے، جدوں اُو اُوہنوں سولی چڑھان آلی تھاں وَل گھسیٹدا لے جاندا اے۔

دوں اُو سولی چڑھان آلی تھاں گل گتھا Golgotha پہنچدے نے، تے اُو اُوہدے ہتھاں تے پیراں وِچ وڈھی وڈھی کیلاں ٹھوکدے نے۔ اُو سولی نوں [سیدھا کھلارن دے لئی] چُکدے نے۔ اُو اُوہنوں تکلیف وِچ ویکھدے نے۔ اُو اُوہنوں مردے ہوئے ویکھدے نے۔

یسوع، جیہڑا تہاڈے تے خدا دے وِچکار ثالث اے، تہاڈے گناہواں دے لئی قربان ہو جاندا اےا تہاڈے گناہ دی قیمت چکائی گئی اے۔ تہاڈے کرن دے لئی صرف اِک کام باقی رہ جاندا اے، آہ، گنہگار، ہُن تہانوں ایہہ معافی حاصل کرن دے لئی کی کرنا چائیدا اے؟ نجات پان دے لئی تہانوں کی کرنا چائیدا اے؟

پینطوس پیلاطس نوں بہوتا گھٹ احساس ہویا کہ اُو دراصل تہانوں دس رہیا سی کہ کیویں نجات پائی جائے! اُو کافر سی لیکن اُوہنے جو کہیا اُو سچ سی۔ سردار کاہن گمراہ ہویا ہوا اِک بندہ سی، لیکن اُو درست سی جدوں اُوہنے کہیا کہ ’’اِک آدمی نوں لوکاں دے لئی مرنا چائیدا اے‘‘ (جان 11: 50)۔ لہذا، پیلاطس نوں وی تہانوں تبلیغ کر لین دیو۔ پیلاطس نے جو کہیا اُو سچ سی۔ اپنی لاعلمی وِچ پیلاطس تہانوں دس رہیا سی کہ ناراض خدا نال کیویں صلح کیتی جائے! پیلاطس نے تہانوں دسیا کہ تہانوں اپنے گناہواں نوں دھون دے لئی کی کرنا چائیدا اے۔ ہاں، تہاڈے گناہ! جیہڑے گناہ تُسی کیتے نے۔ جِنہاں گناہواں دے بارے وِچ تُسی سوچ رئے اُو! اُو گناہ جِنہاں نے ایس ہفتے تہانوں پریشان کیتا اے! جی ہاں، یسوع اپنے لہو دے ذریعے ایہناں گناہواں نوں دھو سکدا اے!

لیکن نجات پان دے لئی تہانوں کی کرنا چائیدا اے؟ تہانوں چائیدا اے

’’خداوند یسوع مسیح تے ایمان لیہیا تے توں نجات پا جائیں گا‘‘ (اعمال 16: 31)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔