ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ہُں تیکر زندہ رہن آلا سب توں عظیم سائنسدان آئزک نیوٹن نامی انگریز سی۔ اُو 1642 وِچ پیدا ہویا سی، تاکہ اُوہدی جوانی پیوریٹن دے دور چہ لنگ جائے۔ اُوہدی موت 1727 وچ جان ویزلی دے مسیھ چہ ایمان لیہیا کے تبدیل ہون تے میتھوڈسٹ دے حیاتِ نو دے شروع ہون توں گیارہ وریاں پہلاں ہوئی۔ آئزک نیوٹن توں عظیم سائنسدان کدی وی نئیں گزریا۔ البرٹ آئن سٹائن اُوہناں دے مقابلے چہ اِک سُست تے مسائل نوں گہرائی نال تلاش نہ کر سکنے آلے مفکر سن۔

جدوں نیوٹن 22 وریاں دے سی، تے صرف قلم، کاغذ تے اپنے دماغ دے نال، اُوہناں نے کیلکولس ایجاد کیتا۔ کلیاں ایس کامیابی نے اُوہناں نوں ہُن تیکر دے سب توں عظیم ریاضی داناں وچوں اک بنا دتا ہووے گا۔ تین سو وریاں بعد، ڈاکٹر کیگن نوں ایہہ جانن دے لئی پسینہ وگانہ پیہیا سی کہ نیوٹن نے پہلی وری خود کی سوچیا سی۔ اُو کیلکولس دی خوبصورتی تے حیران ہوئے، تے وریاں بعد اُوہنوں دوجیاں نوں سکھان دا اعزاز حاصل ہویا۔

اُوہناں دی ایجاد کردہ ریاضی دا استعمال کردے ہوئے، آئزک نیوٹن نے کشش ثقل دے قانون تے سیاریاں، چاند، دُمدار ستاریاں تے ساری حرکت پذیر شیواں دی ریاضی دی حرکات دوویں حاصل کیتاں۔ اُوہناں نے ایہہ کام صرف قلم تے کاغذ نال کیتا، سارے حسابات خود اپنے ذہن چہ کڈے۔ اُوہناں دے کول کیلکولیٹر، کمپیوٹر یا انٹرنیٹ کنکشن نئیں سی۔ آئزک نیوٹن نوں آپئے سوچنا پیہیا۔ اُوہناں نے اپنے سائنسی نتائج نوں اپنی کتاب پرنسپیاPrincipia وِچ لکھیا۔

اس کتاب، پرنسپیا دے اِختتام وِچ اُوہناں نے لکھیا:

سورج، سیاریاں تے دُمدار ستاریاں دا ایہہ سب توں خوبصورت نظام، صرف اک ذہین تے طاقتور ہستی دے مشورے تے تسلط توں ای اَگے ودھ سکدا اے … ایہہ ہستی ساریاں شیواں تے حکمرانی کردی اے، دُنیا دی روح دے طور تے نئیں، بلکہ خداوند دے طور تے، تے اُوس دی حکمرانی دی وجہ توں اُوہنوں … خداوند خدائے قادرِ مطلق، یا عالمگیر حکمران کہیا جاندا اے۔ کیوں جے خدا اِک متعلقہ لفظ اے، تے خادماں دے لئی قابلِ احترام ہوندا اے۔ تے خدائی اپنے جسم تے نئی بلکہ خادماں تے خدا دا غلبہ اے۔ انتہائی اعلیٰ مرتبت خدا اِک ابدی، لامحدود، بالکل کامل ہستی اے … تے اُوہدی حقیقی سلطنت توں ایہہ گل سامنے آندی اے کہ حقیقی خدا اِک زندہ، ذہین تے طاقتور ہستی اے۔ تے اُوہدے دوجے کمالات توں، کہ اُو اعلیٰ، یا سب توں کامل اے۔ اُو ابدی تے لامحدود اے، قادرِ مطلق تے عالم اے۔ یعنی اُوہدی مدت ازل توں ابد تیکر اے۔ لامحدودیت توں لامحدودیت تیکر اُوہدی موجودگی؛ اُو ہر شے تے حکومت کردا اے، تے اُو ساریاں شیواں نوں جانندا اے جیہڑیاں کہ ہے نے یا جیہڑیاں کیتیاں جا سکدیاں نے۔

ایہہ قدامت پسند علمِ الہٰیات وانگوں لگدا اے، لیکن ایہہ سر آئزک نیوٹن وَلّوں، ہُن تیکر دی سب توں اہم سائنسی کتاباں وِچوں اِک دے اختتام تے لکھیا گیا سی۔ نیوٹن دے کول آسماناں دا مطالعہ کرن تے خدا تے یقین کرن دی حکمت سی۔

’’آسمان خدا دا جلال ظاہر کردا اے تے فضا اُوہدی دستکاری سکھاندی اے۔ دِن نال دِن گل کردا اے تے رات نوں رات حکمت سِکھاندی اے۔ کوئی کلام یا زبان ایہو جئی نئیں جیس وِچ اُوہناں دی آواز سُنائی نہ دیہندی ہووے۔ اُوہناں دی صدا ساری زمین تے سُنائی دیہندی اے، تے اُوہناں دا کلام دُنیا دی حداں تیکر گیا اے‘‘ (زبور 19: 1۔4)۔

I۔ پہلی گل، آئزک نیوٹن خدا چہ یقین رکھدا سی۔

ڈاکٹر کیگن کئی وریاں توں خدا نوں نئیں منندے سن، لیکن اُوہناں نوں یقین ہو گیا کہ کافریت دا کوئی حقیقی عذر نئیں اے۔ بائبل سانوں دسدی اے:

’’کیوں جے خدا دی ازلی قدرت تے الوہیت جیہڑی اُوہدی اندیکھی صفات نے، دُنیا دی پیدائش دے ویلے توں، اُوہدی بنائی ہوئی شیواں توں، چنگی طرح ظاہر نے، لہٰذا انسان دے کول کوئی عذر نئیں‘‘ (رومیوں 1: 20)۔

کوئی کیویں ستاریاں وَل ویکھ سکدا اے تے خدا تے یقین کرن چہ ناکام ہو سکدا اے؟ فیر وی بہتیرے لوکی اینج ای کردے نے۔ اُوہدی وجہ ایہہ نئیں کہ اُو ذہین نے۔ اُوہناں وِچوں کوئی وی سر آئزک نیوٹن توں بہوتا ذہین نئیں! ایہدی وجہ ایہہ اے کہ اُو خدا یا اُوہدی سچائی نوں تلاش نئیں کرنا چاہندے، تے ایہدے بجائے ’’سچائی نوں نا راستی نال دبائے (لفظی طور تے ’’دباؤ‘‘ یا ’’دبانا‘‘ رکھدے نے‘‘ (رومیوں 1: 18)۔ اَج خدا تے یقین ایس لئی اے کہ اُو اُوہدی سچائی نوں دباؤ وِچ لیہیانا تے دبانا چاہندے نے – تاکہ اپنی حیاتی اُوہدے خلاف بغاوت وِچ لنگہاؤ۔

’’ایس لئی اُو خدا نوں کہندے نے، سانوں تیرے نال کوئی مطلب نئیں؛ اَسی تیری راہواں جانن دے خواہشمند نئیں‘‘ (ایوب 21: 14)۔

اَج ایہناں وِچوں بہتیرے لوکی محسوس کردے نے کہ کلام پاک دی کتاب دے خدا تے یقین کرنا غیر سائنسی اے۔ اُوہناں دا مننا اے کہ سائنس نے بائبل نوں غلط ثابت کیتا اے۔ اُو کہندے نے کہ بحیرۃ احإر نوں تقسیم نئیں کیتا جا سکدا، سورج ساکن نئیں ہو سکدا، کنواری مرد دے بغیر حاملہ نئیں ہو سکدی، تے یسوع مُردیاں وِچوں زندہ نئیں ہو سکدا۔ اخر کو، سائنس دے قوانین ایہو جئی شیواں توں منع کردے ے، اُو کہندے نے۔

جیس شے نوں اُو تسلیم نئیں کرنا چاہندے اُو ایہہ اے کہ جیس خد نے قوانین بنائے نے اُو اُوہناں توں مستثنیٰ ہو سکدا اے۔ سچ اے، اُو اکثر اینج نئیں کردا – ایس لئی مستثنیات مستثنیات نے، تے ایس ای لئی اُوہناں نوں ’’معجزات‘‘ کہیا جاندا اے۔ لیکن خدا جدوں چاہوے اپنے قوانین توں مستثنیٰ ہو سکدا اے۔

ہُن ایہہ سمجھنا ایہنا اوکھا نئیں اے، ہے نا؟ اپنے گھر چہ باپ دے طور تے، ڈاکٹر کیگن اپنے خاندان دے سربراہ نے تے اُوتھے دے قوانین بناندے نے۔ ایہناں وِچوں اِک اصول ایہہ اے کہ اُوہناں دے دو چھوٹے پُتراں نوں جدوں اُو پوڑھیہیاں چڑھدے تے ہیٹاں جاندے نے تے ریلنگ نوں پھڑنا ہوندا اے۔ اُوہناں دے گھر دا ایہو ای دستور اے۔ لیکن جِنہے قاعدہ بنایا اے اُو اُوہنوں بدل سکدا اے۔ کدی کدی، رات گئے، لڑکے سو جاندے نے، تے اُوہناں نوں گود چہ چُک کے سیڑھیاں توں لے جانا پیہندا اے۔ لیکن کی ایہ اصول نئیں اے کہ سیڑھیاں چڑھدے ویلے اُوہناں نوں ریلنگ نوں پھڑنا پیہندا اے؟ ٹھیک اے، آہو، ایہ اینج ای اے – لیکن ایہہ پاپا ای سن جنہاں نے اصول بنایا سی، تے جدوں ضرورت ہووے تے پاپا ایس توں مستثنیِ ہو سکدے نے۔ پاپا مُنڈیاں نوں اِک اِک کر کےسیڑھیاں توں اُوتے لے جا سکدے نے جدوں اُو سوندے نے، تے اُوہناں نوں ریلنگ چھون دی لوڑ نئیں اے۔ ایہہ غلط نئیں اے، ایہہ صرف اصول دا اِستثنا اے۔ تے خدا دے نال وی ایہ اینج ای اے، جِنہے کائنات نوں تخلیق کیتا تے اُوہدے تے حکومت کیتی۔ آخرکار، خدا ای اُو ہستی اے جِنہے قوانین بنائے، تے اُو اُوہناں نوں تبدیل کرن دا حق تے طاقت رکھدا اے۔ بائبل سکھاندی اے کہ خدا نے اپنے پُتر یسوع مسیح نوں پیہجیا، جیہڑا اپنی کنواری ماں مریم توں پیدا ہویا، میرے گناہواں دے لئی سولی تے چڑھایا گیا، تے جیہڑا مُردیاں وِچوں زندہ ہویا تے ہُنے وی جنت وِچ میرے لئی دعا دی شفاعت کرن دے لئی ہمیشہ زندہ اے (عبرانیوں 7: 25)۔

جان ڈبلیو وینہم John W. Wenham لاٹیمر ہاؤس، آکسفورڈ وِچ وارڈن سن جدوں اُوہناں نے مسیح تے بائبل Christ and the Bible تحریر کیتی سی۔ ایہہ کتاب ظاہر کردی اے کہ مسیح نوں پرانے عہدنامے وِچ درج معجزات تے پورا بھروسہ سی۔ وینہم نے کہیا:

حیرت دی گل ایہہ اے کہ نام نہاد ’’دورِ حاضرہ دی ذہن‘‘ دے لئی گھٹ توں گھٹ قابلِ قبول داستاناں اُوہی نے جِنہاں نوں اُو اپنی تمثیلاں دے لئی چُنن نوں سب تو بہوتا پسند کردا سی (جان ڈبلیو وینہم، مسیح تے بائبل Christ and the Bible، گرینڈ ریپڈزGrand Rapids، مائیکMich: بیکر کُتب گھرBaker Book House، 1984، صفحہ 13)۔

گلیسن ایل آرچرGleason L. Archer نے نشاندہی کیتی کہ ’’عہد نامہ قدیم وِچ مسیح دے حوالہ جات دا غور نال جائزہ لین نال ایہہ ناقابلِ تردید طور تے واضح ہو جاندا اے کہ اُوہنے عبرانی بائبل وِچ تاریخ تے سائنس توں متعلق سب توں بہوتا متنازعہ بیانات نوں وی حقیقت دے طور تے قبول کیتا‘‘ (گلیسن ایل آرچر، پی ایچ ڈیGleason L. Archer, Ph.D.، بائبل دی مشکلات دا انسائیکلوپیڈیاEncyclopedia of Bible Difficulties، گرینڈ ریپڈزGrand Rapids، مشی گنMichigan: ژونڈروانZondervan، 1982، صفحہ 21)۔

پرانے عہد نامے دے ریکارڈ وِچ مسیح دا مکمل اعتماد ظاہر کردا اے کہ اُوہدا پکا یقین سی کہ خدا ایس ترتیب وِچ مداخلت کر سکدا اے جِنہے ایہنوں بنایا تے برقرار رکھا۔

ساڈے لاگے تاگے دی سائنسی دُنیا حقیقت وِچ سانوں خدا وَل اشارہ کردی اے، لیکن بُہتیرے لوکی اُوہدے توں مُنہ موڑ لیہندے نے۔ اِک شخص جِنہے ایہہ کیتا اُو پائیری سائمن لاپلیسPierre Simon Laplace نامی سائنسدان سی۔ اُو نیوٹن دے زمانے دے تقریباً اِک سو وریاں بعد فرانس چہ مقیم سی۔ لاپلیس نے ریاضی دی اِک پیچیدہ کتاب لکھی جیہدے چہ آسمان دی حرکات دا تجزیہ کیتا گیا۔ نیوٹن دے برعکس، اُوہنے خدا نوں کوئی کریڈٹ نئیں دِتا۔

اِک دِن لاپلیس دی نپولین بوناپارٹ نال گفتگو ہوئی۔ شہنشاہ نپولین نے لاپلیس وَل اشارہ کیتا کہ اُوہنے اپنا سائنسی نظام خدا دا ذکر کیتے بغیر بنایا اے۔ لاپلیس نے جواب دِتا، ’’جنابِ محترم، میہنوں ایس مفروضے دی کوئی لوڑ نئیں سی!‘‘

لاپلیس نے اُوہی کیتا جیہڑے اُوس ویلے توں لے کے ہُن تیکر بہیرے لوکاں نے کیتا اے۔ اُوہنے تحفہ لیہیا تے دین آلے نوں ٹھکرا دِتا۔ لاپلیس نے کہیا کہ ایہہ خوبصورت، عین مطابق کائنات، اپنی ساری ریاضیاتی طور تے خوبصورت شکاں تے قوانین دے نال، صرف خود، اپنے لئی، اپنے طور تے خدا دے بغیر وجود رکھدی اے۔

میہنوں یقین ہو گیا اے کہ خدا تے یقین کرن تو بہوتا ایس خیال نوں برقرار رکھنا بہوتا مشکل اے! ایہہ یقین کرنا کہ ناقابلِ یقین حد تیکر بہوتی وڈی تے پیچیدہ کائنات، ریاضیاتی کمال دے نال خود تے حکمرانی کردی اے گویا کوئی ذہین خالق اے – لیکن حقیقت وِچ بغیر کسی خالق دے – میرے لئی ناقابلِ یقین قیاس اے۔ ایہہ یقین کرنا کہ ایہہ پیچیدہ کائنات صرف اپنے آپ نال موجود اے تے بغیر کسی خدا دے اپنے آپ نوں مکمل طور تے چلاندی اے، میرے ذہن چہ یقین کرنا مشکل لگدا اے کہ محض اِک خالق دے تصور نوں قبول کرنا اے۔

لہٰذا کیوں پائیری لاپلیس نے خدا وِچ یقین نوں مسترد کر دِتا سی؟ میرا خیال اے کہ ایہدا مسئلہ فکری یا عقلی نئیں اخلاقی سی۔ میہنوں اینج لگدا اے کہ اُو اپنی حیاتی ایس طرح لنگہانا چاہندا سی جیویں خدا دا کوئی وجود ای نئیں۔ اُو خدا دی فرمانبرداری چہ نئیں بلکہ اپنے طریقے نال حیاتی لنگہانا چاہندا سی۔

الڈوس ہکسلےAldous Huxley ایک ملحد سی جسی نے بہتیرے لوکاں دے عقیدے نوں تباہ کیتا تے اِک عظیم دانشور دے طور تے سراہیا گیا، لیکن اپنی حیاتی دے آخیر وِچ ہکسلے نے اعتراف کیتا کہ اُوہدے خیالات بائبل دی اخلاقیات دے رد کرن دی بنیاد تے متعصب سن۔ اُوہنے کہیا، ’’میرے لئی، بے معنویت دا فلسفہ بنیادی طور تے آزادی، جنسیت تے سیاست دا اِک آلہ سی‘‘ (جوش میک ڈویلJosh McDowell میں حوالہ دِتا گیا، ثبوت جیہڑا فیصلے دا تقاضا کردا اے Evidence that Demands a Verdict، سان برنارڈینوSan Bernardino، کیلیفورنیا: ھیئرز لائف اشاعت خانے Here's Life Publishers، 1979، صفحہ 11)۔

’’… اُوہناں نے خدا دی شکرگزاری تے تمجید نہ کیتی جیہدے اُو لائق سن؛ بلکہ اُوہناں دے خیالات فضول ثابت ہوئے تے اُوہناں دے ناسمجھ دِلاں تے انہیرا چھا گیا۔ اُو عقلمند ہون دا دعویٰ کردے سن لیکن بیوقوف نکلے‘‘ (رومیوں 1: 21۔22)۔

لاپلیس نے ایہو ای کیتا سی۔ اُوہنے اپنی فلسفیانہ حیثیت نوں خدا توں دور کرن دے لئی تخلیق کیتا، تے اُو بن گیا جِنہوں بائبل ’’احمق‘‘ کہندی اے۔

ولیم اے ڈیمبسکی William A. Dembski نے پی ایچ ڈی دی ڈگری حاصل کیتی شکاگو یونیورسٹی توں ریاضی وِچ تے شکاگو وِچ یونیورسٹی آف الینوائے توں فلسفہ وِچ پی ایچ ڈی کیتی تھی۔ ڈاکٹر ڈیمبسکی سانوں دسدے نے:

تخلیق چہ خدا دے انکشاف نوں عام طور تے عام وحی کہیا جاندا اے، جدوں کہ نجات وِچ خدا دے الہام نوں عام طور تے خاص وحی کہیا جاندا اے۔ نتیجتاً ماہرینِ الہٰیات بعض اوقات دو کتاباں دے بارے چہ گل کردے نے، کتابِ فطرت، جیہڑی کہ تخلیق وِچ خدا دی بذاتِ خود مکاشفہ اے، تے کتابِ صحیفہ، جیہڑی مخلصی یا نجات وِچ خدا دی بذاتِ خود مکاشفہ اے۔ جے تُسی جاننا چاہندے اُو کہ خدا کون اے، تے تہانوں تخلیق تے مخلصی دوواں دے ذریعے خدا نوں جانن دی لوڑ اے (ولیم اے ڈیمبسکی William A. Dembski، فطین تخلیق: علم الہٰیات تے سائنس دے وِچکار رابطہ Intelligent Design: The Bridge Between Science and Theology، ڈاؤنرز گروو Downers Grove، انٹرورسٹی پریس ایلینائس Illinois: InterVarsity Press، 1999، صفحہ 235)۔

’’احمق نے اپنے دِل چہ کہیا، کوئی خدا نئیں (زبور 53: 1)۔

II۔ دوجی گل، آئزک نیوٹن کدی وی مسیح چہ ایمان لیہیا کے تبدیل نئیں ہوئے سن۔

اگرچہ نیوٹن ذہنی طور تے نعمت یافتہ سی تے خدا دے وجود تے یقین رکھدا سی، لیکن افسوس کہ اُو کدی مسیح چہ ایمان لیہیا کے تبدیل نئیں ہویا۔ نیوٹن اِک ایہو جئے شخص دی اِک دلچسپ مثال اے جیہڑا خدا تے یقین رکھدا اے لیکن مسیحی نئیں اے۔ اُو ڈاکٹر کیگن وانگوں اے جدو خدا اُوہناں دے لئی، اُوہناں دے مسیح چہ ایمان لہیا کے تبدیل ہون تو دو وریاں پہلاں حقیقی ہویا۔ جی ہاں، اُو خدا تے یقین رکھدے سن، لیکن اُو یسوع مسیح نوں ذاتی طور تے نئیں جانندے سن۔

نیوٹن دے موت دے بعد، ایہہ پتہ چلیا کہ اُوہنے 1662 وچ، 20 وریاں دی عمر چہ اک نوجوان دے طور تے پیوریٹنز دے نال ویلہ لنگہایا سی۔ ایہناں پیوریٹنز نے نیوٹن نال اُوہدی روح دے بارے چہ گل کیتی سی تے اُوہنوں تبدیل کرن دی کوشش کیتی سی۔ نیوٹن نے اپنے گناہواں دی فہرست وی لکھی سی تے اپنی نجات دے بارے چہ سوچیا سی۔ ساری حیاتی اُوہنے بائبل دے بارے چہ تجسس برقرار رکھیا۔ لیکن پیوریٹنز دے ال ایس دوران یا دو وریاں وِچ کسی وی ویلے اُوہنے تبدیلی نوں مسترد کر دِتا۔ اگرچہ نیوٹن دے کول ہُنے وی ریاضیاتی صلاحیتاں موجود سن، لیکن اُوہنے اپنی نجات دے بارے چہ پیوریٹنز نال گل نئیں کیتی۔ جدوں کہ اُو خدا تے یقین رکھدا سی، ایہہ ذہانت دا ذہنی تے ریاضیاتی خدا سی نہ کہ کتاب دا تثلیثی خدا۔ اگرچہ اُو اِک خالقِ خدا تے یقین رکھدا سی، نیوٹن نے یسوع مسیح دی خدائی دا انکار کیتا۔ دوجیاں نے نیوٹن دی بے اعتقاد پیروی کیتی، اُوہدی ریاضی دی صلاحیتاں نوں اُوہناں دی حقیقی مسیحیت نوں ٹھکران دے لئی پناہ دے طور تے استعمال کیتا۔

اگرچہ اُو علمی طور تے تہاڈے یا میرے توں کِدرے بوہتا ذہین سی، تے اگرچہ اُو خالق دے وجود تے یقین رکھدا سی، نیوٹن یسوع مسیح دے بغیر مر گیا۔ اپنی ساری خداداد سائنسی صلاحیتاں دے ہوندے ہوئے، اُو نجات دہندہ نوں نئیں جانندا سی۔

کی تُسی اُوہدے وانگوں ہوو گے، اِک حقیقی مسیحی بنن دے لئی بخوبی خود وِچ مطمئن ہون گے؟ یا کی تُہانوں یسوع تے پروہسا کرن نال نجات لبھ جائے گی؟

’’خداوند یسوع مسیح وِچ ایمان لیہا تے توں نجات پا لئے گا‘‘ (اعمال 16: 31)۔

کھوئے ہوئے یا گمراہ شخص دے لئی، خدا دا بے پناہ علم اِک تنبیہ اے۔ بائبل کہندی اے، ’’کیوں جے خدا ہر اِک کام نوں، ہر لُکہی ہوئی گل دے نال، پاویں اُو چنگی ہووے، پاویں بُری ہووے، عدالت وِچ لیہیائے گا‘‘ (واعظ 12: 14)۔ یسوع نے سانوں دسیا، ’’ہر بیکار گل جیہڑی آدمی بولن گے، اُو قیامت دے دِن اُوہدا حساب دین گے‘‘ (متی 12: 36)۔ خدا ہر گناہ نوں جانندا اے، تے ہر اِک لفظ جیہڑا تُسی کہندے اُو۔ اُو اپنی کتاباں وِچ اُوہناں دا کامل تے قطعی ریکارڈ رکھدا اے: ’’تے میں چھوٹے تے وڈے مُردیاں نوں خدا دے سامنے کِھلوتا ویکھیا؛ تے کتاباں کھولیاں گئیاں؛ تے اِک ہُور کتاب وی کھولی گئی، جیہڑی حیات دی کتاب اے: تے مُردیاں دا فیصلہ اُوہناں شیواں دے مطابق کیتا گیا جیہڑیاں کتاباں وِچ اُوہناں دے کاماں دے مطابق لکھیاں گئیاں سن۔‘‘ (مکاشفہ 20: 12)۔ خُدا تہاڈا صحیح تے قطعی طور تے فیصلہ کرے گا، جدوں تیکر کہ اُو گناہ یسوع دے لہو نال دُھل نہ جان (مکاشفہ 1: 5؛ 1 یوحنا 1: 7)۔

ایس لئی اَسی تہانوں کہنے آں – ’’یسوع دے کول آؤ تے نجات پاؤ۔‘‘ ایس لئی اَسی تہانوں کہنے آں، ’’اکلیاں کیوں رہیا جائے؟ گھر آؤ – گرجا گھر وِچ‘‘ اگلے اِتوار نوں! تے یقینی بناؤ کہ تُسی یسوع مسیح دے کول آندے اُو۔ اُو سولی تے تہاڈے گناہواں دی ادائیگی دے لئی مریا۔ اُو مُردیاں وِچوں جی اُٹھیا اے۔ اُو ہُن آسمان وِچ خدا دے سجّے ہتھ تے اے۔ صرف یسوع ای اے جیہڑا تہاڈے گناہواں نوں اپنے لہو نال دھو سکدا اے – تے تہاڈی روح نوں ہمیشہ ہمیشہ دے لئی نجات دِلا سکدا اے! اُوہدے کول آؤ!

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔