سیلاب توں پہلاں تہذیب – نوح دا زمانہ – گیارہواں حصہ | Civilization Before the Flood - The Days of Noah

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

دُنیا دا خاتمہ کدھوں ہووے گا؟ شاگرد ایہدے جواب جاننا چاہندے سن۔ اَسی جیس زمانے وِچ رہنے آں اُو زمانہ کدوں ختم ہووے گا؟ تیری آمد تے دُنیا دے اَخیر ہون دی نشانی کی ہووے گی؟‘‘

ڈاکٹر ایم آر ڈیحان Dr. M. R. DeHaan نے ایہہ تبصرے پیش کِیتے۔

یسوع فوراً تے براہ راست متعدد نشانیاں دی تلاوت وِچ ڈوب جاندا اے جیہدے نال اَسی جان سکنے آں کہ اُوہدی آمد قریب اے۔ باب دے شروع وِچ اُوہنے دھوکہ دہی، جنگاں، جنگاں دی افواہواں، قحط، وبائی امراض، اِرتداد، زلزلے، یہود دشمنی، جھوتے اُستاد تے بہوتی ساریاں دوجیاں نشانیاں دا ذکر کیتا اے۔
اَگے اُو ایہناں نوں بہوتی زیادہ ایذارسانیاں دے آن توں خبردار کردا اے، تے فیر اپنی شاندار دوجی آمد دے تصویر دیہندا اے۔ ایہدے بعد اُو انجیر دے درخت دی نشانی دیہندا اے، تے ایہناں ساریاں نشانیاں دے تجدید دے ذریعے ایہنوں لپیٹ دیہندا اے جدوں اُو کہندا اے:

’’کیوں جے جیویں کہ سیالب توں پہلاں دے دِناں وِچ سی … اینج ای ابنِ آدم دی آمد وی ہووے گی‘‘ (متی 24:38، 39)۔

ایہ آیتاں پورے باب دا دِل نے۔ یسوع کہندا اے کہ جدوں سیلاب توں پہلاں جیہڑے حالات سن دہرائے جاندے نے، فیر تُسی جان جاندے اُو کہ ایہ اتہاڈے وی لاگے بوہے تیکر پہنچ چکیا اے۔ لہٰذا سانوں صرف ایہ جانن دی لوڑ اے کہ [سیلاب توں پہلاں دے زمانے] دے حالات کی سن، تے فیر اُوہناں دا موازنہ ایہناں واقعات نال کریے جیویں کہ اُو اَج نے، تے ایہدے نال سانوں اُوہدی چھیتی ای واپسی دا یقین ہو سکدا اے۔ بیان مثبت اے تے ایہدے وِچ کوئی دکھاوا یا چھیڑ چھاڑ نئیں کیتی گئی اے۔

جیویں کہ ایہ سیلاب توں پہلاں دے زمانے وِچ سی – اُونج ای خداوند دی واپسی توں پہلاں دے زمانے وِچ ہووے گا۔ ایس لئی کسی دے انہھیرے وِچ رہن دا کوئی بہانہ نئیں اے، کیوں جے کوئی وی اَدھے گھنٹے توں وی گھٹ ویلے چہ بالکل اُوہی جان سکدا اے جیہدا یسوع نے حوالہ دِتا سی۔ ’’سیلاب توں پہلاں دے زمانے‘‘ دا پورا ریکارڈ خدا دے کلام دے تین مختصر ابواب وِچ موجود اے: پیدائش دے باب 4، 5 تے 6 وِچ ۔ پورا حصہ چند منٹاں چہ پڑھیا جا سکدا اے … ایس لئی ایہ سب کُجھ جیہڑا لکھیا گیا اے ایہناں دِناں دے بارے وِچ [پیدائش دی کتاب چہ] ایہناں تین مختصر ابواب وِچ دِتا گیا اے، تے ایہ اُوہی اے جیہڑا یسوع نے کہیا جدوں اُوہنے کہیا، ’’جیویں نوح دے زمانے وِچ سی … اُونج ای ابنِ آدم دے آن تے ہووے گا‘‘ (ایم آر ڈی ہان، ایم ڈیM. R. DeHaan, M.D.، نوح دا زمانہ The Days of Noah، گرینڈ ریپڈزGrand Rapids: ژونڈروان، 1963، صفحہ 39-40)۔

شاگرداں نے یسوع نوں پُچھیا، ’’تیری آمد تے دُںیا دے خاتمے دی نشانی کی ہووے گی؟‘‘ یسوع نے جواب دِتا، ’’کیوں جے جیویں کہ سیلاب توں پہلاں دے زمانے وِچ سی … اُویں ای ابنِ آدم دی آمد وی ہووے گی۔‘‘ ایس لئی سانوں ایہ جانن دی لوڑ اے کہ عظیم سیلاب توں پہلاں کینج سی – تے اُوس ویلے دا موازنہ ایس دور نال کریے جیہدے وِچ اَسی ہُن رہنے آں۔

لہٰذا، شہر دی تعمیر ایس گل دی علامت اے کہ اَسی اُوس دور دے اختتام دے لاگے پہنچ رئے آں۔ براہ کرم میرے نال پیدائش، چوتھا باب، اُوہدی سولہویں آیت کھولو:

’’تے قائین خداوند دے حضور توں نِکلیا تے عدن دے مشرق وِچ نود دے مُلک چہ رہن لگا۔ تے قائین اپنی ووہٹی نوں جانندا سی۔ تے اُو حاملہ ہوئی، تے حنوک نوں جنم دِتا۔ تے اُوہنے اِک شہر بنایاٰؓ…‘‘ (پیدائش 4: 16-17)۔

ساری بائبل وِچ کسی شہر دی تعمیر دا ایہ پہلا ذکر اے۔ انسان نوں جدوں پیدا کیتا گیا تے کسی شہر وِچ نئیں رکھیا گیا۔ اُوہنوں اِک باغ وِچ رکھیا گیا سی – باغ عدن۔ پہلا شہر قائین نامی اِک گنہگار بندے نے بنایا سی۔ پوری بائبل وِچ، شہراں نوں وڈی بُرائی تے گناہ دی تھاواں دے طور تے ویکھیا گیا اے۔ ایتھوں تیکر کہ یروشلم نوں ایذارسانیاں دے دور وِچ ’’سدوم تے مصر‘‘ کہیا جاندا اے (مکاشفہ 11: 8)۔

پچھلی تین نسلاں وِچ اَسی ویکھیا اے کہ سیلاب توں پہلاں دے زمانے وِچ کی ہویا سی۔ سو وریاں پہلاں دُنیا دے 85% توں زیادہ لوکی چھوتی دیہی برادریاں وِچ یا کھیتاں وِچ رہندے سن۔ میرے دوویں دادا کسان سی۔ للیکن اُوہناں دوواں نوں اُوہناں دے کھیتاں توں دور دھکیل دِتا گیا تے لاس اینجلز دے عظیم شہر وِچ لے جایا گیا۔ اَج سویرے ساڈے گرجا گھر وِچ تقریباً ہر فرد اپنے ماں پیو یا پردادا دے بارے چہ ایہو جئی کہانی سُنا سکدا اے۔ اُو معاشی حالات دی وجہ توں کھیتی باڑھی چھڈ کے دُنیا دے وڈے وڈے شہراں وِچ داخل ہون تے مجبور سن۔ دیہی علاقیاں دی سادہ حیاتی دی تھاں وڈے شہراں دے دیوانہ ور رش نے لے لئی سی – جیہڑی جرائم تے بُرائیاں نال بھری ہوئی سی جیہدے بارے چہ ساڈے آباؤاِجداد نوں معلوم نئیں سی کہ اُو جدوں دیہات وِچ رہندے سن – اپنے کھیتاں تے۔ خاندانی فارم ہُن تیزی نال معدوم ہو رہیا اے، کیوں جے ساڈے وسیع شہری علاقیاں وِچ لوکاں دی ودھدی ہوئی تعداد وِچ اِضافہ ہو رہیا اے۔

یاد رکھو، ایہ بالکل اُو ای اے جیہڑا عظیم سیلاب توں پہلاں دے زمانے وِچ ہویا سی:

’’تے قائین اپنی ووہٹی دے کول گیا تے اُو حاملہ ہوئی، تے حنوک نوں جنم دِتا: تے اُوہنے اِک شہر بنایا…‘‘ (پیدائش 4: 17)۔

II۔ دوجی گل، ایہ اُو دور سی جدوں زراعت دی ترقی ہوئی۔

میرے نال پیدائش دا چوتھا باب، اُوہدی بیسوی آیت نوں کھولو:

’’عدہ دے ہاں بابیل پیدا ہویا: اُو اُوہناں دا باپ سی جیہرے خیمیاں وِچ رہندے سن تے مویشی پالدے سن‘‘ (پیدائش 4: 20)۔

جیویں جیویں لوکی شہراں وِچ داخل ہوئے زراعت نے ترقی کیتی تے مویشی پالے گئے۔ چونکہ لوکاں نے اپنے دیہی ماحول نوں چھڈ دِتا، شہراں وِچ بہتیرے لوکاں نوں کھانا کِھلان دے لئی زراعت دے پیداواری طریقیاں دی تریقی دی لوڑ سی۔

ساڈے دور وِچ ماہرین ِبشریات نے ایہ ویکھیا اے کہ جدید زراعت تے مویشی پالنا ماحولیاتی عدم توازن دا اِک وڈا ذریعہ رہیا اے، جیہدے نتیجے وِچ زمین دی تباہی ہوندی اے۔ ثقافتی بشریات دی اِک پروفیسر نے سادے کُجھ نوجواناں نوں کہیا جیہڑے اُوہناں دی کلاس لے رئے سن کہ زراعت دی ترقی بنی نوع انسان دی ہُن تیکر کہ سب توں تباہ کُن غلطی سی۔ میرے خیال وِچ ایس بیان وِچ کافی حد تیکر سچائی اے۔

لیکن ایہ یاد رکھنا چائیدا اے کہ خدا نے انسان نوں جنگلات نوں تباہ کرن تے ماحولیاتی طور تے نقصان دہ زرعی طریقیاں نوں استعمال کر کے زمین نوں لوٹن تے عصمت دریاں کرن دے لئی پیدا نئیں کیتا۔ نئیں! نئیں! خدا نے انسان نوں اِک خوبصورت باغ وِچ رکھیا۔ پیدائش، اُوہدے دوجے باب، آٹھویں آیت نوں کھولو:

’’تے خداوند خدا نے عدن وِچ مشرق وَل اِک باغ لگایا۔ تے اُوہتھے اُوہنے اُوس آدم نوں رکھیا جِنہوں اُوہنے بنایا سی۔ تے زمین وِچوں خداوند خدا نے ہر اُو درخت اُوگایا جیہڑا ویکھن وِچ خوشنما تے کھان وِچ لذیذ سی‘‘ (پیدائش 2: 8-9)۔

’’تے خداوند خدا نے آدم نوں باغِ عدن وِچ رکھیا تاکہ اُوہدی باغبانی تے نگرانی کرے‘‘ (پیدائش 2: 15)۔

زراعت دے ذریعے زمین دی عصمت دری تے لوٹ مار دی جڑاں ایس گل وِچ نئیں نے جیہڑی خدا نے انسان نوں کہی اے۔ خدا نے انسان نوں کہیا کہ اُو باغ دی دیکھ بھال کرے، اُوہدی باغبانی تے نگرانی کرے‘‘ ایہ خدا دے خلاف گناہ تے بغاوت سی جِنہے ماحولیاتی طور تے نقصان دہ زرعی طریقیاں نوں جنم دِتا۔ صرف انسان دے گناہ کرن دے بعد، خدا نے افسوس دے نال کہیا، اُو الفاظ پیدائش دے تیجے باب تے اُوہدی سترویں آیت وِچ نے۔ مہربانی نال اُوہنوں کھولو:

’’تے آدم نوں اُوہنے کہیا، کیوں جے توں اپنی ووہٹی دا گل منی اے، تے اُوس درخت دا پھل کھایا اے، جیہدے بارے چہ میں تیہنوں حکم دِتا سی، کہ توں ایہدے وِچوں نہ کھائیں: ایس لئی زمین تیرے سبب توں ملعون ٹھہری۔ توں محنت مشقت کر کے اُوہدی پیداوار کھاندا رئے گا۔ اُو تیرے لئی کنڈے تے اُونٹ کٹارے وی اُگائے گا۔ تے توں کھیت دی سبزیاں کھائے گا۔ توں اپنے ماتھے دے پسینے دی روٹی کھائے گا، جدوں تیکر کہ توں زمین وِچ واپس نئیں لوٹ جائے‘‘ (پیدائش 3: 17-19)۔

تے ایہ قائین دی گنہگار اولاد سی جِہنے زرعی طریقیاں نوں استعمال کرنا شروع کیتا، جیویں کہ پیدائش 4: 20 وِچ درج اے۔ مویشیاں دا پالنا، جیویں کہ ایس اایت وِث سب توں پہلاں درج کیتا گیا اے، انسان دے گناہ دا براہ راست نتیجہ سی جِنہے اُوہنوں باغِ عدن وِچ بالکل متوازن ماحولیاتی نظام توں کڈ دِتا۔

نوجوانو، ایہ گل اپنے دنیاوی کالج دے پروفیسر نوں دسو! اُو اُستاد تہانوں دسدے نے، جیویں کہ دُنیاوی کالج دے طلباء جانندے نے، کہ بائبل وِچ کُجھ ایہو جئی بُرائی اے جِنہے مغربی انسان دی زمین دی تباہی نوں جنم دِتا۔ لیکن ایہناں دا ایہ کہنا غلط اے۔ بائبل قصوروار نئیں اے۔ ایہ انسان دا گناہ تے خدا دے خلاف بغاوت اے جیہدا الزام اے!

سانوں اَج دی جدید حیاتی وِچ ایس دی تکرار ویکھنے دی لوڑ نئیں اے … پچھلی نسل وِچ کھیتی باڑھی وِث کیہڑی ترقی ہوئی اے … ایہ وی ساڈے خداوند یسوع مسیح دے الفاظ دی تکمیل وِچ اے جدوں اُوہنے کہیا، ’’جیویں کہ ایہ سی… اینج ای ہووے گا‘‘ (ایم آر ڈیحانM. R. DeHaan، ibid.، صفحہ 44-45)۔

مہربانی نال پیدائش، چار باب اُوہدی بائیسویں آیت کھولو:

ضِلّہ دے ہاں وی توبلقائین نامی بیٹا پیدا ہویا جیہڑا پیتل تے لوہے نال مختلف قسم دے اوزار بناندا سی … ‘‘ (پیدائش 4: 22)۔

جیویں کہ میں کہیا، ایہ انسان دے لئی خدا دا اصل ارادہ بالکل نئیں سی۔ جے انسان خدا دے خلاف بغاوت نہ کردا، تے ’’پیتل تے لوہے‘‘ دی ترقی دی کوئی لوڑ نئیں سی جیویں کہ قائین دے بُری اولاد نے پہلاں کیتی۔

غور کرو کہ ایہہ ساڈے زمانے وِچ وی دہرایا گیا اے۔ بیسویں صدی نوں ’’اسٹیل دا دور‘‘ کہیا جاندا اے۔ تے ایہناں بُرائیاں دے بارے چہ سوچو جیہڑیاں ایہدے نال پیدا ہوئیاں نے – جنگی مشیناں، ہوائی جہاز، بم، جنگی جہاد – ایہناں وِچوں کوئی وی دھات بالخصوص اسٹیل دے جدید استعمال دے بغیر ممکن نئیں سی۔ ’’جیویں کہ ایہ سی ..,.اینج ای ہووے گا‘‘!

’’تے قائین خداوند دے حضور توں چلا گیا، تے عدن دے مشرق وِچ نود دی سرزمین وِچ رہن لگا‘‘ (پیدائش 4: 16)۔

قائین اِک مسافر بن گیا۔ اینج پہلی وری ہویا سی۔ آیت چودہ نوں ویکھو۔ ایتھے قائین نے خود ترسی وِچ خدا تے حملہ کیتا، جدوں اُوہنے کہیا:

’’ویکھ، توں اَج میہنوں روئے زمین توں کڈ دِتا اے۔ تے میں تیرے حضور توں روپوش ہو جاواں گا۔ تے بے چین ہو کےزمین تے مارا مارا تے آوارہ پھرتا رہواں گا …‘‘ (پیدائش 4: 14)۔

قائین اپنے بھہرا ہابل نوں قتل کرن دے بعد، دُنیا دا پہلا مسافر بن گیا۔ ڈاکٹر ڈیحان نے تبصرہ کیتا:

نود دی سرزمین دا لفظی معنی اے آوارہ گردی دی سرزمین۔ ایس توں مُراد اِک تھاں توں دوجی تھاں سفر کرنا اے۔ روایت ایہ دسدی اے کہ قائین ہندوستان تے چین گیا سی … ایہ صرف قیاس ہو سکدا اے، لیکن عام تعبیر ایہ اے کہ قائین نے گھر توں کُجھ فاصلہ طے کیتا یس۔ ایہ اِک بےچینی، بےقراری تے دریافت کرن تے تحقیق کرن دی خواہش دی نشاندہی کردی اے۔ چونکہ ایہ بائبل وِچ تھاں تھاں پِھرن دا پہلا ذکر اے، ایس لئی ایہ یسوع دے الفاظ دی روشنی وِچ حقیقی اہمیت نوں جمع کردا اے، ’’جیویں کہ نوح دے زمانے وِچ سی، اُونج ای ابنِ آدم دے دِناں وِچ وی ہووے گا‘‘ (لوقا 17: 26)۔ یاد رکھو، ایہ [سفر] سیلاب توں پہلاں سی تے ایس لئی یقینی طور تے یسوع دے الفاظ وِچ ایہدے فیر توں آن دی علامت دے طور تے شامل کیتا گیا سی‘‘

قائین ’’زمین تے اِک بھگوڑا تے آوارہ [بنجارہ]‘‘ بن گیا (پیدائش 4: 14)۔ ’’مفرور‘‘ دے لئی عبرانی لفظ ’’نوواnuwa‘‘ اے تے ایہدا مطلب اے ’’اُوتے تھلے جانا، دور جانا، منتقل ہونا، وِکھرنا، آوارہ ہونا، بنجارہ بننا (حوالہ دیکھیں Strong's Concordance)۔ ایویں، قائین بہوتی زیادہ جدید انسان ونگوں بن گیا۔ اُوہنے اُوتے تھلے دا سفر کیتا۔ اُو اکثر منتقل ہوندا سی۔ اُو اپنے رشتہ داراں تے گھر توں نِکھڑ گیا سی۔ اُو اَج دی لکھاں لوکاں وانگوں اِک آوارہ سی، جیہڑے اپنے وطناں نوں چھڈ کے زمین تے بھٹکدے نے۔

لوکاں دی نقل مکانی، تے دُنیا بھر دا سفر، یقیناً ایس گل دی نشانیاں نے کہ اَسی دُںیا دے اِختتام دے قریب رہ رئے آں۔ خدا نے دانیال نبی نوں کہیا:

’’لیکن توں، اے دانیال، ایس طومار دے لفظاں نوں زمانہ دے اَخیر تیکر بند کر کے مہر لگا۔ کئی لوکی اپنی معلومات وِچ اضافہ کرن دے لئی اِیتھے اُوتھے تفتیش و تحقیق کردے پھرن گے‘‘ (دانیال 12: 4)۔

ساڈے دور وِچ علم چہ اضافے نے دُنیا بھر دا سفر ممکن بنا دِتا اے۔ تعلیم وِچ بہوتا اضافہ ہویا اے۔ تے علم وِچ اضافے نے سفر دے تیز تر طریقے پیدا کیتے نے۔

میرے دوویں دادا اِک گھوڑا تے چھوٹی گڈی چلاندے سن جدوں تیکر کہ اُو اُدھیڑ عمر دے آدمی نہ ہو گئے۔ اُوہناں دوواں نے اپنی حیاتی وِچ ای ایہو جئے ہوائی جہاز ویکھے جیہڑے چند گھنٹیاں وِچ بحرالکاہل دے اُوس پار اُڈ سکدے سن۔ اُوہناں دیاں دوویں ووہٹیاں جوہری دور تیکر چنگی حیاتی گزار رئی سن۔ میری دادی، ایلس ہائیمرز، نے اِک سیٹلائٹ وِچ انسان نوں زمین دا چکر لگاندے اپنی حیاتی وِچ ای ویکھیا۔ میرا ماں اکثر کٹی ہاک، نارتھ کیرولینا وِچ 17 دسمبر 1903 نوں رائٹ برادران دے پہلے ہوائی جہاز دے اُڑائے جان دے بارے وِچ گل کردی سن۔ اگرچہ ایہ اُوہناں دی پیدائش توں دس وریاں پہلاں ہویا سی، لیکن ایہ اُوہناں دے بچپن وِچ گفتگو دا اِک ’’سنسنی خیز‘‘ موضوع سی، تے اُو ہمیشہ جوش و خروش دے نال ایہدا تذکرہ کیا کردیں، کہ انسان دراسل اِک مشین وِچ ہوا دے ذریعے اُڑ سکدا اے! مرن توں پہلاں اُوہناں نے اِک آدمی نوں چن تے ٹردیا ویکھیا سی! جی ہاں، بیسویں صدی وِچ انسان ’’ایتھے اُوتھے‘‘ نٹھیا تے علم وِچ ’’اضافہ‘‘ ہویا (حوالہ دیکھیں دانی ایل 12: 4)۔

سیلاب توں پہلاں دے زمانے وِچ سفر دا آغاز قائین دے نال ہویا۔ سفر ہُن پوری دُنیا وِچ عام ہو گیا اے۔ تے ایہ مسلسل سفر اے جِنہے گھر نوں اُدھیڑن تے معاشرے نوں جڑ توں اُکھاڑ پھیکن وِچ مدد کیتی اے۔ بنی نوع انسانی ’’زمین وِچ اِک بھگوڑا تے آوارہ‘‘ بن گیا اے – بالکل قائین وانگوں! (حوالہ دیکھیں پیدائش 4: 14)۔ ایہ ساری تحریک نسل انسانی دے لئی چنگی نئیں رئی۔ ایہنےساڈی جڑاں نوں تباہ کر دِتا اے تے سانوں زمین دے وڈے بدکار شہراں وِچ تنہا چھڈ دِتا اے۔ ’’جیویں سیلاب توں پہلاں دے دِناں وِچ سی … اینج ای ابنِ آدم دی آمد وی ہووے گی‘‘ (متی 24: 38-39)۔

V۔ پنجویں گل، ایہ اِک ایہا جیہا دور سی جیہدے وِچ موسیقی دا غلبہ سی۔

’’تے اُوہدے بھائی دا ناں یوبل سی: اُو اُوہناں لوکاں دا باپ سی جیہڑے بربط تے بانسری وجاندے سن‘‘ (پیدائش 4: 21)۔

انسان پہلی وری موسیقی دے زیر اثر آیا۔ جوبل موسیقی دے آلات دا ’’باپ‘‘ سی، جیہڑا عظیم سیلاب توں پہلاں دے زمانے توں پہلاں نامعلوم سن۔ ایہ موسیقی دے آلات انتہائی جنون دا باعث بن گئے، تے بِلاشُبہ عظیم دعوتاں، پارٹیاں، تے شادی دی فضول خرچیاں دی ودھدی ہوئی مقبولیت دی اِک وڈی وجہ سن، جیہدے بارے وِچ یسوع نے سانوں دسیا سی کہ سیلاب توں پہلاں [ایہ] حیاتی دا اِک حصہ سن (حوالہ دیکھیں متی 24: 38)۔

کوئی وی ویکھ سکدا اے کہ ساڈے دور وِچ موسیقی دا غلبہ اے – جیہدے وِچ زیادہ تر خراب موسیقی اے! موجودہ دور دے زیادہ تر گرجا گھراں وِچ موسیقی خراب اے، تے اینج ای دُنیا وِچ وی موسیقی اے۔ ’’جیویں کہ سیلاب توں پہلاں دے دِناں وِچ سی … اینج ای ابنِ آدم دی آمد وی ہووے گی‘‘ (متی 24: 38-39)۔

VI۔ چھٹی گل، ایہہ کثِیرُالاَزواجی تے جنسی ہوس دا دور سی۔

کثِیرُالاَزواجی توں مُراد اِک توں بہوتے بندیاں نال شادی کرنا اے۔ شادی، طلاق تے فیر دوبارہ شادی دراصل کثِیرُالاَزواجی دی اِک شکل اے۔ اینج ای کئی لوکاں دے نال ’’اِک ساتھ رہنا‘‘ اے۔ کثِیرُالاَزواجی اُو نئیں سی جیہڑی خدا نے بنی نوع انسان دے لئی بنائی سی۔ خدا نے اِک مرد تے اِک عورت دے لئی اِک حیاتی دے لئی شادی کرن دا منصوبہ بنایا سی (حوالہ ویکھو پیدائش 1: 27؛ پیدائش 2: 23-25)۔ کثِیرُالاَزواجی تے عمل کرن آلا پہلا شخص قائین دی اِک بےکار نسل توں سی جیس دا ناں لامک سی۔ اپنی بائبل وِچ پیدائش دا چوتھا باب اُوہدی انیسویں آیت کھولو:

’’تے لمک نے دو عورتاں نال بیاہ کیتا: اِک دا ناں عدہ تے دوجی دا ناں ضِلّہ سی‘‘ (پیدائش 4: 19)۔

میہنوں یقین اے کہ یسوع نے اِک توں بوہتے لوکاں نال شادی کرن دے لئی ایس رواج نوں ذہن وِچ رکھیا سی جدوں اُوہنے سیلاب توں پہلاں دے [زمانے دے] لوکاں دے بارے وِچ کہیا سی، ’’شادی کرنا تے شادی کرانا‘‘ (متی 24: 38)۔

فیر شیطانی جنسیت وی سی جیہڑی، باب چھ، آیت چار وِچ درج اے:

’’ایہناں دِناں وِچ زمین تے وڈے قد آور تے مضبوط لوکی [جنات] موجود سن۔ بلکہ بعد وِچ وی سن، جدوں خدا دے بیٹے انساناں دی بیٹیاں دے کول آئے، تے اُوہناں توں اولاد پیدا ہوئی، ایہ قدیم زمانہ دے سورما تے وڈے نامور لوکی سن‘‘ (پیدائش 6: 4)۔

ڈاکٹر آرنو سی گیبلین Dr. Arno C. Gaebelein اسکوفیلڈ حوالہ بائبل دے اک مشاورتی ایڈیٹر سن، جیویں کہ تُسی عنوان دے صفحے نوں ویکھ کے ویکھ سکدے اُو۔ ڈاکٹر گیبلین نے سب توں مضبوط دلائل دِتے جیہڑے میں ’’خدا دے ُپُتراں‘‘ شیطانی گمراہ ہوئے فرشتیاں دے بارے وِچ صرف ایتھے ای پڑھے نے۔ ایس حالت دے لئی ڈاکٹر گیبلین دی دلیل ایہناں دی کتاب وِچ دِتی گئی اے، جیویں کہ اہہ سی – اُونج ای ہووے گا (نیویارک: ساڈی اُمیدOur Hope، 1937، صفحہ 95-104)۔ ایس موضوع وِچ دلچسپی رکھن آلے ہر شخص نوں ایہ چھیتی ای کسی ایہو جئے شخص توں حاصل کرنی چائیدی اے جیہڑا استعمال شُدہ کتاباں دا کاروبار کردا ہووے۔ شیطاطین دا تعلق اُوہناں گنہگار جنسی طریقیاں نال سی جیہڑے عظیم سیلاب توں پہلاں دے زمانے وِچ بہوتے عام سن۔

نوح دے زمانے دی جنسی بے راہ روی نوں ساڈے زمانے وِچ ایس قدر قریب توں نقل کیتا گیا اے کہ میں مذید تبصرہ کیتے بغیر اَگے گل کراں گا۔ ’’جیویں کہ نوح دے زمانے وِچ سی، اُونج ای ابنِ آدم دے زمانے وِچ وی ہووے گا‘‘ (لوقا 17: 26)۔

VII۔ ستویں گل، ایہ کثِیرُالاَزواجی دا زمانہ سی۔

پیدائش 4: 3-4 اِسی ویکھنے آں کہ قائین نے خون دے کفارے دے بغیر اِک مذہب قبول کیتا۔ ایہ خیال کہ اَسی اُوہدے لہو دے بغیر مسیح دی موت توں بچائے جا سکدے نے ایس قدر مقبول ہو گیا اے کہ ہُن اِک معروف قدامت پسند سکول وِچ صرف اِک پروفیسر اسکوفیلڈ حوالہ بائبل وِچ پیش کردہ نظریہ رکھدا اے! میں حیران رہ گیا جدوں میہنوں معلوم ہویا کہ اُو ہُن مسیح دے لفظی لہو تے یقین نئیں رکھدے۔ میرے کول ایہ معلومات اِک معتبر ذریعہ توں اے۔ ایہناں لوکاں نے جان میک آرتھر دی غلطی دی پیروی کیتی اے کہ مسیح دا لہو ’’مٹی وِچ بہہ گیا تے سڑ گیا۔‘‘ اُو ایس گھناؤنے نظریے نوں برقرار رکھدے نے حالانکہ بائبل واضح طور تے مسیح دے لہو نوں کوہ صیون، آسمانی شہر وِچ شیواں وِچوں اِک دے طور تے درج کردی اے (حوالہ دیکھیں عبرانیوں 12: 22-24)۔ بائبل کہندی اے، ’’اُوہناں تے افسوس! کیوں جے اُو قائین دی راہ تے چل پیہئے نے …‘‘ (یہوداہ 11)۔

ایہ اَخیرلے زمانے وِث بہوتے لوکاں دی نام نہاد ’’بنیاد پرستی‘‘ اے۔ اُو ایہنے ای مرتد نے جنہا قائین سیلاب توں پہلاں سی۔

پیدائش، ابواب پنج تے چھ دا فوری مطالعہ کسی وی غیرجانبدار قاری تے ایہ ظاہر کر دے گا کہ پوری دُنیا خدا توں مُنہ موڑ چکی اے تے وڈی بدکاری تے اِرتداد وِچ ڈوب گئی اے۔

بدعنوائی دے اِیہناں اَخیرلے دِناں وِچ اینج لگدا اے کہ زمین تے یہوواہ دی گواہی بالکل ختم ہو گئی اے۔ مرد تے عورتاں ہُن ایس گل تے یقین نئیں کردے سن جیہڑا اُوہناں نوں اُوہناں دے پیو دادا نے ایہنی وفاداری نال منتقل کیتی سی۔ اُو خدا توں مکمل طور تے پھر گئے، تے فساد دے دِن ایہدے بعد آئے … نوح نے آن آلی سزا توں خبردار کیتا… اُوہنے اِک سو وی وریاں تیکر وفاداری نال اُوس پیغام دا اعلان کیتا جیہڑا اُہنوں ملیا سی … فیر وی سارے نافرمان سن۔ اُو حیاتی دے عام مشاغل وِچ … جاری رئے؛ اُوہناں نے خدا دے کلام تے کوئی دھیان نئیں دِتا (آرنو کلیمینس گیبیلین، ڈی ڈی Arno Clemens Gaebelein, D.D.، جیویں کہ ایہ سی – اُونج ای ہووے گا As It Was – So Shall It Be، نیویارکNew York: ہماری امیدOur Hope، 1937، صفحہ 95-96)۔

میں ہُن تیکر جیہڑا کُجھ کہہ چکیا آں ایہدا خلاصہ کراں گا تے ساریاں نوں اِک نال یکجا کراں گا۔ سیلاب توں پہلاں بنی نوع انسان شہراں وِچ منتقل ہویا، زراعت تے دھات کاری نوں ترقی دِتی۔ فیر انسان نے وسیع سفر شروع کیتا تے مسلسل حرکت کردا رہیا۔ ایہ سارے جنگلی موسیقی، اِک توں بہوتی شادیاں، ناجائز جنسی تعلقات تے مذہبی اِرتداد دے نال سی۔ میں نے تہانوں کی بیان کیتا اے؟ ایہ ساڈی اَج دی دُنیا دی تصویر اے!

واضح رئے کہ ایہناں ثقافتی خصلتاں وِچوں ہر اِک دوجے نال جڑی ہوئی اے۔ شہر دی تعمیر، زراعت، تے دھات کاری نال منسلک نے، تے ایہدے نتیجے وِچ سفر ہوندا اے۔ جنگلی موسیقی تے ناجائز جسنی تعلقات ایس معاشرے دے نتائج نے جیہڑا وڈے شہراں دے جنگلاں وِچ اپنا راستہ کھو چکیا اے۔ تے اُو لوکی جیہڑے گھومدے رہندے نے تے مسلسل حرکت کردے نے، مقامی گرجا گھر وِچ اپنی شناخت تے رُکنیت کھو دیہندے نے۔ اُو ہُن گرجا گھر نئیں جاندے۔ اُو نوح دے زمانے دے لوکاں وانگوں آوارہ مرتد بن جاندے نے۔

’’تے خدا نے نوح نوں کہیا کہ سارے بشر دا خاتمہ میرے سامنے آ پہنچیا اے کیوں جے اُوہناں دے سبب توں زمین تشدد نال بھر گئی اے …‘‘ (پیدائش 6: 13)

جیہڑے لوکی مقامی گرجا گھر وِچ بسدے نے تے مسیح وِچ ایمان لیہیا کے تبدیل ہون توں انکار کردے نے، اُو اپنے بچیاں کولوں عالم بالغ لوکاں وگرا ہون دی توق نئیں کر سکدے۔ کسی نہ کسی طرح ایہناں دے بچے تشدد دا نشانہ بن جان گے! اُو یا تے تشدد کرن گے، یا کسی نہ کسی طرح تشدد دا نشانہ بن جان گے۔

تے، ساڈا جواب کی اے؟ ایہ سہوکھا اے! اِدھر اُودھر پھرنا بند کرن! جدوں وی بوہا کُھلا ہووے ایس مقامی گرجا گھر وِچ داخل ہون! یسوع مسیح دے کول آؤ تاکہ تہاڈے گناہ اُوہدے لہو دے ذریعے دھوتے جا سکن!

’’اُوہدے پُتر یسوع مسیح دا لہو سانوں سارے گناہ توں پاک صاف کردا اے‘‘ (I یوحںا 1: 7)۔

لیکن تہانوں واقعی چہ مسیح دے کول آنا چائیدا اے۔ اُو تہاڈے گناہواں دی ادائیگی دے لئی مریا۔ اُو جی اُٹھا تے واپس آسمان تے اُٹھا لیہیا گیا۔ تہانوں ہُنے ای اُوہدے کول آنا چائیدا اے تے تبدیلی دا تجربہ کرنا چائیدا اے! تہانوں مسیح وِچ ایمان لیہیا کے تبدیل ہونا چائیدا اے – یا تُسی گمراہ ہو جاؤ گے جدوں خدا دی سزا ایس دُنیا تے آئے گی!

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔