بائبل دی پیشن گوئی دا اِک جائزہ

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مسیح نے اپنے شاگرداں تے واضح کیتا کہ اُو فیر دوبارہ آ رہیا اے۔ تے اُوہنے واضح کر دِتا کہ اُو اُوہناں نوں اپنے نال لے جان دے لئی آ رہیا اے۔ ایہ کوئی روحانی، افسانوی، یا مابعدالطبیعاتی واقعہ نئیں ہو سکدا، کیوں جے بائبل مسیح دی آمدِ ثانی دے بارے چہ بہوتی حقیقی اے۔ مسیح دے آسمان چہ چُکے جان دی واپسی تے، ایہ الفاظ درج نے:

’’تے جدوں اُو ٹکٹکی بنہھے اُوہنوں آسمان چہ جاندے ہوئے ویکھ رئے سن تے ویکھو دو مرد سفید لباس وِچ اُوہناں دے کول آ کے کھِلو گے تے کہن لگے: اے گلیلی لوکو، تُسی کِھلوتے کِھلوتے آسمان وَل کیوں تک رئے اُو؟ ایہو ای یسوع اے جیہڑا تہاڈے کولوں آسمان چہ چُکیا گیا اے اینج ای فیر آئے گا جیویں تُسی اُوہنوں آسمان تے جاندے ہوئے ویکھیا اے‘‘ (اعمال 1: 10۔11)۔

اُو ای یسوع جیہڑا اُتے گیا سی ہیٹاں آئے گا، جیویں اُو اُوتے گیا سی، اُوسی انداز وِچ۔ ایس پیشن گوئی دے بارے وِچ کُجھ وی پیچیدہ نئیں اے۔ مسیح بدلاں دے ذریعے زیتون دے پہاڑ دی چوٹی تے آن آلا اے، بالکل اُوہدے برعکس جیہڑا اُوہنے کیتا جدوں اُو زیتون دے پہاڑ توں ہوا وِچ ٹُر گیا، تے بدلاں وِچ غائب ہو گیا۔ ایہ اِک فلم نوں پیچھے وَل چلان دے مترادف ہووے گا جدوں اُو جیہڑا اُوتے چُکیا گیا اے بائبل دے وعدیاں دے مطابق ہیٹاں آئے گا۔

مسیح دی واپسی دے واقعہ دے بارے وِچ تین اہم مؤقف رئے نے۔ پہلا ہزار سالہ نظریہ اے۔ ایہ قدیم ترین نظریہ نئیں اے۔ جدوں تیکر چوتھی صدی وِچ آگسٹین نے اُہنوں فروغ نئیں دِتا سی اُودھوں تیکر ایہ پروان نئیں چڑھیا۔ ایہ نظریہ سکھاندا اے کہ مستقبل دی کوئی بادشاہت نئیں اے تے ایہ کہ کلیسیا خدا دی بادشاہی اے۔ اُو یقین رکھدے نے کہ مسیح دُںیا دا فیصلہ کرن دے لئی آئے گا تے فیر ابدیت شروع ہو جائے گی۔ اُو نئیں مانندے کہ مسیح اِک ہزار وریاں تیکر زمین تے اپنی بادشاہت قائم کرے گا۔ ایہ رومن کیتھولک چرچ تے کُجھ اصلاح شُدہ پروٹسٹنٹس دا نظریہ اے۔ ایہ پیشن گوئیاں دا نظریہ اے، جیہڑیاں کہندیاں نے کہ نئے عہدنامے دی پیشن گوئیاں پہلی صدی وِچ پوری ہوئیاں سن۔

پیشن گوئی تے دوجی پوزیشن ہزار سالہ دورانئے دے بعد دے ناں توں مشہور اے۔ ایس نظریے نے سِکھایا کہ دُںیا کلیسیا دے ذریعہ تبدیل ہووے گی تے ایہ اِک سنہری دور لیہیائے گا۔ ایہ نظریہ سِکھاندا اے کہ مسیحیت دُنیا تے قبضہ کرن دے بعد ای واپس آئے گی۔ ہزار سالہ دورانیے دے بعد نظریے نوں پہلی جنگِ عظیم نے شدید دھچکایا پہنچایا تے دوجی جنگ عظیم دے بعد عملی طور تے غائب ہو گیا۔

بائبل دی پیشن گوئی دا تیجا نظریہ قدیم ترین اے۔ ایہنوں چیلیزم [مکاشفہ دی کتاب وِچ مذکور ہزار سالہ مسیحی نظریے تے یقین] کہیا جاندا سی، تے پہلے چار سو وریاں تیکر کلیسیاواں دا عقیدہ سی کہ مسیح لفظی طور تے اِک ہزار وریاں تیکر اپنی بادشاہی قائم کرن دے لئی زمین تے واپس آئے گا۔ ایہ نظریہ اَج دے بنیاد پرستاں تے زیادہ تر انجیلی بشارت پسنداں دا قبول شُدہ مؤقف اے۔ ایہنوں پریمیلینیالزم [ہزار سالہ دورانیے دے پہلاں دے نظریے نوں] کہندے نے۔ ایہ سِکھاندا اے کہ مسیح اِک ہزار وریاں دے لئی زمین تے اپنی بادشاہی قائم کرن دے لئی آئے گا۔ ایہ بائبل دی پیشن گوئی دی لفظی تشریح تے مبنی اے، خاص طور تے مکاشفہ 20: 1-6۔ ایہ سپرجیئن دا نظریہ سی، جِنہاں نے کہیا، ’’تلاوت [مکاشفہ 20: 4-6] وِچ اِک وعدہ اے کہ مقدسین مسیح دے نال اِک ہزار ورے حکومت کرن گے۔ تے میہنوں یقین اے کہ اُو ایہدے نال ایس زمین تے راج کرن گے‘‘ (سی ایچ سپرجئیں C. H. Spurgeon، ’’پہلی فیر توں زندہ ہون دا عمل The First Resurrection‘‘، میٹروپولیٹن عبادت گاہ دی واعظ گاہ توں، جلد 7، صفحات 345۔362)۔ ایہ سیکوفیلڈ حوالۂ بائبلScofield Reference Bible دا وی نظریہ اے، تے ایہ میرا نظریہ اے۔ میں اِک ہزار سالہ دورانیے دے پہلے نظریے نوں مننا آں، جیویں کہ مسیحی تاریخ دے پہلاں چار سو وریاں دے ابتدائی مسیحی سن۔

مذید برآں، میرا یقین اے کہ بائبل دی پیشن گوئی دے کئی نکات نے جیہڑے سانوں نئے عہدنامے دے صفحات تے واضح تے حقیقی طور تے دِتے گئے نے۔ تے اَسی اَج دی راتی ایہناں نوں ویکھن جا رئے آں۔

I۔ پہلی گل، زمانے دے اِخیر دیاں علامتاں ساڈے اِردگرد ای نے۔

نئے عہدنامے دے بہتیرے حوالے سانوں زمان دے خاتمے دے قریب آن تے مسیح دی دوجی آمد دی نشانیاں دیہندے نے۔ متی 24: 37 نوں کھولو،

’’لیکن جیویں نوح دے دِناں وِچ ہویا سی اُونج ای ابنِ آدم دی آمد دے ویلے ہووے گا۔ کیوں جے طوفان توں پہلاں دے دِناں وِچ لوکی کھاندے پیندے شادی بیاہ کردے کراندے سن۔ نوح دی کشتی وِچ داخل ہون دے دِن تیکر ایہ سب کُجھ ہوندا رہیا، اُوہناں نوں خبر تیکر نئیں سی کہ کی ہون آلا اے، ایتھوں تیکر کہ طوفان آیا تے اُوہناں ساریاں نوں وگا کے لے گیا۔ ابنِ آدم دی آمد وی اینج ای ہووے گا … ایس لئی تُسی وی تیار رہوو کیوں جے جیس ویلے تہانوں گمان وی نئیں ہووے گا ابنِ آدم آ جائے گا‘‘ (متی 24: 37۔44)۔

سب توں وڈی نشانی ایہ اے کہ اَسی ایس زمانے دے اَخیرلے دِناں وِچ جی رئے آں، مسیح دے آن توں پہلاں، ایہ اے کہ ساڈے اِردگرد دی دُںیا ’’نوح دے دِناں‘‘ وِچ واپس جا رئی اے۔ لوکی زیادہ تر آن آلے فیصلے دے لئی تیار نئیں سن، جیویں اُو اَج نے۔

’’سورج، چاند تے ستاریاں وِچ نشان ظاہر ہون گے تے زمین تے قوماں نوں اذیت پہنچے گی کیوں جے سمندر تے اُوہناں دی لہراں دا زور و شور اُوہناں نوں خوفزدہ کر دے گا۔ ڈر دے مارے تے آن آلی مصیبتاں دا انتظار کردے کردے اُوہناں دے ہوش و حواس باقی نہ رہن گے ایس لئی کہ آسمان دی قوتاں ہلا دِتی جان گی‘‘ (لوقا 21: 25۔26)۔

میہنوں یقین اے کہ اَج دے عالمی واقعات نوں ایس حوالے وِچ عکس بند کیتا گیا اے۔ اَج دُنیا دے منظر نوں ویکھدے ای انساناں دے دِل ’’خوف نال اُوہناں نوں ناکام‘‘ کر رئے نے۔ لیکن یسوع نے گل جاری رکھدے ہوئے کہیا،

’’تے جدوں ایہ گلاں ہونیاں شروع ہو جان تے سیدھے کِھلو کے سر اُوتے چُکنا تے اُوتے ویکھنا کیوں جے تہاڈی مخلصی نیڑے اے‘‘ (لوقا 21: 28)۔

سچے مسیحیاں نوں اپنے سر بُلند کر لیہنے چائیدے نے کیوں جے یسوع آ رہیا آے!

II۔ بائبل تعلیم دیہندی اے کہ ریپچر [مسیح دی دوجی آمد تے ایمانداراں دا آسمان وِچ بدلاں تے چُک لیہیا جانا] رونما ہووے گا۔

’’کیوں جے خداوند خود وڈی للکار تے مقرب فرشتے دی آواز تے خداوند دے نرسنگے دے پھونکے جان دے نال آسمان توں اُترے گا تے پہلاں اُو سارے جیہڑے مسیح وِچ مر چکے نے فیر توں زندہ ہو جان گے تے فیر اُو جیہڑے زندہ نے تے باقی نے اُوہناں دے نال اِکٹھے آسمان وِچ بدلاں تے چُک لیہئے جان گے تاکہ ہوا وِچ خداوند دا اِستقبال کرن …‘‘ (I تسالونیکیوں 4: 16۔17)۔

کلام پاک دا ایہ حوالہ یسوع دے زمین تے واپس آن دی وضاحت نئیں کردا اے۔ ایہدے بجائے، ایہ سانوں دسدا اے کہ اُو بدلاں وِچ آ رہیا اے، تے سچے مسیحی ’’اُوہناں [جی اُٹھے مُردہ لوکاں] دے نال بدلاں وِچ چُکے جان گے، ہوا وِچ خدا دا اِستقبال کرن دے لئی‘‘ (1 تسالونیکیوں 4: 17)۔ لفظ ’’ریپچر‘‘ دا مطلب اے پھڑ لیہیا جانا‘‘ یا ’’قابو وِچ آنا‘‘۔ جیہڑے لوکی مسیح چہ ایمان لیہیا کے تبدیل ہو گئے نے اُو بدلاں وِچ مسیح دا اِستقبال کرن دے لئی ہوا وِچ چُک لیہئے جان گے۔ ایہ ’’اِک لمحے وِچ، پلک چھپکدے ای‘‘ ہو جائے گا (1 کرنتھیوں 15: 52)۔ ساڈے جسم بدلے جان گے، مسیح دے جی اُٹھے جسم وانگوں، کیوں جے ’’مُردے لافانی جی اُٹھن گے، تے اَسی بدل جان گے‘‘ (1 کرنتھیوں 15: 52)۔

ریپچر دے بعد، دُنیا وِچ اِک خوفناک مصیبت دا ویلہ آئے گا، ’’اُوس ویلے دی مصیبت ایہنی وڈی ہووے گی کہ دُنیا دے شروع توں نہ تے ہُنے تیکر آئی اے تے نہ فیر کدی آئے گی‘‘ (متی 24:21)۔

III۔ تیجی گل، بائبل تعلیم دیہندی اے کہ مسیح ایس زمین تے واپس آئے گا۔

بہوتی وڈی مصیبتاں دے دور دے خاتمے تے، مسیح آپئے آسمان دے بدلاں وِچوں ایس زمین تے واپس آئے گا۔ مہربانی نال مکاشفہ اُنیس باب چودھویں آیت نوں کھولو،

’’تے فیر میں آسمان نوں کُھلیا ہویا ویکھیا تے میہنوں اِک سفید گھوڑا نظر آیا جیہدا سوار با وفا تے برحق کہلاندا اے، اُو صداقت نال اِنصاف کردا تے لڑدا اے۔ اُوہدیاں اَکھاں اَگ دی شعلیاں وانگوں نے تے اُوہدے سر تے بہوتے تاج نے۔ اُوہدی پیشانی تے اُوہدا ناں وی لکھیا ہویا اے تے جِنہوں سوائے اُوہدے ہُور کوئی نئیں جانندا۔ اُو لہو وِچ ڈُبے ہوئے لباس وِچ ملبوس اے تے اُوہدا ناں خدا دا کلمہ اے۔ آسمانی فوجاں جیہڑیاں سفید گھوڑے تے سوار نے سفید تے صاف کتانی لباس پہنے ہوئے اُوہدے پیچھے پیچھے آ رہیاں نے۔ اُوہدے مُنہ وِچوں اِک تیز تلوار نکلدی اے تاکہ اُو اُوہناں قوماں تے چلائے۔ اُو لوہے دے عصا دے نال اُوہناں تے حکومت کرے گا۔ اُو اُوہناں نوں قادرِ مطلق خدا دے قہر دی مے دے حوض وِچ انگوراں وانگوں روند ڈالدا اے۔ اُوہدی پوشاک تے ران تے ایہ ناں لکھیا ہویا اے، بادشاہواں دا بادشاہ، خداونداں دا خدا‘‘ (مکاشفہ 19: 11۔16)۔

ایہ حقیقت وِچ زکریاہ دی پیشن گوئی نوں مکمل کرے گی،

’’تے اُوس دِن اُو کوہِ زیتون تے جیہڑا یروشلم دے مشرق وِچ اے کِھلوتا ہووےگا تے میرا خداوند آئے گا تے سارے مقدس لوکی اُوہدے نال ہون گے‘‘ (زکریاہ 14: 4۔5)۔

جدوں مسیح واپس آسمان تے گیا تے فرشتیاں نے شاگرداں نوں کہیا، ’’ایہو ای یسوع جیہڑا تہاڈے کولوں آسمان وِچ چُکیا گیا اے اینج ای فیر آئے گا جیویں تُسی اُوہنوں آسمان تے جاندے ہوئے ویکھیا اے‘‘ (اعمال 1: 11)۔ مسیح ایس ویلے جسمانی تے حقیقی طور تے ایس زمین تے واپس آ رہیا اے۔

IV۔ چوتھی گل، فیر اِک ہزار وریاں تیکر مسیح ایس زمین تے فیر توں حکمرانی کرے گا۔

مسیح دی واپسی دے بعد، اُو زمین تے اپنی اِک ہزار سالہ بادشاہی قائم کرے گا۔ مہربانی نال اپنی بائبل وِچوں مکاشفہ دے بیسویں باب دی پہلی آیت کھولو،

’’تے فیر میں اِک فرشتے ہوں آسمان توں اُتردے ہوئے ویکھیا، اُوہدے کول اتھاہ گڑھے دی چابی سی تے اُو ہاتھ وِچ اِک زنجیر لئے ہوئے سی۔ اُوہنے اژدھا یعنی پرانے سَپ نوں جیہڑا ابلیس تے شیطان اے پھڑیا تے اُوہنوں اِک ہزار وریاں دے لئی بندھ دِتا تے اتھاہ گڑھے وِچ سُٹ دِتا تے اُوہنوں بند کر کے اُوہنوں مہر لگا دِتی تاکہ قوماں نوں گمراہ نہ کر سکے جدوں تیکر کہ ہزار ورے پورے نہ ہو جان۔ ایہدے بعد اُوہدے کُجھ عرصہ دے بعد کھولیا جانا لازمی اے۔ فیر میں تخت ویکھے جِنہاں تے اُو لوکی بیٹھے ہوئے سن جِنہاں نوں اِنصاف کرن دا اِختیار دِتا گیا سی۔ تے میں اُوہناں لوکاں دی روحاں ویکھیاں جِنہاں دے سر یسوع دی گواہی دین تے خدا دے کلام دی وجہ تو کٹ دِتے گئے سن۔ اُوہناں لوکاں نے نہ تے اُوس حیوان نوں نہ اُوہدی مورت نوں سجدہ کیتا سی، نہ اپنی پیشانی یا ہتھاں تے اُوہدا نشان لگوایا سی۔ اُو زندہ ہو گئے تے اِک ہزار وریاں تیکر یسوع دے نال بادشاہی کردے رئے۔ تے باقی مُردے اِک ہزار ورے پورے ہون تیکر زندہ نہ ہوئے۔ ایہ پہلی قیامت سی۔ مبارک تے مقدس نے اُو لوکی جیہڑے پہلی قیامت وِچ شریک نے۔ اُوہناں تے دوجی موت دا کوئی اِختیار نئیں بلکہ اُو خدا تے مسیح دے کاہن ہون گے تے ہزار وریاں تیکر اُوہدے نال بادشاہی کردے رہن گے‘‘ (مکاشفہ 20: 1۔6)۔

پاک کلام دے ایس حوالے وِچ پنج وری سانوں دسیا گیا اے کہ زمین تے مسیح دی حکومت ’’اِک ہزار وریاں‘‘ تیکر رئے گی۔ اَسی یقین رکھنے آں کہ خدا دا مطلب اُوہی اے جیہڑا اُو کہندا اے، تے ایہ کہ سچے مسیحی ’’اُوہدے نال اِک ہزار ورے حکومت کرن گے‘‘ (مکاشفہ 20: 6)۔ ایہ ہزار وریاں دا دور اے، زمین تے ساڈے نجات دہندہ دی شاندار بادشاہی۔ ایہ اُو ویلہ وی اے جدوں خدا اسرائیل تے یہودی لوکاں دے نال اپنے وعدیاں نوں پورا کردا اے، تے نال ای یسوع تے یقین رکھن آلی غیر قوماں نال وی اپنے وعدے پورا کردا اے۔

V۔ پانچویں گل، بائبل تعلیم دیہندی اے کہ فیر ایہدے بعد اَخیرلی عدالت ہووے گی۔

اپنی بائبل مکاشفہ بیسواں باب اُوہدی گیارھویں آیت دے لئی کھولو،

تے فیر میں اِک وڈھا سفید تخت تے اُوہدے تے اُوہنوں جیہڑا اُوہدے تے بیٹھیا سی ویکھیا۔ زمین تے آسمان اُوہدی حضوری توں نٹھے تے اُوہناں نوں کِدرے وی ٹھکانہ نہ لبھیا۔ تے میں چھوٹے وڈے سارے مُردیاں نوں تخت دے اَگے کِھلوتے ویکھیا۔ فیر کتاباں کھولیاں گئیاں تے اِک ہُور کتاب جِیہدا ناں کتابِ حیات اے، اُو وی کھولی گئی۔ سارے مُردیاں دا اِنصاف اُوہناں دے اعمال دے مطابق کیتا گیا جیہڑے اُوہناں دی کتاباں وِچ درج سن …. تے جیس کسی دا ناں کتابِ حیات وِچ لکھیا ہویا نہ لبھیا اُوہنوں وی اَگ دی جھیل وِچ سُٹ دِتا گیا‘‘ (مکاشفہ 20: 11۔15)۔

دُنیا وِچ سب توں اہم شے ایہ اے کہ تُسی ایس گل نوں یقینی بناؤ کہ تہاڈا ناں ’’کتابِ حیات‘‘ وِچ لکھیا ہویا اے۔

’’جیہڑا ایمان لیہیائے تے بپتسمہ لئے اُو نجات پائے گا لیکن جیہڑا ایمان نہ لیہیائے اُو مجرم قرار دِتا جائے گا‘‘ (مرقس 16: 16)۔

ایس گل نوں یقینی بناؤ کہ تُسی مسیح تے پروہسا کیتا اے۔ یقینی بناؤ کہ تُسی توبہ کر لئی اے تے تہاڈے گناہ یسوع دے لہو نال دُھل گئے نے۔ یسوع تے پروہسا کرو تے گناہ، جہنم تے قبر توں نجات پا جاؤ! یقینی بناؤ کہ تہاڈا ناں ’’کتابِ حیات‘‘ وِچ یسوع مسیح، بخود تے مکمل پروہسا کردیاں ہوئیاں لکھیا گیا اے۔

VI۔ چھٹی گل، تے اَخیرلی، اُو دُنیا جِنہوں اَسی جاننے آں مُک جائے گی تے خداوند اِک نئی زمین تے نیا آسمان بنائے گا۔

مہربانی نال مکاشفہ بیسویں باب دی پہلی آیت کھولو،

’’تے فیر می اِک نیا آسمان تے اِک نئی زمین ویکھی کیوں جے پہلاں آسمان تے پہلی زمین جاندی رئی سی تے کوئی سمندر وی موجود نہ سی‘‘ (مکاشفہ 21: 1)۔

کاش میرے کول ابدی حالت دے بارے وِچ، نئی زمین ت، نئے آسمان دے تحت گل کرن دا بوہتا ویلہ ہوندا۔ میں اَج دی راتی تہانوں صرف ایہنا ای کہہ سکنا آں کہ میہنوں اُمید اے کہ تُسی اُوتھے ای ہوو گے۔ میں دعا منگنا آں کہ تُسی سچے مسیحیاں دے نال ہمیشہ دے لئی کہہ سکو گے،

’’جیہڑا ساڈے نال محبت رکھدا اے تے جِنہے اپنے لہو دے وسیلے توں سانوں ساڈے سارے گناہواں توں مخلصی بخشی‘‘ (مکاشفہ 1: 5)۔

میں اَج دی راتی تہانوں بائبل دی پیشن گوئی دا صرف اِک جائزہ دین دے قابل ہویا آں۔ لیکن میہنوں اُمید اے کہ ایہ تہاڈے لئی اِک نعمت رہیا اے۔ میں اُمید کرنا آں کہ تُسی یسوع مسیح دے کول آؤ گے، جیہڑا خدا دے جی اُٹھیا پُتر اے، تے ایہ کہ تُسی اُوہدے ذریعے نجات پا جاؤ گے۔ فیر اگلے اِتوار نوں گرجا گھر واپس آؤ تے اُوہدے لئی جیو۔ ’’تنہا کیوں رہیا جائے؟ گھر آؤ – گرجا گھر وِچ!‘‘

اے خداوند یسوع، کیہنے ویلے تیکر، کیہنے ویلے تیکر، اَسی خوشی دا گیت گانے آں،
مسیح واپس آ رہیا اے! ہیلیلویاہ! ہیلیلویاہ! آمین۔
ہیلیلویاہ! آمین۔
(’’مسیح واپس رہیا آے Christ Returneth‘‘ شاعر ایچ۔ ایل۔ ٹرنر H. L. Turner، 19 ویں صدی)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔