ជារៀងរាល់ខែ សេចក្ដីអធិប្បាយដែលសរសេរដោយដៃទាំងនេះចេញទៅដល់កំព្យូទ័រប្រហែល១១០, ០០០
នៅក្នុបណ្ដាប្រទេសជាង២០០តាមគេហទំព័រwww.sermonsfortheworld.com។
មានមនុស្សរាប់រយនាក់ផ្សេងទៀតបានមើលវីដីអូតាមយូថូប។ សេចក្ដីអធិប្បាយដែលសរសេរដោយដៃទាំងនេះត្រូវបានបកប្រែទៅជាភាសាចំនួន៣៤
ហើយរៀងរាល់ខែ មនុស្សរាប់ពាន់នាក់បានអានវា។
សូមចុចទីនេះដើម្បីដឹងពីរបៀបដែលអ្នកអាចជួយឧបត្ថមលុយជាប្រចាំខែក្នុងការជួយយើងធ្វើកិច្ចការដ៏អស្ចារ្យនេះ
ដើម្បីឲ្យដំណឹងល្អរាលដាលទៅពាសពេញពិភពលោក រួមទាំងប្រទេសអ៊ីស្លាម និងប្រទេសដែលកាន់សាសនាឥណ្ឌូ។
នៅពេលណាក៏ដោយដែលអ្នកសរសេរផ្ញើរទៅលោកបណ្ឌិត ហាយមើស៏ សូមប្រាប់គាត់ពីប្រទេសដែលអ្នករស់នៅជានិច្ច។
អ៊ីម៉ែលរបស់លោកបណ្ឌិត ហាយមើស៍rlhymersjr@sbcglobal.net។
ការដើរកាត់ភ្លើងជាមួយព្រះរាជបុត្រានៃព្រះ!WALKING THROUGH THE FIRE WITH THE SON OF GOD! ដោយលោក សេចក្ដីអធិប្បាយមួយបានអធិប្បាយនៅក្រុមជំនុំថាបាណាខល ក្នុងរដ្ឋឡូសអង់ចាឡែស «រួចទ្រង់មានព្រះបន្ទូលថា មើល យើងឃើញ៤នាក់ ឥតជាប់ចំណងសោះ កំពុងដើរនៅកណ្តាលភ្លើង ឥតមានអ្វីសោះ ឯអ្នកទី៤ក៏មានភាពដូចជាកូនព្រះ» |
|
ខ្ញុំនឹងចាប់ផ្ដើមសេចក្ដីអធិប្បាយនេះតាមរបៀបខុស។ យើងត្រូវបានរៀននៅក្នុងមហាវិទ្យាល័យ ដើម្បីបង្រៀនរឿងខ្លះដើម្បីឲ្យមនុស្សសប្បាយចិត្ដ ហើយដើម្បីឲ្យគេចាប់អារម្មណ៍នៅការចាប់ផ្ដើមនៃសេចក្ដី អធិប្បាយមួយ។ ប៉ុន្ដែខ្ញុំនឹងបំបែកច្បាប់ទាំងអស់នៃការរៀបចំមេរៀន ហើយបង្រៀនអ្នករាល់គ្នាពីមេរៀន មួយនៅក្នុងរបៀបដើម្បីបកស្រាយព្រះគម្ពីរ។ ពាក្យ « Homiletics និង hermeneutics» អ្នករាល់គ្នាមិន ស្គាល់ពាក្យទាំងនោះទេ ខ្ញុំដឹងថាអ្នករាល់គ្នានឹងធុញ តែខ្ញុំនឹងពន្យល់ពីអត្ថន័យនៃពាក្យទាំងពីរនោះ។ ពាក្យ «Homiletics» (ការរៀនពីរបៀបអធិប្បាយ)។ វាគឺជាការរៀនពីការរៀបចំមេរៀន ហើយរៀនពីការចែកចាយមេរៀន។ ពាក្យ « Hermeneutics» (ការរៀនពីរបៀបដើម្បីបកស្រាយព្រះគម្ពីរ) រៀនពីច្បាប់នៃការ បកស្រាយព្រះគម្ពីរបរិសុទ្ធ។ លោក M. R. DeHaan (១៨៩១-១៩៦៥) បានប្រាប់ពីច្បាប់នៃការរៀនពី របៀបដើម្បីបកស្រាយព្រះគម្ពីរចំនួន៣៖ (១) គ្រប់ទាំងបទគម្ពីរទាំងអស់មានការបកស្រាយដ៏សំខាន់មួយ។ ខ្ញុំនឹងប្រើច្បាប់នៃការរៀនពីរបៀបដើម្បីបកស្រាយព្រះគម្ពីរចំនួន៣របស់លោក DeHaan ទុកជាចំណង ជើងមួយសំរាប់សេចក្ដីអធិប្បាយនេះ។ ១. ទីមួយ គ្រប់ទាំងបទគម្ពីរមានការបកស្រាយដ៏សំខាន់មួយ។ នេប៊ូក្នេសាជាស្តេចនៅស្រុកបាប៊ីឡូន នៅក្នុងសតវត្សទី៦មុនថ្ងៃកំណើតរបស់ព្រះគ្រីស្ទ សេ្ដចនេប៊ូក្នេសាចាត់ទាហានរបស់គាត់ឡោមព័ទ្ធច្បាំងទីក្រុងយេរូសាឡិម។ ទាហានរបស់គាត់បានចាប់ស្តេចយូដាធ្វើជាទាសការ ហើយបាននិរទេសគាត់ទៅកាន់ស្រុកកំណើតរបស់ពួកគេ។ ពួកគេបានរុករើព្រះវិហារ របស់សាសន៍យូដា ហើយបានយកគ្រឿងប្រដាប់ព្រះវិហាររបស់ព្រះត្រលប់ទៅកាន់ស្រុកបាប៊ីឡូនវិញ។ សេ្ដចបានបញ្ជាឲ្យទាហាររបស់គាត់ចាប់ពួកសាសន៍យូដាភាគច្រើនទៅក្នុងស្រុកបាប៊ីឡូន ដើម្បីធ្វើទាសករ ផងដែរ។ ប៉ុន្ដែស្ដេចនេប៊ូក្នេសាបានណែនាំឲ្យអ្នកបំរើគាត់ឈ្មោះអាសផ្នាសយកមនុស្សក្មេងៗដ៏ឆ្លាតបំផុត ហើយល្អបំផុតដើម្បីបង្រៀនភាសាខាល់ដេដល់ពួកគេ និងតាមវិជ្ជារបស់អ្នកស្រុងបាប៊ីឡូន ដូច្នោះពួកគេ អាចឈរនៅក្នុងរាជវាំងរបស់ស្ដេចដើម្បីធ្វើជាអ្នកបំរើពិសេសរបស់គាត់។ បុរសៃទាំង៤នេះមានឈ្មោះដូចជា ដានីយ៉ែល សាដ្រាក់ មែសាក់ និងអ័បេឌ-នេកោ។ ព្រះយេហូវ៉ាបានប្រទានពរឲ្យសាសន៍យូដាក្មេងៗទាំង បួននាក់នេះតាមវិធីពិសេសមួយ។ នៅពេលស្ដេចនេប៊ូក្នេសាបានសួរសំនួរពួកគេ «ហើយក្នុងគ្រប់ទាំងរឿងខាងឯប្រាជ្ញា និងយោបល់ ដែលស្តេចទ្រង់សួរដល់គេ នោះក៏ឃើញថា គេវិសេសជាងអស់ទាំងពួកគ្រូមន្តអាគម ហើយនឹងគ្រូអង្គុយធម៌ ដែលនៅគ្រប់ក្នុងអាណាខេត្តទ្រង់»(ដានីយ៉ែល ១:២០)។ ស្ដេចបានរៀនទុកចិត្ដការក្ដីរបស់គេ ហើយពឹងពាក់ឲ្យពួកគេធ្វើជាអ្នកប្រឹក្សា។ ជាការពិតសេ្ដចតាំងលោក ដានីយ៉ែលជាអ្នកគ្រប់លើស្រុកបាប៊ីឡូនទាំងមូល ហើយជាអ្នកគ្រប់គ្រងទីពីរបន្ទាប់ពីស្ដេច។ ស្ដេចបានឲ្យ សាដ្រាក់ មែសាក់ និងអ័បេឌ-នេកោមានការងារដ៏ខ្ពស់បំផុតនៅក្នុងរាជរដ្ឋាភិបាលនៅក្រោមតំណែងរបស់ដានីយ៉ែល។ ឥឡូវនេះស្ដេចបានធ្វើរូបចំលាក់មាសដ៏ធំមួយដែលមានកំពស់៦០ហត្ថ ទទឹង៦ហត្ថ ទ្រង់បញ្ឈរសំរាប់ឲ្យមនុស្សថ្វាយបង្គំ។ អ្នកដឹកនាំទាំងអស់នៅស្រុកប៊ាបីឡូនបានមកទីនោះសំរាប់ថ្ងៃនោះ។ អ្នកនាំសារ របស់ស្ដេចបានប្រកាសយ៉ាងខ្លាំងដល់មនុស្សទាំងអស់ឲ្យគេផ្កាប់មុខចុះ ហើយក្រាបថ្វាយបង្គំរូបចំលាក់ «ហើយថា បើអ្នកណាមិនក្រាបថ្វាយបង្គំទេ នោះត្រូវបោះទៅក្នុងគុកភ្លើងដែលឆេះយ៉ាងសន្ធៅ»(ដានី យ៉ែល ៣:១១)។ សាដ្រាក់ មែសាក់ និងអ័បេឌ-នេកោបានថ្វាយបង្គំព្រះអម្ចាស់យេហូវ៉ា ព្រះរបស់ប្រទេស អ៊ីស្រាអែល។ ដូចនេះពួកគេមិនបានក្រាបថ្វាយបង្គំរូបព្រះរបស់ស្ដេចទេ។ ពួកតារាវិទូសាសន៍ខាល់ដេបានច្រណែនសាសន៍យូដាទាំងនេះរួចហើយ។ ដូច្នោះពួកគេបានទៅ គាល់ស្ដេច ហើយបានទូលស្ដេចថា «បពិត្រព្រះករុណា គេមិនបានស្តាប់បង្គាប់ទ្រង់ទេ គេក៏មិនទាំងគោរពប្រតិបត្តិដល់ព្រះនៃទ្រង់ ឬថ្វាយបង្គំដល់រូបមាស ដែលទ្រង់បានតាំងឡើងនោះដែរ»(ដានីយ៉ែល ៣:១២)។ សេ្ដចនេប៊ូក្នេសាបានខឹងយ៉ាងខ្លាំង។ គាត់បានហៅសាដ្រាក់ មែសាក់ និងអ័បេឌ-នេកោដោយកំហឹង។ គាត់ បានប្រាប់ពួកគេថា បើពួកគេមិនក្រាបថ្វាយបង្គំរូបព្រះរបស់ពួកគេទេ ពួកគេនឹងត្រូវបោះទៅក្នុងគុកភ្លើង។ ចំលើយរបស់ពួកគេទៅកាន់ស្ដេចគឺជាចំលើយដ៏ល្បីមួយ។ គ្រូជំនួយរបស់លោក មែនណីកាបានដឹងថាតើ ខ្ញុំចូលចិត្ដចំលើយរបស់ពួកគេខ្លាំងប៉ុណ្ណា ដូច្នោះគាត់បានធ្វើបន្ទះមួយជាមួយនឹងពាក្យរបស់ពួកគេនៅលើវា ដែលបានដាក់នៅលើតុរបស់ខ្ញុំនៅក្រុមជំនុំនេះអស់រយះពេលជាច្រើនឆ្នាំមកហើយ។ ពួកគេនិយាយថា «បើជាយ៉ាងនោះមែន នោះព្រះនៃយើងខ្ញុំ ដែលយើងខ្ញុំគោរពប្រតិបត្តិតាម ទ្រង់អាចនឹងជួយឲ្យខ្ញុំរួចពីគុកភ្លើង ដែលឆេះយ៉ាងសន្ធៅបានហើយ បពិត្រព្រះករុណា ព្រះអង្គនោះក៏នឹងជួយឲ្យយើងរួចពីព្រះហស្តទ្រង់ដែរ តែបើមិនជួយទេ នោះសូមទ្រង់ព្រះករុណាជ្រាបថា យើងខ្ញុំមិនព្រមគោរពតាមព្រះរបស់ទ្រង់ឡើយ ក៏មិនព្រមថ្វាយបង្គំដល់រូបមាស ដែលទ្រង់បានតាំងឡើងនោះដែរ»(ដានីយ៉ែល ៣:១៧,១៨)។ ព្រះរបស់យើងអាចជួយយើងឲ្យរួច ប៉ុន្ដែបើសិនជាយើងនឹងមិនថ្វាយបង្គំរូបព្រះរបស់អ្នក! ស្ដេចបានខឹងពួកគេយ៉ាងខ្លាំងដោយព្រោះតែពួកគេឆ្លើយសំនួរដូចនោះ គាត់បានឲ្យអ្នកបំរើរបស់ គាត់ធ្វើគុកភ្លើងដ៏ក្ដៅ។ គាត់បានបញ្ជាទាហានរបស់គាត់ចាប់សាសន៍យូដាទាំងបីនាក់ ហើយបោះពួកគេ ចូលទៅក្នុងភ្លើងដ៏ក្ដៅ។ នៅចុងបញ្ចប់ស្ដេចបានមើលទៅក្នុងគុកភ្លើង គាត់បានភ្ញាក់ផ្អើលយ៉ាងខ្លាំងពីអ្វី ដែលគាត់បានមើលឃើញ! គាត់បាននិយាយថា «រួចទ្រង់មានព្រះបន្ទូលថា មើល យើងឃើញ៤នាក់ ឥតជាប់ចំណងសោះ កំពុងដើរនៅកណ្តាលភ្លើងឥតមានអ្វីសោះ ឯអ្នកទី៤ក៏មានភាព ដូចជាកូនព្រះ»(ដានីយ៉ែល ៣:២៥)។ ស្ដេចបានយកពួកគេចេញពីគុកភ្លើងមក គាត់សរសើរតំកើងដល់ព្រះរបស់ពួកគេ ព្រះនៃប្រទេស អ៊ីស្រាអែល។ គាត់បាននិយាយថាព្រះបានបញ្ចូន «ចាត់ទេវតារបស់ទ្រង់ឲ្យមកប្រោសពួកបំរើទ្រង់ ដែលទុកចិត្តដល់ទ្រង់»(ដានីយ៉ែល ៣:២៨)។ ជានេះទៅទៀត ស្ដេចនេប៊ូក្នេសាបានឲ្យបុរសទាំងបីនាក់នេះធ្វើ ការងារចាស់របស់ពួកគេវិញ។ ស្ដេចថែមទាំងបានដាក់បញ្ជាមួយផងដែរថា គ្មានអ្នកណាម្នាក់អាចនិយាយ ប្រឆាំងនឹងព្រះរបស់ប្រទេសអ៊ីស្រាអែលបានទេ ហើយគាត់និយាយថា «គ្មានព្រះឯណាទៀត ដែលអាចនឹងជួយ ឲ្យរួចយ៉ាងដូច្នេះបានឡើយ»(ដានីយ៉ែល ៣:២៩)។ នោះគឺជាការបកស្រាយដ៏សំខាន់បំផុតមួយនៃខគម្ពីរទាំងនេះ។ ប៉ុន្ដែនៅមានថែមទៀត! ២. ទីពីរ គ្រប់ទាំងបទគម្ពីរទាំងអស់មានការអនុវត្ដន៍ដ៏ងាយស្រួលជាច្រើន។ «ការបកស្រាយមួយ ប៉ុន្ដែមានការអនុវត្ដន៍ច្រើន» នោះគឺជាច្បាប់នៃ hermeneutics ការសិក្សា ស្រាវជ្រាវនៃការពន្យល់ពីព្រះគម្ពីរ។ ខ្ញុំអាចគិតពីការអនុវត្ដន៍ដ៏សំខាន់ៗខ្លះៗនៃការរៀបរាប់នេះ។ ជាការពិតណាស់ ការអនុវត្ដន៍ទីមួយសំដៅលើពួកសាសន៍យូដាផ្សេងទៀតដែលត្រូវបាននិរទេស ទៅកាន់ស្រុងប៉ាបីឡូន។ ពួកគេត្រូវបានល្បួងឲ្យធ្វើដូច ហើយល្បួងឲ្យលាយបញ្ចូលនៅក្នុងវប្បធម៌ពួកមិនជឿព្រះនៅជុំវិញពួកគេ ហើយល្បួងឲ្យឈប់ធ្វើជាមនុស្សរបស់ព្រះ។ ការរៀបរាប់ប្រាប់ពីដានីយ៉ែលនៅក្នុង រូងតោ និងការរៀបរាប់ប្រាប់ពីសាសន៍ហេព្រើរបីនាក់នៅក្នុងគុកភ្លើងដ៏ក្ដៅ ជាមុនដំបូងត្រូវបានផ្ដល់ដើម្បី បង្រៀនដល់សាសន៍យូដានៅក្នុងភាពទាសកររបស់ពួកប៉ាបីឡូនដែលពួកគេមិនគួរតែបោះបង់ចោលមរតក និងសេចក្ដីជំនឿរបសពួកគេ។ ប៉ុន្ដែការរៀបរាប់ប្រាប់នេះក៏និយាយទៅកាន់គ្រីស្ទបរិសុទផងដែរ។ យើងកំពុងរស់នៅក្នុងសម័យ មួយដែលកើនឡើងនៃការបោះបង់ចោលព្រះនៅក្នុងក្រុមជំនុំដែលផ្សាយដំណឹងល្អ។ ខ្ញុំសង្កេតមើលនៅក្នុង ពេលវេលានៃជីវិតផ្ទាល់ខ្លួនរបស់ខ្ញុំ ក្រុមជំនុំរបស់យើងបានបោះបង់ចោលការប្រជុំគ្នាដើម្បីអធិស្ឋាននៅពាក់ កណ្ដាលអាទិត្យ ហើយបានបិទកម្មវិធីថ្វាយបង្គំព្រះនៅពេលល្ងាច។ ខ្ញុំបានឃើញការអធិប្បាយបែបផ្សាយ ដំណឹងល្អ ការពិតប្រភេទនៃការអធិប្បាយពិតប្រាកដមួយចំនួនបានបាត់សូន្យឈឹងពីក្រុមជំនុំស្ទើរតែទាំង អស់។ មនុស្សប្រុសបង្រៀនព្រះគម្ពីរដោយស្រទន់ៗ ជាជាងអធិប្បាយពីសេចក្ដីអធិប្បាយ សូម្បីតែក្រុមជំនុំ ដែលកាន់តាមច្បា់ក្រុមជំនុំរបស់យើងក្ដី។ ខ្ញុំបានឃើញថាក្រុមជំនុំជាច្រើនបានចោលសៀវភៅចំរៀងដើម្បី ច្រៀងសរសើរតំកើងដល់ព្រះ ហើយចោលបទចំរៀងដ៏អស្ចារ្យនៃសេចក្ដីជំនឿរបស់យើង។ ខ្ញុំបានឃើញពួក គេច្រៀងកន្លែងបន្ទរដ៏រាក់ៗដែលមិនជួយផ្គត់ផ្គង់ដល់ព្រលឹងសោះ។ ខ្ញុំបានឃើញគ្រូគង្វាលជាច្រើនបាន ចោលក្រវ៉ាត់ករបស់ពួកគេ ហើយពាក់អាវកីឡានៅកន្លែងតុអធិប្បាយ ហើយសុំឲ្យមនុស្សរបស់ពួកគេហៅ ពួកគេពីឈ្មោះដំបូងរបស់ពួកគេ។ អំណាច និងភាពថ្លៃថ្នូរនៃតុអធិប្បាយមិនអាចកើតឡើងបានទេ។ ខ្ញុំបាន ឃើញពួកគេអនុញ្ញាត្ដឲ្យមនុស្សក្មេងៗដើរចូលក្រុមជំនុំ ក្មេងពាក់អាវយឺត ហើយក្មេងស្រីស្លៀកសំពត់ខ្លីៗ។ មនុស្សក្មេងៗនៅក្នុងក្រុមជំនុំរបស់យើងឥឡូវនេះមើលទៅដូចជាមេស្រីសំផឹង ហើយដូចជាស្រីសំផឹង និង ដូចជាអ្នកញៀនថ្នាំញៀនជាជាងដូចអ្នកបាទីស្ទ! យើងកំពុងតែត្រូវលាយឡំ យើងកំពុងតែត្រូវលេបដោយ លោកីយ។ យើងកំពុងតែក្លាយដូចជាលោកីយ ដែលធ្វើឲ្យយើងមិនអាចប្រាប់ពីភាពខុសប្លែកពីគ្នារវាងអ្នក ផ្សាយដំណឹងល្អម្នាក់ និងអ្នកមិនជឿព្រះម្នាក់! បាទនោះអាក្រក់ណាស់! សាសន៍ហេព្រើរបីនាក់ក្នុងកណ្ឌ គម្ពីរដានីយ៉ែលនិយាយមកកាន់យើងថា «យើងមិនកំពុងតែលាយឡំទេ។ យើងនឹងធ្វើការជាមួយលោកីយ ហើយទៅសាលាជាមួយលោកីយ ហើយសុភាពរាបសារទៅកាន់លោកីយ។ ប៉ុន្ដែយើងនឹងគ្រាន់តែទៅឆ្ងាយ ប៉ុណ្ណា ហើយមិនឆ្ងាយ គ្មានបញ្ហាពីអ្វីដែលវាបាត់បង់!» «បពិត្រព្រះករុណា ព្រះអង្គនោះក៏នឹងជួយឲ្យយើងរួចពីព្រះហស្តទ្រង់ដែរ... តែបើមិនជួយទេ នោះសូមទ្រង់ព្រះករុណាជ្រាបថា យើងខ្ញុំមិនព្រមគោរពតាមព្រះរបស់ទ្រង់ឡើយ ក៏មិនព្រមថ្វាយបង្គំដល់រូបមាស ដែលទ្រង់បានតាំងឡើងនោះដែរ»(ដានីយ៉ែល ៣:១៧,១៨)។ យើងនឹងក្រោកឈរឡើង ហើយការពារព្រះគម្ពីរនៅពេលព្រះគម្ពីរត្រូវបានគេរិះគន់។ យើងនឹងឆ្លើយទៅ កាន់សាស្រ្ដាចារ្យនៅមហាវិទ្យាល័យដែលព្យាយាមជំរុញការវត្ដន៍ និងលទ្ធិដែលបដិសេធព្រះចូលក្នុងបំពង់ ករបស់យើង។ យើងនឹងមិនចូលរួមការហែរក្បួន Rose Parade ថែមទាំងយើងនឹងមិនសូម្បីតែមើលវាប្រាំ នាទីដរាបណាពួកគេឃោសនាប្រឆាំងនឹងគ្រីស្ទបរិសុទនៅលើរថយន្ដរបស់ពួកគេ។ យើងនឹងមិនដែលមើល កាហែរក្បួន Rose Parade ដរាបណាពួកគេបង្ហាញពីរថយន្ដដែលរិះគន់ ហើយបដិសេធដល់សេចក្ដីជំនឿ ដ៏សំខាន់នៅក្នុងព្រះគម្ពីររបស់យើង។ ហើយបើនោះនាំឲ្យយើងមានបញ្ហា អត់អីទេ! «តែបើមិនជួយទេ នោះសូមទ្រង់ព្រះករុណាជ្រាបថា យើងខ្ញុំមិនព្រមគោរពតាមព្រះរបស់ទ្រង់ឡើយ ក៏មិនព្រមថ្វាយបង្គំដល់រូបមាស ដែលទ្រង់បានតាំងឡើងនោះដែរ»(ដានីយ៉ែល ៣:១៨)។ យើងនិយាយទៅកាន់លោកីយដ៏បាត់បង់ថា «យើងនឹងមិនចូលរួមរាំងនៅក្នុងសាលារបស់អ្នក! យើងនឹង មិនជក់កញ្ឆារបស់អ្នកទេ សូម្បីតែវាស្របច្បាប់ក្ដី! យើងនឹងមិនមើលរូបអាសអាភាសរបស់អ្នកទេ! យើងនឹង មិនដើរតាមគំរូរបស់អ្នក ហើយពន្លូតកូនរបស់យើងទេ! យើងនឹងខកក្រុមជំនុំដើម្បីទៅពីធីជប់លៀងរបស់ អ្នកទេ! មិនដែលទេ! មិនដែលទេ!មិនដែលទេ! យើងនឹងមិនដែលធ្វើរឿងទាំងនោះទេ!» «បពិត្រព្រះករុណា ព្រះអង្គនោះក៏នឹងជួយឲ្យយើងរួចពីព្រះហស្តទ្រង់ដែរ... តែបើមិនជួយទេ នោះសូមទ្រង់ព្រះករុណាជ្រាបថា យើងខ្ញុំមិនព្រមគោរពតាមព្រះរបស់ទ្រង់ឡើយ ក៏មិនព្រមថ្វាយបង្គំដល់រូបមាស ដែលទ្រង់បានតាំងឡើងនោះដែរ!» មិនដែលទេ! មិនដែលទេ! មិនដែលទេ! មិនដែលទេ! មិនដែលទេ! មិនដែលទេ! ជំនឿរបស់ឪពុករបស់យើងនៅតែរស់នៅ យើងនឹងដើរកាត់គុកភ្លើងដ៏ឆេះជាមួយព្រះរាជបុត្រានៃព្រះ! យើងនឹងដើរកាត់ភ្លើងនោះសូម្បីតែព្រះវរបិតា អនុញ្ញាត្ដឲ្យយើងឆេះ! យើងនឹងមិនក្រាបសំពះដល់ព្រះនៃការរួមភេទ ព្រះនៃរូបអាសអាភាស ព្រះនៃថ្នាំញៀន និងព្រះនៃសំភារៈនិយមទេ។ យើងនឹងដើរកាត់គុកភ្លើងដ៏ឆេះជាមួយព្រះរាជបុត្រានៃព្រះ! ជំនឿរបស់ឪពុករបស់យើង ជាជំនឿដ៏បរិសុទ្ធ បន្ទាប់មក មានការអនុវត្ដន៍មួយផងដែរទៅកាន់គ្រីស្ទបរិសុទដែលកំពុងតែមានទុក្ខលំបាកដ៏ធ្ងន់។ កុំឲ្យអ្នកណាម្នាក់និយាយប្រាប់អ្នកថា ជីវិតរបស់គ្រីស្ទបរិសុទដ៏ពិតប្រាកដម្នាក់គឺតែងតែងាយស្រួល។ ព្រះ គ្រីស្ទបានមានបន្ទូលប្រាប់យើងថា «បើអ្នកណាចង់មកតាមខ្ញុំនោះត្រូវឲ្យលះកាត់ចិត្តខ្លួនឯងចោលចេញ ហើយផ្ទុកឈើឆ្កាងខ្លួនមកតាមខ្ញុំចុះ»(ម៉ាថាយ ១៦:២៤)។ ហើយសាវកប៉ុលបានប្រាប់ថា «ត្រូវតែទ្រាំរងទុក្ខវេទនាជាច្រើន ទើបនឹងចូលទៅក្នុងនគរព្រះបាន»(កិច្ចការ ១៤:២២)។ បើអ្នកជាសិស្សពិតប្រាកដម្នាក់របស់ព្រះគ្រីស្ទ អ្នកនឹងកើតមានទុក្ខវេទនាជាច្រើន។ ប៉ុន្ដែ ព្រះយេស៊ូវទ្រង់បានមានបន្ទូលថា «អ្នករាល់គ្នាមានពរ ក្នុងកាលដែលគេជេរ បៀតបៀន ហើយនិយាយបង្ខុសគ្រប់ទាំងសេចក្តីអាក្រក់ ពីអ្នករាល់គ្នា ដោយព្រោះខ្ញុំ ១២ ចូរមានចិត្តអំណរ ហើយរីករាយជាខ្លាំងចុះ ដ្បិតអ្នករាល់គ្នាមានរង្វាន់ជាធំនៅឯស្ថានសួគ៌ ពីព្រោះគេក៏បានធ្វើទុក្ខដល់ពួកហោរា ដែលនៅមុនអ្នករាល់គ្នា បែបដូច្នោះដែរ»(ម៉ាថាយ ៥:១១-១២)។ មិនថាតែអ្នកមានទុក្ខលំបាក និងមានទុក្ខវេទនាច្រើនប៉ុណ្ណា ព្រះយេស៊ូវមានបន្ទូលប្រាប់ថា «អញនឹងមិនចាកចេញពីឯង ក៏មិនបោះបង់ចោលឯងឡើយ»(ហេព្រើរ ៣:២៥)។ សូមចងចាំថា មានបុរសបួន នាក់នៅក្នុងគុកភ្លើងជាមួយសាសន៍ហេព្រើរទាំងបីនាក់ «អ្នកទី៤ក៏មានភាព ដូចជាកូនព្រះ»(ដានីយ៉ែល ៣:២៥)។ ព្រះយេស៊ូវជាព្រះរាជបុត្រានៃព្រះបាននៅជាមួយពួកគេនៅក្នុងគុកភ្លើងដ៏ឆេះ! មុនព្រះយេស៊ូវមិនទាន់ចាប់កំណើត ទ្រង់បានយកពួកគេកាត់ភ្លើងដោយគ្មានគ្រោះថ្នាក់។ សូម ជឿទុកចិត្ដទ្រង់ ហើយទ្រង់នឹងនាំអ្នកកាត់ទុក្ខលំបាកដ៏ខ្លាំងដោយសុវត្ថិភាព។ បទចំរៀងដ៏ល្បីមួយនៃសេច ក្ដីជំនឿរបស់យើងដាក់ពាក្យទាំងនេះពីព្រះយេស៊ូវ ហើយវាត្រូវណាស់! នៅពេលមានទុក្ខលំបាកទ្រង់តែចៀសផ្លូវឲ្យរួច ប៉ុន្ដែលោក DeHaan បានបង្រៀនយើងពីចំណុចមួយថែមទៀតពីការសិក្សាដើម្បីរៀបចំសេចក្ដីអធិប្បាយ។ ៣. ទីបី អត្ថបទគម្ពីរភាគច្រើនមានការសំដែងប្រាប់ពីពាក្យទំនាយមួយផងដែរ។ លោក DeHaan បានប្រសាសន៍ដ៏ត្រឹមត្រូវថា «សាសន៍ហេព្រើរក្មេងៗបីនាក់គឺជារូបភាពមួយនៃ ប្រទេសអ៊ីស្រាអែលក្នុងចំណោមសាសន៍ដទៃ។ ការបោះចូលក្នុងគុកភ្លើងដ៏ឈឺចាប់ និងការបៀតបៀនដែល ពួកគេគួរតែវិនាសដោយសារស្ដង់ដារមនុស្សទាំងអស់ ប៉ុន្ដែពួកគេត្រូវបានការពារដោយអស្ចារ្យបំផុត សូម្បី តែនៅក្នុងគុកភ្លើងដ៏ឆេះនៃពូជអ្នកស្អប់ {ការប្រព្រឹត្ដដ៏ឃោរឃៅដល់សាសយូដា} និងការបៀតបៀន ដោយព្រោះតែពួកគេជាមនុស្សនៃសេចក្ដីសញ្ញារបស់ព្រះ ហើយគេត្រូវបានព្រះជួយឲ្យរួចដោយអស្ចារ្យ ថែមទាំង ត្រូវបានស្ដេចលើកតំកើងនៅក្នុងចំណោមជនជាតិជាច្រើន» (DeHaan, ibid., pp. 73-74)។ គ្រប់សាសន៍ដទៃទាំងអស់មានចំនុចខ្លះដែលបានបៀតបៀនដល់ពួកសាសន៍យូដា។ អេស៊ីព្ទ អ្នក ប៉ាបីឡូន ប្រទេសក្រិច រ៉ូម អេស្ប៉ាញ បារាំង រូស្ស៊ី និងអាឡឺម៉ង់ ពួកគេទាំងអស់បានបៀតបៀនដល់សាសន៍ យូដា ហើយព្យាយាមកំចាត់ចោលពួកគេ។ ប៉ុន្ដែពួកគេបានបរាជ័យដោយព្រោះតែប្រទេសអ៊ីសា្រអែលគឺជា ប្រទេសដ៏អស់កល្បរបស់ព្រះ! ឥឡូវនេះប្រទេសអ៊ីរ៉ាក់គិតថា គេជាបំផ្លាញប្រទេសអ៊ីស្រាអែល! ពួកគេបាន និយាយម្ដងហើយម្ដងទៀត។ ប៉ុន្ដែខ្ញុំសូមនិយាយទៅកាន់ពួកគេថា «ប្រទេសដ៏ខ្លាំងៗដែលបានព្យាយាម ដើម្បីកំចាត់ចោលពួកសាសន៍យូដា ពួកគេទាំងអស់បានបរាជ័យ ហើយដូច្នោះអ្នកនឹង!» ព្រះបានគង់នៅ ជាមួយប្រទេសអ៊ីសា្រអែលនៅក្នុងគុកភ្លើងនៃទុក្ខវេទនា ហើយព្រះនឹងមិនធ្វើឲ្យពួកគេបរាជ័យទេ! អ្នក ឃើញទេ ព្រះបានប្រទានសេចក្ដីសញ្ញាមួយជាមួយលោក អ័ប្រ៉ាហាំដែលមិនអាចកាត់ផ្ដាច់បាន។ ព្រះបាន មានបន្ទូលប្រាប់ដល់អ្នកដឹកនាំប្រទេសអ៊ីស្រាអែលថា ទឹកដីកាណានត្រូវបានប្រទានឲ្យសាសន៍យូដាជា រៀងរហូត! «នៅថ្ងៃនោះឯង ព្រះយេហូវ៉ាទ្រង់តាំងសញ្ញានឹងអាប់រ៉ាមថា អញឲ្យស្រុកនេះដល់ពូជឯង ចាប់តាំងពីទន្លេស្រុកអេស៊ីព្ទរហូតដល់ទន្លេធំគឺជាទន្លេអ៊ើប្រាត» (លោកុប្បតិ្ដ ១៥:១៨)។ «ឯស្រុកកាណានទាំងអស់ដែលឯងសំណាក់នៅជាអ្នកដទៃ នោះអញនឹងឲ្យដល់ឯង និងពូជឯងតរៀងទៅ ទុកជាកេរអាករអស់កល្បជានិច្ច ហើយអញនឹងធ្វើជាព្រះដល់គេ»(លោកុប្បតិ្ដ ១៧:៨)។ នៅក្នុងសម័យកាលជាច្រើន ពួកសាសន៍យូដាត្រូវបានគេបៀតបៀន ជាញឹកញាប់ដោយគ្រីស្ទាន ខុសឆ្គង ដ្បិតគ្មានគ្រីស្ទានពិតប្រាកដណាដែលនឹងធ្វើទុក្ខដល់មនុស្សនៃសេចក្ដីសញ្ញារបស់ព្រះទេ! ប៉ុន្ដែ Yeshua (ព្រះយេស៊ូវ)តែងតែគង់ជាមួយបុរសបួននាក់នៅក្នុងគុកភ្លើង គង់ជាមួយការរងទុក្ខរបស់ជនជាតិ យូដា ហើយនៅចុងបញ្ចប់ទ្រង់ប្រទានឲ្យគេមានជ័យជំនះលើសាសន៍ដទៃដែលមិនជឿព្រះ! នៅចុងបញ្ចប់ ពាក្យទំនាយរបស់សាវកប៉ុលនឹងកើតឡើងជាពិតប្រាកដ។ ដ្បិតគាត់និយាយថា «នោះសាសន៍អ៊ីស្រាអែលទាំង អស់គ្នា នឹងបានសង្គ្រោះជាក្រោយ ដូចជាមានសេចក្តីចែងទុកមកថា «មានព្រះដ៏ប្រោសឲ្យរួច ទ្រង់នឹងចេញពីស៊ីយ៉ូនមក ទ្រង់នឹងបង្វែរសេចក្តីទមិលល្មើសពីយ៉ាកុបទៅ»(រ៉ូម ១១:២៦)។ សរុបសេចក្ដីមក សូមឲ្យយើងគិតអំពីបុរសបួននាក់ដែលនៅក្នុងគុកភ្លើងជាមួយមិត្ដភក្រ្ដសាសន៍ ហេព្រើរបីនាក់របស់យើង។ សេចក្ដីនេប៊ូក្នេសាបាននិយាយថាគាត់ជា «ទេវតាម្នាក់»(ដានីយ៉ែល ៣:២៨)។ «ទេវតា» មានអត្ថន័យសាមញ្ញថា «អ្នកនាំសារ»។ «អ្នកនាំសាររបស់ព្រះជាម្ចាស់» នៅក្នុងគម្ពីរសញ្ញចាស់ ជាញឹកញាប់លេចមុខជាព្រះយេស៊ូវមុនពេលទ្រង់មិនទាន់ចាប់កំណើតជាមនុស្ស។ ឧទាហរណ៍ «ទេវតា របស់ព្រះជាម្ចាស់» បានលេចមុខឲ្យលោក ម៉ាណូអាឃើញ(ឪពុករបស់លោក សាំសុន)។ ព្រះគម្ពីរប្រាប់ថា «តាំងពីនោះមកទេវតានៃព្រះយេហូវ៉ាមិនបានលេចមកឲ្យម៉ាណូអា ឬប្រពន្ធគាត់ឃើញទៀតឡើយ ដូច្នេះ ម៉ាណូអាក៏ដឹងថា ជាទេវតានៃព្រះយេហូវ៉ា ២២ រួចប្រាប់ប្រពន្ធថា យើងនឹងស្លាប់ជាប្រាកដ ពីព្រោះយើងបានឃើញព្រះហើយ»(ពួកចៅហ្វាយ ១៣:២១,២២)។ ដូច្នោះ ទេវតារបស់ព្រះជាម្ចាស់ជាព្រះ ព្រះយេស៊ូវដែលជាបុគ្គលទីពីរនៃព្រះត្រីឯក បានលេខមខឲ្យឃើញ នៅក្នុងគម្ពីរសញ្ញាចាស់មុនពេលទ្រង់ចាប់កំណើតនៅក្នុងពោះរបស់ម៉ារី។ នៅក្នុងគម្ពីរដានីយ៉ែល ៣:២៥ នៅទីនេះ ស្ដេចបានមើលទៅក្នុងគុកដ៏ឆេះ ហើយបាននិយាយ ផងដែរថា «អ្នកទាំង៤មានភាពដូចជាព្រះរាជបុត្រានៃព្រះ» លោក J. Vernon McGee បានប្រសាសន៍ថា «ខ្ញុំជឿថាបុរសទាំង៤នោះជាព្រះរាជបុត្រា មុនពេលព្រះគ្រីស្ទចាប់កំណើតជាមនុស្ស» (J. Vernon McGee, Th.D., Thru the Bible, Thomas Nelson Publishers, 1982, volume III, p,. 547; note on Daniel 3:25)។ ចរិកលក្ខណះដ៏អស្ចារ្យនៃការយាងចុះរបស់ព្រះយេស៊ូវ ហើយការចែករំលែកការរងទុក្ខវេទនា និង ការបដិសេធនៃមនុស្សដែលបានរើសតាំង ហើយនៅចុងបញ្ចប់ទ្រង់បានជួយសង្រ្គោះពួកគេ! ទ្រង់បានយាង ចុះពីស្ថានសួគ៌មកចាប់កំណើតនៅក្នុងពោះម៉ារីដែលជាស្រី្ដព្រហ្មចារីហ៍។ ទ្រង់មិនបាន «យាងចុះមក» ដើម្បីធ្វើជាព្រះអម្ចាស់លើអម្ចាស់ ហើយជាស្ដេចលើអស់ទាំងស្ដេចទេ» នៅពេលទ្រង់បានប្រសូតនៅភូមិ បេថ្លេហិមនៅថ្ងៃបុណ្យណូអែលមុនដំបូងនោះ។ ទ្រង់នឹងមកធ្វើជាស្ដេចលើអស់ទាំងស្ដេចនៅពេលអនាគត – នៅពេលទ្រង់យាងមកលើកទីពីរ។ ប៉ុន្ដែនៅពេលទ្រង់បានយាងចុះមកនៅក្នុងពោះរបស់ម៉ារីដើម្បីជួយ សង្រ្គោះយើង ដូចជាទ្រង់បានយាងចុះមកនៅក្នុងគុកភ្លើងដ៏ក្ដៅ ដើម្បីជួយសង្រ្គោះវិរៈបុរសជនជាតិយូដា ដ៏ក្លាហានទាំង៣នាក់នោះ! ព្រះយេស៊ូវបានយាងចុះមកពីស្ថានសួគ៌ដើម្បីរងទុក្ខនៅក្នុងលោកីយនេះ ដើម្បីសង្រ្គោះមនុស្ស របស់ទ្រង់ពីគុកភ្លើងដ៏ក្ដៅនៃឋាននរក! យើងទាំងអស់គ្នាគួរតែចំនាយពេលនៅក្នុង «ភ្លើងដែលមិនចេះរលត់ នោះ» ប៉ុន្ដែព្រះយេស៊ូវបានយាងចុះមកដើម្បីរងទុក្ខ ហើយសុគតនៅលើឈើឆ្កាងដើម្បីសងថ្លៃលោះទោស កំហុសសំរាប់អំពើរំលងរបស់យើង។ ព្រះបានដាក់អំពើបាបរបស់យើងទាំងអស់ «នៅក្នុងព្រះកាយរបស់ ទ្រង់ផ្ទាល់នៅលើឈើឆ្កាង» (ពេត្រុសទី១ ២:២៤)។ ដូច្នោះហើយព្រះយេស៊ូវបានទទួលទណ្ឌកម្មសំរាប់ អំពើបាបរបស់មនុស្សទាំងអស់។ ទ្រង់បានសុគតនៅក្នុងផ្នូរអស់រយះពេល៣ថ្ងៃ។ ប៉ុន្ដែនៅព្រលឹមស្រាងៗនៅថ្ងៃអាទិត្យនោះ ព្រះ យេស៊ូវបានរស់ពីសុគតឡើងវិញទាំងរូបកាយ ទាំងសាច់ឈាម ហើយទាំងឆ្អឹង។ ទ្រង់បានយាងឡើងទៅ ស្ថានសួគ៌វិញ ហើយឥឡូវនេះទ្រង់កំពុងអធិស្ឋានឲ្យអ្នក ទ្រង់គង់នៅខាងស្ដាំដៃរបស់ព្រះវរបិតា។ នៅពេលអ្នកជឿទុកចិត្ដលើព្រះយេស៊ូវនៅក្នុងចិត្ដរបស់អ្នក ទ្រង់នឹងលើកលែងទោសអំពើបាប របស់អ្នក ហើយទ្រង់នឹងលាងសំអាតអំពើបាបរបស់អ្នកដោយព្រះលោហិតរបស់ទ្រង់។ នៅពេលអ្នកជឿទុកចិត្ដលើព្រះយេស៊ូវនៅក្នុងចិត្ដរបស់អ្នក ទ្រង់នឹងសង្រ្គោះអ្នកពីអំពើបាប ហើយលើកអ្នកចេញជីវិតដ៏បាត់បង់ ហើយពីជីវិតដ៏គ្មានសង្ឃឹមមួយ ដូចជាទ្រង់បានជួយបុរសជនជាតិហេព្រើ៣នាក់ពីគុកភ្លើង! អាម៉ែន! បើអ្នកចង់និយាយនិយាយជាមួយយើងអំពីការក្លាយជាកូនព្រះពិតប្រាកដមួយរូប សូមចាកចេញ ពីកន្លែងអង្គុយរបស់អ្នក ហើយដើរទៅខាងក្រោយសាលប្រជុំឥឡូវនេះ។ លោក ខាហ្គិនឹងនាំអ្នកទៅកាន់ បន្ទប់ផ្សេងទៀតដែលយើងអាចអធិស្ឋាន ហើយអាចឆ្លើយសំនួរខ្លះៗដែលអ្នកមាន។ លោក ចាន់ សូម អធិស្ឋានដើម្បីឲ្យមានបងប្អូនខ្លះនឹងបានសង្រ្គោះដោយសារព្រះយេស៊ូវនៅថ្ងៃនេះ! អាម៉ែន។ (ចប់សេចក្ដីអធិប្បាយ) You may email Dr. Hymers at rlhymersjr@sbcglobal.net, (Click Here) – or you may សេចក្ដីអធិប្បាយដែលសរសេរដៃទាំងនេះមិនហាមឲ្យថតចំលងទេ។ អ្នកប្រើវាដោយគ្មានការ អនុញ្ញាតពីលោក អានព្រះគម្ពីរមុនពេលអធិប្បាយដោយលោក Mr. Abel Prudhomme ៖ ដានីយ៉ែល ៣:១៦-២៥។ |
|
ចំណងជើងនៃសេចក្ដីអធិប្បាយ ការដើរកាត់ភ្លើងជាមួយព្រះរាជបុត្រានៃព្រះ!ដោយលោក Dr. R. L. Hymers, Jr. «រួចទ្រង់មានព្រះបន្ទូលថា មើល យើងឃើញ៤នាក់ ឥតជាប់ចំណងសោះ កំពុងដើរនៅកណ្តាលភ្លើង ឥតមានអ្វីសោះ ឯអ្នកទី៤ក៏មានភាពដូចជាកូនព្រះ»(ដានីយ៉ែល ៣:២៥)។ ១. ទីមួយ គ្រប់ទាំងបទគម្ពីរមានការបកស្រាយដ៏សំខាន់មួយ។ ដានីយ៉ែល ១:២០; ៣. ទីបី អត្ថបទគម្ពីរភាគច្រើនមានការសំដែងប្រាប់ពីពាក្យទំនាយមួយផងដែរ។ |