تُسی کیہدے تے پروہسا کر سکدے اُو؟

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

سیکولر کالج دے کلاس رومز وِچ، ٹیلی ویژن تے، تے تہاڈے آلے دووالے، لوکی بائبل تے سنجیدہ مسیحیت تے ہنسن گے۔ اُو تہاڈے تے ہنسن گے جے تُسی اُوہناں نوں دسو گے کہ تُسی اِک مسیحی اُو تے تُسی ہر اِتوار نوں بائبل تے یقین رکھن آلے گرجا گھر جاندے اُو۔ اُو کیہن گے کہ نئے عہد نامے دا مسیحی ہونا بیوقوف تے گونگے لوکاں دے لئی اِک ایہو جئی گل اے جیہڑی کدرے وی بیسویں صدی وِچ منتقل نہئیں ہوئی، اکیسویں صدی توں بہوتی گھٹ۔ لیکن کہ تُسی ایہناں تے پروہسا کر سکدے اُو؟ کی تہانوں ایہناں دی گلاں تے یقین کرنا چائیدا اے؟

میرے سارے اِساتذہ نظریۂ اِرتقاء تے یقین رکھدے سن، کہ لوکی کسی نہ کسی طرح جانوراں دی نچلی شکل توں اِرتقاء پا چکے نے تے ساڈے توں چنگی کسی بہتر شے وَل گامزن نے۔ میرے اِردگرد دے لوکاں نے کہیا کہ بائبل اِک قدیم کتاب اے جیس دے بارے وِچ اَج ساڈے لئی کُج وی اہم نہئیں اے۔ ساریاں نے کیہیا کہ بائبل وِچ بہتیرے حقائق تے مبنی، تاریخی تے سائنسی غلطیاں نے، تے ایہہ سارا کُج بہوتی پہلاں توں ثابت ہو چکیا سی۔ تے میں ایہناں دی گلاں چی آ گیا۔ میں اِرتقاء تے یقین رکھدا سی۔ میہنوں یقین سی کہ بائبل غلطیاں نال بھری ہوئی اے۔

لیکن میں کدی وی بائبل دا مطالعہ نہئیں کیتا سی۔ میں کدی وی بائبل تے سائنس تے کتاباں نہئیں پڑھیاں سن جیہویں کہ ڈاکٹر ہنری ایم مورس Dr. Henry M. Morris تے ڈاکٹر جان سی وِٹکمب Dr. John C. Whitcomb دی تحاریر پیدائش دی کتاب دا سیلاب The Genesis Flood۔ میں کدی وی بائبل دی نام نہاد غلطیاں دا مطالعہ نہئیں کیتا سی تاکہ ایہہ ویکھیا جا سکے کہ آیا واقعی بائبل وِچ غلطیاں نے یا نہئیں۔ ایس دے بجائے، میں صرف اُوہناں گلاں تے پروہسا کیتا جیہڑیاں دوجے لوکی کہہ رئے سن، تے خود ایس تے یقین کیتا، تے اُوہی گلاں دوجیاں نوں دسیاں۔ ساڈی اَج دی تلاوت دے لفظاں وِچ، میں ’’انسان تے پروہسا رکھنا آں۔‘‘ ایہہ اِک خوفناک غلطی سی۔

بعد چہ، جدوں میں خدا دی حقیقت توں بیدار ہویا، تے میں بائبل پڑھی۔ میں ویکھیا کہ ایہہ تاریخی طور تے درست سی، تے ایہہ کہ ایس نے سائنسی غلطی نہئیں سکھائی۔ سب توں اہم، میں ویکھیا کہ میں گناہ دی حیاتی لنگہا رہیا سی، خدا دے حکماں دی نافرمانی کر رہیا سی، تے ایہہ گل کہ یسوع مسیح میرے گناہواں دی ادائیگی دے لئی سولی تے مر گیا سی۔ اِک شامی جدوں میں UCLA وِچ ریاضی دا طالب علم سی، میں اِک خاص طریقے نال یسوع مسیح دے کول آیا تے اُوہدے تے پروہسا کیتا۔ اُوہنے میرے گناہواں نوں معاف کر دِتا۔ تے اَج میں تہاڈے سامنے اِک معاف شُدہ بندے دے طور تے کِھلوتا آں جیس دی حیاتی بربادی تے موت توں چھٹکارا پا چکی اے۔ اَج، میں تہانوں دسنا چاہنا آں، ’’انسان تے پروہسا رکھن توں بہتر خداوند وِچ پناہ لیہنا اے‘‘ (زبور 118: 8)۔

اَک دی سویر میں تہانوں تین نکات دسنا چاہواں گا کہ تُسی کیس تے پروہسا نہئیں کر سکدے، تے تُسی کیس تے پروہسا کر سکدے اُو۔

1. تُسی اپنے دُنیا اُستاداں تے پروہسا نہئیں کر سکدے، کیوں جے اُو جیہڑا تہانوں سِکھاندے نے اُو مسلسل بدلدا رہندا اے، تے اکثر غلط ہوندا اے۔

2. تُسی اپنے کام دے لوکاں، یا اپنے بوائے فرینڈ یا گرل فرینڈ تے پروہسا نہئیں کر سکدے، کیوں جے اُو تہانوں چھڈ سکدے نے۔

3. تُسی یسوع مسیح تے پروہسا کر سکدے اُو تے اُو ابدی حیاتی حاصل کر سکدے اُو جیہڑی اُو پیش کردا اے، کیوں جے اُو کدی نہئیں بدلدا تے اُوہدے وعدے کدی وی ناکام نہئیں ہوندے۔

’’انسان تے پروہسا رکھن توں بہتر خداوند وِچ پناہ لیہنا اے‘‘ (زبور 118: 8)۔

I۔ پہلی گل، تُسی اپنے دُنیاوی اُستاداں تے پروہسا نہئیں کر سکدے یا جیس دی اُو تعلیم دیندے نے۔

تُسی سوچ سکدے اُو کہ جیہڑی شیواں اُوہناں نے تہانوں ہائی اسکول یا کالج دی کلاساں وِچ سکھائیاں نے اُو احتیاط نال ثابت ہو چکیاں نے، تے [تُسی سوچ سکدے اُو کہ] تُسی محفوظ تے صحت مند رہوو گے جدوں تُسی بائبل نوں سُٹ دیو گے، جدوں تُسی گرجا گھر نہئیں جاؤ گے، جدوں تُسی شادی شُدہ ہون توں پہلاں جنسی تعلقات قائم کرو گے تے جدوں تُسی ڈانس کردے اُو یا لاس ویگاس جاندے اُو تے تُسی محفوظ تے صحت مند رہوو گے۔ جدوں تُسی بائبل تے گرجا گھر نوں باہر سُٹدے اُو، یا اپنے راستے تے چلدے اُو تے تُسی سوچ سکدے اُو کہ تُسی ٹھوس زمین تے اُو – جیہڑی کہ گناہ تے بربادی دی اُوہی پرانی سڑک اے جیس دی پیروی تہاڈے توں پہلاں لکھاں دوجے لوکی کر چکے نے!

درحقیقت، اُوہناں نے تہانوں جیہڑی ’’ٹھوس‘‘ تے ’’ثابت شُدہ‘‘ سائنس سکھائی اُو ایس توں بہوتی مختلف اے جیہڑی اُوہناں نے مینہوں چند وریاں پہلاں سکھائی سی! تے زیادہ تر ’’ٹھوس‘‘ سائنس جیہڑی اُو تہانوں ہُنے پڑھا رئے نے چند وریاں وِچ باہر سُٹ دِتی جائے گی۔ پولوس رسول نے نوجوان تیموتاؤس نوں خبردار کیتا،

’’اے تیموتاؤس، ایس امانت نوں جیہڑی تیرے سپرد کیتی گئی اے حفاظت نال رکھ تے بے حیائی تے فضول گلاں توں پرہیز کر سائنس دی جھوٹی مخالفتاں توں پرہیز کر۔ بعض لوکی ایہو جئے علم دی خاطر اپنے ایمان توں برگشتہ ہو گئے نے‘‘ (1 تیموتاؤس 6: 20۔21)۔

’’ماہرین‘‘ اکثر غلط ہوندے نے! کی تُسی جانندے اُو کہ ڈاکٹر تے نرساں جدوں ہسپتال وِچ کام کردے سن تے اپنے ہتھ نہئیں دھندے سن – تے ایہناں لوکاں تے بہوتا غصہ کردے سن جیہڑے ایہناں نوں ہتھ دھون نوں کہندے سن؟ سنو کہ اِیگناز سیمیلویز Ignaz Semmelweiss (1818۔1865) نامی ڈاکٹر دے نال کی ہویا جدوں اُوہنے ڈاکٹراں نوں اپنے ہتھ دھون دا مشورہ دِتا۔

سیمیلویز نوں ویانا دے اِک ہسپتال وِچ زچگی وارڈ چلان دے لئی رکھا گیا سی۔ سیمیلویز نے ویکھیا کہ ڈاکٹر دے وارڈ وِچ ماواں وِچ لہو دے انفیکشن نال اموات دی شرح 18 فیصد تیکر بوہتی اے۔ جدوں اُوہنے رائے ظاہر کیتی کہ ڈاکٹراں دا ایس وِچ ہتھ ہو سکدا اے تے اُوہنوں نوکری توں کڈ دِتا گیا۔

بعد ازاں فیر کام تے رکھ لیہیا گیا … سیمیلویز نے حفظانِ صحت دے اقدامات دا آغاز کیتا جیس وِچ ڈاکٹراں نوں جراثیم کش نال اپنے ہتھ دھون تے پوسٹ مارٹم روم توں پیپ تے لہو دے نال ٹپکن آلے لیب کوٹ نوں صاف کرنا شامل سی۔ ایس دے وارڈ وِچ ماواں دی شرح اموات وِچ 2/3 دی کمی واقع ہوئی۔ تاہم، دوجے ڈاکٹراں نے ایس قدر سخت اعتراض کیتا … کہ سیمیلویز نوں فیر برطرف کیتا گیا تے اُوہنے [شہر] چھڈ دِتا سی۔

اُوہنے دوجے ہسپتالاں وِچ نوکریاں کیتیاں جیتھے اُوہنے صفائی دی اُوہی معیارات قائم کیتے جیس دے نتیجے وِچ اموات وِچ وی ایہو جیہئی کمی واقع ہوئی تے اُوہدے ساتھی معالجین دی اُوہی مخالفت رئی۔ سیمیلویز نوں [آخر وِچ] اِک پاگل پناہ گاہ وِچ داخل کر دِتا گیا [تے اُو اُوتھے ای مر گیا]۔

اُو ڈاکٹر اپنے ہتھ نہئیں دھون گے، تے اُوہناں دے مریض مر گئے۔ اُو غلط سن۔ اَج، ڈاکٹر تے اساتذہ تہانوں دسن گے کہ شادی توں پہلاں جنسی تعلقات قائم کرنا ٹھیک اے، تے جے لڑکی حاملہ ہو جائے تے اِسقاط حمل کروانا ٹھیک اے۔تے اُو وی غلطی تے نے!

کی تُسی جانندے اُو کہ ڈاکٹر زکام لگن تے اُوہناں دا بار بار پاؤ پاؤ بھر لہو کڈدے سن؟ سُنو کہ ساڈے پہلے صدر جارج واشنگٹن دی نزلہ زکام دے بعد موت کینج ہوئی:

[واشنگٹن] معمول دے مطابق باہر نہئیں نکلا کیوں جے اُوہنوں زکام لگ چکیا سی تے گلے وچ شدید خراش دی شکایت کیتی سی … اُوہدے معالجین نے حکم دِتا کہ ایہدی بیماری دے دوران ایہدا کئی وری لہو وگایا جائے گا تے ایہدے توں تقریباً پنج پنٹpint[2,268 گرام یعنی ڈھائی کِلو]لہو کڈیا گیا سی۔ … اُو 14 دسمبر 1799 نوں رات دس تے گیارہ بجے دے وِچکار فوت ہو گیا۔

جارج واشنگٹن دے ڈاکٹر غلط سن۔ کی تہانوں یقین کرنا چائیدا اے کہ لوکی تہانوں ہُں کی سکھا رئے نے؟

ہُں اُو تہانوں جو کُج سکھا رئے نے اُو اُونج دا نہئیں اے جیہڑا اُوہناں نے میہنوں چند وریاں پہلاں سکھایا سی۔ اُو سکھاندے سن کہ سانوں بوہتا زیادہ سرخ گوشت کھانا چائیدا اے – سٹیکس تے ہیمبرگر۔

ریاست ہائے متحدہ دے محکمہ زراعت نے 1956 وِچ اپنے بنیادی چار خوراک دے گروپاں دی سفارش کیتی۔ حکومت دے بنیادی چار گروپاں وِچ شامل نے۔

(1) گوشت، مرغی، مچھلی، خشک پھلیاں تے مٹر، انڈے، تے گری دار میوے؛
(2) دودھ دی مصنوعات، جیویں دودھ، پنیر، تے دہی؛
(3) اناج تے
(4) پھل تے سبزیاں۔

1992 تیکر خوراک دا ایہہ امتزاج … ریاست ہائے متحدہ وِچ غذائیت دی تعلیم دا اِک اہم مقام سی تے امریکیاں دی اکثریت وَلوں غذائیت تے تقریباً حتمی لفظ سمجھا جاندا سی ۔

اُوہںاں نے ٹیل ویژن تے کلاس رومز وِچ ’’خوراک دے چار گروپاں‘‘ نوں پڑھایا۔ میہنوں یاد اے کہ جدوں اُوہناں نے سکھایا سی کہ ایہناں کھانیاں وِچ پروٹین دی وجہ توں سانوں بوہتا زیادہ سرخ گوشت تے انڈے کھانے چائیدے نے۔ میں سوچیا کہ اسٹیک سارے کھانیاں وِچ بہترین اے۔ اَسی ہر روز، یا دِن چہ دو یا تین وری گوشت وی کھاندے سی۔ تے اُوہناں لوکاں دے لئی ماڑا جیہا افسوس ہویا جیہڑے ہر روز گوشت نہئیں کھا سکدے سی۔ اَسی نہئیں جانندے سی کہ بوہتا زیادہ گوشت کھان دے نال دِل دا دورہ پیہہ سکدا اے تے فالج وی ہو سکدا اے۔ اَسی اپنے اُستاداں دی گل سُنی۔ اُو اُوس ویلے یعنی، صرف چند وریاں پہلاں تیکر غلط سن۔ اُو اَج دے بارے چہ کی غلط نے؟

دُنیاوی اسکولاں وِچ اُو سکھاندے نے کہ حیاتی دا اِرتقاء ہولے ہولے ہویا، پہلاں کیمکلز دے نال، تے فیر حیاتی دی سادہ شکلاں وِچ، تے آخرکار انسانیت تیکر۔ جدوں میں اسکول وِچ گیا تے ساریاں نوں یقین سی کہ پہلی حیاتی بنن وِچ ارباں ورے لگے نے۔ لیکن ہُن سائنس داناں دا خیال اے کہ حیاتی دا آغاز خود زمین دے بنن توں بوہتی جلد بعد ہویا! اِک مشہور سائنسدان نے کہیا:

ایہہ زمین تے حیاتی دی ابتداء دے نظریہ نوں اِک بوہتی ای تنگ رینج وِچ لے آندا اے … ہُن اَسی جیو کیمیکل لحاظ نال، فوری حیاتی دے بارے وِچ سوچ رئے آں... (سیرل پونامپروما [ڈائریکٹر آف کیمیکل ایولوشن برانچ، ناسا ایمس ریسرچ سنٹر، کیلیفورنیا Cyril Ponnamperuma [Director of Chemical Evolution Branch, NASA Ames Research Center, California]، براڈکاسٹ انٹرویو، سری لنکا براڈکاسٹنگ کارپوریشن، جنوری 1980، حوئل ایف۔ تے وِکرامیسنگھ سی Hoyle F. & Wickramasinghe C. وِچ، ’’خلا وِچوں اِرتقاء Evolution from Space،‘‘ [1981]، پلاڈِینPaladin: لندن، 1983، دوبارہ اشاعت، صفحہ79۔80؛

’’فوری حیاتی‘‘! ایہہ میرے لئی پیدائش دی کتاب وانگوں لگدا اے! میرے اِساتذہ ہر ویلے غلط سن، تے بائبل ہر ویلے دُرست سی!

اُوہناں نے تہانوں سیکھایا – تے میہنوں – کہ حیاتی اِک شکل توں دوجی شکل وِچ ہولے ہولے تیار ہوندی اے۔ تُسی شاید ’’حیاتی دے درخت‘‘ دی تصویر ویکھی ہووے گی جیہڑی بیکٹیریا توں شروع ہو کے لوکاں تیکر جاندی اے۔ ایہہ اُوہی اے جیہڑا اُوہناں نے میہنوں سکھایا، تے ایہہ اُوہی اے جیہڑا اُو تہانوں سکھاندے نے۔ لیکن سُنو کہ سائنسداناں نے واقعی پایا اے:

لائلLyell تے ڈارونDarwin دی توقع کیتی گئی سست، ہموار تے ترقی پسند تبدیلیاں نوں تلاش کرن دے بجائے، اُوہناں نے فوسل ریکارڈز وِچ تیزی نال تبدیلیاں نوں ویکھیا، نئی انواع بظاہر ناجانے کِدرہوں سامنے نظر آندیاں نے تے فیر کوئی تبدیلی نہئیں ہوندی … – نمونے تخلیق دی یاد تازہ کردے نے۔ (پیگل ایم. Pagel M. [ریسرچ فیلو، شعبہ زولوجی تے ہرٹ فورڈ کالج، آکسفورڈ یونیورسٹی]، ’’خوش حادثات؟Happy accidents?‘‘ ’’ارتقاء دا نمونہThe Pattern of Evolution‘‘ دا جائزہ ، مصنف نیلز ایلڈریج، ڈبلیو ایچ فری مین Niles Eldredge, W.H. Freeman، 1999۔ فطرتNature، جلد 397، 25 فروری 1999، صفحہ 665؛

’’تخلیق دی یاد دلان آلا؟ بائبل ہر ویلے درست سی۔ جانداراں دی وڈی قِسماں اِک توں دوجے وِچ ارتقاء نہیں کردیاں نے۔ خدا نے ہر قسم دی جانور بنائے – تے اُو اُونج دے ای نے جیویں دے اُو ہمیشہ توں سن! کسی دُنیا کالج دے اُستاد دے کہن دی وجہ توں بائبل نوں باہر نہ سُٹو! اُو نہئیں جانندے کہ اُو کی گل کر رئے نے!

’’انسان تے پروہسا رکھن توں بہتر خداوند وِچ پناہ لیہنا اے‘‘ (زبور 118: 8)۔

زیادہ تیکر لوکی کدی وی حقیقی مسیحی نہئیں بنندے کیوں جے اُوہناں وِچوں کسی نہ کسی طرح دا تنازعہ ہوندا اے – عام طور تے وقتی تنازعہ اُو اُو کہندے نے، ’’میں گرجا گھر آنا چاہواں گا، لیکن میں اپنے اسکول، یا اپنی ملازمت نوں ویلہ دینا چاہنا واں۔‘‘

تہانوں یقینی طور تے اپنے کام نوں گرجا گھر دے اِجلاساں توں بہوتا اہم نہئیں بنانا چائیدا اے۔ پچھلے وریاں وِچ، اِک بندہ نوکری لیہندا سی تے ریٹائر ہون تیکر اُوتھے کام کردا سی۔ لیکن اَج دے دور وِچ، تہاڈی نوکری اِک دِن یا اِک گھنٹے وِچ فارغ کیتی جا سکدی اے! اپنے کام نوں ایہناں اہم کیوں بناؤ کہ تُسی اپنی ابدی روح توں محروم ہو جاؤ؟ میں تہانوں دسنا آں کہ یونیورسٹی آف سدرن کیلیفورنیا (USC) ایہناں لوکاں دے نال کینج دا سلوک کردی اے جیہڑے ایس دے لئی کام کردے نے:

ایہہ صرف یو ایس سی USC ای نہئیں اے۔ تُسی ویکھیا، کیلیفورنیا اِک ’’اپنی مرضی‘‘ دی ریاست اے۔ ہر کمپنی، ہر آجر، کسی بھی ویلے، اُوتھے کام کرن آلے کسی بھی بندے نال اینج کر سکدا اے۔ تے ہر روز اخبار وِچ تُسی کسی نہ کسی کمپنی دے بارے وِچ پڑھ سکدے اُو جیہڑی ہزارہا لوکاں نوں فارغ کر رئی اے، اُوہناں نوں پھینک رئی اے، ایہناں دی حیاتیاں تباہ کر رئی اے۔ نہئیں، تُسی اپنے کیرئیر تے پروہسا نہئیں کر سکدے!

’’انسان تے پروہسا رکھن توں بہتر خداوند وِچ پناہ لیہنا اے‘‘ (زبور 118: 8)۔

تے تُسی اپنے غیر مسیحی بوائے فرینڈ یا گرل فرینڈ تے پروہسا نہئیں کر سکدے! میں جاننا آں ہر کسی نوں – تہاڈے بیلی، تہاڈے اُستاد، ٹیلی ویژن، اَج کل دی موسیقی، ہر کوئی – کہندا اے کہ تُہاڈا شادی توں پہلاں جنسی تعلق قائم کرنا چنگا ہوندا اے۔ اُو کہندے نے ’’ایہنوں آزما کے ویکھو۔‘‘ لیکن یو ایس اے ٹوڈے USA Today دی ایہہ رپورٹ سُنو (8 جولائی 2002، صفحہ D-1)۔

صحبت کرنا شادی نوں اِتفاق تے منحصر اِک پیشکش بنا سکدا اے۔

محقق سکاٹ اسٹینلے دا معاملہ ایہہ اے: اُو خواتین جیہڑیاں منڈیاں نال غیر شادی شُدہ رہندیاں نے تے اِک دیرپا، پُر عزم شادی دی توقع رکھدیاں نے، اُو اپنے اِختیارات دا بہتر جائزہ لے سکدیاں نے۔ ایس دی تحقیق توں پتہ چلدا اے کہ جیہڑے مرد ایہناں خواتین دے نال رہندے نے جِنہاں دے نال اُو آخرکار شادی کردے نے اُو اُوہناں مرداں دے مقابلے وِچ ملاپ دے لئی کم پُرعزم نے جیہڑے ویلے توں پہلاں اپنی شریک حیات دے نال کدی وی نہئیں رہندے سن۔

اُو خواتین نوں کہندا اے: ’’جے تُسی کسی نال شادی کرنا چاہندی اُو تے کسی ایہو جئے بندے نوں منتخب کرو جیہڑا تہاڈے نال نہئیں رہوے گا۔‘‘

جیویں کہ اَج کل لوکی کہندے نے، ’’جاننا آں [غصے وِچ]!‘‘ آخر کار کسی نوں پتہ چلیا کہ لڑکے لڑکیاں دے نال جسمانی تعلق تے کرنا چاہندے نے، لیکن شادی دا عہد نہیں کرنا چاہندے۔ میہنوں خوشی اے کہ آخر کار کسی نے تے ایس ’’جاننا آں [غصے وِچ]‘‘ نوں ویکھیا!

سچ تے ایہہ اے کہ لوکی ہر ویلے اِک دوجے نوں ’’نیوا وکھاندے‘‘ رہندے نے! تہاڈے وِچوں کُج نوجوان جیہڑے گرجا گھر وِچ پلے ودھے نے اپنے کسی پیارے دے ذریعے ’’نیوا وکھائے جان‘‘ دے تجربے توں نہئیں لنگہے نے۔ لیکن ہر اُو بندہ جیہڑا گرجا گھر وِچ وڈھا نہئیں ہویا اُو بجا طور تے جانندا اے کہ میں کیس دے بارے وِچ گل کر رہیا آں۔ بائبل کہندی اے:

’’کیوں جے لوکی اپنی ذات توں محبت کرن آلے ہو جان گے … عہد شکن [لوکی جیہڑے اپنے وعدے توڑدے نے]‘‘ (II تیموتاؤس3: 2۔3)۔

اَج، لوکی کسی وی ویلے، کسی بھی وجہ توں – یا بغیر کسی وجہ دے مُنہ پھیر لین گے! جے تُسی آباد نہئیں ہوندے تے بائبل تے یقین رکھن آلے مقامی گرجا گھر وِچ نہئیں جاندے تے ہر اِتوار نوں حاضری دیندے اُو، تے تُہاڈی حیاتی مستحکم تے خوشگوار نہئیں ہووے گی۔ تسی – بالکل دوجیاں وانگوں – اِک گل توں دوجی وِچ بدل جاؤ گے۔ تُسی اِک بندے توں دوجے دے کول جاؤ گے، اِک کام توں دوجے کام وِچ لگ جاؤ گے، اِک رہن آلی تھاں توں دوجی تھاں جان گے۔ تے دوجے لوکی تہاڈے توں دور ہو جان گے۔ آخر وِچ تُسی ناخوش تے اکیلے ہوو گے۔ ہُنے، جدوں کہ تُسی نوجوان ای اُو تے خدا جیہڑا کہندا اے ایہنوں سُننا کِدرے بہتر اے۔ بائبل کہندی اے:

’’اپنی جوانی دے دِناں وِچ ای اپنےخالق نوں یاد رکھ‘‘ (واعظ 12: 1)۔

صحیح کیوں نہئیں رہندے؟ جِنہاں لوکاں نوں تُسی جانندے اُو اُو دوجے طریقے نال حیاتی گزار رئے اُو، لیکن اَسی سارے جانندے اُو کہ ایس دا نتیجہ کینج نکلے گا۔ اپنی حیاتی دے بارے وِچ صحیح فیصلے کیوں نہئیں کردے؟ سب توں پہلاں، مقامی گرجا گھر توں وابستہ ہو جاؤ۔ ہر اِتوار نوں ایس گرجا گھر وِچ واپس آؤ – پاویں تہاڈے کول وقتی تنازعہ ہووے – خاص طور تے جے تہاڈے کول وقتی تنازعہ ہووے۔ تُسی جیہڑا واعظ سُنندے اُو اُوہناں نوں غور نال سُنو۔

ایس گل نوں یقینی بناؤ کہ تُسی یسوع مسیح دے کول آؤ گے – ایس گل نوں یقینی بناؤ کہ تُسی تبدیل ہو جاؤ گے۔ یسوع نے کہیا، جے تُسی تبدیل ہو کے … تُسی آسمان دی بادشاہی وِچ داخل نہئیں ہوؤ گے‘‘ (متی 18: 3)۔

فیر اِک سادہ جیہئی حیاتی لنگہاؤ۔ تیر وانگوں سیدھی حیاتی۔ اپنے آپ نوں کالج وِچ داخل کرو تے اُوہنوں مکمل کرو۔ اپنی حیاتی نوں پارٹی نہ بناؤ۔ فوری طور تے رومانوی مت ہو جاؤ۔ جدوں شادی دے لئی صحیح ہستی تلاش کرن دا ویلہ ہووے تے دھیرے دھیرے تے اِحتیاط نال ملاقاتاں کرو۔ جسمانی نہ بنو۔ بہانے نہ بناؤ۔ شادی توں پہلاں جنسی ملاپ نہ کرو۔ تہانوں اینج کیوں کرنا چائیدا اے؟ کسی ایہو جئے بندے نوں تلاش کرو جیس دے نال تُسی جسمانی تعلقات حاصل کر سکو۔ اِک ایہو جئی ہستی نوں تلاش کرو جیہڑی جسمانی [خواہش] نہ رکھدی ہووے!

تے اپنے اِرادے تے ڈٹے رہوو۔ اپنی ساری حیاتی گرجا گھر وِچ رہوو۔ نقل مکانی نہ کرو۔ اِک تھاں تے ٹِک جاؤ۔ اِک مرد یا اِک عورت دے نال رہوو۔ اِک ای گرجا گھر وِچ رہوو۔ یقینی بناؤ کہ تُسی یسوع مسیح تے پروہسا کرن دے ذریعے توں تبدیل ہوئے اُو – تے فیر اپنی ساری حیاتی اُوہدے لئی ای جیندے رہوو۔

اپنے آلے دوالے دے لوکاں دی گلاں نہ سُنو۔ اُوہناں وانگوں مت جیو! اپنی حیاتی دے فیصلاں دے نال ایہناں تے پروہسا کرو!

’’انسان تے پروہسا رکھن توں بہتر خداوند وِچ پناہ لیہنا اے‘‘ (زبور 118: 8)۔

III۔ تیجی گل، تُسی یسوع مسیح تے پروہسا کر سکدے اُو۔

یسوع مسیح خود تبدیل نہئیں ہوندا اے۔ اُو اَج وی اے جیہڑا دو ہزار سال پہلاں سی۔ اُو اَج تہاڈے نال اُونج ای محبت کردا اے جیویں اُوہنے لوکاں نال اُوس ویلے محبت کیتی سی۔ اُو اَج تہاڈے گناہواں نوں معاف کر دے گا جیویں اُوہنے اُوس ویلے دے لوکاں نوں معاف کیتا سی۔ بائبل کہندی اے کہ اُو اے۔

’’یسوع مسیح کل تے اَج بلکہ ابد تیکر یکساں اے‘‘ (عبرانیوں13: 8)۔

مسیح تے اُوہدی سچی کلیسیا دا رشتہ کدی نہئیں بدلدا۔ کلیسیا دے بارے وِچ گل کردے ہوئے، یسوع نے کہیا، ’’جہنم دے بوہے اُوس تے غالب نہئیں آن گے‘‘ (متی 16: 18)۔ ریپچر دے رونما ہون تیکر زمین تے بائبل چہ یقین رکھن آلے مقامی گرجا گھر ہون گے، ایس سب دے باوجود جیہڑا ہو رہیا اے تے اُو سب جیہڑا ابلیس تے اُوہدے آسیب کر سکدے نے۔

تے کیوں نہ اُوہناں لوکاں نوں ویکھیے جیہڑے گرجا گھر وِچ چنگی مثالاں نے، تے اپنی حیاتی نوں اُوہناں دی حیاتیاں دے مطابق لنگہائیے؟ ساڈے پادری صاحب نوں ویکھو، ساڈے مناد حضرات نون ویکھو، اُوہناں لوکاں نوں ویکھو جیہڑے وریاں توں مضبوط تے مستحکم مسیحی نے – تے ایہناں وانگوں بنو۔ اپنی حیاتی وِچ کوئی وی اہم فیصلہ کرن توں پہلاں پادری صاحب نال گل کرو۔ بائبل کہندی اے،

’’اپنے پیشواؤں نوں یاد رکھو جِنہاں نوں تُسی خدا دا کلام سُنایا۔ غور کرو کہ اُو کیہو جئی حیاتی لنگہا کے رخصت ہوئے تے اُوہناں وگرا ایمان [اُوہناں وگری طرز حیاتی] تُسی وی حاصل کرو۔ (عبرانیوں13: 7)۔

کیوں نہ تُسی جیہڑی حیاتی لنگہا رئے اُو ایس توں مُنہ موڑ لو، ایس طرز حیاتی نال جیہڑی تہاڈے اِردگر دے لوکی لنگہا رئے نے ایس توں مُنہ موڑ لو – تے یسوع مسیح تے اُوہدی پیش کردہ حیاتی وَل رجوع کرو؟

ابدی حیاتی جیہڑی یسوع پیش کردا اے کدی نہئیں بدلدی۔ یسوع نے اُوہناں لوکاں دے بارے چہ کہیا جیہڑے ایس تے پروہسا کردے نے، ’’میں اُوہناں نوں ہمیشہ دی حیاتی دینا آں، تے اُو کدی ہلاک نہئیں ہون گے‘‘ (یوحنا 10: 28)۔ بائبل کہندی اے،

’’کیوں جے خدا نے دُنیا توں ایس قدر محبت کیتی کہ اپنا اِکلوتا پُتر [یسوع] بخش دِتا، کہ جیہڑا کوئی اُوس [یسوع، پُتر] تے ایمان لیہیائے ہلاک نہ ہوئے بلکہ ہمیشہ دی حیاتی پائے‘‘ (یوحنا3: 16)۔

سنجیدہ کیوں نہئیں ہوندے؟ یسوع مسیح دے کول کیوں نہئیں آندے؟ چند منٹ پہلاں مسٹر گریفتھ Mr. Griffith نے ایہہ الفاظ گائے سن،

دُنیا وِچ تسی پریشان ذہن دے لئی سکون دی کوئی شے تلاش کرن چہ ناکام رئے اُو۔

مسیح دے کول آؤ، اُوہدے تے یقین کرو، تہانوں یقین تے خوشی لبھے گی۔

(’’ہُن کیوں نہئیں؟ Why Not Now‘‘ شاعر ڈینیئل ڈبلیو وہٹلDaniel W. Whittle، 1840-1901)۔

ایس دُنیا چہ تُسی حقیقی خوشی تلاش کرن چہ ناکام رئے اُو۔ اِک مختلف حیاتی دے بارے چہ سنجیدہ کیوں نہ ہویا جائے؟ اِگلے اِتوار – تے ہر اِتوار نوں گرجا گھر کیوں نہئیں آندے؟

تے کیوں نے اپنی تبدیلی دے بارے چہ سنجیدگی اِختیار کرو؟ تُسی کافی دیر تیکر بیوقوف بن چکے اُو۔ تُسی کافی انتظار کیتا اے۔ اِک غیر تبدیل شُدہ شخص دے لئی اِنتظار کرنا بہوتی خطرناک شے اے۔

تُسی ویکھیا، تُسی واقعی اِک گنہگار اُو۔ تُسی اپنی حیاتی وِچ واقعی گناہ کیتا اے۔ واقعی اِک خدا اے۔ درحقیقت تلاش کرن دے لئی واقعی جنت اے تے کتران دے لئی جہنم اے۔ تے یسوع واقعی تہاڈے گناہواں دی ادائیگی دے لئی سولی تے قربان ہو گیا سی۔ اُوہنے واقعی تہاڈے گناہواں نوں دھون دے لئی اپنا لہو وگایا تاکہ جدوں تُسی مر جاؤ تے تہانوں جہنم نہ جانا پیہئے۔ تے اُو واقعی آسمان تے اے، جیتھے اُو مُردیاں وِچ جی اُٹھن دے بعد گیا، تہانوں معاف کرن دے لئی تیار اے جے تُسی صرف اُوہدے کول جاؤ گے۔

ایہہ ویلہ اے کہ ماڑی ماڑی گلاں چھڈو، بے وقوف بنانا تے اپنا ویلہ ضائع کرنا بند کرو۔ جدوں خدا تہاڈے گناہواں توں ناراض ہوندا اے تے ایہہ اِک خطرناک گل اے۔ بائبل کہندی اے، ’’خدا ہر روز شریراں نال ناراض ہوندا اے‘‘ (زبور7: 11)۔ خدا ہر روز تہاڈے نال ناراض ہوندا اے۔ ہر روز خدا نوں اپنے نال ناراض کیوں کردے رہیے جدوں کہ اُو تہانوں آخرکار جہنم وِچ سزا دے گا؟

جہنم توں بچن دے لئی، تے جنت وِچ جان دے لئی ، صرف گرجا گھر وِچ آنا تے اُوتھے دے لوکاں نوں پسند کرنا کافی نہئیں اے۔ ایہہ چنگا اے، لیکن ایہہ خود تہانوں جنت وِچ نہئیں لے جائے گا۔ تہانوں یسوع نوں اپنے لہو دے نال تہاڈے گناہواں نوں دھون تے مجبور کرنا ہووے گا۔

تے کیوں نے لبھیے – سنجیدگی نال تلاش کرو – اپنی تبدیلی نوں؟ جدوں وی بوہے کھلے ہون گرجا گھر وِچ آؤ۔ تُسی جیہڑا واعظ سُنندے اُو اُوہنوں غور دے نال سُنو۔ اکثر واعظاں دے بارے چہ، اپنے گناہواں دے بارے چہ، تے یسوع مسیح نے تہاڈے لئی کی کتیا اے اُوہدے بارے چہ سوچو۔ خدا کولوں دعا منگو کہ اُو تہانوں بیدار کرے تاکہ تُسی اپنے گناہواں دی حقیقت تے یسوع مسیح دی قربانی دی حقیقت نوں ویکھو۔ اپنی روح دی تبدیلی دے بارے وِچ پادری صاحب تے مُناد حضرات نال ذاتی طور تے گل کرو۔

ایہہ ویلہ اے کہ جاگو تے اپنے تبدیل ہون تے کُج حقیقی توجہ دیو۔ تُسی اپنی نیکی نال جنت وِچ نہئیں جا سکدے۔ ساڈی تلاوت کہندی اے:

’’انسان تے پروہسا رکھن توں بہتر خداوند وِچ پناہ لیہنا اے‘‘ (زبور 118: 8)۔

اَج میں تہانوں پُچھنا آں، ’’کی تُسی مرد نہئیں اُو؟ کی تُسی خاتون نہئیں اُو؟‘‘ فیر کی تُسی اَج میرا کلام نہئیں سُنو گے؟ کی تُسی اپنے آپ تے اعتماد کرو گے – اِک محض انسان؟ کی تُسی اپنی حیاتی لنگہان تے کسی نہ کسی طرح جنت وِچ پہنچن دے لئی اپنے آپ تے پروہسا کردے رہوو گے؟ خدا کہندا اے، ’’انسان تے پروہسا رکھن توں بہتر خداوند وِچ پناہ لیہنا اے‘‘ (زبور 118: 8) – تے اپنے آپ توں زیادہ یسوع تے پروہسا کرنا بہتر اے۔

برگشتہ ہوئی دُنیا وِچ کُج وی نہئیں اے تے کوئی وی شخص نہئیں اے، جیس تے تُسی واقعی پروہسا کر سکو – گھٹ توں گھٹ اپنے آپ تے۔ تُسی گناہ کیتا اے، تے تُسی اپنے گناہواں دی ادائیگی نہئیں کر سکدے۔

تے تُسی اپنے گناہ دے مسئلے توں نکلن دا راستہ نہئیں کڈ سکدے۔ تہاڈا دماغ تے سمجھ تہاڈے گناہ توں تاریک ہو گئی اے۔ بائبل تہاڈے بارے چہ کہندی اے، ’’عقل دا تاریک ہو جانا‘‘ (افسیوں 4: 18)۔ کاش تُسی اپنے گناہواں دی بُرائی نوں ویکھو! اوہ، کہ تُسی اپنے نفس، اپنے دماغ، اپنے دِل تے پروہسا کرن دے انجام نوں پہنچو گے! اوہ، کہ تُسی اپنے آپ نوں یسوع دے حوالے کر دو گے، جیہڑی تہاڈی واحد اُمید اے، تے اُوہدے لہو دے ذریعے ہمیشہ دے لئی معاف ہو جاؤ گے! بائبل کہندی اے:

’’مبارک اے اُو جیس دے گناہ خداوند حساب وِچ نہئیں لیہیاندا۔ مبارک اے وہ آدمی جیس دے دِل وِچ مکر نہئیں‘‘ (زبور32: 1۔2)۔

اپنے آپ نوں یسوع دے حوالے کر دیو۔ ایس دا لہو تہاڈے سارے گناہواں نوں ڈھانپ دے گا۔ خدا تہاڈے گناہواں نوں نہئیں ویکھے گا، کیوں جے یسوع دے لہو نال ڈھانپے جان گے۔ جے تُسی یسوع دے کول آندے اُو تے ایس تے پروہسا کردے اُو تے تہاڈے گناہواں دا تہاڈے خلاف – خدا مواخذہ نہئیں کرے گا – خدا شمار نہئیں کرے گا۔

’’انسان تے پروہسا رکھن توں بہتر خداوند وِچ پناہ لیہنا اے‘‘ (زبور 118: 8)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔