ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایہہ آیت تثلیث وِچ تین بندیاں دے اِخ دوجے نال گل کرن نال شروع ہوندی اے۔ ’’آؤ، اسی انسان نوں اپنی صورت تے اپنی شبیہ تے بنائیے۔‘‘ خدا صرف اِک اے، لیکن اُو تین ہستیاں وِچ موجود اے، باپ، بیٹا تے روح القدس۔ مسیح نے کہیاکہ سانوں اُوہناں لوکاں نوں بپتسمہ دینا چائیدا اے جیہڑے [مسیح وِچ ایمان لیہیا کے] تبدیل ہوئے نے، ’’باپ، بیٹے تے روح القدس دے ناں تے‘‘ (متی 28: 19)۔ جدوں مسیح نے آپئے بپتسمہ لیہیا، مبارک تثلیث دے تینوں افراد متحرک سن۔ پُتر نے بپتسمہ لیہیا۔ روح القدس اُوہدے تے نازل ہویا۔ تے باپ نے آواز وِچ گل کیتی (متی 3: 16-17)۔ تثلیث دے افراد نے انسان نوں اپنی شبیہ تے مشابہت وِچ تخلیق کرن دے بارے چہ گل کیتی۔ ہُن میں چاہنا آں کہ اَسی انسان دی شبیہ تے خدا دی مشابہت دے بارے وِچ تین شیواں سیکھیے۔

I۔ پہلی گل، اصلی شکل تے شبیہ۔

ایتھے پیدائش 1: 26 وِچ تثلیث دے افراد نے پہلے انسان دی تخلیق دے بارے وِچ اِک دوجے نال گل کیتی۔ غور کرو کہ تثلیث نے انسان دی تخلیق دے بارے وِچ گل کیتی۔ پہلا انسان اِرتقاء پذیر نئیں ہویا سی، بلکہ ایہہ خدائے برتر دی تخلیق دے براہ راست عمل دا نتیجہ سی۔ ’’آؤ، اسی انسان نوں اپنی صورت تے اپنی شبیہ تے بنائیے‘‘ (پیدائش 1: 26)۔ خُداوند یسوع مسیح نے ایس حقیقت دی تصدیق کیتی، جیہڑی روح القدس دے ذریعہ انجیلاں وِچ دو وری درج کیتی گئی سی:

’’خداوند نے اُوہناں نوں مرد تے عورت بنایا‘‘ (مرقس 10: 6)۔

’’کی تُسی نئیں پڑھیا کہ اُو جِنہے ابتداء وِچ اُوہناں نوں بنایا، اُوہنے مرد تے عورت بنایا؟‘‘ (متی 19: 4)۔

مسیح یقین رکھدا سی کہ ساڈے پہلے والدین خدا وَلوں بنائے گئے سی، تے اینج ای کہیا۔ روح القدس دا یقین سی کہ اُو براہ راست خدا وَلوں بنائے گئے نے، لہٰذا اُوہنے جو کُج مسیح نے کہیا اُو دو وری [بائبل چہ] درج کیتا، متی 19: 4 تے مرقس 10: 6 وِچ۔ ساڈے کول مسیح تے روح القدس توں بہتر ہُور کیہڑی گواہی ہو سکدی اے؟ ایہہ دوویں پہلے انسان دی تخلیق دے عینی شاہد سن! اُوہناں نے کہیا، ’’آؤ، اسی انسان نوں اپنی صورت تے اپنی شبیہ تے بنائیے‘‘ (پیدائش 1: 26)۔

نوجوانو، تہاڈے کالج دے اُستاد کہہ سکدے نے کہ انسان اِرتقاء پذیر ہویا، تے تخلیق نئیں ہویا۔ لیکن اپو کالج دا وڈیہرا اُستاد اُوتھے نئیں سی۔ او عینی شاہد نئیں سی! مسیح تے روح القدس عینی شاہد سن! اُوہناں نے کہیا، ’’آؤ، اسی انسان نوں اپنی صورت تے اپنی شبیہ تے بنائیے‘‘! اِک مُردہ ذہن وگرے کالج دے اُستاد دے بجائے باپ، بیٹے تے روح القدس تے یقین کرنا ہمیشہ دانشمندانہ اے!

ہُن الفاظ ’’صورت‘‘ تے ’’شبیہ‘‘ تے توجہ مرکوز کرو – ’’آؤ، اسی انسان نوں اپنی صورت تے اپنی شبیہ تے بنائیے‘‘(پیدائش 1: 26)۔ عبرانی وِچ ’’تصویر‘‘ دا لفظ ’’سلمtselem‘‘ اے۔ ایہدا مطلب اے ’’اِک نقل‘‘ (نئے عہد نامے دے الفاظ دی وائن آلیاں دی لغت Vine’s Expository Dictionary of New Testament Words) یا ’’تصویر، جھلک [یعنی۔ ظاہری شکل، صورت]‘‘ (براؤن، ڈرائیور تے بریگزBrown, Driver and Briggsعبرانی تے انگریزی لغت)۔ لہٰذا اسی ایہ سمجھنے آں کہ ایس لفظ دا مطلب ایہہ اے کہ خدا نے انسان نوں کسی نہ کسی طریقے نال اپنی ’’نقل‘‘ دے طور تے بنایا اے۔

فیر، پیدائش 1: 26 دے آخر وِچ لفظ ’’شبیہ‘‘ تے غور کرو، ’’آؤ، اسی انسان نوں اپنی صورت تے اپنی شبیہ تے بنائیے‘‘ عبرانی لفظ ’’ڈیموتھdemooth‘‘ اے تے ایہدا مطلب اے ’’بعد وِچ ماڈل بنایا‘‘، بعد وِچ شکل بنائی‘‘ (Strong's Concordance) یا ’’مشابہت‘‘(براؤن، ڈرائیور تے بریگزBrown, Driver and Briggsعبرانی تے انگریزی لغت)۔

ایہناں دو الفاظ ’’صورت‘‘ تے ’’شبیہ‘‘ نوں اِک ساتھ رکھدے ہوئے، اَسی ایہہ دریافت کرنے آں کہ انسان نوں خدا دی ’’اِک نقل‘‘ دے طور تے تخلیق کیتا گیا سی، تے خدا دی ’’مشابہت‘‘ دے طور تے بنایا گیا سی۔

انسان اپنے دماغ، یا روح دے کام نال خدا نال مشابہت رکھدا اے۔ جدوں بائبل روح دی گل کردی اے تے ایہہ تہاڈے دماغ دی گل کر رئی اے۔ دماغ وِچ عقل، جذبات تے اِرادہ ہوندا اے۔ تُسی سوچدے اُو۔ تُسی محسوس کردے اُو۔ تُسی فیصلہ کردے اُو۔ خدا سوچدا اے۔ خدا محسوس کردا اے۔ خدا فیصلہ کردا اے۔

انسان نے وی روح دے ہون نال خدا نال مشابہت کیتی۔ I تسالونیکیوں 5: 23 تے عبرانیوں 4: 12 جان تے روح دے وِچکار واضح فرق کردے نے۔ جان تہاڈا اُو حصہ اے جیہڑا سوچدا اے، محسوس کردا اے تے فیصلہ کردا اے۔ انسانی روح دے دو کام نے: (1) صحیح توں غلط [ضمیر] نوں جاننا، تے (2) خدا نوں جاننا [روحانی سمجھ]۔ انسانی روح نال انسان صحیح تے غلط نوں جانندا اے تے انسان روحانی شیواں نوں جانندا اے۔ اپنی جان تے روح نال انسان خدا نال مشابہت رکھدا سی۔

لیکن انسان دا جسمانی جسم وی اے۔ تے تے اینج خدا، مجسم بیٹے دی ہستی وِچ اے۔

پس، ایہناں طریقیاں نال انسان خدا نال مشابہت رکھدا اے۔ انسان خدا دی ’’مشابہت وِچ ماڈل کیتا گیا‘‘ سی، تے خدا دی ’’اِک نقل‘‘ سی۔

’’آؤ، اسی انسان نوں اپنی صورت تے اپنی شبیہ تے بنائیے‘‘ (پیدائش 1: 26)۔

II۔ دوجی گل، برباد کیتی گئی صورت تے شبیہ۔

جدوں ساڈے پہلے والدین نے خدا دے خلاف بغاوت کیتی تے گناہ کیتا تے پوری نسلِ انسانی نوں برباد تے زہر آلود کر دِتا گیا۔ بائبل کہندی اے:

’’پس جیویں اِخ آدمی دے ذریعہ گناہ دُنیا وِچ داخل ہویا، تے … گناہ دے سبب توں موت‘‘ (رومیوں 5: 12)۔

دوبارہ، سانوں دسیا گیا اے،

’’اِک آدمی دی نافرمانی دے سبب توں بہوتے لوکی گنہگار ٹھہرے‘‘ (رومیوں 5: 19)۔

گناہ دا جرم ساڈے ریکارڈ تے ڈٓال دِتا گیا تے گناہ دا زہر سادی مورثیت وِچ پھیل گیا۔

انسان وِچ خدا دی خوبصورت شبیہ نوں ناپاک کر دِتا گیا۔ خدا شناسی تاریک ہو گئی۔ صحیح تے غلط دا علم دھندلا گیا۔ انسان دا دماغ وی متاثر ہویا، خاص طور تے انسان دی مرضی دے حلقے وِچ۔ انسان ہُن عقلی فیصلے کرن دی پوری صلاحیت نئیں رکھدا سی، کم از کم عقل تے اِرادے دی پوری طاقت نال نئیں۔

آدم نے سارے بنی نوع انسان دی نمائندگی کیتی۔ جدوں اُوہنے ساڈے نمائندے دے طور تے گناہ کیتا، تے اُوہدا گناہ بحیثیت انسان ساڈے ریکارڈ تے لگایا گیا۔ نتیجے دے طور تے اَسی سارے اِک بگڑ ہوئی، تباہ حال حالت وِچ پیدا ہوئے آں۔

ڈاکٹر لوئس برخوفDr. Louis Berkhof درست کہندے نے:

انسان فطرتاً مکمل طور تے تباہ حال حالت وِچ اے … گناہ نے اُوہدی فطرت دے ہر حصے نوں وگاڑ دِتا اے تے اُوہنوں کوئی روحانی بھلائی کرن توں قاصر کر دِتا اے۔ اُو [انسان] اپنے ساتھیاں دے سلسلے وِچ ہُن وی بُہتیرے قابلِ تعریف کام کر سکدا اے، لیکن ایتھوں تیکر کہ اُوہدے بہترین کام وی بنیادی طور تے عیب دار نے، کیوں جے اُو نہ تے خدا نال محبت وَل اشارہ کردے نے تے نہ ای خدا دی فرمانبرداری وِچ کیتے جاندے نے (لوئس برخوف، پی ایچ ڈی۔ Louis Berkhof, Ph.D.، مسیحی نظریے دا خلاصہ A Summary of Christian Doctrine ، حق کا بینر Banner of Truth ، 1997، صفحہ 70)۔

اینج، بائبل سکھاندی اے کہ نسل انسانی برباد ہو چکی اے۔ کسی دے باطن وِچ خدا دا کامل تصویر نئیں اے۔ تصویر نوں مسخ کیتا گیا اے۔ نقل نوں گناہ دی سیاہی تے گندگی نال آلودہ کیتا گیا اے۔ تشبیہ وگڑی ہوئی اے۔

لا پائیتا La Pieta شاید کسی انسان دے ذریعے کیا گیا آرٹ دا سب توں خوبصورت تے شاندار کام اے۔ مریم نے اپنے پُتر دی لاش چُکی ہوئی سی۔ مائیکل اینجیلو نے ٹھنڈے سنگِ مرمر نال ایہو جئے خدوخال پیش کیتے جیہڑے اینج لگدا اے جیویں اُو گوشت تے ہڈیاں نال بنے ہون۔ فیر وی آسیب دے زیرِاثر اِک بندے نے ہتھوڑا لیہیا تے ایس توں پہلاں کہ گارڈز اُوہنوں روک پاندے مریم دا چہرہ وگاڑ دِتا۔

ایہہ اِک چھوٹی جئی تصویر اے کہ گناہ نے نسل انسانی دے نال کی کیتا۔ ایہنے انسان وِچ خدا دی شبیہ نوں ناپاک تے مسخ کر دِتا۔

ہُن انسان خدا نوں نئیں جانندا، تے اُو خدا نوں جاننا وی نئیں چاہندا! بائبل ایویں کہندی اے:

’’کوئی سمجھدار نئیں، کوئی خدا دا طالب نہیں‘‘ (رومیوں 3: 11)۔

خود تے چھڈ دِتا گیا، کدی وی کوئی اِک بندہ وی خدا نوں نئیں سمجھے گا تے نہ ای خدا نوں تلاش کرے گا۔ کیوں؟ کیوں جے انسان دے باطن وِچ خدا د شبیہ گناہ دی وجہ توں آلودہ تے برباد ہو چکی اے، جیہڑی [آلودگی تے بربادی] اُوہنوں وراثت وِچ لبھی تے جیس دا ذاتی طور تے [اُوہنے] اِرتکاب کیتا۔

تُسی سوچ سکدے اُو کہ ایہ بنی نو انسان دے بارے وِچ اِک ناقابلِ یقین حد تیکر منفی نظریہ اے، تے ایہہ اینج ای اے۔ لیکن ایہہ انسان دی فطرت دا اِک بہوتا ای حقیقت پسندانہ نظریہ وی اے۔ میں پوری حیاتی وِچ کسی اِک وی بندے نون نئیں جانندا جیہڑا واقعی خدا دی تلاش وِچ سی۔ میں مذہبی لوکاں نوں جاننا آں، لیکن میں کدی کسی ایہو جئے نوں نئیں جاندا جیہڑا حقیقت وِچ خدا دی تلاش وِچ سی۔

اخبار تے نظر پاؤ تے تُسی ویکھو گے کہ ایہہ سچ اے۔ دہشت گرد یہودیاں نوں مار رئے نے۔ لیکن تقریبا کسی وی گروہ وِچوں کوئی وی کدی مسیح دے کول نئیں آندا تے نجات نئیں پاندا اے۔ صدی در صدی اُو گناہ وِچ پیسدے رہندے نے۔ انتہائی کدی کدی شاذونادر ای کسی نوں وی نجات بخشی جاندی اے۔ کئی قوماں وِچ اِک وی گرجا گھر نئیں اے – تے ایتھوں تیکر کہ نجات یافتہ اِک وی بندہ نئیں اے۔ بہوتے خانداناں وِچ نسل در نسل لوکی جہنم وِچ جاندے نے – ایتھوں تیکر کہ ایہناں وِچوں اِک وی بندہ خدا دی تلاش نئیں کردا۔ جی ہاں، انسان دی مکمل گمراہی دی بارے وِچ اخبارات بائبل دی سچائی دی توثیق کردے نے۔

اپنے سکول نوں ویکھو تے تہانوں نظر آئے گا کہ بنی نوع انسان پستی دا شکار اے۔ کالج وِچ تہاڈی ہر کلاس وِچ بائبل دا تے خدا دا مذاق اُڑایا جائے گا۔ تہانوں دُنیادار کالج وِچ کالج دا کوئی پروفیسر کدی نئیں لبھے گا جیہڑا بائبل دا دفاع کردا ہووے تے اپنے شاگرداں نوں کہندا ہووے کہ اُو مسیح وِچ یقین کرن۔ فیر وی ایہناں کالجاں دے ہزارہا اُستاد تہانوں دسن گے کہ منشیات چنگیاں ہوندیاں نے، کہ بچیاں نوں مارنا چنگا ہوندا اے۔ اُو کیہن گے ’’بچے نوں [حمل وِچ] مار ڈالنا عورت دا حق اے۔‘‘ اُو تہانوں دسن گے کہ آئین عورتاں نوں بچیاں نوں [حمل وِچ] مارن دا حقی دیہندا اے۔ اُو کیہن گے ’’ایہہ اِک عورت دا انتخاب اے، پاویں اُو بچے نوں مارے یا نئیں۔‘‘ اُو تہانوں دسن گے کہ شادی دے بغیر جنسی تعلقات قائم کرنا چنگا ہوندا اے۔ اُو کیہن گے کہ جنسی گمراہی عام تے چنگی گل اے۔ اُو تہانوں ایہہ وی دسن گے کہ مسیحیت بُری ہوندی اے، کہ ایہنے لوکاں نوں نقصان پہنچایا اے، تے ایہہ کہ تُسی اُوہدے بغیر بہتر اُو۔ کی اُو کالج وِچ تہانوں ایہو ای نئیں کہندے؟ لہٰذا، میں کہنا آں کہ تُہاڈا کالج بذات خود انسانیت دی مکمل بدحالی، مکمل انحطاط نوں ظاہر کردا اے۔

فیر اپنے خاندان نوں ویکھو۔ کی اُو خدا دی تلاش وِچ نے؟ کی تہاڈے ابو ہر روز تہانوں بائبل پڑھ کے سُناندے تے دعا کردے نے؟ کی اُو ہر اِتوار نوں گرجا گھر جاندے نے؟ کی اُو خدا دے بارے وِچ سوچدے نے؟ کی اُو یسوع دے بارے وِچ گل کردے نے؟ میں بغیر پُچھے جاننا آں کہ تہاڈے وِچوں اُو نوجوان لوکی جِنہاں دے ماں پیو ایس گرجا گھر وِچ نئیں نے، اُوہناں نے اپنے ابو نوں بائبل پڑھدے یا دعا کردے ہوئے نئیں سُنیا۔ تُسی اپنے پیو یا ماں نوں گرجا گھر جاندے ہوئے تقریباً کدی نئیں ویکھیا۔ اُو کدی وی یسوع دے بارے وِچ گل نئیں کردے تے نہ ای خدا دے بارے وِچ سوچدے نے۔ فیر وی، جدوں تُسی ایس گرجا گھر وِچ آندے اُو تے مسیحیت دے بارے وِچ سنجیدہ ہون لگدے اُو، تے اُو غصے وِچ آ جاندے نے۔ اُو گرجا گھر دی بُرائی کردے نے تے ساڈی توھین کردے نے۔ اُو تہانوں کسی دوجے گرجا گھر وِچ لے جان دی کوشش کردے نے، جیتھے بائبل نوں سنجیدگی نال نئیں لیہیا جاندا اے۔ اُو تہاڈا مذاق اُڑاندے نے، تے تہانوں دھمکیاں وی دیہندے نے۔ بُہتیرے نوجواناں نوں سنجیدہ مسیحی بنن دی وجہ توں اپنے ای گھراں توں کڈ دِتا گیا اے۔ ایہہ تہاڈے نال ہووے گا! جے تُسی خدا دے بارے وِچ سنجیدہ ہو گئے تے اُو تہاڈا مذاق اُڑان گے تے تہاڈی تضحیک کرن گے تے تہانوں دھمکیاں دین گے۔ ایس لئی میں کہنا آں کہ تہاڈا اپنا خاندان انسان دی مکمل پستی نوں ظاہر کردا اے۔ نبی نوع انسان دی تباہ شدہ روحانی فطرت تہاڈے ماں تے پیو، تہاڈے پراہواں تے بہناں دی حیاتیاں وِچ ویکھی جا سکدی اے!

’’آؤ، اسی انسان نوں اپنی صورت تے اپنی شبیہ تے بنائیے‘‘ (پیدائش 1: 26)۔

انسانی نسل کیہنی خوفناک، افسوسناک حالتِ زار وِچ اے۔ خدا دی تصویر ساڈے دِلاں تے ثبت کر دِتی گئی سی، لیکن ایہہ ناپاک، آلودہ تے گناہ دے ذریعے برباد ہو گئی اے، تاکہ ’’اُوہناں دا دماغ تے ضمیر وی ناپاک ہو جائے‘‘ (طیطُس1: 15)۔

ایس لئی خدا تہاڈے لئی حقیقی نئیں اے۔ ایہہ ایس لئی نئیں اے کہ تُسی بہوتی ہوشیار اُو! ارے نئیں! ایہدی وجہ ایہ اے کہ تہاڈے نال کُج غلط اے! تہانوں گناہ نال برباد تے آلودہ کیتا گیا اے۔ خدا دے بارے وِچ تہاڈا شعور تہاڈے گناہ توں تاریک ہو گیا اے، تاکہ تہاڈا گنہگار، تباہ شُدہ دِل خدا تے یقین نہ کرے – یا خدا دے بارے وِچ پُریقین نہ ہووے۔ تہاڈے باطن وِچ کُج غلط اے – تے تُسی ہزارہا لوکاں دے وِچ رہندے اُو جِنہاں دے نال کُج غلط اے۔ تُسی اِک تباہ شُدہ نسل دا حصہ اُو، تے تُسی خود نوں برباد کر رئے اُو۔ تہاڈے باطن وِچ خدا دی شبیہ گناہ دے ذریعہ تباہ ہو گئی اے۔ لیکن ایہہ گل میہنوں تیجے نقطے تے لیہیاندی اے۔

III۔ تیجی گل، بحال کیتی گئی صورت تے خدا دی شبیہ۔

تثلیث دی تین ہستیاں نے کہا:

’’آؤ، اسی انسان نوں اپنی صورت تے اپنی شبیہ تے بنائیے‘‘ (پیدائش 1: 26)۔

تے ایویں اُوہناں نے انسان نوں خدا دی صورت تے مشابہت تے بنایا۔ لیکن انسان نے خدا نال بغاوت کیتی تے گناہ کیتا۔ ایس گل نے اُوہدے باطن وِچ، تے اُوہدی ساری اولاد تے نسل دے باطن وِچ وی خدا دی شبیہ نوں خراب کر دِتا۔ ایہدا ثبوت ہر روز اپنے خود دے خاندان وِچ ویکھ سکدے اُو – جے تُسی ایس گرجا گھر توں نئیں اُو۔ مکمل طور تے منحرف انسان وِچ خدا دی تباہ شُدہ تصویر دا ثبوت ساڈے چاروں پاسے اے – ہر ویلے!

لیکن خدا تباہ شُدہ انساناں نال محبت کردا سی۔ ایسے لئی خدا نے اپنے پُتر، یسوع نوں سولی تے مرن لئی پیہجیا – تہاڈے گناہواں دا کفارہ ادا کرن دے لئی۔ ایسے لئی یسوع مُردیاں وِچوں جی اُٹھیا تے آسمان چہ اُٹھا لیہیا گیا، جیتھے اُو ہُن خدا دے داہنے ہتھ تے بیٹھا اے۔ یسوع تہانوں خدا دے کول واپس لیہیا سکدا اے تے تہاڈے باطن وِچ خدا دی ٹُوٹی ہوئی تے تباہ شُدہ صورت نوں بحال کر سکدا اے۔

ایہہ بحالی اِک تجربے دے ذریعے ہوندی اے جِنہوں بائبل ’’مسیح وِچ ایمان لیہیان دی تبدیلی‘‘ کہندی اے۔ یسوع نے کہیا:

’’جے تُسی تبدیل ہو کے … تُسی آسمان دی بادشاہی وِچ ہرگز داخل نہ ہوو گے‘‘ (متی 18: 3)۔

تبدیلی عام طور تے اینج ای ہوندی اے۔ سب توں پہلاں، تُسی بیدار ہوندے اُو۔ تُسی ویکھدے اُو کہ دُنیا جھوٹی تے نااُمید اے۔ تُسی گرجا گھر وِچ آندے اُو۔ تُس ویکھدے اُو کہ ہر اِتوار نوں گرجا گھر وِچ ہونا درست اے۔ تے تُسی سوچن لگدے اُو کہ بچن دے لئی جہنم اے تے حاصل کرن دے لئی جنت اے۔ تُسی کدی کدی یسوع مسیح دے بارے وِچ سوچنا شروع کر دیہندے اُو۔ ایہہ بیداری دا آغاز اے۔

دوجا، تہانوں اپنے گناہ دا یقین ہو جاندا اے۔ ایہ اِک طویل لمبے عرصے تیکر نئیں ہو سکدا اے – اگرچہ ایہہ بہوتی اچانک ہو سکدا اے۔ تہانوں یقین ہو جاندا اے کہ تُسی گناہ کیتا اے۔ ایہہ تہانوں شدت نال پریشان کردا اے۔ تہانوں ایس گل دا وی یقین ہو جاندا اے کہ تُہاڈی اِک گنہگار، تباہ شُدہ فطرت اے – جیویں کہ میں ایس واعظ وِچ بیان کیتا اے۔ تُسی ایہہ سب پہلاں سُنیا سی، لیکن ہُں تہانوں یقین ہو گیا اے کہ ایہہ سچ اے۔ ایہدے نال تُسی اپنے آپ نوں نجات دلان دی ساریاں اُمیداں ترک کر دیہندے اُو۔

تیجا، فرار ہون دی کوشش کرن تے اپنے آپ نوں بچان دی کوشش کرن دے بعد، آخر کار تُسی ویکھدے اُو کہ ایہدا کوئی فائدہ نئیں۔ فیر، تے صرف فیر ای، تُسی یسوع تے پروہسا کرو گے تے تنہا اُوہدے ذریعے نجات پاؤ گے – بغیر اعمال دے!

’’کیوں جے تہانوں ایمان ای دے وسیلے توں فضل ای نال نجات ملی اے تے ایہہ تہاڈی کوششاں دا نتیجہ نئیں اے بلکہ خدا دی بخشش اے۔ تے نہ ای ایہہ تہاڈے اعمال دا پھل اے کہ کوئی فخر کر سکے‘‘ (افسیوں 2: 8۔9)۔

ایس موقع تے، تُسی [مسیح وِچ ایمان لیہیا کے] تبدیل ہو جاندے اُو تے تُہاڈے اپنے باطن وِچ خدا دی روحانی صورت بحال ہو جاندی اے۔ ایس لئی یسوع نے کہیا:

’’جدوں تیکر کوئی نئے سرے توں پیدا نہ ہووے اُو خدا دی بادشاہی نوں نئیں ویکھ سکدا‘‘ (یوحنا 3: 3)۔

ایہدا مطلب صرف مستقبل وِچ نئیں اے۔ ایہد مطلب بالکل ہُںے ای اے۔ جدوں تیکر تُسی [مسیح وِچ ایمان لیہیا کے] تبدیل نئیں ہوندے تے دوبارہ جنم نئیں لیہندے، تُسی خدا دی بادشاہی نوں نئیں ویکھ سکدے۔ خدا دی شبیہ نوں بحال کرن دے لئی تہانوں فیر توں جنم لیہنا چائیدا اے۔ فیر تُسی خدا تے اُوہدی بادشاہی دی حقیقت نوں ویکھو گے۔ ایس لئی مسیح نے کہیا، ’’تہانوں نئے سرے توں پیدا ہونا چائیدا اے‘‘ (یوحنا 3: 7)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔