گھڑی ساز خدا | The Watchmaker God

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایک ملحد دے کول خدا نوں نہ مانن دا کوئی عذر نئیں اے۔ مُلحد ستاریاں نوں ویکھ سکدا اے، تے کائنات نوں اُوہدی تمام تر شان و شوکت تے درستگی وِچ ویکھ سکدا اے۔ جے اُوہدے ضمیر وِچ حیاتی دی کوئی چنگاری باقی اے، تے اُو اپنے آپ نوں پوچھ سکدا اے، ’’ایہنی وسیع کائنات، ایس قدر درست حالت وِچ، خالق خدا دے بغیر کیویں ہو سکدی اے؟‘‘

تُسی نوجواناں نوں سیکولر ہائی سکول یا کالج وِچ تہاڈے پروفیسراں نے غلیظ جھوٹ بے اِنتہا تعداد وِچ ٹھونسے نے۔ اُوہناں نے تہانوں دسیا اے کہ خدا دے وجود دا کوئی ثبوت نئیں اے۔ میں کہنا آں کہ اُو غلط نے! آسماناں تے موجود ستارے ظاہر کردے نے کہ خدا موجود اے!

I۔ سب توں پہلاں، میں چاہنا آں کہ تُسی خدا دے وجود دے لئی ولیم پیلے دی دلیل دے بارے وِچ سوچو۔

ولیم پیلےWillaim Paley 1743 توں لے کے 1805 زندہ رہیا۔ اُو کیمبرج یونیورسٹی وِچ ریاضی دی تعلیم حاصل کرن دے لئی داخل ہویا، تے الہٰیات دا مطالعہ کرنا شروع کیتا۔ بعد وِچ کیمبرج چہ پڑھایا۔ اُوہناں دی تین وڈی کتاباں وِچ فلسفے دے اخلاقی تے سیاسی اصولThe Principles of Moral and Political Philosophy (1785)، مسیحیت دے شواہد دا اِک نظریہ A View of the Evidences of Christianity (1794)، تے قدرتی علمِ الہٰیات Natural Theology؛ یا خدائی دے وجود تے صفات دے ثبوت Evidences of the Existence and Attributes of Deity (1802) شامل نے۔

ڈاکٹر نارمن ایل گیسلر Dr. Norman L. Geisler، ساڈے سب توں وڈے زندہ مسیحی حمایتی، خدا دے وجود دے لئی پیلے دی بنیادی دلیل دا ایہ خلاصہ پیش کردے نے:

پیلے نے ’’ٹیلیولوجیکل دلیل Teleological argument‘‘ نوں پیش کیتا جیہڑی معیاری تشکیل بن چکی اے۔ ایہ گھڑی دی مشابہت تے مبنی اے: جے [کسی نوں] خالی میدان وِچ گھڑی لبھدی اے، تے [اُو] بجا طور تے ایہ نتیجہ اخذ کرے گا کہ اُوہدے واضح ڈیزائن دی وجہ توں اُوہدا بنان آلا موجود اے۔ اینج، جدوں [کوئی] دینا دے ایہدے توں وی بوہتے پیچیدہ ڈیزائن نوں ویکھدا اے جیہدے وِچ اَسی رہنے آں، تے [اُو] ماسوائے ایہدے کہ ایہدے پیچھے اِک عظیم ڈیزائنر اے تے کوئی دوجا نتیجہ اخذ کر ای نئیں سکدا (نارمن ایل گیسلر، پی ایچ ڈی، مسیحی حمایتیاں دا بیکر انسائیکلوپیڈیا Baker Encyclopedia of Christian Apologetics، بیکر کُتبBaker Books، 1999، صفحہ 574)۔

ڈاکٹر گیسلر دسدے نے کہ ڈارون وی ’’1831 دے اَخیر تیکر‘‘ پیلے دے شواہد توں بہوتے متاثر ہوئے سن۔ گیسلر اَگے کہندے نے، ’’حال ای وِچ پیلے دی فکر انسانی اصول دی [سائنسی] ترقی دے ذریعے اِک حیات نو دا موضوع رئی اے‘‘ (ibid.، صفحہ 575)۔

ایہدے بارے وِچ سوچو۔ فرض کرو کہ تُسی چن تے اُترن آلے پہلے انسان سی۔ جدوں تُسی اپنے خلائی جہاز وِچوں نکلے تے تُسی ہیٹاں ویکھیا تے اُوتھے اِک گھڑی پیہئی ہوئی ویکھی۔ تہانوں ایس نتیجے تے پہنچنا پیہئے گا کہ تہاڈے آن توں پہلاں اِک ذہین وجود موجود سی۔ ہُن اپنے اِردگرد پتھراں ،جانوراں تے پودیاں نوں ویکھو۔ ستاریاں تے کائنات نوں ویکھو، کامل درستگی وِچ گھوم رئے نے – اِک گھڑی وانگوں۔ تہانوں ایہ نتیجہ اخذ کرنا چائیدا اے کہ تہاڈے توں پہلاں اِک عظیم تے ذہین ہستی ایتھے موجود سی۔ ایہ اے ولیم پیلے دی خدا دے وجود دے لئی دلیل – خالق!

’’آسمان خدا دا جلال ظاہر کردا اے تے فضا اُوہدی دستکاری وکھاندی اے‘‘ (زبور 19: 1)۔

’’دِن نال دِن گل کردا اے تے رات نوں رات حکمت سکھاندی اے۔ کوئی کلام یا زبان ایہو جئی نئیں اے جیس وِچ ایہناں دی آواز نہ سُنائی دیتی ہووے‘‘ (زبور 19: 2۔3)۔

ایہناں آیتاں تے تبصرہ کردے ہوئیاں، ڈاکٹر چارلس رائرئ کہندے نے، ’’داؤد قدرتی مکاشفہ وِچ خدا دے جلال تے غور کردا اے … دن رات تخلیق شُدہ کائنات خالق دے جلال دے لئی اپنی خاموش لیکن فصیح ہم آہنگی نوں نشر کردی اے‘‘ (رائیری دا مطالعہ بائبل The Ryrie Study Bible، زبور 19: 1-2 تے غور طلب گل)۔

تہاڈے مُلحد کالج دے پروفیسر تہانوں دس سکدے نے کہ فلسفی امینوئل کانٹ (1724-1804) نے ثابت کیتا کہ ولیم پیلے دی دلیل غلط سی، لیکن ڈاکٹر نارمن گیسلر دسدے نے کہ ’’کانٹ نے نہ تے خدا دے بارے چہ کوئی تردید پیش کیتی تے نہ ای [پیلے دی دلیل نوں مکمل طور تے نظر انداز کرن دا مشورہ دِتا۔ کانٹ نے ایہ نتیجہ اخذ کیتا کہ ٹیلیولوجیکل دلیل، حالانکہ حتمی نئیں، لیکن قدر رکھدی دی اے … اِک انتہائی ممکنہ لیکن قطعی طور تے [خدا دے لئی] یقینی دلیل نئیں اے‘‘ (گیسلر، op. cit.، صفحات 720۔721)۔

وھیٹن کالج Wheaton College دے مرحوم پروفیسر ڈاکٹر ھنری سی تھائیسن Henry C. Thiessen نے نشاندہی کیتی کہ پیلے Paley دی دلیل نوں خدا دے وجود دے بہتیرے دلائل وِچوں اِک دے طور تے ویکھیا جانا چائیدا اے، بشمول کائناتی دلیل، اخلاقی دلیل، تے مناسبتی تسلیمیت congruity توں تعلق رکھدے ہویاں دلیل (حوالہ ویکھو (ھنری سی تھائیسن، پی ایچ ڈی، سسٹمیٹک تھیولوجی تے تعارفی لیکچرز Introductory Lectures on Systematic Theology، عئیرڈمینز، 1949، صفحہ 57)۔ ڈاکٹر ہنری ایم مورس نے اپنی کتاب، سائنس اینڈ دی بائبلScience and the Bible (شکاگو: موڈی پریس، 1986، صفحہ 117۔128) وِچ خدا دے اِک ہُور ثبوت دے طور تے پورا باب پورا ہون آلی پیشن گوئی دے لئی وقف کیتا اے۔ تے ڈاکٹر تھائیسن نے کہیا:

ثبوت [خدا دے لئی] جمع اے، خدا دے وجود دے ناکافی ہون دی اِک واحد دلیل اے، لیکن ایہناں وِچوں کئی اِکہو نال ضمیر نوں بانہھن تے عقیدے نوں مجبور کرن دے لئی کافی نے (ibid.)۔

ولیم پیلے دی دلیل، ڈیزائن توں، ایس تناظر وِچ، خدا دے وجود دا سب توں وڈا اشارہ اے۔

’’آسمان خدا دا جلال ظاہر کردا اے تے فضا اُوہدی دستکاری وکھاندی اے‘‘ (زبور 19: 1)۔

II۔ دوجی گل، کائنات دے قوانین بالکل درست نے – درستگی خدا دی وفاداری نوں ظاہر کردی اے۔

خدا دے سائنسی قوانین انتہائی درست نے۔ ہر ایٹم، ہر چٹان، ہر جانور، تے کائنات دے اندر موجود ہر فرد تے لازم اے کہ اُو نِکّی توں نِکّی تفصیل تیکر ایہناں قوانیں دی پابندی کرے۔ صرف خدا دے کول، جِنہے پہلاں قوانین بنائے، اُوہناں نوں معجزات دے ذریعے تبدیل کرن دی آزادی اے۔

سائنس دان جِنہی بوہتی تحقیق کرن گے، اُوہناں ای واضح ہو جائے گا کہ خدا قطعی اے۔ اُو بالکل جانندا اے کہ اُو کی کر رہیا اے۔ ایتھوں تیکر کہ نام نہاد ’’نظریہ اضافیت‘‘ِ جیس دا تصور البرٹ آئن سٹائین نے کیتا سی، اِک درست تے قطعی بنیاد تے بنایا گیا اے: خلا وِچ روشنی دی رفتار ہمیشہ مستقل رہندی اے۔ اَج اَسی جاننے آں کہ خلا وِچ روشنی دی رفتار 299,792,458 کلومیٹر فی سیکنڈ اے۔ حقیقت ایہ اے کہ ایہ تعداد ایہنی درستگی نال معلوم ہوندی اے کہ خدا ہوشیار تے درست اے تے بے پناہ ذہانت دا مالک اے۔

یہ مثال لے لیجئے۔ فروری 1504 وِچ کرسٹوفر کولمبس تے اُوہدے آدمی اِک جزیرے تے بھُک نال مر رئے سن۔ اُوس جزیرے تے ہندوستانیاں نے اُوہناں نوں مذید کھانا دین توں انکار کر دِتا۔ لیکن کولمبس دے کول اِک کتاب سی جیہدے وِچ سورج تے چن دی حرکات درج سن۔ کتاب وِچ 29 فروری 1504 نوں چن گرہن درج سی۔ کولمبس نے ہندوستانیاں نوں خبردار کیتا کہ ایس راتی چن مٹ جائے گا۔ ہندوستانی ہنس پیہئے لیکن جدوں چن گرہن ہویا، جیویں کہ کولمبس نے پیشن گوئی کیتی سی، ہندوستانی خوف نال کنب گئے تے کولمبس تے اُوہدے بندیاں دے لئی کھانا لے آئے۔

کرسٹوفر کولمبس نے کوئی معجزہ نئیں کیتا سی۔ اُو صرف فلکیات نوں سمجھدا سی۔ ایہ خدا، واضح کرن آلا، قانوں دین آلا خدا سی، جِنہے آسماناں نوں تخلیق کیتا سی تے اُوہناں دی درست حرکات نوں ترتیب دِتا سی۔ ایہ قادرِ مطلق خدا ای سی جِنہے کولمبس دی فلکیات دی کتاب نوں ستاریاں تے حکومت کرن آلے اپنے قوانیں دے ذریعے ممکن بنایا سی!

’’آسمان خدا دا جلال ظاہر کردا اے تے فضا اُوہدی دستکاری وکھاندی اے‘‘ (زبور 19: 1)۔

پولوس رسول نے اینج دا بیان دِتا جیہڑا زبور 19: 1 وچ ملدا اے۔ اُوہناں نے لکھیا:

’’کیوں جے خُدا دی ازلی قدرت تے الوہیت جیہڑی اُوہدی اندیکھی صفتاں نے دُنیا دی پیدائش دے ویلے توں اُوہدی بنائی ہوئی شیواں نال چنگی طرح ظاہر اے۔ لہٰذا انسان دے کول کوئی عزر نئیں‘‘ (رومیوں 1: 20)۔

ایتھوں تیکر کہ ساڈی شاندار، عین کائنات وچ اِک خالق دے سارے ثبوتاں دے باوجود – ایویں کیوں اے کہ لوکی خدا تے یقین نئیں رکھدے؟ بائبل سانوں جواب دیندی اے:

’’ایس لئی اُو خدا نوں کہندے نے، ساڈے توں دور ہو جا۔ کیوں جے اسی تیریاں راہواں دی پہچان نئیں چاہندے‘‘ (ایوب 21: 14)۔

شریر لوکاں نے خُدا تے اُوہدے پُتر یسوع مسیح نوں مسترد کر دِتا اے۔ بائبل کہندی اے:

’’اگرچہ اُو خُدا دے بارے وچ جانندے سی لیکن اُوہناں نے اُوہدی تمجید تے شکرگزاری نہ کیتی جیہدے اُو لائق سی۔ بلکہ اُوہناں دے خیال فضول ثابت ہوئے تے اُوہناں دے ناسمجھ دلاں تے انھیرا چھا گیا۔ اُو عقلمند ہون دا دعویٰ کردے سی لیکن بیوقوف نکلے‘‘ (رومیوں 1: 21۔22)۔

ایہہ پرانی دُنیا تُسی نوجواناں لئی اِک تاریک تے کَلّی تھاں بن گئی اے۔ پرانی نسل، تہاڈے ماں پیو دی نسل، نے زیادہ تر حصے لئی خُدا نوں اپنیاں حیاتیاں توں باہر دھکیل دِتا۔ ایہی وجہ اے کہ تُسی اکثر کَلّے رہندے اُو۔ خُدا دے بغیر ایس دنیا وچ تنہائی اے۔ خُدا دے بغیر دُنیا وچ کوئی اُمید نئیں اے۔ لیکن اسی تہانوں کہنے آں کہ کَلّے کیوں رہئیے؟ گھر آؤ – گرجا گھر!

ہور اِک گل۔ ایس عبادت دے شروع چہ تُسی اِک ویڈیو ٹیپ شدہ انٹرویو ویکھیا جیہڑا میں مرحوم ڈاکٹر ڈبلیو اے کرسویل دے نال 1981 وچ کیتا سی۔ ڈاکٹر کرسویل دا انتقال اِک ہفتہ پہلاں [2002 وچ] ہویا سی۔ اُو 57 ورے تیکر ٹیکساس دے ڈلاس دے فرسٹ بپٹسٹ چرچ دے پادری سن تے اِک عظیم مبلغ سن۔ ڈاکٹر کرسویل نے ایس انٹرویو وچ جو کہیا اُو سچ سی۔ اِک سوچن آلا بندہ اوہدی تخلیق نوں ویکھ کے ایہہ سمجھ سکدا اے کہ اِک خُدا اے۔ لیکن تُسی صحیفیاں دے بغیر کدی وی خُدا نوں ذاتی طور تے نئیں جان سکدے۔ بائبل سانوں دسدی اے کہ یسوع مسیح اِک کنواری توں پیدا ہویا سی، کہ اُو تہاڈے گناہواں دا کفارہ ادا کرن لئی صلیب تے مر گیا، کہ اُو جسمانی طور تے مُردیاں وچوں جی اُٹھیا، تے ایہہ کہ اُو خُدا دے سجے پاسے جنت وچ زندہ اے۔ تے بائبل سانوں دسدی اے کہ نجات پان لئی کی کرنا چائیدا اے۔ ایہہ کہندی اے:

’’خداوند یسوع مسیح تے ایمان لہیا تے تُو نجات پائے گا‘‘ (اعمال 16: 31)۔

ایویں کیوں نئیں کردے؟ کیوں نہ اپنا پورا ایمان تے پرہوسا یسوع مسیح وچ رکھو؟ اگلے اتوار نوں ایتھے گرجا گھر واپس کیوں نئیں آندے؟ کلیاں کیوں رہوو؟ گھر آؤو – یسوع مسیح دے کول – تے ایس گرجہ گھر وچ – اگلے اتوار نوں!

خداوند دی ثنا کرو! اے آسمانو، اُوہنوں سجدہ کرو۔
اُوہدی ثنا کرو، عالمِ بالا تے فرشتو۔
سورج تے چن، اُوہدے سامنے خوشی مناؤ،
اے نور دے سارے ستاروں، اُوہدی ثنا کرو۔
خداوند دی ثنا کرو! کیوں جے اُوہنے کہیا اے۔
دُنیاواں نے اُوہدی زبردست آواز دی اطاعت کیتی۔
ایہو جئے قوانین جیہڑے کدی وی نئیں ٹوٹن گے۔
اُوہناں دی رہنمائی دے لئی اُوہنے بنائے نے۔

خداوند دی ثنا کرو! کیوں جے اُو جلالی اے،
اُوہدی وعدہ خلافی کدی وی نئیں ہووے گی،
خدا نے اپنے مقدساں نوں فاتح کیتا،
گناہ تے موت غالب نئیں ہون گے۔
ساڈی نجات دے خداوند دی ثنا کرو!
عالمِ بالا تے میزبان، اُوہدی طاقت دا اعلان نے؛
آسمان، زمین تے ساریاں مخلوقات،
اُوہدے ناں دی تعریف تے وڈھیائی کرو۔

عبادت، عزت، شان، برکت،
اے خدوند، اَسی تیہنوں پیش کرنے آں۔
جوان تے وڈھیرے، تیری ثنا دا اِظہار کردے نے،
خوشی نال خراجِ عقیدت وِچ سربسجود ہوندے نے۔
جنت دے سارے مقدسین تیرے نال انتہائی محبت کردے نے۔
اسی تیرے تخت دے سامنے جھکاں گے
جیویں کہ تیرے فرشتے تیری خدمت کردے نے،
تے زمین تے تیری مرضی پوری ہووے۔
(’’خداوند دی ثنا کرو! اے آسمانو، اُوہنوں سجدہ کرو Praise the Lord! Ye Heavens, Adore Him‘‘ شاعر ایڈورڈ اُوسلر Edward Osler، 1798۔1863)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔