ការបោះបង់ចោលព្រះ – ២០១៤

THE APOSTASY – 2014
(Cambodian)

ដោយលោក
Dr. R. L. Hymers, Jr.

សេចក្ដីអធិប្បាយមួយបានអធិប្បាយនៅក្រុមជំនុំថាបាណាខល ក្នុងរដ្ឋឡូសអង់ចាឡែស
ថ្ងៃរបស់ព្រះអម្ចាស់នៅពេលព្រឹក ខែមិថុនា ៨ ២០១៤
A sermon preached at the Baptist Tabernacle of Los Angeles
Lord’s Day Morning, June 8, 2014

«កុំឲ្យអ្នកណាបញ្ឆោតអ្នក រាល់គ្នាជាយ៉ាងណាដែរ ដ្បិតថ្ងៃនោះមិនមកឡើយ ទាល់តែមានសេចក្តីក្បត់សាសនាមកជាមុន ហើយមនុស្សដែលជាតួបាបនោះបានលេចមក គឺជាមនុស្សដែលត្រូវហិនវិនាស»(២ថែស្សាឡូនិច ២:៣)។

ខ្ញុំបានអធិប្បាយពីការបោះបង់ចោលព្រះរបស់មនុស្ស មុនទឹកជំនន់ដ៏ធំ។ នៅជំនាន់របស់លោកណូអេ មុនពេលទឹកជំនន់ យើងមានរូបភាពដ៏ច្បាស់មួយពីការបោះបង់ចោលព្រះ។ ដ្បិតព្រះយេស៊ូវបានមានបន្ទូលថា សេចក្ដីក្បត់សាសនានៅថ្ងៃចុងក្រោយបង្អស់ នោះនឹងបានដូចជានៅជំនាន់លោកណូអេដែរ(ម៉ាថាយ ២៤:៣៧)។ ហើយនៅព្រឹកនេះ ខ្ញុំចង់ផ្ដោតសំខាន់លើខគម្ពីរដែលទាយពីការបោះបង់ចោលព្រះយ៉ាងច្បាស់នៅសព្វថ្ងៃនេះ។

គ្រីស្ទបរិស័ទនៅក្នុងទីក្រុងថែស្សាឡូនិចបានយល់ច្រលំ ហើយបានភ័យខ្លាច។ គ្រូក្លែងក្លាយបាន បង្រៀនពួកគេថា ថ្ងៃរបស់ព្រះគ្រីស្ទបានមករួចហើយ ដូច្នេះ ពួកគេកំពុងតែរស់នៅក្នុងគ្រារងទុក្ខវេទនា។ ប៉ុន្ដែសាវកប៉ុលបានប្រាប់ពួកគេថា ការនោះមិនអាចកើតឡើងទេ។ មានរឿងពីរដែលត្រូវកើតឡើងមុនគ្រារងទុក្ខវេទនាចាប់ផ្ដើម។ នៅគ្រានោះអ្នកប្រឆាំងនឹងព្រះគ្រីស្ទនឹងត្រួត្រាលើពិភពលោក ហើយធ្វើជាអ្នកផ្ដាច់ ការដ៏ខ្ពស់បំផុត។ នៅចុងបញ្ចប់នៃគ្រាវេទនា៧ឆ្នាំ ព្រះនឹងចាក់ចាន៧នៃសេចក្ដីក្រោធទៅលើលោកីយដែល បដិសេធព្រះគ្រីស្ទនេះ។ «ថ្ងៃរបស់ព្រះគ្រីស្ទ» និង «ថ្ងៃរបស់ព្រះអម្ចាស់» សំដៅលើរូបភាពទាំងស្រុងនៃគ្រា រងទុក្ខវេទនាដោយសារការយាងមកលើកទីពីររបស់គ្រីស្ទ និងការមកតាំងនគររបស់ទ្រង់។ គ្រីស្ទបរិស័ទនៅ ទីក្រុងថែស្សាឡូនិចត្រូវបានគេបង្រៀនខុសឆ្គងទៅកាន់ពួកគេថា ពួកគេកំពុងតែរស់នៅក្នុងគ្រានៅពេល អនាគតនៃការជំនុំជំរះ។ ហើយនៅក្នុងខនេះ សាវកប៉ុលបានប្រាប់ពួកគេថាកុំឲ្យភ័យខ្លាចឡើយង ដោយ ព្រោះតែព្រឹត្ដិការណ៍២ត្រូវតែកើតឡើងមុនពេលគ្រារងទុក្ខវេទនាចាប់ផ្ដើម។

១. ទីមួយ «ថ្ងៃនោះមិនមកឡើយ ទាល់តែមានសេចក្តីក្បត់សាសនាមកជាមុន» {ដូច្នេះវាចាប់ផ្ដើមមុនពេលគ្រារងទុក្ខវេទនាកើតឡើង}។
២. ទីពីរ «មនុស្សដែលជាតួបាបនោះបានលេចមក គឺជាមនុស្សដែលត្រូវហិនវិនាស» {នេះគឺជាឈ្មោះរបស់អារក្សសំរាប់ជនផ្ដាច់ការនៃពិភពលោកចុង ក្រោយគឺជា អ្នកប្រឆាំងនឹងព្រះគ្រីស្ទ។ គាត់ត្រូវបានបើកសំដែងនៅការចាប់ ផ្ដើមនៃគ្រារងទុក្ខវេទនា}។

គ្រូខាងពាក្យទំនាយភាគច្រើនចាប់ផ្ដើមបង្រៀនពីព្រឹត្ដិការណ៍នៃគ្រារងទុក្ខវេទនា។ ប៉ុន្ដែខ្ញុំតែងតែ ស្ទាក់ស្ទើរដើម្បីធ្វើដូចនោះ។ ខ្ញុំបង្ហាញប្រាប់ពីព្រឹត្ដិការណ៍ទាំងពីសម័យមួយទៅសម័យមួយ ប៉ុន្ដែខ្ញុំមិនចាប់ អារម្មណ៍ពីអ្វីដែលកើតឡើងមុនគ្រារងទុក្ខវេទនាចាប់ផ្ដើមនោះទេ ដោយព្រោះតែយើងកំពុងតែរស់នៅក្នុង សម័យនោះសព្វថ្ងៃនេះ។ ដូច្នេះឥឡូវនេះយើងកំពុងតែរស់នៅក្នុងគ្រានៃ «សេចក្ដីក្បត់សាសនា»។

ខ្ញុំមិនអាចយល់ពីរបៀបដែលបុរសទាំងនេះអាចបង្រៀនពាក្យទំនាយក្នុងព្រះគម្ពីរ ដោយមិនចែក ចាយវាទៅកាន់មនុស្សបានទេ។ ខ្ញុំគិតថាប្រភេទនៃការបង្រៀននោះទាក់ទាញពួកអ្នកដែល «មិនទ្រាំទ្រនឹង គ្រូរបស់ពួកគេ និងពួកអ្នកដែលមានត្រចៀករមាស់»(ធីម៉ូថេទី២ ៤:៣)។

នៅព្រឹកនេះខ្ញុំនឹងបង្រៀនពីរបីនាទីអំពី «សេចក្ដីក្បត់សាសនា» នោះ ការបោះបង់ចោលព្រះនោះ ដែលអត្ថបទគម្ពីររបស់យើងប្រាប់។ សូមចុចទីនេះ ដើម្បីអាននូវប្រវត្ដិសាស្រ្ដដ៏ពិត និងការពិភាក្សាខាងទេវ កថានៃឬសគល់របសការបោះបង់ចោលព្រះនៅសព្វថ្ងៃនេះ។

១. ទីមួយ ការបើកសំដែងពីការបោះបង់ចោលព្រះ។

«កុំឲ្យអ្នកណាបញ្ឆោតអ្នក រាល់គ្នាជាយ៉ាងណាដែរ ដ្បិតថ្ងៃនោះមិនមកឡើយ ទាល់តែមានសេចក្តីក្បត់សាសនាមកជាមុន ហើយមនុស្សដែលជាតួបាបនោះបានលេចមកគឺជាមនុស្សដែលត្រូវហិនវិនាស» (២ថែស្សាឡូនិច ២:៣)។

ឥឡូវនេះសូមគិតពីពាក្យ «ការបោះបង់ចោលព្រះ»។ នេះគឺជារបៀបដែល NASB បកប្រែពាក្យ «សេចក្ដីក្បត់សាសនា»។ ទីមួយ «ការបោះបង់ចោលព្រះ» មកពីពាក្យជាភាសាក្រិច «អាផោស្ទាសៀ» (apostasia)។ ពាក្យជាភាសាក្រិចមានន័យថា «ឈរឆ្ងាយពី» វាសំដៅលើការធ្លាក់ចេញពីសេចក្ដីពិតនៃ ព្រះគម្ពីរ។ លោក W. A. Criswell បានប្រសាសន៍ថា «មុនថ្ងៃរបស់ព្រះអម្ចាស់ នឹងកើតមានការក្បត់ព្រះ ដ៏គួរឲ្យកត់សំគាល់មួយរបស់អ្នកជឿដែលប្រកាសប្រាប់។ ការប្រើពាក្យ {ដឹ} [the] បង្ហាញថាប៉ុលប្រាប់ពី ការបោះបង់ចោលព្រះដ៏ជាក់លាក់មួយ» (ការសិក្សាព្រះគម្ពីររបស់លោកខ្រីសវ៉ែល កត់សំគាល់នៅគម្ពីរ ថែស្សាឡូនិចទី២ ២:៣)។ ពាក្យជាភាសាក្រិច «ហេ អាផោស្ទាសៀ» ការបោះបង់ចោលព្រះ មិនដែលមាន មួយដូចវាទេពីមុន មិនដែលមានមួយដូចវាទេបន្ទាប់មកទៀត– ការបោះបង់ចោលព្រះ។ លោក Charles C. Ryrie បាននិយាយប្រាប់ពីអត្ថបទគម្ពីររបស់យើង «ការបោះបង់ចោលព្រះ។ ការឈ្លានពាន និងការ បះបោរប្រឆាំងនឹងព្រះដ៏ធំមួយ ដែលនឹងរៀបចំផ្លូវសំរាប់រូបរាងខាងក្រៅរបស់មនុស្សដែលជាតួបាប {អ្នក ប្រឆាំងនឹងព្រះគ្រីស្ទ}»(The Ryrie Study Bible កត់សំគាល់លើ២ថែស្សាឡូនិច ២:៣)។

ដូចនេះ តើអត្ថបទគម្ពីរនេះមានឥទ្ធិពលលើយើងដូចម្ដេចទៅសព្វថ្ងៃនេះ? ចម្លើយគឺសាមញ្ញ វា មានឥទ្ធិពលលើយើងជាខ្លាំង ដោយព្រោះតែឥឡូវនេះយើងនៅក្នុងនាទីនេះ ហើយយើងកំពុងរស់នៅក្នុង ការបោះបង់ចោលព្រះនៅគ្រាចុងក្រោយបង្អស់ ដែលព្រះគម្ពីរទាយ។ លោក យ៉ូហាន John F. Walvoord បាន ប្រសាសន៍ថា ទីសំគាល់នៅក្នុងម៉ាថាយ ២៤:៤-១៤ «បានរកឃើញការសំរេចខ្លះនៅសម័យបច្ចុប្បន្ននេះ... ប៉ុន្ដែឥឡូវនេះវាអាចសង្កេតបាន ដើម្បីឲ្យបានសំរេចដោយលំអិតថែមទៀតនៅក្នុងគ្រារងទុក្ខវេទនាដ៏ខ្លាំង (John F. Walvoord, Th.D., Major Bible Prophecies, Zondervan Publishing House, 1991, p. 254)។ នោះគឺជា គំនិតរបស់ខ្ញុំនៃការបោះបង់ចោលព្រះ។ វាបានចាប់ផ្ដើមនៅក្នុងសម័យកាលបច្ចុប្បន្ននេះ។ តែវាឥឡូវនេះ «អាចសង្កេតបាន ដើម្បីឲ្យបានសំរេចដោយលំអិតថែមទៀតនៅក្នុងគ្រារងទុក្ខវេទនាដ៏ខ្លាំង»។

យើងកំពុងតែរស់នៅក្នុងគ្រាចាប់ផ្ដើមនៃ «ការបោះបង់ចោលព្រះ» សព្វថ្ងៃដែរឬទេ? សូមស្ដាប់ លោក Harold O. J. Brown។ គាត់បានប្រសាសន៍ថា «មនុស្សបានយល់ច្រលំពីវប្បធម៌បន្ទាប់បន្សំ និង ការលាយលំគ្នាដែលបានដឹកនាំឲ្យបំបែកពីអាជ្ញាធរ»(The Sensate Culture, Word, 1996, p. 54)។ អ្នកមិនត្រូវតែមានសញ្ញាប័ត្រថ្នាក់បណ្ឌិតមួយនៅក្នុងសាសនាដើម្បីដឹងថា នៅក្នុងក្រុមជំនុំមានបញ្ហាធំនៅ សព្វថ្ងៃណេះ។ និកាយនៅប្រវត្ដិសាស្រ្ដទាំងអស់បានថយចុះនៅក្នុងតួលេខសព្វថ្ងៃនេះ រហូតដល់ពួកគេគ្រាន់តែធ្វើរាក់កំផែលពីអ្វីដែលពួកគេធ្លាប់ក្លាយជា។ សូម្បីតែពួកសៅថើនបាទីស្ទ Convention ឥឡូវនេះ ក៏ដោយក៏កំពុងតែឡើងក្រឺតៗពីការបាត់បង់ក្រុមជំនុំចំនួន១០០០ជារៀងរាល់ឆ្នាំ! ត្រូវហើយ ក្រុមជំនុំសៅ ថើនបាទីស្ទចំនួន១០០០ត្រូវបិទទ្វាររហូតគ្រប់ឆ្នាំនីមួយៗ។ ហើយចាប់តាំងពីឆ្នាំ២០០៦មក តួលេខនៃការ ធ្វើពិធីជ្រមុជទឹកបានថយចុះជារៀងរាល់ឆ្នាំ។ ពួកសៅថើនបាទីស្ទបានបាត់បង់ «សមាជិកច្រើនជាង១សែន នាក់» កាលពីឆ្នាំមុន (ក្រសួងពត៌មានបាទីស្ទ)។ ហើយនៅគ្រប់ទីកន្លែងយើងឃើញថា សមាជិកក្រុមជំនុំ ជាច្រើនបានធ្លាក់ទឹកចិត្ដ ហើយភ័យខ្លាច។ ខ្ញុំមិនស្គាល់ពីក្រុមជំនុំមួយសោះ សូម្បីតែក្រុមជំនុំរបស់លោក Joel Osteen ដែលកំពុងតែកើនឡើងពីមនុស្សដែលប្រែចិត្ដ។ អ្វីល្អបំផុតដែលពួកគេអាចធ្វើបានគឺ «លួច» នរណាម្នាក់ពីក្រុមជំនុំផ្សេងទៀតដោយប្រើឧបាយកលបញ្ជោតដ៏ឆ្លាត។ ក្រុមជំនុំរបស់យើងកំពុងតែរអិល យ៉ាងលឿនទៅក្នុងការបោះបង់ចោលព្រះដ៏ជ្រៅទៅៗ។ ខ្ញុំមិនយល់ស្របជាមួយលោក Lewis Sperry Chafer ទេ ប៉ុន្ដែខ្ញុំគិតថា ប្រយោគរបសគាត់នេះត្រឹមត្រូវពិតប្រាកដណាស់

   បទគម្ពីរទាំងនេះ{ទាក់ទងនឹងការបោះបង់ចោលព្រះ} ជារូបភាពពីបុរស ចាកចេញពីសេចក្ដីជំនឿ(ធីម៉ូថេទី១ ៤:១-២)។ នឹងមានការសំដែងពីចរិក លក្ខណះដែលជាកម្មសិទ្ធរបស់បុរសដែលមិនបានសំអាតជាថ្មី ទោះបីជាពួក គេប្រកាសថា «គេមានឬកពាជាអ្នកគោរពប្រតិបត្ដិដល់ព្រះ» ក្ដី (ធីម៉ូថេទី២ ៣:១-៥)។ ការបង្ហាញប្រាប់គឺនោះ គេបានបដិសេធមិនទទួលយកអំណាច នៃព្រះលោហិតរបស់ព្រះគ្រីស្ទ... អ្នកដឹកនាំដែលមានឬកពាដូចជាមនុស្ស សុចរិតទាំងនេះ នឹងមិនបានសំអាតជាថ្មីអ្វីសោះខាងព្រលឹងវិញ្ញាណជាជាងអ្វីដែលបណ្ដាលឲ្យគេនៅថ្ងៃចុងក្រោយបង្អស់នៃក្រុមជំនុំ(Lewis Sperry Chafer, D.D., Systematic Theology, vol. IV, Dallas Seminary Press, p. 375)។

បាទ សូម្បីតែក្រុមជំនុំដ៏ល្អបំផុតរបស់យើងក៏ជារឿយៗបានដឹកនាំដោយបុរសដែលបានបោះបង់ ចោលព្រះ ហើយពួកគេ «បានបដិសេធមិនទទួលយកព្រះលោហិតរបស់ព្រះគ្រីស្ទ»។ មានតួលេខមួយនៃ គ្រូគង្វាលអភិរក្សដែលបដិសេធគម្ពីរហេព្រើរ ១២:២៤ ដែលប្រាប់ថា «ព្រះលោហិតដែលសំរាប់ប្រោះ» គឺនៅក្នុង «ទីក្រុងយេរ៉ូសាឡិមដ៏ជាស្ថានសួគ៌» ដូចព្រះគម្ពីរបង្រៀនយ៉ាងច្បាស់ណាស់នៅកន្លែង។ មាន មនុស្សប្រុសជាច្រើនដើរតាមគ្រូបង្រៀនទាំងនេះ ដូចជាលោក យ៉ូហាន ម៉ាកអ៊ោសើរ ដែលបង្រៀនថា ព្រះលោហិតរបស់ព្រះគ្រីស្ទគ្រាន់តែជា «ពាក្យប្រៀបធៀប» មួយសំរាប់ពាក្យផ្សេងទៀតនៃការសុគតរបស់ទ្រង់តែប៉ុណ្ណោះ។ តែលោក Martyn Lloyd-Jones បានប្រសាសន៍ថា

ការសាកល្បងដ៏សំខាន់បំផុតចំពោះបុរសម្នាក់ សូម្បីតែគាត់អធិប្បាយដំណឹង ល្អ ឬក៏អត់គឺថា យើងត្រូវតែកត់សំគាល់ពីការសង្កត់ធ្ងន់ដែលគាត់បង្រៀនពី «ព្រះលោហិត»។ វាមិនល្មមទេដើម្បីបង្រៀនអំពីឈើឆ្កាង និងការសុគត ការ សាកល្បងគឺជា «ព្រះលោហិត»(D. Martyn Lloyd-Jones, M.D., ផ្លូវរបស់ព្រះនៃការផ្សះផ្សារ(អេភេសូរជំពូក២), The Banner of Truth Trust, 1981, p 331)។

សព្វថ្ងៃនេះមានការបោះបង់ចោលព្រះដ៏ធំពីអ្វីដែលព្រះគម្ពីរបង្រៀនអំពីព្រះលោហិត ដែលទទួល ទារុណកម្មជំនួស។ គ្រូអធិប្បាយអាចបង្រៀនថាពួកគេជឿវា ប៉ុន្ដែខ្ញុំមិនស្គាល់គ្រូអធិប្បាយដ៏សំខាន់ខ្លះៗ ដែលប្រកាសពីព្រះលោហិតរបស់ព្រះគ្រីស្ទដូចលោក ស្ពឺជិន និងលោក Lloyd-Jones បានធ្វើសោះ។ ព្រះ ជួយយើង! យើងនៅក្នុងការបោះបង់ចោលព្រះសព្វថ្ងៃនេះ!

«កុំឲ្យអ្នកណាបញ្ឆោតអ្នក រាល់គ្នាជាយ៉ាងណាដែរ ដ្បិតថ្ងៃនោះមិនមកឡើយទាល់តែមានសេចក្តីក្បត់សាសនាមកជាមុន» – ការបោះបង់ចោលព្រះ(២ថែស្សាឡូនិច ២:៣)។

នោះគឺជាការបើកសំដែងពីការបោះបង់ចោលព្រះ!

ទំសំគាល់នៃការយាងមកបានកើនទ្វេដង
   ពន្លឺពេលព្រឹករះនៅទិសខាងលិច
ចូរចាំយាម ពេលដែលទ្រង់មកជិតដល់ហើយ
   កុំបិទភ្នែករបស់អ្នកនៅថ្ងៃនេះ!
(«បើវាជាថ្ងៃនេះ» ដោយ Leila N. Morris, 1862-1929; ប្ដូរដោយលោក Dr. Hymers)។

២. ទីពីរ មូលហេតុនៃការបោះបង់ចោលព្រះ។

សូមបើគម្ពីររបស់អ្នកទៅវិវរណៈ ១២:១២។ សូមក្រោកឈរឡើង ហើយអានវាឲ្យខ្លាំងៗ។

«ដោយហេតុនោះ ឱស្ថានសួគ៌ និងពួកអ្នកដែលនៅស្ថាននោះអើយ ចូរអរសប្បាយឡើង តែវេទនាដល់ផែនដី និងសមុទ្រវិញ ពីព្រោះអារក្សបានចុះមកឯអ្នករាល់គ្នា ទាំងមានសេចក្តីឃោរឃៅជាខ្លាំង ដោយវាដឹងថា ពេលវេលាវាខ្លីណាស់ហើយ»(វិវរណៈ ១២:១២)។

សូមមើលប្រយោគចុងក្រោយ «ពីព្រោះអារក្សបានចុះមកឯអ្នករាល់គ្នា ទាំងមានសេចក្តីឃោរឃៅជាខ្លាំង ដោយវាដឹងថា ពេលវេលាវាខ្លីណាស់ហើយ»(វិវរណៈ ១២:១២)។ អ្នកអាចអង្គុយចុះបាន។

បាទ ខ្ញុំដឹងថាកន្លែងរៀបរាប់ប្រាប់ពីកំហឹងរបស់អារក្សនៅក្នុងគ្រារងទុក្ខវេទនា។ ប៉ុន្ដែគ្រូគង្វាល នៅក្រុមជំនុំចិនរបស់ខ្ញុំឈ្មោះលោក ធីម៉ូថេ លីន បានយល់ដឹងពីរឿងខ្លះទៀតនៅកន្លែងនេះ។ គាត់បាន ប្រសាសន៍ថា «អារក្សសាតាំងដឹងអំពីពាក្យទំនាយច្រើនជាងគ្រីស្ទបរិស័ទជាច្រើន»។ គាត់បានប្រសាសន៍ ថា ឥឡូវនេះអារក្សវាដឹងថា វាគ្រាន់តែមានពេលវេលាខ្លីណស់ មុនពេលវាត្រូវចងជាប់សំរាប់រយះពេលមួយ ពាន់ឆ្នាំនៅក្នុង «រណ្ដៅដ៏ធំ»(វិវរណៈ ២០:១-២)។ លោក យ៉ូហាន ភីលីពបានសរសេរថា

សព្វថ្ងៃនេះអារក្សសាតាំងគឺដូចជាសត្វតោនៅក្នុងទ្រុងមួយ ដែលក្ដៅចិត្ដ... វាឈ្លក់ដោយកំហឹងរកផ្លូវដើម្បីបន្ធូរសេចក្ដីសំអប់ ហើយនិងគំនុំរបស់វាដែលប្រឆាំងនឹងមនុស្សលោក (Exploring Revelation, Loizeaux, 1991, p. 160)។

អារក្សសាតាំងមិនអាចប៉ះពាល់ព្រះនៅស្ថានសួគ៌បានទេ ដូច្នេះវាខឹងខ្លាំងណាស់ ហើយវាយប្រហារមនុស្ស ដែលជាអ្នកដែលព្រះបានបង្កើតខ្ពស់បំផុត។ សាវកពេត្រុសបានប្រាប់ថា

«ចូរឲ្យដឹងខ្លួន ហើយចាំយាមចុះ ព្រោះអារក្សដែលជាខ្មាំងសត្រូវរបស់អ្នករាល់គ្នា វាតែងដើរក្រវែល ទាំងគ្រហឹមដូចជាសិង្ហ ដើម្បីនឹងរកអ្នកណាដែលវានឹងត្របាក់លេបបាន»(ពេត្រុសទី១ ៥:៨)។

ពីរបីសប្ដាហ៍មុនមាននិស្សិតម្នាក់អាយុ២២ឆ្នាំរៀននៅមហាវិទ្យាល័យ Santa Barbara City គាត់បានបាញ់សំឡាប់ជនរងគ្រោះ៦នាក់ ហើយធ្វើឲ្យអ្នកផ្សេងទៀតរបួសធ្ងន់ធ្ងរចំនួន១៣នាក់ មុនពេល គាត់បានបាញ់សំឡាប់ខ្លួនឯង។ នៅពេលខ្ញុំបានអានសារដ៏ចំលែងដែលគាត់បានទុកនៅលើ YouTube គំនិតមុនដំបូងដែលចូលក្នុងខួរក្បាលខ្ញុំគឺជា «អារក្សចូល»។ បាទ នោះគឺជាដូចជាកុនដ៏អាក្រក់នោះឈ្មោះ «គ្រូបណ្ដេញខ្មោច»។ អ្នកនយោបាយបក្សឆ្វេងនិយមនិយាយថា យើងអាចបញ្ឃប់ការសំឡាប់ទាំងនេះ បានដោយហាមឃាត់កុំឲ្យប្រើកាំភ្លើង។ ប៉ុន្ដែពួកគេនិយាយខុស។ មានបុរសវ័យក្មេងផ្សេងទៀតកាប់និស្សិត មហាវិទ្យាល័យចំនួន១៦ដោយកាំបិតបរបាញ់សត្វពីរបីសប្ដាហ៍មុន។ បើសិនជាគេហាមឃាត់មិនឲ្យប្រើ កាំភ្លើង ពួកគេនឹងប្រើកាំបិតបរបាញ់សត្វ!

តើមនុស្សវ័យក្មេងទាំងនេះអារក្សចូលតាមរបៀបណាទៅ? អ្នកចិត្ដវិជ្ជាម្នាក់ឈ្មោះលោក Judy Kuriansky បានប្រសាសន៍ថា «មនុស្សខ្លះត្រូវបានរំខានរួចរាល់ហើយដោយសារកុនហូលីវ៉ូឌ ដែលបាន ចាក់បញ្ចាំងភាពឃោរឃៅ – នោះគឺជាកន្លែងដែលអ្នកមានអ្នកសំឡាប់ និងឃាតករជាច្រើន»។ ហើយ លោក Keith Kanner ដែលជាអ្នកជំនាញខាងការអភិវឌ្ឃពីក្មេងជំទង់ទៅមនុស្សពេញវ័យបានប្រសាសន៍ ថា «យើងមានការស្រាវជា្រវដែលបង្ហាញថាក្មេងដែលមិនត្រូវបានការពារពីហ្គេម ទូរទស្សន៍ និងកុនដ៏ឃោរ ឃៅនឹងត្រូវរុញច្រានអំពើឃោរឃៅថែមទៀត»។ លោក Kanner បានប្រសាសន៍ថា «ខ្ញុំស្ដីបន្ទោសកុន Hollywood»។ (John Blosser, National Enquirer, June 9, 2014, pp. 10-11)។ លោក Kanner បានស្ដីបន្ទោសកុនហូលីវ៉ូដ មិនមែនសមាគមន៍កាំភ្លើងជាតិទេ! គ្មានអ្នកណាម្នាក់ធ្លាប់មានអារក្ស ចូលដោយសារចូលរួម NRA។ គ្មានអ្នកណាម្នាក់ទេ! ប៉ុន្ដែមានក្មេងច្រើនណាស់ត្រូវបានបំបែរចេញ ហើយ ខ្លះត្រូវបានអារក្សចូល ដោយសារការមើលកុនដ៏ឃោរឃៅ ហើយដោយសារការមើលវីដីអូហ្គេមដ៏ឃោរឃោ!

មនុស្សវ័យក្មេងឈប់មើលកុនទាំងនោះ ហើយបោះចោលហ្គេមក្នុងវីដីអូទាំងនោះ! កុំឲ្យអារក្ស ចូល សូម្បីតែកុំឲ្យអារក្សមានឥទ្ធិពល! សូមបំបាត់របស់ទាំងអស់នោះចេញពីជីវិតរបស់អ្នក! អូ ដោយហេតុនោះហើយ ក្មេងដែលសំលាប់មនុស្សទាំងនោះនៅក្នុងក្នុងមហាវិទ្យាល័យ Santa Barbara ទាយមើលអ្វីទៅ? ឪពុករបស់គាត់ជាអ្នកជំនួយនាយកនៃខ្សែភាពយន្ដពីរខាងសំឡាប់គ្នានៅថ្មីៗ នេះ ដែលពេញទៅដោយភាពឃោរឃៅ និងការកាប់សំឡាប់គ្នា! ព្រះជួយយើង ក្មេងៗមិនមានឱកាសទេ!

ហើយរឿងមួយទៀត កុំភ្លេចថាអារក្សទៅក្រុមជំនុំ បាទ អារក្សទៅក្រុមជំនុំជារៀងរាល់ថ្ងៃអាទិត្យ! ហើយវា និងអ្នកជំនួយវាពិតប្រាកដណាស់បានធ្វើឲ្យក្រុមជំនុំបែកបាក់គ្នាកាលពី២០០ឆ្នាំមុន! ខ្ញុំអាចមាន អារម្មណ៍ថាសាច់ឈាមខ្ញុំភ័យខ្លាចណាស់ ហើយសក់ខ្ញុំបាសឡើងលើ នៅពេលខ្ញុំអានការរៀបរាប់របស់ លោក Charles G. Finney (១៧៩២-១៨៧៥) ដែលហៅថាការប្រែចិត្ដ និងការចាក់បំពេញដោយ ព្រះវិញ្ញាណ! ខ្ញុំអាចមានអារម្មណ៍ថាសាច់ឈាមលូនវា ហើយសក់ខ្ញុំបះឡើងលើ នៅពេលខ្ញុំអានការៀបរាប់ ប្រាប់របស់លោក Charles G. Finney (១៧៩២-១៨៧៥) ដែលហៅថាការប្រែចិត្ដ និងការចាក់បំពេញ ដោយព្រះវិញ្ញាណ! ពិតប្រាកដណាស់ខ្ញុំមានអារម្មណ៍ថា លោក Finney មានអារក្សចូល គាត់បានអារក្ស ចូលទាំងស្រុងនៅពេលព្រឹត្ដិការណ៍នៃរឿងទាំងនោះបានកើតឡើង។ មិត្ដសំឡាញ់ខ្ញុំម្នាក់ ដែលរៀនបាន សញ្ញាប័ត្រថ្នាក់បណ្ឌិតខាងទេវកថា(គ្រូគង្វាល)បានប្រាប់ខ្ញុំនៅថ្ងៃមុនថា «មានភាពងងឹតមួយអំពី Finney គាត់ជាបុរសម្នាក់ដែលត្រូវបានទទួលទារុណកម្ម»។ បន្ទាប់មកគាត់បាននិយាយថា «តើអ្នកធ្លាប់ឃើញរូប ថតភ្នែករបសគាត់ទេ? គាត់ដូចជាមនុស្សព្រៃម្នាក់»។ ខ្ញុំផ្ទាល់គិតថាគាត់មានអារក្សចូល!

ហើយ Finney គឺជាបុរសម្នាក់ដែលបានបែរកំហឹងរបស់គាត់ទាំងអស់ប្រឆាំងនឹងការប្រែចិត្ដរបស់ ពួកប្រូតែស្ដង់ ហើយគាត់បានដឹកនាំគ្រូគង្វាលស្ទើរតែទាំងអស់នៅក្នុងប្រទេសអាមេរិក(រាប់ពាន់នាក់នៅ ពាសពេញពិភពលោក) ឲ្យបោះបង់ចោលវិធីចាស់នៃការប្រែចិត្ដ ហើយផ្លាស់ប្ដូរវាទៅ «លទ្ធិដីសីសិន» (សូមចុចទីនេះដើម្បីអាននិយមន័យរបស់វា) ដែលវាច្បាស់ណាស់នាំឲ្យមនុស្សបាត់បង់រាប់លាននាក់ចូលក្នុងក្រុមជំនុំរបស់យើង។ សៀវភៅចុងក្រោយរបស់លោក Francis Schaeffer បានដាក់ចំណងជើងថា គ្រោះមហន្ដរាយដ៏ធំរបស់អ្នកផ្សាយដំណឹងល្អ (The Great Evangelical Disaster) ។ ហេតុអ្វីបានជា ការផ្សាយដំណឹងល្អគឺជាគោះមហន្ដរាយមួយ? ដោយព្រោះតែគ្រូអធិប្បាយរបស់យើងប្រកាន់ភ្ជាប់គោល លទ្ធិរបស់អារក្ស «លទ្ធិដីសីសិន» (Decisionism) ហើយបែរចេញពីសាសនាពីសម័យបុរាណរបស់លោក Jonathan Edwards, លោក George Whitefield និងលោក C. H ស្ពឺជិន។ ព្រះទ្រង់ជួយយើង មនុស្ស បាត់បង់រាប់លាននាក់បានចូលមកក្នុងក្រុមជំនុំរបស់យើងដែលមិនប្រែចិត្ដ ហើយបានបំផ្លាញពួកវា! លទ្ធិនៃ អារក្សរបស់លោក Finney បានបំផ្លាញអ្នកសហធម្មចារីនិយម បន្ទាប់មកពួកម៉ាតូដីស បន្ទាបមកពួកប្រែស ប៊ីធៀរីយា បន្ទាប់មកពួក Northern បាទីស្ទ ។ ហើយឥឡូវនេះ «លទ្ធិដីសីសិន» របស់លោក Finney កំពុងតែបំផ្លាញពួកសៅថើនបាទីស្ទ និងពួកបាទីស្ទឯករាជ្យ ដែលក្រុមជំនុំរបស់គេពេញទៅដោយមនុស្ស ដែលមិនបានសង្រ្គោះ– អ្នកដែលមិនមាំនោះ ពួកគេធ្វើឲ្យក្រុមជំនុំបែកបាក់គ្នា ហើយពួកគេចេញពីក្រុមជំនុំ ដូច្នេះហើយពួកគេបានបំផ្លាញក្រុមជំនុំទាំងនោះ

«លទ្ធិរបស់លោកដាវិន» និង «លទ្ធិដីសីសិន» គឺជាធ្មេញពីរលើដែកឆាយរបស់អារក្ស។ ហើយ ដែកឆាយដែលមានធ្មេញពីរនោះ អារក្សកំពុងតែបំផ្លាញគ្រីស្ទសាសនានៅក្នុងលោកខាងលិច!

កុំឲ្យអ្នកណាបញ្ឆោតអ្នករាល់គ្នាជាយ៉ាងណាដែរ ដ្បិតថ្ងៃនោះមិនមកឡើយទាល់តែមានសេចក្តីក្បត់សាសនាមកជាមុន ហើយមនុស្សដែលជាតួបាបនោះបានលេចមកគឺជាមនុស្សដែលត្រូវហិនវិនាស(ថែស្សាឡូនិចទី២ ២:៣)។

ទីសំគាល់នៃការយាងមករបស់ទ្រង់ទ្វេដង
   ពន្លឺនៅពេលព្រឹកចាំងនៅមេឃខាងកើត
មើល ពេលវេលាកំពុងតែទាញយប់
   កុំបិទភ្នែករបស់អ្នកនៅថ្ងៃនេះ!

យើងបានឃើញការបើកសំដែងពីការបោះបង់ចោលព្រះ។ យើងបានឃើញពីមូលហេតុសំរាប់ការ បោះបង់ចោលព្រះ។ ប៉ុន្ដែខ្ញុំគ្រាន់តែអាចបង្ហាញពីចំណុចពីរចុងក្រោយតែប៉ុណ្ណោះ– លទ្ធផល និងឱសថ ព្យាបាលរោគសំរាប់ការបោះបង់ចោលព្រះ។ បើចង់ដឹងថែមទៀតពីលទ្ធីដីសីសិន សូមអានសៀវភៅរបស់លោក Iain H. Murray ដែលមានចំណងជើងថា The Old Evangelicalism (Banner of Truth, 2005)។

៣. ទីបី លទ្ធផលនៃការបោះបង់ចោលព្រះ។

លទ្ធផលគឺច្បាស់ សព្វថ្ងៃមានសមាជិកក្រុមជំនុំតិតតួចណាស់ដែលបានសង្រ្គោះ។ ពួកគេមាន ពាក្យ៣ឬ៤ម៉ាត់ពីការដែលគេហៅថា «សេចក្ដីអធិស្ឋានរបស់មនុស្សមានបាប» ហើយបន្ទាប់មកពួកគេធ្វើ ពិធីជ្រមុជទឹកឲ្យពួកគេ» អាក្រក់ម្ល៉េះ! នោះមិនល្អជាងសម័យយុគកណ្ដាល(៦០០-១៥០០) របស់ពួកកាតូលិកទេ! សូម្បីតែអាក្រក់ជាងទៅទៀត! យ៉ាងហោចណាស់ពួកអាចារ្យកាតូលិកមិនបានប្រាប់ពួកគេ ខុសឆ្គងពីការធានាអះអាងនៃ «សុវត្ថភាពដ៏អស់កល្បជានិច្ច»។ វាគឺជាពិសពុលណាស់ ហើយពេញដោយ អារក្សសាតាំងក្នុងការអនុញ្ញាត្ដឲ្យកូនក្មេង ឬមនុស្សធំទទួលពិធីជ្រមុជទឹកដោយងាយស្រួល ដោយសារតែ ពួកគេបាននិយាយ «សេចក្ដីអធិស្ឋានរបស់មនុស្សមានបាប»! ព្រះទ្រង់ជួយយើង នៅកន្លែងជាច្រើនដែល «លទ្ធិដីសីសិន បានធ្វើឲ្យពួកបាទីស្ទកើតជាថ្មីម្ដងទៀត ហើយវាកំរដូចជាមនុស្សក្រិនដែលភឿកម្នាក់នៅ កន្លែងសំខាន់ៗនៃប្រទេសអាហ្រ្វិក! នេះគឺជាការពិពណ៌នាប្រាប់មួយនៃពួកបាទីស្ទជាមធ្យម ឬពីពួកផ្សាយ ដំណឹងល្អ

«ដោយព្រោះឯងអួតថា ឯងជាអ្នកមាន បានកាន់តែស្តុកស្តម្ភឡើងហើយ ក៏មិនត្រូវការនឹងអ្វីសោះ តែឯងមិនដឹងថា ឯងវេទនា លំបាក ទ័លក្រ ខ្វាក់ភ្នែក ហើយអាក្រាតវិញនោះទេ»(វិវរណៈ ៣:១៧)។

«ដូច្នេះ ដោយព្រោះឯងគ្រាន់តែស្ទើរៗ ប៉ុណ្ណោះ គឺមិនមែនត្រជាក់ ក៏មិនក្តៅផង នោះអញនឹងខ្ជាក់ឯងចេញពីមាត់អញទៅ»(វិវរណៈ ៣:១៦)។

នោះគឺជាលទ្ធផលនៃការបោះបង់ចោលព្រះ ដែលត្រូវបាននាំដោយ «លទ្ធិដីសីសិន»!

«កុំឲ្យអ្នកណាបញ្ឆោតអ្នករាល់គ្នាជាយ៉ាងណាដែរ ដ្បិតថ្ងៃនោះមិនមកឡើយទាល់តែមានសេចក្តីក្បត់សាសនាមកជាមុន ហើយមនុស្សដែលជាតួបាបនោះបានលេចមកគឺជាមនុស្សដែលត្រូវហិនវិនាស»(ថែស្សាឡូនិចទី២ ២:៣)។

ទីសំគាល់នៃការយាងមករបស់ទ្រង់ទ្វេដង
   ពន្លឺនៅពេលព្រឹកចាំងនៅមេឃខាងកើត
មើល ពេលវេលាកំពុងតែទាញយប់
   កុំបិទភ្នែករបស់អ្នកនៅថ្ងៃនេះ!

៤. ទីបួន ឱសថព្យាបាលរោគសំរាប់ការបោះបង់ចោលព្រះ។

តើអ្នកព្យាបាលការបោះបង់ចោលព្រះតាមរបៀបណា? តើឱសថព្យាបាលរោគគឺជាអ្វីទៅ? តើ ចម្លើយគឺជាអ្វី? ដំណោះសា្រយ ឱសថព្យាបាលរោគ ចម្លើយគឺជាព្រះអម្ចាស់យេស៊ូវគ្រីស្ទ! ព្រះយេស៊ូវគឺជា ដំណោះស្រាយសំរាប់ការបោះបង់ចោលព្រះ! ព្រះយេស៊ូវគឺជាឱសថព្យាបាលរោគសំរាប់ការបោះបង់ចោល ព្រះ! បាទ ព្រះយេស៊ូវគឺជាចម្លើយទៅកាន់ការបោះបង់ចោលព្រះ! សាវកប៉ុលបានរៀនពីរឿងនោះ។ ហើយ នោះគឺជាមូលហេតុដែលគាត់បាននិយាយថា

«ដ្បិតខ្ញុំបានផ្តាច់ចិត្តថា នៅក្នុងពួកអ្នករាល់គ្នា នោះខ្ញុំមិនព្រមស្តាប់រឿងអ្វីទៀត ក្រៅពីព្រះយេស៊ូវគ្រីស្ទទេ ហើយគឺដែលទ្រង់ត្រូវឆ្កាងផង» (១កូរិនថូស ២:២)។

ព្រះគ្រីស្ទសង្រ្គោះយើងពីអំពើបាប។ ព្រះគ្រីស្ទសង្រ្គោះយើងពីឋាននរក។ ព្រះគ្រីស្ទសង្រ្គោះយើង ពីការបោះបង់ចោលព្រះ! សូមចេញពីវប្បធម៌ដែលស្លាប់នៃប្រទេសអាមេរិក និងក្រុមជំនុំដែលស្លាប់! សូម ចេញពីពួកគេ – ហើយមកក្នុង– ក្នុងផ្លូវទាំងអស់– ទៅឯព្រះយេស៊ូវ។ ទ្រង់នឹងមិនដែលធ្វើឲ្យអ្នកខកចិត្ដ ឡើយ!

ទីសង្ឃឹមខ្ញុំនៅលើទ្រង់តែមួយគត់
   ក្រៅពីព្រះលោហិត និងសេចក្ដីសុចរិតទ្រង់គ្មានទេ
ខ្ញុំមិនហ៊ានទុកចិត្ដលើភាពជាប់ទោសទេ
   ប៉ុន្ដែខ្ញុំទុកចិត្ដលើព្រះនាមព្រះយេស៊ូវពេញទី
ព្រះគ្រីស្ទជាថ្មដ៏មាំដែលខ្ញុំឈរនៅលើ
   ដីផ្សេងទៀតនឹងដូចដីខ្សាច់ដែលលិចបាត់ទៅ
ដីផ្សេងទៀតនឹងដូចដីខ្សាច់ដែលលិចបាត់ទៅ
   («ថ្មដ៏មាំ») ដោយលោក Edward Mote, 1797-1874)។

នៅពេលព្រឹកនេះ ខ្ញុំប្រាប់អ្នកថា ក្រៅពីព្រះយេស៊ូវមិនមានកន្លែងដែលមានសុវត្ថភាពទេនៅក្នុង លោកីយនេះ! សូមមករកទ្រង់ នោះទ្រង់នឹងជួយសង្រ្គោះអ្នក!

នៅក្នុងសាធារណៈរដ្ឋចិន មានការបោះបង់ចោលព្រះតិចណាស់។ អ្នកដឹងទេ ពួកគេកាច់ផ្ដាច់ពី ប្រទេសអាមេរិក និងលោកខាងលិច។ ពួកគេមិនមានអ្វីសោះដើម្បីជួយពួកគេ ឬការពារពួកគេ– មានតែ ព្រះយេស៊ូវតែមួយគត់។ ហើយព្រះយេស៊ូវទ្រង់បានជួយពួកគេដោយមិនមានការវាស់វែងនោះទេ។

សមាគមព្រះគម្ពីរសង្គមអាមេរិកវាយតម្លៃថា មានមនុស្សប្រែចិត្ដច្រើនជាង៦០០នាក់រៀងរាល់ម៉ោងនៅក្នុងប្រទេសចិន – នោះមានន័យថា មានអ្នកប្រែចិត្ដជឿព្រះចំនួន១៤០០០នាក់ជារៀងរាល់ថ្ងៃ! ពួកគេពឹងផ្អែកលើព្រះយេស៊ូវគ្រីស្ទ ហើយទ្រង់បានប្រទានកម្លាំងឲ្យពួកគេនាំមនុស្សឲ្យជឿព្រះចំនួនរាប់ លាននាក់ ហើយនាំពួកគេចូលក្នុងក្រុមជំនុំ!

ព្រះគ្រីស្ទអាចលើកលែងទោសអំពើបាបរបស់អ្នក។ ទ្រង់បានសុគត ដើម្បីលោះទោសអំពើបាប របស់អ្នក។ ទ្រង់បានរស់ពីសុគតឡើងវិញ ដើម្បីប្រទានជីវិត និងទីសង្ឃឹមដល់អ្នក! ខ្ញុំសុំឲ្យអ្នកមកក្រុមជំនុំ វិញនៅថ្ងៃអាទិត្យសប្ដាហ៍ក្រោយ។ ហើយខ្ញុំនឹងសុំឲ្យអ្នកទៅរកព្រះយេស៊ូវ “កូនចៀមរបស់ព្រះ ដែលដោះ អំពើបាបរបស់លោកីយ” ដោយផ្ទាល់! សូមមកវិញ ហើយនិយាយជាមួយខ្ញុំ អំពីការក្លាយជាកូនព្រះពិត ប្រាកដមួយរូប។ អាម៉ែន។

(ចប់សេចក្ដីអធិប្បាយ)
អ្នកអាចអាន ការអធិប្បាយរបស់ លោក ហ៊ីមើស៏ (Dr. Hymers) តាម
សប្ដាហ៏នីមួយៗ នៅតាមអ៊ីធើនេតនៅគេហទំព័រ www.realconversion.com.
ចុចលើ ”Sermon Manuscripts” សេចក្ដីអធិប្បាយក្នុងភាសាខ្មែរ (Sermons in Khmer)

You may email Dr. Hymers at rlhymersjr@sbcglobal.net, (Click Here) – or you may
write to him at P.O. Box 15308, Los Angeles, CA 90015. Or phone him at (818)352-0452.

អានព្រះគម្ពីរមុនពេលអធិប្បាយដោយលោក Mr. Abel Prudhomme ៖ ២ថែស្សាឡូនិច ២:១-៩។
ច្រៀងចំរៀងដោយខ្លួនឯងមុនអធិប្បាយដោយលោក Benjamin Kincaid Griffith៖
(«បើវាជាថ្ងៃនេះ» ដោយ Leila N. Morris, 1862-1929; ប្ដូរដោយលោក Dr. Hymers)។

ចំណងជើងនៃសេចក្ដីអធិប្បាយ

ការបោះបង់ចោលព្រះ – ២០១៤

ដោយលោក Dr. R. L. Hymers, Jr.

«កុំឲ្យអ្នកណាបញ្ឆោតអ្នក រាល់គ្នាជាយ៉ាងណាដែរ ដ្បិតថ្ងៃនោះមិនមកឡើយ ទាល់តែមានសេចក្តីក្បត់សាសនាមកជាមុន ហើយមនុស្សដែលជាតួបាបនោះបានលេចមក គឺជាមនុស្សដែលត្រូវហិនវិនាស»(២ថែស្សាឡូនិច ២:៣)។

(២ធីម៉ូថេ ៤:៣)

១. ទីមួយ ការបើកសំដែងពីការបោះបង់ចោលព្រះ។ ហេព្រើរ ១២:២៤។

២. ទីពីរ មូលហេតុនៃការបោះបង់ចោលព្រះ។ វិវរណៈ ១២:១២; ២០:១-២; ១ពេត្រុស ៥:៨។

៣. ទីបី លទ្ធផលនៃការបោះបង់ចោលព្រះ។ វិវរណៈ ៣:១៧, ១៦។

៤. ទីបួន ឱសថព្យាបាលរោគសំរាប់ការបោះបង់ចោលព្រះ។ ១កូរិនថូស ២:២។