ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مسیح دی زمینی منادی دا ریکارڈ سانوں چار انجیلاں وِچ دِتا گیا اے۔ سانوں اُو سب کُجھ نئیں دسیا گیا جیہڑا اُوہنے کہیا یا کیتا، کیوں جے اگر سارا کُجھ ریکارڈ کر لِیتا جائے، تے ’’میرا خیال اے کہ خود دُنیا وچ وی اُو کتاباں شامل نئیں ہو سکدیاں جیہڑیاں لکھی جانی چائیدیاں نے‘‘ (یوحنا 21: 25)۔ ایہناں مثالاں وِچ تے لفظاں نوں جیہڑے چار انجیلاں وِچ درج نے روح القدس دے ذریعہ منتخب کِیتا گیا سی جدوں اُوہنے انجیل دے مصنفاں نوں الہٰامی تلاوت لکھن دے لئی رہنمائی کیتی۔ مختلف اعمال تے الفاظ اِک وجہ دے لئی مسیح دی منادی توں منتخب کیتے گئے سن۔ مثال دے طور تے لوقا سانوں دسدا اے کہ اُوہدی خوشخبری لکھی گئی سی ’’تاکہ تیہنوں معلوم ہو جائے کہ جِنہاں گلاں دی توں تعلیم پائی اے اُو کیس قدر پختہ نے‘‘ (لوقا 1: 4)۔ انجیل دا مقصد بنیاد طور تے سانوں اُو دسنا اے جیہڑا سانوں یسوع دے بارے چہ جانن دی لوڑ اے تے اُوہنے کی سِکھایا۔ لہٰذا، انجیلاں دین دی بنیادی وجہ سانوں مسیح دے بارے چہ سِکھانا اے نہ کہ صرف تاریخی حساب دینا۔

ایہ ضروری اے۔ تے ایہ ایس ای تھاں یا مقام تے مسیح دی حیاتی دے ہالی ووڈ ورژن ناکام ہو جاندے نے۔ اُو مسیح دی حیاتی نوں تاریخی طور تے پیش کردے نے، اُوہدی کہانی جیہڑا یسوع نے کہیا تے بہوتی پہلاں کِیتا سی۔ لیکن ایہ انجیل لکھن آلیاں دا مقصد نئیں اے۔ جیہڑا کُجھ لوقا نے ایتھے لکھیا اے اُو سانوں دِتا گیا سی تاکہ سانوں ’’ہدایت‘‘ یا ’’تعلیم‘‘ دِتی جا سکے جیویں کہ سانوں لوقا 1: 4 وِچ دسیا گیا اے کہ انجیل دے واقعات خدا وَلوں نے، مصنفاں دے ذریعے، سانوں اُو گلاں سکھان دے لئی دِتی گئیاں سن جِنہاں دی سانوں مسیح دے بارے چہ جانن دی لوڑ اے۔

تے سانوں ایہ نئیں سوچنا چائیدا اے کہ جیس مسیح دے بارے وِچ اَسی انجیل وِچ سِکھنے آں اُو ہُن مختلف اے جدوں کہ اُو واپس آسمان تے چلا گیا اے۔ اُو ’’کل، اَج، تے ابد تیکر اِک ای اے‘‘ (عبرانیوں 13: 8)۔ اُوہدے اُوتے جان تے، فرشتیاں نے اُوہنوں ’’اُوہی یسوع کیہیا، جیہڑا آسمان تے تہاڈے کولوں چُکیا گیا اے‘‘ (اعمال 1: 11)۔ لہذا، یسوع اَج اُوہی اے جیویں کہ اُو انجیل وِچ سی جیہڑا لوقا نے لکھیا سی۔ اُو ساڈے نال اُونج دا ای ردعمل ظاہر کردا اے جیویں کہ اُوہنے اُودھوں کیتا سی۔ اُو ہُن ساڈے نال اُوہی گلاں کہندا اے جیہڑی اُوہنے اُودھوں کیہیاں سن۔

ایہ گل مسیح دی حیاتی وِچ ایس واقعہ نوں اَساں ساریاں دے لئی بہوتی اہم بناندی اے جیہڑا اَج رات ایتھے موجود نے۔ مسیح یروشلم دی راہ وِچ پِنڈ توں لہنگ رہیا سی۔ لوکی اُوہدیاں گلاں نوں سُنن دے لئی جمع ہوندے نے۔ ایہناں وِچوں اِک پنڈ وِچ ہجوم وِچوں اِک آدمی نے اُوہنوں سوال کیتا۔ تے مسیح نے کی کیتا (جدوں سوال پُچھیا گیا) اَج ساڈے لئی بہوتی اہم اے، کیوں جے اُو اُونج ای جواب دیہندا اے جیویں کہ اُوس ویلے دِتا سی۔

آدمی اُوہنوں پُچھدا اے، ’’خداوند، کی نجات پان آلے تھوڑے نے؟‘‘ تے یسوع نے اُوہنوں جواب دین توں اِنکار کر دِتا۔ آدمی اِک سوال پُچھدا اے، لیکن اُوہنوں مسیح وَلوں کوئی جواب نئیں لبھدا اے۔ ایہدے بجائے، مسیح ہجوم وَل متوجہ ہوندا اے تے اُوہناں نال اِک مختلف موضوع تے گل کردا اے۔ تے مینہوں یقین اے کہ ایہ گل سانوں اِک بہوتی اہم شے وکھاندی اے، جیہڑی تہانوں جانن دی لوڑ اے۔

I۔ پہلی گل، تلاوت ساڈے تے نجات تلاش کرن دے غلط طریقے نوں ظاہر کردی اے۔

ایہ واعظ اُوس واعظ توں اخذ کیتا گیا اے جیہدی تبلیغ لندن وِچ ویسٹ منسٹر چیپل دے مرحوم ڈاکٹر مارٹن لائیڈ جونز نے کیتی سی۔ میہنوں معلوم ہویا کہ ڈٓاکٹر لائیڈ جونز دے واعط وِچ کئی نکات سن جیہڑے میتھیو ہنری دی تفسیر وِچ وی سامنے آئے سن۔ لہٰذا، ایہناں ذرائع نوں استعمال کردے ہوئے، میں اَج تہانوں ایہ واعظ پیش کر رہیا آں۔

سب توں پہلاں، اَسی نجات حاصل کرن دا غلط طریقہ سِکھنے آں۔ اُوس آدمی نے اُوس [یسوع] نوں پُچھیا، ’’خداوند، کی نجات پان آلے تھوڑے نے؟‘‘ ایہ اِک معصوم سوال لگدا اے۔ لیکن مسیح نے ایہنوں رد کیتا۔ اُوہنے آدمی نوں جواب دین توں انکار کر دِتا۔ کیوں؟ کیوں مسیح اُوہدے سوال نوں رد کرے گا تے اُوہدے بجائے ہجوم وَل متوجدہ ہو کے اُوہناں نال اِک ہور موضوع تے گل کرے گا؟

شاید ایہدی وجہ ایہ سی کہ آدمی دا سوال تنقیدی سی یا غلطی دا پتہ لگا رہیا سی، ’’کی کُجھ ایہو جئے نے جیہڑے نجات پا جان گے؟‘‘ اُوہنے مسیح کولوں سوال پُچھیا، شاید، اُوہنوں پھنسان دے لئی، اُوہنوں فریب دین دے لئی۔ جے مسیح نے کہیا کہ بہتیرے لوکی بچائے گئے نے، تے اُوہ اُوہناں دے نال بہوتا زیادہ رَل مِل بیٹھن تے نجات نوں بہوتی عام جیہا بنان دے لئی اُوس [یسوع] وِچ نقص کڈدے۔ جے اُوہنے کہیا کہ صرف چند ای بچائے جان گے، تے اُو بہوتی سخت تے بہوتی تنگ ہون دی وجہ نال اُوہدے وِچ غلطی تلاش کر سکدے نے۔

شاید ایہ صرف اِک سوال سی جیہڑا تجسس دی وجہ توں دِتا گیا سی، ’’خداوند، کی نجات پان آلے تھوڑے جئے نے؟‘‘ ’’میں ایہدے بارے وِچ تجسس دا شکار آں۔ میہنوں دَسو کہ تُسی ایس بارے چہ کی سوچدے اُو؟‘‘ اُو شخص شاید اپنے بیلیاں نال ایس بارے چہ گل کر رہیا سی۔ اُو حیران سن کہ کیہنے نجات پا جان گے، تے اُوہناں نے فیصلہ کیتا کہ ایس آدمی نوں مسیح کولوں ایہدے بارے چہ پُچھنا چائیدا اے تاکہ ایہ معلوم کیتا جا سکے کہ اُو ایس موضوع تے کی سوچدا اے۔

میرے خیال چہ اُوہدے سوال چہ ایہناں دوویں وجوہات وِچوں تھوڑی بہوتی ہو سکدیاں نے – ماڑی جئی تنقید تے ماڑا جیہا تجسس۔ کی اَج کل لوکی اینج دے سوال نئیں پُچھدے؟ تُسی لوکاں نوں اینج دے سوال کردے سُنیا اے، ہے نا؟ ’’تُسی مسیحیاں دا کی خیال اے؟ کی تہانوں لگدا اے کہ زیادہ تر لوکی جہنم وِچ جا رئے نے؟ کی تہاڈے خیال وِچ خدا ایہنا ظالم اے کہ اُو درحقیقت زیادہ تر لوکاں نوں جہنم وِچ پیہجھے گا تے ایہناں وِچوں صرف چند نوں بچا لئے گا؟ کی تُسی ایہو جئے سوالات نئیں سُنے؟

میں اگلے ای دِن جیکوزی وِچ اپنے جمنازیم وِچ سی تے اِک عورت جیہڑی یہوواہ دی گواہ [دی تنظیم توں] اے گرم پانی وِچ خود نوں بِھگو رئی سی، تے ساڈے وِچوں باقی لوکاں نوں اپنی مذہبی رائے وِچ ’’جُگتی‘‘ بنا رئی سی۔ حمام چہ موجود لوکاں وِچوں اِک نے اُوہنوں دسیا کہ میں بپتسمہ دین آلا اِک پادری آں۔ یہوواہ دی گواہ [مشن آلی] عورت میرے وَل متوجہ ہوئی تے میہنوں اُو ای سوالات پُچھے جیہڑے اُوس آدمی نے مسیح دے بارے چہ پُچھے سن۔ اُوہدے سوالات وِچ تنقید تے تجسس سی۔ ’’کی تہانوں لگدا اے کہ خدا زیادہ تر لوکاں نوں جہنم وِچ پیہجھے گا؟ کی تہانوں لگدا اے کہ صرف چند ای لوکی بچن گے؟‘‘ اُوہنے پُچھیا۔ میں اُوہنوں کوئی جواب نئیں دِتا۔ میں بالکل اُوہی کیتا جیہڑا ایس موقع تے مسیح نے کیتا سی۔ میں نے اُوہدے وَلوں مُنہ موڑیا تے اُوس آدمی نوں کیہیا جِیس نے اُوہنوں دسیا سی کہ میں اِک پادری آں، ’’یسوع نے کیہیا، ’’تہانوں نئے سرے توں جنم لیہنا چائیدا اے‘‘ (یوحنا 3: 7)۔ فیر میں گرم جکوزی نوں چھڈیا تے چند چکر تیرن دے لئی سوئمنگ پول وِچ چھال مار دِتی۔ تے فیر میں اُودھروں چلا گیا تے خود نوں خشک کیتا تے جم چھڈ دِتا۔ میں اُوہدے متجسس سوال دا جواب نئیں دِتا – تے نہ ای مسیح نے اُوس آدمی دا جواب دِتا، جیویں کہ اَسی تلاوت وِچ ویکھنے آں۔

خاموش رہن دا اِک ویلہ اے تے بولن دا اِک ویلہ اے‘‘ (واعظ 3: 7)۔ نوجوان لوکو، جے تُسی مسیحی اُو، تے ہر احمقانہ، متجسس سوال دا جواب نہ دیو جیہڑے لوکی تہانوں نجات دے بارے چہ پُچھدے نے۔ اُوہناں وِچوں بہتیرے تے کسی وی جواب دے مستحق نئیں نے۔ یسوع نے کہیا،

’’جیہڑا مقدس اے اُو کُتیاں نوں نہ دیو، نہ اپنے موتی سؤراں اَگے پاؤ، اینج نہ ہووے کہ اُو اُوہناں نوں اپنے پیراں ہیٹاں روندن تے فیر مُڑ کے تہانوں پھاڑ کھان‘‘ (متی 7: 6)۔

جیہڑا آدمی اکیلے تجسس وِچ آ کے سوال کردا اے اُوہنوں جواب نئیں مِلنا چائیدا۔ جدوں میں ویکھنا آں کہ لوکی ایس حالت وِچ نے، جدوں اُو تبلیغ دے بعد میرے دفتر وِچ میرے نال گل کرن آندے نے، تے میں عام طور تے اُوہناں نوں جواب نئیں دیہندا، یا صرف مختصر جواب دیہنا آں۔ میں عام طور تے اُوہنوں نوں جاندے ہوئے راستے یا سفر وِچ پڑھن دے لئی کُجھ دے دیہنا آں۔ میں گذشتہ وریاں وِچ پایا اے کہ جے اُو محض متجسس نے تے لمبے لمبے جوابات دیہنا ایہ ایہناں لوکا دی مدد نئیں کردا جیہڑے بیدار نئیں ہوئے نے، تے جے اُو نجات دے بعد سنجیدہ استفسار کرن آلے نئیں نے۔

ایہ نجات تلاش کرن دا غلط طریقہ اے – محض تجسس دی وجہ توں سوال کرنا۔ مسیح نے ہیرودیس نوں جواب نئیں دِتا۔ اُوہنے پیلاطس نوں کوئی جواب نئیں دِتا۔ اُوہنے فریسیاں دے بہتیرے سوالاں دا جواب نئیں دِتا۔ جے تُسی محض ایہ جاننا چاہندے اُو کہ مسیحی تجسس دی وجہ توں کی منندے نے، تے سانوں تہاڈے تے بہوتا ویلہ ضائع نئیں کرنا چائیدا اے۔ سانوں تہانوں ڈاکٹر جان آر رائس، یا کیس ہُور مصنف دا اِک مختصر جیہا کتاب یا کتابچہ دینا چائیدا اے، جیویں کہ آن آلی عدالت، یا جہنم، تے تہانوں جانے دینا چائیدا اے۔

اُو جیہڑے متجسس ہوندے نے اُوہناں نوں نجات نئیں لبھدی۔ مشرقی لوکی جیہڑے ساڈے گرجا گھر وِچ آندے نے اینج ای ہوندے نے۔ اُو کثر کہندے نے، ’’میں ہُنے مذید ہُورع سیکھن آیا آں۔‘‘ اُو اُوس بندے وانگوں ہوندے نے، جیہڑا سِکھنا چاہندا سی کہ مسیح کی کہنا چاہندا اے۔ لیکن جیہڑے لوکی اینج کردے نے اُو تقریباً کدی وی نجات نئیں پاندے۔ کیوں؟ کیوں جے اُو ’’ہمیشہ سیکھدے رہندے نے، تے کدی وی سچائی دے علم تیکر نئیں پہنچ سکدے‘‘ (2۔ تیمتھیس 3: 7)۔

ایس گرجا گھر وِچ پرورش پان آلے بہتیرے نوجوان اینج دے ای نے۔ اُو عبادت دے بعد میرے دفتر وِچ میہنوں ملن آندے نے تاکہ ایہ ویکھن کہ میں اُوہناں نوں نجات دے موضوع دے بارے وِچ کی سِکھا سکنا آں۔ اُو ایہ جانن دے لئی متجسس نے کہ میرا جواب کی ہووے گا۔ اُو نجات دے بارے وِچ کُجھ نیا سِکھنا چاہندے نے۔ لیکن ایہ غلط طریقہ اے۔ تے تہانوں کوئی جواب نئیں لبھے گا۔

مسیح نے اُوس آدمی دے سوال دا جواب نئیں دِتا کیوں جے ایہ صرف نظریاتی سی، نظریے دے بارے وِچ اِک سوال۔ ایہ سوال دوجے لوکاں دے بارے وِچ وی سی۔ ’’خداوند، کی بچائے جان آلے تھوڑے نے؟‘‘ ایہ قیدخانے دے نگران دے سوال توں کیہنا مختلف اے، ’’جناب، میہنوں نجات پان دے لئی کی کرنا چائیدا اے؟‘‘ (اعمال 16: 30)۔ جے تُسی عقائد تے نظریات سُننا چاہندے اُو تے یہوواہ دے گواہاں، مورمنز، یا پنیٹی کوسٹلز [مشن آلے لوکاں] کول جاؤ۔ اُو تہاڈے ذہن نوں نظریات تے جوابات تے افسانیاں نال بھر دین گے۔ لیکن جے تُسی اپنی خود دی نجات دے بارے وِچ فکرمند اُو، تے اپنی گمراہ ہوئی یا کھوئی ہوئی حالت دے بارے چہ سوالات دے نال آؤ، تے فیر ایہناں جوابات نوں سُنو جیہڑے اِک بائبل تے یقین رکھن آل بپتسمہ دین آلا مبلغ تہانوں دیہندا اے۔ اپنی خود دی نجات تلاش کرو، نہ کہ صرف کسی نظریاتی سوال دا جواب۔ ایہ نجات دی تلاش دا غلط طریقہ اے۔

فیر، شیطان ایتھے ای اے۔ جی ہاں، شیطان ایس واقعہ وِچ اے، جیہڑا ساڈی تلاوت وِچ دِتا گیا اے۔ ’’شیطان کیتھے اے؟‘‘ تُسی کہندے اُو۔ جیتھے اُو ہمیشہ پردے تے پیچھے ہوندا اے۔ ’’فیر اِک نے اُوہنوں کہیا، خداوند، کی بچائے جان آلے تھوڑے نے؟‘‘ ابلیس تلاوت وِچ کھلے عام موجود نئیں اے، لیکن تُسی ایہنوں پردے دے پیچھوں آدمی دی تربیت کردے ہوئے ویکھ سکدے اُو۔

میرے مسیح چہ ایمان لیہیا کے تبدیل ہون توں پہلاں جدوں میں اِک نوجوان سی، میں بہتیرے ڈرامیاں وِچ اداکاری کیتی سی۔ ساڈے کول ہمیشہ پردے دے پِیچھے اِک ’’پرامپٹر [بھولن تے یاد دلان آلا]‘‘ ہوندا سی، کہ جے اسٹیج تے موجود کوئی بھول جائے تے کی کہنا اے۔ ایہ شیطان دے کام کرن دا طریقہ اے۔ اُو ’’اُوہناں دی عقلاں نوں جیہڑے ایمان لیہیاندے نے‘‘ انّہا کردیہندا اے (2۔ کرنتھیوں 4: 4)۔ اُو اپنے اداکاراں نوں ’’سچائی کی اے؟‘‘ وگری سطراں کہن دے لئی ’’آمادہ‘‘ کردا اے، جیویں کہ پیلاطس نے کیتا سی، تے فیر جواب دا انتظار نئیں کیتا (حوالہ ویکھو یوحنا 18: 38)۔ شیطان ایہناں واعظاں دے لفظاں نوں جیہڑے تُسی سُنندے تہاڈے دِلاں وِچوں کڈ لیہندا اے، تاکہ واعظ تہاڈی مدد نہ کرن، تے تہاڈے کول صرف متجسس سوالات رہ جاندے نے جِنہاں دا تہاڈی جان دی نجات دے نال کوئی تعلق نئیں اے (حوالہ دیکھیں لوقا 8: 12) )۔ جے تُسی شیطان دے ’’اشاریاں‘‘ تے عمل کردے اُو، تے تُسی بہتیرے سوالات پُوچھو گے، لیکن تُسی کدی وی مسیح چہ ایمان لیہیا کے تبدیل نئیں ہوو گے۔ ایہ درج نئیں اے کہ ایہ سوال کرن آلا آدمی کدی نجات وی پا گیا، حالانکہ نجات دہندہ اُوہدے بالکل سامنے کِھلوتا سی۔ تے تہانوں کدی وی نجات نئیں لبھے گی جے تُسی سوالات پُچھدے رئے لیکن مسیح وِچ ایمان لیہیا کے تبدیہ ہون وِچ سنجیدہ نئیں اُو۔

گال ایہ نئیں اے، ’’خداوند، کی بچائے جان آلے تھوڑے نے؟‘‘ وگرے [سوالات] تہانوں پُچھنا چائیدے نے۔ تہانوں پُچھنا چائیدا اے، ’’میرے بارے چہ کی خیال اے؟ میرے گناہواں دا کی ہووے گا؟ میں اپنے گناہواں توں کیویں چھٹکارا پا سکنا آں؟ میں کیویں نجات پا سکنا آں؟‘‘

II۔ دوجی گل، تلاوت ساڈے تے نجات تلاش کرن دا درست طریقہ ظاہر کردی اے۔

’’فیر اِک نے اُوہنوں کہیا، اے خداوند، کی نجات پان آلے تھوڑے نے؟ تے اُوہنے اُوہنوں کہیا، تنگ بوہے توں اندر داخل ہون دی کوشش کرو کیوں جے میں تہانوں کہنا آں کہ بہتیرے لوکی اندر داخل ہون دی کوشش کرن گے تے نہ کر پان گے‘‘ (لوقا 13: 23-24)۔

مسیح نے آدمی دے سوال نوں رد کر دِتا۔ ایہدے بجائے، اُو ہجوم وَل متوجہ ہویا تے اُوہناں نال گل کیتی۔ اَج سانوں ایس واقعے توں بہوتا کُجھ سِکھن نوں لبھدا اے۔

پہلی گل، واعط نوں کیوں نئیں سُنندے؟ جیہڑا واعظ تُسی ایس گرجا گھر وِچ سُنندے اُو، اُو تہاڈی نجات توں متعلق نے۔ ایہناں تے توجہ کیوں نئیں دیہندے تے جدوں تُسی گھر جاندے اُو تے واعظ دے بارے وِچ سوچدے نے؟ کیوں نہ مختصر اِطلاع نامہ لے لیہیے جیہدے چہ واعظ دا خاکہ موجود اے، تے ہفتے دے دوران گھر وِچ ایہدے تے غور کریے؟ کلام پاک وِچ اُو ویکھو جیہڑا مختصر اطلاع نامہ دے خاکے وِچ درج اے تے سوچو کہ پادری صاحب نے کی کیہیا۔ سب توں پہلاں کام جیہڑا تہانوں کرنا چائیدا اے اُو اے نجات تے واعظاں نوں سُنو۔ لوقا 13: 22 آیت سانوں دسدی اے کہ مسیح اُوس آدمی دے پِنڈ وِچ ’’تعلیم‘‘ دیہندا رہیا سی۔ اُو ایہناں واعظاں دے بارے وِچ سنجیدگی نال سوچن دی بجائے اِک نظریاتی، مذہبی طور تے متجسس سوال دے نال کیوں آیا سی، جیہڑا اُوہنے پہلاں ای مسیح نوں منادی کردے ہوئے سُنیا سی؟ ایہدی نقل کرن دے لئی انتہائی بیوقوف نہ بنو۔ سوچو! اُوہدے بارے وِچ سوچو جیہڑا تُسی تبلیغ وِچ سُنیا اے۔

دوجی گل، اَسی مسیح دے لفظاں وَل آنے آں، جیہڑے اُوہنے اُوس آدمی دے سوال دا جواب دین توں انکار کرن دے بعد ہجوم نوں کہے،

’’تنگ بوہے توں اندر داخل ہون دی کوشش کرو کیوں جے میں تہانوں کہنا آں کہ بہتیرے لوکی اندر داخل ہون دی کوشش کرن گے تے نہ کر پان گے‘‘ (لوقا 13:24)۔

نجات پان دا صحیح طریقہ ایہ اے کہ واعظاں نوں بہتیرے سنجیدگی نال سُنو، تے فیر مسیح وِچ نجات چہ داخل ہون دی کوشش کرو۔ تہانوں تنگ بوہے توں داخل ہون دی کوشش کرنی چائیدی اے جیہڑا کہ مسیح اے۔

مسیح دے کول آن آلے آدمی نے پُچھیا، ’’خداوند، کی نجات پان آلے تھوڑے نے؟‘‘ نئیں! نئیں! ایہ سب غلط اے! ایس بارے چہ مت سوچو کہ کیہنے دوجے لوکی بچائے جان گے – لیکن ایس بارے وِچ سوچو کہ کی تُسی نجات پا جاؤ گے! اپنے آپ نوں پُوچھو، ’’میں میں نجات گیا آں؟‘‘ ’’کی میں کدی نجات پاواں گا جے میں اپنی اُوسی راہ تے ٹُران جیہدے تے میں آں؟‘‘

بہتیرے لوکی سوچدے نے کہ اُو پہلاں ای توں نجات پا چکے نے جیہڑے ایہدے بارے چہ تجرباتی طور تے کُجھ نجئیں جانندے نے۔ تُسی سوچ سکدے اُو کہ تُسی جانندے اُو کہ نجات پان دا کی مطلب اے، لیکن تُسی غلط ہو سکدے اُو۔ نجات کی اے دے بارے وِچ تہاڈا خیال درست نئیں ہو سکدا۔ تُسی سوچ سکدے اُو کہ تُسی پہلاں توں ای نجات پا چکے اُو، کیوں جے تُسی پہلاں توں ای فیصلہ کر چکے کہ تُسی جانندے اُو کہ نجات پان دا کی مطلب اے۔ ہو سکدا اے کہ تُسی اپنے نال ایماندار نہ ہوو، ایس لئی تہانوں لگدا اے کہ جدوں تُسی واقعی کھو جاندے یا گمراہ ہو جاندے اُو تے تہانوں بچایا جاندا اے۔ تے تُسی اپنی نجات دے بارے وِچ غلط تصورات دے نال اپنے وانگوں چلدے اُو، تے تسی ابدیت دے شعلیاں وِچوں لنہگو گے۔ جدوں تُسی مر جاؤ گے تے یسوع تہانوں کہووے گا، ’’میرے توں دور ہو جا، اے لعنتی، ابدی اَگے وِچ چلا جا‘‘ (متی 25: 41)۔ تہانوں ایس جھوٹی اُمید نوں چھڈ دینا چائیدا اے کہ تُسی پہلاں ای نجات پا چکے اُو، یا ایہ کہ تُسی جانندے اُو کہ کیویں نجات پائی جائے۔ تہانوں یسوع دے کول اِک کھوئے ہوئے گنہگار دے طور تے آنا چائیدا اے، کیوں جے، ’’جیہڑے تندرست نے اُوہناں نوں طبیب دی لوڑ نئیں اے۔ لیکن اُو جیہڑے بیمار نے‘‘ (لوقا 5: 31)۔ جے تُسی سوچدے اُو کہ تُسی ٹھیک اُو، تے تُسی یسوع دی تلاش نئیں کرو گے۔ تُسی سوچو گے کہ تُسی ٹھیک اُو۔ جدوں کہ گناہ دا کینسر تہاڈے دِل نوں کھا جاندا اے تے تُہانوں تباہ کر دیہندا اے۔ کی تُسی پچھلے ہفتے اخبار وِچ لاس اینجلز دے مُردہ خانے وِچ چوہیاں دے انسانی لاشاں دے کھان دے بارے وِچ پڑھیا سی؟ ایہ اُوہی اے جیہڑا تہاڈے گناہ کرن گے۔ گناہ تہاڈے دِل نوں کھا جائے گا تے تہانوں جہنم وِچ پیہجھ دیوے گا، ’’جیتھے اُوہناں دا کیڑا نئیں مردا، تے اَگ نئیں بُجھدی اے‘‘ (مرقس 9: 44، 46، 48)۔

تہانوں ایہ نئیں سوچنا چائیدا اے کہ کیہنے دوجے بچائے جان گے، یا ایتھوں تیکر کہ ہُور کون بچایا جائےگا۔ کُجھ لوکی ہمیشہ سوچدے رہندے نے، ’’اُو شخس واقعی بچایا نئیں گیا اے۔ اُوہنے ساریاں نوں بیوقوف بنایا اے۔ اُو حقیقی مسیحی نئیں اے۔‘‘ جے تُسی صحیح اُو تے کی ہووے گا؟ ایہ تہاڈی مدد کیویں کرے گا؟ جے ایس گرجا گھر دا ہر رُکن واقعی کھو گیا یا گمراہ ہو گیا تے ایہ تہاڈی مدد کیویں کرے گا؟ تہانوں خداوند نوں جواب دیہنا پیہئے گا۔ تہانوں اپنے آپ دے گناہواں دی سزا دِتی جائے گی۔ تہانوں ابدیت دے لئی سزا دِتی جائے گی۔ جے دوجے جھوٹے مسیحی نے تے ایہ تہاڈی ذرا جئی وی مدد نئیں کرے گا جدوں تُسی مر جاؤ گے تے خدا دے سامنے کِھلوتے ہوو گے، تے خود نوں نجات دِلا نئیں پاندے اُو۔ تہانوں ’’اندر داخل ہون دی کوشش‘‘ کرنی چائیدی اے (لوقا 13: 24)۔

تے فیر، تہانوں اپنی نجات نوں اپنی حیاتی دا سب توں اہم مقصد بنانا چائیدا اے۔ نجات حاصل کرنا تہاڈے لئی تہاڈی حیاتی وِچ کسی وی شے توں بہوتا اہم ہونا چائیدا اے۔ جیہڑے لوکی نجات دے تنگ بوہے وِچ داخل ہونا چاہندے نے اُوہناں نوں اپنے اندر اِک مکمل تبدیلی تو لنگہنا ہووے گا، جیہڑا اُوس ویلے ہوندا اے جدوں کوئی شخص نیا جنم لیہندا اے تے مسیح وِچ ایمان لیہیا کے تبدیل ہوندا اے۔

تے فیر جیہڑے لوکی مسیح وِچ ایمان لیہیا کے تبدیل ہونا تے نجات پانا چاہندے نے اُوہناں نوں ’’داخل ہون دی کوشش کرنی چائیدی اے۔‘‘ سست لوکی اپنے آپ نوں جہنم وِچ پان گے۔ میرے خیال وِچ ایہ اِک وجہ اے کہ بائبل سُستی دی مذمت کردی اے۔ اِک سُست شخص نوں بائبل وِچ ’’کاہل‘‘ کیہیا گیا اے، تے اُوہدی سُستی دی مذمت کیتی گئی اے۔ بائبل کہندی اے،

’’کاہل [سُست شخص] سردی دی وجہ توں ہل نئیں چلائے گا۔ ایس لئی اُو فصل دی کٹائی وِچ بھیک منگے گا، تے اُوہدے کول کُجھ نئیں ہووے گا‘‘ (امثال 20:4)۔

اُو شخص جیہڑا نجات دی تلاش وِچ بہوتا سُست اے اُو بھیک منگے گا، ’’اے خداوند، اے خداوند ساڈے لئی بوہا کھول دے‘‘ (متی 25: 11)۔ لیکن اُوہدے کول کُجھ نئیں ہووے گا۔ مسیح کہوے گا، ’’میں تہانوں نئیں جانندا‘‘ (متی 25: 12)۔ فصل کاٹنا آخری فیصلہ اے، تے کٹن آلے فرشتے نے۔ سُست شخص ’’فصل وِچ بھیک منگے گا، تے اُوہدے کول کُجھ نئیں ہووے گا‘‘ (امثال 20: 4)۔ کیوں؟ کیوں جے اُو ہل چلان وِچ بہوتا سُست سی جدوں کہ اُو چلا سکدا سی۔ اُو ’’اندر داخل ہون دی کوشش‘‘ کرن وِچ بہوتا سُست سی۔ اِک وری فیر، بائبل کہندی اے،

’’کاہل [سُست شخس دی روح خواہش کردی اے، تے اُوہنوں کُجھ نئیں لبھدا: لیکن محنتی [پُرعزم، بیقرار شخص] دی روح موٹی ہو جائے گی [یعنی۔ مطمئن ہو جائے گی]‘‘ (امثال 13: 4)۔

سُست شخص شاید بچایا جانا چاہندا ہووے، لیکن اُو ’’بغیر کُجھ پائے‘‘ مر جاندا اے۔ میں نے اکثر لوکاں نوں سُنیا اے، خاص طور تے نوجوان لوکاں نوں جیہڑے گرجا گھر وِچ پرورش پاندے نے، اُو کہندے نے، ’’میں نجات پانا چاہنا آں۔‘‘ لیکن اُو نجات پان دے لئی بہوتے سُست نے۔ ’’کاہل دی جان خواہش کردی اے تے اُوہدے کول کُجھ نئیں ہوندا۔‘‘ تُسی اصل وِچ نجات پان دی خواہش کر سکدے اُو تے فیر وی کھوئے ہوئے رہ سکدے اُو۔ تلاوت ایہو ای کہندی اے، ’’ میں تہانوں کہنا آں کہ بے شمار لوکی، اندر داخل ہون دی کوشش کرن گے، لیکن اہل نئیں ہون گے‘‘ (لوقا 13: 24b)۔ اُو نجات دے بارے وِچ اِک تجسس رکھدے نے۔ اُو نجات دے فوائد چاہندے نے۔ اُو نجات وِچ داخل ہون دے لئی ’’تلاش کردے نے۔ ایتھے لفظ ’’تلاش‘‘ یونانی وِچ زیٹیو zēteo‘‘ اے۔ ایہدا مطلب اے ’’خواہش کرنا،‘‘ ’’تلاش کرنا،‘‘ ’’پُچھنا۔‘‘ کی اُو آدمی اینج نئیں کر رہیا سی جِنہے یسوع نوں ایہ سوال کیتا سی؟ اُو نجات دے بارے وِچ معلومات جاننا چاہندا سی۔ اُو نجات دے بارے وِچ علم دی تلاش وِچ سی۔ اُو نجات دے بارے وِچ پوچھ گُچھ کر رہیا سی، یا سوال پُچھ رہیا سی۔ دراصل، اُو نجات دے موضوع وِچ کافی دلچسپی رکھدا سی۔ لیکن ایہ کافی نئیں اے۔ تُسی ویکھیا کہ اُو شخص بہوتا سُست سی کہ محض دلچسپی تے خواہش نال اَگے ودھ نئیں پایا سی۔

کوئی کہندا اے، ’’میں جنت وِچ جانا چاہنا آں، لیکن میں اِتوار نوں اپنی نوکری نئیں چھڈاں گا۔‘‘ ٹھیک اے، فیر، میہنوں تہانوں ایہ دسدے ہوئے افسوس ہوندا اے کہ تُسی ’’اندر داخل ہون دی کوشش تے کردے اُو، لیکن اہل نئیں ہو پاؤ گے‘‘ (لوقا 13: 24)۔ نجات تہادے لئی دلچسپ ہو سکدی اے – لیکن تہاڈے لئی نوکریاں تبدیل کرنا، یا اپنی حیاتی وِچ کوئی ہُور شے تبدیل کرنا ایہنا اہم نئیں اے۔ لہٰذا، تُسی ’’اندر داخل ہون دی کوشش کرو گے، لیکن اہل نئیں ہو پاؤ گے‘‘ (لوقا 13: 24)۔ تُسی حقیقی نجات وِچ داخل ہون دے لئی سُست اُو۔

’’کاہل [سُست شخس دی روح خواہش کردی اے، تے اُوہنوں کُجھ نئیں لبھدا: لیکن محنتی [پُرعزم، بیقرار شخص، سٹرانگ Strong’s] دی روح موٹی ہو جائے گی [یعنی۔ مطمئن ہو جائے گی]‘‘ (امثال 13: 4)۔

جیہڑا شخص نجات پاندا اے اُو ’’اندر داخل ہون دی کوشش کردا اے‘‘ (لوقا 13: 24)۔ لفظ ’’کوشش‘‘ اصل یونانی وِچ ’’ایگونائیزومائی agonizomai‘‘ اے۔ ایہدا مطلب اے ’’تناؤ‘‘۔ تہانوں مسیح دے ذریعے نجات وِچ داخل ہون دے لئی دباؤ پانا چائیدا اے۔ جے تُسی پیچھے رہ گئے تے تہانوں کدی وی نجات نئیں لبھے گی۔

میتھیو ہنری نے کہیا،

جنت وِچ پہنچنا اِک مشکل معاملہ اے، تے اِک ایہو جیہا نقطہ جیہڑا بہوتا زیادہ دیکھ بھال تے درد، مشکل تے تندہی دے بغیر حاصل نئیں کیتا جا سکدا اے … سانوں خود اپنے دِلاں نال جدوجہد کرنی چائیدی اے، اذیت ناک – ’’اذیت وِچ رہنا چائیدا اے؛ اُوہناں لوکاں وانگوں کوشش کرو جیہڑے انعام دے لئی نٹھدے نے؛ پُرجوش رہوو تے اپنی زیادہ توں زیادہ کوشش کرو‘‘ (میتھیو ہنری، ساری بائبل تے تبصرہ، ہینڈرکسن، 1991، جلد 5، صفحہ 586)۔

ایس گل دے کیہن دا مطلب اے نئیں اے کہ ایس ’’کوشش‘‘ نوں لمبے عرصے تیکر چلن دی لوڑ اے۔ ایہدے برعکس، کُجھ بہترین مسیحیاں نے بہوتی تیزی نال کوشش کیتی تے تیزی نال نجات وِچ داخل ہو گئے۔ پولوس رسول دمشق دی سڑک تے بیداری دے فوراً ای بعد مسیح وِچ ایمان لیہیا کے تبدیل ہو گیا سی۔ میری اپنی ووہٹی نوں صرف اِک واعظ سُنن دے بعد بچایا گیا سی – یوحنا 3: 16 سُنن تے۔ وقت دی لمبائی تے کئی ہفتیاں تے مہینیاں تیکر سِکھن دا عمل، ضروری نئیں اے۔

لیکن اِک مضبوط، پُرعزم تے مسیح وِچ داخل ہون دی شدید خواہش ضروری اے۔ تہانوں اپنے آپ تے شک کرنا چائیدا اے۔ تہانوں مایوسی وِچ دُنیا نوں ایہنی ای چھیتی چھڈ دینا چائیدا اے، جِنہی چھیتی رسول اُٹھا سی، رقم رکھن آلی اپنی میز نوں چھڈیا، تے مسیح دے پیچھے چل دِتا۔ تہانوں اپنے گناہواں دا یقین ہونا چائیدا اے، تے تہانوں ایس گل دا یقین ہونا چائیدا اے کہ تُسی اِک گنہگار، نئیں، [بلکہ] اِک بُرے انسان اُو۔ تے فیرتہانوں اپنے آپ نوں – جِنہی شدت نال تُسی کر سکدے اُو – نجات دہندہ، یسوع مسیح دے حوالے کر دیہنا چائیدا اے۔ اُو تہاڈے گناہواں دی ادائیگی دے لئی سولی تے قربان ہو گیا۔ اُو جسمانی طور تے مُردیاں وِچ جی اُٹھیا تے آسمان تے زندہ اے۔ اُوہدے کول آؤ۔ اپنے آپ نوں اُوہدے حوالے کرو۔ ’’تنگ بوہے توں اندر داخل ہون دی کوشش کرو۔‘‘ ہُنے ای ایہ کرو! یسوع دے کول آؤ! یسوع تے یقین کرو! اندر داخل ہوو! اندر داخل ہوو! یسوع وِچ داخل ہوو – ہُنے ای!

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔