ဂေသရှေမာန်တွင်းက ဒုက္ခဝေဒနာ | The Sorrow of Gethsemane

ယေရှုသည် လက်ဝါးကပ်တိုင်ပေါ် အသေမခံမှီ ညတွင် သူသည် တပည့်တော်များကို ဂေသရှေမာန်ဥယျာဉ်တွင်းသို့ ခေါ်ဆောင်သွားခဲ့ပါသည်။ မှောင်မှိုက်ညအချိန်ဖြစ်သည်။ ယေရှု သည် တပည့်တော်ရှစ်ယောက်ကို ဥယျာဉ်အစွန်၌ ထားရစ်ခဲ့သည်။ သူသည် ဂေသရှေမာန် ဥယျာဉ်ထဲသို့ ပေတရုနှင့်ယာကုပ်တို့ကို ခေါ်ဆောင်သွားခဲ့သည်။ သူသည် “အလွန်နာကျင်ခံ စားလျက် ဆုတောင်းပဌနာပြုခဲ့သည်။” ( မာကု ၁၄း ၃၃ ) ယေရှုသည် တပည့်တော်သုံးဦးအား “ငါသည် အလွန်ပြင်းစွာသော ဝေဒနာကို ခံစားရသည်” ဟုဆိုခဲ့သည်။ ( မာကု ၁၄း ၃၄ ) သူ သည် ရှေ့သို့အနည်းငယ်သွားပြီး မြေပေါ်တွင်လဲ၍ ဆုတောင်းပဌနာပြုခဲ့ပါသည်။ သူသည် “ဖြစ်နိုင်ရင် လွန်စေတော်မူပါ” ဟု ဒုက္ခဝေဒနာခံစားလျက် ဆုတောင်းပဌနာပြုခဲ့ပါသည်။ ( မာကု ၁၄း ၃၅ ) ဂေသရှေမာန်ဥယျာဉ်အတွင်း၌ ဆုတောင်းသည့်အချိန်သည် တစ်နာရီခန့် ကြာမြင့်ခဲ့ပါသည်။ အကြောင်းမှာ ယေရှုသည် သူတို့အား အိပ်ပျော်နေသည်ကို မြင်သောအခါ “တနာရီပင် မစောင့်နိုင်ကြဘူးလား” ဟု မိန့်တော်မူခဲ့သည်။ ( မဿဲ ၂၆း ၄၀ )

ယေရှုအသက်တာ၌ ညအချိန်တွင် ဂေသရှေမာန်ဥယျာဉ်၌ အလွန်ဆိုးရွားသောအရာ ဖြစ်ပျက်ခဲ့သည်။ ယေရှုက “ငါသည် သေလုမတတ် နှလုံးခံစားရသည်” ( မဿဲ ၂၆း ၃၈ ) ဟု မိန့်တော်မူသည်။ ဂရိစကားလုံးတွင် “ပါရီလူပို့စ်” ဟု ခေါ်ပြီး “ဝမ်းနည်းကျေကွဲမှုနှင့်ထိပ်တိုက် ရင်ဆိုင်ရသည်” ဟု ဆိုလိုသည်။ သူသည် ဆာလံဆရာကြီးနှင့်အတူ “သေခြင်းကြိုးသည် ငါ့ ကိုဝိုင်း၍ မရဏာနိုင်ငံဘေးတို့သည် ငါ့ကို ဘမ်းမိသဖြင့်” ( ဆာလံ ၁၁၆း ၃ ) ဟု ပြောဆိုနိုင်ပါ သည်။ ဝမ်းနည်းခြင်းလှိုင်းတန်ပိုးသည် ခေါင်းအုံးအောက်၌ကျော်လွန်သွားသည်။ သူ့အပေါ်၊ သူ့အောက်၊ သူ့ပတ်လည်၊ သူ့အပြင်ဘက်နှင့်သူနှင့်အတူ ဝမ်းနည်းခြင်းများသည် လွှမ်းခြုံ လျက်ရှိပါသည်။ သေခြင်းအထိ လွှမ်းမိုးလျက်ရှိသည်။ ထိုသို့သော ဝမ်းနည်းခြင်းမျိုးက သူ့ကို သတ်လုမတတ်ဖြစ်ပါသည်။ နာကျင်ခြင်းဝေဒနာထဲက လွတ်မြောက်စရာလမ်းမရှိတော့ပါ။ ဤ ဝေဒနာထက် ဆိုးရွားသော ဝေဒနာမရှိတော့ပေ။ သူသည် ထိုပြင်းစွာသောဝေဒနာကြောင့် ညှစ်ထားခြင်းကိုခံရလျက်ရှိသည်။ “ပြင်းစွာသောဝေဒနာကိုခံလျက် ကြိုးစား၍ဆုတောင်းတော် မူ၏။ ချွေးထွက်တော်မူသည်ကား၊ မြေပေါ်၌ကျသော သွေးစက်ခဲကဲ့သို့ဖြစ်သတည်း။” ( လုကာ ၂၂း ၄၄ )

ယနေ့ညသန်းခေါင်၊ သံလွင်တောင် ညိုမည်းနေ
   ကြယ်များမှေးမှိန် နောက်၌ လင်းလက်လာ
ယနေ့ည ဥယျာဉ်တော်သည်လည်း၊
   ဒုက္ခခံကယ်တင်ရှင်တစ်ပါးတည်း ဆုတောင်းနေ

ယနေ့ညသန်းခေါင်၊ ဖယ်ရှားထားသောအရာများထဲမှ
   ကယ်တင်ရှင် ရုန်းကန်လှုပ်ရှားနေ ကြောက်ရွံ့မှုများနှင့်။
သူချစ်ရသော တပည့်တော်များပင်လျှင်
   သခင့်ဝမ်းနည်းမျက်ရည်များကို အမှုမထားနိုင်ကြ။
( “‘ယခုညသန်းခေါင်၊ သံလွင်တောင်ညိုမည်း” William B. Tappan, ၁၇၉၄-၁၈၄၉ )

သမ္မာကျမ်းစာက ယေရှုသည် “ဝမ်းနည်းကြေကွဲသောသူ၊ ပူဆွေးခြင်းနှင့်အကျွမ်းဝင် သောသူ” ဟု သမုတ်လေသည်။ ( ဟေရှာယ ၅၃း ၃ ) သို့ရာတွင် သူသည် အလွန်ဝမ်းနည်းပူ ဆွေးသောမျက်နှာအနေအထားဖြင့် အသက်ရှင်လျှောက်လှမ်းခြင်းမရှိပါ။ သူသည် ဝမ်းနည်းပူ ဆွေးခြင်းကို သိသည်။ သို့ရာတွင် ယေရှုသည် အချိန်အများစုတွင် ငြိမ်သက်ခြင်းကို ရရှိသည်၊ ပျော်ရွှင်စွာ အသက်ရှင်လျှောက်လှမ်းသည်။ သူသည် ဖာရိရှဲများ စောဒကတက်သည့် ပါတီ ပေါင်းများစွာကို တက်ရောက်ခဲ့သည်။ သူတို့က “သူသည် အခွန်ခံနှင့်အပြစ်သားများနှင့်အတူ စားသောက်သည်” ဟု ဆိုကြသည်။ ( မဿဲ ၁၁း ၁၉၊ စသဖြင့်၊ …၊ စသဖြင့်.. ) ဤအရာကို ကြည့်ခြင်းအားဖြင့် ခရစ်ယာန်တို့သည် များသောအားဖြင့် ပျော်ရွှင်သောသူဖြစ်သင့်ကြပါ သည်။ တခါတရံ စိတ်ဖိစီးမှုကြား၌ အသက်ရှင်နိုင်ကြသည်။ သို့ရာတွင် ယေရှုသည် သေခြင်း ကို အောင်မြင်ကြောင်းသတိရလာသောအခါ ငြိမ်သက်ခြင်းကို ခံစားရရှိနိုင်ပါသည်။

သို့သော် ဂေသရှေမာန်ဥယျာဉ်၌ အရာအားလုံးပြောင်းလဲသွားခဲ့ပြီ။ သူရရှိသော ငြိမ် သက်ခြင်းလည်း ကုန်ဆုံးပြီ။ ဝမ်းမြောက်ခြင်းသည် ဝမ်းနည်းပူဆွေးခြင်းအဖြစ်သို့ ပြောင်းလဲ သွားခဲ့သည်။ ဂရိစကားဖြင့် “ပါရီလူပို့စ်” ဟူသော ဝမ်းနည်းခြင်း၊ သေခြင်းတို့က ဝန်းရံထားပါ သည်။ ဤအရာတို့သည် အပြစ်ကိုသိမြင်သောအခါ ကြုံတွေ့ရသော အချို့အချို့သော ဝမ်း နည်းပူဆွေးခြင်းပုံဆောင်ချက်များဖြစ်ကြပါသည်။

ယေရှုသည် သူ့ဘဝအသက်တာတစ်လျှောက်လုံးတွင် ဝမ်းနည်းပူဆွေးခြင်း သို့မ ဟုတ် ဖိအားများအကြောင်းကို ပြောခဲသည်။ သို့သော် ထိုဥယျာဉ်၌ အားလုံး ပြောင်းလဲသွားပါ သည်။ သူသည် ဘုရားသခင်ထံ၌ “ဖြစ်နိုင်လျှင် ဤခွက်ကို အကျွန်ုပ်ထံမှ လွန်စေတော်မူပါ” ဟု ဆုတောင်းခဲ့သည်။ ( မဿဲ ၂၆း ၃၉ ) သူသည် အရင်က စောဒက တက်လေ့မရှိပါ။ သို့ သော် “ယခုတွင် သူသည် ပို၍ ရိုးသားစွာ ဆုတောင်းခဲ့သည်။ ချွေးစကများသည် မြေပေါ်တွင် ကျသော သွေးစက်များကဲ့သို့ဖြစ်ပါသည်။” ( လုကာ ၂၂း ၄၄ ) အဘယ့်ကြောင့်နည်း။ အဘယ့် ကြောင့်နည်း။ ယေရှု၊ သင့်ဝေဒနာကို မည်သည့်အရာက ဖြစ်စေသနည်း။

ဒေါက်တာ John Gill က စာတန်သည် ဥယျာဉ်အတွင်းသို့ ရောက်လာသောကြောင့် ဖြစ်သည်ဟုဆိုသည်။ ကျွန်တော်တို့၏အချိန်ကာလ၌ Mel Gibson က “ခရစ်တော်၏ဒုက္ခဝေဒ နာခံစားခြင်း” ဇာတ်ကားတွင် စာတန်သည် မြွေပုံဆောင်ကာ ဥယျာဉ်အတွင်းသို့ ဝင်ရောက် လာခဲ့ပြီး အမှောင်ထုထဲတွင် ယေရှုကို ဒုက္ခပေးရန် လာကြောင်း သရုပ်ဖော်ထားပါသည်။ သို့ ရာတွင် ဒေါက်တာ Gill နှင့် Mel Gibson တို့သည် ဤအချက်တွင် အမှားပြုကြပါသည်။ စာတန်သည် ဂေသရှေမာန်ဥယျာဉ်၌ ရှိသည်မဟုတ်။ ထိုအကြောင်းကို သမ္မာကျမ်းစာ၌ ဖော် ပြထားခြင်းလုံးဝမရှိပါ။ လူအချို့က ရှင်လုကာ ၂၂း ၅၃ ကို ကိုးကားကြသည်။ ယေရှုကို ဖမ်း ရန် ဥယျာဉ်အတွင်းသို့ရောက်လာသော စစ်သားများကို ယေရှုက စကားမြွတ်ဆိုသောအခါ “ယခုချိန်သည် သင်တို့အချိန်နာရီဖြစ်သည်၊ မှောင်မိုက်တန်ခိုးလည်းဖြစ်ပါသည်” ဟုဆိုသည်။ ( လုကာ ၂၂း ၅၃ ) သူတို့သည် ဤအရာသည် စာတန်ကို ရည်ညွှန်းထားခြင်းဖြစ်သည်ဟု ဆို သောအခါ မှန်ကန်သောအရာကို ဆိုကြသည်။ သို့သော် ယေရှုသည် ဤစကားများကို ဂေသရှေမာန်ဥယျာဉ်အတွင်း၌ ချွေးစက်များ သွေးစက်သဖွယ်ကျသည့်တိုင်အောင် ဆု တောင်းပဌနာပြုပြီးနောက် သူ့အားဖမ်းဆီးရန် လာသော စစ်သားများအား မိန့်ဆိုသောစကား ဖြစ်ပါသည်။ ဥယျာဉ်အတွင်း၌ ကြုံတွေ့ရတတ်သော ဒုက္ခဝေဒနာခံရပြီးနောက်တွင် ယေရှုက စစ်သားများအား “ယခုအချိန်သည် သင်တို့၏အချိန်နာရီဖြစ်ပါသည်။ ( ဂေသရှေမာန်ဥယျာဉ်၌ မဟုတ် ) မှောင်မိုက်တန်ခိုးအချိန်နာရီလည်းဖြစ်ပါသည်” ဟုဆိုပါသည်။ ထို့ကြောင့် စာတန် သည် ဥယျာဉ်အတွင်း၌ ခရစ်တော်ဒုက္ခဝေဒနာခံစားရပြီးနောက်တွင် ရောက်လာခဲ့သည်။ ယုဒ သည် ရက်အနည်းငယ်စော၍ နတ်ဆိုးစွဲ(စာတန်ဝင်ပူးသည်)ပါသည်။ ရှင်လုကာ ၂၂း ၃ တွင် ဆိုထားသည်မှာ “စာတန်သည် ယုဒအထဲသို့ဝင်၍ ဟူ၍ဖြစ်သည်။ စာတန်သည် ခရစ်တော် ဒုက္ခဝေဒနာခံရပြီးနောက်၊ ယုဒအထဲ၌ ရောက်ပြီးနောက် ယေရှုကို ဖမ်းရန် စစ်သားများကို သွေးဆောင်ပြီး ယေရှုအား ရှက်စရာကောင်းအောင် ဆက်ဆံပြီးနောက်တွင် စာတန်သည် ဥယျာဉ်အတွင်းသို့ ဝင်ရောက်လာခဲ့ပါသည်။

သို့ဖြစ်၍ ယေရှုသည် ဒုက္ခဝေဒနာလွန်မြောက်စေရန် ဆုတောင်းပဌနာပြုပြီးနောက် တွင် ချွေးစက်များ သွေးစက်ကဲ့သို့ကျသည့်တိုင်အောင် ဒုက္ခဝေဒနာခံစားနေရသည့်အကြောင်း ရင်းကို ယခုအထိ အံ့ဩမဆုံးသေးပေ။ ကျွန်တော်တို့၏ အခြေပြုကျမ်းတွင် အဖြေရှိသည်ဟု ထင်ပါသည်။ ဥယျာဉ်အတွင်း၌ ယေရှုသည် “အိုအဘ၊ ဖြစ်နိုင်လျှင် ဤခွက်ကို လွန်စေတော်မူ ပါ ဟုဆိုလျက် ဆုတောင်းသည်။” ( မဿဲ ၂၆း ၃၉ ) မည်သို့သော “ခွက်” မျိုးဖြစ်သနည်း။ ထိုခွက်သည် နောက်နေ့၌ လက်ဝါးကပ်တိုင်ပေါ်တွင်ခံစားမည့် ဝေဒနာဖြစ်နေမည်ဆိုလျှင်၊ ဆု တောင်းခြင်းအဖြေရမည်မဟုတ်။ “ခွက်” ဟူသည် စာတန်လက်ထဲမှ ထိုညတွင် ကယ်တင်ရန် ဖြစ်မည်ဆိုလျှင် ဆုတောင်းခြင်းအဖြေရမည်မဟုတ်။ အကြောင်းမှာ နတ်ဆိုးစွဲသောလူတို့ သည် သူ့အား လက်ဝါးကပ်တိုင်ပေါ် အသေသတ်ရန် ပြင်ဆင်ကြပြီးဖြစ်သည်။ ကျွန်တော်တို့ ၏အခြေပြုကျမ်း ဟေဗြဲ ၅း ၇ က အဖြေပေးထားပါသည်။ အားလုံးမတ်တပ်ရပ်ပြီး ကျယ်ကျယ် လောင်လောင်ဖတ်ကြပါစို့။

“ထိုခရစ်တော်သည် လူ့ဇာတိအဖြစ်၌နေစဉ်ကာလ၊ သေခြင်းမှ ကယ်လွှတ်နိုင်တော်မူသော သူကို၊ ကြီးစွာသောကြွေးကြော် ခြင်း၊ မျက်ရည်ကျခြင်းနှင့်ဆုတောင်းပဌနာပြုသဖြင့်၊ ကြောက် ရွံ့ရာအမှု၌ ချမ်းသာရသည်ဖြစ်၍၊ ဘုရားသခင်၏သားတော် မှန်သော်လည်း ဆင်းရဲဒုက္ခကိုခံသောအားဖြင့် နားထောင် ခြင်းအကျိုးအကြောင်းကို သင်တော်မူ၏။” ( ဟေဗြဲ ၅း ၇ )

အားလုံးထိုင်နိုင်ပါသည်။ ယခုတွင် ယေရှုသည် “ဇာတိခန္ဒာနှင့်အသက်ရှင်သောနေ့ရက်” အ ကြောင်း ဆုတောင်းခဲ့ကြောင်း သွန်သင်ပါသည်။ ဆိုလိုသည်မှာ သူသည် မြေကြီးပေါ်၌ အသက်ရှင်သည့် အချိန်ကာလကို ဆိုလိုသည်။ ထို့ဖြစ်၍ ဤသို့သောဆုတောင်းချက်မျိုးကို လက်ဝါးကပ်တိုင်ပေါ်မရောက်ခင်အချိန်၌ ဆုတောင်းခဲ့ပါသည်။ ဤကျမ်းပိုဒ်က ဆုတောင်း ခြင်းအဖြေကို ရသဖြင့် ဂေသရှေမာန်ဥယျာဉ်၌ ကြုံတွေ့မည့်သေခြင်းမှ ဘုရားသခင်က ကယ် တင်တော်မူခဲ့သည်။ နာမည်ကြီး ဓမ္မပညာရှင် ဒေါက်တာ J. Oliver Buswell က ဤအ ကြောင်းကို ဤသို့ဆိုပါသည်။

လုကာက ဂေသရှေမာန်ဥယျာဉ်အကြောင်းကို လေ့လာသောအခါ အလွန်ပင် ရှုပ်ထွေးနက်နဲသည်။ ရုတ်တရက်ဖြစ်ပျက်လာသော အရာသည် သေခြင်းနှင့်အသက်အန္တရယ်ကြုံရသည့် အခိုက်အ တန့်ပင်ဖြစ်ပါသည်။ သခင်ယေရှုခရစ်သည် ကိုယ်ကာယ၌ ၎င်းတို့ အခြေအနေမှာ တုန်လှုပ်ဖွယ်ဖြစ်ပါသည်။ ဥယျာဉ်အတွင်း၌ ကြုံရ သောသေခြင်းကို လွတ်မြောက်ခြင်းအတွက် ဆုတောင်းပဌာနာပြု ပါသည်။ သို့မှသာ လက်ဝါးကပ်တိုင်မှာ ပြုမည့် ရည်ရွယ်ချက်ကို စုံ လင်စေမည်ဖြစ်ပါသည်။ (J. Oliver Buswell, Ph.D., Systematic Theology of the Christian Religion, Zondervan Publishing House, ၁၉၇၁၊ အပိုင်း ၃၊ စာ- ၆၂ )

ဒေါက်တာ John R. Rice ကလည်း တူညီသောအရာကို ဆိုပါသည်။

ယေရှုသည် “သေသည့်တိုင်အောင် ဝမ်းနည်းပူဆွေးလျက်ရှိပါ သည်။ လေးသောဝန်ကို ထမ်းနေရပါသည်။ ဆိုလိုသည်မှာ သေလုမတတ်သော ဝေဒနာပင်ဖြစ်ပါသည်။ ယေရှုသည် သေခြင်း ခွက်ကို ၎င်းထံမှ လွန်သွားစေရန် ထိုညတွင် ဆုတောင်းပဌနာပြုခဲ့ ပါသည်။ သို့မှာသာ ကားတိုင်ပေါ်အသေခံရန် အသက်ရှင်နိုင်မည် ဖြစ်ပါသည်။ (John R. Rice, D.D., The Gospel According to Matthew, Sword of the Lord, ၁၉၈၀၊ စာ-၄၄၁ )

ဤအနက်ဖွင့်ဆိုချက်သည် ဟေဗြဲ ၅း ၇ နှင့်ကိုက်ညီမှုရှိသည်။ လုံးဝလိုက်လျောညီထွေမှုရှိသည့် တစ်ခုတည်းသောအနက်ဖွင့် ခြင်းဟုပင် မှတ်ယူလိုပါသည်။ ( ၎င်း )

ယေရှုသည် “သေခြင်းမှ ကယ်လွှတ်နိုင်တော်မူသော သူကို၊ ကြီးစွာသောကြွေးကြော်ခြင်း၊ မျက်ရည်ကျခြင်းနှင့် ဆုတောင်းပဌနာ ပြုသဖြင့်၊ ကြောက်ရွံ့ရာအမှု၌ ချမ်းသာရသည်ဖြစ်၍” ( ဟေဗြဲ ၅း ၇ ) ဟု ရှင်းရှင်းလင်းလင်းဖော်ပြထားပါသည်။ ဂေသရှေမာန်ဥယျာဉ်၌ သေအံ့ဆဲဆဲအချိန်တွင် ယေရှုသည် ထိုည၌ သေခြင်းခွက်ကို လွန် လျှင်လွန်ပါစေဟုဆုတောင်းသည်။ အကြောင်းမှာ သူသည် နောက် နေ့၌ လက်ဝါးကပ်တိုင်ပေါ်အသေခံရန်အတွက် အသက်ရှင်နိုင်ရန် ဖြစ်ပါသည်။ သမ္မာကျမ်းစာက “နားညောင်းတော်မူသည်” ဟုဆိုပါ သည်။ ဘုရားသခင်သည် သူ့ဆုတောင်းသံကို နားညောင်းပေးပါ သည်။ ( ၎င်း )

ဒုက္ခခံဘုရားသခင်တော်ကို ကြည့်ရှုလော့၊
ချွေးစက်များ၊ သွေးစက်ကဲ့သို့ စီးကျလာ။
မဆုံးနိုင်သောသခင့်ကျေးဇူးတော်၊
ယေရှု၊ သင့်ကို အလွန်ချစ်ပေသည်။
( “သင်မသိသော ဒုက္ခဝေဒနာများ” Joseph Hart, ၁၇၁၂-၁၇၆၈ )

ယေရှုသည် ထိုညတွင် အဘယ့်ကြောင့် ထိုမျှလောက်ဝေဒနာခံစားခဲ့ရသနည်း။ ဂေသရှေမာန်ဥယျာဉ်၌ ယေရှု၌ဖြစ်ပျက်ခဲ့သောအရာများမှာ ဤအရာများဖြစ်မည်ဟု ယုံကြည် ပါသည်။ အောက်ပါအတိုင်းဖြစ်ပါသည်။

“သခင်ဘုရားသည် ငါတို့အပြစ်ရှိသမျှတို့ကို မိမိအပေါ်သို့ တင် တော်မူသည်။” ( ဟေရှာယ ၅၃း ၆ )

“ထိုသူသည် အနာရောဂါဝေဒနာများကို ယူတင်ဆောင်ရွက်လေ သည်။” ( ဟေရှာယ ၅၃း ၄ )

မည်သည့်အချိန်၌ အပြစ်များကို သယ်ဆောင်သနည်း။ ဂေသရှေမာန်ဥယျာဉ်၌ သယ်ဆောင်ပါ သည်။ နောက်နေ့နံနက်တွင် ကားတိုင်တော်ဆီသို့ သယ်ဆောင်သွားပါသည်။

“ငါတို့အပြစ်များကို ကိုယ်တော်တိုင် သစ်တိုင်မှာ ခံတော်မူပြီ။” ( ၁ ပေတရု ၂း ၂၄ )

ထိုညမတိုင်မှီ ဂေသရှေမာန်ဥယျာဉ်တွင် “သူ့ကိုယ်ပေါ်၌” ကျွန်ုပ်တို့အပြစ်များကို ချထား` သည်။ သူသည် ဂေသရှေမာန်မှ ကားတိုင်ဆီသို့ အပြစ်များကို သယ်ဆောင်သည်။ ဘုရားသ ခင်၏အမျက်တော်ကို ငြိမ်းစေသည်။ သူသည် ၎င်းကို ခံယူသည်။

အမှောင် ဂေသရှေမာန်၌ ကယ်တင်ရှင်တစ်ပါးတည်းဆုတောင်းခဲ့၊
ခါးသက်သောခွက်ကို သောက်သုံး၊ ကျွန်ုပ်အတွက် ဒုက္ခခံ။
သူတစ်ပါးတည်း၊ တစ်ပါးတည် အလုံးစုံကို ပေးဆပ်ထမ်းရွက်၊
မိမိလူတို့ကို ကယ်တင်ရန် အသက်ကိုပေး၊
ဒုက္ခခံ၊ အသွေးသွန်၊ပြီးအသေခံ၊ တစ်ပါးတည်း၊ တစ်ပါးတည်းသာ
( “တစ်ပါးတည်း” Ben H. Price, ၁၉၁၄ )

ဒေါက်တာ John Gill ( ၁၆၉၇-၁၇၇၁ ) က မှန်မှန်ကန်ကန်ဆိုလိုက်သည်။

ယခုတွင် သူသည် နင်းခြေခြင်းကို ခံရသည်။ ခမည်းတော် ဝမ်းနည်းကြေကွဲခြင်းကိုဖြစ်စေသည်။ သူ၏ဝမ်းနည်းခြင်းအစပြု လာပြီ။ အကြောင်းမှာ ထိုနေရာတွင် အဆုံးသတ်ထားခြင်းမရှိသေး ပေ။ လက်ဝါးကပ်တိုင်ပေါ်တွင်သာ အဆုံးသတ်မည်ဖြစ်ပါသည်။ အလွန်လေးသောဝန်ဖြစ်သည်။ လူတို့အပြစ်ဝန်ကို ထမ်းနေရပါ သည်။ ဘုရားသခင်၏အမျက်တော်ကို ခံရသည်။ ထိုအရာက သူ့ ကို ဖိနှိပ်နေသဖြင့် သူ၏စိတ်ဝိညာဉ်သည် ကြွေလွတ်သွားလုပြီ။ သူသည် ဒုက္ခဆင်းရဲကိုခံပြီး အသေခံဖို့ အဆင်သင့်ဖြစ်ပါသည်။ သူ့စိတ်နှလုံးသည် ကျဆုံးလျက်ရှိသည်။ စိတ်ဝိညာဉ်သည် ပတ် ဝန်းကျင်ရှိလူတို့အပြစ်ကြောင့် ဝမ်းနည်းကြေကွဲသည်။ ထိုအပြစ် ကြောင့် အသေခံရသည်။ သူသည် ဘေးကြပ်နံကြပ်ဖြစ်နေသည်။ သေခြင်းနှင့်ငရဲက သူ့ကို ဝန်းရံထားနေသည်။ သူ့ကို နှိမ့်သိမ့် မည့်အရာ တစိုးတစိမျှမရှိ။ သို့ဖြစ်၍ သူစိတ်ဝိညာဉ်သည် ဝမ်း နည်းကြေကွဲနေပါသည်။ နှလုံးကြေကွဲဝမ်းနည်းသည်။ သေခြင်း တိုင်အောင်ပို့ဆောင်နေသည်။ သူ၏ဝမ်းနည်းခြင်းက ခန္ဒာဝိညာဉ် သီးခြားဖြစ်သည်အထိ သူ့ကို ဘေး ထုတ်ထားလိုက်သည်။ (John Gill, D.D., An Exposition of the New Testament, The Baptist Standard Bearer, အတွဲ ၁၊ စာ- ၃၃၄ )

ထို့ကြောင့်၊ ဘုရားသခင်၏အမျက်တော်၊ အပြစ်အတွက်စီရင်ခြင်း၊ ငရဲထဲက ထာဝရ ပြစ်ဒဏ်ထဲက ကယ်တင်ဖို့ရန် ယေရှုလုပ်ဆောင်ပေးထားသည့်အရာအကြောင်းကို ကျွန်တော် တို့ လေ့လာသင်ယူကြရပါသည်။ သူသည် ကျွန်တော်တို့ကိုယ်စား အသေခံခဲ့ခြင်းဖြစ်ပါသည်။ သူ၏ တူမတူသောဝေဒနာခံစားရခြင်းသည် ဂေသရှေမာန်ဥယျာဉ်အတွင်း၌စတင်ခဲ့ပြီး ထိုအ ရပ်တွင် သင့်အပြစ်အလုံးစုံကို ရယူပြီး နောက်နေ့နံနက်တွင် လက်ဝါးကပ်တိုင်ပေါ်သို့ ယူ ဆောင်သွားခဲ့ပါသည်။

ချစ်သောမိတ်ဆွေ၊ ကျွန်တော်တို့သည် ထမြောက်ရာတနင်္ဂနွေနေ့သို့ ရောက်ရှိဖို့အ ချိန် နီးကပ်လာသည်။ သို့သော် သေခြင်းမှ ယေရှု၏ထမြောက်ခြင်းက သင့်ကို အပြစ်နှင့်ကျိန် ခြင်းမှ ရွေးနှုတ်ကယ်တင်ရန် ဂေသရှေမာန်ဥယျာဉ်တွင်အစပြုပြီး လက်ဝါးကပ်တိုင်တွင် ဒုက္ခ ဝေဒနာခံစားခဲ့ရကြောင်းကို သတိပြုခြင်းမရှိလျှင် အကျိုးမထူးပါ။ ယေရှုသည် သင့်ကိုယ်စား အသေခံသောသူဖြစ်ရန် သင်သည် မည်သည့်အရာကို လုပ်ဆောင်သနည်း။ သင်သည် ယေရှု ၏ခြေတော်ရင်းသို့ ပြပ်ဝပ်လျက် ယုံကြည်ကိုးစားရပါမည်။

အံ့ဩစရာကားတိုင်အကြောင်း အကျဉ်းချုံးဖော်ပြလျှင်
   ဘုန်းတန်ခိုးရှင်အသေခံရရှာသည်။
ကြွယ်၀ခြင်းကိုရေတွက်ပြန်သော်လည်း ဆုံးရှုံး
   ကျွန်ုပ်၏မာန်မာနအလုံးစုံတို့သည် မထီလေးစားခံရ၏။

ကျွန်ုပ်၏ဝါးကြွားမှုများကို တားမြစ်တော်မူပါ၊
   ခရစ်တော်၏သေခြင်းမှ ကယ်တင်သော ကျွန်ုပ်ဘုရား၊
ကျွန်ုပ်အားချည်နှောင်သော ဘာမဟုတ်သည့်အရာများ
   အရာအားလုံးကို အသွေးတော်ဖြင့် ဆေးကြောပူဇော်ပါ၏။

ဦးခေါင်း၊ လက်ဖဝါး၊ ခြေဖဝါးတို့ကို ရှုမြင်သောအခါ၊
   ဝမ်းနည်းခြင်းနှင့်ချစ်ခြင်းမေတ္တာအကြောင်း စီးဆင်းလာ
ထိုသို့သောဝမ်းနည်းခြင်းမေတ္တာအကြောင်းတွေ့ဆုံဖူးလား
   သို့မဟုတ် ဆူးသရဖူကို ဆောင်းစေခဲ့သည်။

သဘာဝစိတ်နှလုံးတစ်ခုလုံးကို
   အလွန်ပင် သေးငယ်သောလက်ဆောင်မွန်များ
အံ့ဩဘွယ်ရာချစ်မေတ္တာ၊ ဘုရားသခင်ထံက လာ၏။
   ကျွန်ုပ်စိတ်နှလုံး၊ အသက်တာ၊ ရှိသမျှအားလုံးကို တောင်းဆိုပါ၏။
( “အံ့ဩစရာကားတိုင်အကြောင်း အကျဉ်းချုံးဖော်ပြလျှင်” Isaac Watts, D.D., ၁၆၇၄-၁၇၄၈ )

ယနေ့တွင် ယေရှုကို ကိုးစားပါ။ သင့်အပြစ်အတွက် ဒုက္ခဝေဒနာများစွာကို ယေရှုခံစား ခဲ့ပြီးဖြစ်ပါသည်။ သင့်ကိုယ်စား လက်ဝါးကပ်တိုင်ပေါ်တွင် အသေခံသည်။ အသွေးတော်သည် သင့်အပြစ်ကို ယုံကြည်ကိုးစားသည်နှင့်ချက်ခြင်း ဆေးကြောပေးပါသည်။

သင်သည် ဒေါက်တာ HYMERS ကို စာရေးသားပေးပို့လျှင် မည်သည့်နိူင်ငံကနေ ရေး သားပေးပို့သည်ကို ပြောပြရမည်။ သို့မဟုတ်လျှင် သင့်အား အဖြေပေးနိူင်မည်မဟုတ် ပါ။ ဤတရားဒေသနာက သင့်အား ကောင်းကြီးပေးလျှင် ဒေါက်တာ Hymers ထံ အီးလ်မေးလ်ပေးပို့ပြီး ပြောပြပါ။ သို့သော် သင်၏နေထိုင်ရာနိူင်ငံကို ထည့်သွင်းရေး သားဖို့ မမေ့ပါနှင့်။ ဒေါက်တာ Hymers ၏ အီးလ်မေးလ်လိပ်စာမှာ rlhymersjr@sbcglobal.net (ဤနေရာတွင် နှိပ်ပါ။ ) ဖြစ်သည်။ ဒေါက်တာ Hymers အား မည်သည့်ဘာသာဖြင့်မဆို စာရေးသားနိူင်သည်။ သို့သော် အင်္ဂလိပ် ဖြင့်ရေးနိူင်လျှင် ပိုကောင်းသည်။ စာတိုက်ဖြင့် ရေးသားပေးပို့လိုလျှင် သူ၏လိပ်စာမှာ စာတိုက်သေတ္တာအမှတ် ၁၅၃၀၈၊ လောစ်အိန်ဂျယ်လ်၊ စီအေ၊ ၉၀၀၁၅ ဖြစ်သည်။ ဖုန်းဆက်ပြီး စကားပြောလိုလျှင် (၈၁၈) ၃၅၂-၀၄၅၂ ဖြစ်သည်။

(တရားဒသေနာနိဂုံး)
သငျသညျ ဒေါကျတာ Hymer ၏တရားဒသေနာကို အငျတာနကျပေါ်တှငျ
www.sermonsfortheworld.com ဖွင့်
အပတျတိုငျးကွည့်ရှုနိူငျသညျ။ "တရားဒသေနာစာမူ"ကိုနှိပျပါ။

ဤတရားဒသေနာစာမူများသညျ မူပိုငျမဟုတျပါ။ ဒေါကျတာ Dr. Hymers ၏ခှင့်ပွုခကျြမလိုဘဲ စာအားဖှငျ့လညျး အသုံးပွုနိူငျပါသညျ။ သို့ရာတှငျ ဒေါကျတာ Dr. Hymers ၏ ဗှီဒီယိုတရားဟောခကျြ
များကိုမူ ခှင့်ပွုခကျြဖွင့်သာ အသုံးပွုနိူငျသညျ။

တရားဒေသနာမတိုင်မှီ ဂုဏ်တော် ချီးမွမ်းခြင်းရှိပါသည်။
“ဤည၊ သံလွင်ညိုမဲသောည” (William B. Tappan, ၁၇၉၄-၁၈၄၉ ရေးစပ်သည်။ )