ជំនាន់របស់លោកណូអេ និងជំនាន់របស់លោកឡុត

(សេចក្ដីអធិប្បាយទី៧៧ ពីកណ្ឌគម្ពីរលោកុប្បត្ដិ)
THE DAYS OF NOAH AND THE DAYS OF LOT
(SERMON #77 ON THE BOOK OF GENESIS)
(Cambodian)

ដោយលោក
Dr. R. L. Hymers, Jr.

សេចក្ដីអធិប្បាយមួយបានអធិប្បាយនៅក្រុមជំនុំថាបាណាខល ក្នុងរដ្ឋឡូសអង់ចាឡែស
ថ្ងៃរបស់ព្រះអម្ចាស់នៅពេលព្រឹក ខែឧសភា ១៨ ២០១៤
A sermon preached at the Baptist Tabernacle of Los Angeles
Lord’s Day Morning, May 18, 2014

«នៅគ្រារបស់កូនមនុស្ស នោះនឹងកើតមានដូចជានៅជំនាន់លោកណូអេដែរ ដ្បិតនៅជំនាន់នោះ គេកំពុងតែស៊ីផឹក រៀបការប្តីប្រពន្ធ ដរាបដល់ថ្ងៃដែលលោកណូអេបានចូលទៅក្នុងទូកធំ នោះទឹកក៏ជន់មកលិចបំផ្លាញគ្រប់គ្នាទៅ ក៏ដូចជានៅជំនាន់លោកឡុតដែរ គេកំពុងតែស៊ីផឹក លក់ដូរ ដាំដំណាំ ហើយសង់ផ្ទះ តែនៅថ្ងៃដែលលោកឡុត ចេញពីក្រុងសូដុំមមក នោះមានភ្លៀង ជាភ្លើង និងស្ពាន់ធ័រ ធ្លាក់ពីលើមេឃមក បំផ្លាញគេទាំងអស់គ្នាបង់ នៅថ្ងៃដែលកូនមនុស្សលេចមក នោះក៏នឹងកើតមានដូច្នោះដែរ»(លូកា ១៧:២៦-៣០)។

អ្នកគួរតែកត់សំគាល់រឿង៣អំពីអត្ថបទគម្ពីរនេះ។ ទីមួយ សូមកត់សំគាល់ពីឧទាហរណ៍ពីរធំៗ ដែលព្រះយេស៊ូវបានប្រើ– ទឹកជំនន់នៅជំនាន់របស់លោកណូអេ និង ភ្លើងស្ពាន់ធ័រដែលបានធ្លាក់លើទីក្រុងសូដុំ។ ទីពីរ សូមមើលពាក្យ៤ចុងក្រោយនៃខ២៧ «លិចបំផ្លាញគ្រប់គ្នា »។ ឥឡូវនេះ សូមមើលពាក្យ៤ចុងក្រោយនៃខ២៩ «ហើយបំផ្លាញគេទាំងអស់គ្នាបង់»។ ឥឡូវនេះសូមមើលខ៣០ «នៅថ្ងៃដែលកូនមនុស្សលេចមក នោះក៏នឹងកើតមានដូច្នោះដែរ»។ កន្លែងនេះសំដៅលើការយាងមកជាលើកទីពីររបស់ព្រះគ្រីស្ទ ដើម្បីជំនុំជំរះលោកីយដែលមិនជឿព្រះនេះ។

មនុស្សនៅជំនាន់របស់លោកណូអេមិនបានត្រៀមខ្លួនទេ ដូច្នេះពួកគេទាំងអស់គ្នាត្រូវបានវិនាស។ មនុស្សនៅជំនាន់របស់លោកឡុតមិនបានត្រៀមខ្លួនទេ ដូច្នេះពួកគេទាំងអស់គ្នាត្រូវបានបំផ្លាញ។ មនុស្ស កំពុងស៊ីផឹក ហើយរៀបការប្ដីប្រពន្ធ ដែលពួកគេគិតថា មិនខុសសោះចំពោះពួកគេ ប៉ុន្ដែទាំងអស់នោះគឺជាអ្វីដែលមនុស្សបានព្រួយបារម្ភអំពី! ពួកគេមិនស្ដាប់លោកណូអេ ឬលោកឡុតទេ ដូច្នេះហើយពួកគេទាំងអស់គ្នាត្រូវបានបំផ្លាញ។

ឥឡូវនេះយើងនឹងមើលកាន់មនុស្ស២ក្រុម ហើយនឹងដឹងពីមូលហេតុដែលពួកគេមិនត្រៀមខ្លួនជា ស្រេចសំរាប់ការជំនុំជំរះ។ ប៉ុន្ដែមុនដំបូង ខ្ញុំត្រូវតែប្រាប់ថា ព្រះគម្ពីរបង្រៀនថា ព្រះទ្រង់គឺជាព្រះនៃសេចក្ដី ក្រោធ និងការជំនុំជំរះ។ ខ្ញុំដឹងថា សព្វថ្ងៃនេះមនុស្សមិនជឿពីរឿងនោះទេ។ ពួកគេជារឿយៗនិយាយថា «ខ្ញុំមិនជឿពីការជំនុំជំរះរបស់ព្រះទេ»។ ប៉ុន្ដែវាគ្មានបញ្ហាទេពីអ្វីដែលពួកគេជឿ។ ព្រះមិនមែនគ្រាន់តែដូច រឿងខ្លះនៃការស្រមើស្រមៃរបស់អ្នកទេ។ ទ្រង់មានវត្ដមាន សូម្បីតែអ្នកជឿលើទ្រង់ ឬអ្នកមិនជឿលើទ្រង់ក៏ដោយ។ ដូច្នេះ វាមិនគ្មានបញ្ហាទេដែលអ្នក «មិនជឿលើព្រះនៃការជំនុំជំរះ»។ ដ្បិតវត្ដមានរបស់ព្រះមិនពឹងផ្អែកលើអ្វីដែលអ្នកជឿទេ មិនពឹងផ្អែកលើអ្វីដែលអ្នកគិតថាមិនផ្លាស់ប្ដូររឿងខ្លះទេ! តើអ្វីនឹងកើតឡើង បើអ្នកនិយាយថា «ខ្ញុំមិនជឿថាមានទីក្រុងសានហ្រានស៊ីស្កូនោះទេ»។ តើនោះនឹងធ្វើឲ្យទីក្រុងសានហ្រានស៊ីស្កូបាត់ខ្លួនឬទេ? ពិតប្រាកដណាស់មិនអាចទេ! តើអ្វីនឹងកើតឡើងបើអ្នកនិយាយថា «ខ្ញុំមិនជឿថាមានឡានត្រូឡេ(ឡានរត់តាមខ្សែកាប)នៅក្នុងទីក្រុងសានហ្រានស៊ីស្កូ»។ តើនោះនឹងធ្វើឲ្យ ឡានត្រូឡេឈប់មាននៅទីក្រុងនោះឬទេ? ពិតប្រាកដណាស់មិនអាចទេ! ដូច្នេះហើយវាដូចព្រះដែរ បើ អ្នកនិយាយថា «ខ្ញុំមិនជឿលើព្រះនៃការជំនុំជំរះ»។ វាមិនផ្លាស់ប្ដូររឿងខ្លះនោះទេ។ សូម្បីតែអ្នកជឿវា ឬក៏ មិនជឿក៏ដោយ ព្រះទ្រង់មានវត្ដមានខាងក្រៅខួរក្បាលរបស់អ្នក ហើយទ្រង់គឺជាព្រះនៃការជំនុំជំរះ ហើយទ្រង់ជាព្រះនៃសេចក្ដីក្រោធជំទាស់នឹងអំពើបាប សូម្បីតែអ្នកជឿវា ឬក៏មិនជឿក៏ដោយ។

តាមការពិត មនុស្សនៅជំនាន់របស់លោកណូអេបានគិតដូចអ្នកដែរ។ ពួកគេបានគិតពីព្រះខ្លះ ដូចអ្នករាល់គ្នា ប៉ុន្ដែ ពួកគេបានគិតថា ព្រះទ្រង់មិនមែនជាព្រះនៃការជំនុំជំរះនោះទេ! ពួកគេគិតដូចអ្នក រាល់គ្នាអញ្ចឹង ពួកគេបានគិតខុស – ហើយបានស្លាប់! ដូច្នេះហើយ ព្រះបានបញ្ជូនទឹកជំនន់ដ៏ធំ «ហើយបំផ្លាញគេទាំងអស់គ្នាបង់»។(លូកា ១៧:២៧)។

ហើយនោះគឺជារបៀបនៅក្នុងទីក្រុងសូដុំផងដែរ។ មនុស្សនៅទីក្រុងសូដុំបានគិតថា ព្រះនឹងមិន ដែលជំនុំជំរះពួកគេទេ។ មនុស្សនៅជំនាន់របស់លោកណូអេមិនបានយក់ចិត្ដទុកដាក់លើការប្រកាសរបស់ គាត់ទេ។ ហើយមនុស្សនៅទីក្រុងសូដុំក៏មិនបានស្ដាប់ការព្រមានរបស់លោកផងដែរ។ កូនប្រសារផ្ទាល់ខ្លួន របស់គាត់បានគិតថា គាត់គ្រាន់តែ «និយាយលេង» នៅពេលគាត់បានព្រមានពួកគេថាការជំនុំជំរះបាន កំពុងមក។ ប៉ុន្ដែពួកគេបានធ្វើខុស ការជំនុំជំរះបានធ្លាក់មក «ហើយបំផ្លាញគេទាំងអស់គ្នាបង់»។(លូកា ១៧:២៩)។

ព្រះយេស៊ូវបានបញ្ចប់ការព្រមាននេះនៅក្នុងខ៣០ ដោយមានបន្ទូលថា

«នៅថ្ងៃដែលកូនមនុស្សលេចមក នោះក៏នឹងកើតមានដូច្នោះដែរ» (លូកា ១៧:៣០)។

ខ្ញុំជឿថាសព្វថ្ងៃនេះ យើងកំពុងតែរស់នៅក្នុងសម័យនោះ។ គ្មានអ្នកណាម្នាក់ដឹងពីថ្ងៃ ឬម៉ោង នៅពេលការ ជំនុំជំរះរបស់ព្រះនឹងធ្លាក់មកលើជំនាន់ដ៏ពេញដោយអំពើបាបនេះទេ។ ប៉ុន្ដែទីសំគាល់ទាំងអស់វាបង្ហាញថា ឥឡូវនេះយើងកំពុងតែរស់នៅជិតចុងបញ្ចប់នៃសម័យនេះណាស់។ ហើយព្រះគម្ពីរប្រាប់ថា «ចូររៀបចំ ដើម្បីជួបនឹងព្រះនៃខ្លួនចុះ»(អេម៉ុស ៤:១២)។ លោក Ed Hindson នៅសាកលវិទ្យាល័យ Liberty បានប្រសាសន៍ថា

         គ្រីស្ទានយល់ស្របគ្នាថា ឥឡូវនេះវប្បធម៌លោកខាងលិចបានត្រួតត្រា ហើយវាមិនអាចឲ្យគ្របឡើងវិញបានទេ។ យើងបាននៅក្នុងខ្សាច់ផុងនៃលទ្ធិ របស់លោកីយ សាបេក្ខនិយម (ពួកទីពឹងលើខ្លួនឯង) និងជំនឿខាងអធម្មជាតិ... ឥឡូវនេះគឺជាពេលសំរាប់ទីសំគាល់ចុងក្រោយនៃគ្រាចុងបញ្ចប់នៃផែនដី។ ការផ្លាស់ប្ដូរ និងការអភិវឌ្ឃន៍កំពុងតែកើតឡើងយ៉ាងលឿនណាស់ ដែល ដែលនាំកំពុងតែនាំឲ្យយើងជួបប្រទះនូវវិបត្ដិដ៏ធំបំផុតនៅលើលោកីយ ដែល យើងមិនធ្លាប់បានឃើញ។ គ្រប់ព្រឹត្ដិការណ៍ទាំងអស់រំលឹកយើងថា «ការជំនុំ ជំរះ» អាចមកនៅពេលឆាប់ៗ (Ed Hindson, Ph.D., Final Signs, Harvest House Publishers, 1996, pp. 65, 7)។

តើអ្នកត្រៀមខ្លួន ដើម្បីជួបព្រះហើយឬនៅ? តើអ្នកត្រៀមខ្លួនសំរាប់ការយាងមករបស់ព្រះគ្រីស្ទ និងចុងបញ្ចប់នៃសម័យនេះហើយឬនៅ? ពួកសិស្សបានសួរព្រះយេស៊ូវថា «តើការទាំងនេះកាលណានឹងមកដល់ តើមានទីសំគាល់ណាពីទ្រង់យាងមក ហើយពីបំផុតកល្ប?»(ម៉ាថាយ ២៤:៣)។ ព្រះយេស៊ូវ មិនបានស្ដីបន្ទោសពួកគេទេ។ ទ្រង់បានប្រាប់ពួកគេពីទីសំគាល់ជាច្រើនដែលនឹងកើតឡើងនៅលើផែនដី ដែលបង្ហាញថាពេលវេលាជិតដល់ហើយ។ ខ្ញុំជឿច្បាស់ថា សព្វថ្ងៃនេះយើងកំពុងតែរស់នៅក្នុងសម័យកាល នោះ – សព្វថ្ងៃនេះ។ ព្រះយេស៊ូវបានមានបន្ទូលថា វានឹងកើតមានដូចជាជំនាន់លោកណូអេ មុនពេលការ ជំនុំជំរះនៃទឹកជំនន់ដ៏ធំមក – និងដូចជាជំនាន់លោកឡុត មុនពេលព្រះយេហូវ៉ាបានចាក់ការជំនុំជំរះដោយ ភ្លើងមកលើពួកគេ។ លោក M. R. DeHaan បានប្រសាសន៍ថា

         មិនមានការដោះសារទេសំរាប់ភាពល្ងង់ខ្លៅដែលទាក់ទងនឹងទីសំគាល់នៃការយាងមករបស់ព្រះគ្រីស្ទ។ យើងអាចបើកព្រះគម្ពីរ ហើយអាចអានពី ជំពូកចំនួន៥ទាំងស្រុងដែលព្រះយេស៊ូវបានសំដៅលើ «ជំនាន់របស់លោក ណូអេ និងលោកឡុត» ក្នុងរយះពេល៣០នាទី។ ជំនាន់របស់លោកណូអេ និងលោកឡុតយើងបានឃើញរួចហើយ។ វាជាជំនាន់ដ៏សម្បូរណាស់។ ព្រះ យេស៊ូវមានបន្ទូលថា ពួកគេកំពុងតែស៊ីផឹក... វាបញ្ជាក់ពីកាល្មោភស៊ី និងការ ស្រវឹងស្រា។ បើសិនជាធ្លាប់មានគ្រាមួយ ដែលជាពាក្យដដែលៗនៃថ្ងៃទាំង នោះ វាគឺជាគ្រានៅសម័យនេះហើយ ដ្បិតមានទីសំគាល់ជាច្រើនចាប់តាំងពីជំនាន់របស់លោកណូអេ និងលោកឡុតមក ទាំងនេះជាជំនាន់នៃ «ការល្មោភ ស៊ី និងការស្រវឹងស្រា»។
         រឿងបន្ទាប់ដែលព្រះយេស៊ូវបង្ហាញប្រាប់អំពីជំនាន់របស់លោក ណូអេ និងលោកឡុតជា...ការប្រព្រឹត្ដហួសហេតុខាងផ្លូវភេទ... យើងបង្ហាញពីភាព ដូចគ្នាដ៏គួរភ្ញាក់តិចតួចនៅសព្វថ្ងៃនេះ។ នៅក្នុងជំនាន់មួយយើងបានឃើញ ពីស្ថាប័នដ៏គួរឲ្យគោរពនៃការធ្វើឲ្យខូចគ្រួសារច្រើនជាង នៅក្នុងសតវត្សទាំង អស់នៅប្រវត្ដិសាស្រ្ដ... ភាពគ្មានសីលធម៌ត្រូវបានរារាំងមិនឲ្យកត់សំគាល់ ហើយអាត្រានៃការលះលែងគ្នាបានមានបញ្ហា ហើយក្លាយជាត្រីដង(៣ដង) ហើយក្លាយជាចត្វាគុណ(៤ដង)នៅក្នុងជំនាន់មួយ... អំពើបាបនៃភាពគ្មាន សីលធម៌ទូទៅជាឱកាសសំរាប់ការជំនុំជំរះរបស់ព្រះទៅលើក្រុង {សូដុំ} ... ដ្បិតការរស់នៅជាមួយគ្នាដោយខុសច្បាប់នៃកូនរបស់ព្រះ និងកូនស្រីរបស់មនុស្សជាការស្រមើស្រមៃចុងក្រោយនៅក្នុងថ្ងៃមុនពេលទឹកជំនន់ (M. R. DeHaan, M.D., The Days of Noah, Zondervan Publishing House, 1963, pp. 80-82)។

ខ្ញុំសូមដាស់តឿនអ្នកថា ព្រះយេស៊ូវបានមានបន្ទូលថា

« នោះនឹងកើតមានដូចជានៅជំនាន់លោកណូអេដែរ... ក៏ដូចជានៅជំនាន់លោកឡុតដែរ... នៅថ្ងៃដែលកូនមនុស្សលេចមក នោះក៏នឹងកើតមានដូច្នោះដែរ»(លូកា ១៧:២៦,២៨,៣០)។

ហើយព្រះគ្រីស្ទបានទាយពីការជំនុំជំរះដ៏អាក្រក់នោះថា វានឹងធ្លាក់មកលើជំនាន់ដែលបដិសេធមិនទទួល ស្គាល់ព្រះគ្រីស្ទនេះ។ ព្រះគ្រីស្ទបានមានបន្ទូលថា

«ដ្បិតនៅគ្រានោះ នឹងមានសេចក្តីវេទនាជាខ្លាំងណាស់ ដល់ម៉្លេះបានជាតាំងពីដើមកំណើតលោកីយ៍ ដរាបមកដល់សព្វថ្ងៃនេះ មិនដែលមានយ៉ាងដូច្នោះឡើយ ហើយទៅមុខក៏មិនដែលមានដែរ។បើមិនបានបន្ថយថ្ងៃ ទាំងនោះឲ្យខ្លីចុះ នោះគ្មានមនុស្សណានឹងបានសង្គ្រោះទេ...(ម៉ាថាយ ២៤:២១,២២)។

ព្រះគម្ពីរប្រាប់ពីការដែលព្រះចាក់ទុក្ខលំបាក(ចាន)ចំនួន៧ នៃសេចក្ដីក្រោធទៅលើលោកីយនៅ ក្នុងខណៈពេលនៃគ្រារងទុក្ខវេទនា។ ការនេះត្រូវបានទាយនៅក្នុងគម្ពីរវិវរណៈជំពូក១៦(ពីគម្ពីរ NASV)

ទុកលំបាកទី១ ការជំនុំជំរះនឹងបង្កើតឲ្យមនុស្សដែលមានទីសំគាល់របស់សត្វ និងអស់ពួកអ្នកដែលក្រាបថ្វាយបង្គំដល់រូបវា គេក៏កើតដំបៅកាចអាក្រក់ណាស់(ខ២)។

ទុកលំបាកទី២ ការជំនុំជំរះនឹងធ្វើឲ្យសមុទ្រត្រឡប់ទៅជាឈាម ដូចជាឈាមខ្មោច(ខ៣)។

ទុកលំបាកទី៣ ការជំនុំជំរះនឹងធ្វើឲ្យទន្លេ និងរន្ធទឹកទាំងប៉ុន្មាន នោះក៏ប្រែទៅជាឈាមទាំងអស់(ខ៤)។

ទុកលំបាកទី៤ ការជំនុំជំរះនឹងធ្វើព្រះអាទិត្យបានអំណាចនឹងធ្វើឲ្យមនុស្សត្រូវខ្លោច ដោយសារភ្លើង មនុស្សលោកក៏ត្រូវខ្លោចទៅ ដោយអំណាចក្តៅជាខ្លាំង(ខ៨,៩)។

ទុកលំបាកទី៥ ការជំនុំជំរះនឹងធ្វើនគរវាត្រឡប់ទៅជាងងឹតសូន្យសុង ហើយគេខាំអណ្តាត ដោយមានសេចក្តីទុក្ខលំបាក(ខ១០)។

ទុកលំបាកទី៦ ការជំនុំជំរះនឹងធ្វើទន្លេធំ គឺជាទន្លេអ៊ើប្រាត រួចទឹកទន្លេនោះក៏រីងទៅ(ខ១២)។

ទុកលំបាកទី៧ ការជំនុំជំរះនឹងធ្វើឲ្យអស់ទាំងទីក្រុងរបស់សាសន៍ដទៃទាំងប៉ុន្មានក៏រលំ ក៏មានព្រិលយ៉ាងធំៗ គ្រាប់១ទំងន់១ហាបធ្លាក់ចុះពីផ្ទៃមេឃមកលើមនុស្សលោក(ខ១៩,២១)។

តើមនុស្សនឹងប្រែចិត្ដទេ? ទេ វានឹងយឺតពេលដើម្បីប្រែចិត្ដ! «ហើយមនុស្សលោកក៏ប្រមាថដល់ព្រះ ដោយព្រោះសេចក្តីវេទនានឹងព្រិលនោះ »(វិវរណៈ ១៦:២១)។ ព្រះគម្ពីរប្រាប់ថា

«ដ្បិតអ្នករាល់គ្នាដឹងច្បាស់ហើយថា ថ្ងៃនៃព្រះអម្ចាស់នឹងមកដល់ ដូចជាចោរមកនៅពេលយប់ ដ្បិតកាលណាគេកំពុងតែ និយាយថា មានសេចក្តីសុខសាន្ត មានសេចក្តីរៀបរយហើយ នោះលោតែមានសេចក្តីហិនវិនាសមកលើគេភ្លាម ដូចជាស្ត្រីមានគភ៌ឈឺនឹងសំរាល ហើយគេចមិនរួចឡើយ» (ថែស្សា ឡូចនិចទី១ ៥:២-៣)។

មានតែគ្រីស្ទបរិស័ទពិតប្រាកដទេ ដែលមានបទពិសោធន៍នៃការប្រែចិត្ដពិតប្រាកដ មានសង្ឃឹម នៃការលើកឡើងមុនពេលព្រឹត្ដិការណ៍ដ៏អាក្រក់ទាំងនេះកើតឡើង។ ប៉ុន្ដែមនុស្សភាគច្រើនដែលគេហៅថា «គ្រីស្ទបរិស័ទ» នឹងត្រូវទុកចោល។ ព្រះគ្រីស្ទនឹងនិយាយទៅកាន់ពួកគេថា «ខ្ញុំមិនដែលស្គាល់អ្នកទេ» (ម៉ាថាយ ២៥:១២)។

យើងធ្លាប់ស្ដាប់លឺសេចក្ដីអធិប្បាយពីប្រធានបទទាំងនេះជាញឹកញាប់ណាស់។ ប៉ុន្ដែចម្លែកណាស់ មានភាពស្ងាត់ស្ងៀមពីប្រធានបទទាំងនេះក្នុងរយះពេលជាច្រើនឆ្នាំថ្មីៗនេះ។ នៅក្នុងឆ្នាំ១៩៦៩ លោក Billy Graham បានប្រសាសន៍ថា

ព្រះគម្ពីរបង្រៀនថា នៅថ្ងៃចុងក្រោយបំផុត វានឹងជាសម័យកាលនៃគ្រោះថ្នាក់ សង្រ្គាម ការបំផ្លិតបំផ្លាញ ភាពគ្មានច្បាប់ ភាពគ្មានសីលធម៌ ដូច្នេះព្រះទ្រង់នឹងត្រូវតែធ្វើអន្ដរាគមន៍...នៅក្នុងប្រទេសញ៉ូវ សាឡែនសង្គមនៃមនុស្ស និយមបានធ្វើឲ្យមានក្រុមបាតុកម្ម ហើយកាន់ស្លាកសញ្ញាដោយនិយាយថា «កុំអនុញ្ញាត្ដឲ្យលោក Billy Graham បន្លាចអ្នក» (Billy Graham, “The Day to Come,” The Challenge: Sermons from Madison Square Garden, Doubleday and Company, 1969, p. 164)។

រយះពេលខ្លីមុនពេលគាត់បានស្លាប់ មានអ្នកដឹកនាំខាងផ្សាយដំណឹងល្អម្នាក់បានប្រាប់គ្រួសារខ្ញុំ និងខ្ញុំថា សេចក្ដីអធិប្បាយរបស់លោក Billy Graham មានអំណាចណាស់នៅពេលនោះ។ បាទ ប៉ុន្ដែតើ មានគ្រូអធិប្បាយដូចនោះទេនៅសព្វថ្ងៃនេះ? គ្រូអធិប្បាយភាគច្រើនទុយមុយពេកក្នុងការព្រមានមនុស្ស អំពីការជំនុំដែលនឹងមក និងភ្លើងនៃឋាននរក! មានបុរសម្នាក់បានប្រាប់ខ្ញុំថា ខ្ញុំជាគ្រូគង្វាលសម័យចាស់ បុរាណ ដូចជាសត្វដៃណូស័រ ហើយប្រាប់ខ្ញុំថា ខ្ញុំគួរតែអធិប្បាយដោយសំលេងស្រទន់ដូចជាលោក Joel Osteen ឬថែមទាំងដូចជាពួកអភិរក្ស ហើយសូម្បីតែគ្រូគង្វាលដែលជឿតាមព្រះបន្ទូលរបស់ព្រះភាគច្រើន របស់យើង។ ខ្ញុំបានឆ្លើយទៅគាត់ដោយដកស្រង់គម្ពីរធីម៉ូថេទី២ ៤:២-៤

«ចូរឲ្យអ្នកផ្សាយព្រះបន្ទូលចុះ ហើយទទូចជំរុញផង ទោះត្រូវពេល ឬខុសក្តី ចូររំឭកគេឲ្យដឹងខ្លួន ព្រមទាំងបន្ទោស ហើយកំឡាចិត្តគេ ដោយចិត្តអត់ធ្មត់ និងសេចក្តីប្រៀនប្រដៅគ្រប់យ៉ាង ដ្បិតនឹងមានគ្រាមកដែលគេមិនទ្រាំទ្រនឹងសេចក្តីបង្រៀនដ៏ត្រឹមត្រូវទេ គឺគេនឹងមានត្រចៀករមាស់ ហើយនិងហៅគ្រូកាន់តែច្រើនឡើង មកបង្រៀនឲ្យត្រូវចិត្ត គេនឹងងាកត្រចៀកចេញពីសេចក្តីពិត បែរទៅតាមរឿងព្រេងវិញ»(ធីម៉ូថេទី២ ៤:២-៤)។

កុំឆ្ងល់ឡើយពីរបៀបដែលក្រុមជំនុំរបស់យើងពេញទៅដោយមនុស្សបាត់បង់សព្វថ្ងៃនេះ! គ្រូគង្វាលជាច្រើនខ្លាចមិនហ៊ានអធិប្បាយព្រះបន្ទូលរបស់ព្រះ ដូចជាគ្រូគង្វាលសម័យមុនបានធ្វើ!

ការងារដែលព្រះបានប្រទានឲ្យខ្ញុំគឺមិនមែនបង្រៀនព្រះគម្ពីរតាមខមួយៗនោះទេ។ ការងាររបស់ ខ្ញុំគឺដើម្បី «អធិប្បាយពីព្រះបន្ទូល»។ យកវា ឬទុកវា! ខ្ញុំបានបង្រៀនអ្នកពីអ្វីដែលព្រះគម្ពីរប្រាប់!

« នោះនឹងកើតមានដូចជានៅជំនាន់លោកណូអេដែរ... ក៏ដូចជានៅជំនាន់លោកឡុតដែរ... នៅថ្ងៃដែលកូនមនុស្សលេចមក នោះក៏នឹងកើតមានដូច្នោះដែរ»(លូកា ១៧:២៦,២៨,៣០)។

បើរឿងនេះធ្វើឲ្យអ្នកភ្ញាក់ផ្អើលពេក ព្រះអាចជួយអ្នក! អ្នកនឹងមានបញ្ហាធំនៅពេលការជំនុំជំរះធ្លាក់មក!

ឥឡូវនេះ តើអ្នកត្រូវតែធ្វើយ៉ាងម៉េចដើម្បីគេចផុតពីការជំនុំជំរះរបស់ព្រះ? ពិតប្រាកដណាស់ អ្នកត្រូវតែធ្វើដូចអ្វីដែលលោកឡុត និងលោកណូអេបានធ្វើ!

ព្រះយេហូវ៉ាបានប្រាប់លោកឡុតឲ្យចេញពីទីក្រុងសូដុំ។ ព្រះយេហូវ៉ាបានមានបន្ទូលថា «ចូររត់ទៅឲ្យបានរួចជីវិតចុះ... កុំឲ្យមើលមកក្រោយឡើយ... ក្រែងឯងត្រូវវិនាសដែរ(លោកុប្បត្ដិ ១៩:១៧)។ បើអ្នកសង្ឃឹមចង់បានសង្រ្គោះ នោះគឺជាអ្វីដែលអ្នកត្រូវតែធ្វើផងដែរ។ អ្នកត្រូវចេញពីជីវិតរស់នៅដែលគ្មាន ព្រះ។ ព្រះទ្រង់មានបន្ទូលថា «ចូរចេញពីកណ្តាលពួកគេទៅ ហើយញែកខ្លួនទៅដោយឡែក... នោះអញនឹងទទួលឯងរាល់គ្នា»(កូរិនថូសទី២ ៦:១៧)។ សូមញែកខ្លួនចេញពីពួកអ្នកដែលមិនទៅក្រុមជំនុំ។ សូម ចេញឆ្ងាយពីពួកអ្នកដែលរស់នៅក្នុងអំពើបាប និងអ្នកដែលមិនគិតពីព្រះសោះ។ នោះគឺជាអ្វីដែលលោក ឡុតត្រូវតែធ្វើ ហើយនោះគឺជាអ្វីដែលអ្នកត្រូវតែធ្វើ។ សូមចេញពីលោកីយដ៏ពេញដោយអំពើបាប ហើយ ចូលក្នុងក្រុមជំនុំគ្រប់ពេលដែលទ្វារបើក! ហើយរាប់អានមិត្ដភ័ក្រ្ដថ្មីនៅក្នុងក្រុមជំនុំ!

ប៉ុន្ដែនោះមិនទាន់អស់ទេ! អ្នកក៏ត្រូវតែធ្វើអ្វីដែលលោកណូអេបានធ្វើផងដែរ។ ព្រះយេហូវ៉ាបាន មានបន្ទូលប្រាប់លោកណូអេថា

«ត្រូវឲ្យឯង...ចូលទាំងអស់ទៅក្នុងទូក»(លោកុប្បត្ដិ ៧:១)។

« ព្រះទ្រង់មានព្រះបន្ទូល ទៅណូអេថា អស់ទាំងសាច់ត្រូវផុតពីមុខអញហើយ ដ្បិតផែនដីបានពេញជាសេចក្តីកាចសហ័សដោយសារគេ មើល អញនឹងបំផ្លាញគេទៅជាមួយនឹងផែនដីផង»(លោកុប្បត្ដិ ៦:១៣)។

«ត្រូវឲ្យឯង...ចូលទាំងអស់ទៅក្នុងទូក»(លោកុប្បត្ដិ ៧:១)។

ទូកធំគឺជារូបភាពនៃព្រះគ្រីស្ទ។ សូមមករកព្រះគ្រីស្ទ ព្រះគ្រីស្ទមានបន្ទូលថា «ចូរមកឯខ្ញុំ»(ម៉ាថាយ ១១:២៨)។ លោកណូអេបានចូលក្នុងទូកគ្រប់ផ្លូវទាំងអស់ ហើយគាត់បានសង្រ្គោះពីការជំនុំជំរះ។ អ្នកត្រូវតែមកក្នុងព្រះគ្រីស្ទគ្រប់ផ្លូវទាំងអស់។ ព្រះគ្រីស្ទនឹងសំអាតអំពើបាបរបស់អ្នកទាំងអស់ដោយព្រះលោហិត ដែលទ្រង់បានបង្ហូរនៅលើឈើឆ្កាង។ សូមមកក្នុងព្រះគ្រីស្ទគ្រប់ទាំងផ្លូវដោយសេចក្ដីជំនឿ! ទ្រង់បានរស់ពី សុគតឡើងវិញ។ ទ្រង់នឹងប្រទានជីវិតអស់កល្បជានិច្ចដល់អ្នក ហើយទ្រង់នឹងជួយសង្រ្គោះអ្នកពីសេចក្ដី ក្រោធដែលនឹងមក។

សូមបោះបង់អំពើបាបអ្នកចោល ដូចលោកឡុតបានធ្វើ។ សូមមកក្នុងព្រះគ្រីស្ទ ដូចលោកណូអេបានធ្វើ។ នោះទ្រង់នឹងធ្វើអាចធ្វើឲ្យអ្នកភ្ញាក់ដឹងខ្លួន ហើយទាញអ្នកឲ្យធ្វើដូច្នោះ!

បើអ្នកចង់និយាយនិយាយជាមួយយើងអំពីសេចក្ដីសង្រ្គោះដោយសារព្រះយេស៊ូវ។ សូមចាកចេញពីកន្លែងអង្គុយរបស់អ្នក ហើយដើរទៅខាងក្រោយសាលប្រជុំឥឡូវនេះ។ លោក ខាហ្គិនឹងនាំអ្នកទៅកាន់បន្ទប់ផ្សេងទៀតដែលយើងអាចអធិស្ឋាន ហើយអាចនិយាយគ្នាបាន។ លោក ចាន់ សូមអធិស្ឋានដើម្បីឲ្យមានបងប្អូនខ្លះនឹងជឿទុកចិត្ដលើព្រះយេស៊ូវនៅព្រឹកនេះ! អាម៉ែន។

(ចប់សេចក្ដីអធិប្បាយ)
អ្នកអាចអាន ការអធិប្បាយរបស់ លោក ហ៊ីមើស៏ (Dr. Hymers) តាម
សប្ដាហ៏នីមួយៗ នៅតាមអ៊ីធើនេតនៅគេហទំព័រ www.realconversion.com.
ចុចលើ ”Sermon Manuscripts” សេចក្ដីអធិប្បាយក្នុងភាសាខ្មែរ (Sermons in Khmer)

You may email Dr. Hymers at rlhymersjr@sbcglobal.net, (Click Here) – or you may
write to him at P.O. Box 15308, Los Angeles, CA 90015. Or phone him at (818)352-0452.

អានព្រះគម្ពីរមុនពេលអធិប្បាយដោយលោក Mr. Abel Prudhomme ៖ ២ពេត្រុស ២:៤-៩។
ច្រៀងចំរៀងដោយខ្លួនឯងមុនអធិប្បាយដោយលោក Benjamin Kincaid Griffith៖
«នៅគ្រាដូចនេះ» ដោយលោក Ruth Caye Jones, 1902-1972)។