ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

جے تہانوں لگدا اے کہ تُسی نجات پا چکے اُو تے ایہہ کتاب تہاڈے لئی اِک تنبیہ دے طور تے اے۔ میہنوں یقین ہو گیا اے کہ بُہتیرے لوکی جیہڑے ایہہ سوچدے نے کہ اُو مسیح وِچ ایمان لیہیا کے تبدیل ہو گئے نے حقیقت وِچ کھو چکے یا گمراہ ہو چکے نے۔ میہنوں یقین اے کہ جدوں ریپچر [مسیح دی آمد تے ایمانداراں دا اُوہدے استقبال دے لئی آسمان وِچ بدلاں تے چُک لیہیا جانا] ہووے گا تے اُو پیچھے چھڈ دِتے جان گے۔ ’’ریپچر‘‘ توں مُراد اُو ویلہ اے جدوں یسوع آسمان وِچ آندا اے تے سچے مسیحی اچانک اُوہنوں مِلن دے لئی ہوا وِچ چُک لئے جاندے نے (حوالہ ویکھو I۔ کرنتھیوں 15: 52-54؛ 1 تسالونیکیوں 4: 14-18)۔

یسوع دے نا اِک ہُور وسعت وِچ پھڑیا جانا بوہتا چنگا ہووے گا – جنت وِچ! لیکن بُہتیرے لوکی جیہڑے ریپچر دی توقع رکھدے نے بائبل دے مطابق، زمین تے آن آلی ہولناکیاں دا سامنا کرن دے لئی پیچھے چھڈ دِتے جان گے۔ خداوند کہندا اے کہ جیہڑے لوکی پیچھے چھڈ دِتے جان گے اُوہناں تے اذیت تے عذاب آن گے:

’’مگر اے زمین تے سمندر وِچ رہن آلیو، تہاڈے تے افسوس! ایس لئی کہ ابلیس نیچے تہاڈے کول گرا دِتا گیا اے، اُو قہر نال بھریا ہویا اے، کیوں جے اُو جانندا اے کہ اُوہدی حیاتی دا خاتمہ چھیتی ای ختم ہون آلا اے‘‘ (مکاشفہ 12: 12)۔

ہزارہا لوکی جیہڑے سوچدے نے کہ اُو نجات پا گئے نے تیار نئیں ہون گے۔ اُو ریپچر وِچ نئیں چکے جان گے۔ اُوہناں نوں زمین تے شیطان وَلوں خوفناک ظلم و ستم دے سلسلے وِچ عذاب سہن دے لئی پیچھے چھڈ دِتا جائے گا۔

تُسی نئیں جانندے آقا [گھر دا مالک] کدوں آ جائے گا

یسوع نے اِک عظیم تمثیل پیش کیتی، سچائی توں بھرپور اِک مثال، تہانوں خبردار کرن دے لئی کہ ریپچر توں محروم نہ ہوو۔ اُوہنے کہیا:

’’ایہہ اُوس آدمی وانگوں اے جیہڑا پردیس جاندا اے تے چلدے ویلے اپنا گھر اپنے نوکراں دے اِختیار وِث دے کے ہر اِک نوں اُوہدی ذمہ داری دس دیہندا اے۔ نال ای اُو اپنے چوکیدار نوں حکم دیہندا اے کہ اُو بہوتا چوکس رہوے۔ پس جاگدے رہوو کیوں جے تُسی نئیں جانندے کہ گھر دا مالک کدوں آئے گا، شام نوں یا اَدھی رات نوں یا جدوں مُرغ بانگ دیہندا اے یا سویر نوں۔ کِدرے اینج نہ ہووے کہ اُو اچانک آ جائے تے تہانوں سوندا ہویا پائے۔ میں جیہڑا کُج تہانوں کہنا آں اُو ای ساریاں نوں کہنا آں کہ جاگدے رہوو‘‘ (مرقس13: 34۔37)۔

ڈاکٹر جیمز او کومبسDr. James O. Combs، بپٹسٹ بائبل ٹریبیون Baptist Bible Tribune دے سابق ایڈیٹر، تے ٹِم لا ہائے دا پیشنگوئی تے بائبل دا مطالعہ Tim LaHaye Prophecy Study Bible دے ایسوسی ایٹ ایڈیٹر نے، سانوں دسدے نے کہ مرقس 13: 23-37 ریپچر وَل حوالہ دیہندا اے۔ اُو کہندے نے:

صرف مرقس 13: 23-37 وِچ پائی جان آلی تمثیل … پہلی صدی توں لے کے ہُن تیکر نئے عہد نامے دے تمام مومنین دے حکمی متوقع رویہ دا صرف حوالہ دے سکدی اے، جِنہاں نوں تاکید کیتی گئی اے کہ ’’ایس لئی تُسی ہوشیار رہوو: کیوں جے تُسی نئیں جانندے کہ کدوں گھر دا مالک (یسوع) آ جائے، شام نوں، یا آدھی رات نوں، یا مرغ دے بانگ دے ویلے، سویر دے ویلے، اینج نہ ہووے کہ اُو اچانک آ کے تہانوں سوندا ہویا پائے … ایہہ غیر قوماں دے نال نال یہودی ایمانداراں توں وی تعلق رکھدا اے، کیوں جے مرقس نے خاص طور تے رومیوں دے لئی لکھیا، جیہڑے یہودی فکر دے بارے وِچ بوہتا گھٹ جانندے ہون گے (جیمز او کومبس James O. Combs، زیتون [دے باغ] دی گفتگو وِچ مسیح دی واپسی دے بارے وِچ کُج مشاہدات Some Observations About the Return of Christ in the Olivet Discourse)۔

ڈٓاکٹر کومبس کہندے نے کہ ریپچر کسی وی ویلے رونما ہو سکدا اے، تے مسیح نے سانوں ایس حوالے وِچ اِک تنبیہ پیش کیتی۔ جے تُسی ’’سو رئے اُو‘‘ تے تُسی پیچھے چھڈ دِتے جاؤ گے! ’’اینج نہ ہووے کہ اچانک آ کے اُو [گھر دا مالک] تہانوں سوندے ہوئے پائے‘‘ (مرقس 13: 36)۔ سون دی ایس حالت دا مطلب ایہہ اے کہ تُسی مذہبی اُو لیکن کھوئے ہوئے اُو۔ تُسی صحیح معنیاں وِچ مسیح چہ ایمان لیہیا کے تبدیل نئیں ہوئے اُو۔ ایس لئی جدوں یسوع آسمان تے واپس آئے گا تے تُسی ریپچر وِث نئیں ہوو گے۔ ایس دے بجائے، تہانوں پِیچھے چھڈ دِتا جائے گا۔

ڈاکٹر جیمز بنی Dr. James Binney، مور ہیڈ دی جاگیر Moorehead Manor دے ڈائریکٹر تے دِل دے معاملات دے جریدے Issues of the Heart Journal دے ایڈیٹر نے، اِک مضمون وِچ بعنوان، ’’کی گرجا گھر دے اراکین جہنم وِچ جا سکتے نے؟‘‘، ایہ کہیا:

جدوں میں پہلی وری اِک مسیحی بنا، میں فرض کر لیہیا کہ گرجا گھر جان آلے سارے لوکی گرجا گھر دا رُکن بنن دے بعد خود بخود جنت وِچ تیز رفتار راہ دے لئی اہل ہو گئے نے۔ ایہہ [اُوہناں نوں] کہیا گیا سی۔ اُوس ویلے میں اِک پادری سی، میہنوں ایس مسئلے تے دوبارہ غور کرنا پیہیا۔

میں بہتیرے ایہو جئے لیڈراں دا سامنا کیتا اے جِنہاں نے اپنے ایمان تے شک کیتا، دوجے جیہڑے واضح طور تے ایہہ نئیں دس سکے کہ اُوہناں نے کینج نجات پائی۔ تے ایتھوں تیکر کہ ہور دوجے لوکی وی جِنہاں نے صاف صاف اعتراف کیتا کہ اُوہناں نے کدی وی نجات نئیں پائی سی۔ تصور کرو کہ اِک شہر وِچ 20 پادری اپنی گمراہ یا کھوئی ہوئی حالت دا اعتراف کر رئے نے! ایہہ اُوس ویلے ہویا جدوں جارج وائٹ فیلڈ بوسٹن وِچ تبلیغ کر رئے سن۔ ڈاکٹر باب جونز، سینئر نے کہیا، ’’میں اپنی تقریباً ساری حیاتی مذہبی خدام دے نال رفاقت وِچ گزاری اے۔ کوئی وی تہانوں ایہہ نئیں دسے گا کہ امریکہ وِچ ہر مبلغ اِک نجات یافتہ آدمی اے۔ (ڈاکٹر جم بنی Dr. Jim Binney، دِل دے معاملاتIssues of the Heart، موسمِ خزاں 2000، صفحہ 2)۔

ڈاکٹر بنی دا خیال اے کہ اِج بہتیرے مبلغین گمراہ ہو چکے نے۔ اُو اپنے مؤقف دی تائید دے لئی گرجا گھر دے کئی معروف رہنماؤں دا حوالہ دیندے نے:

امریکہ دی بنیادی بیپٹسٹ رفاقتFundamental Baptist Fellowship دے صدر ڈاکٹر راڈ بیلDr. Rod Bell دا اندازہ ہے کہ 50% گرجا گھر دے لوکی مسیح دے بغیر نے۔ ایس دا تخمینہ باب جونز سینئر دے نال متفق اے … 1940 دی دہائی وِچ اُوہناں نے وی تخمینہ 50 % مقرر کیتا سی۔ ڈاکٹر بی آر لکن Dr. B. R. Lakin نے اندازہ لگایا کہ 75 % گمراہ ہو چکے نے۔ ڈبلیو اے کرسویل W. A. Criswell اپنے گرجا گھر دے 25 % ارکان نوں جنت وِچ ویکھ کے حیران رہ جان گے۔ ڈاکٹر باب گرے، جیکسن ویل، فلوریڈا دے ممتاز تثلیثی بپٹسٹ گرجا گھر دے دیرینہ پادری صاحب نے اِک وری کہیا سی کہ غالباً ایہناں وِچوں 75 % جِنہاں نوں اُوہناں نےبپتسمہ دِتا سی، اُوہناں نے [مسیح چہ ایمان نہ لیہیا کے] نجات نئیں پائی سی۔ بلی گراہم نے اعداد و شمار نوں 85 % جدوں کہ اے ڈبلیو ٹوزر A. W. Tozer تے مغربی بپٹسٹ کنسلٹنٹ Southern Baptist Consultant جم ایلیف نےایہنوں 90 % تیکر ودھا دِتا۔ ایہہ یقینی طور تے چونکا دین آلے اعداد و شمار نے، لیکن حیران کُں نئیں … ایہو جئے بُہتیرے گمراہ لوکی انجیلی بشارت دے طریقیاں دے ذریعے گرجا گھر دے کردار وِچ اپنا راستہ تلاش کردے نے جیہڑے کہ مکمل توں گھٹ نے … ہزارہا گرجا گھراں دی عمارتاں تے لاکھاں دی تعداد دے نال ساحل توں ساحل تیکر مسیحیت تے فخر کرن آلے ملک وِچ اراکین دے لئی مسئلے دی گہرائی دا ادراک کرنا مشکل اے … ایس وجہ توں کہ بہتیرے لوکی جیہڑے سمجھدے نے کہ اُو نجات پا گئے نے درحقیقت گمراہ ہو گئے نے، نجات دے ذرائع دے بارے وِچ غلط فہمی دا سراغ لگانا اے۔ بہتیرے مذہبی لوکی بعض بیرونی معیارات دی وجہ توں ایہہ مانن وِچ گمراہ ہو جاندے نے کہ اُو حقیقی مسیحی نے۔ نجات دے ویلے اُوہناں دی دعا دی ایہو ای صورت ہو سکدی اے۔ ایس وِچ جذبات تے انحصار، عوامی جلسے وِچ اَگے ودھنا، یا نجات دے ذرائع دے بارے وِچ کسی دی توقعات تے پورا اُترنا وی شامل ہو سکدا اے۔ بائبل نجات دے لئی غلط شیواں تے انحصار دے خلاف خبردار کردی اے (ڈاکٹر جم بنی Dr. Jim Binney، دِل دے معاملاتIssues of the Heart، موسمِ خزاں 2000، صفحہ 4)

میں قومی سطح تے اُوس مشہور بائبل دی اُستاد تے مشیر دا حوالہ دِتا اے کیوں جے اُوہناں نے مسئلے نوں بہوتا واضح کر دِتا اے۔ جدوں اِک سرکردہ انجیلی بشارت آلا جیویں کہ ڈاکٹر اے ڈبلیو ٹوزر A. W. Tozer ایہہ سوچدے نے کہ ساڈے گرجا گھراں دے 90 % ارکان گمراہ ہو چکے نے، تے اَسی مصیبت وِچ آں! ایتھوں تیکر کہ بلی گراہم دا وی حوالہ دِتا گیا اے کہ ساڈے گرجا گھر دے 85 % ارکان گمراہ ہو چکے نے! ایہہ خوفناک اعداد و شمار نے۔

جے اُو صحیح ہون دے قریب کِدرے وی آندے نے تے تہانوں پریشانی ہو سکدی اے۔

ایس زمانے دا خاتمہ

یسوع نے ایہہ تنبیہ کیتی سی:

’’جیویں کہ نوح دے زمانے وِچ ہویا سی اونج ای ابنِ آدم دے آمد دے ویلے ہووے گا … اُوہناں نوں خبر تیکر نہ سی کہ کی ہون آلا اے ایتھوں تیکر کہ طوفان آیا تے اُوہناں ساریاں نوں وگا کے لے گیا۔ ابنِ آدم دی آمد وی اینج ای ہووے گی۔ اُوس ویلے دو بندے کھیت وِچ ہون گے، اِک چُک لیہیا جائے گا تے دوجا چھڈ دِتا جائے گا۔ دو عورتاں چکی پیسدی ہون گی۔ اِک چُک لئی جائے گی تے دوجی چھڈ دِتی جائے گی‘‘ (متی 24: 37۔41)۔

ڈاکٹر جیمس اُو کومبس اُوہناں آیتاں تے ایہہ رائے پیش کردے نے:

کُج نوں لے جایا جا رہیا اے تے باقی نوں چھڈ دِتا جانا زندہ مقدساں (یعنی مسیحیاں) دے اُٹھائے جان (یعنی ریپچر) دی تفصیل اے۔ ملحقہ آیات وِچ ’’جاگدے رہن‘‘ دے نصیحیتاں کلیسیائی دور دے خاتمے تے، ریپچر توں پہلاں مومناں توں تعلق رکھدیاں نے (جیمز او کومبس James O. Combs، زیتون [دے باغ] دی گفتگو وِچ مسیح دی واپسی دے بارے وِچ کُج مشاہدات Some Observations About the Return of Christ in the Olivet Discours، صفحہ 3)۔

ڈاکٹر ڈیوڈ ایل کوپرDr. David L. Cooper آخری دِناں دے بارے وِچ پِیچھے چھڈ دِتے گئےLeft Behind نامی کتاباں دے سلسلے دے مصنف ٹم لا ہائے Tim LaHaye دے اُستاد سن۔ ڈاکٹر کوپر نے ایہہ متی 24: 37۔42 آیتاں دے حوالے دے بارے وِچ کہیا، ’’اِک لے لیہیا جائے گا تے دوجا چھڈ دِتا جائے گا۔‘‘

جیس ویلے دے بارے وِچ یسوع گل کر رہیا اے، مرد تے عورتاں کھاندے پی رئے ہون گے، شادی بیاہ کر رئے ہون گے، خرید و فروخت کر رئے ہون گے۔ صحیفیاں دے مختلف اقتباسات ظاہر کردے نے کہ بہوتی وڈھی مصیبتاں دے بالکل اخر وِچ دُنیا تے انسانی خاندان دی حالت ایہو جئی نئیں ہووے گی، کیوں جے تباہ کُن، مکمل ہوندی ہوئی سزاواں جسمانی زمین دے نال نال تہذیب نوں وی تباہ کر دین گے۔ چونکہ متی 24: 32۔44 وِچ، یسوع کہندا اے کہ اُوہدے آن دے ویلے بنی نوع انسان حیاتی دی معمول دی پیروی کرے گا، ایس لئی اُو مصیبت توں پہلاں اپنے مقدسین دے لئی ایس دی آمد دا حوالہ دے رہیا ہووے گا، دوجے لفظاں وِچ، ریپچر دا ویلہ (ڈیوڈ ایل کوپرDavid L. Cooper، جیمز او کومبسJames O. Combs وَلّوں مسیح دی واپسی دے بارے چہ زیتوں دے باغ دی گفتگو وِچوں کُج مشاہدات Some Observations About the Return of Christ in the Olivet Discourse وِچوں حوالہ دِتا گیا اے، صفحہ 3)۔

ایہہ تہاڈے لئی اِک تنبیہ اے!

’’اُوس ویلے دو بندے کھیت وِچ ہون گے، اِک چُک لیہیا جائے گا تے دوجا چھڈ دِتا جائے گا۔ دو عورتاں چکی پیسدی ہون گی۔ اِک چُک لئی جائے گی تے دوجی چھڈ دِتی جائے گی‘‘ (متی 24: 40۔41)۔

جیویں کہ گلوکار لیری نارمن ایہنوں تحریر کردے نے،

شوہر تے ووہٹی بستر وِچ سوئے ہوئے نے،
     اُو واج سُنندی اے تے سر گھماندی اے – اُو جا چکیا اے۔
میں خواہش کرنا ٓاں اَسی سارے تیار ہوئے ہوندے۔
     دو بندے اُتے پہاڑ تے جا رئے نے،
اِک غائب ہو جاندا اے تے اِک ساکن کھڑا چھڈ دِتا جاندا اے،
     میں خواہش کرنا ٓاں اَسی سارے تیار ہوئے ہوندے۔

اپنا ذہن بدلن دے لئی کوئی ویلہ نہئیں بچیا اے،
     تُسی کینج ایس قدر انّہے ہو سکدے اُو؟
باپ بولیا، شیطاںاں نے شور مچایا
     پُتر آ چکیا اے تے تُسی پیچھے چھڈے جا چکے اُو۔
تُسی پیچھے چھڈے جا چکے اُو،
     تُسی پیچھے چھڈے جا چکے اُو۔
(’’میں خواہش کرنا ٓاں اَسی سارے تیار ہوئے ہوندے I Wish We’d All Been Ready‘‘ شاعر لیری نارمن Larry Norman)۔

ٹم لا ہائے Tim LaHaye تے جیری بی جینکنز Jerry B. Jenkins دے پیچھے چھڈ دِتے گئےLeft Behind نامی ناول ہُن تیکر شائع ہون آلے مسیحی تحریر دے سب توں تیزی نال فروخت ہون آلے کام نے۔ سچے مسیحیاں دی ریپچر توں شروع کردے ہوئے، جیویں کہ بائبل وِچ بیان کیتا گیا اے، لاہائے تے جینکنز نے کتاباں دے ایس سلسلے وِچ ایہناں مصیبتاں دی تصویر کشی کیتی اے جیہڑیاں زمین تے پیچھے چھڈ دِتے جان آلیاں دے لئی ہون گیاں۔

پیچھے چھڈ دِتے گئےLeft Behind نامی ناولاں دی سیریز لکھاں وِچ بِک چکی اے۔ ایہہ ریپچر دی بعد اُوہناں واقعات نوں آٹھ ناولاں تے مذید آن آلیاں دی شکل وِچ پیش کردے نے۔ مصنفین بائبل وِچ دِتے گئے بنیادی نقطۂ نظر دی پیروی کردے نے، بہوتی وڈھی مصیبتاں دے دور، تاریک ست سالہ دور جیہڑا دجال دے تحت آئے گا، آخری عالمی آمر۔ میہنوں سیریز وِچ ماڑی جیہئی غلطی نظر آندی اے۔ کتاباں مسیحی افسانے دے طور تے لکھیاں گئی نے، ایس لئی لوڑ دے مطابق مصنفین ایہناں تفصیلات نوں بھردے نے جیہڑیاں حقیقت وِچ صحیفیاں وِچ نئیں نے۔ لیکن بنیادی واقعات بائبل وِچ مضبوطی نال قائم نے۔

میرا بنیادی اعتراض ایہہ اے کہ بہوتے سارے لوکاں نوں ریپچر وِچ اُٹھا لئے جان دے طور تے پیش کیتا گیا اے۔ جے ڈبلیو اے کرسویل W. A. Criswell، باب جونزسینئرBob Jones Sr.، اے ڈبلیو ٹوزر A. W. Tozer تے دوجیاں دے ذریعہ پیش کیتے گئے اعداد و شمار کِدروں وی بالکل درست ہون دے قریب نے تے اَج کیہنے لوکی حقیقت وِچ مسیح چہ ایمان لیہیا کے تبدیل ہوئے نے، ایہناں لوکاں دی اکثریت جیہڑے ایہہ سوچدے نے کہ اُو نجات پا چکے نے ریپچر دے ولے پیچھے چھڈ دِتے جان گے۔ لکھاں لوکاں دی گمشدگی توں پیدا ہون آلی افراتفری، جیویں کہ پیچھے چھڈ دِتے گئےLeft Behind نامی ناول دی سیریز وِچ پیش کیتی گئی اے، ایس توں کِدرے بوہتی چھوٹی ہووے گی جے ایہہ سرکدہ مسیحی ایس ای ویلے [دور حاضرہ] وِچ مسیح چہ ایمان لیہیا کے تبدیل ہون آلیاں دی تعداد دے بارے وِچ اپنے اندازیاں درست ہون دے قریب ہون۔

مبشر لوئس پالاؤLuis Palau ساڈے زمانے دے سب توں مشہور انجیلی بشارت دے رہنماواں وِچوں اِک نے۔ کُج عرصہ پہلاں پالاؤ نے کہیا:

امریکہ، جیتھے 80 فیصد لوکی مسیحی ہون دا دعویٰ کردے نے، لیکن کُج ای لوکی کافراں یا مُلحداں توں مختلف طریقے نال حیاتی لنگہاندے نے، گویا ایہناں دیاں حیاتیاں تے خدا دا کوئی دعویٰ نئیں اے۔ ایہناں دے دِل نئیں بدلے گئے (لوئس پالاؤLuis Palau، امریکہ دے لئی واحد اُمیدThe Only Hope for America، کراس وے کُتبCrossway Books، 1996، صفحہ 10)۔

ڈاکٹر جیمس ڈابسن، جیہڑے کہ خاندان تے توجہ مرکوز کرو [نیوز لیٹر دے مصنف نے]، اُوہناں نے کہیا:

بہُتیرے مومنین نئیں جانندے کہ کلیسیا دا ادارہ [گرجا گھر] ایس ویلے شدید مشکلات توں لنگ رہیا اے۔ بُہتیرے مقامی گرجا گھر بمشکل زندہ رہ رئے نے جِنہاں وِچوں تقریبا 3,000 – 4,000 ہر ورے اپنے دروازے بند کر دیہندے نے۔ رائے شماری کرن آلے جارج برنا George Barna نے کلیسیا دا موازنہ ’’ٹائٹینک Titanic‘‘ نال کیتا۔ اُوہنے کہیا، ’’ایہہ بڑی نازک اندام تے تیزی نال ڈوبن آلی اے۔‘‘ ریاست ہائے متحدہ وِچ ہفتہ وار مذہبی سرگرمیاں وِچ حاضری 1991 وِچ 49 فیصد توں گھٹ ہو کے اَج 37 فیصد ہو گئی اے۔ مذید برآں، گرجا گھر دی 80 فیصد ترقی دا نتیجہ رُکنیت دی منتقلی نال ہوندا اے۔ ایہہ اعداد و شمار سانوں دسدے نے کہ انجیلی بشارت وڈھی حد تیکر جمود دا شکار نے۔ ایس تصویر وِچ کُج گڑبڑ اے۔ ظاہر اے، امریکیاں دی اکثریت مذہبی اظہار وِچ ڈوب رئی اے جیس دا کوئی روح رواں نئیں اے (ڈاکٹر جیمز ڈوبسنDr. James Dobson، فوکس آن دی فیملی نیوز لیٹر، اگست، 1998، صفحہ 2)۔

برنا ریسرچ گروپ وَلوں کیتے گئے اِک قومی سروے دے نتائج ظاہر کردے نے کہ ’’فیر توں جنم لین آلے مسیحی ایمان توں ناواقف نے۔‘‘ سروے توں معلوم ہویا کہ،

نئے سرے توں جنم لین آلے مسیحی مندرجہ ذیل بنیادی مسیحی اصولاں تے حیرت انگیز طور تے اعلیٰ درجے دی جہالت دا مظاہرہ کردے نے:

• دس وِچوں آٹھ (80%) نئے سرے توں جنم لین آلے مسیحی ایس بیان نال متفق نے، ’’بائبل سکھاندی اے کہ خدا اُوہناں دی مدد کردا اے جیہڑے اپنی مدد کردے نے۔‘‘

• نصف (49%) ایس بیان نال متفق نے، ’’ابلیس، یا شیطان، کوئی جاندار نئیں بلکہ بُرائی دی علامت اے۔‘‘

• نئے سرے توں جنم لین آلیں وِچوں دس وِچوں چار (39٪) طبقہ ایس گل تے قائم رہندا اے کہ ’’جے کوئی شخص عام طور تے چنگا اے، یا اپنی حیاتی دے دوران دوجیاں دے لئی کافی چنگا کام کردا اے، تے اُو جنت وِچ تھاں حاصل کرے گا۔‘‘

• دس وِچوں تین (30%) دا دعویٰ اے کہ ’’یسوع مسیح اِک عظیم اُستاد سن، لیکن اُو مصلوب ہون دے بعد جسمانی حیاتی وِچ واپس نئیں آئے۔‘‘

• انتیس فیصد دا کہنا اے کہ ’’جدوں اُو زمین تے رہندے سن، یسوع مسیح انسان سی تے گناہواں دا اِرتکاب کردے سن۔‘‘

• اِک چوتھائی (26%) ایس گل نال متفق نئیں نے کہ ’’(اُوہناں دی) ذاتی طور تے، دوجے لوکاں نوں (اپنے) مذہبی عقائد دسن دی ذمہ داری اے۔‘‘

• تینتالیس فیصد نے پچھلے ہفتے وِچ بائبل نئیں پڑھی۔

• ایہناں وِچوں دس وِچوں آٹھ (84%) سروے وِچ بائبل دی تعلیم دے گھٹ توں گھٹ آٹھ بیانات وِچوں اِک تے غیر بائبلی نظریہ رکھدے نے۔

(’’دوبارہ جنم لئے ہوئے مسیحی ایمان توں ناواقفBorn Again Christians Ignorant of Faith‘‘، وِچوں حوالہ دِتا گیا، بیپٹسٹ بائبل ٹریبیون، اپریل 15، 1996، صفحہ 28 وِچ رپورٹ لکھی گئی)۔

عظیم برطانوی مبلغ تے مصنف ڈاکٹر مارٹن لائیڈ جونزDr. Martyn Lloyd-Jones نے ’’ایس خوفناک اِرتداد دے بارے وِچ گل کیتی جیس نے گذشتہ سو وریاں توں کلیسیا دی تیزی نال تصویر کشی کیتی اے‘‘ (ڈاکٹر مارٹن لائیڈ جونز، حیاتِ نوRevival، کراس وے کُتبCrossway Books ، 1987، صفحہ 57)۔ جے برنا دی رپورٹ وِچ دِتے گئے اعداد و شمار، ’’فیر توں جنم لئے ہوئے مسیحی ایمان توں ناواقف‘‘ بالکل دُرست نے، جیویں کہ ایہہ یقینی طور تے نے، تے ڈاکٹر لائیڈ جونز درست نے جدوں اُو اشارہ کردے نے کہ اَسی ہُن اِرتداد دے تاریک دور وِچ نے۔ بہتیرے لوکی جیہڑے ’’فیر توں جنم لین‘‘ دا دعویٰ کردے نے مسیحی ریپچر وِچ پیچھے رہ جان گے۔

لاتعداد گواہیاں نوں سُنن دے بعد، میرا ایہہ تاثر رہیا اے کہ جیہڑے لوکی ہر اِتوار نوں ساڈے گرجا گھراں وِچ آندے نے اُوہناں دی اِک بہوتی وڈی تعداد درحقیقت گمراہ لوکی نے، بشمول سنڈے اسکول دے اِساتذہ، مُناد، پادری صاحبان دی ووہٹیاں، تے خود پادری صاحبان وی۔ مرحوم ڈاکٹر منرو پارکر Dr. Monroe Parker ’’راہبMonk‘‘ نوں اکثر ’’امریکی مبشراں دا نگران یا صدر‘‘ کہیا جاندا سی۔ ڈاکٹر پارکر نے اِک وری کہیا:

جے اِسی گرجا گھر دے اَدھے ارکان نوں بچا پاندے، تے ساڈے کول اِک زبردست حیاتِ نو ہوندا۔ درحقیقت، میرے خیال وِچ، جے اَسی امریکہ وِچ اَدھے مبلغاں نوں مسیح وِچ ایمان دلا کے تبدیل کر سکنے آں، تے اَسی اِک بہوتے وڈے حیاتِ نو نوں ویکھاں گے (ڈاکٹر منرو پارکرDr. Monroe Parker، دھوپ تے سائیاں وِچ: میرے پہلے ستتر ورےThrough Sunshine and Shadows: My First Seventy-Seven Years، سورڈ آف دی لارڈ، 1987، صفحات 61-62)۔

جے ایہہ وڈیرا یعنی بوڑھا تے معزز مبشر صحیح ہون دے قریب سی تے سوچو کہ ریپچر وِچ کیہنے لوکی پیچھے چھڈ دِتے جان گے۔

تہاڈے بارے وِچ کی خیال اے؟ کی تُسی پیچھے چھڈ دِتے جاؤ گے؟ ایس کتاب دا مقصد تہانوں ایس خوفناک امکان دے بارے وِچ سوچن تے مجبور کرنا اے۔ ایہہ نبوت تے کوئی تفصیلی کتاب نئیں اے۔ بلکہ ایہہ ایس دے بجائے متعدد پیشن گوئی دی موضوعات، تے حقیقی تبدیلی توں متعلق موضوعات نال نمٹدی اے۔ میہنوں اُمید اے کہ تُسی ایہناں شیواں نوں ذہن وِچ رکھدے ہوئے درج ذیل ابواب نوں پڑھو گے: ’’کی میں واقعی وِچ مسیح وِچ ایمان لیہیا کے تبدیل ہویا آں؟ کی میں ریپچر ہو جاواں گا، یا میں پیچھے چھڈ دِتا جاواں گا؟‘‘

حیاتی بندوقاں تے جنگ نال بھری پیہئی سی،
     تے ہر کوئی فرش تے روندا جا رہیا سی،
میں خواہش کرنا آں کہ اَسی سارے تیار ہوندے۔
     بچے مرے، دِن سرد ہوندے چلے گئے،
روٹی دا اِک ٹکڑا سونے دی اِک تھیلی خرید سکدا سی،
     میں خواہش کرنا آں کہ اسی سارے تیار ہوندے۔

اپنا ذہن بدلن دے لئی کوئی ویلہ نہئیں بچیا اے،
     تُسی کینج ایس قدر انّہے ہو سکدے اُو؟
باپ بولیا، شیطاناں نے شور مچایا
     پُتر آ چکیا اے تے تُسی پیچھے چھڈے جا چکے اُو۔
(’’میں خواہش کرنا ٓاں اَسی سارے تیار ہوئے ہوندے I Wish We’d All Been Ready‘‘ شاعر لیری نارمن Larry Norman)۔

’’اُوس ویلے دو بندے کھیت وِچ ہون گے، اِک چُک لیہیا جائے گا تے دوجا چھڈ دِتا جائے گا۔ دو عورتاں چکی پیسدی ہون گی۔ اِک چُک لئی جائے گی تے دوجی چھڈ دِتی جائے گی‘‘ (متی 24: 40۔41)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔