اسرائیل وِچ افراتفری تے آن آلی تیجی ہیکل | Turmoil in Israel and the Coming Third Temple

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

28 ستمبر 2000 نوں اِک اسرائیلی سیاسی رہنما ایریل شیرون Ariel Sharon نے یروشلم وِچ بیت المقدس دے علاقے دا دورہ کیتا گیا۔ شیرون دے بیت المقدس دے علاقے دے دورے نے پورے اسرائیل وِچ فسادات نوں جنم دِتا۔ گذشتہ سوموار دے یو ایس اے ٹوڈے USA Today سےشمارے نے صفحہ اول تے اِک تصویر پیش کیتی اے جیس وِچ وکھایا گیا اے کہ لوکی عزہ شہر وِچ فسادات دے دوران اسرائیلی پرچم جال رئے نے۔ شہ سرخی وِچ لکھیا اے کہ اسرائیلی فوج جنگ دے لئی تیار اے۔

تاہم گذشتہ چند دِناں وِچ تشدد وِچ گھاٹا آیا اے۔ لیکن ایہہ حقیقت برقرار اے: اُو لوکی ایس علاقے وِچ یہودی نئیں چاہندے جیتھے کدی ہیکل کِھلوتی سی۔ تے یہودی، اِک ای ویلے وِچ، مستقبل دی تاریخ وَچ ویکھ رئے نے جدوں اُو ایس تھاں تے ہیکل نوں فیر توں تعمیر کرن گے، جیویں کہ بائبل پرانے عہدنامہ دی کتاب حزقی ایل تے [نئے عہدنامے وِچ] II تھسلنیکیوں 2: 4 دی تلاوت دوواں وِچ پیشن گوئی کردی اے جِنہوں میں ہُنے ہُنے پڑھیا اے۔

وڈا سوال ایہہ اے کہ یہودی ایس تھاں تے ہیکل نوں فیر توں کینج تعمیر کر سکدے نے، کیوں جے ایہہ کِدرے ہُور نئیں بنایا جا سکدا؟ ایتھوں تیکر کہ اِک سرکردہ یہودی دے ایس علاقے دے دورے نے تقریباً جنگ شروع کر دِتی۔ جے ایس ویلے یہودیاں نے بیت المقدس دی تعمیرِ نو شروع کر دِتی تے تیجی عالمی جنگ شروع ہو سکدی اے۔ لیکن بائبل پیشن گوئی کردی اے کہ واقعات بدل جان گے۔ تے اَسی پچھلے کُج دِناں وِچ ویکھیا اے کہ اُو کیہنی چھیتی بدل سکدے نے۔

I۔ پہلی گل، آن آلا زمانہ، دجال اسرائیل دے نال اِک معاہدہ کرے گا جیہڑا یہودیاں نوں بیت المقدس دا علاقہ دیوے گا۔

دجال دنیا دا آخری حکمران اے۔ ہرمن ہوئٹ Herman Hoyt دسا اے کہ اُوہنوں نئے عہد نامہ وِچ آٹھ القابات دِتے گئے نے، جن وِچ ’’جھوٹا مسیح‘‘، ’’مردِ گناہ‘‘ (ساڈی تلاوت وِچ)، ’’لاقانونیت آلا،‘‘ ’’دجال‘‘ I یوحنا 2: 18؛ II یوحنا 7، تے مکاشفہ 11: 7 تے 13: 2 وِچ ’’حیوان‘‘ (حوالہ دیکھو ہرمن ہوئٹHerman Hoyt، زمانے دے خاتمے دا دورThe End Times، موڈی پریسMoody Press، 1969، صفحہ 119)۔ دجال دُنیا دا ہُن تیکر دا سب توں طاقتور حکمران بن جائے گا۔

اُو یہودیاں دے نال اپنے نام تے اِک معاہدہ کرے گا (یوحنا 5: 43)، جیہڑا اُوہناں نوں بیت المقدس دے ایس علاقے دے قبضے وِچ لے آئے گا جیتھے اُو اپنی لمبے ویلے توں بند عبادت دی تجدید کر سکدے نے (مکاشفہ 11: 1-3)۔ (Ibid.، صفحہ 128).

II۔ دوجی گل، فیرتوں تعمیر کیتا ہویا اُو ہیکل اُدھوں دجال دے قبضے وِچ آ جائے گا۔

یہودیاں دے ہیکل نوں فیر توں تعمیر کرن تے دجال دی مدد نال اُوتھے قربانیاں نوں بحال کرن دے بعد، اُو یہودی قوم دے نال اپنے عہد نوں توڑ دے گا۔ ایہدے بعد ہیکل دی قربانیاں تے عبادت بند ہو جائے گی۔ دجال اپنے آپ نوں معبود بنائے گا، ایہہ اعلان کرے گا کہ اُو خدا اے، تے مطالبہ کرے گا کہ ایہدی الہٰی عزت تے عبادت دی ادائیگی کیتی جائے جیویں کہ اَسی اپنی تلاوت II تھیسّلنیکیوں 2: 4 وِچ ویکھیا سی۔

ایہدے بعد دجال اپنے اِک بہوتے وڈے مجسمے نوں بیت المقدس دے علاقے وِچ رکھن دا حکم دے گا، تے حکم دے گا کہ ایس نقش دی پوجا کیتی جائے (مکاشفہ 13: 14-15؛ متی 24: 15)۔ ایہہ اُوس ویلے وِچ اے جدوں یہودیاں نوں ایہہ احساس ہووے گا کہ ایہہ ’’اُجاڑ دین آلی مکروہ شے‘‘ اے جیہدے بارے وِچ دانیال 9: 27 اور 12: 11 وِچ کہیا گیا اے۔ یسوع نے کہیا، ’’… ایہدے لئی جدوں تُسی اُوس اُجاڑ دین آلی مکروہ شے نوں جیہدے ذکر دانی ایل نبی نے کیتا اے مقدس مقام تے کِھلوتا ویکھو‘‘ (متی 24: 15)۔ ایہہ آیت واضح طور تے ظاہر کردی اے کہ ہیکل، ایہدے ’’مقدس مقام‘‘ (یعنی پاک تر ترین مَقدِس دے مقام) دے نال فیر توں تعمیر کیتا جائے گا۔

نئے انجیلی بشارت دے مصنف رچرڈ ڈبلیو ڈی ہان Richard W. DeHaanنے درست لکھیا:

صحیفے دے حوالے، بشمول II تھسلنیکیوں 2: 4 تے مکاشفہ 13: 14-18، ایس گل دی نشاندہی کردے نے کہ آن آلے دجال دے ذریعہ اِک نقش کھڑا کیتا جائے گا، تے ایس بُت دی پرستش توں انکار بنیادی طور تے یہودیاں دے لئی خوفناک ظلم و ستم دا اِک دور شروع کرے گا، لیکن زمین دے باقی سارے باشندیاں دے لئی وی (رچرڈ ڈی ہان، پیشن گوئی وِچ اسرائیل تے قوماںIsrael and the Nations in Prophecy، زونڈروان اشاعت خانے Zondervan Publishing House، 1968، صفحہ 89)۔

ایہہ اوہی اے جیہدے بارے وِچ بائبل II تھسلنیکیوں 2: 3-4 وِچ، اَج شام دی ساڈی تلاوت وِچ گل کر رئی اے۔ آؤ ایہناں آیتاں دا بغور جائزہ لیہیے۔

آیت 3 دے پہلے حصے نوں لے لؤ، ’’نہ ای کسی طرح کسی فریب وِچ آنا کیوں جے اُو دِن نئیں آئے گا جدوں تیکر کہ لوکی ایمان توں برگشتہ نہ ہو جان…‘‘ (II تھسلنیکیوں 2: 3)۔ ایہہ آیت سانوں دسدی اے کہ مسیحیاں وِچ اِک بہوتا وڈھا اِرتداد ہووے گا۔ اَسی ہُنے ایہدے وِچوں دے لنگ رئے آں۔ ایہہ مسیحیت دے اِرتداد وَل اشارہ کردا اے۔ جِنہاں لفظاں دا ترجمہ ’’برگشتہ ہونا‘‘ کیتا گیا اے اُوہناں دا ترجمہ ’’اِرتداد‘‘ کیتا جا سکدا اے۔ پچھلے اِک سو بچاس وریاں وِچ، فنی Finney دے زمانے توں، عظیم پروٹسٹنٹ تے بپتسہ دین آلے گروہواں نے بے مثل اِرتداد دا تجربہ کیتا اے، فرقیاں نے بائبل تے خدا دے اِختیار توں مُنہ موڑ لیہیا اے۔ زیادہ تر گرجا گھراں دے اراکین گمراہ ہو چکے نے۔ تے کرشماتی\ پینٹی کوسٹل تحریک کئی طریقیاں توں اِرتداد دی اِک بدتر شکل اے۔ تے، اَسی ہُنے آیت تین دے پہلے نصف بیان وِچ رہ رئے آں!

فیر، آیت جاری رہندی اے، ’’… تے اُو مردِ گناہ ظاہر نہ ہووے جیہڈا انجام ہلاکت اے (II تھسلنیکیوں 2: 3)۔ ایہدے توں مُراد دجال اے۔ اُو ’’ظاہر‘‘ ہو جائے گا۔ اُو اچانک نمودار ہووے گا تے بہوتی چھیتی دُنیا دا عالمگیر آمر بن جائے گا۔

آیت چار سانوں دسدی اے کہ ایہہ آدمی ’’خود نوں ہر اِک توں خواہ اُو خدا کہلاندا ہووے یا کوئی معبود بڑا ٹھہرائے گا …‘‘ (II تھسلنیکیوں 2: 4الف)۔ اُوہدی اصل فطرت سامنے آئے گی۔ اُو خدا تے یسوع مسیح، خدا دے پُتر دے خلاف اے۔ ایس لئی ایہنوں یوحنا دے پہلے تے دوجے خطوط وِچ ’’دجال‘‘ کہیا گیا اے۔ لفظ ’’دجال‘‘ دے دو حصے نے۔ ’’اینٹیAnti‘‘ دا مطلب اے ’’مخالف‘‘ تے فیر ’’مسیحChrist۔‘‘ تے نام ’’دجال‘‘ دا مطلب اے ’’مسیح دے خلاف‘‘ ایہہ آدمی مسیح دے خلاف ہووے گا کیوں جے اُو خود چاہے گا کہ خدا تے مسیح دی تھاں تے اُوہدی پرستش کیتی جائے (II تھسلنیکیوں 2: 4الف)۔

ساڈی تلاوت ایہناں لفظاں دے نال ختم ہوندی اے، ’’ایتھوں تیکر کہ اُو خدا دی مَقدِس وِچ بیٹھ کے اپنے خدا ہون دا اعلان کرے گا‘‘ (II تھسلنیکیوں 2: 4ب)۔ اُو یروشلم وِچ فیر توں تعمیر شُدہ ہیکل وِچ داخل ہووے گا تے اپنے آپ نوں خدا ہون دا اعلان کرے گا۔

تُسی کہہ سکدے اُو، ’’کوئی کیوں منّہے گا کہ آدمی خدا اے؟‘‘ جواب II تھسلنیکیوں 2: 11-12 وِچ دِتا گیا اے،

’’ایس سبب توں خدا اُوہناں تے گمراہی دا اینج اثر پائے گا کہ اُو جھوٹ نوں سچ تسلیم کرن لگن گے۔ تے جیہڑے لوکی سچائی دا یقین نئیں کردے بلکہ ناراستی نوں پسند کردے نے اُو سارے سزا پان گے‘‘ (II تھسلنیکیوں 2: 11-12)۔

خدا خود بے اعتقادی دُنیا نوں ’’شدید فریب‘‘ پہیج کے سزا دیوے گا۔ لفظ ’’شدید‘‘ یونانی لفظ ’’انرجیانenergion‘‘ توں اے جیس دا مطلب (شدید، مؤثر) ہوندا اے۔ دوجا لفظ ’’فریبdelusion‘‘ یونانی لفظ ’’بلینplané‘‘ توں اے جیہدا مطلب اے ’’روشن خیالی، فریب، غلطی، فریب نال بھٹکنا‘‘ (سٹرانگ دی کانکارڈینس Strong’s Concordance # 4106)۔ لہٰذا، خُدا خود لوکاں نوں غلطی دی اِک شدید مؤثر روح پہیج کے سزا دیوے گا۔

ایہنوں ماہرین الہٰیات نے ’’عدالتی سزا judicial judgment‘‘ کہیا اے۔ ایہہ اُوہی اے جیہڑا قدیم زمانے وِچ رومیوں دے نال ہویا سی (رومیوں 1: 24، 26، 28)۔ تہاڈے نال ایہو ای ہووے گا جے تُسی بیوقوف بناندے رئے جیویں کہ تُسی کر رئے اُو: ’’خدا نے اُوہناں نوں ناپسندیدہ خیالات یا نامناسب حرکات دا شکار ہون دِتا‘‘ (رومیوں 1: 28)۔ تے جدوں خدا تہانوں چھڈا دیہندا اے، تے جدوں خدا تہانوں مستقل طور تے روحانی طور تے اندھا کر کے تہانوں سزا دیہندا اے، تے تُسی کدی وی نجات نئیں پا سکدے۔

جیویں تُسی کردے اُو تُسی صرف ایہنی ای دیر تیکر گناہ وِچ حیاتی لنگہا سکدے اُو۔ تُسی صرف ایہنی ای دیر تیکر شراب پی سکدے اُو تے نچ سکدے اُو تے خود نوں چرس دا نشہ کرا سکدے اُو۔ تُسی صرف ایہنی ای دیر تیکر اِتوار نوں گرجا گھر توں غائب رہ سکدے اُو۔ چھیتی ای خدا کہے گا، ’’بس بہت ہو گیا! ایہنے اپنی حداں نوں عبور کر لیہیا۔ اُو بہوتی دیر کر چکیا اے تے بہوتی دور چلا گیا۔ میں ایہدے توں دستبردار ہو رہیا آں۔ میں ایہدے توں دستبردار ہو رہیا آن۔‘‘ تے جدوں خدا کہندا اے کہ تہاڈے نجات پان دے لئی ہمیشہ دے لئی بہوتی دیر ہو چکی اے۔ خدا تہانوں ’’شدید فریب‘‘ پہیجے گا کہ تہانوں جھوٹ تے یقین کرنا پیہئے گا۔

جدوں خدا تہاڈے توں دستبردار ہو جائے گا، تُسی اپنی باقی دی حیاتی مذہب دے بارے وِچ شیطان دے جھوٹ تے یقین کردے ہوئے لنگہاؤ گے – ایتھوں تیکر کہ تُسی مرجاؤ گے تے جہنم وِچ جاؤ گے۔

جان لیننJohn Lennon نے اِک وری کہیا سی کہ بیٹلزBeatles یسوع مسیح توں بوہتے مشہور سن، تے اُوہنے کہیا کہ اُو آخرکار مسیح دی تھاں لین گے – لکھاں نوجواناں نے جان لینن دے جھوٹ تے یقین کیتا – جیویں مستقبل وِچ لوکی دجال تے یقین کرن گے۔ اُو خدا وَلوں چھڈ دِتے جان گے۔ اُو جھوٹ تے یقین کرن گے۔ اُو خدا دے بجائے اِک آدمی دی عبادت کرن گے۔ ایہہ سب کُج یروشلم وِچ بعد آلی ہیکل یعنی تیجی ہیکل دی تعمیر دے بعد ہووے گا۔

2۔ دجال فیر ایس معاہدے نوں توڑ دے گا، ہیکل وِچ جائے گا۔ تے اعلان کرے گا کہ اُو خود خدا اے۔

III۔ تیجی گل، بہوتی وڈی مصیبتاں دے دوجے اَدھے حصے دے بہوتے وڈے وڈے واقعات اُودھوں ظاہر ہون گے۔

بہوتی وڈی وڈی مصیبتاں آن آلا ست سالہ دور اے جیہدے وِچ دجال دُنیا تے حکومت کرے گا۔ ایس مُدت دے دوجے نصف دے دوران کئی منفی واقعات رونما ہون گے۔

سب توں پہلاں، شیطان دا غضب پوری طرح بنی نوع انسان تے نازل ہووے گا۔ بائبل کہندی اے:

’’تے فیر آسمان وِچ لڑائی ہوئی۔ میکائیل تے اُوہدے فرشتے اژدھے (شیطان) نال لڑن نکلے۔ اژدھے تے اُوہدے فرشتیاں نے اُوہناں دا مقابلہ کیتا۔ لیکن اُوہناں دے سامنے ٹِک نہ سکے تے اُوہدے بعد آسمان وِچ اُوہناں دا مقام اُوہناں دے ہتھ توں نکل گیا۔ فیر اُو وڈا اژدھا ہیٹاں سُٹ دِتا گیا یعنی اُوہی پرانے سَپ جیہدا نام ابلیس تے شیطان اے جیہڑا ساری دُنیا نوں گمراہ کردا اے۔ اُو خود وی تے اُوہدے نال اُوہدے فرشتے (یعنی آسیب) وی زمین تے سُٹ دِتے گئے (مکاشفہ 12: 7۔9)۔

’’اے زمین تے سمندر وِچ رہن آلیو، تُہاڈے تےافسوس! ایس لئی کہ ابلیس ہیٹاں تہاڈے تے سُٹ دِتا گیا اے! اُو قہر توں بھریا ہویا اے کیوں جے اُو جانندا اے کہ اُوہدی حیاتی دا چھیتی ای خاتمہ ہون آلا اے‘‘ (مکاشفہ 12: 12)۔

شیطان نوں ہُنب جنت تیکر رسائی حاصل نئیں ہووے گی (صفحہ دیکھیں، ایوب 1: 6-12)۔

ہُن اُو آ سکدا اے تے جا سکدا اے۔ بہوتی وڈی مصیبتاں دے ایس مقام تے، اُو خدا دی حضوری توں مکمل طور تے روک دِتا جائے گا۔ ایہدے نال شیطان نوں غصہ آئے گا۔ ایہدا شدید غضب ایہنوں دجال (یعنی حیوان) نوں دُنیا نوں ایس (شیطان) دی عبادت کرن تے خدا دی توہین کرن تے مجبور کرے گا:

’’تے اُوہنے اُو مُنہ کھولیا تے خدا دے خلاف کفر بکن لگا، اُوہنے خدا دے نام تے قیام گاہ دی نسبت تے اہل آسمان دے حق وِچ خوب کفر بکیا۔ اُوہنوں مقدساں نال جنگ کرن تے اُوہناں تے غالب آن دی قوت دِتی گئی تے ہر قبیلہ، اُمت، زبان تے قوم تے اِختیار دِتا گیا۔ سارے اہلِ زمین جِنہاں دے نام اُوس بنائے عالم توں ذبح کیتے ہوئے برّہ دی کتاب وِچ درج نئیں سن اُوس حیوان دی پرستش کرن گے‘‘ (مکاشفہ 13: 6۔8)۔

ابلیس ایس قدر انتقام تے غصے نال بھر جائے گا کہ اُو دجال نوں زمین تے رہن آلے ہر مسیحی دے خلاف ’’جنگ کرن‘‘ دے لئی تحریک دے گا (مکاشفہ 13: 7)، تے اُو ’’اُوہناں تے قابو پا لئے گا۔‘‘ ایہہ اِک بہوتی وڈی مجازی تباہی ہووے گی، جیہدے وِچ لکھاں مسیحیاں نوں قتل کیتا جائے گا۔

لاگت شمار کرو! اِک حقیقی مسیحی بنن دے لئی تہانوں کُج نہ کُج خرچ کرنا پیہئے گا! شاید تہانوں تہاڈی حیاتی دی قیمت ادا کرنی پیہہ جائے!

دوجا، شیاطین دی اِک بے مثال سرگرمی واقع ہووے گی۔ اتھاہ کھڈھا کھول دِتا جائے گا (مکاشفہ 9: 1)۔ ایس کھڈھے توں ہزارہا نئے آسیب نکلن گے۔ کُج آسیب تے ہُن ساڈے تعاقب وِچ ہوا وِچ نے۔ لیکن فیر ساریاں بدروحواں آزاد ہو جان گئیاں۔ جِنہے [آسیب] ہُنے نے اُوہدے مقابلے چہ اُوتھے ہُن توں وی بوہتے آسیب ہون گے! (مکاشفہ 9: 1-12)۔ شیطانی سرگرمی ایہنی زبردست ہووے گی کہ لوکی مسلسل خودکشی دے بارے چہ سوچن گے کیوں جے اُو شیطان تے بدروحواں توں بہوتے ستائے ہوئے نے۔

ڈاکٹر جان آر رائسDr. John R. Rice نے ایہہ کہانی اُوسے ویلے دے بارے چہ سُنائی جدوں اُو ’’عظیم جنگ‘‘ دے دوران فوج وِچ سن:

پہلی جنگِ عظیم دے دوران، اِک وری میں اِک ہسپتال وِچ مجرمانہ طور تے پاگل دی حفاظت دی ڈیوٹی دِتی سی۔ اِک غریب، پریشان حال، دیوانہ وار اپنی اَکھاں وِچ انگوٹھے پا کے باہر کڈن دی کوشش کردا، تے اَسی بے دلی نال اُوہدے ہتھ کِھیچ لہئے۔ جدوں تیکر اُوہد سر بالکل گنجا نہ ہو جائے اُو اپنے بالاں نوں مٹھی بھر کے کھیچدا سی۔ اَدھی رات دے ویلے میں اُوہدی چارپائی دے کول اِک اینفیلڈ رائفل لے کے گارڈ ڈیوٹی تے بیٹھ گیا۔ اُوہنے میہنوں سرگوشی چہ کہیا، ’’اپنی بندوق اُوتھے ای تھوڑی دیر دے لئی چھڈ تے ہال توں باہر ٹر جا۔ پانی پین دے لئی ای جا۔ میں وعدہ کرنا آں کہ میں اپنے علاوہ کیس ہُور نوں تکلیف نئیں دیاں گا۔ اوہ، میہنوں خود نوں مارن دا موقع دے!‘‘ اُوہنے میہنوں، اُوہنوں گولی مارن دی التجا کیتی، اُو ایہو جئے ای عذاب وِچ سی (ڈاکٹر جان آر رائسDr. John R. Rice، ویکھو، اُو آندا اہے Behold, He Cometh، سورڈ آف دی لارڈSword of the Lord، 1977، صفحہ 171)۔

شیطان تے اُوہدے آسیباں دی ایسی شدید سرگرمی دی وجہ توں اُوس ویلے لوکاں دا ایہو ای حال ہووے گا۔

تیجا، خدا دُنیا تے قہر تے سزا دے ست ’’پیالے‘‘ اُنڈیل دے گا۔

’’تے فیر میں مَقدِس وِچوں اِک وڈی آواز آندی ہوئی سُنی جیہڑی اُوہناں ست فرشتیاں نوں ایہہ کہہ رئی سی کہ جاؤ تے خدا دے قہر دے ست پیالیاں نوں زمین تے اُنڈیل دو۔

تے پہلا فرشتہ گیا تے اُوہنے اپنا پیالہ خشکی تے اُنڈیل دِتا؛ جِنہاں لوکاں تے اُوس حیوان دا نشان لگا سی تے جِنہاں نے اُوہدی مورت نوں سجدہ کیتا سی اُوہناں دے جسماں تے اِک بوہتا وڈا ناسور پیدا ہو گیا۔

فیر دوجے فرشتہ نے اپنا پیالہ سمندر وِچ اُنڈیل دِتا؛ تے سارا سمندر مُردہ لہو وگرا ہو گیا تے اُوہدے سارے جاندار مر گئے۔

تے فیر تیجے فرشتہ نے اپنا پیالہ دریاواں تے پانی دے چشمیاں تے اُنڈیل دِتا تے اُوہناں دا پانی وی لہو بن گیا۔ فیر میں پانیاں دے فرشتہ نوں ایہہ کہندے سُنیا، اے قدوس، تو جیہڑا اے، تے سی تے تو عادل اے کہ توں ایہو جیہا انصاف کیتا۔ کیوں جے اُوہناں نے تیرے مُقدساں تے تیرے نبیاں دا لہو وگایا، تے توں نے اُوہناں نوں پین دے لئی لہو ای دِتا جیہدے اُو مستحق نے۔ فیر میں قربانگاہ وِچوں ایہہ آواز سُنی کہ اے خداوند خدا قادرِ مطلق، بے شک تیرے فیصلے برحق تے راست نے۔

تے فیر چوتھے فرشتہ نے اپنا پیالہ سورج تے اُنڈیل دِتا؛ تے سورج نوں اِختیار دِتا گیا کہ اُو لوکاں نوں اَگ نال جُھلس دے۔ تے اُو لوکی حرارت دی شدت دی وجہ توں جُھلس گئے تے خدا دے ناں دی نسبت کفر بکن لگے جِنہوں ایہناں آفتاں تے اِختیار سی تے فیر وی اُوہناں نے توبہ نہ کیتی تے خدا دی تمجید کرن توں اِنکار کر دِتا۔

فیر پنجوے فرشتہ نے اپنا پیالہ حیوان دے تخت تے اُنڈیل دِتا جیس نال اُوس حیوان دی بادشاہی وِچ تاریکی چھا گئی۔ تے لوکی درد دے مارے اپنی زباناں نوں کٹن لگے۔ تے اپنے دُکھاں تے ناسوراں دی وجہ توں آسمان دی خدا تے کفر بکن لگے لیکن اُوہناں نے اپنی حرکتاں توں توبہ نہ کیتی۔

تے چھٹے فرشتہ نے اپنا پیالہ بڑے دریائے فرات تے اُنڈیل دِتا تے دریا دا پانی خشک ہو گیا تاکہ مشرق دے بادشاہواں دے آن دے لئی راہ تیار ہو جائے۔

تے فیر میں اژدھا دے تے حیوان دے تے جھوٹے نبی دے مُنہ توں تین ناپاک روحواں نوں نکلدے ویکھیا جیہڑیاں مینڈکاں وانگوں وکھائی دیہندی سن۔ ایہہ شیاطین دی روحواں نے جِنہاں دا کام شیطانی نشان وکھانا اے۔ ایہہ روحواں ساری دُنیا دے بادشاہواں دے کول جاندیاں نے تاکہ اُوہناں نوں ایس جنگ دے لئی جمع کرن جیہڑی خداوند دے روزِ عظیم دے آن تے ہووے گی۔ ویکھو، میں چور وانگوں آ رہیا آں، مبارک اے اُو جیہڑا جاگدا رہندا اے تے اپنی پوشاک نوں حفاظت نال رکھدا اے تاکہ لوکی اُوہنوں ننگا پھردا ہویا نہ ویکھن۔ فیر اُوہناں نے سارے بادشاہواں نوں اُوس تھاں جمع کیتا جیس دا عبرانی نام ہر مِجدّون (معرکہ خٰروشر) اے۔

فیر ستویں فرشتہ نے اپنا پیالہ ہوا وِچ اُنڈیلیا تے مَقدِس دے تخت وَلّوں اِک وڈی آواز ایہہ کہندی ہوئی سُنائی دِتی کہ ہو چکیا! فیر بجلیاں کوندیاں، گڑگڑاہٹاں تے گرجاں پیدا ہوئیاں تے اِک زلزلہ آیا کہ اِنسان دے زمین تے پیدا ہون دے ویلے توں ایہو جیہا زلزلہ نئیں آیا سی۔ تے اُو عظیم شہر ٹٹ کے تین ٹکڑے ہو گیا تے قوماں دے شہر وی ڈھیر ہو گئے۔ خدا نوں وڈھا شہر بابل یاد آیا تاکہ اُو اُوہنوں اپنی قہر دی مَے توں بھریا ہویا پیالہ دیوے۔ ہر اِک جزیرہ اپنی تھاں توں سِرک گیا تے پہاڑ دا پتا نہ چلیا۔ تے آسمان توں لوکاں تے مَن مَن بھر دے وڈے وڈے اولے ڈِگے۔ چونکہ ایہہ آفت وڈی ای سخت سی ایس لئی لوکی اولیاں دی آفت دی وجہ توں خدا دی نسبت کفر بکن لگے‘‘ (مکاشفہ 16: 1۔21)۔

چوتھی گل، ہر غیر تبدیل شُدہ [مسیح وِچ ایمان نہ لیہیائے ہوئے] شخص دی حیاتی وِچ ایہناں ساریاں دا اِک اہم اِطلاق ہوندا اے۔ II تھسلنیکیوں دے دوجے باب نوں فیر توں ویکھو۔ آیت تین تے چار وِچ سانوں دسیا گیا اے کہ ہیکل فیر توں تعمیر کیتی جائے گی تے دجال فیر اُوہدے چہ آئے گا تے اپنے آپ نوں خدا ہون دا اعلان کرے گا۔ ہُن آیت ست تے ہیٹاں ویکھو:

’’کیوں جے بے دینی دی طاقت پوشیدہ طور تے ہُن وی اپنا اثر ڈال رئی اے لیکن اِک روکن آلا ہُنے وی موجود اے تے جدوں تیکر اُو راستے توں ہٹایا نہ جائے اُو اُوہنوں روکے رئے گا‘‘ (II تھسلنیکیوں 2: 7)۔

ایس توں ظاہر ہوندا اے کہ خدا ایہناں واقعات دی ’’حد مقرر کردا‘‘ اے۔ اُو ’’قابو وِچ رکھدا‘‘ اے یا اُوہناں نوں محدود کردا اے۔ ایہو ای وجہ اے کہ تیجی عالمی جنگ پچھلے ہفتے شروع نئیں ہوئی! ایہو ای وجہ اے کہ بیت المقدس دے علاقے دے اِردگرد ایہناں بغاوتاں وِچوں ہر اِک دے بعد سب کچھ فیر توں خاموش ہو جاندا اے۔ لیکن آیت دے آخر تے غور کرو، ’’… جدوں تیکر کہ اُوہنوں راستے توں ہٹا نہ لیہیا جائے۔‘‘ خدا نوں ہٹایا نئیں جائے گا (جیویں کہ کُج جھوٹی تعلیم دیہندے نے)، بلکہ اُو ہُن ’’راستے وِچ‘‘ نئیں رئے گا! جدوں خدا اِک پاسے قدم چُکے گا تے ایہہ سارے واقعات دنیا تے ٹٹ پیہن گے۔

نئے انجیلی بشارت کے مبصر جان میک آرتھرJohn MacArthur کہندے نے:

ایہہ عمل وِچ خدا دی طاقتت ہونی چائیدی اے جیہڑی شیطان نوں روکدی اے، کیوں جے مردِ خدا، تباہی دا پُتر، اُوس ویلے تیکر نئیں آ سکدا جدوں تیکر کہ خدا اُوہدی روک تھام دی طاقت نوں ہٹان دی اِجازت نہ دیوے (میک آرتھر دا مطالعہ بائبل MacArthur Study Bible، II تھسلنیکیوں 2: 6 تے غور طلب گل)۔

اینج ظاہر ہوندا اے کہ ایہہ واقعات ہُنے ہون آلے نے! اِک ہنگامہ اے، بمباری اے، لڑائی اے۔ فیر سب کُج معمول تے آ جاندا اے۔ میں یروشلم وِچ بار بار اینج ہوندے ہوئے ویکھیا اے۔

لیکن ایہناں دِناں وِچوں اِک دِن خدا اِک طرف ہٹن آلا اے، تے ’’راستے توں ہٹ جائے گا۔‘‘ فیر اسرائیل وِچ مصیبتاں دے پہاڑ ٹٹ پیہن گے تے بنی نوع انسان وڈی مصیبت وِچ ڈوب جان گے۔

’’تے ایس سبب توں خدا اُوہناں تے گمراہی دا ایہو جیہا اثر پائے گی کہ اُو جھوٹ نوں سچ تسلیم کرن لگن گے‘‘ (II تھسلنیکیوں 2: 11)۔

دسویں آیت سانوں دسدی اے کہ خدا دے ’’شدید فریب‘‘ پیہجن دی وجہ ایہہ اے کہ اُوہناں نے سچائی دی کوئی قدر ای نہ کیتی، نہ اُوہنوں قبول کیتا، جے قبول کردے تے نجات پاندے‘‘ (II تھسلنیکیوں 2: 10ب)۔ ایہہ لوکی نجات پا لئے جان توں انکار کردے نے، ایس لئی خدا اُوہناں نوں ہر قسم دا وہم پیہجدا اے ’’کہ اُو جھوٹ تے یقین کرن۔‘‘

ایہہ مصیبت دے دور وِچ ناقابلِ معافی گناہ کرن آلے لوکاں دی پیشن گوئی دی انبیانہ تصویر اے۔ ڈاکٹر جان آر رائس نے کہیا،

اُو لوکی جیہڑے ایس حیوان دا نشان لیہندے نے ایس طرح ناقابلِ معافی گناہ کردے نے تے خود نوں ہمیشہ دے لئی جہنم وِچ عذاب دیہندے نے … بہوتی وڈی مصیبت وِچ، ایہدے باوجود مستقبل وِچ، لوکی مقررہ تاریخ نوں عبور کر لین گے، ناقابلِ معافی گناہ کرن گے (آخری حد نوں پار کرناCrossing the Deadline، سورڈ آف دی لارڈSword of the Lord، 1953، صفحہ 16، 11)۔

تے تُسی ناقابلِ معافی گناہ بالکل ہُنے سرزد کر سکدے نے!

ناقابلِ معافی گناہ کی اے؟ ڈاکٹر جان آر رائس Dr. John R. Rice نے کہیا:

ناقابلِ معافی گناہ ایہو جیہا گناہ اے جیویں کہ کوئی وی مرد یا عورت عظیم روشن خیالی دے بعد، بہوتی پُکاراں (نجات وَلوں) توں اِنکار دے بعد، روح القدس دی بہوتیری التجاواں دا مذاق اُڑان تے مزاحمت تے توہین کرن دے بعد کر سکدا اے (ibid، صفحہ 17)۔ گنہگار (جیہڑا ناقابل معافی گناہ دا ارتکاب کردا اے) سخت ہو جاندا اے، خدا دے خلاف، نجات دے خلاف ہو جاندا اے، تے اینج کدی توبہ نئیں کرے گا (ibid، صفحہ 24)۔ خدا دی روح ترک شُدہ گنہگار نوں نئیں بُلاندی (ibid.، صفحہ 25)۔ اُو شخص جِنہے اپنا دِل ہمیشہ دے لئی خدا دے خلاف قائم رکھیا اے تے روح القدس دی توہین کیتی اے تے اُوہنوں بھگا دِتا اے اُو اُوہدی پاکیزگی دے لئی کدی نئیں آئے گا جیہڑی پیش کیتی جاندی اے (ibid.) پس جِنہے خدا دی روح نوں نٹھا دِتا اے تے رحمت دی حدود توں لنگ گیا آے اُو توبہ نئیں کر سکدا (ibid.)۔

تُسی ناقابلِ معافی گناہ دے اِرتکاب دے بہوتے وڈے خطرے وِچ اُو۔ جدوں تُسی ایہدا اِرتکاب کردے اُو، تے تُسی کدی وی نجات حاصل نئیں کر سکدے۔ تُسی کدی وی مسیح وِچ ایمان لیہیا کے تبدیل نئیں ہو سکدے۔ تُسی کئی وریاں تیکر زندہ رہ سکدے اُو، لیکن خدا تہانوں ہمیشہ دے لئی ترک کر دے گا جے تُسی اپنی حد پار کردے نے تے اُو تہاڈی حیاتی وِچوں ’’راستے توں ہٹا دِتا جاندا اے‘‘ (2 تھسلنیکیوں 2: 7)۔

جدوں اینج ہوندا اے، تے خدا تہانوں ’’اُوباش ذہنیت دے حوالے کر دیوے گا‘‘ (رومیوں 1: 28)۔ خدا وَلوں چھڈ دِتے گئے! تُسی کدی وی نئیں نجات پا سکدے!

’’… کیوں جے اُوہناں نے سچائی دی کوئی قدر ای نہ کیتی، نہ اُوہنوں قبول کیتا جے کردے تے نجات پا لیہندے۔ ایس سبب توں خدا اُوہناں تے گمراہی دا ایہو جیہا اثر پائے گا کہ اُو جھوٹ نوں سچ تسلیم کرن لگن گے۔ تے جیہڑے لوکی سچائی دا یقین نئیں کردے بلکہ ناراستی نوں پسند کردے نے اُو سارے سزا پان گے‘‘ (II تھسلنیکیوں 2: 11-12)۔

اِک نوجوان بندے نے میہنوں کہیا، ’’میں مسیحی بنن وِچ ایہنی دلچسپی نئیں رکھدا جِنہی کہ میں تہاڈے سارے واعظ سُنن توں پہلاں رکھی سی۔ میں شروع وِچ دلچسپی لیہندا سی، لیکن ہُن گھٹ توں گھٹ دلچسپی لے رہیا آں۔‘‘ اُو ایس گل نوں آواز دین دی کوشش کر رہیا سی جیویں میرے واعظ اُوہنوں قائل کرن دے لئی بہوتی ناقص سن۔ لیکن میں اُوہدا معاملہ جاننا آں۔ حقیقت ایہہ اے کہ اُو واعظاں نوں رد کر رہیا اے، ایس لئی خدا ہولے ہولے اُوہنوں رد کرن لگا اے۔ چھیتی ای خدا اُوہنوں مکمل طور تے ترک کر دے گا، تے جدوں خدا اینج کرے گا تے ایس نوجوان نے ناقابلِ معافی گناہ کیتا ہووے گا۔ اُوہنوں مذید کوئی دلچسپی نئیں ہووے گی۔ اُو گرجا گھر واپس نئیں آنا چاہوے گا – کیوں جے خدا نے اُوہنوں چھڈ دِتا ہووے گا۔ روح القدس اُوہنوں ہمیشہ دے لئی چھڈ دیوے گا۔ فیر اُوہدے نجات پان وِچ ہمیشہ دے لئی بہوتی دیر ہو جائے گی۔

تُسی نہایت بے رُخی نال انتظار کیتا، مسیح نوں انتہائی آرام نال مسترد کیتا،
تُسی لمبے عرصے تے ہولناک طور تے گناہ کیتے، تہاڈا دِل ایس قدر غلط اے؛
اوہ، جے خدا دا صبر لبریز ہو گیا، تے پیاری روح نوں ٹھیس پہنچدی اے،
جے اُو مذید تہانوں نئیں بُلاندا اے، تے جدوں اُو چلا جائے گا تباہی تہاڈا نصیب ہووے گی۔

فیر کیس قدر افسوسناک فیصلے دا سامنا تہانوں بغیر رحم دے نال یاد کرنا ہووے گا
کہ تُسی سُستی وکھائی تے فضول وچ ویلہ لنگھایا جدوں تیکر کہ روح پرواز نئیں کر گئی؛
کیہو جئی الزام تراشی تے ماتم، جے جدوں موت تہانوں بے اُمید پاندی اے،
تُسی فضول وچ ویلہ لنگھا دِتا تے سُستی وکھائی تے بوہتا زیادہ ای انتظار کیتا!
(’’جے تُسی زیادہ دیر سُستی وکھائی If You Linger Too Long‘‘ شاعر ڈاکٹر جان آر۔ رائس Dr. John R. Rice، 1895۔1985)۔

ڈاکٹر جان آر رائس نے اِک وری اِک ایہو جئے شخص دے بارے چہ دسیا جیہڑا اُوہناں نوں سُنن دے لئی انجیلی بشارت دے تبلیغی اِجلاساں وِچ ہر روز رات نوں آیا کردا اے۔ اُو آدمی پیچھے بیہندا تے واعظ دے بعد ہنسدا تے مخول اُڑاندا۔ فیر مبشر دے اِجلاس ختم ہو گئے تے اُو اپنا کام کردے رئے۔ ورے لنگدے رئے لیکن اُو شخص کدی نجات نئیں لے پایا۔

اِک راتی ڈاکٹر رائس نے اپنی بہن نال ٹیلی فون تے گل کیتی۔ اُوہنے کہیا، ’’جون John کی تہانوں مسٹر (فلاں) یاد نے؟‘‘ اُوہنے کہیا، ’’ہاں، میہنوں یاد اے کہ اُو عبادتاں وِچ آیا سی، لیکن اُو بچ نئیں پایا۔ اُوہنے واعظ دا مخول اُڑایا تے لطیفے بنائے تے اُوہناں دے ہنسیا۔‘‘

فیر ڈاکٹر رائس دی بہن نے اُوہناں نوں دسیا کہ اُوس آدمی دے نال کی ہویا اے۔ اُوہدے پیٹ وِچ تکلیف ہوئی تے اُو لوکی اُوہنوں ڈاکٹر دے کول لے گئے۔ ڈاکٹر نے کہیا، ’’بہوتی دیر ہو چکی اے۔ میں کُج نئیں کر سکدا۔ گھر جا کے وصیت لکھو۔ توں بوہتی دیر تیکر زندہ نئیں رہوویں گا۔‘‘

ڈلاس وِچ ایہناں گرمی دے دِناں چہ گرمی سی۔ ایہہ اُوہناں دے کول ایئر کنڈیشنگ توں پہلاں سی۔ اُوہناں نے کھڑکیاں کُھلی چھڈ دِتیاں تاکہ ماڑی جیہئی ہوا چل سکے۔ اُو شخص اپنے گھر وِچ ہفتیاں تیکر مردا رہیا۔ کوئی اُوہنوں تسلی نئیں دے سکیا۔ اُوہناں نے بپتسمہ دین آلے مبلغ نوں بُلا پیہجیا، لیکن اُو ایس آدمی نوں مسیح وَل لے کے جان آلا نئیں لگدا سی۔ مرن آلا کہندا رہیا کہ بہوتی دیر ہو گئی، اُوہنے بہوتا انتظار کیتا سی۔ اُو کہندے نے کہ تُسی ایہنوں ڈلاس وِچ گرمی دی ایہناں گرم راتاں وِچ دور دور تیکر توں چیخدے ہوئے سُن سکدے سن۔ اُو کہندے نے کہ تُسی اُوہنوں چیخدےہوئے سُن سکدے سن، ’’اے خدا، میہنوں مذید ہور ویلے چائیدا اے! اے خدا، میں مرن دے لئی تیار نئیں آں! اوہ، خدایا، میں مرن دے لئی تیار نئیں آں! میں مرن دے لئی تیار نئیں! میں مرن دے لئی تیار نئیں آں!‘‘

تے اینج ای تُسی مر جاؤ گے جے تُسی یسوع مسیح نوں مسترد کردے رہوو گے – جدوں تیکر کہ تہاڈے نجات پان وِچ بہوتی دیر نہ ہو جائے۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔