ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اگرچہ میں جان میک آرتھر نال مسیح دے لہو تے آقائی نجات تے متفق نئیں آں، لیکن انسان دے ضمیر دی اُوہناں دی تعریف سچی اے، اُو ضمیر نوں پکاردے نے،

صحیح تے غلط دا اُو فطری احساس جیہڑا خلاف ورزی تے جرم پیدا کردا اے۔ خدا دے قانون دے بارے وِچ فطری آگاہی دے علاوہ، لوکاں دے کول اِک انتباہی نظام اے جیہڑا اُوس ویلے فعال ہو جاندا اے جدوں اُو اُوس قانون نوں نظرانداز کرن یا نافرمانی کرن دا انتخاب کردے نے۔ پولوس رسول ایمانداراں نوں تاکید کردا اے کہ اُو اپنے ضمیر دی خلاف ورزی نہ کرن یا دوجیاں نوں اییہدا سبب نہ بنان، کیوں جے ضمیر دی تنبیہات نوں بار بار نظر انداز کرنا ایہنوں بے حِس کر دیہندا اے تے آخیرکار ایہنوں خاموش کر دیہندا اے (میک آرتھر دا مطالعہ بائبل MacArthur Study Bible، رومیوں 2: 15 تے غور طلب گل)۔

رومیوں دی ایہہ آیت، دوجا باب سانوں دسدا اے کہ غیر قوماں دے وی ضمیر ہوندے نے جیہڑے اُوہناں نوں صحیح تے غلط وِچ پہچان دسدا اے۔ فیر وی اَسی اَج امریکہ وِچ لوکاں دے ضمیراں نوں بے حِس ہوندے ہوئے ویکھنے آں۔ ایتے ایہدی اِک مثال اے۔ جیک پار Jack Paar، جانی کارسن Johny Carson تے جے لینو Jay Leno توں پہلاں این بی سی NBC ٹیلی ویژن تے ’’دی ٹو نائٹ شو The Tonight Show‘‘ دے میزبان سن۔ پار 1960 وِچ احتجاجاً شو چھڈ کے ٹر گئے سن، تے ایہدے بعد 1962 وِچ شو چھڈ دِتا، کیوں جے NBC دے ایگزیکٹوز نے W.C. [بیت الخلاء] دی اسطلاح استعمال کردے ہوئے اِک لطیفے وِچ ترمیم کیتی سی، جیہڑی ’’واٹر کوزیٹ‘‘ دے لئی مختصر اے، جیہدا مطلب انگلینڈ وِچ ٹوائلٹ اے۔ ڈیڈیلی نیوز آلیاں نے کہیا کہ ’’اُوس ویلے ٹی وی دے لئی ایہہ اِک ناگوار اصطلاح سی‘‘ (ڈیلی نیوز، اپریل 30، 2002، تفریحی سیکشن، صفحہ۔ 5)۔

میں کُج ہفتے پہلاں جے لینو دے نال ’’دی نائٹ شو‘‘ دے آخیرلے چند منٹ ویکھے۔ روڈنی ڈینجر فیلڈ Rodney Danger field شو دے اختتام تے تقریباً پنج منٹ دے لئی آیا۔ اُوہناں پنج منٹاں وِچ اُوہنے تین لطیفے سُنائے جیس نال 1962 وِچ پورا پروگرام منسوخ ہو گیا سی۔ اُوس زمانے وِچ بیت الخلاء W.C. دے الفاظ پروگرام دے انچارج دے ذریعہ سنسر کیتے گئے سن۔ لیکن اَج کامیڈین روڈنی فیلڈ تے دیگر دی واہیات گفتگو نوں نہ صرف برداشت کیتا جاندا اے بلکہ حوصلہ افزائی کیتی جاندی اے۔ 1962 توں لے کے ہُن تیکر چالیس وریاں وِچ امریکہ نوں کی ہویا؟ ساڈے ضمیر ٹیلی ویژن تے گندگی دی مسلسل ودھدی ہوئی مقدار دے لئی بے حس ہو چکے نے۔ گندی گلاں اَج دی اوسط امیرکی دے ضمیر نوں پریشان نئیں کردیاں نے۔

ایس پیغام وِچ، میں انسانی ضمیر دے بارے چہ چار گلاں وَل نشاندہی کراں گا۔

I۔ پہلی گل، انسان دا ضمیر خدا دے وسیلے توں اُوہنوں بخشیا گیا سی۔

جدوں خدا نے انسان نوں تخلیق کیتا تے اُوہنے کہیا:

’’آؤ ہم انسان نوں اپنا ہم شکل تے اپنی شبیہ تے بنائیے … چنانچہ خدا نے انسان نوں اپنی صورت تے پیدا کیتا‘‘ (پیدائش 1: 26۔27)۔

خدا نے انسان نوں اپنی شبیہ دی عکاسی کرن دے لئی تخلیق کیتا۔ ایہہ حیاتی دی کسی دوجی شکل دے بارے وِچ نئیں کہیا گیا اے جِنہوں خدا نے بنایا اے۔ بائبل کہندی اے:

’’خداوند خدا نے زمین دی مٹی توں انسان نوں بنایا تے اُوہدے نتھنیاں وِچ حیاتی دا دم پھونکا تے آدم ذی روح ہو گیا‘‘ (پیدائش 2: 7)۔

لہٰذا، انسان دا مادی حصہ خدا نے ’’زمین دی مٹی‘‘ توں بنایا سی۔ نام ’’آدم‘‘ دا مطلب عبرانی وِچ ’’سُرخ مٹی‘‘ اے۔ انسان نے ’’ترقی‘‘ نئیں کیتی کہ جیویں کہ ارتقاء پسند سانوں بار بار دسدے نے۔ اُوہنوں خدا نے زمین دی مٹی توں پیدا کیتا سی۔

لیکن فیر سانوں بائبل وِچ دسیا گیا اے کہ انسان دا غیر مادی حصہ (اُوہدی جان تے روح) براہ راست خدا وَلوں آئی اے،

’’تے اُوہدے نتھنیاں وِچ حیاتی دا دم پھونکا تے آدم ذی روح ہو گیا‘‘ (پیدائش 2: 7)۔

غیر مادی حصے دا حصہ، یا روحانی حصہ، انسان دا ضمیر اے۔ براہِ کرم امثال، باب بیس، آیت ستائیس کھولو:

’’خداوند دا چراغ انسان دی روح نوں ٹٹولدا اے، اُو اُوہدے باطن دا حال معلوم کر لیہندا اے‘‘ (اِمثال 20: 27)۔

ایس آیت دا پہلا حصہ سانوں وکھاندا اے کہ انسان دی روح ایہنوں خدا وَلّوں اِک ’’موم بتی‘‘ یا ’’چراغ‘‘ دے طور تے دِتی گئی سی تاکہ ایہنوں صحیح تے غلط دا پتہ چل سکے۔ ایہہ انسان دا ضمیر اے، جیہڑا خدا نے صرف انساناں نوں دِتا اے۔

II۔ دوجی گل، انسان دا ضمیر اُوہنوں صحیح تے غلط دی پہچان کران دے لئی بخشیا گیا سی۔

اِمثال دی تلاوت 20: 27 آیت دا دوجا حصہ سانوں دسدا اے:

’’خداوند دا چراغ [یا موم بتی] انسان دی روح نوں ٹٹولدا اے، اُو اُوہدے باطن [دی ہستی دے گہرے ترین حصیاں] دا حال معلوم کر لیہندا اے‘‘ (اِمثال 20: 27)۔

چارلس رائری نشاندہی کرتے نے کہ ایہدے توں مُراد ضمیر اے، ’’ضمیر انسان دے اندرونی حصے نوں گناہ دی سزا پان دے لئی تلاش کردا اے‘‘ (رائری دا مطالعہ بائبل Ryrie Study Bible، امثال 20: 27 تے غور طلب گل)۔ جیویں اَسی ایہہ دس سکنے آں کہ آیا اَسی صحیح یا غلط کر رئے آں تے اُو ضمیر دی روشنی نال ہوندا اے، جیہڑی ساڈے باطن نوں تلاش کردی اے۔

براہِ کرم II سیموئیل، باب چوبیس نوں کھولو۔ بادشاہ داؤد نے لوکاں دی تعداد گنی۔ ایہہ داؤد تے واضح سی کہ خدا نئیں چاہندا سی کہ اُو لوکاں دی گنتی کرے، لیکن داؤد نے بہرحال اینج کیتا۔ خدا دے خلاف ایس بغاوت نے داؤد دے ضمیر نوں پریشان کر دِتا۔ دسویں آیت تے غور کرو:

’’تے جنگی مرداں دی گنتی کرن دے بعد داؤد دے ضإیر نے اُوہنوں پشیمان کیتا تے اُوہنے خداوند نوں کہیا کہ میں اینج کر کے وڈا بھاری گناہ کیتا اے، ہُن اے خداوند میں تیری منت کرنا آں کہ توں اپنے بندے دا گناہ دور کر دے کیوں جے میں وڈی حماقت کیتی اے‘‘ (II سیموئیل 24: 10)۔

داؤد دے ’’دِل نے اُوہنوں مارا۔‘‘ اُوہدے ضمیر نے، جِںہوں کدی کدی ایتھے ایہدا ’’دِل‘‘ کہیا جاندا اے، اُوہنے ایہدی مذمت کیتی، تے ایہنوں توبہ کرن تے مجبور کیتا۔ اُوہنے ویکھیا کہ اُو کیہنا بے وقوف سی کہ اُو خدا تے اِنحصار کرن دے بجائے تعداد تے انحصار کردا اے، جدوں اُوہنے ضمیر نے اُوہدی مذمت کیتی، یا جیویں کہ KJV کنگ جیمس دی نسخۂ بائبل ایہدا ترجمہ کردی اے، جدوں اُوہدے ’’دِل نے اُوہنوں ماریا‘‘۔ اُو جانندا سی کہ اُو ٖغلط سی جدوں اُوہدے ضمیر نے اُوہدی مذمت کیتی۔

ایہہ تہاڈے ضمیر دے مقصد دی بائبل دی اِک چنگی مثال اے۔ خدا نے تہانوں ضمیر دِتا اے، تہانوں ایہہ وکھان دے لئی کہ تُسی کدوں غلط اُو، تے تہانوں ایہہ وکھان دے لئی کہ کی صحیح اے۔ خدا ساڈے نال ایس بارے وِچ ساڈے ضمیر دے ذریعے توں گل کردا اے کہ کی صحیح اے تے کی گناہ اے۔ لیکن ایہہ اِک غیر تبدیل شُدہ [مسیح وِچ ایمان نہ لیہیائے ہوئے] شخص دے لئی اِک ناقابلِ اعتبار اِمتحان اے۔

III۔ تیجی گل، انسان دا ضمیر برگزشتہ وہ چکیا اے، گناہ دے ذریعے توں تباہ ہو چکیا ہویا۔

گناہ نے نسل انسانی نوں برباد کر دِتا تے ضمیر نوں ناقابلِ اعتبار بنا دِتا۔ ساڈے پہلے والدین نے خدا دے خلاف بغاوت کیتی تے گناہ کیتا۔ اُوہناں نے اُو پھل کھادا جیہدے کھان نال خدا نے منع کیتا سی۔ جدوں اُوہناں نے خدا دے خلاف بغاوت کیتی تے گناہ کیتا تے اُوہناں دی بے گناہی ختم ہو گئی، تے اُوہناں نوں احساس ہویا کہ اُو ننگے نے۔ براہِ کرم، پیدائش، تین باب، ستویں آیت کھولو:

’’تے اُوہناں دوواں دی اَکھاں کُھل گئیاں تے اُوہناں نوں معلوم ہو گیا کہ اُو ننگے نے۔ تے اُوہناں نے انجیر دے پتے سی کے اپنے لئی پیش بند بنا لیہئے۔ فیر آدم تے اُوہدی ووہٹی نے خداوند خدا دی واج سُنی جدوں کہ اُو دِن ڈھلے باغ وِچ گھوم رہیا سی تے خداوند خدا دے حضور توں باغ دے درختاں وِچ لُک گئے‘‘ (پیدائش 3: 7۔8)۔

ہُن اُوہناں دی معصومیت ختم ہو گئی۔ اُو جانندے سن کہ اُو ننگے نے۔ اُوہناں دے ضمیراں نے اُوہناں ون پریشان کیتا، تے اُوہناں نے اپنے آپ نوں ڈھانپن دے لئی انجیر دے پتیاں نوں اِک نال سی لیہیا۔ لیکن اُوہناں دا ضمیر اُوہناں نوں مسلسل پریشان کردا رہیا، ایس لئی اُو باغ دے درختاں دے وچکار خدا توں لُک گئے۔

تُسی ویکھو گے کہ اُوہناں دی برگزشتہ ہوندی ہوئی، گنہگار حالت وِچ وی، اُوہناں دے ضمیر کام کر رئے سن۔ لیکن اُو ٹھیک نال کم نئیں کر رئے سن۔ ہُن اُوہناں دے تِلملاندے ہوئے، وگڑے ہوئے ضمیر سن۔ ایس لئی اُوہناں نے بے وقوفی نال اپنے آپ نوں پتیاں نال لُکان دی کوشش کیتی تے درختاں دے وِچکار چُھپن دی کوشش کیتی۔ اُوہناں دے ضمیر ہُن وی کام کر رئے سن۔ لیکن گناہ دے دُنیا وِچ آن دے بعد اُو صحیح کام نئیں کر رئے سن، تے انسان زوال نال برباد ہو گیا سی۔

ایہو ای وجہ اے کہ تُسی اپنے ضمیر تے پروہسا نئیں کر سکدے کہ تہانوں دسے صحیح تے غلط کی اے۔ ایہہ سچ اے کہ غیر قوماں دے وی ضمیر ہوندے نے، ’’اُوہناں دا ضمیر وی گواہی دیہندا اے‘‘ (رومیوں 2: 15)، لیکن گہنگار آدمی وِچ ضمیر دی گواہی تاریک تے دھندلی ہوندی اے۔ تہاڈے کول صحیح تے غلط دا واضح تے صاف تصور نئیں اے۔ ساڈے پہلے ماں پیو جانندے سن کہ اُو گنہگار نے، لیکن اُوہناں نے اپنے گناہواں نوں ڈھانپن تے چھپان دی کوشش کیتی کیوں جے اُوہناں دے ضمیر ہُن واضح طریقے نال کام نئیں کردے سن۔

ایس لئی تُسی اپنے ضمیر تے انحصار نئیں کر سکدے۔ لوکی اکثر کہندے نے، ’’میں نئیں سمجھدا کہ اِتوار دے دِن گرجا گھر وِچ اِک وری غیر حاضر ہونا کوئی گناہ اے۔‘‘ جدوں اُو گرجا گھر توں غیر حاضر ہوندے نے تے اُوہناں دے ضمیر اُوہناں نوں پریشان نئیں کردے۔ ایس توں ظاہر ہوندا اے کہ اُوہناں دے ضمیراں وِچ کُج گڑبڑ اے۔ انسان دے زوال دے نتیجے وِچ اُوہناں دے ضمیر ہُن درست نئیں رئے۔

برائے مہربانی افسیوں، چوتھا باب تے اٹھارویں آیت کھولو:

’’اُوہناں دے عقل تاریک ہو گئی اے تے اُو اپنی سخت دِلی دی وجہ توں جہالت وِچ گرفتار نے تے خدا دی دِتی ہوئی حیاتی وِچ اُوہناں دا کوئی حصہ نئیں۔ اُوہناں نوں ذرا وی شرم نئیں۔ اُوہناں نے اپنے آپ نوں شہوت پرستی دے حوالے کر دِتا اے تے اُو ہر طرح دے گندے کام بوہتی شوق نال کردے نے‘‘ (افسیوں 4: 18۔19)۔

تہاڈی سمجھ تاریک ہو گئی اے، تے تُسی خدا دے حیاتی توں منقطح ہو گئے اُو۔ خدا توں لاعلمی تے اخلاقیات توں لاعلمی تہاڈے وِچ اے! ایہہ اَج اِک غیر تبدیل شُدہ [مسیح وِچ ایمان نہ لیہیائے ہوئے] شخص دی واضح تصویر اے۔ تہاڈا ضمیر تِلملاندا ہویا اے تے گناہ دی وجہ توں تہانوں روحانی طور تے انّہا تے ’’بے حِس‘‘ کر دِتا گیا اے – جیس دا مطلب اے کہ تہاڈا ضمیر تہانوں پریشان نئیں کردا جدوں اُوہنوں کرنا چائیدا اے۔

لوکی کہندے نے، ’’میں محسوس کرنا آں کہ ایہہ صحیح اے،‘‘ یا ’’میں محسوس نئیں کیتا کہ میہنوں ایہہ کرنا چائیدا اے۔‘‘ اُوہناں دا انتہائی غلط ہون دا اِمکان اے۔ زوال دے بعد بنی نوع انسان دی تباہ شُدہ فطرت دی وجہ نال اُوہناں دے ضمیر وِچ جیہڑا ’’احساس‘‘ اے اُو ناقابلِ اعتبار اے۔

براہ کرم طیطس، پہلا باب تے پندرہویں آیت کھولو:

’’جیہڑے آپئے پاک نے اُوہناں دے لئی ساریاں شیواں پاک نے لیکن نجس تے بے ایمان لوکاں دے لئی کوئی شے پاک نئیں کیوں جے اُوہناں دی عقل تے ضمیر دوویں ناپاک نے‘‘ (طِطُس 1: 15)۔

’’پاک‘‘ اُو نے جیہڑے ایمان نال پاک ہو گئے نے۔ اُو جِنہاں دے بارے چہ گل کردا اے اُوہناں دے ذہن تاریک نے، ایس لئی ذہن ضمیر نوں صحیح طور تے آگاہ نئیں کر سکدا۔ ایس لئی ضمیر صحیح کام نئیں کردا۔

جِمینی کرکٹ نے پینوکیو نوں کہیا، ’’اپنے ضمیر نوں اپنا رہنما بنن دے۔‘‘ لیکن جے تُہاڈا ضمیر ناپاک تے بے ایمان ذہن نال جُڑیا ہویا اے تے اُو تہاڈی صحیح رہنمائی نئیں کر سکے گا۔ غیر تبدیل شُدہ [مسیح چہ ایمان نہ لیہائے ہوئے] لوکی جیہڑے اپنے ضمیر دے پیروی کردے نے اُو جہنم وِچ جان گے۔

IV۔ چوتھی گل، ویلے دے گزرن دے نال نال انسان د ضمیر شدت دے نال جُھلس جاندا اے۔

بائبل سانوں دسدی اے کہ جیہڑے لوکی جھوٹ بولدے نے ’’اُوہناں دے ضمیر نوں گرم لوہے نال داغا جائے گا‘‘ (I۔ تیمتھیس 4: 2)۔ I تیمتھیس 4: 2 کھولو۔ ’’داغے جانا Seared‘‘ دے لئی یونانی لفظ نہایت شدید اے۔ ایہہ kauteriazo کؤٹیریازو‘‘ اے۔ سانوں اپنا انگریزی لفظ ’’تتی شے نال جلانا cauterize‘‘ ایس توں لبھدا اے، جیس دا مطلب اے ’’تتے لوہے نال جھلسانا۔‘‘ دلچسپ گل ایہہ اے کہ ایس آیت وِچ یونانی لفظ دا بالکل ایہو ای مطلب اے۔ ایس دا مطلب اے ’’تتے لوہے نال اُوس ویلے تیکر جِلانا جدوں تیکر کہ بے حص نہ ہو جائے۔‘‘

ضمیر جِنہا بوہتا گناہ نال دہکدا اے، ایہنا ای کم حساس ہوندا اے۔ میں اِک وری سرکس دے سائیڈ شو وِچ اِک بندے نوں ویکھیا، جیہڑا اپنی زبان تے دھات دے سرخ تتے ٹکڑے رکھ سکدا سی۔ اُوہنے اپنی زبان نوں ایہنی وری جُھلسایا سی کہ ہُن اُو گرمی دی تکلیف نوں محسوس نئیں کر سکدا سی۔ تہاڈے ضمیر نال بالکل اینج ای ہوندا اے۔ تُسی گناہ کر کر کے ایہنوں بار بار جُھلساندے اُو۔ آخیر وِچ، جدوں تُسی گناہ کردے اُو تے تہاڈے ضمیر نوں کوئی تکیلف محسوس نئیں ہوندی۔ تہاڈے ضمیر نوں ’’تتے لوہے نال جُھلسایا دِتا گیا اے‘‘ (1 تیمتھیس 4: 2)۔

اپنے ضمیر نوں مسلسل جھنجھوڑدے رہن دا وڈا خطرہ ایہہ اے کہ تُسی ایس عمل وِچ ناقابلِ معافی گناہ دا اِرتکاب کر سکدے اُو۔ ڈاکٹر ہنری سی تھیسن Dr. Henry C. Thiessen ناقابل معافی گناہ دی ایہہ تعریف بیان کردے نے:

جیس حد تیکر روح اپنے آپ نوں سخت کر چکی اے تے خدا دے فضل دی کثیر پیشکشاں نوں قبول کرن توں قاصر ہو گئی اے اُو ایتھے جرم دی ڈگری دا تعین کردی اے۔ حتمی رکاوٹ روح القدس دے خلاف گناہ اے تے ناقابل معافی اے، کیوں جے ایہدے ذریعے روح نے الہٰی اثر نوں قبول کرنا چھڈ دِتا اے (ہنری سی تھیسن، پی ایچ ڈی Henry C. Thiessen, Ph.D.، درجہ بہ درجہ علم الہٰیات وِچ تعارفی لیکچرز Introductory Lectures in Systematic Theology ، صفحہ 270، عئیرڈمینز Eerdmans)۔

جدوں ضمیر ایہنا سخت ہو جاندا اے کہ روح القدس ایہدے نال مذید گل نئیں کر سکدا، تے فرد نے ناقابلِ معافی گناہ دا اِرتکاب کتیا اے۔

بائبل سانوں مرقس 3: 28-29 وِچ ناقابل معافی گناہ دے بارے وِچ دسدی اے۔ براہِ کرم اپنی بائبل نوں اُودھروں کھولو۔ یسوع نے کہیا:

’’میں تہانوں سچ سچ کہنا آں کہ انساناں دے سارے گناہ تے جیہنا کفر اُو بکدے نے سب معاف کیتا جائے گا لیکن پاک روح دے خلاف کفر بکن آلا اِک ابدی گناہ دا مرتکب ہوندا اے ایس لئی اُوہنوں کدی وی معاف نہ کیتا جائے گا‘‘ (مرقس 3: 28۔29)۔

ویکھیا تُسی، جدوں تُسی روح القدس دے کام نوں بار بار مسترد کردے اُو، تے تہاڈا ضمیر بوہتی توں بوہتا پریشان ہو جاندا اے۔ تہاڈے لئی نجات حاصل کرنا تے اِک حقیقی مسیحی بننا مشکل توں مشکل تر ہوندا چلا جاندا اے۔ ایس لئی تہانوں ہُنے ای [مسیح وِچ ایمان لیہیا کے] تبدیل ہون دی لوڑ اے، جدوں کہ تُسی ہُنے جوان اُو۔ تہاڈی عمر جیہنی بوہتی ہووے گی، تہاڈے لئی [مسیح وِچ ایمان لیہیا کے] تبدیل ہونا ایہنا ای مشکل ہووے گا۔

ہُن، روح القدس دا بنیادی کام تہانوں گناہ دی سزا دِلانا اے – تہاڈے ضمیر وِچ۔ بائبل کہندی اے:

’’جدوں مددگار آ جائے گا تے جیتھے تیکر گناہ، راستبازی تے اِنصاف دا تعلق اے اُو دُنیا نوں مجرم قرار دے گا … گناہ دے بارے وِچ، ایس لئی کہ لوکی میرے تے ایمان نئیں لیہیائے‘‘ (یوحنا 16: 8۔9)۔

لیکن جے تہاڈا ضمیر بوہتی زیادہ جُھلسا دِتا جاندا اے، تے تُسی روح القدس دے یقین نوں مذید محسوس نئیں کرو گے۔ ہو سکدا اے تہاڈے وِچوں کُج پہلاں توں ای ایس نااُمیدی دی حالت وِچ ہوو۔ فیر تہاڈے بچائے جان وِچ بہوتی دیر ہو چکی اے۔

ڈاکٹر جان آر رائس Dr. John R. Rice نے ایک گانا لکھیا جیس وِچ کیہیا گیا:

بوہتی دیر ہو چکی اے جدوں میرا ضمیر جل جاندا اے
بوہتی دیر ہو چکے اے جدوں میرا دِل پتھر وگرا ہوندا اے
بوہتی دیر ہو چکی اے جے روح مینہوں چھڈ دیوے!
بوہتی دیر ہوچکی اے جدوں میری حیاتی دی سانساں چلی جان گئیاں۔
ہُن دیر ہوچکی اے، ہائے، ایس قدر تاخیر! ایہدے باوجود اُو دروازے تے کھٹکھٹاندا اے،
تے یسوع، پیار مُنجی، اِک وری فیر بُلا رہیا اے۔
     (’’کافی دیر تیکر میں نجات دہندہ نوں نظر انداز کیتا Too Long I Neglected‘‘ شاعر ڈاکٹر جان آر۔ رائس Dr. John R. Rice، 1895۔1980)۔

یسوع مسیح تہاڈے گناہواں دا کفارہ ادا کرن دے لئی سولی تے قربان ہو گیا۔ اُوہنے اپنا لہو وگایا تاکہ تہاڈے گناہ دُھل جان۔ مسیح جسمانی طور تے مُردیاں وِچوں جی اُٹھیا تے تیجے آسمان تے اُٹھا لیہیا گیا، جیتھے اُو ہُن خدا دے داہنے ہتھ تے بیٹھا اے۔ مسی وَل رُخ پھیرو تے اپنے گناہواں دی سزا توں بچ جاؤ۔ یسوع مسیح وَل رُخ پھیرو تے اپنے گناہواں نوں اُوہدے لہو نال دھو ڈالو۔ یسوع مسیح وَل رُخ پھیرو، تے ہر اِتوار نوں ایتھے ایس گرجا گھر وِچ آ کے ثابت کرو۔ ’’تنہا کیوں رہیا جائے؟ گھر چلے آؤ – گرجا گھر وِچ!‘‘ تے مسیح دے کول آؤ ایس توں پہلاں کہ تہاڈا ضمیر سزا دے تحت آن دے لئی ایس قدر بوہتا نہ دُھل جائے!

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔