ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

نوجوان اَج حیاتی دے معنی تلاش کر رئے نے۔ میں کون آں؟ میں ایتھے کیوں آں؟ میں کیتھے جا رہیا آں؟ ایہہ اُو عظیم فلسفیانہ سوالات نے جِنہاں دا تہانوں سامنا اے۔ تہانوں ایہناں سوالات دے جوابات کسی یونیورسٹی یا کالج وِچ نئیں لبھن گے۔ مغربی دُنیا وِچ زیادہ تر اسکول ایس قدر دُنیاوی ہو چکے نے کہ ہُن اُو حیاتی دے مطلب (معنی) دے سوال نال نئیں نمٹدے۔ اُوہناں نے اِک وری اینج کیتا، لیکن روشن خیالی دی انسانیت پسندی نے معروف مغربی عالمین نوں خدا تے بائبل نوں ترک کرن تے مجبور کیتا۔ ایہدے بجائے، اُو کہندے نے کہ تُسی کدی نئیں جان سکدے کہ تُسی کون اُو، تُسی ایتھے کیوں اُو، یا تُسی کیتھے جا رئے اُو۔ اُو کہندے نے کہ اَسی صرف حقائق تے اعداد و شمار دا مطالعہ کر سکنے آں – تے سانوں سچائی تے حیاتی دے معنیاں دی تلاش نوں ترک کر دینا چائیدا اے۔

ایس نظریے نوں ’’مادیت پسندی‘‘ کہیا جاندا اے۔ ایہدے وِچ پچھلے اِک سو وریاں دی تقریباً ساری فکر تے علمی وظائف موجود نے۔ لیکن بیسویں صدی نے اُو شے پیدا کیتی جِنہوں شاعر ٹی ایس ایلیٹ T. S. Eliot نے ’’بے حِس لوکی‘‘ کہیا سی۔ اُوہدی مُراد ایہو جئے لوکاں نال سی جِنہاں وِچ کوئی جذبات نئیں – نہ محبت تے نہ نفرت، نہ کوئی مضبوط رائے یا عقائد۔ تے ایہدے چہ بڑی حد تیکر میری نسل – خاموش نسل – 57 توں 77 وریاں دی عمر دے لوکی نے۔ اَسی ’’خاموش نسل‘‘ دے ’’بے حِس لوکی‘‘ آں، مضبوط جذبات دے بغیر، صحیح تے غلط دے بارے وِچ یقینی علم دے بغیر۔

نوجوان جوابات دے لئی ساڈے وَل ویکھدے نے – لیکن ساڈے کول کوئی جواب نئیں اے۔ اَسی ’’خاموش‘‘ بیٹھے آں۔ ٹیلی ویژن ویکھنے آں۔ اَسی اپنے خیالات نوں مدلل طور تے پیش ای نئیں کردے تے آں آلی نسل دی رہنمائی نہیں کردے۔ اَسی تہاڈی رہنمائی نئیں کردے۔ اَسی اِک مبہم جئی مسکراہٹ پیش کر دینے آں تے تہانوں اُو کرن دینے آں جیہڑا تُسی چاہندے اُو – ساڈی رائے دے بغیر۔

ساڈی قوم دے کول اَج قیادت دے اعلیٰ مقامات تے ’’بے حِس لوکی‘‘ موجود نے۔ اُو عمر رسیدہ، خاموش، بے مقصد لوکی نے جِنہاں وِچ بہتر کردار دی پختگی نئیں ہوندی اے۔ اوہ، میہنوں غلط نہ سمجھو – کُج بوہتے چنگے لوکی وی ہوندے نے، جیویں کہ نائب صدر ڈِک چینائے Dick Cheney (’’خاموشی‘‘ دی کامل خوبی دے نمائندے)، کولن پاول، ڈینس ہیسٹرٹ، یا ٹرینٹ لاٹ۔ اُو اپنا کم مؤثر طریقے نال کردے نے۔ اُو اپنے کم دے نال کم رکھدے نے۔ اُو تہانوں کلیاں چھڈ دیہندے نے کہ تُسی جو چاہوو کرو۔ اہمیت دے حامل معاملات دے بارے وِچ اُوہناں دی اِک ٹھوس یا مدلل رائے دا اِظہار پیش کرن دا تُسی تصور وی نئیں کر سکدے۔

تے ایہہ گل تہاڈے وگرے نوجوان لوکاں نوں جِنہاں نوں جوابات دی لوڑ ہوندی اے اُوہناں نوں کسی دے کول رجوع نئیں کرن دیہندی! تُسی ایہہ جانن دے لئی کیہدے کول رجوع کرو گے

میں کون آں؟
    میں ایتھے کیوں آں؟
      میں جا کیتھے رہیا آں؟

خدا جانندا اے کہ تُہانوں اُوہناں جوابات دی لوڑ اے۔ خدا جانندا اے کہ پچھلی نسل نے تہانوں ٹھکرا دِتا ہے، تہاڈی رہنمائی نئیں کیتی، جیس رہنمائی دے تُسی مستحق اُو، اُو نئیں کیتی۔

لیکن خدا نئیں چاہندا کہ تُسی انہیرے وِچ رہوو۔ خدا نے حیاتی دے ساریاں توں وڈے سوالات دے جوابات ظاہر کرن دے لئی تہانوں بائبل پیش کیتی۔ خدا تہانوں تاریکی تے جہالت وِچ چھڈنا نئیں چاہندا اے۔ ایس ای لئی اُوہنے تہانوں بائبل پیش کیتی اے۔ جِنہاں معنیاں توں بھرپور حیاتی لنگہان دی تہانوں لوڑ اے اُوہناں دے جوابات آشکارہ کرن دے لئی خدا نے تہانوں بائبل پیش کیتی اے۔ بائبل خدا دے مکاشفے دی سچائی اے [یا خدا دی سچائی دا اِظہار اے]۔ II پطرس 1: 2 تے غور کرو۔ ایتھے خدا کہندا اے کہ بائبل ’’اِک روشنی اے جیہڑی تاریک تھاں تے چمکدی اے۔‘‘ بائبل تاریک موضوعات تے روشنی پاندی اے۔ جِنہاں جوابات دی تہانوں لوڑ اے بائبل اُو پیش کردی اے۔

ہُن خدا دے لئی کئی وجوہات دی بِنا تے اپنا مکاشفہ، بائبل دینا ضروری سی۔ ماہرِ اِلہٰیات چارلس ہوج نے پنج وجوہات درج کیتیاں نے جِنہاں دی وجہ توں خدا نوں مکاشفہ [یعنی] بائبل نوں دین دی لوڑ اے:

1. کیوں جے ہر بندہ محسوس کردا اے کہ اُوہنوں ایہدی لوڑ اے۔ ہر کوئی جانندا اے کہ انسان دی ابتداء فطرت تے تقدیر توں متعلق سوالات نے، گناہ تے معافی دے متعلق، ایہو جئے سوالات نے جِنہاں دا اُو جواب نئیں دے سکدا۔ جدوں تیکر ایہناں سوالاں دا جواب نئیں لبھدا، لوکی چنگے یا خوش نئیں رہ سکدے۔ حیاتی دی معنی اپنے آپ نوں وکھان دے لئی کی تُسی خدا دی لوڑ نوں محسوس نئیں کردے۔ تے ایہو ای وجہ اے کہ خدا نے بائبل دِتی – ایہو جئے جوابات نوں ظاہر کرن دے لئی جیہڑے تہانوں کِدرے ہُور نئیں لبھ سکدے۔

2. دوجی گل، ہوج نے نشاندہی کیتی کہ ہر بندے نوں یقین اے کہ کسی دوجے انسان دے کول سارے جوابات نئیں نے۔ لوکی فطری طور تے جانندے نے کہ ایہو جئے سوالات نے جیہڑے انسانی عقل دی پہنچ توں باہر دے معاملات توں متعلق نے۔ کی تہانوں کدی کدی ایہو جیہا محسوس نئیں ہوندا؟ کُچ شیواں ایہو جئیاں ہوندیاں نے کہ جِنہاں دی وضاحت کوئی انسان نئیں کر سکدا۔ ایس لئی خدا نوں بائبل وِچ جوابات دینے پیہئے!

3. ایتھوں تیکر کہ جے فلسفی ایہناں سوالات دے جوابات اپنے اطمینان دے لئی دے سکدے نے، تے ساڈے وِچوں باقی لوکاں دا کی ہووے گا؟ بنی نوع انسان دے کول فلسفے دے باریک نکات دا مطالعہ کرن دے لئی نہ ویلہ اے تے نہ توانائی۔ کی ایہہ ٹھیک نئیں کہ خدا عام لوکاں نوں حیاتی دے وڈے وڈے سوالاں دی وضاحت دے لئی اِک سادہ جئی کہانی دی کتاب مہیا کرے؟ یقیناً ایہہ ٹھیک اے۔ تے ایہو ای بنیادی طور تے بائبل اے۔ ایہہ سادہ کہانیاں دی کتاب اے۔ آدمی باغ عدن وِچ گناہ کر رہیا اے۔ نوح تے گمراہ ہو چکی اِک دُنیا۔ بابل دا بُرج تے انسانی زباناں دی اُلجھن۔ حضرت ابراہیم دی کہانی۔ اسحاق دی کہانی۔ یعقوب دی کہانی۔ یوسف تے اُوہدے پراہواں دی کہانی۔ موسیٰ اپنی قوم نوں مصر توں کڈ رہیا اے۔ بیاباناں وِچ بھٹکدے یہودیاں دی کہانی۔ کنعان دی فتح۔ یسوع دی پیدائش دی کہانی۔ یسوع دی مذہبی خدمات دی کہانی۔ یسوع نے جیہڑیاں تمثیلاں (یا کہانیاں) دسیاں۔ اُوہدی موت، تدفین تے جی اُٹھن دی کہانی۔ دوجی آمد دی کہانی، مکاشفہ دی کتاب وِچ تصویری طور تے بیان کیتی گئی اے۔ کہانیاں۔ کہانیاں۔ کہانیاں۔ ساری دی ساریاں سچی نے۔ پوری بائبل وِچ دِتی گئیاں تاکہ اوسطاً بندہ حیاتی دے معنی نوں جان سکے۔

4. لیکن ہوج نے اِک چوتھی وجہ درج کیتی اے کہ خدا نے بائبل دِتی: زمانیاں دا تجربہ ثابت کردا اے کہ دُںیا اپنی حکمت نال خدا نوں نئیں پا سکدی۔ قدیم تے جدید، کافرانہ قوماں، مُہذب تے وحشی، بغیر کسی استثنا دے خدا نوں تلاش کرن یا بنی نوع انسان دے مسائل خود حل کرن وِچ ناکام رہئیاں نے۔

5. یتھوں تیکر کہ جیتھے لوکاں دے کول بائبل اے، اُو لوکی جیہڑے اُوہنوں مسترد کردے نے اُو ایہو جئے اصولاں نوں اپنان دا رُخ اِختیار کر لیہندے نے جیہڑے گھر، معاشرے تے انفرادی خوشی نوں تباہ کر دیندے نے۔ پچھلی صدی دی انسانیت پسندی نے ہٹلر دا یہودیاں دا قتلِ عام، سٹالین دا لکھاں دا قتل عام، ماؤ شی تُنگ Mao Tse Tung دا غلام معاشرہ تے گزشتہ 28 وریاں وِچ امریکہ چہ 38 ملین بچیاں دے قتل عام نوں جنم دِتا۔ بنی نوع انسان دی جہالت تے حماقت خدا دے لئی اپنی سچائی نوں ظاہر کرنا ضروری بناندی اے۔ بائبل ’’اِک روشنی اے جیہڑی تاریک تھاں تے چمکدی اے‘‘ (II پطرس 1: 19)؛ (حوالہ ویکھو، چارلس ہوجCharles Hodge، درجہ بہ درجہ علم الہٰیاتSystematic Theology، ھینڈرِکسن اشاعت خانے، 1999، جلد اول، صفحات 36-37)۔

جیویں کہ حمدوثنا دا پرانا گیت ایہنوں تحریر کردا اے:

مقدس بائبل، الہٰی کتاب،
     قیمتی خزانہ، توں ای میرا اے؛
میہنوں میرا دسدا اے کہ میں کِدروں آیا آں؛
     میہنوں تعلیم دیہندا اے کہ میں کی آں؛

میہنوں آن آلی خوشیاں دے بارے وِچ دسدا اے،
     تے باغی گنہگاراں دی تباہی دا؛
ہائے مقدس بائبل، الہٰی کتاب،
     قیمتی خزانہ، توں ای میرا اے۔
(’’ مقدس بائبل، الہٰی کتابHoly Bible, Book Divine‘‘ شاعر جان برٹن John Burton، 1773۔1822)۔

ہُن، میں بائبل دی نوعیت دی وضاحت دے لئی اَج سویرے دی ساڈی تلاوت توں بہتر کوئی آیت نئیں سوچ سکدا:

’’کیوں جے نبوت دی کوئی گل انسان دی اپنی مرضی نال کدی نئیں ہوئی بلکہ خدا دے پاک لوکی روح دے الہام نال گل کردے سن‘‘ (II پطرس 1: 21)۔

میں ایس تلاوت وِچوں ظاہر کراں گا

1. بائبل کی اے

2. بائبل کیہنوں دِتی گئی سی

3. بائبل کیوں دِتی گئی سی

I۔ پہلی گل، بائبل کی اے –’’بولنا یا دسنا۔‘‘

ساڈی تلاوت کہندی اے، خدا دے مقدس لوکی بولے…‘‘ ڈاکٹر پیٹر رکمین Dr. Peter Ruckman، تے رُکمانائیٹس Ruckmanitesعمومی طور تے، تہانوں دسن گے کہ ایہدے توں مُراد ’’منادی کرنا‘‘ اے۔ اُو کیہن گے، ’’کیوں، ایہہ بائبل دے بارے وِچ گل نئیں کر سکدی۔ ایہہ بولن آلے اِک بندے دے بارے وِچ گل کر رئی اے۔‘‘ لیکن، جیویں کہ ڈی ایل موڈیD. L. Moody نے کہیا، ’’بائبل وضاحتاں تے بہوتی زیادہ روشنی پاندی اے۔‘‘ رُکمین دی وضاحتاں آیت 20 توں درست کیتی گئیاں نے، جیہڑی کہندی اے،

’’پہلاں ایہہ گل جان لؤ کہ پاک کلام دی کوئی پیشن گوئی نئیں…‘‘ (II پطرس 1: 20)۔

ساڈی تلاوت، انتہائی اگلی آیت وِچ کہندی اے، ’’کیوں جے نبوت دی کوئی گل انسان دی اپنی مرضی نال کدی نئیں ہوئی بلکہ خدا دے پاک لوکی … گل کردے سن۔‘‘ ایہدا مطلب صرف سیاق و سباق وِچ ہو سکدا اے کہ پطرس بائبل دا حوالہ دے رہیا اے، تبلیغ دا نئیں۔ اُو ’’پاک کلام دی پیشن گوئی‘‘ دی گل کر رہیا اے۔ تے اُو سانوں دس رہیا اے کہ نبیاں تے رسولاں نے ایہناں صحیفیاں وِچ ’’گل کیتی‘‘ سی۔ یرمیاہ نے اینج ای کیتا۔ اُوہنے پاک کلام نوں جیویں خدا نے اُوہنوں پیش کیتا سی اُونج ای مُنہ نال سُنا دِتا سی، تے ایہدے نائب باروک Baruch نے اُو الفاظ لکھے جیہڑے اُوہنے مُنہ توں ادا کیتے سن، جیویں کہ خدا نے اُوہنوں پیش کیتے سن۔ باروک نے کہیا:

’’اُو مہینوں ایہہ کلام خود سُناندا گیا تے میں سیاہی نال ایہنوں طومار وِچ لکھیا‘‘ (یرمیاہ 36: 18)۔

پولوس رسول نے وی اپنے بیشتر خطوط دی زبانی سُنائے سن۔ جیہڑے الفاظ خدا نے اُوہنوں پیش کیتے سن اُو ای پولوس بول رہیا سی تے اِک دوجے بندے دے ذریعے توں اُو لکھے گئے سن۔ گلِتیوں 6: 11 تے سکوفیلڈ دی غور طلب گل کہندی اے:

ایہہ بہوتے پہلوواں توں ظاہر ہوندا اے کہ [پولوس] رسول اَکھ دی مرض وِچ مبتلا سی … تقریباً مکمل اندھے پن تیکر پہنچ گیا سی (مثلاً گلتیوں4: 13۔15)۔ عام طور تے، لہذا، اُوہنے اپنے خطوط دی اِملا کروائی …

جدوں ساڈی تلاوت کہندی اے، ’’خدا دے مقدس لوکی بولے،‘‘ ایہہ اُوہناں وَل اشارہ کردا اے جیہڑے اکثر بائبل دے الفاظ نوں لفظی طور تے لکھدے نے جیویں کہ خدا نے اُوہناں نوں دِتا سی۔

ایس حوالے تے جان کیلوِن دے تبصرے بصیرت توں بھرپور نے:

پطرس دا کہنا اے کہ کلام انسان وَلوں نئیں آیا، یا انسان دی تجاویز دے ذریعے … کلام پاک دی پیشن گوئی دے ذریعے توں سمجھو اُو جیہڑا مقدس صحیفیاں وِچ موجود اے (جان کیلون، II پطرس 1: 20-21 تے تبصرہ)۔

ڈاکٹر جے ورنن میگی Dr. J. Vernon McGee نے اِکیسویں آیت دی ایہہ وضاحت پیش کیتی:

’’کیوں جے پیشن گوئی پرانے زمانے وِچ اِنسان دی مرضی نال نئیں آئی۔‘‘ ظاہر اے کہ اُو عہد نامہ قدیم دی پیشن گوئی دا حوالہ دے رہیا اے۔ ایہہ انسان دی مرضی توں نئیں آیا۔ یعنی، مثال دے طور تے، اشعیا، ایہہ کہہ کے نئیں بیٹھا، ’’میرا خیال اے کہ میں اِک کتاب لکھاں گا ۔۔۔‘‘ اشعیا دی پیشن گوئی ایہو جئی نئیں سی جیہڑی اشعیا نے سوچی سی۔
     (جے. ورنن میکجیJ. Vernon McGee، بائبل دے ذریعےThru the Bible، جلد پنجم، صفحہ 728)۔

لہٰذا، ڈاکٹر رک مین تے ایہناں وگرے مانن آلے لوکی غلط نے۔ آیت تبلیغ دی گل نئیں کر رئی اے۔ ایہہ ایس بارے وِچ گل کر رئی اے کہ سانوں بائبل کینج ملی۔

عبرانیوں 3: 7 وِچ اَسی پڑھنے آں، ’’چنانچہ (جیویں کہ روح القدس کہندا اے، اَج جے تُسی اُوہدی آواز سنو گے …‘‘ ایہہ زبور 95: 7۔11 دا حوالہ اے۔ حالانکہ ایہنوں اِک بندے دے وسیلے توں لکھیا گیا سی، ایہدے باوجود عبرانیوں 3: 7 سانوں دسدی اے، ’’روح القدس کہندا اے۔‘‘ ظاہر اے، ایہہ الفاظ روح القدس دے مُنہ توں نئیں نکلے سن (روح ہون دی وجہ توں، ایہدے کول کُج نئیں اے) ایہہ اِک استعارہ اے، تقریر دی اِک شکل اے۔

اعمال 1: 16 وِچ اَس پڑھنے آں، ’’روح القدس داؤد دے مُنہ توں بولیا …‘‘ ایہہ واضح کردا اے کہ الفاظ داؤد دے ذریعے زبور 41: 9 آیت وِچ دِتے گئے سن۔ ’’داؤد دا مُنہ‘‘ ایتھے وی اِک استعارہ اے۔ ایہدا مطلب اے کہ ایہہ الفاظ داؤد دے ذریعے آئے۔

II تیمتھیس 3: 16 وِچ اَسی پڑھنے آں، ’’سارا کلام خدا دے الہام توں دِتا گیا آے …‘‘ ایہہ ظاہر کردا اے کہ زبور 95 تے زبور 41 خدا دے روح دے الہام توں بوہتا دِتا گیا سی۔ ایتھے، II تیمتھیس 3: 16 وِچ سانوں دسیا گیا اے کہ ’’سارے صحیفے‘‘ پیدائش توں لے کے مکاشفہ تیکر، اینج ای آئے۔ ایہہ کلام پاک دے ہر عبرانی تے یونانی لفظ دا مکمل زبانی الہام اے۔ ایہہ نے الفاظ جیہڑے متاثر ہوندے نے، ناکہ خیالات، ناکہ تصورات – بلکہ عبرانی تے یونانی وِچ الفاظ! الفاظ اُوہی نے جیہڑے الہام توں دِتے گئے سن۔ یسوع نے کہیا، ’’انسان صرف روٹی نال ای زندہ نئیں رہندا بلکہ ہر لفظ توں جیہڑا خدا دے مُنہ توں نکلدا اے‘‘ (متی 4: 4)۔

انجیلی بشارت دے مبصر جان میک آرتھرJohn MacArthur نے II تیمتھیس 3: 16 تے تقلیدی حالت پیش کردے نے،

ایہہ نوٹ کرنا ضروری اے کہ الہام صرف کلام دے اصل دستخط تے لاگو ہوندا اے، بائبل دی مصنفین تے نئیں۔ (میک آرتھر کا مطالعہ بائبلMacArthur Study Bible، II تیمتھیس 3: 16 تے غور طلب گل)۔

رکمانائٹس دا کہنا اے کہ ایہدی کوئی اہمیت نئیں اے کیوں جے ساڈے کول دستخط نئیں نے، لیکن اَسی کدی نئیں کہیا کہ اَسی ایہہ کیتا! ایہہ اِک ’’دھوکہ دہی‘‘ اے، چونکہ کسی نے کدی وی نئیں کہیا اے کہ ساڈے کول دستخط سن۔ ساڈے کول ایمان توں بھرپور نقول نے، لیکن الہامی دستخط نئیں نے۔ ساڈی نشاندہی ایہہ اے کہ: خدا نے صحیفے اصل مصنفین نوں دِتے۔ اُوہناں اصلی دستاویزات دی نقول خدا دے ذریعے توں نئیں دِتی گئی سن۔ ایہدے علاوہ، ترجمے خدا وَلوں نئیں دِتے گئے سن۔

تے اَسی ویکھیا کہ بائبل کی اے۔ ایہہ خدا دے الفاظ نے جیہڑے انساناں نوں دِتے گئے نے، جِنہاں نے عبرانی تے یونانی زبان وِچ جیہڑے الفاظ خدا نے اُوہناں نوں دِتے نے اُو لکھے نے۔ ایہو ای اے جیہڑی بائبل اے۔ ایہہ خدا دا کلام اے۔

II۔ دوسری گل، بائبل کینج پیش کیتی گئی سی – ’’الہام۔‘‘

ساڈی تلاوت کہندی اے،

’’خدا دے پاک لوکی روح دے الہام نال گل کردے سن’’ (II پطرس 1: 21)۔

ہُن ایہہ لفظ ’’الہام‘‘ بوہتا دلچسپ اے۔ ایہہ اُوہی یونانی لفظ اے جیہرا اعمال 27: 17 وِچ پایا جاندا اے۔ ایہہ سٹرانگ دی کانکورڈینس Strong’s Concordance وِچ 5342 # اے۔ یونانی لفظ ’’فیروphero‘‘ اے۔ ایہدا مطلب اے ’’اُٹھانا یا برداشت کرنا۔‘‘ اعمال 27: 17 وِچ اَسی پڑھنے آں کہ پولوس طوفان دے دوران جہاز تے سوار سی۔ ہوا بہوتی زور نال چلی تے اُوہنے بادبان نوں تباہ و برباد کر دِتا ’’تے [بادبان] اینج ای استعمال کیتے گئے۔‘‘ اُو طوفان ہوا دے بال بوتے تے ٹردے گئے۔ بائبل دے مصنفین دے ذہناں نوں اینج ای ’’چلایا‘‘ گیا سی۔ جیویں اُوس جہاز نوں ہوا دے ذریعے لے جایا گیا، یا نال چلایا گیا، اینج ای بائبل دے مصنفین دے ذہناں نوں وی چلایا گیا سی، تاکہ اُو الفاظ جیہڑے اُوہناں نے عبرانی تے یونانی وِچ لکھے یا زبانی لکھوائے اُو خدا دے انتہائی الفاظ سن۔

جیویں کہ ایلی کوٹ Ellicott نے کہیا،

لوکاں نے اپنے دِل توں نئیں بلکہ خدا دے مقصد یا حکم دے مطابق گل کیتی۔ ’’انسان دی مرضی نال‘‘ نئیں بلکہ روح القدس دے زیر اثر (چارلس جان ایلی کوٹCharles John Ellicott، پوری بائبل تے تبصرہCommentary on the Whole Bible، جلد ہشتم، صفحہ 450)۔

ڈاکٹر میگی McGee نے ایہہ تبصرہ کیتا:

’’جیویں کہ اُو پاک روح دے الہام نال گل کردے سن‘‘ تقریر دی اِک خوشگوار شکل اے۔ یونانی دراصل بحری سفر کردے ہوئے جہاز دے خیال دی عکاسی پیش کردا اے۔ ہوا اُوہناں وڈے وڈے بادباناں وِچ داخل ہو جاندی اے … تے اُوہناں نوں نال چلاندی اے۔ اینج ای روح القدس نے اُوہناں آدمیاں نوں الہام دِتا … ایہہ لوکی جِنہاں نوں صحیفے لکھن دے لئی الگ کیتا گیا سی اُو روح دے ذریعے چلائے گئے سن (ibid.، صفحہ 729)۔

ایہہ اے کہ کیویں بائبل پیش کیتی گئی سی۔

III۔ تیجی گل، بائبل کیوں پیش کیتی گئی سی۔

II پطرس 1: 19 آیت تے نظر پاؤ،

’’ساڈے کول نبیاں دا اُو کلام اے جیہڑا بوہتا معتبر اے؛ تے تُسی چنگا کردے اُو جیہڑا اُوہدے تے غور کردے رہندے اُو (یعنی کہ توجہ دیہندے اُو)، کیوں جے اُو اِک روشنی اے جیہڑی انہیرے وِچ چمکدی اے تے چمکدی رہوے گی جدوں تیکر کہ پَو نہ پھٹے تے سویرے دے ستارے دی روشنی تہاڈے دِلاں وِچ چمکن نہ لگے‘‘ (II پطرس 1: 19)۔

بائبل ایس دُنیا دی تاریکی وِچ اُوہدے نور دی چمک دے لئی خدا دے الہام توں دِتی گئی۔ کیلوِن کہندا اے،

ایس حوالے وِچ پطرس انساناں دی ساریاں حکمتاں دی مذمت وی کردا اے، تاکہ اَسی عاجزی دے نال سکھنا سیکھیے، بصورت دیگر اَسی اپنی سمجھ نال، علم دی سچی راہ نوں اپنائیے کیوں جے کلام (بائبل) دے بغیر بندیاں دے لئی انہیرے دے سوا کُج نئیں بچیا … لیکن ایہہ کوئی تعجب دی گل نئیں اے کہ مغرور لوکی، جھوٹے اعتماد دی ہوا نال پھولے ہوئے، اُو روشنی نئیں ویکھدے جیہدے نال خدا صرف چھوٹے بچیاں تے عاجزاں تے احسان کردا اے۔ ( II پطرس 1: 19 تے غور طلب گل)۔

میں حال ای وِچ اپنے جمنازیم وِچ اِک بزرگ پروفیسر نال گل کر رہیا سی۔ اُو بہوتا مغرور بندہ اے، تے مُلحد اے۔ اُوہنے پچھلے تیس ورے میرے گھر دے قریب اِک جونیئر کالج وِچ نوجواناں نوں اُلجھان وِچ لنگہائے نے۔ لیکن اِک وری اُوہنے کہیا، ’’میری حیاتی بس ختم ہون آلی اے تے میہنوں بوہتی اُمید نئیں اے۔‘‘ جیویں کہ کیلوِن نے کہیا، اینج دے لوکی ’’اُو روشنی نئیں ویکھدے جیہدے نال خداوند صرف چھوٹے بچیاں تے عاجزاں نوں پسند کردا اے۔‘‘

بائبل خدا دا کلام اے۔ لیکن ایہدے نال تہانوں کوئی فائدہ نئیں ہووے گا جدوں تیکر کہ تُسی ایہدے تے یقین نہ کرو۔

زبور نویس نے لکھیا:

’’تیرے کلام دی تشریح نور بخشدی اے؛ تے سادہ لوحاں نوں سمجھ عطا کردی اے‘‘ (زبور 119: 130)۔

لیکن جے خدا دا کلام تہاڈے دِل وِچ داخل نئیں ہوندا اے تے ایہہ تہاڈی مدد نئیں کرے گا۔

جے تُسی بائبل نوں محض لوکاں دے الفاظ دے طور تے سوچدے اُو، تے ایہدے نال تہانوں کوئی فائدہ نئیں ہووے گا۔ تہانوں کہنا چائیدا اے، ’’ایہہ بائبل خدا دا کلام اے۔ خدا نے عبرانی تے یونانی الفظ دِتے۔ خدا نے لکھاریاں دے ذہناں نوں الہام دِتا، لہٰذا الفاظ خدا وَلوں نے۔ میہنوں ایس گل تے توجہ دینی چائیدی اے کہ خدا بائبل وِچ کی کہندا اے۔‘‘ جے تہاڈا اینج دا روئیہ اے تے ایہہ تہانوں بائبل پڑھن وِچ مدد دیوے گا۔ پولوس رسول نے کہیا:

’’اَسی ہمیشہ ایس لئی وی خدا دا شکر ادا کرنے آں کیوں جے جدوں تُسی خدا دے پیغام نوں ساڈی زبانی سُنیا تے اُوہنوں آدمیاں دا کلام سمجھ کے نئیں بلکہ جیویں کہ اُو حقیقت وِچ اے اُوہنوں خدا دا کلام سمجھ کے قبول کیتا تے اُو تُسی ایمان لیہیان آلیاں وِچ وی تاثیر کر رہیا اے‘‘ (I تسالونیکیوں 2: 13)۔

جے تُسی نجات پانا چاہندے اُو تے تہانوں خدا دے کلام نوں ضرور سُننا چائیدا اے:

’’خدا دے کلام دے وسیلے توں … از سرِ نو پیدا ہوئے‘‘ (I پطرس1: 23)۔

جے تُسی سنو تے خدا دے کلام نوں قبول کرو، تے تہانوں پنج گلاں دا پتا چلے گا:

1. تُسی اِک سرکش گنہگار اُو۔ تُسی دراصل اپنے دِل تے دماغ وِچ خدا دے خلاف بغاوت وِچ اُو۔

2. تُسی اپنے آپ نوں اندروں بدلن دے قابل نئیں اُو۔ تُسی اپنے دماغ تے دِل وِچ مسیحی نئیں اُو، تے تُسی اپنے آپ نوں تبدیل نئیں کر سکدے۔ تُسی گناہ وِچ – گمراہ یا گمشدہ اُو۔

3. تُسی اپنے گناہواں دی وجہ توں مجرم اُو۔ تُسی جو کُج وی کردے اُو اُو پاک کلام دی مقدس خدا دی نطر وِچ گناہ دے لئی تہاڈی مذمت نوں دور نئیں کر سکدا۔

4. تہانوں اپنے آپ نوں تبدیل کرن یا اپنے آپ نوں نجات دلان توں مایوس ہونا چائیدا اے۔

5. جدوں تُسی مکمل مایوس وِچ ہوو، تے تہانوں یسوع مسیح دے کول آنا چائیدا اے تے اُوہدے تے ایمان لیہیانا چائیدا اے۔ اُو اکیلا ای تہاڈے گناہواں نوں معاف کر سکدا اے تے تہانوں بچا سکدا اے۔

بائبل سکھاندی اے کہ یسوع مسیح تہاڈے گناہواں دی ادائیگی دے لئی سولی تے مریا۔ بائبل سکھاندی اے کہ اُو واقعی چہ تے جسمانی طور تے مُردیاں وِچوں جی اُٹھیا۔ اُو ہُن خدا دے داہنے ہتھ تے، جنت وِچ زندہ اے۔ آؤ، یقین کرو، یسوع تے پروہسا کرو۔

اُوہدے تے دُکھ ڈھائے گئے، پوری طرح نال دُکھ ڈھائے گئے۔
کسی دوجے دے اعتماد نوں دخل نہ کرن دیو:
یسوع دے سوا کوئی نئیں، یسوع دے سوا کوئی نئیں،
جیہڑا بے بس گنہگاراں دا بھلا کر سکدا اے۔
     (’’آؤ اے گنہگارو، غریب تے بدبختوCome, Ye Sinners, Poor and Wretched‘‘ شاعر جوزف ہارٹJoseph Hart، 1712-1768)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔