ជារៀងរាល់ខែ សេចក្ដីអធិប្បាយដែលសរសេរដោយដៃទាំងនេះចេញទៅដល់កំព្យូទ័រប្រហែល១១០, ០០០
នៅក្នុបណ្ដាប្រទេសជាង២០០តាមគេហទំព័រwww.sermonsfortheworld.com។
មានមនុស្សរាប់រយនាក់ផ្សេងទៀតបានមើលវីដីអូតាមយូថូប។ សេចក្ដីអធិប្បាយដែលសរសេរដោយដៃទាំងនេះត្រូវបានបកប្រែទៅជាភាសាចំនួន៣៤
ហើយរៀងរាល់ខែ មនុស្សរាប់ពាន់នាក់បានអានវា។
សូមចុចទីនេះដើម្បីដឹងពីរបៀបដែលអ្នកអាចជួយឧបត្ថមលុយជាប្រចាំខែក្នុងការជួយយើងធ្វើកិច្ចការដ៏អស្ចារ្យនេះ
ដើម្បីឲ្យដំណឹងល្អរាលដាលទៅពាសពេញពិភពលោក រួមទាំងប្រទេសអ៊ីស្លាម និងប្រទេសដែលកាន់សាសនាឥណ្ឌូ។
នៅពេលណាក៏ដោយដែលអ្នកសរសេរផ្ញើរទៅលោកបណ្ឌិត ហាយមើស៏ សូមប្រាប់គាត់ពីប្រទេសដែលអ្នករស់នៅជានិច្ច។
អ៊ីម៉ែលរបស់លោកបណ្ឌិត ហាយមើស៍rlhymersjr@sbcglobal.net។
របៀបដើម្បីឈកឆ្នះលើអារក្សHOW TO OVERCOME THE DEVIL ដោយលោកបណ្ឌិត សេចក្ដីអធិប្បាយមួយបានអធិប្បាយនៅក្រុមជំនុំថាបាណាខល «គេបានឈ្នះវា ដោយសារឈាមនៃកូនចៀម ហើយដោយសារសេចក្តីបន្ទាល់របស់គេ ក៏មិនបានស្តាយជីវិតខ្លួនដរាបដល់ស្លាប់»(វិវរណៈ ១២:១១)។ |
|
អារក្សសាតាំង និងពួកពលបរិវាររបស់វាត្រូវបានទំលាក់ចុះពីស្ថានសួគ៌មក។ ពួកវានៅតែវង្វេងនៅ ស្ថានសួគ៌។ សាតាំងត្រូវបានហៅថា «មេគ្រប់គ្រងរាជ្យលើអាកាស»(អេភេសូរ ២:២)។ ពួកអារក្សនៅតែ អាចចូលទៅក្នុង «ស្ថានដ៏ខ្ពស់»(អេភេសូរ ៦:១២) វាអាចចូលទៅក្នុង «ស្ថានសួគ៌»គ្រប់ពេល។ នោះជា មូលហេតុដែលយ៉ូប ១:៦ប្រាប់យើងថា ពួកអារក្ស «ពួកកូនព្រះបានទៅគាល់នៅចំពោះព្រះយេហូវ៉ា ហើយអារក្សសាតាំងក៏មកនៅក្នុងចំណោមគេដែរ»។ តែពួកវានឹងមិនអាចធ្វើដូច្នោះទៀតឡើយបន្ទាប់ពីគ្រាវេទនា ៣ឆ្នាំកន្លះ។ គ្រាវេទនាគឺជាគ្រា៧ឆ្នាំដែលមានការបៀតបៀនយ៉ាងខ្លាំងប្រឆាំងនឹងប្រទេសអ៊ីស្រាអែល និង ពួកគ្រីស្ទានដែលនៅក្រោមអាទទឹងនឹងព្រះគ្រិស្ដនៅពេលខាងមុខ។ គ្រាវេទនាចាប់ផ្ដើមជាមួយអាទទឹងនឹង ព្រះគ្រិស្ដដែលចុះសេចក្ដីសញ្ញាជាមួយប្រទេសអ៊ីស្រាអែល(ដានីយ៉ែល ៩:២៧)។ នៅពាក់កណ្ដាលនៃគ្រាវេទនា៧ឆ្នាំនោះ សាតាំងនិងបរិវាររបស់វានឹងត្រូវបណ្ដេញចេញពីស្ថានដ៏ ខ្ពស់ ហើយត្រូវទំលាក់ចុះមកលើផែនដី! យើងអាន «នោះមានចំបាំងនៅលើមេឃ គឺមីកែល និងពួកទេវតារបស់លោកច្បាំងនឹងនាគ ហើយនាគ និងទេវតាវាក៏ច្បាំងនឹងលោកដែរ តែមិនបានឈ្នះទេ ក៏មិនឃើញមានកន្លែងណាឲ្យវា នៅលើមេឃទៀតផង នោះនាគធំត្រូវបោះទំលាក់ទៅ គឺជាពស់ពីបុរាណ ដែលឈ្មោះហៅថា អារក្ស ហើយសាតាំងផង ដែលបាននាំលោកីយ៍ទាំងមូលឲ្យវង្វេងចេញ វាត្រូវបោះទំលាក់ទៅផែនដីវិញ ព្រមទាំងពួកទេវតារបស់វាផង»(វិវរណៈ ១២:៧-៩)។ សាតាំងនឹងខឹងខ្លាំងណាស់នៅគ្រានោះ។ ដ្បិតព្រះគម្ពីរប្រាប់ថា « អារក្សបានចុះមកឯអ្នករាល់គ្នា ទាំងមានសេចក្តីឃោរឃៅជាខ្លាំង ដោយវាដឹងថា ពេលវេលាវាខ្លីណាស់ហើយ»(វិវរណៈ ១២:១២)។ អារក្សកំពុងតែចាប់ផ្ដើមខឹងខ្លាំងទៅៗសូម្បីតែឥឡូវនេះ។ វាដឹងថា កំណើតថ្មីរបស់អ៊ីស្រាអែលគឺ ជាទីសំគាល់នៃគ្រាចុងក្រោយបំផុត។ វាដឹងពីទីសំគាល់នៅគ្រាចុងក្រោយបំផុតល្អជាងគ្រូអធិប្បាយ និង សាស្រ្ដាចារ្យខាងព្រះគម្ពីរភាគច្រើន។ នោះជាមូលហេតុដែលគ្រីស្ទានត្រូវដឹងខ្លួនពី «ឧបាយកលរបស់ អារក្ស»។ នោះជាមូលហេតុដែលយើងត្រូវតែ «តយុទ្ធ»ជាមួយវា និងពលបរិវាររបស់វាជាខ្លាំង កាលគ្រាចុង ក្រោយបំផុតនៅជិតបង្កើយ។ នោះជាមូលហេតុដែលព្រះគម្ពីរព្រមានយើងថា «នៅគ្រាចុងក្រោយបំផុតនឹង មានគ្រាលំបាកណាស់»(២ធីម៉ូថេ ៣:១)។ អារក្សវាដឹងរួចហើយថា «ពេលវេលាវាខ្លីណាស់»(វិវរណៈ ១២:១២)។ មនុស្សខ្លះបង្រៀនថា យើងមិនអាចមានការរស់ឡើងវិញបានឡើយឥឡូវនេះ។ ពួកគេប្រាប់ថា អំណាចរបស់អារក្សធំពេកឥឡូវនេះដើម្បីឲ្យព្រះចាត់បញ្ជូនការរស់ឡើងវិញមកក្នុងក្រុមជំនុំយើង។ មេធាវីឈ្មោះ ជេ សិកខូឡោវបានប្រសាសន៍ថ្មីៗនេះថា «វាជាសកម្មភាពអាចទៅរួចចុងក្រោយ សម្រាប់គ្រីស្ទាននៅក្នុងប្រទេសអ៊ឺរ៉ាក់ និងប្រទេសស៊ីរី។ ពួកគេត្រូវបានដុតទាំងរស់ ត្រូវបានឆ្កាង និងត្រូវ បានកាត់ក្បាល។ ឥឡូវនេះពួកទាហានអ៊ីស្លាមឈប់ប្រើអាវុធជាតិគីមី។ ការសំឡាប់មនុស្សដ៏សាហាវមិនគួរ ឲ្យទ្រាំបាន»។ ប៉ុន្ដែតែក្នុងពេលតែមួយ ការរស់ឡើងវិញដ៏អស្ចារ្យបំផុតកំពុងកើតឡើងក្នុងប្រទេសអ៊ឺរាក់ អីរ៉ុង់ និងស៊ីរី។ លោក សិកខូឡោប្រាប់ឲ្យគេផ្ញើរលុយដល់គាត់ដើម្បីបញ្ឃប់ភេរវជនអ៊ីស្លាមនៅទីនោះ។ ខ្ញុំ សូមប្រាប់ថា នោះមិនទំនងសោះ! ឆ្កួត! គេមិនចង់បានលុយនោះទេ។ គេចង់ឲ្យយើងអធិស្ឋានសុំឲ្យព្រះ បន្ដចាក់បញ្ជូនការរស់ឡើងវិញនៅទីនោះ! នោះជាមូលហេតុដែលយើងត្រូវការគ្រីស្ទានអធិស្ឋាន «ឱបើសិនជាទ្រង់នឹងវែកផ្ទៃមេឃ ហើយ{បន្ដ}យាងចុះមកទៅអេះ ដើម្បីឲ្យភ្នំទាំងប៉ុន្មាន បានញាប់ញ័រនៅចំពោះទ្រង់... ដើម្បីនឹងធ្វើឲ្យពួកខ្មាំងសត្រូវទ្រង់បានស្គាល់ព្រះនាមទ្រង់ ហើយសាសន៍ទាំងប៉ុន្មានបានញាប់ញ័រនៅចំពោះទ្រង់»(អេសាយ ៦៤:១-២)។ លោកបណ្ឌិត ម៉ាទីន ឡូដជ៉ោនស៍ប្រសាសន៍ថា «នោះជាការអធិស្ឋានសំខាន់បំផុតដែលទាក់ទង ជាមួយការរស់ឡើងវិញ! វាជាការអធិស្ឋានពិសេសបន្ទាន់សម្រាប់វត្ដមានរបស់ព្រះវិញ្ញាណនៃព្រះក្នុងការរស់ ឡើងវិញ។ គ្មានពាក្យណាដែលបង្ហាញប្រាប់ពី{ការអធិស្ឋាន}ល្អជាឃ្លានៅក្នុងបទចម្រៀងរបស់ខាវផើ “ឱ សូមទ្រង់វែកផ្ទៃមេឃយាងចុះមកភ្លាមៗ ហើយផ្លាស់ប្ដូរចិត្ដរាប់ពាន់ដោយអង្គទ្រង់ចុះ”។ កូនចៅអ៊ីស្រាអែល នឹងជួបសត្រូវនៅប្រទេសផ្សេងៗ សត្រូវនឹងប្រមូលផ្ដុំជុំវិញពួកគេ តែតើវាជាបញ្ហាអ្វី? នៅទីនេះមានព្រះ ដែលអាចធ្វើឲ្យភ្នំញ័រ ហេតុនោះហើយ{យើងគួរតែ}អធិស្ឋានសុំ»(Lloyd-Jones, Revival, Crossway Books, 1994 edition, pp. 305, 307)។ នៅពេលអ្នកអានអំពីរឿងអាក្រក់ៗដែលពួកអ៊ីស្លាមកំពុងធ្វើដាក់គ្រីស្ទាន កុំផ្ញើរលុយទៅមេធាវីក្នុង ប្រទេសអាមេរិកឡើយ! តើគាត់ ឬអ្នកផ្សេងទៀតដែលនៅលើផែនដីនេះអាចជួយពួកគេដូចម្ដេចបាន? គេ កំពុងមានបទពិសោធន៍នៃការរស់ឡើងវិញរួចហើយ ដោយមានជនជាតិអ៊ីស្លាមរាប់រយនាក់បែរមករកព្រះ អម្ចាស់យេស៊ូវគ្រិស្ដ។ កុំផ្ញើរលុយឲ្យសោះ។ វានឹងមិនជួយទាល់តែសោះ! សូមផ្ញើរការអធិស្ឋានដ៏ខ្លាំងទៅ កាន់ព្រះដ៏ពេញដោយព្រះចេសា្ដ។ ទ្រង់តែមួយគាត់ដែលអាចជួយពួកគេបាន។ សូម្បីតែកាលគ្រីស្ទានថ្មី ទាំងនេះត្រូវបានដុតទាំងរស់ ត្រូវបានឆ្កាង និងត្រូវបានកាត់ក្បាលក៏ដោយ។ ព្រះនឹងចំហព្រះហស្ដទ្រង់ ហើយទទួលពួកគេចូលក្នុងស្ថានសួគ៌ដោយមានអំណរអស់កល្បជានិច្ច។ ហើយដោយសារការរងទុក្ខវេទនា របស់ទុក្ខរបុគ្គលទាំងនេះ វាជួយជម្រុញឲ្យពួកអ៊ីស្លាមច្រើនថែមទៀតបែរចេញពីអំពើភេវរកម្ម ទៅរកព្រះ គ្រីស្ដជាប់ឆ្កាង ដែលបានសុគតដើម្បីសង្រ្គោះព្រលឹងរបស់គេ។ ដូចដែលលោកថើតូលៀនបានប្រាប់ពីគ្រីស្ទាននៅសម័យបុរាណក្នុងសតវត្សទី២០ នៅពេលពួកគេត្រូវបានបៀតបៀនដោយពួករ៉ូមាំង់ដែលមិន ជឿព្រះ «ឈាមរបស់ទុក្ខរបុគ្គលគឺជាពូជរបស់ក្រុមជំនុំ»។ យើងលឺរបាយការណ៍ថា ពួកមេដឹកនាំអ៊ីស្លាម បានភ័យខ្លាចរួចហើយ ដោយសារតែជនជាតិរបស់គេជាច្រើននាក់កំពុងបែរមកឯព្រះយេស៊ូវគ្រិស្ដដ៏ជាព្រះ អម្ចាស់។ អ្នកកែប្រែជំនឿដ៏ល្បីឈ្មោះ លូសើរបានសរសេបទចម្រៀងមួយអំពីគ្រីស្ទានដែលត្រូវគេបៀតបៀន នៅសម័យរបស់គាត់។ វានៅទំព័រ៧លើក្រដាសចម្រៀងរបស់អ្នក។ ព្រះនៃខ្ញុំជាបន្ទាយយ៉ាងមាំ ជាទីបាំងការពាររក្សាខ្លួន ពិតប្រាកដណាស់ នោះជាអ្វីដែលបានកើតឡើងក្នុងប្រទេសចិន។ បេសកជនបរទេសត្រូវបានគេ បណ្ដេញចេញពីប្រទេសចិនដោយជនផ្ដាច់ការកុម្មុយនីស្ដឈ្មោះ ម៉ៅ ស៊ីទង់។ នៅអំឡុងបដិវត្ដន៍ខាងវប្ប ធម៌ ក្រុមជំនុំត្រូវបានដុតបំផ្លាញខ្ទេចខ្ទី។ គ្រូគង្វាលត្រូវបានចាប់ដាក់គុក។ គ្រីស្ទានជនជាតិរាប់ពាន់នាក់ត្រូវ បានគេបៀតបៀន សំឡាប់ និងចាប់ដាក់គុក។ តែព្រះបានគង់នៅជាមួយពួកគេ។ ការរស់ឡើងវិញដ៏អស្ចារ្យ បានចាប់ផ្ដើម។ ពួកកុម្មុយនីស្ដព្យាយាមធ្វើយ៉ាងណាក៏ដោយដើម្បីបញ្ឃប់សាសនាគ្រីស្ទមិនឲ្យរាលដាល។តែពួកគេបានបរាជ័យ។ ឥឡូវនេះក្នុងប្រទេសចិន មានគ្រីស្ទានច្រើនជាង១៥០លាននាក់។ សព្វថ្ងៃនេះ ក្នុងប្រទេសចិន មានមនុស្សនៅក្នុងក្រុមជំនុំច្រើនជាងប្រទេសអាមេរិក កាណាដា និងអ៊ីរ៉ូប! ព្រះបានធ្វើការ នោះនៅក្នុងប្រទេសចិន ហើយក្នុងពេលតែមួយ ព្រះអាចធ្វើការនោះនៅមជ្ឃិមបូព៌ា! ការពិត ទ្រង់កំពុងតែ ធ្វើការនោះ! សូមអធិស្ឋានសុំឲ្យព្រះបង្កើនឲ្យមានគ្រីស្ទានរាប់ម៉ឺននាក់ថែមទៀតនៅក្នុងប្រទេសអ៊ីស្លាមទាំងនោះ! ដូចលោកម៉ាទីន លូសើរបានប្រាប់ថា បើបាត់ទ្រព្យញាតិសន្ដាន ឬជីវិតខ្លួនក៏បាន ពិតណាស់ នោះហើយជាអ្វីដែលនឹងកើតឡើងចំពោះគ្រីស្ទានពិតប្រាកដនៅអំឡុងគ្រាវេទនា។ សាតាំងនឹងវាយប្រហារពួកគេយ៉ាងសាហាវ។ សត្រូវរបស់ព្រះគ្រិស្ដនឹងមក ហើយចាប់មនុស្សដាក់គុក ថែមទាំងកាត់ក្បាលគ្រីស្ទានរាប់ពាន់នាក់ តែគេនឹងយកឈ្នះលើសាតាំង! តើធ្វើយ៉ាងដូចម្ដេចបាន? «គេបានឈ្នះវា ដោយសារឈាមនៃកូនចៀម ហើយដោយសារសេចក្តីបន្ទាល់របស់គេ ក៏មិនបានស្តាយជីវិតខ្លួនដរាបដល់ស្លាប់»(វិវរណៈ ១២:១១)។ «ដោយសារឈាមនៃកូនចៀម»។ ព្រះលោហិតរបស់ព្រះយេស៊ូវគ្រិស្ដនឹងជួយគេឲ្យមាន សុវត្ថិភាពអស់កល្បជានិច្ច។ សូម្បីតែសព្វថ្ងៃនេះក៏ដោយ នៅពេលសាតាំងវាយប្រហារ អ្នក នៅពេលវាធ្វើឲ្យអ្នកមានអារម្មណ៍កើតទុក្ខ ហើយអស់សង្ឃឹម សូមនឹកចាំពីព្រះលោ ហិតរបស់ព្រះគ្រិស្ដ។ នៅពេលអ្នកមើលកាន់ព្រះលោហិតរបស់ព្រះអង្គសង្រ្គោះ នោះ អ្នកនឹងឈប់អាណិតខ្លួនឯង ឈប់ភ័យខ្លាច ដូចជាគ្រីស្ទានដែលនឹងនៅក្នុងគ្រាវេទនា នោះ។ អ្នកនឹងយកឈ្នះលើសាតាំងដោយសារព្រះលោហិតរបស់កូនចៀមនៃព្រះ ដែល ដោះអំពើបាប និងភាពកើតទុក្ខទាំងអស់ចេញ។ ហើយពួកគេនឹងយកឈ្នះលើសាតាំង «ដោយសារសេចក្ដីបន្ទាល់របស់គេ»។ ពួកគេនឹងធ្វើបន្ទាល់ពីព្រះយេស៊ូវ ដ៏ជាព្រះអង្គ សង្រ្គោះរបស់គេ។ ភាពជាទុក្ខរបុគ្គលគឺជាជ័យជំនះដ៏ធំលើសាតាំង។ «ឈាមរបស់ទុក្ខរ បុគ្គលគឺជាគ្រាប់ពូជរបស់ក្រុមជំនុំ{ជាពិតប្រាកដ}»។ គ្រូគង្វាលសាំយ៉ូអែល ឡែមត្រូវ បានជាប់គុកក្នុងប្រទេសចិនច្រើនដង។ ចុងបញ្ចប់គាត់ប្រាប់ថា «ពួកកុម្មុយនីស្ដឈប់ ចាប់ខ្លួនខ្ញុំ។ គេឈប់ចាប់ខ្លួនខ្ញុំដោយសារតែគ្រប់ពេលដែលគេចាប់ខ្ញុំដាក់គុក ក្រុមជំនុំ របស់យើងរីកចំរើនទៅៗ។ ការបៀតបៀនច្រើនមាន័យថា ព្រះពរច្រើន!» សូមក្រោកឈរ ហើយច្រៀងបទលេខ៨លើក្រដាសចម្រៀងអ្នក។ ជំនឿនៃឪពុករបស់យើងនៅតែរស់នៅ ដ្បិតគ្រីស្ទាននៅគ្រាវេទនានឹងយកឈ្នះលើសាតាំងដោយសារសុខចិត្ដស្លាប់របស់គេសម្រាប់ព្រះគ្រិស្ដ។ «ក៏មិនបានស្តាយជីវិតខ្លួនដរាបដល់ស្លាប់»។ ពួកគេមិនស្រឡាញ់ជីវិតរបស់គេឡើយ ទោះបីជាពួកគេត្រូវស្លាប់ សម្រាប់ព្រះគ្រិស្ដក៏ដោយ។ នោះជារបៀបដែលពួកគេយកឈ្នះលើសាតាំង! សូមក្រោកឈរ ហើយច្រៀង បទលេខ៨ម្ដងទៀត ជំនឿនៃឪពុករបស់យើងនៅតែរស់នៅ «គេបានឈ្នះវា ដោយសារឈាមនៃកូនចៀម ហើយដោយសារសេចក្តីបន្ទាល់របស់គេ ក៏មិនបានស្តាយជីវិតខ្លួនដរាបដល់ស្លាប់»(វិវរណៈ ១២:១១)។ សព្វថ្ងៃនេះ មនុស្សដែលយកឈ្នះលើសាតាំងគឺជាពួកអ្នកដែលរស់នៅតាមពាក្យទាំងនោះនៅក្នុង ជីវិតរបស់គេ។ យើងបានអធិស្ឋានសុំឲ្យព្រះបញ្ជូនការរស់ឡើងវិញមកក្រុមជំនុំយើងសម្រាប់រយៈពេល៤២ ឆ្នាំ។ តែមិនដែលឃើញការរស់ឡើងវិញឡើយ។ ខ្ញុំដឹងច្បាស់ពីមូលហេតុ។ មនុស្សមកមួយភ្លែត បន្ទាប់មក ត្រលប់ទៅក្នុងអំពើបាបវិញ។ តើមនុស្សដែលមិនប្រែចិត្ដដូចនោះអាចទទួលបទពិសោធន៍ការរស់ឡើងវិញ ដូចម្ដេចបាន? វាមិនអាចទៅរួចឡើយ។ ពីមួយឆ្នាំទៅមួយឆ្នាំ គេចេញទៅរស់នៅក្នុងអំពើបាប និងក្នុងជីវិត អាត្មានិយម។ ចុងបញ្ចប់ គេឈប់ចាកចេញ។ ចុងបញ្ចប់ កូនរបស់គេខ្លះបានប្រែចិត្ដពិតប្រាកដ។ បន្ទាប់ មក ដោយសន្សឹមៗមានខ្លះបានចូលមក ហើយត្រូវបានប្រែចិត្ដពិតប្រាកដ។ នៅចុងបញ្ចប់ ត្រឹមតែមាន ក្មេង«ក្រុមជំនុំ»៤ឬ៥នាក់តែប៉ុណ្ណោះដែលនៅតែមិនប្រែចិត្ដ។ បន្ទាប់មកនៅចុងបញ្ចប់ ព្រះបានឆ្លើយតប ការអធិស្ឋានយើង។ នៅពេលពួកអារក្សចេញទៅ ព្រះចាត់បញ្ជូនការរស់ឡើងមកយើងរាល់គ្នា។ ក្មេងស្រីម្នាក់បានចាប់ផ្ដើមអធិស្ឋានម៉ត់ចត់ ដោយមានចិត្ដអធិស្ឋានសម្រាប់ការរស់ឡើងវិញ។ បន្ទាប់មកស្រ្ដីម្នាក់ទៀតបានខ្ទេចខ្ទាំចិត្ដ ហើយបានអធិស្ឋានសម្រាប់ការរស់ឡើងវិញទាំងយំ។ ប្រហែលក្នុង ពេលតែមួយ បុរស័យក្មេង៣នាក់បានមកអធិស្ឋានជាមួយខ្ញុំសម្រាប់ការរស់ឡើងវិញនៅឯផ្ទះខ្ញុំ។ ចុងបញ្ចប់ នៅពេលដែលមនុស្សបាត់បង់លោកីយស្ទើរតែទាំងអស់បានចេញទៅ ព្រះបានឆ្លើយតបការអធិស្ឋានយើង។ មនុស្ស២៤នាក់បានប្រែចិត្ដក្នុងរយៈពេលពីបីសប្ដាហ៍។ ពួកគេត្រូវបានប៉ះពាល់ចិត្ដពីអំពើបាប។ ពួកគេយំ កាលពួកគេមករកព្រះយេស៊ូវ។។ ២នាក់ក្នុងចំណោមគេមានអាយុច្រើនជាង៨០ឆ្នាំ ដែលមិនធម្មតានៅ សម័យនេះ។ ១៣នាក់ក្នុងចំណោមគេមានអាយុរៀននៅមហាវិទ្យាល័យ។ ម្នាក់ក្នុងចំណោមគេជាបុរសបាត់ បង់នៅសៅថើនបាទីស្ទ។ គាត់បានឈ្លោះជាមួយខ្ញុំច្រើនថា គាត់បានសង្រ្គោះរួចហើយ។ តែគាត់បាន សង្រ្គោះពិតប្រាកដក្នុងការរស់ឡើងវិញនៅឆ្នាំនេះ! យើងមិនដែលឃើញមនុស្ស២៤នាក់បានប្រែចិត្ដក្នុង ពេលដ៏ខ្លីដូចនេះឡើយ។ យើងទាំងអស់គ្នាអាចដឹងពីវត្ដមានរបស់ព្រះក្នុងការប្រជុំទាំងនោះ។ ខ្ញុំនឹងធ្វើពិធី ជ្រមុជទឹកប្រហែលពាក់កណ្ដាលក្នុងចំណោមគេក្នុងរយៈពេលពីរបីអាទិត្យ។ នេះគួរតែជាពេលសប្បាយណាស់ ពេលដែលអរគុណព្រះសម្រាប់ការចាក់បង្ហូរព្រះវិញ្ញាណរបស់ ទ្រង់ ដោយបានទាញនាំមនុស្សទាំងនេះមកឯព្រះគ្រិស្ដសម្រាប់ការសំអាតអំពើបាបដោយសារព្រះលោហិត ដែលទ្រង់បានបង្ហូរលើឈើឆ្កាង។ សូមត្រៀមខ្លួនធ្វើទីបន្ទាល់នៅយប់ថ្ងៃសៅរ៍ខាងមុខពីអ្វីដែលព្រះបានធ្វើ សម្រាប់អ្នក! សង្ឃឹមថា ប្រហែលនឹងមានមនុស្សពីរបីនាក់ទៀតនឹងប្រែចិត្ដ មុនឆ្នាំនេះចប់ទៅ។ យើងនៅមាន ១យប់ចុងក្រោយ។ ហើយខ្ញុំដឹងច្បាស់ថា យើងនឹងចងចាំឆ្នាំ២០១៦នេះជាឆ្នាំដែលព្រះចាត់បញ្ជូនការរស់ ឡើងវិញមុនដំបូងបំផុត។ តែយើងមិនត្រូវគិតថា ក្រុមជំនុំនឹងនៅក្នុងសភាពនៃការរស់ឡើងវិញជានិច្ចនោះទេ។ វាអាចច្រើន ខែ ឬសូម្បីតែច្រើនឆ្នាំ មុនពេលព្រះធ្វើការដូចនេះម្ដងទៀត។ នៅចន្លោះពេលនេះ យើងត្រូវតែអរគុណព្រះ សម្រាប់ការចាក់បង្ហូរព្រះវិញ្ញាណរបស់ទ្រង់។ យើងមិនត្រូវព្យាយាមបន្ដរស់នៅក្នុងសភាពនៃការរស់ឡើង វិញ ឬយើងនឹងខកចិត្ដ ហើយកើតទុក្ខ។ ក្រុមជំនុំមិនអាចបន្ដរស់នៅក្នុងសភាពនៃការរស់ឡើងវិញឡើយ។ យើងនឹងត្រូវស្ដារជាតិគីមីឡើងវិញ! វានឹងបំផ្លាញយើង។ ដូច្នេះ សូមយើងឈប់មួយរយៈ ហើយគ្រាន់តែ សសើរតម្កើងព្រះសម្រាប់មនុស្ស២៤នាក់ដែលបានប្រែចិត្ដទាំងនោះ។ វានឹងមានមនុស្សប្រែចិត្ដថែមទៀត ពីពេលមួយទៅពេលមួយ។ ហើយនៅអនាគត ខ្ញុំជឿថា ប្រហែលអាចមានការរស់ឡើងវិញ១ទៀត អាចធំ ជាងនេះទៅទៀត។ តែនៅជិតចប់ឆ្នាំនេះ សូមឲ្យយើងអរសប្បាយក្នុងអំណាចព្រះចេស្ដារបស់ព្រះ និងព្រះ លោហិតរបស់ព្រះគ្រិស្ដ។ ហើយសូមឲ្យយើងទាំងអស់គ្នាអធិស្ឋានសម្រាប់អ្នកដែលបានប្រែចិត្ដទាំងអស់ នេះ ដ្បិតពួកគេដូចជាគ្រីស្ទានក្នុងគ្រាវេទនា គេនឹង «ដោយសារឈាមនៃកូនចៀម ហើយដោយសារសេចក្តីបន្ទាល់របស់គេ ក៏មិនបានស្តាយជីវិតខ្លួនដរាបដល់ស្លាប់»(វិវរណៈ ១២:១១)។ សូមឲ្យយើងក្រោកឈរ ហើយច្រៀងបទចម្រៀងពីការរស់ឡើងវិញដែលព្រះចាត់បញ្ជូនមក។ វានៅទំព័រ៩លើក្រដាសចម្រៀងអ្នក។ ព្រះអង្គសង្រ្គោះអើយ ខ្ញុំអធិស្ឋានសុំឲ្យទ្រង់បំពេញការជាក់ស្ដែងខ្ញុំ បើសិនជាអ្នកនៅតែមិនទាន់បានសង្រ្គោះ យើងសុំឲ្យអ្នកប្រែចិត្ដពីអំពើបាប ហើយបែរទៅរកព្រះ គ្រិស្ដ ទុកចិត្ដទ្រង់ ហើយឲ្យត្រូវលាងសំអាតពីអំពើបាបរបស់អ្នកដោយសារព្រះលោហិតដែលទ្រង់បាន បង្ហូរលើឈើឆ្កាងសម្រាប់អ្នក។ អ្នកត្រូវតែមានអារម្មណ៍ថា អ្នកពេញដោយអំពើបាប។ បន្ទាប់មកអ្នកត្រូវតែ ជឿជាក់លើព្រះយេស៊ូវ ដើម្បីឲ្យទ្រង់សំអាតបាបរបស់អ្នកដោយព្រះលោហិតដែលទ្រង់បានបង្ហូរលើឈើ ឆ្កាង។ អាម៉ែន។
(ចប់សេចក្ដីអធិប្បាយ) សេចក្ដីអធិប្បាយដែលសរសេរដៃទាំងនេះមិនហាមឲ្យថតចំលងទេ។ អ្នកប្រើវាដោយគ្មានការអនុញ្ញាតពីលោក អានបទគម្ពីរមុនសេចក្ដីអធិប្បាយដោយលោក អេបិល ផ្រូដីម៊ី៖ រ៉ូម ១២:៧-១២។ |