ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ہُن میرے نال متی 16 باب، آیت 24 کھولو۔

’’جے کوئی میری پیروی کرنا چاہندا اے تے اُوہدے لئی ضروری اے کہ اُو اپنی خودی دا انکار کرے تے اپنی سولی چُکے تے میرے پیچھے ہو لئے‘‘ (متی 16: 24)۔

اَج کل زیادہ تر نوجواناں دے کول اپنی حیاتی دا کوئی سبب نئیں اے تے نہ ای کوئی مقصد اے۔ تُسی صرف اِک دِن توں اگلے دِن تیکر دے لئی حیاتی لنگہاندے نے۔ اَسی دریافت کیتا اے کہ سانوں سویرے دی عبادت 9:30 بجے شروع کرنی چائیدی اے ورنہ تُہاڈے وِچوں اکثر لوکی اپنے گھراں توں نکل جان گے ایس توں پہلاں کہ [ساڈی] گڈی تہانوں لین آئے۔ کیوں؟ کیوں جے اَج نوجوان لمحہ بہ لمحہ حیاتی نوں بسر کردے وکھائی دیہندے نے۔ تُسی حیاتی دے نال ایہو جیہا سلوک کردے اُو جیویں تُسی ٹیلی ویژن تے چینل نوں بار بار ٹٹولدے رئے سی۔ تُسی اکثر پورے پروگرام نوں ویکھے بغیر اِک چینل توں دوجے چینل تے ٹر جاندے اُو۔

ہُن ایہدے نال خطرہ اے۔ تہانوں پوری کہانی کدی وی نئیں لبھدی۔ بُہتیرے نوجوان ایس گرجا گھر دے نال ایہو جیہا ای سلوک کردے نے۔ تُسی ’’چینل ٹٹولدے‘‘ اُو – اَگے پیچھے چینل نوں بدلدے اُو۔ اِک اِتوار نوں لاس ویگاس جانا تے اگلے اِتوار نوں گرجا گھر جانا۔ لیکن تہانوں پوری کہانی اینج نئیں لبھدی اے۔ تہانوں صرف اشارے کنائیے ای لبھدے نے۔ (مثال دے طور تے، تُسی صرف ارتقاء دے بارے وِچ سُنندے اُو، تے تُسی یاد کردے اُو ایسچیٹالوجی eschatology [الہٰیات دی اُو شاخ جیہڑی موت تے اخٰیرلی سزا وگری حتمی شیواں توں متعلق اے۔ جنت تے جہنم؛ انسانیت دی حتمی تقدیر]، سوٹرئیالوجی soteriology [مسیحی الہٰیات دی اُو شاخ جیہڑی نجات دے نال اِک الہٰی طریقہ دے اثر دے طور نال تعلق رکھدی اے]، آسیبیت دا علم demonology، تے بُہتیرے دوجے مضامین نوں یاد کردے اُو)۔ اِک حقیقی مسیحی بنن دے لئی تہانوں مکمل طور تے یسوع مسیح دے حوالے کر دینا چائیدا اے:

’’جے کوئی میری پیروی کرنا چاہندا اے تے اُوہدے لئی ضروری اے کہ اُو اپنی خودی دا انکار کرے تے اپنی سولی چُکے تے میرے پیچھے ہو لئے‘‘ (متی 16: 24)۔

ہُن، نجات فضل دے وسیلے توں ہوندی اے۔ اِک غیر تبدیل شُدہ آدمی [مسیح وِچ ایمان نہ لیہایا ہویا آدمی] کدی وی اُو نئیں کر سکدا جیہڑا یسوع نے کیہیا، ’’جے کوئی میری پیروی کرنا چاہندا اے تے اُوہدے لئی ضروری اے کہ اُو اپنی خودی دا انکار کرے تے اپنی سولی چُکے تے میرے پیچھے ہو لئے۔‘‘ لیکن خدا نے تہانوں ایس گرجا گھر وَل خوشخبری سُنن دے لئی کھیچیا اے۔ تے پیوریٹن تھامس واٹسن نے بجا طور تے کہیا، ’’جدوں خدا اپنے وَل متوجہ کرنا شروع کرے گا تے اَسی اُوہدی پیروی کر سکنے آں۔‘‘یا، تُسی پیروی نہ کرن دا فیصلہ کر سکدے اُو، حالانکہ، باطنی طور تے تُسی جانندے اُو کہ تہانوں [پیروی کرنا چائیدی اے۔

I۔ مسیح وِچ ایمان نہ لیہایا ہویا یعنی غیر تبدیل شُدہ شخص تضادات نال بھریا ہویا ہوندا اے۔

تُسی گرجا گھر آندے اُو تے مبلغ تے بائبل دے نال دِل ای دِل وِچ بحث کردے اُو۔ تُسی اپنے دِل وِچ کہندے اُو۔ ’’میں بائبل نوں نئیں منندا۔‘‘ تُسی متزلزل ہوندے رہندے اُو۔ تہاڈا اِک حصہ خدا دے خلاف باغی اے تے تہاڈا اِک حصہ ایہہ مننا چاہندا اے کہ خدا وِچ اُمید اے۔ اِک باطنی جدوجہد اے۔ تے ہر اُو شخص جیہڑا اَج سویرے ایتھے اے اینج دی ای جدوجہد توں لنگہیا اے۔

میں اَج سویرے ایس گرجا گھر وِچ قطاراں چہ اَگوں توں پیچھے تیکر آ جا سکنا آں تے تہانوں اُوہناں نوجواناں دی کہانیاں سُنا سکنا آں جیہڑے ایتھے موجود نے۔ ایہناں وِچوں ہر اِک دی باطنی جدوجہد سی۔ ہو سکدا اے ایہہ تہاڈی جدوجہد وانگوں بالکل نہ ہووے، لیکن ہمیشہ مماثلتاں ہوندیاں نے۔ تہاڈا اِک حصہ گرجا گھر وِچ واپس آنا چاہندا اے تے اُمید کردا اے کہ اُوتھے اِک خدا تے نجات اے تے تہاڈا اِک حصہ خدا، بائبل تے مبلغ دے خلاف بغاوت کردا اے۔

تُسی تہاڈے باطن وِچ ایس جدوجہد تے ذرائع کی نے؟ سب توں پہلاں، دُںیا اے (وضاحت کرو: ماں پیو، دوست، تفریح)۔ فیر تہاڈا بدن اے (تُسی گرجا گھر نہ آن تے پچھتانا چاہندے اُو، آزادانہ طور تے جنسی تعلقات قائم کرنا چاہندے اُو، اپنی مرضٰی نال کم خود کرنا چاہندے اُو)۔ فیر شیطان اے (وضاحت کرو)۔ دوجے پاسے، روح القدس اے۔ اُو تہاڈے ضمیر نال گل کرن آلی چھوٹی آواز اے۔ اُو تہانوں یسوع مسیح دے کول آن تے اُوس مقامی گرجا گھر وِچ آن دے لئی بُلاندا اے۔ لہٰذا، تہاڈی روح دے لئی اِک جدوجہد اے۔ خدا اِک طرف تہانوں بُلا رہیا اے۔ تے دوجی طرف گناہ تے دُنیاوی لذت تہانوں بُلا رئی اے۔

بائبل کہندی اے،

’’اَج دے دِن اپنے لئی اُوہنوں چُن لوؤ جیہدی تُسی عبادت کرنا چاہندے اُو خواہ اُوہناں معبوداں دی جِنہاں دی تہاڈے باپ دادا دریا دے اُوس پار پرستش کیا کردے سن یا اُوہناں اُموریاں دے معبوداں نوں جِنہاں دے مُلک وِچ تُسی بسے ہو۔ لیکن جیتھے تیکر میرا تے میرے گھرانے دا تعلق اے اَسی تے خداوند دے ای تلاوت کراں گے‘‘ (یشوع 24: 15)۔

تہانوں انتخاب کرنا ہووے گا۔ بدقسمتی نال، تہاڈے وِچوں اکثر غلط انتخاب کرن گے۔ مسیحی مذہبی خدمت وِچ میرا 42 وریاں دا تجربہ میہنوں دسدا اے کہ تُسی شاید غلط انتخاب کرو گے۔

’’تے اُو موت نوں حیاتی تے ترجیح دین گے‘‘ (یرمیاہ 8: 3)۔

اپنے بارے چہ کی خٰیال اے؟

II۔ دوجی گل، تہانوں دُرست انتخاب کیوں کرنا چائیدا اے؟

تہانوں ایس مقامی گرجا گھر وِچ کیوں آنا چائیدا اے تے ہر اِتوار نوں ایتھے کیوں آنا چائیدا اے؟ تُہانوں مسیح دے کول کیوں آنا چائیدا اے تے مسیح وِچ ایمان لیہایا کے تبدیل ہونا چائیدا اے؟

1. کیوں جے ایہہ تہانوں جینے دِی اِک وجہ دیوے گا۔

2. کیوں جے ایہہ تہاڈی ناکامی دا رخ موڑ دیوے گا۔ کوئی وی جیہڑا مسیح نوں نئیں پاندا اُو ناکام اے۔

3. کیوں جے ایہہ تہانوں مستقبل دی اُمید دیوے گا۔

4. کیوں جے ایہہ تہاڈے قصور نوں دور کر دیوے گا تے تہانوں اِک بھرپور، پُرامن حیاتی وَل لے جائے گا۔

سبینا ورمبرینڈ Sabina Wurmbrand، عمر87 ورے، اِک مبشر جِنہے دُنیا گھر وِچ ستائے ہوئے مسیحیاں دی مدد دے لئی کام کیتا۔ سبینا اوسٹر دی پیدائش آرتھوڈوکس یہودیاں دے اِک خاندان وِچ ہوئی جیہڑا آسٹرو ہنگری دی سلطنت وِچ مقیم سی، ورمبرینڈ دی تعلیم سوربون وِچ ہوئی سی۔ پیرس وِچ زباندانی دی تعلیم مکمل کرن دے بعد، اُو بخارسٹ چلی گئی، جیتھے اُوہنے 1936 وِچ رچرڈ ورمبرینڈ نال شادی کیتی۔ ایس جوڑے نوں مسیحیت وِچ نئے نوبیاہتا جوڑے دے طور تے متعارف کرایا گیا تے چھیتی ای اینجلیکل مذہب اختیار کر لیہیا۔ رچرڈ ورمبرینڈ مسح کیتا ہویا اِک مذہبی خادم بن گیا، تے ایس جوڑے نے رومانیہ وِچ مشنری کام کرنا شروع کیتا۔ دوجی جنگ عظیم دے دوران، سبینا دے ماں پیو، دو بھائی تے بہن نازی حراستی کیمپاں وِچ مارے گئے۔ پوری جنگ دے دوران رومانیہ وِچ زیر زمین سرگرم، اُوہنے یہودی بچیاں نوں رومانیہ دی یہودی بستیاں توں باہر سمگل کرن وِچ مدد کیتی تے روزانہ بماں دے حملیاں توں بچن آلی پناہ گاہواں وِچ تبلیغ کیتی۔ 1947 وِچ کیمونسٹاں دے رومانیہ تے کنٹرول دے بعد، اُوس جوڑے نوں اُوہناں دی سرگرمیاں دی وجہ توں اکثر گرفتار کیتا جاندا رہیا۔ سبینا ورمبرینڈ نے تین وریاں تیکر جبری مشقت دے کیمپ وِچ لنگہائے تے ایہدے بعد کئی وریاں تیکر گھر وِچ نظر بند رئی۔ اُوہدے شوہر نوں 14 وریاں تیکر قید رکھا گیا جدوں تیکر کہ ناروے دے لوتھرن چرچ نے 1960 دی دہائی دے اوائل وِچ ایس جوڑے دی رہائی وِچ مدد نہ کیتی۔ امریکہ وِچ فیر توں آباد ہون دے بعد، اُوہناں نے وائس آد دی مارٹیئرز دی بنیاد رکھی، اِک ایہو جئی تنظیم جیہڑی دُنیا بھر وِچ مسیحیاں تے ہون آلے ظلم و ستم دا سراغ لگاندی اے تے بائبل تے دیگر لٹریچر تقسیم کردی اے۔ اُوہنے اپنی سوانح عمری، ’’پادری دی ووہٹی،‘‘ 1975 وِچ لکھی۔ تیجوانا دے اِک ہسپتال وِچ جگر دے کینسر توں ہفتہ دے روز اُو انتقال کر گئی۔ (سبینا ورمبرینڈ، ایل اے ٹائمز آرکائیوز L.A. TIMES ARCHIVES، اگست 19، 2000،12AM، PT، تے نیوز ریلیز)

اپنی حیاتی دی ساری آزمائشاں وِچ اُو اِک ہوشیار، مسکراندی ہوئی خوش شکل خاتون سی کیوں جے اُو یسوع مسیح نوں ذاتی طور تے جانندی سی۔ اِک آزاد بپتسمہ دین آلے گرجا گھر دے طور تے فیر توں منظم ہون توں پہلاں سبینا کئی واری ساڈے گرجا گھر وِچ آندی سی۔ میں تے میری ووہٹی نے کئی ورے پہلاں، پادری تے مسسز ورمبرینڈ دے نال اُوہناں دے اپارٹمنٹ وِچ رات دا کھانا کھایا سی۔ اُوہناں نے مسیح دی خار اپنا سب کُج قربان کر دِتا۔ لیکن اُو سب توں خوش کُن خواتین وِچ اِک سن جِنہاں نوں میں کدی جانیا اے۔

کسی کولوں پوچھو جیہڑا ایتھے چند وریاں توں بوہتے عرصے توں اے! سبینا ورمبرینڈ توں پوچھو، جیہڑی ہُن جنت وِچ نے! اُو تہانوں دسن گے کہ ایہہ سچ اے! تہانوں ایس مقامی گرجا گھر وِچ رہن تے مسیح وِچ ایمان لیہیا کے تبدیل ہون دا انتخاب کرنا چائیدا اے کیوں جے ایہہ صحیح انتخاب اے۔ ایہو ای وجہ اے کہ تُہاڈے دِل وِچ اِک ماڑی جئی واج اے جیہڑی کہندی اے، ’’تُسی جانندے اُو کہ اُو صحیح اے۔‘‘

III۔ فیر، تیجی گل، میہنوں ایہہ دسنا تہانوں ضروری اے کہ جے تُسی مسیحی حیاتی لنگہانا چاہندے اُو تے ایہو جئی شیواں نے جِنہاں نوں تہانوں چھڈنا چائیدا اے تے کُج ایہو جئی شیواں نے جِنہاں نوں تہانوں شروع کر دیہنا چائیدا اے۔

یسوع نے کہیا:

’’جے کوئی میری پیروی کرنا چاہندا اے تے اُوہدے لئی ضروری اے کہ اُو اپنی خودی دا انکار کرے تے اپنی سولی چُکے تے میرے پیچھے ہو لئے‘‘ (متی 16: 24)۔

جدوں تُسی بائبل نوں اپناندے اُو تے تہانوں معلوم ہوندا اے کہ خدا پوری لگن دا مطالبہ کردا اے۔ ویکھو خدا نے ابراہیم توں کی مطالبہ کیتا۔ خدا نے اِک دِن کہیا، ’’ابراہام، میں چاہنا آں کہ توں موریاہ پہاڑ تے جا تے میں چاہنا آں کہ توں اپنے چھوٹے پُتر نوں لے جا، جیس پتر دا توں ایہنے وریاں تیکر انتظار کیتا، اُو پتر جِنہوں توں دُنیا دی ہر شے توں بوہتا پیار کردا اے، تے میں چاہنا آں کہ توں اُوہنوں قربان گاہ تے نذر کر۔‘‘

ابراہیم نے خدا دی فرمانبرداری کیتی تے باہر نکل کے اپنے پتر نوں قربان گاہ تے رکھیا تے اِک لمبا تیز چاقو لیہیا تے خدا دی فرمانبرداری وِچ اُوہنوں اپنے پتر دے دِل وَل گھونپ ای رہیا سی لیکن خدا نے اُوہدا ہتھ وِچکار چہ ای روک دِتا۔ خدا نے کہیا، ’’ابراہام، ایہہ کافی اے۔ میں جاننا آں کہ ہُن توں میرے نال ہر طریقے نال چلن دے لئی تیار اے۔‘‘

یا موسیٰ نوں لے لو۔ موسیٰ فرعون دی بیٹی دا رضاعی [لے پالک] پتر سی۔ اُو مصر دے تخت دا وارث سی۔ اُو ممکن طور تے اپنے دور دی دُنیا دی سب توں وڈی سلطنت دا شہنشاہ ہو سکدا سی۔ اُوہدے کول اُو ساری دوت تے ساری طاقت تے ساری شان و شوکت سی جیہڑی اِک آدمی دے کول ہو سکدی سی۔ لیکن موسی نے خدا دےلوکاں دے نال تکلیف چکن دے لئی ایہناں ساریاں توں مُنہ موڑ لیہیا۔ خدا نے موسیٰ توں مطالبہ کیتا کہ استعمال ہون دے لئی سب کُج چھڈ دے۔ تے فیر خدا نے اُوہنوں صحرا دے پچھلے پاسے مطالعہ کرن، دعا کرن تے سیکھن دے لئی رکھیا۔

یا یوسف نوں لے لو۔ یوسف نوں اُوہدے پراہواں نے غلام دے طور تے بیچ دِتا سی۔ اُوہنوں فوطیفار نامی شخس دے لئی کام کرن دے لئی مصر جان پیہیا۔ اُو اپنے گھر آلیاں تے دوستاں توں بہوتی دور سی۔ اُو ہُنے نو عمر ای سی۔ اُو سمجھوتہ کر سکدا سی۔ کوئی نئیں جانندا سی، سوائے خداوند دے۔ تے فوطیفار دی ووہٹی بوہتی خوبصورت سی۔ اُوہنے اُوہنوں اپنے نال جنسی تعلق قائم کرن دے لئی کوشش کیتی۔ اُو جانندا سی کہ اُو فوطیفار دی ووہٹی دی حمایت حاصل کر کے بادشاہی وِچ اَگے ودھ سکدا اے۔ لیکن اُوہنے ایہدے توں انکار کیتا۔ جدوں اُوہنے [فوطیفار دی ووہٹی نے] ایہنوں [یوسف نوں] پھڑیا تے [یوسف دی] اپنی عبا [لباس] پیچھے رہ گیا۔ ایہدا مطلب اُوہدے لئی جیل سی تے اُوہنوں موت دی سزا سُنائی گئی۔ خدا اُوس نوجوان نوں آزما رہیا سی کہ آیا اُوہدا مطلب واقعی ایہو ای اے۔ بعد وِچ اُو جیل توں رہا ہویا تے مصر دی سرزمین وِچ دوجے اعلیٰ ترین عہدے تے فائز ہویا۔

’’جے کوئی میری پیروی کرنا چاہندا اے تے اُوہدے لئی ضروری اے کہ اُو اپنی خودی دا انکار کرے تے اپنی سولی چُکے تے میرے پیچھے ہو لئے‘‘ (متی 16: 24)۔

یا دانیا نوں لے لو۔ اُوہناں نے کہیا، ’’دانیال، بابل وِچ ہُن کوئی نام نئیں پڑھ سکدا، جے تُسی دعا کرو گے تے تہانوں شیراں دی ماند وِچ سُٹ دِتا جائے گا۔‘‘

لیکن دانیال نے کھڑکیا نوں کھول کے ہر روز تین وری دعا کیتی۔ مُلک دا وزیر اعظم ون دے باوجود اُوہناں نے اُوہنوں شیراں دی ماند وِچ سُٹ دِتا۔ تے دانیال نوں ہُن معلوم سی کہ خدا شیراں دے مُنہ بند کرن آلا اے۔ خدا اُوہنوں قیمت ادا کرن دے لئی بُلا رہیا سی تے اُو اینج کرن دے لئی تیار سی۔

تے یسوع اَج دی سویرے تہانوں کہہ رہیا اے:

’’جے کوئی میری پیروی کرنا چاہندا اے تے اُوہدے لئی ضروری اے کہ اُو اپنی خودی دا انکار کرے تے اپنی سولی چُکے تے میرے پیچھے ہو لئے‘‘ (متی 16: 24)۔

ایہدا مطلب اے کہ تُسی دوجے لوکاں توں مختلف ہو جاندے نے۔ اَج کل زیادہ تر نوجوان اِکہو جیہا لباس پہندے نے۔ اُو اِک وگرے نظر آندے نے۔ اُو اِکہو جیہا کام کردے نے۔ اُو مختلف ہون توں ڈردے نے۔ جے تہاڈے دوست نے جیہڑے اپنا سر منڈواندے نے تے اپنی نک وِچ مُندری پاندے نے، تے تُسی اپنا سر منڈوانا چاہندے اُو تے اپنی نک وِچ وی مُندری لگانا چاہندے اُو۔ لہٰذا تہانوں مختلف نئیں ویکھیا جائے گا۔ لہٰذا تُسی اُوہناں وِچ گُھل مل جاؤ گے۔ لیکن بائبل تہانوں کُج ہُور بنن دے لئی بُلا رئی اے۔ عوام وِچوں نکلن تے ذہنی تے روحانی طور تے اِک غیر موافق [رویے یا سوچ دے کُج عام معیار یا سماجی طور تے منظور شُدہ پیٹرن دے مطابق] نہ بنن دے لئی۔

جدوں دوجے کہہ رئے ہون کہ خدا نئیں اے یا خدا نوں کوئی فرق نئیں پیہندا، تے تُہانوں کِھلو کے ایہہ کہین دے لئی تیار ہو جانا چائیدا اے کہ خدا توں فرق پیہندا اے تے خدا متعلقہ اے تے خدا میری حیاتی دا مرکز اے! سبینا ورمبرینڈ نے اینج کیتا، حالانکہ اُوہدے دو پراہواں تے بہناں تے اُوہدے ماں پیو دوواں نوں، دوجی جنگ عظیم دے دوران یہودیاں نوں رومانیہ توں باہر اسمگل کرن دے جرم وِچ ہٹلر دے حراستی کیمپاں وِچ پھانسی دے دِتی گئی سی۔

جدوں دوجے کہہ رئے ہوں، ’’ایس بپتسمہ دین آلے گرجا گھر وِچ واپس مت جاؤ۔ میرے نال چلو۔ چلو کِدرے ہُور چلنے آں،‘‘ تہانوں ایہہ کہین دے لئی تیار ہونا چائیدا اے، ’’نئیں۔ میں اُوتھے واپس جا رہیا آں۔ میہنوں خدا چائیدا اے، میہنوں یسوع چائیدا اے۔ میں ایس انقلابی مبلغ نوں فیر توں سُننا چاہنا آں۔ میہنوں اُو چائیدا اے جیہڑا بپتسمہ دین آلی اُوس عبادت گاہ وِچ لوکاں دے کول اے!

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔