ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

1917 وِچ لینن نے صرف 40,000 بندیاں دے نال روس تے حملہ کیتا۔ چند وریاں چہ کیمونسٹاں نے اِک ارب توں بوہتے لوکاں تے کنٹرول حاصل کر لیہیا۔ اُوہناں نے دُنیا دے ہر حصے تے حملہ کیتا۔ اُوہناں نے مسیحی کلیسیا تے آزاد دُنیا نوں اینج چیلنج کیتا جیویں کہ پہلاں کدی نئیں ہویا۔

جدوں کیمونسٹ فوجاں داخل ہوئیاں تے اُوہناں دی قیات اِک امریکی تربیت یافتہ لیفٹیننٹ کر رئے سن۔ اُودھوں مشنری ڈِک ہلیس چین وِچ سن۔ ہلیس نے لیفٹیننٹ نوں کہیا، ’’تُسی کیویں کہہ سکدے اُو کہ تُسی اَج دی راتی شہر تے قبضہ کرن جا رئے اُو؟ کی تُسی نئیں جانندے کہ اُوہناں دے کول تہاڈے توں 10 گنّا بوہتی فوج اے تے تہانوں ایس دریا نوں پار کرنا اے تے دشمن دی ایہناں بندوقاں دا سامنا کرنا اے جیہڑیاں تہاڈی بندوقاں توں بوہتیاں مہلک نے؟

کیمونسٹ لفٹیننٹ نے جواب دِتا، ’’کمیونزم اِک میل ہُور اَگے ودھ سکدا اے [ایہہ سوچ کے ای] میں خوشی نال مر جاواں گا۔‘‘

کی تُسی ایہو جئی ای لگن یسوع مسیح دے لئی وی کرو گے؟ اُوہنے تہاڈے لئی [کُج] کرن وِچ کوئی کمی نئیں چھڈی تے اُو تہاڈے کولوں ایہنے بوہتے دا تقاضا وی نئیں کردا۔

پرانے عہد نامے تے نئے عہد نامے نوں پڑھو تے ایہناں مطالبات نوں ویکھو جیہڑے خدا نے اپنے بندیاں نال کیتے نے۔

ابراہیم نوں ویکھو۔ ’’ابراہام، تیرا دعویٰ اے کہ توں خدا تے یقین رکھدا اے۔ کی توں واقعی میرے تے یقین رکھدا اے؟ ٹھیک اے، تیرے اِک مُنڈا اے، سارہ دا اِکلوتا پُتر، تہاڈے بڑھاپے وِچ پیدا ہویا، اُو لڑکا جیہڑا تہاڈا وارث ہووے گا۔ میں چاہنا آں کہ تُسی اُوس مُنڈے نوں، اپنے اِکلوتے پُتر نوں موریاہ پہاڑ تے لے جاؤ، تے میں چاہنا آں کہ توں اُوہنوں میرے لئی قربان کر دے‘‘ (حوالہ دیکھو، پیدائش 12: 1-2)۔

ایہہ [حوالہ] اِک وری وی نئیں کہندا کہ ابراہیم نے خدا نال بحث کیتی۔ ابراہیم نے اپنا کھوتا لیہیا، اُوہدے تے لکڑی لدی، اسحاق نوں لیہیا تے تین دِن دا سفر طے کیتا۔ جدوں اُو موریاہ پہنچے تے اُوہنے قربان گاہ تیار کیتی، اسحاق نوں بنھیا تے اُوہنوں لکڑی تے جُھکا دِتا۔ اُوہنے غیرمشروط فرمانبرداری وِچ چھری کڈی کیوں جے اُوہنوں خدا تے کامل پروہسا سی۔ کامل اطاعت تے ایمان وِچ اُوہنے چھری چُکی۔ فیر خدا نے کہیا، ’’ابراہام، میں ویکھ رہیا آں کہ توں میرے تے یقین رکھدا اے۔ ایہہ ویکھ کے کہ توں میرے لئی اپنے اِکلوتے پتر نوں وی دریغ نئیں کیتا میں ہُن جان گیا ٓاں کہ توں خدا توں ڈردا اے‘‘ (حوالہ دیکھو، پیدائش 22: 12)۔

خدا سب کولوں تقاضا کردا اے۔ کُج گھٹ نئیں۔

قدیم مصر دی ساری حکمت تے علم وِچ مستقبل دا فرعون بنن دی موسیٰ نوں تربیت دِتی جا رئی سی۔ ’’جدوں موسیٰ وڈیرا ہو گیا تے اُوہنے ایمان دے وسیلے توں فرعون دی دھی دا پتر کہلان توں انکار کر دِتا، گناہ دی گزری ہوئی لذتاں توں لطف اندوز ہون دے بجائے خدا دے لوکاں دے نال دُکھ جھیلنا پسند کیتا، مسیح دی ملامت نوں مصر وِچ خزانیاں توں وڈی دولت سمجھیا؛ کیوں جے اُوہنے انعام وَل ویکھیا۔ بادشاہ دے غضب توں نہ ڈر کے اُوہنے ایمان دے وسیلے نال مصر نوں چھڈ دِتا۔ کیوں جے اُوہنے اُوہنوں ویکھ کے صبر کیتا جیہڑا پوشیدہ اے‘‘ (عبرانیوں 11: 24-27)۔ کدی کدی تہانوں وی اپنی حیاتی وِچ انتخاب کرن دی لوڑ پیہئے گی، تے ایہدے لئی تہاڈی ہر شے دی قیمت لگ سکدی اے۔

جدوں دانیال شیراں دی ماند وِچ داخل ہویا تے اُو نئیں جانندا سی کہ آیا خدا دی مرضی سی کہ اُوہنوں بچایا جائے۔ لیکن اپنے یقین تے خدا تے اپنے ایمان تے سمجھوتہ کرن دے بجائے، اُو جانے تے اپنے اعضاء دے چیتھڑے چیتھڑے کروان دے لئی تیار سی۔ دانیال، عہدنامہ قدیم دے عظیم ترین لوکاں وِچوں اِک، ساری دُنیا دی عظیم ترین سلطنت دا کئی وریاں تیکر وزیر اعظم، شیراں دی ماند وِچ ٹر گیا کیوں جے اُو خدا تے اپنے ایمان نال انکار نئیں کرے گا۔

تُرسُس دے ساؤل نے اِک دِن کہیا، ’’خداوند، توں میرے توں کی کروانا چاہندا اے؟‘‘

خدا نے کہیا، ’’میں اُوہنوں ویکھاواں گا کہ اُوہنوں میرے ناں دی خاطر کیہنی مصیبتاں سہنیاں پیہن گئیاں‘‘ (اعمال 9: 16)۔

وریاں بعد پولوس نے ایہدا خلاصہ کیتا: ’’میہنوں پنج وری یہودیاں دے ہتھاں توں اُنتالیس کوڑے مارے نے۔‘‘ (چمڑے دے لمبے دُرّے دے سرے تے سٹیل دے بنھہنے ہوئے چھوٹے چھوٹے گولے آلے کوڑے نال پنج وری اُوہناں نے پیٹھ تے اُنتالیس اُنتالیس کوڑے مارے سن، ایتھوں تیکر کہ اُو زخماں نال پھٹ گئی تے میں لہولہان ہو گیا۔) ’’میہنوں تین وری سلاخاں نال ماریا گیا اے۔ میہنوں اِک وری سنگسار کیتا گیا اے۔ میرا تین وری [بحری] جہاز تباہ ہو چکیا اے۔ میہنوں کُھلے سمندر وِچ چوبیس گھنٹے بہنا پیہیا اے۔

’’اپنے سفر وِچ میہنوں دریاواں تے سیلاباں توں ، ڈٓکوواں توں، اپنے ای ہم وطناں توں تے کافراں توں مسلسل خطرہ رہیا اے۔ میں شہر دی گلیاں وِچ خطریاں دا سامنا کیتا اے، صحرا وِچ خطرہ، بُلند سمندراں تے خطرہ، جھوٹے مسیحیاں دے وِچکار خطرہ۔ میں تھکن، درد، نیند دے بغیر رہن، بھوک تے پیاس، بغیر کھائے سفر جاری رکھن، سردی تے لباس دی کمی نوں جان چکیا آں‘‘ (2 کرنتھیوں 11: 24-27، فلپس)۔

فیر وی پولوس نے لکھیا کہ ایس دُنیا دے مصائب ’’اُوس جلال دے نال موازنہ کرن دے لائق نئیں نے جیہڑا ساڈے تے ظاہر ہووے گا‘‘ (رومیوں 8: 18)۔ مسیح سب کولوں تقاضا کردا اے۔

اِک جم غفیر یسوع دی پیروی وِچ سی۔ اُوہناں نے کیہیا ’’کی اُو کمال دا نئیں اے!‘‘ یسوع نے انّیاں نوں بینائی دِتی، بہریاں نوں سُنن دے لائق بنایا، گونگیاں نوں زبان دِتی، لنگڑیاں نوں ٹرن دے قابل کیتا تے مُردیاں نوں زندہ کیتا۔ اُوہنے 5000 لوکاں دا پنج روٹیاں تے دو مچھلیاں نال ٹیہڈ پرہیا۔

لیکن جدوں اُوہناں نے اپنی رضامندی دا اِظہار کیتا تے یسوع نے مُڑ کے اپنے شاگرداں نوں کیہیا، ’’جے کوئی میری پیروی کرنا چاہندا اے تے اُوہدے لئی ضروری اے کہ اُو اپنی خودی دا انکار کرے، تے اپنی سولی چُکے تے میرے پیچھے ہو لئے‘‘ (متی 16: 24)۔ یسوع نے کہیا، ’’میں مصلوب ہون جا رہیا آں۔ جدوں تیکر تُسی میرے نال ایس سولی تے جان دے لئی تیار نئیں ہوندے، تُسی میرے پیروکار نئیں ہو سکدے۔

بائبل کہندی اے کہ یسوع مسیح دا سچا پیروکار بنن دے لئی تہانوں اپنی خودی دا انکار کرنا چائیدا اے یعنی جسم، فطری انسان۔ خودی دی حیاتی خود اپنے آپ دی خود حماقتی نوں عیاں کردی اے، خدا محبتی، خود دی مرضی، خودی دی تلاش، خود تے فخر کرن نوں عیاں کردی اے۔

مختلف لوکاں دے لئی ایہدا مطلب مختلف گلاں نے۔ اِک شخص دے لئی ذات یا خودی عقلی فخر ہو سکدا اے۔ دوجے دے لئی ایہہ خوشی دی گل ہو سکدی اے۔ دوجیاں دے لئی، کاروبار یا خاندان مسیح توں پہلاں ہو سکدا اے۔ ذات یا خودی دے انکار دا مطلب اے خود نوں ترک کرنا تے مسیح نوں آقا دے طور تے قبول کرنا، خود غرضانہ حیاتی بسر کرنا چھڈ دینا ہوندا اے۔

ایہدا مطلب ایہہ اے کہ اَسی دُنیا دی دولت، ایہدی تفریحات، ایہدی لذتاں، ایہدی طاقتاں، ایہدی عزتاں دے لئی مر جانے آں۔ حیاتی دا واحد مقصد ایہہ ہووے گا کہ مسیح نوں ساڈی حیاتیاں وِچ عزت تے جلال دِتا جائے۔

کی تُہاڈی حیاتی وِچ اینج ہویا اے؟ کی تُسی ایہو جیہا اٹل عزم یا عہد کیتا اے؟

ایہدی دوجی شرط سولی چُکنا اے۔ لیکن اُو سولی کی اے؟ ایہہ سونے، ہاتھی دانت یا چاندی دی سولی نئیں اے۔ ایہہ گناہ دی سزا دی سولی نئیں اے۔ صرف مسیح ای ساڈے گناہواں دی ادائیگی کر سکدا اے۔ ایہہ غربت یا بیماری نئیں اے۔ ایہہ پریشانی، غم یا مایوسی نئیں اے۔

جدوں مسیح نے کہیا، ’’سولی چُکو،‘‘ لوکی چونک گئے۔ اُو حیران رہ گئے۔ ایہدا کی مطلب سی؟ سولی پھانسی دا اِک آلہ سی۔ ایہہ بالکل اینج ای کہنا سی، ’’پھانسی دا چوکٹھا چُکو۔ برقی کرسی چُکو تے میرے پیچھے ہو لوؤ۔ میہنوں سزائے موت دِتی جائے گی۔ میرے نال سزائے موت دی تھاں تیکر آؤ تے میرے نال موت دی سزا پاؤ۔ میرے دُکھ وِچ اپنے آپ نوں میرے نال پہچانو۔‘‘

سولی چُکن دا مطلب ایہہ اے کہ تُسی خداوند یسوع دے لئی اپنا مؤقف اِختیار کرو، پاویں ایہدی کوئی وی قیمت چُکانی ہووے۔ ایہدا مطلب اے خود دی مصلوبیت — تہاڈی مقبولیت، پہچان یا کامیابی دی ساری خواہشات۔

ایہدا مطلب ایہہ ہو سکدا اے کہ تُسی دُنیا دے لئی تماشا بن جاؤ۔ ایہدا مطلب ایہہ ہو سکدا اے کہ تُسی دُنیا دے لئی بے وقوف بن جاؤ۔

یسوع نے اپنے شاگرداں نوں خبردار کیتا، ’’نوکر اپنے مالک توں وڈا نئیں ہوندا۔‘ جے اُوہناں نے میہنوں ستایا اے تے اُو تہانوں وی ستان گے‘‘ (یوحنا 15: 20)۔ جیویں کہ تُسی اپنے آپ نوں مسیح دے نال پہچانے آں، تُسی دُنیا وَلوں اُوہدے ٹھکرائے جان دے وِچ وی شریک ہوو گے۔

ایہہ سارے دا سارا معاملہ تُسی رضاکارانہ انتخاب دے طور تے کردے اُو۔ ایہہ تہاڈی سولی اے کیوں جے تُسی خود انکاری دے ایس بحران وِچ اُوہنوں چُکن دا انتخاب کردے اُو۔ کی تُسی اپنی سولی چُکن دے لئی تیار اُو؟

’’میں اپنی سولی کیویں چُکاں؟‘‘ تُسی پُچھدے اُو۔ راز ایہہ اے کہ تُسی اپنی حیاتی نوں بغیر کسی شک و شبہ دے مسیح دے لئی وقف کر دیو۔ ایہنوں پہلے درجے تے رکھو۔

اپنی حیاتی دے سارے احاطیاں دی اِک فہرست بناؤ تے کہوو، اے خداوند، تیرے فضل توں میں اپنے آپ نوں گناہ دی وجہ توں مُردہ سمجھنا آں۔ میں ایہناں شیواں نوں سولی تے کیلاں نال جڑنا آں، میں تیرے نال سولی تے اپنے آپ نوں پہچاننا آں۔‘‘ ایہو ای مطلب کلام پاک دا ہوندا اے جدوں ایہہ کہندا اے، ’’لیکن جے تُسی گناہ آلود فطرت دے مطابق حیاتی لنگہاؤ تے تے ضرور مرو گے لیکن جے روح دے ذریعے بُرے کماں نوں نابود کرو گے تے زندہ رہوو گے‘‘ (رومیوں 8: 13)۔

اَج، اپنے آپ نوں مکمل طور نال تے غیرمشروط طور تے یسوع مسیح دے حوالے کر دیو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔