ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایہو ای اصل وجہ اے کہ بُہتیرے لوکی خدا دی تخلیق دے بجائے ارتقاء تے یقین رکھدے نے، جیویں کہ بائبل وِچ پیش کیتا گیا اے۔

تقریباً ہر تخلیق بمقابلہ ارتقاء دی بحث وِچ اِرتقاء پسند کہندے نے کہ سائنسی تخلیقیت سائنس نئیں اے۔ اُو تہانوں دسن گے کہ سرکاری اسکولاں وِچ تخلیقیت دی تعلیم نئیں ہونی چائیدی اے کیوں جے ایہہ مذہب اے۔ جیہڑا اُو تہانوں نئیں دسدے اُو ایہہ اے: اِرتقاء بذاتِ خود اِک مذہب اے – فلسفیانہ انسانیت تے مبنی۔ ارتقاء اِک ایہو جیہا مذہب اے جیہڑا حیاتی دے نقطۂ آغاز دی وضاحت کرن دی کوشش کردا اے۔

معروف ماہر فلکیات ڈاکٹر رابرٹ جسٹرو نے سائنس ڈائجسٹ وِچ لکھدے ہوئے کہیا کہ تہانوں ایمان دے نال شروعات کرنی چائیدی اے – پاویں تُسی اِرتقاء پسند ہوو یا تخلیق پسند۔ ڈاکٹر جسٹرو خود اِک اِرتقاء پسند تے اِک ایگنساٹِک نے۔ لیکن اُوہناں نے ایہہ کہیا:

شاید زمین تے حیاتی دا ظہور اِک معجزہ اے۔ (بُہتیرے) سائنسدان ایس نظریے نوں قبول کرن توں گریزاں نے، لیکن اُوہناں دے انتخاب محدود نے۔ یا تے زمین تے حیاتی سائنسی سمجھ توں بالا کسی ہسیت دی مرضی توں پیدا ہوئی، یا ایہہ ساڈے سیارے تے بے ساختہ، غیر جاندار مادے وِچ کیمیائی ردعمل دے ذریعے پیدا ہوئی۔
پہلا نظریہ (تخلیق) حیاتی دی ابتداء دے سوال نوں سائنسی تحقیقات دی پہنچ توں باہر رکھدا اے۔ ایہہ اِک اعلیٰ ہستی (خدا) دی طاقت تے یقین دا بیان اے جیہڑا سائنس دے قوانین دے تابع نئیں اے۔
دوجا نظریہ (اِرتقاء) وی ایمان دا اِک عمل اے۔ عقیدے دا ایہہ عمل ایہہ منّن تے مشتمل اے کہ حیاتی دی ابتداء دے بارے وِچ سائنسی (اِرتقائی) نظریہ سچا اے، ایس عقیدے دی تائید دے لئی ٹھوس ثبوت دے بغیر۔

چونکہ نہ تے تخلیق دا مشاہدہ کیتا گیا اے تے نہ ای اِرتقاء دا، تے نہ ای کسی نوں تجربہ گاہ وِچ آزمایا جا سکدا اے، ایس لئی کوئی مفروضہ یا ایمان ہونا چائیدا اے۔ اِرتقاء پسند اُوس ویلے بے ایمان ہوندے نے جدوں اُو اپنے ’’ایمان‘‘ دا انکار کردے نے۔ اُوہناں دا آغاز حقائق توں نئیں بلکہ ایمان نال ہوندا اے۔

اِرتقاء سائنس نئیں اے۔ ایہہ قابل مشاہدہ، قابل آزمائش بنیاداں تے مبنی نئیں اے۔ ایس لئی ایہہ سائنس نئیں اے۔ ایہہ سائنس فکشن اے۔ ایہہ ’’سائنس اِزم‘‘ اے۔ فرضی مذہب دی اِک شکل۔ بُہتیرے لوکاں نے سائنس نوں مذہب بنا لیہیا اے۔ زیادہ تر مسیحی خدا دے بارے وِچ ایہنی تعظیم دے نال گل نئیں کردے جیہنی ایہہ لوکی سائنس دے بارے وِچ گل کردے نے۔ نیشنل اکیڈیمی آف سائنسز دے اَگے اِک نوشتہ ایس حقیقت نوں ظاہر کردا اے۔ اُوہدا کیہنا اے:

سائنس دے لئی، صنعت دا پائلٹ، بیماری دا فاتح، فضل نوں ودھان آلا، کائنات دا متلاشی، فطرت دے قوانین دا اِنکشاف کرن آلا، سچائی دا ابدی رہنما۔

اُوہناں نے سائنس نوں مذہب وِچ تبدیل کر دِتا اے۔

سائنس دے معروف مؤرخ، ڈاکٹر مارجوری گرین نے لکھیا، ’’ایہہ سائنس دے مذہب دے طور تے اے کہ ڈٓارون اِزم مَرداں دے ذہناں نوں پھڑے رکھدا اے … ایہدے پیروکاراں نے مذہبی جوش تے جذبے دے نال تبلیغ کیتی، تے اُوہناں نوں شک اے، اُو محسوس کردے نے، صرف چند گستاخاں دی وجہ توں سائنسی ایمان وِچ نامکمل اے۔‘‘

غور کرو کہ ڈاکٹر گرین کہندے نے کہ اِرتقاء ’’مَرداں دے ذہناں نوں پھڑے رکھدا اے‘‘ اے ایہہ کہ ’’ایہدے پیروکار (ایہدی تبلیغ) مذہبی جوش دے نال کردے نے۔‘‘ اِرتقاء اِک مذہب بن گیا اے۔ ایہہ اِک ایہو جیہا مذہب اے جیہڑا بائبل دی مسیحیت دے خلاف اے۔

ڈٓاکٹر کولن پیٹرسن برٹش میوزیم آف نیچرل ہسٹری دے سینیئر ماہر امراضیات نے۔ ڈاکٹر پیٹرسن کہندے نے کہ بُہتیرے اِرتقاء پسنداں نے ڈارون نوں تقریباً ’’خدا‘‘ بنا دِتا اے۔ اُوہناں نے کہیا، ’’جیویں ڈاروِن توں پہلاں دی حیاتیات ایہناں لوکاں نے کیتی سی جِنہاں دا ایمان (خدا) تے سی، اینج ای ڈٓاروِن دے بعد دی حیاتیات (اَج دی حیاتیات) اُو لوکی انجام دے رئے نے جِنہاں دا عقیدہ تقریباً ڈاروِن دے دیوتا تے اے۔‘‘ یسوع دی تھاں ڈٓاروِن دے نال ’’ایچتُھس Ichthus‘‘ دراصل اِک ایماندارانہ بیان اے۔ اِرتقاء دے نئے مذہب وِچ ڈاروِن دا خدا اے۔

لُنڈ یونیورسٹی دے عالمی شہرت یافتہ سائنسدان ڈاکٹر ہیریبرٹ نیلسن نے ارتقاء دے مذہب تے زور دِتا۔ ڈاکٹر نیلسن نے کہیا،

اِک تجربے دے ذریعے اِرتقاء نوں ظاہر کرن (یا سائنسی طور تے ثابت) کرن دی میری کوششاں (ساری) مکمل طور تے ناکام ہو گئیاں۔ اِرتقاء دا نظریہ خالص عقیدے تے منحصر اے۔

ایہو ای مذہب ہوندا اے!

جے تُسی نوجواناں نوں متاثر کرنا چاہندے اُو، خاص طور تے جے تُہاڈی دلیل بہوتی کمزور اے، تے تُسی ایہہ کہہ کے شروع کردے اُو، ’’سائنس نے ثابت کر دِتا اے،‘‘ یا ’’سائنسداناں دا یقین اے۔‘‘ ایہہ بیانات تقریباً ساریاں نوں ای قائل کرن لگدے نے۔ لیکن سانوں پُچھن دے لئی سیکھنا چائیدا اے، ’’کی اُو سچ اے؟‘‘ ’’تہانوں کیویں پتا کہ ایہہ سچ اے؟‘‘ ’’تہاڈے کول کی ثبوت اے؟‘‘ اِرتقاء پسنداں دے کول کوئی ثبوت نئیں اے۔ اُوہناں دا نظریہ سائنسی شواہد تے نئیں بلکہ مذہبی طور تے قائم کیتے گئے تصورات تے منحصر اے۔ بی لِیتھ B. Leith نے ایس گل دا اعتراف کیتا جدوں اُوہنے کیہیا، ’’حیاتی دا نظریہ جِنہے انیسویں صدی دے مذہب (ڈارون اِزم) نوں مجروح کیتا اُو عملی طور تے خود اِک مذہب بن گیا اے۔ ایس لئی ایہنوں تازہ (نئے) خیالات توں خطرہ اے۔

اِرتقاء پسند جولین ہکسلےJulian Huxley نے اپنی کتاب ایشوز ان ایوولوشن Issues in Evolution وِچ ایہہ کیہیا:

فکر دے اِرتقائی انداز وِچ ہُن مافوق الفطرت دی لوڑ یا گنجائش باقی نئیں رئی۔ زمین پیدا نئیں ہوئی، ایہدا اِرتقاء ہویا سی۔ اینج ای سارے جانوراں تے پودیاں دے نال ہویا۔ مذہب نے وی اینج ای کیتا۔ (اِرتقاء بذاتِ خود) نیا مذہب اے جیہڑا آن آلے دور دی ضروریات نوں پورا کرن دے لئی پیدا ہوندا اے۔

ماہر طبیعیات ڈاکٹر وولف گینگ سمتھ ایس گل نال اِتفاق کردے نے کہ اِرتقاء اِک نیا مذہب اے۔ اُوہناں نے لکھیا:

ارتقاء دے نظریے نے دنیا نوں اپنی سائنسی خوبیاں دے بال بوتے تے نئیں بلکہ بالکل اِک علمی افسانہ دے طور تے اپنی صلاحیتاں دے مطابق ڈھالیا اے۔ ایہہ (کہندا اے) کہ جانداراں نے خود نوں تخلیق کیتا، جیہدا کہ روح رواں اِک طبیعیاتی دعویٰ اے۔ اینج … اِرتقاء حقیقت وِچ اِک مابعد الطبیعیاتی (مذہبی) نظریہ اے جیہڑا سائنسی لباس وِچ سجیا ہویا اے۔

سِینسیناٹی یونیورسٹی University of Cincinnati دے ایل ٹی مور L. T. More نے تحریر کیتا:

پیلیونٹولوجیpaleontology [زمین دی سائنس جیہڑی حیاتیات دے آثارِ مُتحجرfossil تے متعلقہ باقیات دا مطالعہ کرتی اے] دا جیہنا بوہتا مطالعہ کیتا جائے گا، ایہنا ای بوہتا یقین ہو جائے گا کہ اِرتقاء دی بیناد صرف ایمان تے اے، بالکل اینج دی قِسم دے عقیدے … مذہب دا عظیم اِسرار دا سامنا کرن (وِچ) ہوندا اے۔

ڈاکٹر مورDr. More گل جاری رکھدے ہوئے کہندے نے کہ اُو اِرتقاء دے جھوٹے مذہب نوں کیوں نئیں چھڈدے:

ارتقاء دے نظریے وِچ ساڈا ایمان خصوصی تخلیق دے مخالف نظریے نوں قبول کرن وِچ ساڈی ہچکچاہٹ تے منحصر اے۔

اِرتقاء دے مذہب وِچ، اِنسان تخلیق کرن آلے خدا دے سامنے ذمہ دار نئیں اے۔ انسان نے اِرتقاء کیتا، اُو تخلیق نئیں ہویا۔ اِرتقاء دے مذہب وِچ، بنی نوع انسان بہتر ہو رہیا اے تے اِک بہادر نئی دُںیا وِچ ساڈا اِک شاندار مستقبل اے جِنہوں اَسی تخلیق کراں گے۔ اَسی ہر ویلے اِرتقائی عمل توں لنگ رئے آں تے بہتر ہو رئے آں۔ اِرتقاء پسند سٹار ٹریکStar Trek وگری شیواں تے یقین رکھنے آں – اُو کہندے نے کہ مستقبل وِچ انسان کائنات نوں فتح کر لئے گا۔ اُو کہندے نے کہ اَسی خلائی جہازاں وِچ اُڑاں گے تے کہکشاواں تے راج کراں گے۔

نوجوانو، کی تُسی ایہدے تے یقین رکھدے اُو؟ کی تہانوں لگدا اے کہ دُنیا بہتر توں بہتر ہو رئی اے؟ نوجوانو، کی تُسی سمجھدے اُو کہ دُنیا پچاس وریاں پہلاں توں بہتر اے؟ کی تُہانوں لگدا اے کہ حیاتی توں لنگہنا پہلاں دی نسبت سہوکھا اے؟ کی تہانوں لگدا اے کہ بچیاں نوں پہلاں توں کِدرے بوہتی آسانی میسر اے؟ کی تہانوں لگدا اے کہ دُںیا اِرتقاء وِچ ترقی کر رئی اے تے بہتر توں بہتر ہو رئی اے؟

میں کہنا آں تُسی ٹھیک کہندے اُو۔ دُنیا بدتر ہو رئی اے۔ ایہہ تُسی نوجوان لوکاں دے لئی ایہدے توں بوہتی مشکل اے جِنہا تہاڈے ماں پیو دے لئی سی۔ تُسی اِرتقاء وِچ ترقی نئیں کر رئے اُو! ایہہ بدتر ہو رہیا اے، بہتر نئیں!

تہاڈی نسل، ایکس نسلX generation، ایہنوں ویکھدی اے! اَج تُسی نوجوان لوکی فطری طور تے جانندے اُو کہ اِرتقاء غلط اے۔ تہاڈی حیاتی مشکل تر اے۔ تہاڈا مستقبل مشکل لگدا اے۔ اُوہناں پرانے زمانے دے لوکاں نے تہانوں جھوٹ دا اِک پیکٹ کھلایا جدوں اُوہناں نے تہانوں دسیا کہ ایہہ ترقی کرے گی تے بہتر تے سہوکھی ہو جائے گی! کسی نے تہاڈے نال جھوٹ بولیا۔ تہاڈے ماں پیو، تہاڈے اُستاد، تہاڈے نال پرانی نسل نے جھوٹ بولیا اے! اَسی اسٹار ٹریکStar Trek وَل نئیں جا رئے آں! اَسی گٹر وَل چل رئے آں۔ تُسی لیوک سکائی واکر نئیں بنو گے تے اسٹار ٹریک نئیں ویکھو گے! تُسی ستاریاں وِچ چہل قدمی کرن نئیں جا رئے اُو – تہانوں ٹوٹے ہوئے لوکاں نے بھرے، ٹوٹے ہوئے شہر دے جنگل وِچ اِک سخت، مشکل، خشک ترین حیاتی لنگہانی ہووے گی۔ پرانے ویلیاں دے لوکاں نے تہاڈے نال جھوٹ بولیا اے! ایہہ کوئی بہادر نئی دُنیا نئیں اے جِنہوں اَسی بنایا اے! ایہہ اِک تاریک، گندا، خوفناک جنگل اے!

ایس لئی میں کہنا آں کہ اِرتقاء غلط اے تے بائبل درست اے!

تے سزا دے حکم دی وجہ ایہہ اے کہ نور دُنیا وِچ آیا اے تے لوکاں نے نور دے بجائے تاریکی نوں پسند کیتا اے، کیوں جے اُوہناں دے کام بُرے سن‘‘ (یوحنا 3: 19)۔

ارتقاء دا مذہب سکھاندا اے کہ انسان نے خود نوں تخلیق کیتا، تے کائنات نے خود نوں تخلیق کیتا۔ لیکن بائبل سِکھاندی اے کہ یسوع مسیح نے دُنیا نوں تخلیق کیتا! یسوع مسیح نے بنی نوع انسان نوں تخلیق کیتا!

I۔ پہلی گل، یسوع مسیح نے بنی نوع انسان تے دُنیا نوں تخلیق کیتا۔

’’ابتداء وِچ کلام سی تے کلام خدا دے نال سی تے کلام ای خدا سی۔ کلام شروع وِچ خدا دے نال سی۔ ساریاں شیواں اُوسی دے وسیلے توں پیدا کیتیاں گئیاں تے کوئی شے وی اینج دی نئیں جیہڑی اُوہدے بغیر وجود وِچ آئی ہووے۔‘‘ (یوحنا1: 1۔3)

II۔ دوجی گل، بنی نوع انسان نے بغاوت کیتی؛ گناہ دُںیا وِچ داخل ہویا، تے بنی نوع انسان لعنت دی زد وِچ آ گیا۔

’’پس، جیویں اِک آدمی دے ذریعے گناہ دُنیا وِچ داخل ہویا تے گناہ دی وجہ توں موت آئی اُونج ای موت سارے اِنساناں وِچ پھیل گئی کیوں جے ساریاں نے گناہ کیتا‘‘ (رومیوں 5: 12)۔

’’کیوں جے جیویں اِک آدمی دی نافرمانی توں بُہتیرے لوکی گنہگار ٹھہرے اُونج ای اِک آدمی دی فرانبرداری توں بُہتیرے لوکی راستباز ٹھہرائے جان گے‘‘ (رومیوں5: 19)۔

’’اُو سارے دے سارے گناہ دے قابو وِچ نے؛ جیویں کہ لکھیا اے، کوئی راستباز نئیں، جی نئیں، اِک وی نئیں: کوئی سمجھدار نئیں، کوئی خدا دا طالب نئیں‘‘ (رومیوں3: 9۔11)۔

III۔ تیجی گل، یسوع مسیح، خود خالق اے، اُوہنے بنی نوع انسان نوں لعنت توں نجات دلان دے لئی سولی تے دُکھ چُکے۔

’’مسیح نے جیہڑا ساڈے لئی لعنتی بنیا، سانوں مول لے کے شریعت دی لعنت توں چُھڑا لیہیا کیوں جے لکھیا اے کہ جیہڑا کوئی لکڑی تے لٹکایا گیا اُو لعنتی اے‘‘ (گلِتیوں 3: 13)۔

یسوع مسیح نسل انسانی نوں گناہ دی لعنت توں آزاد کران دے لئی مُردیاں وِچوں جی اُٹھیا۔

’’لیکن حقیقت تے ایہہ اے کہ مسیح مُردیاں وِچوں زندہ ہو گیا لہٰذا اُو مُردیاں وِچ جی اُٹھن آلا پہلا شخص اے۔ کیوں جے جدوں انسان دے ذریعے توں موت آئی، تے انسان ای دے ذریعے توں مُردیاں دی قیامت وی آئی‘‘ (I کرنتھیوں15: 20۔21)۔

گناہواں تے غماں نوں ہُور ودھن نہ دیے،
نہ ای کنڈے زمین تے حملہ کردے نے۔
اُو اپنی نعمتاں نوں وگان دے لئی آندا اے۔
جیتھوں تیکر لعنت لبھدی اے،
جیتھوں تیکر لعنت لبھدی اے،
جیتھوں تیکر، جیتھوں تیکر لعنت لبھدی اے،
- آئزک واٹس، ’’دنیا دے لئی خوشی!‘‘

IV۔ چوتھی گل، یسوع مسیح فیر توں آئے گا۔

1۔ ریپچر دے موقع تے

’’کیوں جے سانوں یقین اے کہ یسوع مر گیا تے فیر زندہ ہو گیا تے اَسی ایہہ وی یقین کرنے آں کہ خدا اُوہناں نوں وی جیہڑے یسوع وِچ سو گئے نے یسوع دے نال واپس لے آئے گا … کیوں جے خداوند خود وڈی للکار تے مقرب فرشتہ دی آواز تے خدا دے نرسنگے دے پھونکے جان دے نال آسمان توں اُترے گا تے اُو سارے جیہڑے مسیح وِچ مر چکے نے زندہ ہو جان گے۔ فیر اَسی جیہڑے زندہ باقی ہوواں گے اُوہناں دے نال بدلاں تے چُک لئے جان گے تاکہ ہوا وِچ خدا دا استقبال کریے تے ہمیشہ اُوہدے نال رہیے‘‘ (I تسالونیکیوں 4: 14، 16۔17)۔

2۔ زمین تے اپنی بادشاہی قائم کرن دے لئی اُوہدی واپسی دے موقع تے

’’فیر آخرت ہووے گے، اُوس ویلے مسیح ساری حکومت، کُل اِختیار تے قدرت نیست کر کے سلطنت خدا باپ دے حوالے کر دیوے گا؛ کیوں جے اپنے سارے دشمناں نوں شکست دین تے مطیع کر لین تیکر مسیح دا سلطنت کرنا لازم اے۔‘‘ (I کرنتھیوں 15: 24۔25)۔

’’اُوس دِن اُو کوہِ زیتون تے جیہڑا یروشلم دے مشرق وِچ اے کِھلوتا ہووے گا تے کوہِ زیتون وِچکار توں دو حصیاں وِچ پھٹ جائے گا تے مشرق توں مغرب تیکر اِک وڈی وادی ہو جائے گی کیوں جے اَدھا پہاڑ شمال نوں سرک جائے گا تے اَدھا جنوب نوں‘‘ (زکریاہ 14: 4۔5)۔

’’فیر میں تخت ویکھے جِنہاں تے اُو لوکی بیٹھے ہوئے سن جِنہاں نوں اِنصاف کرن دا اِختیار دِتا گیا سی۔ تے میں اُوہناں لوکاں دیاں روحاں ویکھیاں جِنہاں دے سر یسوع دی گواہی دین تے خدا دے کلام دی وجہ توں کاٹ دِتے گئے سن۔ اُوہناں لوکاں نے نہ تے اُوس حیوان نوں نہ اُوہدی مورت نوں سجدہ کیتا سی، نہ اپنی پیشانی تے ہتھاں تے اُوہدا نشان لگوایا سی۔ اُو زندہ ہو گئے تے اِک ہزار وریاں تیکر مسیح دے نال بادشاہی کردے رئے۔ تے باقی مُردے اِک ہزار وریاں پورے ہون تیکر زندہ نہ ہوئے۔ ایہہ پہلی قیامت اے۔ مبارک تے مقدس نے اُو لوکی جیہڑے پہلی قیامت وِچ شریک نے۔ اُوہناں تے دوجی قیامت دا کوئی اِختیار نئیں بلکہ اُو خدا تے مسیح دے کاہن ہون گے تے ہزار وریاں تیکر اُوہدے نال بادشاہی کردے رہن گے‘‘ (مکاشفہ 20: 4۔6)۔

اُو دو مختلف مذاہب نے۔

1۔ ارتقاء سکھاندا اے کہ تُسی صرف اِک جانور اُو جیہڑا ارتقاء پذیر اے – ارتقائی پیمانے تے اُوتے وَل ودھ رہیا اے۔ ایہہ سِکھاندا اے کہ نسل انسانی اُوتے وَل ترقی کر رئی اے تے اِک دِن کائنات تے راج کرے گی – شاید خلاءی جہازاں توں – جیویں کہ اَسی ’’اسٹار ٹریک‘‘ تے ’’اسٹار وارز‘‘ وِچ ویکھنے آں۔

2۔ مسیحیت تے بائبل ایہدے برعکس تعلیم دیہندی اے۔ بائبل سِکھاندی اے کہ نسل انسانی کامل پیدا کیتی گئی سی، لیکن گمراہ یا برگشتہ ہو گئی تے گناہ نال برباد ہو گئی۔
     فیر خالق خود آیا تے تہاڈے گناہواں دی ادائیگی دے لئی سولی تے مر گیا جے تُسی اُوہدے تے پروہسا کردے اُو تے تبدیل ہوندے اُو۔
     فیر یسوع مسیح مُردیاں وِچوں جی اُٹھیا۔ اُو جنت وِچ زندہ اے۔ اُو فیر توں جسمانی طور تے ایس زمین تے اپنی بادشاہی قائم کرن دے لئی آئے گا۔ جے تُسی ہُںے اُوہدے وِچ ایمان لیہیا کے تبدیل ہوئے اُو، تےتُسی اُوہدے آں تے زمین تے اُوہدے نال حکومت کرو گے۔

بائبل کہندی اے،

’’اَج دے دِن اپنے لئی اُوہنوں چُن لے جیہدی توں عبادت کرنا چاہندا اے‘‘ (یشوع 24: 15)۔

کی تُسی روشنی توں بوہتا انہیرے نوں پسند کرو گے؟ کی تُسی ارتقاء دے جھوٹے مذہب یا بائبل وِچ دتی گئی یسوع مسیح دی سچائی تے یقین کرو گے؟ ایہہ تہاڈی پسند اے۔ بائبل کہندی اے، ’’اَج دے دِن اپنے لئی اُوہنوں چُن لوؤ جیہدی تُسی عبادت کرنا چاہندے اُو۔‘‘

ہُن جے تُسی ارتقاء دے جھوٹے مذہب نوں ترک کرن تے مسیحی بنن دا فیصلہ کردے اُو تے تہانوں دو شیواں کرنی چائیدیاں نے۔

1۔ تہانوں اگلے اِتوار تے ہر اِتوار نوں ایس گرجا گھر وِچ واپس آن تے بائبل تے مسیحیت دے بارے وِچ حقائق جانن، تے ایتھے نئے بیلی بنان دا فیصلہ کرنا چائیدا اے۔

2۔ تہانوں صرف بائبل دے حقائق نوں نئیں سیکھنا چائیدا اے۔ تہانوں یسوع مسیح دے کول وی آنا چائیدا اے تے اپنے آپ نوں مسیح دے حوالے کر دینا چائیدا اے۔ اُوہنوں تہاڈے گناہواں نوں اپنے لہو وِچ ھو لین دیو جیہڑا سولی تے وگایا گیا۔ اُوہنوں تہاڈے گناہواں نوں معاف کر لین دیو تے تہانوں مسیح وِچ ایمان لیہیان دے تبدیلی دے ذریعے اِک حقیقی مسیح وِچ بدل لین دیو۔ تے فیر ایتھے آؤ تے ہر اِتوار نوں گرجا گھر وِچ ساڈے نال رہوو۔ تہاڈے بیلی تے رشتہ دار تہاڈا مذاق اُڑان گے تے ہسّن گے۔ اُو سوچ سکدے نے کہ تُسی ہر اِتوار نوں ایتھے آن دے لئی پاگل ہو گئے اُو۔ اُوہناں نوں ہسّن دیو! ایہہ اُوہی اے جیہدی تہانوں لوڑ اے تے تُسی ایہنوں جانندے اُو – تہاڈے دِل دی گہرائیاں وِچ تُسی جانندے اُو کہ اَسی صحیح آں تے اُو غلط نے! اُوہناں دی حیاتی ویکھو۔ اُوہناں نوں کوئی اُمید نئیں اے۔ اُوہناں نوں سکون نئیں اے۔ اُوہناں دے ہسّن تے ٹھٹھا کرن توں باز آؤ تے ساڈے نال چلو اَسی تہاڈا بھال کراں گے۔ تے تہانوں خوشی، سکون تے مسرت لبھے گی جیہڑی تُسی پہلاں کدی نئیں جانندے سی، ایتھے ای، ایس گرجا گھر وِچ!

خدا تہانوں برکت دیوے جیویں کہ تُسی کردے اُو!

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔